Lau Afioga i le Fofoga Fetalai faapea foi le mamalu o le Maota, ou te

Transcript

PALEMENE XII
1996-2001
auauna e ala i le Tofi Palemia o le Malo o
Samoa.
Afioga Hon TOLEAFOA FAAFISI
Itumalo
Faaalaalafaga:
Aana Alofi Nu.1
Filifilia:
16 Me 1996
Tofia ma Fofoga
Fetalai
16 Me 1996
Faatauto:
16 Me 1996
Uluai Lauga FaaFofoga Fetalai:
16 Me 1996
A o le i tuuina Au i le Ao Mamalu o le Malo e tusa
ai ma le Malelega, ou te momoli atu lau faafetai
tele i Sui Filifilia uma ona o lenei tulaga mamalu
ua outou faaeeina ia te Au. OU te tautino atu i lenei
Fono Aoao lou ofoina atu o Au nei ma le atoatoa
ou te tauaveina ai tiute o le Fofoga Fetalai. Tau i
aina ia fesoasoani mai le Atua ia te Au. O lenei
taimi, ou te faasilasila atu o le a faataatia ese
galuega mo le tuuina atu o Au nei i le Ao Mamalu
o le Malo i le Maota i Motootua. Ou te valaau atu i
Sui Usufono e mafai ona faatasi ai ina ia tatou auai
faatasi i le momoliga atu o Au i le Ao Mamalu o le
Malo.
Susuga
Hon
MALIELEGAOI
TUILAEPA
SAILELE
Itumalo
Faaalaalafaga:
Lepa
Filifilia:
23 Novema 1998
Tofia ma Palemia:
23 Novema 1998
Faatauto:
23 Novema 1998
Uluai Lauga FaaPalemia:
23 Novema 1998
Lau Afioga i le Fofoga Fetalai faapea foi le
mamalu o le Maota, ou te tulai atu ma le agaga
faaaloalo e molimoli atu i le mamalu o le
Maota nei le agaga faafetai ona o le filifilia o
le sui usufono o le Itumalo o Lepa e avea ma
O lo outou faatuatuaga e auala i lenei filifiliga o
le a le tuumamaina ia te au. O le tatalo ia
fesoasoani mai le Atua i soo se auala e mafai ona
ou tauaveina ai tiute uma faa-Palemene i auala
silisili e tusa ai ma lenei tofiga taua. E faapitoa lau
faamalo i sui usufono o lenei Vaega faa-Upufai e
Puipuia Aia Tatau a Tagata. Ua maea foi ona tulei
le Afioga i le Tootooalii i lenei taeao ma faaalia ai
lona agaga faageetia i le agaga saili Malo, faaVaega faa-Upufai, o le agaga lava lea e tasi na
mafai ona tulai mai ai pea i le foe i le faatautaia o
le Malo, lenei Vaega i Paeaiga sosoo e lima (5)
talu mai lava le tausaga 1982. O nei lava tausaga e
tele lau Afioga i le Fofoga Fetalai, mai le 1982 na
avea ai le Tootooalii ma Palemia o Samoa, sa ia
taitaia le Atunuu ma le toa ma le le fefe, i taimi o
faiga sa feagai ma Samoa sa iloga le tulai matila
faamuaau o le Tootooalii e taiala ma taimua e
faataumatagi, e faataumua-ava i taimi e lagalaga ai
le gataifale i upufai o Samoa. E lei alo foi i se mea
e tasi i lona tauaveina o lelei ma tiga uma lava e
mulimuli mai i le tofiga. Sa faatauemua, sa soona
tuuaia ma taufaifai ai e na taumafai e faaleaga i
lona tagata ae le faavaivai ai le loto toa faataitai e
faia ai iuga ogaoga ma le aoga mo le Atunuu ma le
Malo. O le taleni maoae lenei a le Tootooalii o le
tomai e faia ai iuga ogaoga a le Malo ma le loto le
femoumouai ma le loto talitonu. O lea meaalofa e
afua i le soifua faaaloalo faataitai, o le taiala taua
lenei o soo se Taitai.
