Samoa
Transcript
Samoa
Tala Fou i Vaifanua o le Pasefika Savali a le Au Peresitene o le Eria Tatou Toe Feiloai Saunia e Elder F. Michael Watson Fesoasoani Lua i le Au Peresitene o le Eria O la matou malaga i le Pasefika ua lata ina faaiu; ua matou ta’ua le Pasefika o le: “Parataiso, O Le Faatoaga i Etena” ma le “O Le Isi Itu o le Lagi”. O mea e manatua o le a tauaveina le alofa mo tagata o e ua avea ma se vaega faapitoa o lo matou auaiga. O se iloiloga loloto o le taimi sa matou galulue ai i Motu o le Moana, ua aumaia ai le tele o manatunatuga i vaaiga ma leo o vaaiga matagofie lea e amata ai aso uma taitasi. O rosa nei o Iuni e manatuaina i Tesema o o matou olaga. O le feiloai ai ma le Au Paia i Konafesi a Siteki ma Itu faapea foi ma Faifeautalai i Asiasiga Taamilo i Misiona sa tutusa lava le taua ma le tauia a o matou maua le avanoa e fegalegaleai ai i olaga patino o Taitai Perisitua ma Ausilali, ma lagona le alofa ma molimau mai le au paia. O mafutaga vavalalata faapena ma uo pele o le a tumau o ni mea e manatua i o matou loto o le a faapea ona aumaia ai le mafanafana i le agaga i aso na ma aso nei. O le femalagaai mai le tasi Motu i le isi ma Niu Sila ma Ausetalia atoa, na matou matauina ai le faatuatua o le Au Paia e faagaeetia lava i taimi uma. Sa matou matauina a o latou auai i fonotaga tuupoina, o le tele o taimi i ni osigataulaga maoae, e savavali ma lu’i o le tau e tapuai ma faafou a latou feagaiga. Sa matou matauina le mataina o taleni pepese o le Au Paia i le Eria atoa o le Pasefika. Sa tuuina atu e le Va I Fafo le vaaiga mamao, ua faamanuiaina uma ai tagata o le ekalesia ma tagata e le auai i le ekalesia, o e sa tali atu i le valaaulia, e o mai ma tagai i le pogai ua avea ai le Ekalesia a Iesu Keriso o le Au Paia o Aso e Gata Ai o se faalapotopotoga faalelotu taua. O se faamaumauga moni i le talafaasolopito o le Ekalesia i Samoa o loo faaauau pea e oo mai i le taimi nei ona faailoaina ma faamalolosia ai le Au Paia o o latou tupuaga e afua mai i lenei Motu matagofie o le Moana. E fia momoli atu le faafetai faapitoa i le toatele o loo tautua i le Ofisa o le Eria, Ofisa Tautua Autu, ma i le Pasefika atoa. Ua matou matauina le felavesa’i o le “Filo Auro” i nei agaga matagofie o e o loo tuuina atu le auaunaga i aso uma, ma ua faalauteleina i le tele o itu. O i latou o se malosiaga taua i le Au Peresitene o le Eria. Elder F. Michael E faaopoopo atu i le Ofisa o le Eria, o le au faamisiona sinia e faapea foi ona valaauina i tofiga eseese ma avea ai e pei, o se aao faaloaloa o le Peresitene o le Misiona i faifeautalai o loo galulue i nofoaga taumamao. Mo itula uma ma le alofa e foaifuaina atu, ua latou faamoemoe ai ia maua le taui o le, “le auauna lelei e ma le faamaoni.” Na otootoina e Elder Robert D. Hales, o le Korama a Aposetolo e Toasefululua o tatou talitonuga ia Iesu Keriso ma folasia atu aoaoga ia ua tatou faaaogaina i le Aoaoga Faavae a Keriso: Watson O Ia O Le Malamalama O Ia o le Malamalama o Peteleema, na fanau mai ia Maria, Lona tina i le olaga