Fegl Ufficial Surselva 11-12-2015

Administraziun communala
Gemeindeverwaltung
Publicaziuns ufficialas dils 11-12-2015
Damonda da baghegiar
Nr. 98/2015
Datum da publicaziun:
Patrun:
Liug e parcella:
Object:
11-12-2015
Patricia Bearth, 7130 Glion
Manuela Bearth, 7163 Danis
Lag Petschen, 4233 e 4234
ulivaziun da terren per il diever agricol
Ils profils ein tschentai ed ils plans da construcziun ein deponi tier la canzlia commuala.
L’investa publica cuozza 20 dis dapi il datum da publicaziun.
Eventualas protestas encunter sura damonda da baghegiar ein d’inoltrar alla cumissiun da
baghegiar Sumvitg enteifer 20 dis dapi il datum da publicaziun.
Sumvitg, 11-12-2015
Cumissiun da baghegiar
Radunonza da vischnaunca
La proxima radunonza da vischnaunca ha liug venderdis, ils 18 da december 2015 allas
20.00 uras a Cumpadials.
Gliesta da tractandas
1. Avertura e beinvegni
2. Elecziun da 2 dumbravuschs
3. Approbaziun dil protocol dalla davosa radunonza communala dils 07-10-2015
4. Tractaziun ed approbaziun dil preventiv communal 2016
5. Fixaziun dils peis da taglia 2016
6. Tractaziun ed approbaziun dil project dil baghetg cun indrez da mulscher per l’alp Glivers e
concessiun dil credit brut da 195’000 francs
7. Orientaziuns
8. Varia
Il preventiv 2016 sa vegnir retratgs sin canzlia duront las uras da spurtegl. Dils documents tier
la tractanda 6 sco era dil protocol dalla radunonza communala dils 07-10-2015 sa vegnir priu
investa sin canzlia communala duront las uras da spurtegl. Avon radunonza ei il protocol ultra
da quei exponius en la stanza da radunonza per investa.
Sumvitg, 11-12-2015
Suprastonza communala Sumvitg
-2Clom da quens
Il quen communal vegn serraus cun ils 31 da december 2015. Per saver risguardar las
expensas fatgas uonn el quen current ein tut quels che han aunc dabiens viers la vischnaunca
supplicai da dar quen sil pli tard entochen ils 18 da december 2015. Nus supplichein tuttas
fatschentas sco era ils ufficials da vischnaunca d’observar quei termin.
Sumvitg, 11-12-2015
Suprastonza communala Sumvitg
PREAVIS
Administraziun communala / Communicaziun
L’administraziun communala resta serrada sur las fiastas da Nadal e Daniev sco suonda:
naven da mesjamna, ils 23-12-2015, allas 17.00 uras, entochen gliendisdis, ils 28-12-2015
allas 08.00 uras
naven da mesjamna, ils 30-12-2015 allas 17.00 uras, entochen gliendisdis, ils 04-01-2016
allas 08.00 uras
Nus engraziein per la buna collaboraziun, giavischein benedidas fiastas da Nadal ed in bien
niev onn.
Sumvitg, 11-12-2015
Administraziun communala
Carta dil di per viagiar culs mieds publics en Svizra
La vischnaunca da Sumvitg porscha naven dils 1. Da schaner 2009 als habitonts sco era a
persunas d’ordeifer duas cartas dil di per il traffic public. Cun talas cartas saveis Vus viagiar
cun quasi tut ils mieds da traffic publics en Svizra (tren, auto da posta, tram, bastiment, etc.). Il
prezi munta naven dils 01-01-2016 frs. 42.– per carta. Empustaziuns e reservaziuns vegnan
pridas encunter per internet (www.sumvitg. ch), per telefon (081 920 25 00) ni era al spurtegl
dall’administraziun communala. Las empustaziuns dallas cartas ein definitivas! Cartas dil di
empustadas san buca vegnir returnadas e ston vegnir pagadas. Per tarmetter las cartas cun
posta vegn quintau spesas. Per damondas ed ulteriuras informaziuns stein nus bugen a
Vossa disposiziun.
Sumvitg, 11-12-2015
Administraziun communala Sumvitg
Uffeci civil Cadi
Naschientscha
Wilkins Jacoby Darwin, naschius ils 03-12-2015 a Glion, affon da Donny e Laetitia Wilkins,
sesents a Surrein, Bubretsch 380.
Sumvitg, 11-12-2015
Controlla da habitonts
-3Pignola da Nadal
L’administraziun forestala recamonda da retrer il pigniel da Nadal al singul vischin sco suonda:
En ils vischinadis nua ch’ils pigneuls vegnan pinai entras l’uniun da giuventetgna supplichein
da retrer leu il pigniel da Nadal.
Al vischin che vul pinar sez il pigniel (lubiu ei da pinar mo pégn) eis ei lubiu da pinar tal sin
territori communal. Ei vegn denton recumandau da pinar sin terren da pastiras surcarschidas.
Scumandau eis ei da pinar en plontaziuns ed uauls da schurmetg (Uaul da Puzzastg, Cresta,
S. Benedetg, etc.) En ils uauls privats eis ei scumandau da pinar pignola da Nadal priu ora ins
hagi ina lubientscha dil possessur d’uaul.