O le upu e faatino ma faamatala ai le taua o lenei
taiala e faapea: ―E le faatalia i se isi le fanae mai
ma le gau atu o le tai‖. E faapena foi i pulega faaleMalo, e tatau ona fai iuga ogaoga ma le taua a le
Malo, o le fai o iuga e le soona toloa, e vave iloa ai
foi le sese ma le sao, ona toe matimati ai lea o le
tonu ua faaletonu. Ua 32 ai nei tausaga o le soifua
tautua o le Tootooalii i le tofi sui usufono, ua lima
Paeaiga sosoo o avea pea ma taitai o le Malo, o le
toe ulutaia o lenei Maota ma Upufai o le Malo o
Samoa. O le matatia e ausia gata e se tagata soifua
i totonu o le atunuu, o le Taitai na faauuina. O le
mafuaaga foi lena o le faaumiumi pea o le soifua o
le Tootooalii aua e faatasi le Atua ma ia. Na talosia
foi e le au fai tatalo o Samoa lona faatafa gasegase.
O le Taitai ua iloga ana galuega lelei ua fai ma e
manatua pea mea lelei na ia fai. E leitioa foi ona
faamanu Saulo ia Tavita, ―E te faia pea e oe mea
silisili ma e manumalo ai pea lava‖. O le tele o aso
na avea ai le Tootooalii ma Taitai o le Malo, o le
tele foi lea o aso na ia tofia ai au nei ou te nofoia le
Nofoa lenei o loo ou tulai atu ai. Ou te faafetaia ai
foi lenei avanoa i le Afioga i le Tootooalii i lona
aumaia o lena foi avanoa ia te au, e amata mai lava
i le aso 30 Tesema 1982 ma te galulue faatasi ai
ma ia.
Ou te faamalo i le tapuaiga a Lepa i le afio o
Faletoi ma le Usoalii, susu Alaalamalae le Alo o
Malietoa faapea foi le Alo o Tuiatua ma le Alo o
Mataafa, le Maopu Taulagi, le Aloalii ma le Ao
Faleupolu, Puaauli ma Sogimaletavai. Afio
Tupuola le matua faapea le faletolugafua o le
Usoalii, alaalatai Tulaniu o Atua o Alii o le Itu,
Fatialofa ma Auelua, lau Fetalaiga Malielegaoi ma
le tofi na tuu faasolo i nuu faale-Atua ma Salefao.
O lea e avea ai au ma sui o lo matou Itumalo e
momoli atu ai le faafetai i lenei taeao.
Lau Afioga i le Fofoga Fetalai, ia faaifo mai lagī
manū i lenei foi Malo fou, le Palemene ma le
Atunuu. Soifua.
Afioga AFAMASAGA FAAMATALAUPU
Itumalo
Faaalalafaga:
Aana Alofi Nu.3
Filifilia:
5 Oketopa 1996
Faatauto:
29 Novema 1996
Lauga Faataupou:
17 Iuni 1997
Lau Afioga i le
Fofoga Fetalai ma le mamalu o le Maota, ua ou
tulai atu e pei ona e saunoaina e fia fai se manatu
po o se aso o lenei itumalo o Aana Alofi Nu.3 i le
Tala o le Tupe ua i luma nei o le Palemene. E pei
foi oan saunoa i ai lau Afioga, o le taimi muamua
lenei ua maua ai se avanoa e tuuina atu ai se lauga
e pei ona e saunoa i ai, o se lauga faataupou a lenei
foi itumalo. O lea o le a taumafai atu ai ona ua
matau atu ua le o i ai nisi sui o le Maota o lo o fia
saunoa e tusa o lenei Tala o le Tupe, ae faafetai mo
le avanoa.
E muamua lava lau afioga a le Fofoga Fetalai ona
momoli atu le faamalo ma le faafetai e tusa ma le
galuega fita o lo o feagai ma lau Afioga i le
faafoeina o galuega a le Maota o le Palemene o
Samoa i Sisifo. E matauina lava le solosolo lelei o
a tatou Tauaofiaga ona o le lelei ma le sagatonu foi
o le galuega o lo o feagai ma lau Afioga. E
momoli le faafetai i le Failautusi o le Maota faapea
le aufaigaluega. E le faigofie foi la outou galuega
o lo o feagai ai e pei lava ona silafia, o le tele o nisi
taimi e tuuaiina ai lau Afioga ma le aufaigaluega i
Upufai iv a faa Malo. E momoli atu le faafetai
faapitoa e tusa ma fesoasoani uma sa tuuina mai ia
te Au i fautuaga ma fesoasoani i le tiami sa faatoa
ou ulufale mai ai i le Maota, sa fesoasoani mai ai.