nei, ma Lona tama, o le Atua Silisili Ese. O Ia o le Malamalama o le na papatisoina faatofu, e Ioane le I u l a i 2 0 1 3 T1 Papatiso, ma o ona luga na faaali mai ai le Agaga Paia i le Agaga. O Ia o le Malamalama lea sa fiafia lava i ai Lona Tama. O Ia o le Malamalama i le ao o le ekalesia anamua, sa faavaeina ma ni Aposetolo e Toasefululua, Perofeta, ma Fitugafulu. O Ia o le Malamalama o le Togiola sa faatinoina i le Faatoaga o Ketesemane ma luga i Korokota, o lē na aveina i Ona luga agasala a le lalolagi, ina ia mafai ona maua e tagata uma le Faaolataga e Faavavau. O Ia o le Malamalama o le tuugamau avanoa, le Alii toetu, ma se tino faamamaluina o aano ma ivi, o lē na motusia noataga o le oti ma maua se manumalo e faavavau i le tuugamau. O Ia o le Malamalama na afio a’e i le Lagi i luma o fofoga o Ona soo ma se folafolaga e faapea, o le a faapena foi le ala e toe afio mai ai o Ia. O Ia o le Malamalama sa faaali mai ma Lona Tama ma toefuatai mai, e ala i le Perofeta o Iosefa Samita, lena lava Ekalesia sa Ia faavaeina i le taimi o Lana auaunaga iinei i le lalolagi. O Ia o le Malamalama e taitaia ma taialaina ai lenei Ekalesia i le asō e ala i faaaliga i se Perofeta, ona Fesoasoani, ma le Au Aposetolo e Toasefululua. O Ia o lo’u Malamalama, lo’u Togiola, lo’u ma lou Faaola. T2 O L e L i a h o n a O Peresitene Thomas S. Monson, e pei foi o i latou na muamua atu ia te ia, na folafola mai lana molimau o’oo’o i upu nei: “Faatasi ai ma lo’u loto atoa ma le naunautai atoa o lo’u agaga, e sii a’e ai lo’u leo i le molimau i le avea ai o se molimau faapitoa ma folafola atu o loo soifua le Atua. O Iesu o Lona Alo, le Toatasi na Fanaua e le Tama i le tino. O Ia o lo tatou Togiola; o Ia o lo tatou Fautua i le Tama. O Ia lea na maliu i luga o le satauro e togiola mo a tatou agasala. Na avea o Ia ma uluai faapolopolo o le Toetu. Ona sa maliu o Ia, o le a toe ola uma ai tagata uma. E maeu le matagofie o lenei fuaiupu: ‘Ua ou iloa o loo soifua lo’u Faaola!’ Talosia ia iloa e le lalolagi atoa ma ola ai i lena malamalama.” O lenei o molimau a Perofeta, Tagatavaai ma Talifaaaliga, ou te manao foi e faaopoopo atu i ai la’u lava molimau i nei upumoni paia. O le gasologa o le tele o tausaga i suesuega patino ma taimi e mafaufau loloto ma tatalo ai, ua faapea ona malamalama ai i folafolaga a le Alii ma le Faaola e ala i faamautinoaga faaletagata lava ia ma faaleagaga. Sa i ai i Perofeta o le Feagaiga Tuai ma le Feagaiga Fou ni molimau na lava le malolosi e tuua ai se talatuu e mulimuli ai, e faavae ai luga ma uunaia ai isi e iloa. Na toefuatai mai Le Ekalesia a Iesu Keriso i nei aso e gata ai e avea ma punavai faatulagaina o le malamalama ma le upumoni, o le atoatoaga o le talalelei na tuuina mai e ala i se Tasi Molimau ia Iesu Keriso, O Le Tusi a Mamona. Na maua le Perisitua a le Atua ma avea ma pule e galulue ai i Lona Suafa Paia. O mea e faavavau na tutupu ma aafiaga a o tatou Perofeta a le Atua i Aso e Gata Ai o e ua tatou lagolagoina e auauna e faamautu a tatou tautinoga. O lenei mea