talafou i vaifanua o le liahona
Transcript
talafou i vaifanua o le liahona
TALAFOU I VAIFANUA O LE LIAHONA SAVAL I A TA I TA I Fatuina o se Aiga o le Liua Saunia e Rosemary M. Wixom Peresitene Aoao o le Peraimeri U so e ma tuagane, ou te fiafia i le Eria o le Pasefika ma ou te alofa ia te outou! Pe a ma le 15 masina ua mavae sa ou asiasi ai i le Eria o le Pasefika ma Sister Linda K. Burton mai le Aualofa. O se aafiaga ofoofogia. Ina ua ma taunuu atu i Niu Sila, sa ave i maua e le Peresitene o le Eria ma lona faletua ma ui atu i le aai o Aukilani. Ou te manatuaina pea faamatalaga auiliili e uiga i lena tietiega. Sa ou matauina ia paina Norfolk, ma mamoe o loo faatataa i paka o le aai. Sa matou tietie atu i mea maualuluga ina ia mafai ai ona matou matamata i vaaiga o i lalo ifo. Sa ofoofogia. E matagofie Niu Sila, ma e tutusa lelei lava le talimalo o tagata ma le matagofie o le laueleele. A o i ai i Aukilani, sa matou asiasi i le Falemai o Tamaiti o le Starship, lea sa ou feiloai ai ia Tristan e 11 tausaga, sa faatalitali mo lona taotoga o le fatu. A o ou savali atu i totonu o lona potu sa ou matauina ona mata lapopoa susulu lanuenaena. Sa ou fia fusiina o ia, ae ona o le [tausisia o le] mama o lona siosiomaga, sa le mafai ai ona ou pai atu ia te ia; sa na o se tulaga mamao na mafai ona ou tu ai ma talanoa atu ia te ia. Sa nofo lona tama i se nofoa e lata i lona moega, ma i luga o le moega sa ou iloa atu ai se Tusi a Mamona. O Tristan o se alii talavou lototoa. Sa ou fesili ia te ia, “O fea e te maua mai ai le lototoa mo lou taotoga o loo loma?” Sa lei minoi o ia, ona fai mai lea ma ona loimata, “E aluese atu le fefe pe a ma faitaua faatasi ma lo’u tama ia tusitusiga paia.” O le faataitaiga a Tristan i lena aso na aoao ai au i le taua o le fefaasoaai e matua ma fanau o lo latou faatuatua mama a’ia’i i le Faaola o Iesu Keriso, ma le faatauaina sili o le faitauina faatasi o tusitusiga paia. Ua i ai i fanau le tomai faanatura e talitonu ai ma iloa Iesu Keriso. Na fetalai mai Iesu ia i tatou o le a tatou lelei pe a tatou liua ma lotomaualalo e pei o i latou. E na o le faalogo lava o se tasi i se tamaitiiti o tatalo e faamaonia ai lena upumoni. E ese le matagofie o le molimauina o le natura masani o se tamaitiiti e nofouta ai i mea faaleagaga. A o tatou vaaia le tuputupu ae o le fanau tatou te mananao ia faasaoina lena faatuatua ia Iesu Keriso. Tatou te mananao ia i latou ia tumau e pei lava ona i ai lo latou liua ma le lotomaulalo a o latou laiti, o lea tatou te taulai atu ai i lo latou fatu faaleagaga. Ua tau mai e Alema ia i tatou, “Aoao le poto i lou talavou . . . e tausi i poloaiga a le Atua.”1 Tatou te faatuatuaina ia upu a le Faataoto 22:6, lea e faitauina faapea, “Aoao ia i le tama e tusa ma lona ala; a oo ina toeaina lava o ia, e le tea ese ai.” Na saunoa Elder Neil L. Anderson, “Ia tapiliina le mumu o o latou fatu faaleagaga ua susulu mai i le afi o lo latou faatuatua i le muai olaga.”2 O loo uunaia i tatou e Elder Andersen ina ia fesoasoani i le fanau ia tumau i le liua i o latou vaitausaga talavou ma i tulaga matutua, e ala i le