Ia alofa le Atua ia famanuia i la outou galuega fita.
Ou te fia faaaogaina foi lenei avanoa e momoli ai
se faafetai ma se faamalo i le Afioga i le alii
Palemia le Taitai o le Malo, ua faamalo i lau afioga
faapea le Kapeneta i le faafoeina o le sa o Samoa i
lenei vaitau. E le faigofie la outu galuega e pei
lava ona silafia, o lelei ma leaga e pei ona silafia, o
lena o lo o lafo atu ia te outou. E le faigofie foi le
lalolagi e pei ona tatou i ai i lenei taimi. E pei lava
ona faafofoga soo i ai lenei Maota i tulaga ua i ai le
lalolagi i le upu foi lea ua taua nei ma ua gagana ai
o le globalization i mea uma lava. Ua tainane lava
o lo o lelei faafoe le atunuu lava ia, ae e le o mafai
ona toe sao mai ai i malosi i tulaga o fefaatauaiga o
le lalolagi i le atiina ae ma le tamaoaiga. O lena e
matauina ai o lo o solosolo lelei pea si o tatou
atunuu e ui lava ona o lo o fesouaina i le tele o na
malosiaga fale lalolagi e afua mai i fafo atu o
Samoa.
O le upu moni foi lau Afioga a le Fofoga Fetalai,
a tatou vaai i le tulaga o lo o i ai le vasa lenei o le
Vasa Pasefika, o le upu moni lava e ui ina itiiti
Samoa ma e faatauvaa foi lona tamaoaiga, a o le
matau i lenei lava vaitau o lo o solosolo lelei le
taitaiina o le atunuu. E le fapaea e atoatoa aua e
pei ona silafia, e leai se tulaga atoatoa i le olaga
lenei. Ou te masalo na o luga lava i le mea o lo o e
afio ai le Atua e maua ai le atoatoaga o mea uma.
A o le matau lava ia faale tagata soifua, o lo o
solosolo lelei ma o lo o oo atu tatou i se tulaga e
matauina ai foi e pei ona silafia. E le o le taimi
muamua lenei ua tau ai le filemu ma le lelei o le
tausiga o si o tatou atunuu.
Na ona ou fia faatepa ina ia tagai i Papua New
Guinea, tagai i le Atu Solomona, tagai i Fiti ma
tagai i Toga faapea ma Vanuatu. O lo o i ai ni
faafitauli. Tagai Cook Islands, o lo o i ai ni
faafitauli ogaoga i na atunuu uma ma o a tatou
paaga. E le faapea la e selu atu i lau Afioga a le
alii Palemia ma le Kapeneta faapea le Malo, ae e
ao foi ona oo se faamatalaga i lena itu aua o lo o
faafofogaina foi nisi o faafitauli. A oo foi i taimai
matou te faitio atu ai, o le a oo foi i ai se matou
tautalaga.
E avea foi lenei itula e faatalofa aloaia atu ai ma
faamalo i lau Afioga a le Taitai o le Itu Agai ma
lena foi Itu o le Maota e pei ona feagai ai foi ma le
agaia o le Malo. Aua e pei lava ona silafia i nei
mea o Malo faa Palemene faatemokarasi, o lena ua
i ai tatou i tulaga o Vaega Faaupufai o Malo ma e i
ai le talitonuga o auala faapena o le a mafai ai ona
solosolo lelei galuega a le Malo ia pe afai o lo o
lelei ona agaia ma suesue lelei i tulaga e tatau ona
suesueina ai e lena foi Itu o le Maota. E momoli
atu ai le faamalo.