ua atili noatia e le lagolago e faavavau ma le mafutaga a se ava peleina, le tuuto o se aiga agaalofa ma le faatuatua ma talosaga a tagata matagofie uma o lenei lalolagi tele o e ua faia ni aafiaga loloto i o matou olaga. I le avea ai ma se tasi o Ana molimau faapitoa, e faaopoopo atu ai la’u molimau i nei upumoni e faavavau. Ma le alofa tele i a matou Uo e Faavavau: “We will see you again” “Tatou toe feiloai” “Ka tau toki fe’iloaki” “Farerei faahou tatou” “Nous nous reverrons encore” “Eda na qai sota tale” “Ti na manga kaitibo rimwi” “Jenaaj bar loe eok” “Bai mipela lukim u ken” ◼ Tal a Fou i Va ifa nua Auaunaga Ma se ‘Ata’ata Saunia e le Matagaluega o le Va I Fafo Apia, Samoa O le fia fesoasoani atu i le mavae ai o le Afa o Eveni, na ave ai lata mai nei e le au faamisiona o Elder Roger Roth o se fomai nifo mai Hayden, Idaho ma lona faletua o Sister Julie Roth, lo laua aiga, ni sapalai mo le tausiga o nifo ma ni meataalo i le falelotu o le Ekalesia i Magiagi ma faia ai se falemai laitiiti e leai se totogi i le toatele o tamaiti laiti na nonofo ai lava iina. I lalo o le paolo o se faleie le tumau i le malae pasiketipolo e i fafo a le Ekalesia, na muamua vaai ai e Elder Roth ia tamaiti taitoatasi. “Se’i o’u vaai i le fufuluga o ou nifo!” na fai atu ai a o ia tatalaina le pepa o se pulumu fulunifo fou ma tuu atu i se tamaitiiti. “Manaia Ata mai faaaloaloga a le Matagaluega o le Va I Fafo. Tuu atu e Elder Roger Roth le tausiga o nifo e le totogia i tamaiti ma tagata matutua, o se vaega o lana auaunaga faamisiona. I u l a i 2 0 1 3 T3 tele!” o lana faaviivii atu lea, ina ua taumafai i ai le tamaitiiti. O lenei faiga faigofie na mafai ai ona ia faailoa atu pulumu fulunifo i tamaiti o e atonu e le’i faaaogaina muamua se pulumu. Sa ia faaali atu foi auala sa’o mo le fufuluina faalelei o itu uma o o latou nifo, luga o o latou laulaufaiva, ae maise lava o talaane o o latou tainifo. O le tele lava o tulaga, e o atu ai tamaiti ma o latou tina, o e e faamanuiaina foi i le vaaia o le auala e fesoasoani ai le fomai i tamaiti laiti i le fufuluina o o latou nifo. “E fesoasoani pe a ou faaaogaina le pulumu i o latou lava nifo; latou te lagona ai le mea e tatau ona i ai,” o lana tala lea. E faamama ai foi o latou nifo mo le laasaga e sosoo ai i galuega o le aso: o le faaiila i le vailaau o le foloraite [fluoride]. O tagata Samoa e tulaga ese le malolosi o nifo, o le tala lea a Elder Roth, ae e faamalumalu a’e pea faafitauli i le vaega o tainifo, ae maise pe a inu faguinu, ma ai tuisi ma lole. A tau Elder Roth i se faafitauli ogaoga tele mo le togafitia i le falelotu, na te uunaia le tina e aumai lona alo mo togafitiga i lona ofisa i Pesega. “O le nifo lena o le a tiga i ni nai vaiaso,” e fai atu ai pe a uma ona siaki se tulaga faapena. I le laulau e sosoo ai, e tuu ai e Sister Roth ma le la tama teine o Lisa, le vailaau faaiila i nifo na faatoa uma ona fufulu. “O le a puipuia ai mai le pala atili mo le umi e tolu masina,” o le faamatalaga lea a Sister Roth. Latou te laasia le papupuni