fesoasoani ia i latou ia manatua mea sa latou muai iloaina ae latou te lei o Sister Rosemary M. Wixom M a t i 2 0 1 5 T1 mai i lenei lalolagi. E manaomia i tatou uma—o matua, matua matutua, uso ma tuagane o matua, tausoga, tuaoi, ma taitai o le Peraimeri—na ia uunaia le fanau o siomiaina i tatou. Aua nei manatu mama i ou aafiaga o i ai i olaga o le fanau ma talavou o loo e silafiaina, ma aua nei manatu mama i o latou aafiaga o i ai ia te outou. O le faalogo e tutusa lava le taua ma le faamatala—ma o nisi taimi e sili atu. O lo latou liua patino i le Faaola ua faamalosia ai lo tatou liua. Sei ou faasoa atu ni auala se tolu e mafai ai ona tatou fesoasoani uma ia tatou fanau i le faasaoina o lo latou faatuatua ia Iesu Keriso. Muamua, talanoa soo e uiga ia Iesu Keriso. Na saunoa mai Elder Neil L. Andersen ia i tatou uma ina ua ia faapea mai, “Mo tama ma tina, tamamatutua ma tinamatutua, ma i latou e leai ni a latou lava fanau . . ., o lau fautuaga o le talanoa soo e uiga ia Iesu Keriso. O Lona suafa paia o loo i ai le mana faaleagaga maoae.” Sa saunoa o Ia, “Mo tina o loo tausia a latou fanau e aunoa ma se tamā i le aiga, ou te folafola atu, a outou tautalatala e uiga ia Iesu Keriso, o le a outou lagonaina le mana o le lagi o faamanuiaina outou.”3 O faapefea ona tatou faia? E mafai ona tatou faasino soo ia Iesu Keriso a o tatou talanoa i a tatou fanau. E mafai ona tatou faasoa atu i a tatou fanau le auala tatou te fia iloa lelei atili ai lo T2 O L e L i a h o n a tatou Faaola o sa tatou uo patino ma pe faapefea ona tatou liliu atu ia te Ia pe a tatou lotovaivai pe fefefe. Tamaiti, sa i ai ea se mea sa outou fefefe ai? Tou te fefefe ea i le pogisa i totonu o outou potu i le po? Ou te iloa se tamaitiiti sa ia te ia lena fefe. Na te taoto ae le moe i le po, e fefe tele e minoi i lona moega. I se tasi aso i le Peraimeri sa ia maua ai se tamai ata o Iesu. Sa i ai sona manatu. Sa tonu ia te ia e faapipii le ata o Iesu i se moli e palaka i le puipui o lona potu. A ala o ia i le po, e fefe i le pogisa, na te tilotilo vave i lalo i le moli ma vaai i le ata o Iesu o loo atagia mai i le malamalama. O le tilotilo atu i lena ata o Iesu na ia maua ai le filemu sa ia manaomia ina ia mafai ai ona ia moe. Ou te iloa foi se matua sa aoaoina lona atalii e lua tausaga i upu o se pese ina ia fesoasoani ia te ia e taulimaina lona fefe i le po. Sa aoao e lenei tama lona atalii e usu lemu ia upu, “Iesu, ia e faatasi mai; ua oo mai le po.” E auala mai ia tatou tatalo faaleaiga ma a tatou lava tatalo faaletagata ua mafai ai ona tatou iloa lo tatou Faaola, o Iesu Keriso. E mafai ona tatou liliu atu ia te Ia ma manaoga uma. A tatou tootutuli ma o tatou aiga i le tatalo e mafai ona tatou tausoaina faatasi ia atugaluga o tagata taitasi o le aiga, faatuatua o loo Ia faafofoga mai ma o le a Ia taialaina i tatou i o tatou tofotofoga. E mafai ona tatou faamatala ia tatou fanau ia tala ia Iesu ma faataoto sa Ia aoao mai. Afai latou te feagai ma se filifiliga e faia e mafai ona tatou fesili atu, “O le a se mea e te manatu o le a faia e Iesu?” I le 2 Nifae tatou te faitauina, “Ua