E momoli atu ai foi le faamalo i sui usufono, ua
malo le soifua maua ma le algi e mama. O le a le
malaga loa sau faamatalaga ae e ao foi ona oo i le
tapuaiga a Samoa o lo o faafogafoga mai i lau
Afioga a le Ao Mamalu o le Malo lau Susuga
Malietoa, le mamalu o le Fono a Sui Tofia, le paia
i Aiga ma a latou Tama, o Tama foi ma Aiga, o le
mamalu ia Tumua ma Pule, Ituau ma Alataua, Aiga
i le Tai ma le Vaa o Fonoti, e faapena foi a tatou
paaga i lena itu o le motu o le Atu Samoa i
Amerika Samoa ma a latou Faigamalo i le paia ia
Sua ma le Vaifanua, Fofo ma Aitulagi, Saole ma
Saleaaumua, Faatui o le Motu, Tootoo o le Faleula
ma Tama a le Manuatele. O le a faasolo mai ai sau
famatalaga i auauana a le Atua o lo o talosagaina le
manuia o Samoa i Sisifo i fata faitaulaga e fia o lo
o tatou atunuu.
Ona oo atu ai lea o sau faamatalaga i si ou
itumalo o lo o faafogafoga mai i le afifio o Aloalii
ma le tamaitai tasi o Aana, lau Fetalaiga
Peipeigamalie ma le mamalu ia Satuimalufilufi.
Oo mai i se tasi alaalafaga o lou itumalo i le mea o
lo o afi ai le Sao Ali ii le paia o Aiga Sa-Tuala, le
laau na fausia ma le mamalu i le Faleaana. E
faapea fo le paia i Alo o Tamaalelagi, le Fetalaiga
ia Talimatasi ma le mamalu i le Faleaana. Oo mai
i lou nuu o Fasitoo-Tai ma Vailuu-Tai i le paia i le
Taulagi, le Maopu o le Tuiaana ma le Nofo a
Ituaiga i le Falefitu ia Fasitoo. E faapea foi le
mamalu i faletua ma tausi, le paia i saoao ma
aualuma, aumaga ma le malosi o le nuu faapea le
aufaigaluega a le Atua i si ou itumalo. E momoli
atu i lenei itula se leo, ua faafetai mo la outou
faaalaolao ua tuu mai ia te Au, ua fafetai mo le
faatuatuaga ua tuu mai e avea ai lou leo ma sui o le
tatou itumalo i le Maota o Samoa. Ia lafo maia le
faatuatuaga, lafo mai ma tuu mai le avanoa se i
taumafai atu ai se galuega a lo outou sui. Atonu ua
umi se taimi e le i faia se lauga a lo outu sui e pei
ona silafia, e le i umi se taimi na taliu mai ai i lo
tatou atunuu. A o se tasi vaega sa faatalitali ai foi
ma tuai ai ona fai se tatou lauga ma se leo ona ou
te manatua i se taimi sa ou i ai i Peretania e pei ona
silafia sa galue ai la outou auauna i fafo, sa i ai se
faatasiga sa auai i le Maota lea i Buckingham
Palace, sa auai taitai o le Malo o Peretania ma sa i
ai foi le tamaitai lea o Margaret Thatcher e pei ona
silafia o ia lea sa taitaia le Malo o Peretania i le
silia ma le 14 tausaga.
O le taimi lea faatoa tofia ai Au e le tatou itumalo
e ave ma sui usufono ma e sa ou fesili ai i lenei
tamaitai, po o a lava ni fautuaga e mafai ona ia
tuuina atu i se sui usufono faatoa tulai mai. E
puupuu lava le tali a lenei tamaitai sa faapea mai
ai; ―O le fautuaga puupuu lava e mafai ona ou
tuuina atu ia te oe, aua e te soona tautala, aua foi le
soona faia sou manatu se i e malamalama lelei i le
mea o lo o tupu. Aua lava e te soona tautala pe e te
lauga ae fai sau suesuega ia e malamalama ona fai
ai lea o sou manatu.‖ Atonu o le tasi lena o
fautuaga se i tau suesue foi ona taumafai atu ai lea
o se manatu o le itumalo.
