Medaillien aller Art

SPORT
MESEMNA, ILS 4 D’AVRIGL 2012
Fernando Schmed deriva da Surrein. Als campiunadis svizzers dils «gronds» ha el gudignau la medaglia d’argien
ella cuorsa rapida e dumignau Didier Defago e Silvan Zurbriggen.
5
Kevin Caduff da Laax rimna medaglias e tetels da campiun svizzer sco auters bulius. El ha era gudignau il classament general dil cup svizzer.
Medaglias da tuttas sorts
L’equipa da skis dalla Svizra orientala ha festivau success sco aunc mai
DA GIUSEP VENZIN / ANR
■ El rom dil concept da promoziun ha
Swiss Ski creau igl onn 2006 treis centers da prestaziun pils juniors. Norbert
Coray da Ruschein ei il schef dil center
da prestaziun dalla Svizra orientala
(NLZ Ost) cun sedia a Tavau e Roland
Fuchs ei il cautrenader dalla equipa
dils juniors 2. Siu emprem engaschi en
Svizra ha igl Austriac da Schruns absolviu sco trenader dil Surselva Skiteam. El el daventaus il garant pil bein
prosperar dils giuvens skiunzs. Avon in
onn haveva el constatau: «Dapli success
ei strusch pli pusseivel.» Suenter la sesiun
che va questa jamna alla fin cun cuorsas
FIS a Zinal el Valleis sto el reveder quella
constataziun. Il success da questa sesiun
ei aunc staus bia pli gronds che quel digl
onn vargau. Ils skiunzs digl NLZ Ost
han contonschiu success sin differents
nivels. Sandro Simonet da Casti ha gudignau treis medaglias als giugs olimpics
dils juniors. El e Kevin Caduff da Laax
han gudignau tuttas medaglias d’aur dils
campiunadis svizzers dils juniors 1. Ils
juniors ch’ein aunc buca commembers
d’in cader da Swiss Ski han schizun gudignau sis medaglias als campiunadis
svizzers dils gronds. Quellas han ils treis
skiunzs omas e Marco Tumler e Sandro
Jenal da Samignun, Fernando Schmed dil
Club da skis Mels e Ralph Weber da
Flums gudignau. omas, il giuven dils
frars Tumler, ha schizun gudignau a
Kranjska Gora en Slovenia puncts dil
cup mundial. E sco punct sigl i ha Ralph
Weber gudignau a Roccaraso ell’Italia
aur ed argien al super-G ed alla cuorsa
rapida dils campiunadis mundials dils
juniors. «Dapli success ei strusch pusseivel», han Norbert Coray ed ils trenaders
Roland Fuchs e Petra Eberle detg il gliendisdis a caschun dil «fotoshooting» a Tavau. Quella ga pon els haver raschun.
Ina impurtonta equipa
Sin fundament dalla munconza da success als campiunadis mundials igl onn
2005 a Bormio ha Swiss Ski stuiu schar
dar el tgau enzatgei. Il pass dils caders
cantunals tier ils caders da Swiss Ski era
savens memia gronds ed il naufragi programmaus. Culla realisaziun da treis
gruppas interregiunalas cun structuras
professiunalas ha Swiss Ski serrau ina largia. Skiunzs che contonschan buca success els caders naziunals crodan buca
denter sutga e baun. In da quels exempels
ei omas Tumler. Il skiunz da 22 onns
ha buca reussiu igl onn vargau sco commember dil cader C da Swiss Ski. Senza
la squadra interregiunala fuss sia carriera
da skis stada finida. Cul trenader Roland
Fuchs eisi gartegiau al skiunzs da Samignun da contonscher success nunspitgau. Las duas medaglias als campiunadis svizzers ed il success al cup mundial
ein il mussament. La qualificaziun per in
cader da Swiss Ski ei segira, forsa schizun
pil cader B.
Auters giuvens skiunzs ch’ein madirai
ella equipa dils juniors culla trenadra Petra Eberle ein Kevin Caduff, Sandro Simonet e Fernando Schmed, in Romontsch da Sargans ed empau da Surrein. Tuts treis han festivau igl unviern
vargau grondius success. A Fernando
Schmed ha il davos cletg muncau. Als
campiunadis svizzers dallas disciplinas
spertas a Breil ha el muncau pervia d’ina
nauscha grippa.
Ella squadra da success emprova era
Jan Gut da suandar ils fastitgs da sia sora
Lara. Ch’il clan da skis tessines confida il
fegl alla squadra da Norbert Coray e trenaders ei era in mussament da qualitad.
Ina gronda part dils skiunzs dil cader interregiunal frequenta il gimnasi ni la scola mercantila al Gimnasi da sport a Tavau. Per quei motiv ei la centrala era situada leu. Urs Winkler, il directur dil
gimnasi, ei commember dalla suprastonza da Swiss Ski. Las structuras communablas ein d’avantatg per tuttas partidas.
Ils skiunzs da success digl NLZ Ost: Davos da seniester: Ralph Weber, Flums; Kevin Caduff, Laax; Marc Pfister,
Claustra; Marco Tumler, Samignun e Sandro Simonet, Casti. Davon enamiez: Sandro Jenal, Samignun. Davon:
Fernando Schmed, Mels; Jan Gut, San Gottardo; Robin Vogelsang, Puntraschigna e Thomas Tumler, Samignun.
Marco Tumler ei in da treis skiunzs da Samnaun ch’appartegnan al cader interregiunal.
Quels treis skiunzs han gudignau sis medaglias als campiunadis svizzers dall’elita.
Ralph Weber da Flums ha gudignau aur ed argien als campiunadis mundials dils juniors.
Petra Eberle e Roland Fuchs (davontier) ein ils cautrenaders dils juniors I respectiv juniors II digl NLZ Ost. Urs
Huser (davos dretg) ei cotrenader e Norbert Coray da Ruschein ei il schef dil Center da prestaziun ost.
FOTOS G. VENZIN