Preziadas cusseglieras

Messadi
Tier tractanda 3
Preventiv 2012
Preziadas convischinas
Preziai convischins
La suprastonza communala ha sco usitau preparau il preventiv e quei en concordanza cun la
cumissiun da gestiun. Il preventiv ei vegnius tractandaus dil cussegl da vischnaunca a caschun
dalla sessiun dils 30 da schaner 2012.
Il preventiv dil quen current 2012 siara cun in gudogn da frs. 112'060.00 suenter haver fatg tier la
facultad administrativa amortisaziuns ordinarias en la grondezia da frs. 842'500.00 inclus frs.
29'000.00 tier la sparta canalisaziun e frs. 13'500.00 tier l’ovra hidraulica Runcalatsch. Plinavon
ei previu da far amortisaziuns supplementaras da frs. 1'500'000.00. Il fondo dalla sparta
canalisaziun vegn spisgentaus cun frs, 79'000.00. Ord il fondo dil provediment d’aua dalla
fracziun Schlans vegn retratg frs. 1'500.00 per cuvierer ils cuosts dil provediment d’aua da
Schlans che figurescha sco quen special.
Il gudogn avon amortisaziuns (cash flow) munta à frs. 2'532'060.00
Detagls dil preventiv 2012
Informaziun generala:
Tier la calculaziun dallas pagas ei previu in alzament da carischia dad 1%.
Muort la fusiun cun la vischnaunca da Schlans ha ei fatg basegns d’arver duas novas posiziuns
enteifer la contabilitad, numnadamein las spartas:
072…………….. Casa da scola Schlans
700…………….. Provediment d’aua
861…………….. Ovra hidraulica Runcalatsch
Sparta 0 Administraziun
En connex cun il project Trun egl avegnir ei vegniu aviert igl onn 2011 in niev conto sut la
posiziun 011.319, per igl onn 2012 ei previu sur quei conto expensas da frs. 20'000.00. Las
expensas per cumissiuns ein vegnidas alzadas sin frs. 10'000.00. (Trun egl avegnir, Revisiun
dalla planisaziun locala, revisiun dallas leschas per purificaziun e provediment d’aua).
Posiziun 020.311 en la grondezia da frs. 6'000.00. Quella summa ei reservada per remplazzament
da computers e squitschaders per l’administraziun communala.
Muort la fusiun dallas vischnauncas Trun e Schlans croda la posiziun “lavurs per la vischnaunca
da Schlans”.
1
Posiziun 027 Uffeci civil Cadi
Las expensas da quei post muntan à frs. 108'500.00. Las entradas directas per las prestaziuns digl
uffeci ein quintadas cun frs. 60'000.00. Ils cuosts restonts da frs. 48’500.00 han las vischnauncas
da surprender tenor diember dalla populaziun.
Posiziun 029 Regiun Surselva
Sut la posiziun 362 ein la cumpart dils cuosts che la vischnaunca da Trun ha da prestar per
l’administaziun, per la suprastonza e per il parlament regiunal resumai.
Posiziun 070 Center communal
Per igl entir menaschi dil center communal ei previu cuosts da frs. 90'600.00 ed intradas da frs.
5'000.00. Ils cuosts directs muntan à frs. 85'600.00 senza quintar tscheins ed amortisaziuns dil
capital investau.
Ils cuosts vegnan reparti sin las suandontas posiziuns:
020.390
140.390
217.390
300.390.01
300.390.02
Total
Administraziun
Pumpiers
Scola
Uniuns
Biblioteca
frs.
frs.
frs.
frs.
frs.
frs.
21'400.00
4'300.00
34'200.00
17'100.00
8'600.00
85'600.00
Posiziun 071 Casa da scola a Zignau
La casa da scola da Zignau figurescha sco sparta singulara. Las entradas da tscheins ein
quintadas cun frs. 3'500.00.