o le gagana e ala i le ataata ma le onosai, ma faataitai ona faafaamaga tele le gutu ma le faatuteleina i tua o le ulu. E i ai taimi, e fesoasoani ai tei matutua po o uo o e tautatala fenanui e faaliliu. Ua 17 masina o galulue fua ia Elder ma Sister Roth i se falema’i laitiiti e siaki ai nifo i Samoa. Sa laua fiafia i le asiasi atu o le la tama teine ma lona toalua o Lisa ma Donavon Miller, ma le la fanau e toafa, o Aurora (16), Hayden (14), Machesney T4 O L e L i a h o n a (12) ma Payton (9), i aso malolo ina ua latou filifili e o atu e fesoasoani i tamaiti i Magiagi. Sa fesoasoani tamaiti e toafa e tufa atu kulimi fulunifo ma meataalo laiti, mai sapalai sa foai atu e uo fomai nifo a Elder Roth o loo i le I.S.A. O le mea atoa, sa latou togafitia le tusa ma le 60 o tamaiti e i le va o le 3 ma le 12 le matutua i lena taeao. Na latou tuuina atu foi se polo pasiketi ma se polo soka i tamaiti na nonofo ai iina. E le’i umi ae auai Hayden i se taaloga pasiketi taitoafa e le’i fuafuaina ae o isi tamaiti na taaalo soka i le lotoa pito i luma. Na foliga mai sa fiafia tamaiti i a latou faatasiga ma Elder Roth. Fai mai se tasi o tamaitiiti e valu tausaga le matua o le vaaiga o le fomai nifo sa “lelei” (“good”). Na faaopoopo mai le isi, “E manaia! E le tiga” (“It was great! It didn’t hurt.”). Fai mai isi gasegase laiti o ia, “o se tagata malie” (“a fun man”). Fai mai Elder Roth, “O tamaiti lava ia o tamaiti i le lalolagi atoa. E mafai ona latou iloa pe moni lou alofa.” Na faalogo Elder ma Sister Roth ia Elder F. Michael Watson, o le Korama Muamua a Fitugafulu ma o le Fesoasoani Lua i le Au Peresitene o le Eria a le Pasefika o Le Ekalesia a Iesu Keriso o le Au Paia o Aso e Gata Ai, o saunoa i se faigalotu o le Kerisimasi e uiga i le toatele o tamaiti i aiga sa ia asia i le falelotu i Magiagi. Na la fesili ifo ia i laua lava, “O le a se mea e mafai ona tatou faia e fesoasoani ai?” O lea na totogo ae ai loa le manatu o le vaaiga o nifo i taeao. Na ta’ua e Elder Roth, “O i tatou uma o fanau a lo tatou Tama Faalelagi. O le mafuaaga lena na matou o mai ai e fesoasoani.” “Na ootia o matou loto e fai se mea e aumai ai le ataata i foliga o le fanau,” o le tala lea a Sister Roth. “E latalata atu o matou loto ia i latou matou te auauna i ai. Matou te o ese mai ma ni mea e tele atu nai lo mea na matou tuuina atu.” ◼ Ata mai faaaloaloga a le Matagaluega o le Va I Fafo. Ua faafeiloaia e tamaiti Amerika Samoa ia Sister Linda K. Burton, ma Sister Rosemary M. Wixom i le malaevaalele i Pago Pago. Faafeiloaia e Tamaiti Amerika Samoa Taitai o le Ekalesia sa Asiasi Atu Pago Pago, American Samoa E silia ma le 100 tamaiti na faafeiloaia taitai na asiasi mai o Le Ekalesia a Iesu Keriso o le Au Paia o Aso e Gata Ai i pese ma faasolo i le malaevaalele i Pago Pago ina ua latou asiasi mai ia Fepuari. Na faafeiloai e tamaiti ia Elder F. Michael Watson o le Korama Muamua a Fitugafulu ma o le Au Peresitene o le Eria a le Pasefika, sa malaga faatasi mai ma lona faletua o Sister Jolene Watson, ma tagata