Nus recumandein era da pinar mo in pigniel e quel prender a casa e buca schar scher entuorn
e forsa pinar dus auters.
Tgi che vul schar pinar il pigniel ils luvrers da vischnaunca ein supplicai da s’annunziar
entochen ils 11-12-2015) tier la canzlia communala (tel. 081 920 25 00). Tals pigneuls
vegnan taxai sco suonda:
- grondezia sut 2 m
- grondezia 2 - 3 m
- grondezia sur 3 m
frs. 20.frs. 25.frs. 35.-
Per il schurmetg d’igl uaul recumandein a scadin da pinar il pigniel da Nadal cun
precauziun e senn da responsabladad. Cunterfatgs vegnan punidas tenor il regulativ
forestal.
Sumvitg,11-12-2015
Uffeci forestal Sumvitg
Sera d‘orientaziun dalla corporaziun d’alps Sumvitg
A caschun dalla radunonza da vischnaunca dils 28-05-2015 ei sedau la damonda tgei che
schabegia cun ils daners d’alpegiaziun che la corporaziun d’alps retilla annualmein per la
gudida dallas alps.
Bugen envida la corporaziun d’alps tuttas convischinas e tuts convischins ad ina orientaziun.
Quella orientaziun ha liug ils 15-12-2015 allas 20.00 ella destillaria Candinas a Surrein.
Corporaziun d’alps Sumvitg
Bearth Rest Andriu, president
Uniun da dunnas Sumvitg/Cumpadials
Devoziun d’advent
La devoziun d’advent ha liug ils 20 da december allas 17.00 en la caplutta a Laus. Suenter
devoziun stein in tec ensemen da cumpignia e gudin igl apéro che las dunnas da Laus han
preparau. L’uniun da dunnas giavischa a Vus in bi temps d’advent e selegra da sentupar cun
Vus a Laus.
Concert da Nadal a Surrein
Il Chor mischedau Surrein ed il Chor da giuvenils Grischun selegran d’envidar al concert da
Nadal
– sonda, ils 19 da december, allas 19.30 (stiva da caffè suenter concert)
– dumengia, ils 20 da december, allas 14.00 mintgamai en baselgia a Surrein.
Il recav dil concert va en favur dall’orgla nova e dalla renovaziun interna dalla baselgia. Mira
inserat!
-4Finiastras d’advent a Rabius
24 finiastras d’advent san vegnir contempladas el vitg da Rabius. Ellas ardan naven dallas
17.00–23.00, e quei entochen ils 10 da schaner 2016. In bi temps d’advent ed in legreivel
Nadal giavischan a tuts las commembras dall’uniun da dunnas Rabius.
1. Rita Berther, Tschuppina
2. Gabriela Lutz, Tschuppina
3. Maria Lutz, Tschuppina
4. Iris Wicker, Casa Collina-Silvia Lutz
5. Hotel Greina, Via Principala
6. Volg, Via Principala
7. Angela Deplazes, Via Principala
8. Jacqueline Bearth, Via Surrein
9. Iris Deplazes, Via Surrein
10. Jasmin Cajacob, Sut vitg
11. Adelina Berther, Curtins
12. Scrinaria Daniel Maissen, Luven
13. Georgette Bearth, Via Surrein
14. Käthy Schärrer, sper baselgia
15. Pierina Maissen, Via Cavivens
16. Stefania Bearth, Cavivens
17. Irena Venzin, Cavivens
18. Monica Mastroiani, Via Cavivens
19. Iris Nwachukwu, Catat
20. Sandra Bearth, Fravia
21. Fabienne Saner, Caduff
22. Anna Maria Fry, Caduff
23. Cornelia Vogel, Caduff
24. Cussegl pastoral, santeri
In plan nua las casas ein d’anflar penda en vitrina dalla uniun da dunnas Rabius, quella
sesanfla vid il baghetg dil Volg/Rabius.
«Negin plaz per jasters»
Ils scolars e las scolaras dalla 3./4. cul sustegn dalla scoletta ed ils affons dalla 1. e 2.classa
selegran da presentar il giug da Nadal «Negin plaz per jasters» ella halla da gimnastica a
Rabius: dumengia, ils 13 da december, allas 14.00
Tuttas persunas, davon e davos la tenda, selegran da mintga viseta! Ils affons dalla scoletta e
dalla scola da Rabius cun lur scolasts e scolastas
Meisa da miezdi (gentar communabel) dalla Pro Senectute a Surrein
Pro Senectute Surselva organisescha ensemen cun Karin e Mack Pelican ell‘Ustria Greina a
Surrein ina meisa da miezdi (gentar communabel) inagada per meins, mintgamai il venderdis.
Intent dalla meisa da miezdi duei esser da promover la cumminonza ella vischnaunca da
Sumvitg e contuorn denter las persunas ella vegliadetgna dalla pensiun. Plinavon dat ei la
pusseivladad d’embellir quella occasiun cun star suentermiezdi da cumpignia cun dar in
scart troccas ni auters giugs.
Liug: Ustria Greina, 7173 Surrein
Datum: venderdis, ils 18 da december allas 12.00
Annunzias: Ein da far entochen mesjamna sera tier l’ustria Greina a Surrein, 081 943 18 68