Posiziun 072 Casa da scola a Schlans
Era la casa da scola figurescha sco sparta singulara. Las entradas da tscheins dallas duas
habitaziuns muntan à frs. 18‘600.00.
Sparta 1 Segirtad publica
Tier la posiziun 101.318.03 ei previu ina summa da frs. 5'000.00 per ils cuosts dil cudisch funsil
che neschan ord la fusiun dallas vischnauncas da Trun e Schlans.
Sut la posiziun 110.309 ei previu ina summa da frs. 1'500.00 per controllas sin la via dalla Alp da
Schlans e frs. 2'500.00 per parcadis e vias d’uaul dalla anteriura vischnaunca da Trun.
Las taxas da carrar per las vias d’uaul Nadéls, Boden e Munt ein previdas cun frs. 11’000.00,
quellas per la via dalla Alp da Schlans cun frs. 7’000.00.
2
Sparta 2 Scola
Tier la sparta scola ei vegniu calculau per las singulas spartas 210 scolas primaras, 211 scola
reala e secundara e per la sparta 215 scola da lavur e tenercasa sco usitau. Tier tut las pagas ei
previu in alazment da carischia dad 1%.
Il preventiv per igl entir onn 2011 ei vegnius fatgs sin basa dallas lecziuns calculadas per igl onn
da scola 2011/2012 cun quintar per il menader da scola ina plazza da 10 lecziuns ni 33.33% d’in
pensum cumplein.
Ils transports pils affons da scola ein quintai per igl entir onn 2011 sin fundament digl urari da
scola 2011/2012 inclus ils transports per la fracziun da Schlans. Il menader dil bus da scola e
posta ei emploiau communal. La vischnaunca fa quei survetsch per incarica dalla posta e vegn
indemnisada persuenter. Nus quintein cun ina indemnisaziun da frs. 68'000.00.
Ils cuosts che la posta tschenta alla vischnaunca per il bus da scola ein fixai el contract denter la
posta e la vischnaunca cun frs. 79'000.00 inclus la nova fracziun da Schlans.
Sparta 3 Cultura
La sparta cultura ei spartida en las posiziuns 300 promoziun dalla cultura e 310 biblioteca Trun.
Sin il conto 300.390.01 figurescha la cumpart dallas uniuns vid ils cuosts dil center communal en
la grondezia da frs. 17'100.00 e sin il conto 310.390 la cumpart dalla biblioteca cun frs. 8'600.00.
Sparta 4 Sanadad
Tenor lescha cantunala da sanadad han las vischnauncas da pagar allas casas da tgira
contribuziuns per la tgira dils attempai. Quellas contribuziuns ein fixadas dil cantun tenor grad
da tgira che sebasa sin puncts da BESA.
La cumpart dalla vischnaunca ei quintaus tenor las experientschas fatgas igl onn 2011. Cun il
diember actual d’attempai ord nossa vischnaunca che basegnan tgira permanenta en las diversas
casas da tgira dalla regiun stuein nus quintar che la vischnaunca hagi da pagar ina summa
annuala da frs. 280'000.00.
Sparta 5 Beinstar social
Tier la posiziun 520.366 ei previu ina summa da frs. 15'000.00 per convischinas che pagan buca
las premias dalla cassa da malsauns. Tenor lescha han las cassas da malsauns il dretg d’incassar
quels daners dalla vischnaunca da domicil sch’els survegnan digl uffeci da stumadira in scret da
sperdita. Deplorablamein havein nus pliras persunas nua che nus stuein surprender sfurzadamein
las premias dalla cassa da malsauns.
Tier las posiziuns 581.366.01 e 581.366.04 ein ils cuosts per il susteniment da persunas cun
domicil en la vischnaunca da Trun. Il preventiv pigl onn 2012 ei vegnius fatgs sin fundament
dalla situaziun actuala.
Sparta 6 Traffic
Tier la sparta 610 ein sut cuosts per il stradun era ils cuosts per las vias cantunalas da Zignau e
Schlans quintai.
