Advent cun Tiziana e Saphira

6
SURSELVA
MARDI, ILS 13 DA DECEMBER 2016
Florentina Camartin:
«Il bel è stà da s’entupar cun la glieud»
Saphira Felix e Tiziana Defuns (da dretg) han menau per l’emprema gada in cant aviert el Cinema Sil Plaz a Glion. Lur scolast da musi­
FOTO A. BEELI
ca Christian Müller ha accumpignau al clavazin.
Advent cun Tiziana e Saphira
„ (rtr) Suenter otg onns sco redactura
dal «Calender Romontsch» sa retira el­
la. Ella veva surprendì questa incum­
bensa sco successura da Giusep Ca­
paul. En il «Calender Romontsch» haja
ella vulì tractar divers temas, sco profes­
siuns, politica, cretta, da persunas che vi­
van en l’exteriur (che sajan abunents fi­
daivels) ubain fatgs ed istorgias da temps
passads. E sch’ella tschertgava insatgi per
scriver sur da professiuns schevan quels
tals magari na, tschertga insatgi auter
ubain ch’el schevan: Jau na sai betg scri­
ver. Alura scheva ella ch’els possian far
quai ensemen, ella fetschia ina intervista.
I dettia pliras modas co ins possia pre­
schentar ina professiun. Florentina Camartin di ch’ella haja gì blera lavur sco re­
dactura. Ella vevia il sentiment ch’ella ha­
ja vacanzas il schaner e favrer, mo suen­
ter stuevia ella gia far puspè in concept,
tschertgar glieud che scrivia e la finala,
cura ch’ils texts e las illustraziuns erian
rimnads, guardar che tut giaja bain en
pagina. Fin l’avust stuevia ella avair ense­
men il material. Cura ch’ella è daventada
redactura ha ella midà il format dal «Ca­
lender Romontsch» sin A5. Sia emprima
ediziun saja stada la 151avla, e perquai
haja ella manegià che quai fiss il dretg
mument per midar il format. Il Calender
en sia furma tradiziunala pareva ad ella
memia gross e pitschen per pudair far ina
bella preschentaziun sco ella vuleva. Ul­
tra da quai haja ella vulì adattar il format
als formats che vegnan duvrads en stam­
paria. Ma ella n’haja betg vulì trumpar
insatgi ubain far sco sche tut vegnia me­
glier uss. Per far chapir lecturas e lecturs
questa decisiun haja ella mess en l’edi­
ziun 151 il verset: Appreziescha e tegn en
onur tut il prestà, mo avra tes cor amica­
blamain era per il nov e nunusità. Sa cha­
pescha che las reacziuns èn stadas diffe­
rentas: Ils ins hajan beneventà la midada,
auter hajan gì l’emprim resalvas.Ussa cun
73 onns vul Camartin dar questa incum­
bensa en mauns pli giuvens. Las forzas la­
schian suenter ed ella haja problems cun
la vesida. Mo sch’ella guardia enavos di
ella ch’ella haja fatg questa lavur cun
grond plaschair.
La Scola da talents Surselva ha organisau in cant aviert
„ (anr/abc) L’jamna vargada ha la
Scola da talents Surselva envidau ad
in cant aviert el Cinema Sil Plaz a
Glion. Las duas scolaras Saphira Felix
e Tiziana Defuns han menau quel. En
connex cun lur formaziun dil rom alla
Scola da talents Surselva han las duas
scolaras giu d’absolver in examen spe­
cial. Tiziana Defuns da Trun e Saphira
Felix da Jenins absolvan a Glion la scola
cugl accent sin musica. Ellas ein ella mi­
noritad, pertgei ils biars scolars ein talen­
tai en ballapei, skis, cuorsa liunga, pati­
nadi artistic ed autras disciplinas spor­
tivas. Ellas duas ein musicalas, ordvart
musicalas. Quei han ellas mussau du­
ront igl examen silla tribuna dil Cinema
Sil Plaz a Glion. Igl auditori ha dil remi­
nent s’encurschiu nuot ch’il cant aviert
ei staus cumbinaus cun in examen ac­
cumpignaus d’ina experta. Christina
Riesch, cantadura diplomada e scolasta
da musica, ei sesida discret denter igl au­
ditori ed ha observau co las duas scolaras
han absolviu lur pensum. Lur scolast da
musica Christian Müller ha accumpi­
gnau ellas al clavazin.