O lenei la taimi e pei ona silafia, ua i luma nei o
le Maota le Tala o le Tupe mo lenei 12 masina o le
a sau nei. E momoli atu ai le faamalo i lau Afioga
a le Minisita o Tupe faapea le aufaigaluega. E leai
ua manino lava le utiuti o le tamaoaiga o Saoa ma
e pei ona saunoa i ai lau afioga i le tolaulauga, e
tele nisi o atiina ae ua le mafai ona faatinoina i
lenei taimi oan ua le lava le tupe. E ui lava i lea o
lea ua matau atu e ala foi i suesuega a le Komiti o
Tupe i Matagaluega , o le tele lava o taimi sa latou
faaalia ai ua lava ma totoe le tino i tupe ua i ai i
lenei taimi. Atonu e tele ni galuega o lo o fia faia,
ae e le o ni galuega e tatau oan fai i se tulaga
faatopetope i le taimi nei ae fai fuafua e le gata i
tupe o i ai ae faapea foi le malosi o le aufaigaluega
e fai ai. O lea la e momoli atu ai le faafetai. O lo o
tatou talanoaina soo lava lenei mea ole tamaoaiga
ua i ainei e pei ona i ai i le faamatalaga a le
Minisita. O le tausaga e 1995 ua matauina ai e tusa
e 9% na tupu ai le tamaoaiga (growth) o le
economy. Ou te masalo o se taimi muamua lea ua
oo ai i tatou i lea tulaga. E moni lava la o tausaga
na o le taou see mai i le maualalo sa i ai ona o afa,
a o se taimi muamua lea. A tagai i tua atu i tausaga
uma na sau ai le tatou tamaoaiga i le 1980 ma tua
atu foi, a tele o le 1% i le 2%. O le mafuaaga foi
lena o le faaletonu o le faasoa ona o le le lava o le
tupu o le tamaoaiga, ae e momoli atu ai le faafetai
ma le faamalo i le faafoeina ona ua matauina lena
9%, o se tulaga ese foi lena i le faatusatusaga i
lenei taimi i le lalolagi.
E pei ona silafia i le tamaoaiga o le lalolagi o i ai
nei, o tamaoaiga sili ona saoasaoa o Asia. O
atunuu ia o lo o tau lalata mai ia i tatou. O le
saoasaoa o lo o tupu ai le tamaoaiga i ina o le 6% i
le 10%. O lena la ua oo i ai i tatou i le tulaga lena.
A o le tulaga e i ai atunuu malolosi e i ai Amerika
ma Europa, a malosi lava o le 3% lena o lo o i ai, o
nisi foi o lo o i lalo ifo. A o lena ua manino ua 9%
tatou i le 1995, ona soso o mai ai lea i le 6% i le
1996. E pei ona saunoa i ai lau Afioga a le
Minisita o Tupe i le Tala o le Tupe, o lo o i ai le
faamoemoe o le 3 i le 4% ole a tupu ai le
tamaoaiga.
E ala ona taua nei mea faapenei, ona a oo i le
taimi tatou te vavao ai ma tau faasoa a tatou tupe, e
leai lava se isi auala e mafai ai ona faasoa ma tele,
o i ina i le vaega lena. Afai e tupu le tamaoaiga i
se tupu e tatau ona i ai, ona faigofie foi lea o la
outu faasoa. Ae afai e pei o le tulaga sa i ai a tele
lava o le 1 i le 2% po o le leai foi, e faigata ona fai
la outou faasoa. O lea e momoli atu ai le faamalo,
e ui lava ona o lo o tele faafitauli i le taufaasoasoa
o le tupe, a o lena lava ua tulai mai i lenei tiami o
lo o saogalemu pea ma o lo o lelei ona faafoeina le
tamaoaiga.
Lau Afioga a le Fofoga Fetalai, e i ai nai vaega o
le Tala o le Tupe ou te fia tautala i ai. O le mea
muamua lava o le tulaga lea i le tausia o aseta a le
Malo. E pei lava ona silafia, e faigofie ona fai
atiina ae fou aua e manaia i le silasila a le atunuu,
aua o le manaoga o tagata ia fai auala fou, ia fai lea
mea ma lea mea. E i ai le vaega foi lea o lo o
matauina o lo o pau ai pea le galuega ona o le
tausia lea o nei galuega pe a maea. E matauina i le
tele o nisi o galuega ma atiina ae ua uma ona fai i
le taimi ua mavae, ua uma ona fai ona le mafai lea
ona tausia. Ua matauina foi i le vaegatupe ua
tuuina mai i lenei Tala o le Tupe mo mea e
faaleleia, e i ai le talitonuga atonu e tatau ona sili
atu. Ona o le faigata lava foiona tau faasoa atonu e
tatau ona sili atu. Ona o le faigata lava foi ona tau
faasoa atonu foi e le o mamao atu le Tala
Faaopoopo o le Tupe. Ae i ai lava le talitonuga
maualuga aua o lena ua silasila i ai. E tele atiina ae
tetele ua faatuina i le lima tausaga lea ua mavae atu
nei. E i ai le upu faa Peretania foi lea e faigofie
ona aofia ai o leinfrastructure.
