baderlada - Chasa Puntota

11. ediziun, settember 2012
Baderlada
la gazetta per abitants, confamigliars e collavuratuors
Baderlada
Bleras da quellas lavuors cha nossas secretarias manzunan in lur rapport, gnivan fattas eir
da plü bod. Las pussibiltats d’eiran restrettas. Il pêr manader staiva tour per mans las
scrivonias, sco chartas d‘affar, gratulaziuns, condolenzas, avis, memos, copchar texts,
respuonder a las dumondas e.u.i. Culla pussibiltà da trametter posta per mail, s‘ha
simplifichada la transmissiun dals documaints, però las pretaisas da sur ingiò e quellas da
dretta e da schnestra, s’han augmantadas per bain quant. Uschè nun es hoz plü pussibel
d’administrar üna chasa da chüra e fliamaint sainza gnir sustgnü d’ün secretariat cumpetent,
speditiv ed independent.
Silvia ed Orlando Steiner-Filli, manaders da la chasa
Il secretariat
L’organisaziun dal Consorzi Chasa Puntota as fuorma our da divers departamaints. Il plü
important e central es sgür la chüra. La cuschina, la chasada ed eir la tecnica vaina fingià
preschantà in nossa “Baderlada”. In quist’ediziun as laina preschantar il secretariat,
explichar che chi vain fat tuotta di e chi chi lavura là.
Daspö gün 2012 es il temp d’occupaziun gnü augmantà sün 140 %. Quels pertschients
vegnan scumpartits sün 3 plazzas da lavur a temp parzial.
Daspö’l 2006 lavura duonna Flurina Steiner Schwarz ün di l’eivna. Ella surpiglia adüna
darcheu lavuors extraordinarias e güda ingiò chi arda. Far plans da lavur pels collavuratuors
da la chüra, progets plü gronds, sco’l program nouv per far quints chi’d es collià culla chüra,
far üna nouva Hompage e far quints e contabiltà.
Daspö’l cumanzamaint dal 2007 lavura duonna Sandra Hanselmann illa Chasa Puntota. Ella
es respunsabla per tuot las glistas dovradas in chasa, plans da l’eivna ed administraziun.
Ella ha creà la gazettina “Baderlada”. Cun gronda premura e bler ingaschamaint vain quella
edida mincha 3 mais.
In gün da quist’on ha cumanzà duonna Claudia Crastan. Ella rinforza i’l team cun seis knowhow. Claudia porta üna pruna bunas e frais-chas ideas illa lavur dal minchadi. Puncts da
vistas vegls e lungurus tschüffan la schanza da gnir revais ed organisats nouv.
La lavur i’l sectretariat es fich multifaria. Il cuors dal di nun es mai listess. Tscherts
andamaints ston gnir fats adüna. La bunura a las 8.00 per exaimpel, intant cha’ls computers
ed il squitschader as chargian, vain drivida la butietta. Il plü tard a las 9.30 stan ils abitants
1
11. ediziun, settember 2012
Baderlada
la gazetta per abitants, confamigliars e collavuratuors
in colonna a spettar lur posta. Tanter las 10.15 e las 11.15 sun las portas dal secretariat
avertas per tuot las eventuals dumondas d’abitants e persunal o eir per güdar a schoglier
oters problems.
Inplü eschna respunsablas per l’actualisaziun dals placats cullas infuormaziuns d’activitats
dal di e dal mais, per reservaziuns chi pertoccan la sala polivalenta, per protocols da tuottas
sezzüdas, per preparar documainta pro ün’entrada d’ün abitant nouv o d’ün collavuratur
nouv, per coordinar termins tanter cliaints interns ed externs, per respuonder il telefon
central e per retschaiver glieud a l’entrada.
Dürant il di stuvaina respunder a bleras dumondas multifaras. Quellas vegnan fattas per
telefon, e-mail o eir a bocca. Ün pêr exaimpels: “Pudessa discuorrer cun…”, “Vaivat üna
stanza libra?”, “ Vaivat üna plazza da lavur?”, eui.
Üna lezcha fich importanta es da far ils quints pels abitants, pel persunal, pels cumüns, pel
chantun e pellas differentas chaschas d’amalats.
Dasper tuot quistas lavuors da minchadi sustgnaina eir ils divers cumpartimaints. Il sustegn
principal però daina als manaders da la Chasa Puntota pro lur vasta lavur.
Pitschna ingiavinera
Vegnan cumpradas dals abitants
Eschan landervia d‘actualisar
Oter pled per „raps“
Noss collavuratuors douvran per scriver
Üna lavur chi vain fatta al cumainzamaint
dal mais
Noss „collavuratur“ chi prodüa bleras
copchas
Nossa prüma lavur dal di es da drivir la
Nom da nossa gazettina
Soluziun: Cun che lavurain il plü bler il secretariat?
2
11. ediziun, settember 2012
Baderlada
la gazetta per abitants, confamigliars e collavuratuors
Alch per Rier:
Ün student as tschainta a maisa dasper ün professur da
l’università. Il professur dumonda ün pa arrogant: “Ma di tü,
daspö cura mangian l’aglia e’l chucal vi da la listessa maisa?”
Il student: “Ma bain, alura svoul’eu oramai inavant.”
*******************************************************
Üna famiglia cun duos mats fa vacanzas sün üna pauraria. La
saira observan ils duos mats co cha las vachas tuornan in
stalla. “Guarda be che scortas chi sun”, disch il plü giuven,
“minchüna chatta be suletta seis pantun.”
“Mo e lura”, disch il plü vegl, “quai nu po esser uschè greiv, sur
mincha pantun es tantüna scrit grond e gross il nom.”
Intern:
La Chasa Puntota gratulescha a duonna Rosa Kleinstein chi ha pudü festagiar
seis 85 avel cumplion!
Persunal:
entradas:
01-07-2012
16-07-2012
01-08-2012
01-08-2012
01-08-2012
Uwe Höllrigl, assistent da chüra
Simone Plomann, chürunza dipl.
Isabel Batista Pires, coll. chasada
Christian Griessmair, chüruz SRK
Fabian Löble, practicant i’l center da di
20-08-2012
01-09-2012
01-09-2012
01-09-2012
15-09-2012
Fabiana Brosi, chürunza dipl.
Ida Licari, chürunza SRK
Jan Ripka, chürunz SRK
Raimund Spiess, assistent da chüra
Daniele Albasini, cuschinunz
Gina Monteiro
Carla Gasparet
30-09-2012
30-09-2012
Thomas Fink
Liliane Trottmann, va in pensiun
sortidas:
31-07-2012
31-07-2012
Grazcha fich e tuot il bun per l’avegnir!
giarsunas:
Ines Brunner e Gina Cresta han cumanzà lur giarsunadi d’attest FaGe illa chüra!
3
11. ediziun, settember 2012
Baderlada
la gazetta per abitants, confamigliars e collavuratuors
oCcurrenzas:
Als 8 avuost, ün di da bellezza per far ün viadi sur il pass dal Reschen.
Spassegiada giò Sur En da Sent.
Concert dals Bäri’s Hüsli
Plouschörgeler mit Basschrutze!
Crastuoglia 421
7550 Scuol
tel. 081 861 21 96
www.altersheim-scuol.ch
Concert dals musicants da citra da l’Engiadina.
Redacziun:
Sandra Hanselmann e Claudia Crastan
[email protected]
4