Giugs da computer ella reit d`internet
Transcript
Giugs da computer ella reit d`internet
6 SURSELVA GIEVGIA, ILS 8 DA FAVRER 2007 Esther Sialm: Niev dc cun ovras da Rheinberger ■ (anr/gc) Gest avon dus onns ei la musicista ed enconuschenta organista Esther Sialm, feglia da Duri Sialm, morta cun 60 onns en consequenza d’ina maligna malsogna. Mo paucas jamnas avon che vegnir malsauna, il november 2004, veva ella giu sunau silla pli gronda orgla dalla Svizra, en la claustra dad Engelberg ovras dil cumponist da Liechtenstein Josef Rheinberger (1837–1901 – sia mumma Maria Elisabet Carigiet era da Mustér) per registraziuns. Essend l’interpreta morta cuort sissu, ei quei portatun daventaus enzatgei sco in testament dalla organista grischuna. Ad ella eisi aunc stau cuiu da tedlar cun fleivlas forzas zacontas registraziuns avon che murir. Quels dis ei il dc cun quater grondas ovras per orgla da Rheinberger, interpretadas dad Esther Sialm, cumparius posthum. Duas dad ellas ha ella sunau cun accumpignament da siu consort Hans Martin Ulbrich sin l’oboa. Vitier vegnan aunc duas grondas sonatas. En tut cuoza la registraziun fetg bein gartegiada ina ura e mesa. Il dc cun ovras d’orgla da Rheinberger, sunadas dad Esther Sialm, ei da retrer da Tudor Recording, Turitg, tel. 044 405 26 46. ■ ARTG PERSUNAL Gratulaziun a Laax: Oz, ils 8 da fevrer, cumplenescha Rita ArpagausBerther siu 60avel anniversari. Per quei di special tarmetta l’entira parantella cordials auguris en Casa Fravi. Alla Rita gratuleschan ils fargliuns cun famiglias, quinadas e quinaus sco era ina roscha nevs e niazas. Cun saun humor e lavur ha ella dumignau enquala frida dil destin. Ils gratulants giavischan alla cara giubilara vinavon quellas qualitads. Ella dueigi plaunsiu tuttina prender empau pli pacific e guder plaschers e cuntentientscha cun sia famiglia. Giugs da computer ella reit d’internet In’equipa sursilvana dat «Counter-Strike» ella ligia naziunala DA FLAVIO CANDINAS ■ La concurrenza da giugar al computer cudezza adina dapli giuvenils. Pli u meins tut ils novs giugs da computer porschan l’opziun da giugar sur la reit d’internet. Cuorsas d’auto, giugs da ballapei, giugs da strategia, cuorsas da skis e giugs d’uiara ein l’occupaziun preferida dils «gamers». Ils giugs da computer ils pli populars vegnan giugai en in sistem da ligia sco tier il ballapei. Sco ella realitad dat il «gamer» regularmein, per exempel mintga dumengia, in giug encunter in adversari dalla medema gruppa. Per contonscher ina ligia pli aulta sto el dar in giug da promoziun. Quei sistem da ligia vegn duvraus cunzun tier giugs da gruppa, sco per exempel «Counter-Strike». Tgei ei Counter-Strike? La finamira dil giug Counter-Strike ei d’eliminar ils inimitgs cun sittar giu els. En gruppas da tschun persunas cumbattan polizists ils terrorists. Duront il giug han ils giugadurs la pusseivladad da communicar in cun lauter via microfon. In giug en ligia svizra cuoza 30 rundas, daquei ein mintgamai 15 rundas da giugar sco terrorist e 15 rundas sco polizist. La sesiun dalla ligia svizra ha entschiet la dumengia vargada. En quella ligia gioga era ina gruppa sursilvana. «rresports» senumna il team romontsch che pren part ella ligia da gamersNET.ch. Il num d’equipa munta «sport electronic romontsch». Corsin Deflorin ed Arno Bisquolm da Mustér dattan en gruppa cun Mattias Decurtins da Cumpadials, Romano e Simon Candinas da Surrein e Gian Arpagaus da Cumbel ed ils sis Sursilvans pon tener petg ad enqual equipa dalla Bassa. La dumengia sera han ils Sursilvans spiars igl emprem In giuvenil vid giugar al computer ad ina parti da computers (Lanparty). giug dalla sesiun cun 18:12 encunter in’equipa da Turitg e da Sogn Gagl. In giug brutal? Per ils giuvens da 18 entochen 20 onns ei il giug da Counter-Strike in hobi per scatschar la liunguriala. Savens vegn suttamess als giugadurs che quels giugs d’uiara fetschien vegnir agressivs els. «Quei ei ina renfatscha empau malgiustificada. Suenter ch’jeu hai dau in mument Counter-Strike haiel jeu plitost saviu discargar agressiuns el giug», di Gian Arpagaus. Il prighel ei cura che persunas san buca pli differenziar denter ficziun e realitad. Quei ei era in motiv, daco che tals giugs ein scumandai per giuventetgna sut 16 onns. In’autra reproscha als giugadurs da computer ei era igl aspect social, ch’els seretilien anavos dalla populaziun e passentien lur temps liber mo avon il computer. «En in auter giug, sco per exempel ina cuorsa dad autos, dat ei negina pusseivladad da giugar en gruppa, perquei dein nus Counter-Strike. Tier quei giug essan nus adina en contact in cun lauter e discurrin sco entuorn meisa rodunda», menziunescha Gian Arpagaus. FOTO R. DERCKX Las equipas che giogan Counter-Strike sin livel professiunal treneschan treis tochen quater gadas per jamna. Els treneschan differentas tacticas, damai ch’ils giugs sespleigan en differentas