matou tautalatala e uiga ia Keriso, ua matou olioli ia Keriso, ua matou talai atu Keriso, ua matou vavalo e uiga ia Keriso, ma ua matou tusitusi foi e tusa ma a matou valoaga, ina ia mafai ona iloa e a matou fanau po o le a le puna e mafai ona latou tepa taulai i ai mo se faamagaloga o a latou agasala.”4 O lo tatou talanoa soo ia Keriso, ma le toafilemu ma le migao, e ono tāmau ai i totonu o o tatou fanau se liua tele i lo tatou Faaola—lea o le a tumau i le aluga o tausaga. E le o tuai lava ona amata ona talanoa ia Iesu Keriso i o tatou aiga. Lua, tatou te faitauina ia tusitusiga paia ma o tatou aiga. Na fatuina e le aiga o Tristan se mamanu o le faitauina o tusitusiga paia lea na faamanuiaina ai Tristan i ona taimi o manaoga faapitoa. Sa fai mai se tasi o tina e toafa le fanau talavou, “Na matou amata faitauina ia tusitusiga paia a o pepe le ma fanau. Ma te faitauina leotele mai le Tusi a Mamona ni mau se lua i po taitasi ae matou te lei tootutuli i lalo mo le tatalo faaleaiga. Ina ua lava le matutua o tamaiti taitasi e tautatala ai, ma te fai i ai e toe fai mai upu po o fuaitau o mau e lua i po taitasi. Ina ua mafai e tamaiti taitasi ona faitau, ma te fai i lena tamaitiiti e faitau ni mau se lua i po taitasi.” Fai mai o ia, “Na amata ona masani le ma fanau i gagana o mau, ma sa amata ona latou iloa le Agaga a o matou faitau mai tusitusiga paia.” Tamaiti ma le autalavou, pe na outou sailia ea ni tali ia outou fesili i tusitusiga paia? Mafaufau i le mea lenei: pe a e feagai ma se galuega faigata o i luma atu, taumafai e faitau i le Tusi a Mamona e uiga ia Nifae lea na toe foi atu i Ierusalema mo papatusi. O le a se mea e mafai ona e aoao mai ia Nifae? Afai e te lagona e te manaomia le lototoa e tu atu ai mo ou talitonuga, faitau e uiga ia Kapeteni Moronae ma tuu atu na te aoaoina oe e uiga i le sailia o le lototoa e tu atu ai mo le upumoni ma le amiotonu. Fai mai Nifae, “Ia taumamafa fiafia i afioga a Keriso; aua faauta, o afioga a Keriso o le a tau mai ai ia te outou mea uma e tatau ona outou faia.”5 E le o tuai lava ona amata ona faitau i tusitusiga paia i aso uma i o tatou aiga. Tolu, tuu atu se molimau patino ia outou fanau. Tamaiti ma le autalavou, ua outou iloa ea le tala i le auala na maua ai e o outou matua a latou molimau? Ua outou iloa ea o latou lagona e uiga i le Tama Faalelagi ma Iesu Keriso? Ua outou iloa ea o latou lagona mo le Tusi a Mamona ma Iosefa Samita po o o latou lagona mo lo tatou perofeta o aso nei, o Thomas S. Monson? Na o le fesili lava ia i latou. Fai atu i ou matua e tau atu ia te oe e uiga i le taimi muamua na la iloa ai le Agaga o le Agaga Paia. Na saunoa Elder David A. Bednar, “E tatau i matua ona nofouta ma le mataalia faaleagaga mo avanoa e tupu fua mai e tuuina atu ai molimau ia latou fanau.” Na ia faaauau, “O taimi faapena e le tau faapolokalamaina.”6 E mafai ona e faailoa atu lau molimau i le tasi ma le isi a o outou galulue faatasi ai i totonu o o outou aiga. E mafai ona e faailoa atu lau molimau a o e faasoa atu le auala ua e vaaia ai le aao o le Alii i mea o tutupu i lou aso. A o tatou tuuina atu