Affischa Suprastanza cumünala dals 3.3.2014 Presidi: Peer

Affischa
Suprastanza cumünala dals 3.3.2014
Presidi:
Peer-Puorger Victor
Partecipant/s:
Mayer-Schlegel Armon
Hauser-Poo Gerhard
Molinaro-Andry Mario
Notegen-Melcher Men
Protocol:
Luzzi-Barblan Georg
Fabrica:
Paulmichl-Rodigari Albin
tractandas
tema
respunsabel
012 Executiva
12
Acconsentimaint protocol
tuots
200 Scoula
13
Pajas magistraglia
vp/mm
020 Administraziun cumünala
14
Persunal cumünal
vp
300 Promoziun da cultura
15
Elecziun da 2 persunas il cussagl da fundaziun - Fundaziun Baselgia San Niclà vp
021 Administraziun da fabrica
16
Dum. da fabrica 005/2014, Refar tschuffa da laina, Kalotai Janos, Poz
vp
021 Administraziun da fabrica
17
Dum. da fabrica 006/2014, Chamonna nouva / allontanamaint aua persa vp
(sbodada chamonna veglia), Camastral-Koch Jeremias, Sampuoir
021 Administraziun da fabrica
18
Dum. da fabrica 003/2014, Fanestra nouva (chamonna), Schweizer Erich, Salet
vp
021 Administraziun da fabrica
19
Dum. da fabrica 054/2013, Attach chanalisaziun (vasca cun pumpa), Schaad vp
Bernhard, Quadra
021 Administraziun da fabrica
20
Dum. da fabrica 058/2013, Chasa d'abitar, stalla per asens e suost, Bayerl vp
Ruth, Las Costas
012 Executiva
21
Orientaziuns
tuots
012 Executiva
22
Varia (suprastanza cumünala)
tuots
Pagina 2 / 4
012 Executiva
12
Acconsentimaint protocol
Il protocol dals 03.02.2014 vegn approvà.
Armon Mayer givüscha ün agiundschamaint da la tractanda 8. Ils suprastants dal cumün da Tschlin
infuormeschan cha a la radunanza dal cumün da Tschlin dal 2010 d’eira fat bun ün import da fr.
30'000.00 per cumbatter il coss.
Gerhard Hauser dumonda cur chi po avair lö la sezzüda a reguard la Biereria Tschlin SA: Il termin a
reguard l’infuormaziun da la Bieraria segua insembel culla sezzüda da la cumischiun da turissem. La
cumischiun da turissem dess dar cuntschaint il termin.
200 Scoula
13
Pajas magistraglia
Il capo infuormescha che chi sun las differenzas dals l’artichels 61.1 o 61.2. Il cussagl da scoula
suottametta la proposta da decider per l’architel 61.1. Eir la direcziun ha discuss detagliadamaing ils
avantags e dischavantags. Ella propuona da tour l’artichel 61.1 pero da decider dad on ad on schi vegn
adattà il s-chalin o nöa. Quist proceder vegn pratichà eir pro tuot il rest dal persunal cumünal. Il capo fa
ün cuort riasunt da tuot las sezzüdas chi han gnü lö a reguard las pajas da la magistraglia.
Gerhard Hauser ha consultà la decisiun dal Grond Cussagl e piglia posiziun in merit. El nu voul far üna
nouva proposta, ma voul cleramaing muossar via ils avantags e dischavantags da las 2 variantas. Mario
Molinaro piglia posiziun in nom dal cussagl da scoula chi ha trattà quista chosa. La suprastanza
cumünala decida unanim per l’artichel 61.1 cul opziun da decider dad on ad on a reguard il s-chalin.
020 Administraziun cumünala
14
Persunal cumünal
Il capo infuormescha sur da las decisiuns da la direcziun a reguard il persunal cumünal.
Concept da pedels: Per surpuntar la situaziun a reguard la lavur da pedel esa previs da dumandar a
Marco Mayer, sch’el füss pront da surtour la lavur da pedel fin quel di cha’l cumün ha chattà ün nouv. Il
concept prevezza d’installar ün pedel per tuot ils stabilimaints cumünals implü 3 agüdonts/agüdontas cun
ün pensum da 20-25%. Il nouv pedel/pedella maina il persunal da pulir, coordinescha la pulizia,
organisescha e coordinescha las locailtats, fa la lavur da caluoster e fa las postaziuns da material per la
scoula e’l cumün. Las 3 ulteriuras persunas da 20-25% sustegnan al pedel cun pulir, impustüt las
scoulas. Davart da la suprastanza seguan differentas dumondas al manader tecnic chi ha stipulà il
concept. Il manader administraziun dà prelecziun dal text dal inserat illa Posta Ladina e chi segua sül
prossem mas-chalch. La suprastanza cumünala accepta unanim il concept da pedels e la procedura
previssa.
300 Promoziun da cultura
15
Elecziun da 2 persunas il cussagl da fundaziun - Fundaziun Baselgia San Niclà
Il president da la surmanzunada fundaziun, sar Jachen Erni ha scrit al cumün a reguard l’elecziun da 2
persunas illa Fundaziun Baselgia San Niclà. Il cussagl da fundaziun invida a la suprastanza da reelegier
a duonna Anna Mengia Correia Santos e sar Peder Caviezel-Melcher aint il cussagl da fundaziun. La
suprastanza cumünala reelegia a las 2 persunas surmanzunadas (trienni 2015 – 2018).
021 Administraziun da fabrica
16
Dum. da fabrica 005/2014, Refar tschuffa da laina, Kalotai Janos, Poz
Sar Janos Kalotai ha inoltrà la dumonda per refar la tschuffa da laina. Las masüras sun restadas sco fin
qua. La suprastanza da l’acconsentimaint.