tiaras e culissas. Cunzun en Scandinavia ei il sport electronic fetg derasaus. Leu dat ei era giugadurs che fadigian daners tras sponsurs cun giugar ella reit d’internet. Ils teams (clans) professiunals han la pusseivladad da gudignar plirs mellis francs en concurrenzas grondas sco al campiunadi mundial da giugar computer «World Cyber Games». ■ MUSTÉR Cussegls per la segirtad ella neiv entira (anr/hh) Questa fin d’jamna envidan Garmont e las Pendicularas Mustér SA al secund arranschament da telemark e freeride. Ton la sonda sco la dumengia ein differentas activitads previdas el territori da skis dil Péz Ault. Cun il program special «powder only – safety first» vegn dau uonn attenziun speciala alla segirtad d’ir cun skis da neiv entira ordeifer las pistas marcadas. Per saver intermediar biaras informaziuns actualas e cussegls ein entgins guids da muntogna vegni envidai per orientar a quei arranschament. Las activitads da telemark e freeride entscheivan ton la sonda sco la dumengia mintgamai allas 09.30. Liug da sentupada ei il Tipi Nevada. Alla concurrenza sa vegnir gudignau in apparat d’anflar persunas cuvretgas dalla lavina ella valeta da varga 800 francs. reclama Radio Rumantsch LA DISCUSSIUN sonda / Samstag 11:00 a las l’ intervista cun Amédée Grab Editur: Hanspeter Lebrument Directur: Andrea Masüger Schefredacziun: Martin Cabalzar, schefredactur (mc) Gieri Antoni Caviezel, substitut/producent (gac) Redacziun: Augustin Beeli (abc), Andreas Cadonau (ac), Erwin Caduff (ec), Giusep Venzin (gv). Collavuraturas redacziunalas: Susi Bearth (sb), Gabi Degonda (gd), anr. Adressas: redacziun centrala: Sis medaglias pils biatlonists grischuns als campiunadis svizzers U18. Da seniester: Sandra Schäli e Serafin Wiestner da Trin ed Elisa Gasparin da Puntraschigna. MAD La Quotidiana, Via centrala 4, 7130 Glion, tel. 081 920 07 10, fax 081 920 07 15. E-mail: [email protected] Sutselva/Renania: La Pùnt, 7433 Donat, tel. 081 630 70 53, fax 081 630 70 51. Editura Südostschweiz Presse AG, Via dalla caserna 1, 7007 Cuira; tel. 081 255 50 50, fax 081 255 51 00 Manader da l’editura: Beat Ravaioli Servetsch d’abunents e da distribuziun: tel. 0844 226 226, E-Mail [email protected] Als giugs olimpics dils giuvenils ■ (gv) La davosa fin d’jamna han ils juniors grischuns gudignau sis medaglias als campiunadis svizzers da biatlon. Ils campiunadis han giu liug a Lécherette el cantun Vad. Quater dallas sis medaglias han ils dus sportists Sandra Schäli e Serafin Wiestner da Trin gudignau, las duas ulteriuras Elisa Gasparin da Puntraschigna. Cun la medaglia d’argien ella cuorsa da persecuziun e la medaglia da bronz el sprint ha Serafin Wiestner contonschiu la qualificaziun pils giugs olimpics dils giuvenils. Quels han liug ellas Pireneas spagnolas. El vegn accumpignaus dil Vallesan Benjamin Weger che ha gudignau a Lécherette omisduas cuorsas dal- Inserats Südostschweiz Publicitas AG, Via centrala 4, 7130 Glion tel. 081 920 07 17, fax 081 920 07 18, la categoria U18. Serafin Wiestner ha 17 onns. Munconza el sittar Ella cuorsa da persecuziun ha Serafin Wiestner giu in grond disavantatg sil victur Benjamin Weger. Quei disavantatg ha il sportist da Trin stuiu nudar pervia dalla munconza al stan da tir. Dils diesch siets en venter e diesch siets sin peis ha el disgiu diesch gadas, siu concurrent vallesan mo treis gadas. Era el sprint, ina cuorsa silla distanza da 7,5 kilometers, ha Serafin Wiestner mo tuccau quater da diesch siets. Cun ina excellenta prestaziun ella loipa ha el denton aunc pudiu prender suenter il temps piars cun sittar. Me- glier ha Sandra Schäli tuccau. Ella cuorsa da persecuziun ha ella giu la megliera prestaziun al stan da sittar dallas empremas tschun curridras. La biatlonista digl avegnir ei denton Elisa Gasparin da Puntraschigna. La sora da Selina Gasparin, dalla emprema participonta svizra a campiunadis mundials da biatlon, ha denton era buca tuc la noda sco giavischau. Ella cuorsa da persecuziun ha ella schau nudar siat siets falli dapli che Sandra Schäli. Tuttina ha la giuvna da 16 onns dumignau sia concurrenta ch’ei dus onns pli veglia per bunamein ina minuta. Ella cuorsa da sprint ha Elisa Gasparin sitau meglier denton tuttina buca dumignau la Vallesana Stehpanie Schnydrig. E-mail: [email protected] La Quotidiana cumpara tschintg giadas ad emna Ediziun: «Die Südostschweiz»: 139 568 exemplars. Communicaziun da participaziuns considerablas sin fundament da art. 322 CP: Südostschweiz Radio/TV AG, Südostschweiz Pressevertrieb AG, Südostschweiz Grischacom AG. Dretgs d’editur Igl è scumandà a terzas persunas betg autorisadas da reutilisar en ina moda u maniera ils inserats stampads en quest titel u parts da quels, surtut cun endatar els en in servetsch d’online. Mintga cuntravenziun vegn persecutada giudizialmain da la societad da propaganda, suenter avair consultà la editura. Südostschweiz Presse AG