Cumün da Val Müstair Protocol da la radunanza cumünala dal

Cumün da Val Müstair
Forum
7537 Müstair
Tel. Nr.
Fax. Nr.
E-Mail
081 / 851 62 00
081 / 851 62 01
[email protected]
Protocol da la radunanza cumünala dal cumün da Val Müstair
3. radunanza cumünala 2012, dals 27.06.2012, ad uras 20.00 illa chasa cumünala a Müstair.
Preschaint:
President:
- Arno Lamprecht
Vicepresident:
- Aldo Rodigari
Suprastants:
- Carla Peterelli-Tschenett
- Gian Duri Conrad
- Gervas Rodigari
- Dumeni Stupan
Votants:
- 50 (partecipaziun da 4.11 %)
Giasts:
- Anton Waldner, manader uffizi da fabrica
S-chüsà:
-
Actuar:
- Not Manatschal, manader d’administraziun
1. Salüd / glista da tractandas
President Arno driva la radunanza e spordscha il salüd a las 50 votantas e votants chi s’han
radunats illa sala cumünala a Müstair. La glista da tractandas vain preschantada. Ella nu da
andit a discussiuns e vain acceptada illa fuorma protramissa ed affischada.
In algordanza a la trista ed inaspettada mort da nos stimà suprastant Jon Largiadèr giavüscha
president Arno da s’algordar al trapassà e prelegia las seguaintas lingias ch’el ha redigi:
Stimats preschaints
Als 19 gün, la saira intuorn las nouv, s’ha tuot in ün dandet ins-chüri il tschel serain sur la Val
Müstair e’l sulai ha büttà üna sumbrivuna naira sur il quartier da Travers a Sta. Maria. In quist
mumaint ha nos Segner clomà pro sai a nos char convaschin, Jon Largiadèr, in sia giuvn’età da
be 34 ons, quai in consequenza d’ün accidaint fich tragic. Quist giuven uman es gnü sdrappà
davent tuot inaspettadamaing da sia famiglia, da sia amia, da seis amis, da seis collegs. Jon
d’eira, sper numerusas caricas ch’el avaiva surtut, eir commember da la suprastanza cumünala.
Bleras jadas m’ha’l orientà per telefon, ch’el rivarà ün pa plü tard a la sezzüda. Dürant l’ultima
sezzüda da suprastanza es la sopcha da Jon restada vöda, el nun es insomma plü rivà, ne ad
ura ne plü tard. El nu rivarà mai plü e quai es ün fat chi’ns stima fich trists e commoss. Jau n’ha
imprais a cugnuoscher a Jon sco uman fich direct, critic, intelligiaint, spontan, minchatant eir ün
pa impertinent, però da l’otra vart d’eira el fich serviziavel, nüglia cumplichà e da bun cour. Ün
char uman nun es plü tanter da nus. Quai chi resta sun dumondas chi nu gnaran mai
respussas.
Perchai güst el? Perchai uschè dandet? Perchai güst Jon, chi vess jent reglà e realisà amo
uschè bler? Pro sia racolta vess il Segner eir gnü otras pussibiltats, el vess pudü racoglier spias
chi füssan stattas bler plü madüras e muribundas. Segner, perchai Til hast Tü bandunà?
Perchai?
In nom dal Cumün da Val Müstair, concedi quatras a la famiglia in led mias sinceras
condolaziuns e giavüsch forza, la cretta e la benedicziun dal Segner per survendscher quist
greiv temp da tristezza e cordöli.
Pagina 16
Char Jon, nus At tgnaran adüna in buna e degna memoria. Char colleg ed ami, reposa in
pasch!
In onur da Jon Largiadèr s’alvaintan ils preschaints da las sopchas .
2. Tscherna dals dombravuschs
Sco dombravuschs vegnan proponüts ed elets Oscar Walther e Curdin Bott.
3. Approvaziun dal protocol da la radunanza cumünala dals 26.04.2012
Tenor l’art. 29 da la constituziun cumünala sto il protocol da l’ultima radunanza, in quist cas quel
dals 26.04.2012, gnir expost per l’invista dals votants almain ün mais davo la radunanza, dürant
30 dis, in chasa cumünala. L’exposiziun d’eira publichada illas tablas d’affischa da las singulas
fracziuns. Recuors nu sun entrats, uschè cha’l protocol vala sco acceptà.
