Il mas-chalch da Sent
Transcript
Il mas-chalch da Sent
Il mas-chalch da Sent Publicaziuns ufficialas. Cumpara seguond bsögn. 2006/2008 no. 10 7554 Sent, 22 gün 2006 / mw Invid A tuots ed a tuottas per la festa in onur da Gore Vidal Gore Vidal, Los Angeles – Sent, 27 gün 2006 El es ün dals plü cuntschaints scripturs americans, da grond renom mundial, el es cineast, ma eir hom da la politica e’l grond intellectual. Cusdrin dad Al Gore, mez frar da Jackie Kennedy, ami da J.F. Kennedy. Ma quai chi nu’s savaiva fin uossa: Esser e’l rumantsch – e na be quai, forsa propi da Sent. In sia autobiografia (Palimpsest) scriv’el nempe ch’el saja d’oriunt rumantsch. Not Vital ha tschüff buonder ed ha fat ün pêr retscherchas. Ün Felice Vital (da quel temp amo Vidal) es emigrà illa prüma mità dal 19avel tschientiner, vers l’America saja’l i, ma dudi nu’s haja plü nöa dad el. Il bazegner da Gore Vidal vaiva nom Felix, scha quai füss forsa l’istess? Quai nu’s saja, ma in mincha cas para l’idea interessanta a Gore Vidal. Cur cha Not Vital til ha visità a Los Angeles in mai da quist on, ha’l dit ch’el vess jent da gnir a Sent, in tschercha da sias ragischs. Uossa riv’el in Engiadina, in mardi chi vain daja la festa. La musica da cumün til fa onur, preschaint es natüral eir il capo e’l cussagl cumünal e no sperain cha bleras convaschinas (forsa dafatta in costüm engiadinais?) e blers convaschins gnian eir a salüdar il giast prominent. Aperitif aint il “Parkin Not dal Mot” in mardi, als 27 gün, da las 17.00 fin las 20.00. Cordialmaing invida: Fundaziun Not Vital L’exposiziun da las lavurs manualas in chasa da scoula Ils scolars preschaintan lur lavurs da man textilas e na textilas sco eir disegns in gövgia als 29 gün 2006 da las 14.00 – 18.00. l’exposiziun fin las 21.30. Ils scolars e la magistraglia Publicaziun / Bekanntgabe Approvaziun – Planisaziun cumünala La Regenza dal chantun Grischun ha als 23 mai 2006 approvà in sia decisiun no. 596, in applichond l’artichel 49 da la ledscha chantunala da planisaziun, la revisiun parciala da la planisaziun cumünala, decissa illa radunanza cumünala dals 12 december 2005. Mez da planisaziun - Plan general da la preparaziun dal terrain 1:2'000 Flüs La revisiun parciala da la planisaziun e la decisiun tratta da la Regenza as poja tour invista sün büro cumünal i’ls prossems 20 dis. Genehmigungsbeschluss Ortsplanung Die Regierung des Kantons Graubünden hat am 23. Mai 2006 mit Beschluss Nr. 596 in Anwendung von Art. 49 des kantonalen Raumplanungsgesetzes (KRG) die von der Gemeindeversammlung am 12. Dezember 2005 beschlossene Teilrevision der Ortsplanung genehmigt. Planungsmittel - Genereller Erschliessungsplan 1:2'000 Flüs Die Teilrevision der Ortsplanung und der vollständige Regierungsbeschluss liegen in der Gemeindekanzlei auf und können während 20 Tagen eingesehen werden. 7554 Sent, 22 gün 2006 Pel Cussagl cumünal Il capo: Jon Carl Rauch L'actuar: Rico Zini Avis Il termin per pajar l’imposta a la funtana pel prüm mez on scrouda als 30 gün 2006. Nus giavüschain a tuots da far giò quint cul cumün fin il plü tard ils 15 lügl 2006. Formulars, tariffas etc. as poja retrar pro l’uffizi d’impostas cumünal. Uffizi d’impostas cumünal Plan da scoula e vacanzas per l'on da scoula 2006/2007 scoula: vacanzas: 21 avuost - 6 october 2006 9 october - 20 october 2006 23 october - 22 december 2006 24 december, Nadal, es di da scoula 25 december 2006 - 3 schner 2007 4 schner 1. marz 2007 2 marz 9 marz 2007 12 marz - 2 mai 2007 3 mai - 18 mai 2007 3 mai: vain cumpensà culs 24 december 4 mai: vain cumpensà in schner 21 mai - 29 gün 2007 2 lügl - 17 avuost 2007 20 avuost 2007 cumanzamaint dal nouv on Fluors dals bügls Quels chi pulischan ils bügls dessan far il bain e dar güsta eir aua a las fluors. Grazcha fich! Sent Turissem Società da tregants Sent Tirs obligatorics – Implant da tir Urezzas Ils tirs obligatorics pel 2006 sun gnüts fixats sco segua: ultim tir obligaroric venderdi 25 avuost 2006 18.00 – 20.00 Società da tregants Sent Avis da duonna dr. med. Iris Zürcher, Curtin 13, 7554 Sent / Mitteilung von Frau Dr. med. Iris Zürcher, Curtin 13, 7554 Sent La pratcha resta serrada da gövgia, ils 20 lügl 2006 fin dumengia ils 6 avuost 2006 causa vacanzas. Die Arztpraxis bleibt von Donnerstag, 20. Juli 2006 bis Sonntag, 6. August 2006 wegen Ferien geschlossen. In cas urgiaints dà il nomer da telefon 144 cuntschaint che meidi da chasa chi ha piket. In dringenden Fällen erfahren Sie über die Notfall-Nr. 144, die Telefonnummer des diensthabenden Hausarztes. Dürant las vacanzas da scoula d’instà es la pratcha averta la sonda be tenor cunvegna. nomer da telefon 081 860 03 01. Während den Schulferien ist die Praxis am Samstag nur nach Vereinbarung geöffnet. Telefonnummer 081 860 03 01 Dna. Dr. med. Iris Zürcher Giantar cumünaivel aint in alp Lavèr Marcurdi, als 5 lügl (in cas da trid'ora als 12 lügl). Partenza a las 10.00 davent da Plaz. Viadi gratuit. Tuor cun sai marenda. Aint in alp ans spetta üna surpraisa dals paurs. Annunzchas pro dna. Erica Clalüna fin duos dis avant, tel. 081 864 07 59. La corporaziun evangelica Fundamentalissem e cretta • • • Co es quai culla resüstanza? Pardunar – na plü actual? Che valur ha la Bibla? Baselgia dal mais gün. Gövgia, als 13 lügl a las 20.00 illa sala da la chasa cumünala da Sent. Manader da la discussiun: Jon Peider Steiner Rumantsch FORUM Baselgia refuormada Engiadina bassa