asiasi mai le Iunaite Setete, faapea foi ma taitai o le malo o Amerika Samoa ma taitai o le lotoifale ina ua latou taunuu atu i le teritori i le Aso Sa 24 Fepuari 2013. Na asiasi mai mai le Iunaite Setete ia Linda K. Burton, peresitene aoao o le Aualofa ma Rosemary M. Wixom, peresitene aoao o le faalapotopotoga o le Peraimeri. Sa latou malaga faatasi mai ma o laua alii o Craig P. Burton ma B. Jackson Wixom. E faatatau i le faafeiloaiga, sa saunoa ai Sister Wixom, “o loimata na maligi o loimata o le olioli i le vaaia o se vaaiga matagofie faapena.” O le Sui Kovana o Lemanu Sialega Mauga ma lona faletua o Mrs. Pohakalani Mauga sa auai faatasi ma taitai o Le Ekalesia a Iesu Keriso o le Au Paia o Aso e Gata Ai i le malaevaalele e faafeiloai i malo asiasi. Na saunoa le Sui Kovana o Lemanu Sialega Mauga “sa o se taimi ootia le vaaia o fanau a o [tatou] tagata o lagiina viiga o le Ekalesia i a tatou malo.” Na i ai Elder Watson ma Sisters Burton ma Wixom i Amerika Samoa e feiloai ma taitai o le Au Paia o Aso e Gata Ai. Na malaga faatasi ai foi ma Elder Fonoti Jessop, o se taitai o le Au Paia o Aso e Gata Ai i le lotoifale, ma taitai o le Ekalesia na asiasi mai. E faaopoopo atu i fonotaga tuupoina, na auai faatasi Elder Watson, Sister Burton ma Sister Wixom ma sui o le Au Paia o Aso e Gata Ai i le lotoifale i le tauaaoina atu, o se vaega o taumafaiga o fesoasoaniga alofa a le Ekalesia, se masini faata faafuainumera mo le suesueina ma taotoga o susu i le Maota Gasegase o L.B.J. Na saunoa faafetai Elder Watson i le auaiga o Elder O. Vincent Haleck mo le taumafaiga e lafo atu le masini mai le Iunaite Setete i Amerika Samoa. O le a faaaoga le masini e fomai faapolofesa a Amerika Samoa mo suesuega o susu e sue ai mafuaaga ma iloa ai patu i susu. O le masini o le a faia ai se faaopoopoga taua i le tausiga o le soifua maloloina o tamaitai uma, e le gata i Amerika Samoa ae faapea foi i motu uma o le Pasefika o o latou gasegase e faasino mai iinei mo lenei tausiga faapitoa. Sa ta’ua e se tasi o sui na auai i le sauniga e faailoga ai le foai I u l a i 2 0 1 3 T5 e faapea, “Faafetai tele lava mo le foai agalelei. O le a fesoasoani e faaleleia atili ai le nofouta a le vaega o tamaitai i le kanesa o le susu. Ia faamanuia outou e le Atua.” Na faafetaia e le Sui Kovana Mauga ia taitai o le Ekalesia mo le “fesoasoani i taimi uma e faaleleia atili ai olaga o tagata i Amerika Samoa.” Sa faailoa atu e Sister Burton ma Sister Wixom lo laua alolofa mo tagata ma faasoa atu lo la fiafia tele i lo la i ai i Amerika Samoa. Sa faafetaia e le taitaifono o le Maota Gasegase o L.B.J. o Tofoitaufa Sandra King Young le Ekalesia e fai ai ma sui o le pulega, falema’i, ma tamaitai o le teritori o e o le a faamanuiaina i lenei foai. Sa ta’ua e le VEP o le falemai o Michael Gerstenberger, “O le masini faafuainumera fou lenei mo le faata o le susu o le a sefeina ai ola ma le taimi.” E tusa ai ma le faamatalaga a Togi Montgomery, o le taiulu o faata o susu, “O le masini tuai na faaaoga ai ata, lea na tatau ai ona