10
9
FINANZAS ED IMPOSTAS
Approvaziun dal rendaquint cumünal e’l rapport da revisiun pel on 2011
Jann Ruinatscha, sco respunsabel operativ pellas finanzas dal cumün, da ün’infuormaziun
generala e da commentars pro posiziuns specialas. Il resultat final as preschainta:
Quint curraint:
Expensas
Entradas
fr.
fr.
13‘260‘048.62
14‘506‘639.23
Suravanz d’entradas
fr.
1‘246‘590.61
Expensas
Entradas
fr.
fr.
2‘432‘801.51
2‘465‘282.25
Suravanz entradas d‘investiziuns
fr.
32‘480.74
Suravanz entradas
Deposit per finanziaziuns specialas
Prelevaziun da finanziaziun specialas
Amortisaziuns
fr.
fr.
fr.
fr.
1‘246‘590.61
102‘539.76
44‘687.88
475‘303.10
Cashflow:
fr.
1‘779‘745.59
Suravanz entradas d‘investiziuns
Investiziuns nettas facultà finanziala
fr.
fr.
39‘480.75
491‘057.70
Suravanz da finanziaziun
fr.
1‘812‘226.33
Quint d’investiziuns:
Fluctuaziun dal chapital:
Tant il president sco’l contabel suottastrichan chi’s tratta d’ün bun rendaquint. Portà pro al bun
resultat, in congual cul preventiv, han impustüt buns rechavs pro las impostas ed ün gudogn our
da la facultà da finanzas da fr. 516‘000.00, our da la consegna da la „Chasa Sielva“. In seguit
da Oscar Walther, president da la cumischiun da revisiun, prelecziun dal rapport. Els propuonan
d’acceptar il rendaquint preschantà e da dar dis-charg a las instanzas cumünalas.
Sainza far adöver da la discussiun seguan las votantas e’ls votants a quist votum ed acceptan
cun unanimità il rendaquint preschantà.
Pagina 17
11
4.00
OSPIDALS
Approvaziun dal rendaquint dal ospidal / spitex Val Müstair pel on 2011
L’adminstradura dr. Karin Hänni da ün’introducziun generala e preschainta in fuorma d’ün
riassunt las cifras importantas. Pro entradas da fr. 5‘671‘391.08 e sortidas da fr. 5'342‘373.60
resulta ün avanz da fr. 329‘017.48 pro l’ospidal e la part da chüra. La contabiltà da la spitex
muossa entradas da fr. 641‘170.50 e sortidas da fr. 494‘335.95 uschè chi resulta ün avanz da
fr. 146‘834.55. L’organ da controlla propuona d’acconsentir ils rendaquints preschantats e da
dar dis-charg a la suprastanza, a la cumischiun ed als funcziunaris.
Sainza discussiun, e cun unanimità, acceptan ils preschaints il rendaquint da l’ospidal e quel dal
spitex pel on 2011.
12
8.60
PRODUCZIUN D'ENERGIA
Approvaziun dal rendaquint dal PEM da la gestiun 2010 / 2011
La contabla dal PEM, Tatiana Ruinatscha, preschainta il rendaquint da la gestiun dal
2010/2011. Pro entradas da fr. 3‘024‘122.27 e sortidas da fr. 2‘987‘388.41 resulta ün avanz da
fr. 36‘733.86. In quist import sun cumpraisas amortisaziuns da fr. 846‘244.00. La contabla conferma cha’l PEM po dar ün sguard inavò sün üna gestiun fich allegraivla. Ils organs da controlla
propuonan a la radunanza d’acconsentir il rendaquint preschantà e da dar dis-charg a la
suprastanza, a la cumischiun ed als respunsabels operativs.
Sainza far adöver da la discussiun e cun unanimità segua la radunanza al votum da la cumischiun da revisiun ed accepta il rendaquint preschantà.
