In hotel per la Lumnezia
Transcript
In hotel per la Lumnezia
SURSELVA GLINDESDI, ILS 2 D’AVRIGL 2012 In hotel per la Lumnezia ■ GLION In na alla damonda da concessiun Ils vischins da Morissen sustegnan la construcziun dil Hotel Lumnezia DA GIUSEP VENZIN / ANR ■ In hotel cun 100 tochen 120 letgs vul Oscar Caduff baghegiar a Sut Dieschmas sil territori dalla vischnaunca da Morissen. Il venderdis sera han ils vischins dalla vischnaunca en contractivas da fusiun approbau il brat da terren culla pervenda da Morissen e concediu il dretg da cumpra dil terren supplementar tier il dretg da cumpra existent. Tenor il niev project drova il hotel 2000 meters quadrat dapli terren. Damai che las organisaziuns digl ambient han valetau positiv il project ein ton sco tut ils craps da scarpetsch eliminai. Quei ha igl investur constatau. Igl architect Oliver Caduff ha presentau il project niev alla radunonza communala e numnau ils termins. La stad 2013 succeda l’entschatta dallas lavurs e l’avertura dil hotel ei previda igl onn 2015. Avon che quei succeda ston aunc la vischnaunca ed il cantun approbar la midada da zona. Sin fundament dil stan actual ein ils responsabels perschuadi che quei succedi aunc uonn. Ella plaunca Il niev project d’in Hotel Lumnezia sedistingua dil tuttafatg dil project presentaus avon in onn. Quel prevedeva la construcziun d’in hotel e treis casas da mintgamai otg habitaziuns da vacanzas. Sin fundament dallas resalvas dallas uniuns digl ambient ha Oscar Caduff schau elaborar in niev project. Il baghetg dil hotel presentaus il venderdis sera ei in baghetg scavaus cumpletamein ella plaunca. Mo la fatschada da veider e la terrassa ein veseivlas e tut ils parcadis ein sutterrans. Tuttas combras han la medema posiziun viers sid. Sco igl architect ha constatau alla presentaziun ei il project ina unitad. «La plaunca verda resta, ei dat negins baghetgs aults e culla construcziun dil baghetg ella vischinonza digl ual resta il ■ SUMVITG Gie alla sanaziun dalla via da Russein (anr/gv) L’entschatta mars haveva la radunonza communala da Sumvitg approbau il project da sanaziun dalla via da Russein ed il medem mument concediu il credit da 2,57 milliuns francs persuenter. La fin d’jamna ha il suveran confirmau quei cun ina votaziun all’urna. 285 han fiers in gie ell’urna, 19 in na. In hotel en in dils pli bials loghens en Lumnezia. Quei vul Oscar Caduff da Cumbel realisar. Las schanzas persuenter ein bunas. meglier terren agricol vinavon cultivabels.» Il baghetg cun ina surfatscha da 4500 meters quadrat ed in volumen da 19 000 meters cubic ei calculaus cun 25 milliuns francs. La finanziaziun seigi segirada, ha igl investur concediu. Ils 100 tochen 120 letgs ein parti sin 24 combras e 14 tochen 17 suitas respectiv appartaments. Il hotel ha duas ustrias, plinavon stanzas da congress, wellness e fitness. creaziun da valur cun cooperaziuns cun menaschis locals e culs purs. Ina dallas finamiras ei denton era da crear ina nova purschida ella vallada. Il president communal Ueli Caduff ha puntuau: «Igl ei buc in hotel per Morissen, igl ei in hotel per la Lumnezia.» Aunc avon che la realisaziun dil hotel ei segirada ein ils menaders da quel enconuschents. Igl ein Fabian Lombris e Michaela Fussi d’Altdorf. 20 plazzas da lavur Ell’introducziun dalla presentaziun ha igl archtect Oliver Caduff menziunau las finamiras digl investur. Quei seigi la realisaziun d’in project en favur d’in svilup durabel e succedi cun crear letgs caulds e rodund 20 plazzas da lavur. Plinvavon duei il project augmentar la Per stad ed unviern Oscar Caduff ha eligiu Sut Dieschmas sco liug da construcziun dil hotel per sminuir la dependenza dallas pendicularas, respectiv dil hosp d’unviern «Il liug porscha ruaus, natira, in liug perfetg cun survesta ideala», ha igl architect constatau. Il hotel sedrezzi al hosp classic dil MAD hotel ed il concept funcziuni mo cun turissem da stad ed unviern. «Temps e ruaus sco bein luxurius» ei il motto. Alla radunonza dil venderdis sera ha in vischin da Morissen dumandau sch’ins hagi buca patertgau vid la construcziun d’in bogn. Quei hagien ins fatg alla liunga, ha Oliver Caduff rispundiu. «Cura ch’ins fa il plan da finanzas ed entscheiva a strihar, ei il bogn gleiti strihaus dalla gliesta da giavischs.» El ha menziunau ils cuosts da construcziun e dil manteniment. «Ed il bogn procura buca per dapli entradas.» Igl architect dil biro Abitabel a Valendau ha menziunau la finamira da realisar in object cul label da minergia e forsa schizun minergia P. «Quei ei buca pusseivel culla construcziun d’in bogn.» Il baghetg vegni scaldaus cun geotermica. «Il spital ei in simbol dalla