auina atu i fafo mai le motu, ma faatoa maua mai taunuuga o faata i le lua pe tolu vaiaso. [O le masini fou] o le a aumai ai taunuuga i totonu o se aso se tasi pe lua.” Sa faamanatu atu e Sister Burton i le aofia e auai o ia i le Aualofa, ma faaopoopo atu: “Matou te taumafai e aumai le toomaga i soo se nofoaga matou te mafai ona aumai i ai.” Sa ia faamalamalama atu e popole le Ekalesia i le manuia lautele o tagata uma, i totonu ma fafo atu o le Ekalesia. “Ou te iloa e alofa lo tatou Tama Faalelagi ia i tatou. O i tatou uma o fanau a le Atua.” ◼ Faamamafa e Taitai Tamaitai o le Ekalesia ia Aoaoga Nuku’alofa, Tonga Na asiasi atu Linda K. Burton, peresitene aoao o le Aualofa a le Ekalesia, ma Rosemary M. Wixom, peresitene aoao o le faalapotopotoga o le Peraimeri a le Ekalesia, i le Malo o Toga i le amataga o le tausaga lenei. Sa latou malaga faatasi atu ma o laua alii, o Craig P. Burton ma B. Jackson Wixom, faapea foi ma Elder Kevin W. Pearson o le Au Peresitene o le Eria a le Pasefika ma lona faletua o June Pearson. Sa ta’u atu e Sister Wixom i le au faifaasalalauga i se konafesi mo le au faasalalau i Nuku’alofa i le Aso Tofi 21 o Fepuari 2013: “Ua matou o mai e aoao e uiga ia Toga. Ua matou vaai i o outou tamaiti aulelei ma o latou matua agalelei. O ananafi na matou faalogologo ai i leo matagofie o tamaiti.” T6 O L e L i a h o n a Sa ia faaopoopo mai, “Ua matou o mai e aoao ma ia faasoa atu i isi mea ua matou aoaoina. O i tatou uma o fanau a le Tama Faalelagi ma o loo i ai ni o tatou faanaunauga ma faamoemoega tutusa. Tatou te alolofa uma i a tatou fanau. Tatou te mananao e alolofa atu ma ia alofaina mai. Ua matou molimauina lena tulaga iinei.” Sa saunoa Sister Burton ma Wixom e uiga i aoaoga o le fanau, aoaoga o tamaitai ma le taua o le aiga. Ina ua fesiligia e se tasi o faifaasalalauga Toga pe latou te “fiafia i Toga,” na tali Sister Burton: “Fiafia iinei? Matou te faapelepele iinei! Matou te alolofa i tagata nei. Ua matou lagonaina le alofa ma se vaega o la outou agaifanua. Matou te talisapaia la outou tupulaga faia’e. Ua matou maofa i mea ua latou iloa ma le lelei o lo latou faaupuina.” Ata mai faaaloaloga a le Matagaluega o le Va I Fafo. O se isi faifaasalalauga sa faitau e uiga i le asiasi mai a Sister Burton i le amataga o le vaiaso, ma le tamaitai o le Au Paia o Aso e Gata Ai mai Niu Sila o Ailsa Coutts, sa talosagaina o ia e faasoa atu ona lagona e uiga i lena aafiaga. “O le a ou ta’u atu ia te oe le mea sa ou matauina,” o le saunoaga lea a Sister Burton. “O ia o se tamaitai atamai ma fiafia. O ia o se tamaitai ua 100-tausaga-o lona soifua, o lana tane na maliu i le 20 ma ona tupu o ona tausaga. Sa vaai se tamaitiiti e valu tausaga le matua i le vaalele sa fanaina o ia i le taua ma ia tusia i lalo le numera o le vaalele. O le pailate, o se Siamani, sa oo mai mulimuli ane ma faatoese mai. Na te le’i taofiofia ni lagona le lelei.” Sa faaauau le saunoaga a Sister Burton: “A mafai ona tatou faamagalo atu ma le le faatuaoia, tatou te le tau o ma feaveai na avega. Sa o se fiafiaga le feiloai atu i se tagata faapena.” O le saunoa atu e uiga i le tiutetauave o le aoaoina o fanau, na ta’ua ai e Sister Wixom: “O tagata uma lava ua i ai se aafiaga o le fanau mai o se pepe i le lalolagi ma sapasapai lena tamaitiiti, o le a iloa le lagona o le alofa mo le fanau. Tatou te sailia le fesoasoani a le Tama Faalelagi i le aoaoina o a tatou fanau.” “O le fesoasoani i a tatou fanau,” na ia fai mai ai, “e oo mai e ala i aiga e aufaatasi i lena auala lea e galulue faatasi ai matua ma faaaloalo le tasi i le isi ma le tiute o le tasi ma le isi. Ua faia i tatou ia eseese, ma e i ai se mafuaaga o lena mea. Ae o le lotogatasi tatou te tausia lelei ai a tatou fanau.” “Ua ia i tatou ni natura paia. Matua ia fesoasoani i fanau ia avea ma tagata sili e avea ai i latou. E vaavaai atu tamaiti i o latou matua. Latou te manaomia ia lelei o latou matua, ina ia mafai ona latou faaali atu ia i latou le auala e sili ona lelei.” Sa faamatala e Sister Wixom le pogai e feiloai ai o ia ma ona fesoasoani i le au peresitene o le faalapotopotoga o le Peraimeri i tamaiti, matua ma faiaoga i le lalolagi atoa. Peresitene aoao o le faalapotopotoga o le Peraimeri, Rosemary M. Wixom o loo saunoa atu i le Aoga Maualuga a Liahona. “A matou malaga matou te aoao e uiga i manaoga o tamaiti i le lalolagi atoa,” o lana saunoaga lea. “Ua matou alolofa i tagata iinei,” na fai mai ai Sister Wixom. I se taimi na muamua atu o le aso, sa saunoa atu ai le au asiasi i se faigalotu faapitoa mo tamaiti aoga ma faiaoga o le Aoga Maualuga a le Ekalesia o Liahona. Sa ta’u atu e Sister Wixom i le aofia: “O outou o se vaaiga ia molimauina! O le vaavaai atu i o outou foliga ou te vaaia ai le lumanai o Toga ma le Pasefika.” Sa faasoa atu e Sister Burton i le aofia e faapea, a o avea ma se tagata talavou sa nofo ai i Niu Sila ma aoga i le Kolisi a le Ekalesia lea sa i ai i Niu Sila. “A o ou vaai atu i o outou foliga,” o lana tala lea, “E mafai ona ou vaai faalemafaufau ia te a’u o o’u saofai i le nofoaga o loo outou i ai.” Sa ia ta’u atu i tamaiti aoga e i ai ni mea matagofie o loo ona manatua a o i ai i le aoga maualuga, ae sa i ai foi taimi sa ma’i manatu ai ma misia lona aiga. I lana vasega Igilisi fai mai a ia, sa ia “lagona ai le saogalemu ma le alofaina.” “I le vasega a lo’u faiaoga Seminare, sa ou maua ai foi lena lagona e tasi. Ma sa ou lagonaina le latalata atu i le Tama Faalelagi. O se tasi o mea manaia ou te manatua o le vaaiga lea o le pepe a lenei faiaoga, ma sa ia valaauliaina a’u matou te tootutuli [faatasi ma i latou] mo le tatalo faaleaiga, ma lana faafetai i le Atua mo lona toalua agaalofa ma lana fanau.” I u l a i 2 0 1 3 T7 T8 O L e L i a h o n a Fai mai se tasi o tamaitiiti aoga o Sauliloa Tuipulotu “e tatau ona tatou faia ni fuafuaga tetele mo lo tatou olaga ma fai le mea sili i mea uma tatou te faia ona o le tasi lea o auala e iloa ai po o ai moni i tatou.” Fai mai Clifton Neiufi “ua ou aoaoina mai lenei faatasiga faapitoa e taua le aoaoina. Afai e le gafatia ona ou