13
3.40
SPORT
Approvaziun d’ün credit da fr. 750‘000.00 pella realisaziun dal center da passlung
a Furom
President Arno Lamprecht e suprastant Aldo Rodigari dan ün’infuormaziun generala sur dal
proget e da quai chi’d es capità fin al di d’hoz. Anton Waldner sco manader da l’uffizi da fabrica
da las infuormaziuns tecnicas. Las infuormaziuns pon gnir resümadas seguaintamaing:
• Dürant ils invierns 2010/2011 e 2011/2012 es il center da passlung gnü manà in ün möd
provisoric.
• Retscherchas pro’ls visitaduors han muossà: La structura vegn stimada ed acceptada
(necessari ingrondimaint da la plazza da parkegi) – augmaint da la valur pel passlung in Val.
• Augmaint da la vendita da bigliets pervi dal post da vendita sper la loipa.
• Edifizi planisà sco chasa forestala – adattamaints sun necessaris.
• Problems dal center da passlung provisoric:
- condots d‘aua dschets – isolaziun noscha
- tschairar a l‘intern dal local – reclamaziun dal inspectur per victualias
- s-chodamaint electric – na permiss seguond nouva ledscha d‘energia
• Conclusiuns in reguard a las localitats:
- spazi per artichels da sport massa pitschen;
- spazi pel bistro po esser plü pitschen – l‘interess per pudair mangiar e baiver es damain
sco suppuonü;
- üna duscha es sufficianta – l’interess in quist reguard nun es grond;
- ün local per tschairar nun es neccessari;
- la garascha per la maschina da far pista es massa pitschna;
• Tgnair quint da las experienzas dal center provisoric per realisar üna structura adequata ed
ütilisar l‘edifizi existent in möd optimal.
Pagina 18
Ils cuosts per l’investiziun s’amuntan sün fr. 750‘000.00. Vi da quist import es garantida üna
contribuziun da fr. 100‘000.00 our dal relasch da Heinrich Diggelmann-Florin barmör. Previssa
es eir üna contribuziun da fr. 100‘000.00 our dal legat d’Alfred Amsler, barmör.
Discussiun:
- La dumonda scha Furom es il dret lö po gnir respusa dal president in quel sen chi’s tratta
quia d’ün’impromischiun, chi’d es gnüda fatta a seis temp i’l concept da fusiun, invers la
fracziun da Fuldera. Cun quai cha tuot la gestiun forestala es gnüda transloccada ill’ufficina a
Valchava d’eira gnü impromiss a la fracziun da Fuldera, v.d. al Terzal d’Aint d’ütilisar la
chamonna pel sport, v.d. sco center pel passlung.
- Singuls votants sun eir da l’avis chi’s tratta quia d’ün grond import per las müdaziuns
previssas. L’architect Ralf Hohenegger motiva l’otezza dal credit. President Arno Lamprecht
suottastricha cha’l cumün prova da far tuot il pussibel per cha’l proget po gnir realisà i’l rom
dal credit tractandà.
- Tant la GASTRO V.M. sco eir ils rapreschantants dal turissem e da la Biosfera conferman
chi’s tratta quia d’ün proget da grond’importanza pel avegnir dal turissem in Val Müstair.
Decisiun:
Cun unanimità acceptan las votantas e’ls votants il credit da fr. 750‘000.00 pella realisaziun dal
center da passlung a Furom, illa fracziun da Fuldera.
14
9.35
VENDITA DA GERA
Surdatta concessiun per retrar material da la chava Bos-chetta, fracziun da Sta.
Maria
La concessiun per la retratta da material our da la chava da la Bos-chetta Sura es scadüda als
31.12.2011. L’uffizi da fabrica ha elavurà ün nouv contrat da concessiun, chi scada als
31.12.2017. Tuot las impraisas da fabrica in Val sun gnüdas invidadas per offrir la retratta dal
material. Entradas sun duos offertas. La Chava Piz Daint es pronta da bunifichar fr. 15‘000.00
per la concessiun e l’impraisa da fabrica Hohenegger SA da Fuldera fr. 5‘000.00.
L’indemnisaziun pel material retrat importa fr. 4.00/m3, pajamaint minimal da fr. 2‘000.00 / on.
Sainza far adöver da la discussiun decidan ils preschaints cun unanimità da surdar la
concessiun a la Chava Piz Daint, suot las cundiziuns manzunadas.