regiun» Konrad Widmer ei dapi dus meins directur dil spital regiunal ■ (anr/gv) Culla fin dalla èra Marcel Baumann al Spital regiunal dalla Surselva ha la suprastonza cun Mathias Bundi alla testa presentau la fin schaner in directur ad interim ella persuna da Konrad Widmer da Basilea. Igl um da 51 onns e bab da quater affons ei dapi dus meins en funcziun e lavura mintgamai dus dis ad jamna a Glion. Dasperas ei il miedi president dil cussegl d’administraziuns dallas cli- nicas psihiatricas universitaras da Basilea. Ina dallas funcziuns principalas da Konrad Widmer ei crear bunas premissas per ina nova directura ni in niev directur. Sco igl um da Basilea ha detg all’Agentura da novitads rumantscha duei l’elecziun da quella persuna succeder quest meins. «Ei dat bunas candidaturas.» Il directur ad interim ha medemamein concediu ch’il spital drovi urgentamein in menader dalla tgira. Era quella persuna duei vegnir definida el decuors da quest meins. Igl um cun experientscha ella direcziun da spitals ha constatau ch’il spital regiunal hagi ina treidubla funcziun per la regiun. Il spital regiunal seigi en emprema lingia garant pil provediment medicinal, el seigi denton era in factur economic per la regiun ed in simbol. «Cu ina regiun piarda tals simbols piarda ella era la speronza dil svilup positiv.» ■ LUVEN (anr/gv) Cun 68 encunter 59 vuschs ha il suveran da Glion refusau la damonda da concessiun dallas Ovras electricas Zervreila per nezegiar las auas entadem la Lumnezia sura. Quei na da Glion munta denton buca la fin dil project. Il «na» sto numnadamein haver arguments pesonts, autruisa ha la regenza grischuna la pusseivladad da reveder quella decisiun. La vischnaunca da Glion survegness 12 000 francs ad onn per la concessiun. Quella summa ha buca pudiu perschuader ils pescadurs ed amitgs digl ambient che han priu il venderdis sera il plaid. Rino Caduff, il president dil marcau, ei staus surstaus dalla decisiun. «Il project ei da muntada e vegn realisaus cun in implont existent. Era il stadi giavischa quei project.» Il president ha era appellau alla solidaritad cullas vischnauncas entadem la Val Lumnezia. Gie ha il suveran dil marcau da Glion detg alla reintroducziun dil romontsch sursilvan en scola. Quei ei succediu cun 99 vuschs persuenter e 51 vuschs encunter. Plinavon han las votantas ed ils votants dil marcau approbau in credit da 970 000 francs per la cumpra digl anteriur arsenal alla Via Santeri. ■ RUEUN Brida Janki resta presidenta (anr/gv) Ils vischins da Rueun ein cuntents cun lur presidenta communala Brida Janki. Malgrad ch’ella haveva demissiunau ed aunc inaga puntuau all’entschatta dalla radunonza communala il venderdis sera sia veglia da remetter igl uffeci ha ella contonschiu gia egl emprem scrutini la maioritad absoluta dallas vuschs e dumignau la lutga encunter LucasValaulta. Sin fundament da quei sustegn ha Brida Janki acceptau l’elecziun. Sco commembers da suprastonza ein Ursula Brändli Capaul, Flurin Cavigelli ed Andreas Günthart vegni reeligi. Per Toni Cadalbert che ha demissiunau ha la radunonza buc anflau in successur. La medema radunonza ha era eligiu ina cumissiun da quen e gestiun diltut nova, quei ellas persunas da Marco Dermond, Michael Simmen e Marco Tschuor. Els remplazzan Claudine Dermont, Hugo Schär e Lucas Valaulta. Ella cumissiun da baghegiar ha il suveran reeligiu Armin Cadalbert e Peter Janka. Plinavon han ils vischins concediu in credit da 305 000 francs per la sanaziun dalla lingia d’aua e dil passapei Grava– Panadeglias ed in credit dad 11 000 per la projectaziun dalla lingia d’aua Siat– Rueun. reclama Das leicht alkoholhaltige Reeligiu Johann Camenisch e Rolf Fischer (anr/gv) Alla radunonza communala dil venderdis sera han ils vischins da Luven eligiu Johann Camenisch e Rolf Fischer per ina ulteriura perioda d’uffeci da dus onns en suprastonza communala. Per Lydia Bapst-Jörger che ha demissiunau dalla cumissiun da quen e gestiun eis ei buca gartegiau il venderdis sera dad eleger in successur ni ina successura. Il post resta vacants. Per la sanaziun e cumpletaziun dalla tegia ad Alp Ligneida ha il suveran concediu in credit da 150 000 francs. Cun 22 gie e neginas vuschs encunter ha Luven plinavon approbau la damonda da concessiun dallas Ovras electricas per nezegiar las auas dalla Lumnezia Sura. 3 Apérogetränk, mild und spritzig im Geschmack, einzigartig sein Aroma nach Äpfeln und Holunderblüten. swiss cider Il miedi Konrad Widmer ei dapi dus meins directur ad interim dil Spital regiunal Surselva. L’elecziun d’in niev directur succeda quest meins. FOTO G. VENZIN Mosterei Möhl AG, 9320 Arbon, Tel. 071 447 40 74 www.swizly.ch • www.moehl.ch