aoao o le a leai se aoga mo lo’u lumanai. Ua ou aoaoina foi o le aoaoina e manaomia ai le tele o le faatuatua. O le i ai o le faatuatua tele o le a [fesoasoani ia te oe] e ausia ai au sini.” Fai mai se isi tamaitiiti, sa taua le “aua ne’i taumafai ia avea ma se isi tagata. Ia avea pea oe ma oe. Aua ne’i galo le faamoemoe, ia faatuatua, ia iloa o oe o se atalii o le Atua.” ◼ Faafetaia o le Tama Faalelagi Saunia e Ashaldine Mailei (11 tausaga) S a i ai so’u aafiaga manaia lava i le aoga, sa ootia ai lo’u loto. A o o’u aluese mai la’u vasega Igilisi, sa tuu mai e lo’u faiaoga se fasipepa na fai mai ai o le a maua so’u taui i se taimi mulimuli ane o le vaiaso, o se tusipasi faaakatemia mo se mea na ou ausia. O o’u lagona muamua lava o le fiafia, ma sa matuai ou fiafia lava. Ona oo lea ina ou iloa sa taumafai se leo malu i totonu o lo’u mafaufau e faamanatu mai ia te a’u e tatau ona ou faafetai i le Alii mo le mauaina o lenei faamanuiaga. O lea sa ou tatalo ai i lo’u loto ma faafetai ia te Ia mo lenei tulaga matagofie ua ou ausia, ma mo lona i ai i lo’u olaga. “. . . faafetai atu i le Alii lou Atua i mea uma”. . . (Mataupu Faave ma Feagaiga 59:7) ◼ samoan “Sa taua lena mea ia te a’u,” o lana tala lea. “O le manatua o lena aafiaga ua faatosinaina ai lo’u olaga. Sa ou manao i se aiga faapena.” Sa ia ta’ua foi sa fiafia o ia e vaavaai atu i le Malumalu o Hamilton Niu Sila i le po, mai fale nofotumau a le aoga. “O le vaaia ma le mana tuaina o lena ata sa fesoasoani ou te lagona ai le saogalemu ma le alofaina,” o lana tala lea. “Ou te iloa e alofa le Tama Faalelagi ia te au. E alofa o Ia ia te outou. Ia tuu i taimi uma foliga o le malumalu ia te outou.” Sa ta’u atu e Elder Pearson i tamaiti aoga: “Ua ou lagona e pei lava a’u o se tou uo ma ou te alofa ia te outou. Ou te lagona se mana faapena pe a ou faatasi ma outou. Sa ma o mai ma Sister Pearson, la’u uo sili. Ou te faamoemoe e i ai se aso e maua ai foi sau uo lelei, o se tasi e faasoa i ai mea e faamanuiaina ai oe ma se tasi e faasoa i ai ou taimi leaga.” “O le mea taua ia iloa,” o lana tala lea, “o oe o se atalii o le Atua. E alofa o Ia ia te oe. E a Ia oe. E tele mea e ao ona iloa, ae o le mea lenei e sili ona taua. O le faavae foi lea o se molimau.” “O le mea muamua e tatau ona aoao ma lagona e tagata—e pei lava o oe—o le Atua o lo latou Tama Faalelagi alofa. O le iloaina o lenei mea, i le taele o lou lava tagata, o le laasaga muamua lea i le suia o lou olaga.” Sa faia foi se tautalaga a le peresitene o le Aoga Maualuga a Liahona o Uinisi Fonua, i le faigalotu. Sa ia talanoa e uiga ia Iesu i le malumalu a o talavou, ma faamamafaina le taua o le vave sailia o le poto i le olaga. Sa ia uunaia ana tupulaga ia mulimuli i faataitaiga a Iesu Keriso e ala i le faaauau pea o le aoaoina “i lea mataupu ma lea mataupu.” Ina ua maea le faigalotu na fai mai le tamaitiiti aoga o le Aoga Maualuga a Liahona o Annnika Faapoi, e ioe o ia, e “leai se mea e sili atu le taua nai lo o le iloa pe o ai i tatou, ma o i tatou o fanau a le Atua.”