15
2
SCOULAZIUN
Reducziun nomer dal cussagl da scoula da 7 sün 5, adattaziun da la constituziun
cumünala
Aint il contrat da la fusiun dals ses cumüns d’eira francà suot il punct nr. 3 ch’eir il cussagl da
scoula e la cumischiun da fabrica existan our da set commembers, ün per fracziun, Müstair
duos. Il fratemp s’haja stuvü constattar chi nun es simpel d’occupar ils sezs. Pro l’ultima
vacanza nun ha la fracziun da Müstair p.ex. chattà ingün candidat/-ata chi’s vess mis a
disposiziun. La tscherna es in seguit crodada sün ün commember chi ha il domicil illa fracziun
da Sta. Maria. Ultra da quai es il cussagl da scoula eir da l’avis cha’l gremi po lavuarar plü
efficiaint sch’el es plü pitschen. President Arno Lamprecht manzuna cha la reducziun pretenda
eir d’üna müdaziun da la constituziun cumünala. Tala tuna, citat our da la constituziun
cumünala:
A. Ils votants a l’urna
Art. 31 Cumpetenza d’eleger, circul electoral
Per l’elecziun dals commemebrs da la suprastanza cumünala, dal cussagl da scoula e da la
cumischiun da fabrica fuorman las fracziuns minchüna ün circul electoral.
Pagina 19
Illa suprastanza cumünala, i’l cussagl da scoula ed illa cumischiun da fabrica posseda la
fracziun da Müstair duos sezs, tschellas fracziuns minchüna ün sez.
Nouv:
Per l’elecziun dals commembers da la suprastanza cumünala fuorman las fracziuns
minchüna ün circul electoral. Illa suprastanza cumünala posseda la fracziun da Müstair
duos sezs, tschellas fracziuns minchüna ün sez.
Il votant a l’urna elegia in elecziuns cumplessivas:
1.
2.
3.
Ils commembers da la suprastanza cumünala, dal cussagl da scoula e da la cumischiun da
farbrica, permiss ch’in üna o plüssas fracziuns nu sun reuschidas las elecziuns dals
commembers da las fracziuns cunfuorm a l’art. 31 alinea 2
il president cumünal
ils commembers da la cumischiun sindicatoria
L’elecziun dal president cumünal vain executada sco elecziun separada our dals commembers
tschernüts illa suprastanza.
Nouv:
Il votant a l’urna elegia in elecziuns cumplessivas:
1.
2.
3.
4.
Ils commembers da la suprastanza, permiss ch’in üna o plüssas fracziuns nu sun
reuschidas las elecziuns dals commembers da las fracziuns confuorm a l’art. 31
aliena 2
Il president cumünal
Ils commembers dal cussagl da scoula
Ils commembers da la cumischiun da fabrica
L’elecziun dal president cumünal vain executada sco elecziun separada our dals
commembers tschernüts illa suprastanza cumünala.
E. Il cussagl da scoula
Art. 57 Cumposiziun
Il cussagl da scoula as cumpuona da set commembers. El as constituischa svessa.
Il cussagl da scoula po decider, schi sun preschaints almain tschinch commembers.
Els sun obliats da vuschar.
Il suprastant dal departamaint correspundent vain invidà cun vusch consultativa a las sezzüdas.
Nouv:
Il cussagl da scoula as cumpuona da tschinch commembers. El as constituischa svessa.
Il cussagl da scoula po decider, schi sun preschaints almain trais commembers.
Els sun obliats da vuschar.
Il suprastant dal departamaint correspundent fa part sco commember i’l cussagl da
scoula.
Sainza far adöver da la discussiun acceptan las votantas e’ls votants la reducziun tractandada
e la müdaziun da la constituziun cumünala, illa fuorma manzunada e preschantada.
16
0.21
UFFIZI DA FABRICA
Reducziun nomer cumischiun da fabrica da 7 sün 5, adattaziun da la constituziun
cumünala
Il medem sco manzunà pro’l cussagl da scoula vaglia eir per la cumischiun da fabrica. Eir quia
ha la cumischiun inoltrà la dumonda schi nu’s pudess tour avant la reducziun. L’artichel 59 da la
cumischiun da fabrica tuna:
Pagina 20
La cumischiun da fabrica as cumpuona da set commembers. Ella as constituischa svessa.