Tier la posiziun 620 ein ils cuosts per il manteniment dallas vias communalas inclus il survetsch
d’unviern veseivels.
3
La posiziun 624 dat detagliau sclariment davart ils cuosts per la glisch publica.
Sparta 7 Ambient
La nova sparta 700 “Provediment d’aua” informescha davart il provediment d’aua dalla fracziun
da Schlans. Quella sparta vegn menada el quen communal sco atgna sparta.
La posiziun 710 fuorma il quen neutral dalla canalisaziun e serenera. Sut quella posiziun ein ils
cuosts e las entradas per nossa cumpart dil menaschi dalla serenera ed il manteniment dalla
canalisazun communala indicai. Cun las entradas dallas taxas da dismessa dallas auas ei previu
da far amortisaziuns da frs. 29’000.00 vid las investiziuns da canalisaziun e da metter frs.
19’000.00 en il fondo per la finanziaziun speciala dalla canalisaziun.
La posiziun 750.314.01 cuntegn ils cuosts restonts per las lavurs da svidar il tschaffaglera ad
Ogna sco era per la rumida finala dil rempar Zinzera. (Omisduas lavurs ein previdas per la
primavera 2012).
Sparta 8 Economia publica
Tier la sparta economia s’audan las sutspartas agricultura, economia forestala sco era la
distribuziun da forza electrica.
Tier la posiziun sanaziun da baghetgs purils ei la summa vegnida augmentada sin frs. 12’000.00
muort ils baghetgs dall’alp da Schlans e la hetta da nuorsas en la fracziun da Schlans. Las
entradas da tscheins dall’alp da Schlans ein previdas tier posiziun 800.434.04 cun frs. 9’500.00.
Ils cuosts da persunal per la sparta economia forestala sebasan sin il persunal actual inclus igl
emprendist.
La posiziun 810.490.10 Lavurs dalla gruppa communala per auters departaments secumpona sco
suonda:
011.390
021.390
070.390
110.390.01
140.390
217.390
620.390.01
620.390.02
620.390.03
620.390.04
624.390.01
700.390
710.390
720.390
740.390
750.390
789.390
800.390.01
810.490.10
Cumissiun eveniments dalla natira
Uffeci da baghegiar
Center communal
Polizia communala
Pumpiers
Scolaresser
Lavurs d’unviern
Lavurs da manteniment vias
Lavurs per vias da funs
Lavurs via da velos e viagiar
Illuminaziun publica
Provediment d’aua Schlans
Canalisaziun
Rumians, deponias, Sac-o-mat
Santeri e baselgia
Rempars, uors, dutgs
Cundrezs da tgauns
Agricultura
Total
1000
1000
1000
500
500
2500
150000
72000
10000
23000
3500
1500
8000
23000
14000
14000
4000
2000
331500
4
Tier la sutsparta distribuziun da forza electrica ha la vischnaunca da Trun in contract cun la
AXPO Hydro Surselva che cuora entochen la fin digl onn 2014. Tenor quei contract vegn
l’energia da participaziun che las vischnauncas han dabien per lur capital d’aczias dalla KVR
cumprada e vendida directamein ad in tierz partenari. Il gudogn denter ils cuosts da producziun
ed il prezi da vendita vegn recaltgaus dallas vischnauncas. Las posiziuns 860.318.07 cuosts da
cumpra ed 860.410.07 recav da vendita ein quintadas ora sin ina cumpart annuala d’energia da
18 milliuns kWh. Il recav previu da frs. 1.27 milliuns lubescha a nossa vischnaunca da far
amortisaziuns en la grondezia basegnada e da pagar anavos cuntinuadamein nos deivets. Cun la
fusiun dallas vischnauncas da Trun e Schlans essan nus era vegni possessurs dad aczias dalla
ovra Frisal. Il recav net ord entradas da vendita d’energia ei previus cun frs. 12'000.00. (Posiziun
810.410.02 minus 810.318.04.