ni faafetai faigofie i lo tatou Tama Faalelagi mo le goto ifo matagofie o le la pe faaaoga avanoa e tagai atu ai i aafiaga o le Faaola i o tatou olaga a o tatou saofafai ai i le laulau ai, o loo tatou tuuina atu se molimau. E le o tuai lava ona amata ona tuuina atu se molimau ia Iesu Keriso i o tatou aiga. Pe a tatou talanoa soo ia Iesu Keriso, pe a tatou faia ia avea tusitusiga paia o se vaega o o tatou aso, ma pe a tatou molimau atu i lo tatou Faaola, e le gata ua tatou faamalosia le faatuatua ma le liua o le fanau i o tatou aiga ae ua tatou faamalosia foi o tatou lava faatuatua ma molimau. Sa aoaoina au i ni lesona taua i lena aso i le Falemai a Tamaiti o le Starship i Niu Sila. Sa malosi le Agaga o le Agaga Paia a o ou vaai atu i se matua ma se tamaitiiti o faalagolago lo la faatuatua i le faavae mautu o lo tatou Faaola, o Iesu Keriso. Na fai atu Helamana i lana fanau, “Ma o lenei, ou atalii e, ia manatua, ia manatua o luga lava o le papa o lo tatou Togiola, o le o Keriso lea, le Alo o le Atua, e ao ina oulua atinae ai lo oulua faavae.”7 Na saunoa mai lo tatou perofeta, o Thomas S. Monson, “O lesona e aoaoina i totonu o le aiga, o lesona ia e sili ona tumau.”8 Ua tatou iloa afai e taulai atu na lesona i lo tatou Faaola o Iesu Keriso e ala i le tatalo, suesue i tusitusiga paia, ma le molimau, ua tatou fatuina se siosiomaga o se aiga e faatotonugalemu i le talalelei. E pei o outou, ou te faasoa atu lau molimau o loo soifua o Ia ma e faatumulia o tatou fale i Lona Agaga pe a tatou fausia lo tatou faavae ia te Ia, lo tatou Faaola, o Keriso lea, le Alo o le Atua. ◼ NOTES 1. Alema 37:35. 2. Neil L. Andersen, “Tau Mai Tala ia Iesu,” Liahona, Me 2010, 108. 3. Neil L. Andersen, “Tau Mai Tala ia Iesu,” 109–10. 4. 2 Nifae 25:26. 5. 2 Nifae 32:3. 6. David A. Bednar, “Ia Mataala Pea ma le Maelega Atoatoa,” Liahona, Me 2010, 42. 7. Helamana 5:12. 8. Thomas S. Monson, “Upumoni Tumau mo Taimi Fesuisuiai,” Liahona, Me 2005, 19. M a t i 2 0 1 5 T3 ITULAU O LE LOTOIFALE Auai atu Tamaitai o le Aualofa i le Aso Faavaomalo o Teine i Amerika Samoa ATA MAI FAAALOALOGA A SHIRLEY DE LA ROSA MA UA FAAAOGAINA I SE FAATAGAGA Saunia e Shirley M. De La Rosa O nisi o tamaitai o le Aualofa na auai i le Aso Faavaomalo o N a valaaulia Tamaitai o le Au Paia o Aso e Gata Ai e auai i le Aso Faavaomalo o Teine na faia i le Fale Tele e Faamanatu ai Tagata o le Taua i Tafuna, Amerika Samoa, ia Oketopa lea ua tea. O Sauimoana M. Purcell, o se tasi o tagata na faamaopoopoa lea gaoioiga, na tuuina atua le valaaulia i tamaitai uma o faatuatuaga uma, ma soo se tulaga o le olaga. Na oo mai le valaaulia i tamaitai o le Au Paia o Aso e Gata Ai faatasi ai ma se talosaga e pepese i le sauniga o le tatalaga o le faamoemoe. T4 O L e L i a h o n a Teine, i Samoa. Na aofia i le faafiafiaga e tasi le vaiaso le umi se galuega fesoasoani o le faamatagofieina, ma o tagata auai na lesitala na aofia i le totoina, ma le punouai i isi galuega faatino e pei o le valiina ma le faamamaina o totonu ma autafa o le Fale Tele e Faamanatu ai Tagata o le Taua e avea o se auaunaga. Ina ua latou iloa e lei