021 Administraziun da fabrica
17
Dum. da fabrica 006/2014, Chamonna nouva / allontanamaint aua persa (sbodada
chamonna veglia), Camastral-Koch Jeremias, Sampuoir
Sar Jeremias Camastral prevezza da strar gio la chamonna existenta e da fabrichar üna nouva. Il plan
terrain prevezza’l da fabrichar üna tualetta cemica ed ün local vöd na exesibel. La forza segua d’üna cela
solara. La suprastanza da l’acconsentimaint per quist intend.
Pagina 3 / 4
021 Administraziun da fabrica
18
Dum. da fabrica 003/2014, Fanestra nouva (chamonna), Schweizer Erich, Salet
Sar Erich Schweizer prevezza da romper oura üna fanestra sül plan s-chala, tanter il prüm el seguond
plan da sia chamonna. La dumonda es in uorden. La suprastanza da il permiss per l’intend.
021 Administraziun da fabrica
19
Dum. da fabrica 054/2013, Attach chanalisaziun (vasca cun pumpa), Schaad Bernhard,
Quadra
Sar Bernhard Schaad avaiva fat üna dumonda per tachar la chanalisaziun da sia chasa. Sün quista
publicaziun es entrà ün recuors. Il cumün ha sün quai laschà evaluar ad ün büro la situaziun per schoglier
la problematica da la chanalisaziun per plüssas chasas. Sar Bernhard Schaad ha retrat sia dumonda ed
es uossa pront da’s partecipar vi da la varianta elavurada dal cumün. La varianta elavurada vegn
inoltrada pro’l chantun per laschar examinar tala e güdichar il sistem da chanalisaziun. La perizcha dal
chantun vegn lura suottamissa darcheu a la suprastanza. Il proget dess alura finalmaing gnir suottamiss
ad üna radunanza cumünala. La suprastanza cumünala es perincletta cul andamaint previs.
021 Administraziun da fabrica
20
Dum. da fabrica 058/2013, Chasa d'abitar, stalla per asens e suost, Bayerl Ruth, Las
Costas
Sün quista dumonda es entrada ün recuors per part stalla dad asens. Per la part chasa d’abitar e suost
nu es entrà ingün recuors. Il permiss vain concess. Ils puncts attestats sun; üna zona da protecziun da
las auas e la distanza FAT (distanza causa emissiuns). Duonna Ruth Bayerl ha retrat la dumonda quai
chi reguarda la part stalla e prevezza d’inoltrar üna nouva dumonda da fabrica cun tuot las indicaziuns
necessarias.
012 Executiva
21
Orientaziuns
Persunal: Gertrud Camastral ha cumanzà sia lavur pro l’administraziun cumünala cun ün pensum da
30%. Patrica Melcher crouda oura ün temp da la lavur, caus’accidaint.
Contrat da dret da fabrica culla Secziun Heidelberg: Il capo el manader administraziun han gnü üna
sezzüda a Cuoira culla suprastanza dal DAV e cun giurists. Il contrat vegn prossmamaing suottamiss a la
suprastanza e plü tard eir a la radunanza cumünala.
Celas solaras sül stabilimaint da la ditta Engiadinalaina: Il capo infuormescha sur da l’andamaint da quist
proget. Tuot nun ha funcziunà là sco previs. Culla BKW as haja però chattà üna soluziun, chi gnarà
suottamiss a la suprastanza.
Zona da mansteranza Plan da Muglin: Culla Pro Natura el WWF ha gnü lö üna sezzüda sül lö per
preschantar il proget da quista zona. Las 2 instituziuns surmanzunadas nu prevezzan da far recuors
uschè cha’l cumün das-cha far quint cha quista zona vegn prossmamaing fatta buna dal chantun.
Tir da chatscha: A Sclamischot ha il capo el manader tecnic gnü üna sezzüda culs uffizis chantunals. Il
proget previs nu das-cha gnir realisà. Quia as stuvaraia chattar üna soluziun cul’infrastructura existenta,
voul dir cullas 6 schaibgas existentas. Schi vegn la varianta cun lizas o cul sistem politronic es amo avert.
Il cumün elavurescha üna varianta e piglia sü contact cullas societats (chatschaders e tregants)
pertoccas.
Cussagl da scoula: Mario Molinaro infuormescha sur da l’andamaint a reguard la 5avla classa. El
infuormescha sco chi’d es previs dad ir avant per evaluar e schoglier la situaziun actuala.
Turissem: Mario Molinaro es stat a la sezzüda da turissem (IG). Il directur dal turissem giavüscha da
laschar ils contrats Ramosch e Tschlin e da müdar sün Valsot pür a partir dal 2015. Implü infuormescha’l
sur da plüs progets dals cumüns vaschins.
Energia: Armon Mayer infuormescha sur da sia sezzüda culla ditta EE-Energia Engiadina. Implü
dumonda’l sco cha’l cumün prevezza dad ir avant cul local da pumpiers existent a Ramosch. Actualmaing
nun esa previs da far müdamaints. Il uorden da pumpiers vegn suottamiss prossmamaing a la
suprastanza.
Forestal: Men Notegen infuormescha, cha’l termin a reguard la sezzüda tanter la direcziun, forestal el
suprastant cumünal respunsabel, avarà lö prossmamaing.
Pagina 4 / 4
012 Executiva
22
Varia (suprastanza cumünala)
Il capo infuormescha a reguard l’invid da la ditta Silvretta Seilbahnen AG. L’inauguraziun da la
pendiculara sül Piz Val Gronda avarà lö ils 13.03.14 a partir da las 15.00.
7556 Ramosch, 18.03.2014
Il capo:
Il manader administraziun: