STORIA PIPPINU `MPASTATU Testo scritto da Luigi Di
Transcript
STORIA PIPPINU `MPASTATU Testo scritto da Luigi Di
STORIA PIPPINU 'MPASTATU Testo scritto da Luigi Di Pino, Chiara Benedetta Condorelli, Antonio Palermo, Sebastiano Barbagallo, Michele Licciardello, Maria Serena Perseo, Mariangela Spitale, Melany Maugeri e Sabrina Vallastro. Bona sirata a tutti vui signuri P (Antonio) Ca speru siti pronti ad ascutari Lassati a' casa pinseri e duluri Cosi impurtanti avemu di cuntari 'n Sicilia 'ntra l'eroi ca cianu statu V'u riuddati a Pippinu 'Mpastatu? Turnamu 'n pocu arreri 'nto passatu Quadro 1 C 'nta lu paisi unn'iddu ha crisciutu E' Cinisi 'n paisi svinturatu Unni a giustizia è chiusa 'nto tabbutu Ddocu nasci la storia di Pippinu 'n carusu onestu cu 'n tristu distinu Quadro 1 Di nicareddu era nasu finu P (Chiara) 'n famigghia si sinteva ciauru stranu Picchì lu ziu era 'n malandrinu E aveva lordi tutt' e dui li manu Ma 'n ghiornu 'nta na bumma ci 'mpincìu E nun lu vosi 'n celu mancu Diu Pippinu sempri pinsava allu ziu C Dumanna a' matri: "Cu è ca u 'mmazzau?" Ma la donna la ucca si cusìu Ed a so figghiu stortu taliàu Lu carusiddu l'occhi li calàu Ma n'ta lu cori 'n focu ci svampàu Di giuvinottu 'n giurnali criau "Merda la mafia" 'n capu ci scriviu "L'idea socialista" si chiamau Stu fogghiu ca u paisi scunvulgìu P (Serena) La matri di Pippinu a matinata Tutt'i copi 'ccattau 'nta na vulata Torna alla casa assai prioccupata P (Michele) Picchì so figghiu sta rischiannu a vita Pripara na gran bella spaghittata Ca i figghi s'alliccaru puru i ita Ma comu arriva u patri 'nsarvaggiutu Dici a Pippinu: "Pezzu di cunnutu! Cu è ca chistu articulu ha scrivutu? P (Melany) C'è la to firma, cani sciaguratu!" Lu carusu non sappi stari mutu E dissi: "Iu fu! Pippinu 'Mpastatu!" Lu patri a tali ditti si 'nfuriau E lu giurnali 'nfacci ci 'ntappau. Ma Pippinu ppi nenti si spagnau E cu la vuci grossa arispunniu: P (Mariangela) “Comu ‘n canittu ci fai bau bau A Tanu Battagghiu, cussì ti finiu. Iu la tegnu ritta la carina E tu si ‘n centuperi ca camina!” Taliati bonu ora chi cummina: C Supra lu tettu lestu si n’acchiana Isa ‘n antinna longa e fina fina E trasmetti la schigghia siciliana A Tanu ci purtau tanti duluri Ca ci ni dissi di tutti i culuri. Di jornu e di notti, in tutti li uri Paci nun dava a Tan’ e a li cumpari Fu ‘ddacussì ca d’omu malfatturi O patr’i di Pippinu va a chiamari Lu fa assittari, la radiu c’adduma Si pigghia lu sucarru e si lu fuma. P (Antonio) Lu patri si fa ghiancu comu tuma C Mentri la radiu cusi ed arriccama La fama di don Tanu si frantuma Picchì ‘dda lingua è peggiu di ‘na lama La famigghia schifìa senza rispettu E a lu patri ci scoppia u cori ‘n pettu Torna a la casa e u figghiu è ‘nda lu lettu Cumincia a fari uci comu un mattu Ci rici: “Tu ti senti troppu spettu! Ma ora appiddaveru assai ai fattu. Ottinni fora lestu di sta casa!” Ci ‘mpica n’ timbuluni ca lu sfasa Pippinu sinni va e la matri vasa Ed idda lu talìa trista e dilusa Dicisu ‘nta ‘n garaggi iddu s’abbasa Cu quattru barattelli alla rinfusa E poi lu patri parti ppi luntanu C P(Chiara) Va a trova nu cucinu amiricanu Anthony rici cu ‘n accentu stranu: P (Serena) “Iu ci lu trovu ‘n travagghiu a Pippinu”. Però lu tentativu ristau vanu E lu ‘mmisteru lu patri mischinu (colpo in re minore) Non sacciu s’iddu mossi ppi distinu O si fu ppi na manu d’assassinu N’casa’ vineva genti di cuntinu C Cu tantu garbu vinni puru Tanu Ma lu carusu vireva ‘n Cainu E non ci vosi stringiri la manu Vilenu u granni capu s’agghiuttìu E ‘nto paisi ci fu ‘n parracìu “Pippinu fa la fini di lu ziu” Tutta la genti a Cinisi pinsau Quannu u carusu senza diri: “Piu” P (Michele) A lu comuni si o’ candidau E dunca pocu iorna già passaru Ca na sira l’amici no truvaru (colpo in re minore) Comu tanti tuppetti lu circaru P (Melany) ‘ntra li trazzeri allarmati curreru “Pippinu!” dispirati lu chiamaru Gridannu comu pazzi ppi daveru Vi dicu chi successi allu carusu Ca l’unurata famigghia avia dilusu ‘nta machina prugetta pinsirusu P(Mariangela) Di fari d’a Sicilia ‘n paradisu Trova ‘na sbarra, lu passaggiu è chiusu Picchì s’aspetta lu trenu pricisu D’arreri si ci ferma ‘na vittura Tri picciotti scinneru cu primura Ddu locu era disertu ‘nta chidd’ura P(Chiara) E sutta la cuperta della sira Circannu di calari la sicura Pippinu sbraitava chinu d’ira Li tri picciotti fora lu tiraru E cu ‘na pietra a testa ci spaccaru Di pisu doppu si lu trascinaru C E supra lu binariu lu stinneru ‘na striscia russa arreri ci lassaru E di tritolu tuttu lu llincheru Tutta a campagna ‘dda s’alluminau Quannu Pippinu all’aria sautau Poi quannu u marasciallu ‘dda arrivau Dissi: “Fu ‘n suicidiu, Santu Diu!” ‘ccussì la virità si mascarau Ma di l’amici nuddu ci cririu Tinennu in manu i petri ‘nsanguinati Gridaru forti tutta a viritati P (Serena) “Pippinu è vivu!” sfilunu ‘nte strati Cu li strisciuni di russu tinciuti P (Michele) Sottolineato(TUTTI) Di paci e di giustizia su assitati E comu a iddi NUI nun stamu muti NUI SICILIANI st’esempiu non scurdamu NUI SICILIANI LA TESTA NA CALAMU!