maea lelei le totoina, sa ofo fua atu nisi o tamaitai mai Siteki a Mapusaga Pago Pago, ma Pago Pago i Sisifo e faamaea le galuega faatino o le totoina ma o i maila faaopoopo e fuiina laau uma ia na totoina muamua. Sa latou utuina faguvai e faia ai lea mea, ma sa latou faaauauina la latou auaunaga i le faamamaina o nofoa o le Fale Tele lea na pefua ma manaomia le fufuluina ma le saluina. Na silia ma le 2,000 tamaitai o faatuatuaga uma o e na muai lesitala mo lea gaoioiga, peitai e lei faitaulia ai tamaitai o le Au Paia o Aso e Gata Ai i lea aofai. Pe ā ma le lua vaiaso a o lei faia le gaoioiga na tuuina atu ai le valaaulia, faatasi ai ma le talosaga mo tamaitai o le Au Paia o Aso e Gata Ai e pepese. Sa faafesootai atu e Peresitene o Aualofa a Siteki ia Peresitene o Aualofa a Uarota, o e na faaoo atua le savali i o latou uso e faapea o le a faatulaga se aufaipese a tamaitai, ma o le vaega na totoe ai, na avea ma se talafaasolopito. Sa latou faatulagaina i latou lava, o mai faatasi mo aoga pese, ma o siteki taitasi sa auai sa lolomiina mitiafu. O le Peresitene o le Siteki o Pago Pago Tutotonu, Peresitene E. Starlight Lotulelei, le e anaina se pisinisi lolomi ofu, na foai maia se mamanu atoa ma lona taimi mo le talosaga faanatinati ae ua oo i le taimi, ma sa ia mamanuina lelei se lomiga lea na musuia mai le ata Lotu fou, “Meet the Mormons.” O le lomiga na faitauina faapea: “Aso Faavaomalo o Teine, O A’u o se Mamona.” O le mea e fiafia ai, sa lipotia mai e Sister Tagi Schwenke mai Mataupu Tau i o Aso e Gata Ai i latou na sa lei auai, ma mai le toatele o vaega o tamaitai o e sa auai, o le vaega a le AAG mai le 12 i le 92 tausaga, o le vaega aupito sili lea ona toatele mai se faalapotopotoga e tasi. Sa lelei lo latou avea ai ma sui o le Ekalesia, i le faailoa atu o lo latou alolofa mo le talalelei, ma le lagolagoina o lea faamoemoega taua, a o i ai le naunautaiga e folafola au, “O a’u o se Mamona” i se auala lelei. Sa auai tamaitai i galuega auauna atu, ma isi gaoioiga faaletino na fuafuaina e pei o le: falōlō, Yoga, Taebo, Zumba, ma isi taaloga. Sa latou auai foi i le “Savali E Manatua Ai” lea na tolaulau mai ai suafa o tamaitai o e na maliliu i le kanesa, po o ni tagata na faasaoina mai le kanesa, a o savalia e vaega le malae taalo e manatua ai i latou. ◼ ATA MAI FAAALOALOGA A SHIRLEY DE LA ROSA MA UA FAAAOGAINA I SE FAATAGAGA e Va i Fafo, o lē foi sa fesoasoani i le fuafuaina faatasi ma le Komiti o le Olimipeka a le Malo (KOM), e faapea o le Peresitene o le KOM, o se tagata e le lotu, sa talosagaina ina ia tele mitiafu e eseese lanu. Sa ia manao e tufa atu i ana uo i le BYU-Hawaii ma le alalafaga o Laie. E toeitiiti lava 200 siufofoga malolosi, a le aufaipese a le AAG na usuina ni tuufaatasiga faigofie o pese faapelepele e lua, “A I Ai i le Aiga le Alofa”, ma le “A’o Mai ia Ou Ui i le Malamalama”. Na usuina fuaiupu o pese taitasi i vaega, akapela, i le gagana Samoa, ma le FaaPeretania. Na pepese tamaitai ma le naunautai, agaga, ma le talitonuga. E ui e 2,000 tamaitai na muai lesitala mo lea gaoioiga, ae o le toatele o i latou e lei auai. Na suitulaga e tamaitai o le Au Paia O nisi o sui o le Aufaipese a Tamaitai o le AAG, o e na pepese i le Konafesi o le Aso Faavaomalo o Teine. I Le Auaunaga a lo Latou Atua Saunia e Carl ma Karen Maurer P e tusa ma le 500 Talavou Matutua Nofofua mai le Ekalesia a Iesu Keriso o le Au Paia o Aso e Gata Ai na faaavanoaina se faaiuga o se vaiaso, e faasoa atu ai o latou taimi ma taleni e auauna atu ai i isi i le lotoifale, ma i le salafa o le lalolagi, talu ai nei lava i Perisipeni. Na o mai faatasi le YSA mai Perisipeni ma eria tuaoi e auai i ni galuega faatino se tolu. Na amata i se faigalotu i le falesa, na otootoina e ni failauga se toatolu ia galuega faatino e ao ona faataunuuina, faapea tagata o le a maua le fesoasoani i la latou auaunaga. O Collin Sivalingum, o se sui mai le Koluse Mumu na otootoina le auala o le a fesoasoani ai ni pusa o mea faamama e 300 na saunia i tagata mai le Pasefika atoa e tali atu ai i faalavelave faafuasei ma mala. O le a avea nei pusa ma se puna maoae o le faamafanafanaga ma le fesoasoani pe a aveesea tagata mai i o latou fale ma nonofo i malutaga o mala [faalenatura]. O Nicole Armada mai Hoa’s Angels sa talanoa atu i le YSA e uiga i tulaga o fanau, e masani lava o le tai fa tausaga le laiti, o loo maua i luga o auala o Viatename o loo manaomia le puipuiga, meaai, ma le tausiga faafomai. O “Tamai Pusa a Tamaiti” e 220 lea na teuina e le YSA mo i latou, e masalo o le taimi muamua lea mo se tamaitiiti e maua ai se mea mo ia lava, e ese ai mai se penitala ma se pepa e tusi ai se ata pe tusitusi ai. O le galuega faatino lona tolu o le tuufaatasia lea o tamai pusa mo tina e fananau i atunuu lona tolu o le lalolagi. Sa faalogo le YSA i le auala e tai 2 ai lava minute ma maliu se tamaitai i le fanauina o se pepe i le salafa o le lalolagi, e ui o le 90% o nei tulaga e mafai ona taofia e ala i le i ai o ni mea autu taua faigofie ma mama. Sa teuina e le YSA ni tamai pusa mo le fanau mai mo Birthing Kits Australia, lea e faamoemoe o le a faasao ai ia soifua o tina faapelepele ma a latou pepe. M a t i 2 0 1 5 T5 siva, ata malie, ma aitema o aganuu Faa-Polenisia, lea na fiafia uma i ai. O le Aso Toonai, na vaevaeina ai le YSA i ni vaega se fa ina ia auai i ni galuega auauna atu i le lotoifale, na amata i se taumafataga o le taeao. Sa fesoasoani se vaega toalaiti o tagata auai mai le Aufono o le Aai o Ipswich i le totoina o laau e 650 i se galuega faatino na taitaia e le aufono. Sa avea lenei mea ma se avanoa maoae e fesoasoani atu ai i le alalafaga o Ipswich, ma fausia ai le faatuatuaga lea e manaomia e faamautinoa ai e ofoina atu i le Ekalesia nisi avanoa e auauna atu ai i le lumanai. Sa talisapaia foi e le Aufono a le Aai o Redland le fesoasoani a se vaega toatele o le YSA—i le tufaina atu o pepa na saunia mo mala i eria e sili ona aafia i faalavelave i vaitau o afa ma matagi. Na faimalaga atu nisi o le YSA i motu taumamao o loo i ai tagata, a o isi na taulai atu i eria e sili ona lamatia o le atunuu. Sa le gata ina faagaeetiaina sui o Aufono o Aai i le naunautaiga o le toatele o talavou matutua e auauna atu i se taeao o se Aso Nisi o le YSA sa auai i le Auaunaga Soofaatasi ATA MAI FAAALOALOGA A CARL MA KAREN MAURER MA UA FAAAOGAINA I SE FAATAGAGA Sa fai mai Daniel Gray, mai le Siteki a Perisipeni Matu, “E le mafai ona ou tatalia le mafaufau i le toatele o soifua na tatou faasaoina e ala i le sauniaina o tamai pusa o mea e faaaoga mo le fanau mai ma le tumama mo i latou o e le tagolima.” Ma sa faaopoopo mai Blair Nelson mai le Siteki a Cleveland, “Na ou matua lagonaina le agaga ina ua ou faalogo i le auala o le a avea ai la tatou taumafaiga itiiti ma le faatauvaa ma se mea matagofie i se tagata e le tagolima.” I le tuufaatasiga lava, na silia ma le 500 YSA mai le Eria atoa o Perisipeni e oo atu i le Siteki o Sunshine Coast i Matu, i le Siteki o Gold Coast i Saute. Na fai mai Matthew Stubbs, mai le Siteki o Coomera, “E matua ofoofogia lava le vaaia o le toatele naua o le YSA o o mai faatasi ma faia se mea mo se isi tagata.” Na lagolagoina lena lagona e Gardenia Naunau mai le Siteki o Ipswich lea na fai mai, “O le taulai atu i tagata ae le o le galuega, na matua faigofie ai ona auauna atu.” Sa faaiuina le po muamua i se faafiafiaga eseese o le faaaliga o le tele o a latou taleni i pesepesega, T6 O L e L i a h o n a ATA MAI FAAALOALOGA A CARL MA KAREN MAURER MA UA FAAAOGAINA I SE FAATAGAGA Faamatagofieina e le YSA le fanuatanu i Tingalpa. sosoo ai ma se Aiga o le Afiafi lea na sosoo ma se faeasaite sa taulai atu i talafaasolopito o aiga, lea sa faatulagaina ma faataunuuina lelei e le YSA a le Siteki o Centenary. Mulimuli ane, sa saunoa Jolea Rogers mai le Siteki o Coomera e faapea, “Sa tele a’u meaaoga o le iunivesite ua tatau ona faamaea, ae sa ou filifili e alu ma faia se mea mo se isi tagata, ma sa sologa lelei mea uma i le faaiuga.” Sa ioeina e Ben Munro mai le Siteki o Eight Mile Plains, “Sa ou fiafia i le auaunaga soofaatasi! Sa ofoofogia lava. Ou te iloa sa tele lava galuega mamafa i le fuafuaina, ae sa tauia, sa sautuaafe ma sili atu.” ◼ Nisi o laau e 650 na totoina ATA MAI FAAALOALOGA A CARL MA KAREN MAURER MA UA FAAAOGAINA I SE FAATAGAGA Toonai, ae sa faapena foi i le tulaga o le Ekalesia lava ia e tusa ai ma sauniuniga mo faalavelave faafuasei ma ato 72 itula. O le isi galuega a le YSA o le tuuto atoa atu o i latou lava i le auaunaga a le Alii i le faamaeaina o se “galuega faamama” na manaomia mo le falelotu aupito sili ona telē i Kuiniselani, faapea ai ma le lotoa o le malumalu o Perisipeni. E faaopoopo atu i nei nofoaga e lua a le Ekalesia, sa faamamaina foi ma tausia le fanuatanu i Tingalpa, lea e i ai sona talafaasolopito umi i lea eria. O se taunuuga o lea auaunaga, ua faia nei ni talanoaga ina ia faia ni faamaumauga faaeletonika o lenei fanuatanu, ma ia saunia ia maua e tagata lautele. Sa mafai e isi o le YSA ona auauna atu ia i latou i le isi itu o le veli, i se vaega o le faavasegaga o igoa o le Family-Search o loo faatautaia e le Siteki o Logan. Sa aoina foi e lea siteki ni foai mo le Vaiaso Mativa, o se galuega taulamua o loo faatautaia e le Nofoaga Autu mo Talavou i Perisipeni. Sa feiloai faatasi le YSA i le Aso Sa i le Falesa o