Sco nova posiziun figurescha sut sparta 8 la posiziun “Ovra hidraulica Runcalatsch”. Ei setracta
cheu dalla ovra electrica che furnescha l’aua da beiber per la fracziun da Schlans. Las entradas
per vendita d’energia ein previdas cun frs. 95'000.00. Sut posiziun 981'380.00 ei veseivel ch’ei
sto vegnir fatg ord quellas entradas ina remessa da frs. 60'000.00 per il fondo dalla meglieraziun
Schlans.
Sparta 9 Finanzas e taglias
Las entradas da taglia dallas persunas naturalas ein quintadas cun il pei da taglia fixaus sin 120%
per las entradas digl onn 2011 che vegnan cudischadas per igl onn 2012. Muort la reducziun dil
pei da taglia havein nus stuiu reducir quella posiziun sin ina summa da frs. 1'250'000.00. Era la
taglia da facultad da persunas naturalas ha stuiu vegnir reducida sin frs. 210'000.00. La revisiun
dalla lescha da taglia cantunala ha gronda influenza sin las entradas da persunas giuridicas,
consequentamein havein nus stuiu sminuir quellas entradas sin frs. 110'000.00.
Tier la posiziun 920.444.01 savein nus quintar tenor las indicaziuns dil cantun cun ina summa da
frs. 968'200.00 ord il fondo d’ulivaziun da finanzas. Quella summa ei vegnida fixada tenor las
novas directivas per l’ulivaziun da finanzas (heureca 1000). En general basegna ei in pei da
taglia da silmeins 120% dalla taglia cantunala sempla per retscheiver daners d’ulivaziun. Muort
la fusiun ei la nova vischnaunca actualmein deliberada da quella cundiziun.
Las entradas dil tscheins d’aua dall’ ORA ein quintadas cun frs. 500'000.00 e quellas dalla OEFT
cun frs. 130'000.00.
Amortisaziuns ein previdas sut la posiziun 710.331.01 canalisaziun e serenera) frs. 29'000.00, sut
la posiziun 981.331.99 (amortisaziuns ordinarias) frs. 800'000.00 e sut la posiziun 981.332
(amortisaziuns supplementaras) frs. 1'500'000.00.
Muort las entradas per la fusiun en la grondezia da frs. 975'000.00 ed il grond augment ord il
fondo d’ulivaziun da taglia da frs. 968'200.00 havein nus la pusseivladad da far amortisaziuns
supplementaras.
5
Preventiv quen d’investiziuns 2012
Il preventiv d’investiziuns siara tier expensas da frs. 1'454'000.00 ed entradas da frs.
1'168'400.00 cun in surpli d’investiziuns da frs. 285'600.00.
Las posiziuns principalas secumponan ord:
610.501.03
620.501.14
620.501.17
710.501
760.501
800.562
810.506.01
830.565
Sanaziun via cantunala fracziun Schlans
Asfaltaziuns vias communalas
Sanaziun da vias communalas
Investiziuns canalisaziun communala
Project sanaziun ustonzas e vias d’uaul
Meglieraziun Schlans / Cumpart via Mangur
Maschinas communalas
Project Trun egl avegnir (prefinanziaziun)
frs.
frs.
frs.
frs.
frs.
frs.
frs.
frs.
80'000.00
60'000.00
370'000.00
120'000.00
310'000.00
90'000.00
80'000.00
200'000.00
La suprastonza communala e la cumissiun da gestiun proponan ed il cussegl da
vischnaunca proponan a Vus d’approbar il preventiv communal dil quen current e dil
quen d’investiziuns per igl onn 2012.
Suprastonza communala Trun
Il president
Donat Nay
Igl actuar
Plazi Decurtins
7166 Trun, 31-01-2012/M_2012-01
6