L’emprema part ei stau in pign con­
cert «unplugged» senza amplificaturs e
mischedaders da tuns. Felix ei gia sepro­
filada ils dus onns vargai. Cun sia vu­
schuna eis ella stada nominada pil The
Voice Kids 2014 ed il 2015 pil Prix Wa­
lo pign. Pigl examen el Cinema Sil Plaz
fuva ella denton empau maldisposta per­
via d’ina grippa. Tuttina ha ella cantau
sia canzun «We don’t talk anymore» e
culla ghitara interpretau sia atgna va­
rianta d’in toc da Justin Bieber. Defuns
ei cun ses 13 onns aunc giuvna. Ella ha
absolviu siu pensum cun bravura. Avon
igl auditori ha ella presentau in’atgna
cumposiziun, ina ballada en lungatg tu­
destg. Ella ei segira e musicala, ha den­
ton aunc peda e potenzial da gudignar
puncts cun sia vusch.
Ella secunda part dalla sera han las
duas scolaras silsuenter menau in cant
aviert cugl auditori. Per dar funs e far
tunar bein s’audi da preparar la vusch.
Saphira e Tiziana han fatg exercezis da
cantar en, gl’emprem cun moviments
pigl entir tgierp, «spluntar» la membra
ed il tgau. Lu entscheiver culs emprems
tuns. Igl exercezi da cantar en plai ge­
neralmein buc a tuts cantadurs laics, ei
denton indispensabels per preparar la
sonoritad. Las duas scolaras han saviu
motivar cun quella part aschia ch’ei ha
veramein era tunau andant da cant
aviert. Cugl auditori han ellas cantau
otg canzuns d’advent e Nadal, Chri­
stian Müller ha accumpignau era tier
quella part. Sco lez ha getg suenter l’oc­
currenza seigi ei stau in experiment da
porscher quella sera da cant aviert.
Ei seigi stau l’emprema gada che la
scola da talents hagi organisau ina ta­
la occurrenza, damai ch’ei seigi stau
in’atmosfera talmein buna sappien ins
ponderar da repeter quella igl onn pro­
xim.
Concert d’advent dil Chor viril Domat
„ (cp) Il Chor viril Domat selegra
d’astgar beneventar vus a siu con­
cert d’advent d’uonn. Il chor festive­
scha dils 12 entochen ils 14 da matg
2017 il giubileum da 150 onns d’exi­
stenza. Quei fa el cun dus concerts
da giubileum cun orchester, cun
l’ediziun d’ina scartira commemora­
tiva, in DC e cun ina fiasta populara
en collaboraziun cun diversas
uniuns culturalas da Domat. Malgrad
quei program pulpiu ha il chor tuttina
preparau siu concert d’advent ch’ei gia
daventaus tradiziun. Sil program stat­
tan canzuns d’advent e da Nadal en
plirs lungatgs e da differentas tiaras. Il
program ei fetg varionts cun canzuns
meditativas e contemplativas sco pre­
paraziun sil temps da Nadal, denton
era cun ovras plein slontsch che dera­
san legria e plascher. In concert sco
fatgs per fugir dil stress quotidian e
schar menar en ina atmosfera da pasch,
carezia e ruaus.
Denter ils blocs da canzuns delecte­
scha igl organist Pieder Jörg igl audito­
ri cun entginas meditaziuns da Nadal
sin l’orgla. Il Chor viril Domat stat sut
la bitgetta da Sergej Schmidt.
Il concert ha liug dumengia, ils 18 da decem­
ber 2016 allas 18.00 ella baselgia parochiala
da Domat. Entrada libra, collecta.
Florentina Camartin en ses biro a Breil.
FOTO RTR/H. GIGER
Affons dil 4. quartal
dall’annada 2015
Suenter las presentaziuns dils affons dil tierz quartal dall’annada
2015 vul La Quotidiana cuntinuar cun presentar ils affons dil
quart quartal 2015. Nus dein la pusseivladad agl entir intschess
romontsch da separticipar.
Tarmettei pia ina foto actuala da vies affon ch’ei naschius denter l’entschatta october ed ils 31 da december 2015 cun las
suandontas indicaziun.
–
–
–
–
num e prenum digl affon
data da naschientscha
liug da domicil
num e prenum dils geniturs
La foto digitala duei esser sil pli pauc 500 KB. Fotografias da handy ein buc adattadas, bunas fotos sin pupi perencunter bein. Secapescha che lezzas vegnan returnadas.
Las fotografias e las indicaziuns ein d’inoltrar entochen l’entschatta schaner 2017 alla suandonta adressa:
La Quotidiana
L’annada 2015
Via Sommerau 32
7007 Cuera
e-mail: [email protected]
Ord il ravugl dallas annunzias inoltradas trai la diala da cletg treis victurs. La Quotidiana
selegra dils purtrets dils affons romontschs ed engrazia per la collaboraziun.
Il Chor viril Domat igl onn 2016.
MAD