Forestdale mo se sauniga anapogi ma molimau, sa M a t i 2 0 1 5 T7 MOTUGAAFA O LE MASINA O Se Upu o le Poto Gapelu i le Galuega O le faaauau ai pea o le lagonaina o le vaivai ma le le toe fiafia i lau galuega, o faailoilo ia ua ono mafai ona e oo i le “gapelu”. O āūga o le gapelu o le tagata faigaluega e mafai ona aofia ai le: • Faaumiumi ona lagonaina le le fiafia i le galuega ma fatuina ai se lagona le lelei i lau galuega; • Vaaia o se taui itiiti i le galuega, ua na o se faasalaga, ona ua ia le mauaina, faatauaina le toefaamalosia, puleaina o taunuuga, po o le atamai faaletagata. • Lagonaina o le vaivai po o le le fiafia ona o le tuuto atu i se mafuaaga po o se ala o le olaga ua le ausiaina ai mea sa faamoemoeina. O lenei vaega e mafai ona faamalamalamaina ai le mafuaaga e le lagonaina ai e tagata le tuuto atu i se galuega, le le fiafia po o le vaivai lea e oo i ai pe a “auai ma le naunautai” i le fausiaina o le malo. Fuatiaina o le Gapelu Ua fuafuaina e tagata atamamai se fuataga mo le gapelu lea e aofia ai ni vaaiga se tolu, ua faaigoaina: 1. Vaivai faalelagona—leai se malosi, aafiaga le lelei, ma se vaaiga ua le o toe aoga au punaoa faalelagona. 2. Le toe talitonuina e le tagata o ia lava—o se tali le faautauta, pe le popole i isi tagata faigaluega (o se elemene e taulimaina ai le le fiafia i le galuega e ala i le tavavaeina e se tasi o ia lava mai i isi). 3. Faaitiitia o mea e ausia e le tagata lava ia—vaaia o le faaitiitia o lou atamai faalegaluega. Faailoilo ma āūga Fai mai ē atamamai, o le lagonaina o soo se vaega o nei mea e mafai ona faaalia i le tele o auala, e aofia ai: • Āūga faaletino—le toe maua se soifua maloloina faaletino, vaivai, faigata ona moe, tiga le ulu, maalili, ma le Fulū. • Āūga faalelagona—maitaitagofie, popolevale, ta’usalaina, faanoanoa, ma le lagonaina o le le maua o se fesoasoani. • Āūga faaleamio—faalagolago mausali i tulafono, tiai galuega, soonafai o mea, le lelei le faatinoga o galuega, faaaogaseseina o malologa i taimi o galuega, ma le gaoi i falefaigaluega. • Āūga o va faaletagata—Taulimaina o isi i uiga tufanua, faateleina o le faatautala i isi faaletino ma faamatalaga, faateleina o faitioga i tagata faigaluega. • Āūga faaleuiga—masalosalovale, le popole, faatautee, faailogalanu i isi, ma le le fia faia o se galuega. O meafaigaluega e fesoasoani ai e pulea ma iloilo le le fiafia Tagai i le uepisaite o i lalo e faatatau i le le fiafia ma le puleaina o le le fiafia. www.mindtools.com Kiliki le sootaga o le puleaina o le le fiafia e maua ai metotia mo le puleaina o le le fiafia. Tagai foi, i le suega a le tagata lava ia mo le vaivai, i le taina o le burnout self-test i totonu o le pusa saili. ◼ I lenei vaitau o le Eseta, o le a faalauiloa atu e le Ekalesia se vitio ma se uepisaite i le aso 29 o Mati o loo taulai atu i le Toetu o le Faaola ma le taua o le i ai o Lona Togiola i o tatou olaga. Matou te valaaulia tagata uma ina ia maua Lana taulaga, opoina Ana aoaoga, ma faasoa atu Lona olioli e ala i le asiasi i le easter.mormon.org. ◼ T8 O L e L i a h o n a SAMOAN O SE ME A ALOFA O LE ESE TA MO OE MA AU UO