Ella executescha la ledscha da fabrica.
Il suprastant dal departamaint correspundent vain invidà cun vusch consultativa a las sezzüdas.
La versiun nouva tuna:
La cumischiun da fabrica as cumpuona da 5 commembers. Ella as constituischa svessa.
Ella executescha la ledscha da fabrica.
Il suprastant dal departamaint correspundent fa part sco commember illa cumischiun da
fabrica.
Eir quia vezzan ils preschaints ils motivs e l’avantag da la reducziun. Sainza far adöver da la
discussiun acceptan las votantas e’ls votants la reducziun da la cumischiun da fabrica da 7 sün
5 commembers, sco circumscrit illa versiun nouva dal artichel 59.
17
8.60
PRODUCZIUN D'ENERGIA
Approvaziun d’ün credit da fr. 483‘000.00 pel implant da forza dal provedimaint
d’aua Spinai, fracziun da Müstair
In sia introducziun manzuna suprastant Gevas Rodigari cha’l proget per l‘implant da forza dal
provedimant d‘aua Spinai exista fingià daspö l’on 1991. Our da motivs da rendita nun es el però
gnü realisà. Hoz ha la Confederaziun ün’otra politica d’energia (desist sün la forza atomara) ed
ha eir otras tariffas per bunifichar l’energia chi vain prodütta in quist möd. Sur il KEV („Kostendeckende Einspeisevergütung (KEV) ist ein Instrument des Bundes, welches zur Förderung der
Stromproduktion aus erneuerbaren Energien eingesetzt wird“) vain la forza bunifichada cun
26.16 rp / kWh, per üna dürada da 25 ons: Ün oter motiv sun las lingias d’aua chi sun gnüdas
installadas avant 20 ons. Las masüraziuns d’aua chi vegnan fattas daspö duos ons conferman
eir chi culla 25 % daplü aua sco chi d’eira fat quint a seis temp.
Ulteriuras datas:
-
Prestaziun maximala
Producziun annuala
Entradas l‘on
Cuosts da fabrica
40 kW
211‘500 kWh
fr.
55‘000.00
fr. 483‘000.00
Sainza far adöver da la discussiun vain il credit tractandà acconsenti cun unanimità.
12. Varia
Suot varia po president Arno Lamprecht dar las seguaintas infuormaziuns:
Tour de Ski:
L’organisaziun da la „Tour de Ski“ funcziuna bain. Güst hoz ha gnü lö üna sezzüda cun Hippolyt
Kempf e dna. Sandra Spitz da la FIS, tanter oter eir reguard dumondas da l’allogi e la proviantaziun. Eir quai reguarda ils sponsurs eschna sün buna via, uschè cha la finanziaziun pudarà gnir
garantida
Sviamaint Sta. Maria
Il böt es da cumanzar cullas lavuors l’on 2017. Davo la racolta dal fain saran geologs e perits
davart dal Chantun preschaints sül lö per tour sü masüras a man da la progettaziun.
Sviamaint pitschen a Müstair
Il Chantun es fatschendà vi da la planisaziun. Nus sperain da pudair preschantar dürant l’utuon
il proget a la radunanza cumünala
Planisaziun locala e planisaziun directiva
La publicaziun publica avarà lö davo las vacanzas da stà dal 2012.
Pagina 21
Müdamait da dicasteri
In connex culla mort da suprastant Jon Largiadèr surpiglia Carla Peterelli a partir da subit il dicasteri educaziun, sport e cultura. Sün basa da l’art. 13 da la constituziun cumünala nu vain il
post da Jon Largiadèr plü rimplazzà per quista legislatura. Per la carica sco vicedeputà nu vain
neir na tscherchà ed elet ün successur/-a. Il rimplazzamaint vain surtut, fin pro las prosmas
elecziuns, dal mastral obain da seis substitut.
Ad uras 22.10 po president Arno serrar la radunanza. El ingrazcha per l’incletta demuossada e
giavüscha a tuots la buna not.
Il president:
L’actuar:
……………………………………..
…………………………………..
Arno Lamprecht
Not Manatschal
Pagina 22