“Sogno di una notte di mezza estate”

Nell’ambito del progetto “Valorizzazione e uso della lingua sarda”, gli
alunni della 3^C della Scuola Secondaria di I° grado “Fermi” di
Sant’Antioco e i bambini di 5 anni della Scuola dell’Infanzia “via
Manno” di Sant’Antioco, interpretano l’opera di Shakespeare:
“Sogno di una notte di mezza estate”
Bisu de una noti de un’istadi de mesu
In Atene sunt aprontendi sa coia intra Teseu e Ipolita, reina de is Amatzonis. A
Teseo s’acostat Egeo, babbu de Ermia, cun is duus pretendentis de sa filla po
pregontai su giuditziu suu: Ermia non bolit coiai Demetriu, poita innamorada de
Lisandru chi issu puru stimat. Mancai is duus piciocus siant paris po sa richesa e
reputatzioni, Egeo preferit Demetriu e is suplicas de sa filla non ballint, antzis, si
non si coiat, dd’at a fai bessì sacerdotessa de Diana. Acabbau s'atobiu, a merì, is
duus innamoraus decidint de si fui de sa tzitadi, passendi in su padenti, po si
podit coiai una borta atesu. Ermia si cunfidat cun s'amiga Elena, innamorada de
baras de tempus de Demetriu. Elina perou fueddendi cun Demetriu in unu
momentu de arrinegu nci essit s’idei de si fui de is duus amantis. Aici Demetriu
ddus ponit avatu, sighiu de Elina. Su parenti perou est unu regnu de janas prenu
de cosas mauas a cumprendi e chi si ingruxant cun is storias de àterus
personagius.
Oberon, rei de is janas, acordat su folletu Puck, nodiu fintzas Hobgoblin, o Robin
Goodfellow, po dd’agiudai: issu bolit unu serbidori de sa mullei, sa reina Titania,
po sei, e pregontat a su folletu de precurai suci de viola de su pentzamentu e ddu
spremi in is ogus de sa mullei dromia, aici che sa mullei perdat sa conca po sa
primu persona chie bit comenti si ndi scidat e, scaresciu su passau, ddu lessit su
serbiroi chene chescius. In prus Oberon ddu pregontat de ghetai su matessi suci in
is ogus de Demetriu po agiudai Elina a pustis di ddus essi intendius fueddendi. Po
sbàgliu Puck spremit su suci in is ogus de Lisandru chi, una borta scidau, bit
Elina e si ndi innamorat, cun dispraxei manu de parti de Ermia. In su padenti
nci sunt fintzas artigianus, chi provant unu spetaculu teatrali po afestai sa coia
de Teseo e Ipolita. Intra issus, Bottom, portat a pitzus comenti costumu una conca
de burricu. Puck ddu fait unu brulla: Bottom, non si ndi podit troci su bistiri
antzis sa conca de issu est bessia una conca de burricu: aici is cumpangius si fuint
spramaus. At a essi de Bottom chi Titania s’at a innamorai candu si ndi scidat,
po s'efetu de sa viola de su pentzamentu. Duncas Titania atobiat Oberon, chi
otenit su chi bolit, a pustis dda liberat de s'incantesimu. Puck a s’acabbu ponit a
postu is cosas, fintzas sa conca de Bottom.Oberon in prus, si ndi acatat de su
sbagliu de Puck, e ddu cumandat de donai su suci a Demetriu. Aici sia Lisandru
che Demetriu bolint coiai Elina. A s’acabbu Oberon cumandat a Puck de sistemai
is cosas: Oberon e Titania sunt apaxiaus, is cuatru giovunus sunt duas copias.
Teseu decidit chi fitzas is cuatru giovunus si coint sa matessi di impai a issu e
Ipolita. Sa nova de is tres matrimonius aciuntus fait avolotai totu sa bidda, e
fintzas is traballadoris ateniesus chi sunt abarraus chene personagiu principali:
Piramu, che depiat essi Bottom, chi issus aiant lassau in su padenti cun sa conca
de burricu, ma su protagonista brintat in scena propriu in s’avolotu e insulat is
cumpangius a s’aprontai po su spetaculu.