A tau le
infrastructure, ona aofia ai lea o auala, o uafu, o
moli eletise, o vaitaumafa ma utilities uma
faapena. O na mea uma faapea e tele se tupe ua
alu ai e le gata i tupe a tatou a o tupe faameaalofa
mai fafo o loo tuuina mai e develop ai pe atiina ae
ai le tatou infrastructure. Ia faaaoga ia le upu lena
ona e faigofie e aofia uma ai, ae o se tasi lena o
mea o loo matauina. E le gata i Samoa nei a o le
tele o atunuu tau atiae o le lalolalgi, e faigofie ona
tuuina atu se tupe e fai ai galuega fou. Ona o le
tasi o mafuaaga o tupe nei o tupe mai fafo. E
faigofie lava la ona faatagisia fafo e aumai tupe nei
e atiae ai, ae i ai la le lava lena o le tausiga o mea
nei e tuu mai ia i tatou. Aua o le mau a i latou i
fafo, e mafai ona omai e fesoasoani mo a tatou
atiina ae, ae e leo mai i latou e toe tausi a taotu
maea. O le mea lena e lafo mai ia i tatou. E pei foi
ona talanoa soo i ai le Maota ma tau lenei upu o
lafoga a tagatanuu. O le matou foi lena matau, o
upu na o lo o lafo mai i fafo o lafoga foi a o latou
tagatanuu lea e fai nei. Ona fai mai ai lea o si a
latou faaupuga lea; ―O le a aveatu le lafoga lenei a
o matou tagatanuu e fesoasoani ia te outou, a o le
tausiga lelei o na mea o la outou matafaioi lena.‖
Sa talanoaina Tala o le Tupe a nisi Matagaluega e i
ai le Public Works e pei ona silafia o i latou ia o lo
o feagai ma le tausiga o aseta nei a le Malo i auala
ma le tele o mea faapena i inei i le taulaga i mea o
loo faaalu ai le suavai i le sami e pei lava ona
masani ai. E matauina lava o le tasi lea o vaega e
tatau ona tagai totoa i ai le Malo ina ia lava pea le
faatupeina o le galuega lea mo le toe faaleleia ma
tausia o galuega. O lea ua luelue mai le ao o le
Minisita o Galuega atonu e moni le faamatalaga.
Ona faasolo atu ai lea lau afioga, e tuu atu ni nai
faataitaiga o lo o i ai pei o le tulaga lena sa
talanoaina e le Komiti o Tupe le vaega lea o le
Maketi o Ia. Aveatu ia lena mea e fai ma
faataitaiga o le galuega lea ua faatino i tupe mai
fafo ona lafo mai lea ia tatou ona le mafai lea ona
tausia lelei ona toe omai foi lea fafo toe fai. Pe ona
silafia o le Maketi lea o Ia o lea ua toe aapa mai le
Malo o Iapani e toe faaleleia ma toe teuteuina le
maketi ua leaga ona ua vaivai le tatou tausiga. O le
mea moni lava pei ona taua e le faigofie la outou
faasoa ae lafo atu pea aua e pei a ona taua. E ilitata
tele Malo i fafo ma le au tax payers na i fafo e
omai foi latou toe tausi. Atonu la e oo sau
faamatalaga i lea tulaga ona o le tasi lea vaega o
loo feteena ai nei le agtunuu pei ona silafia le tel eo
nisi atiina ae fou o lo o tau faatuina nei e i ai le
suavai. Pei ona silafia ua faatuina nei le tatou
Water Authority po o le Matagaluega o le Vai ma e
o lo o tele lava e faitau miliona masalo pe silia e
pei ona taua i le taimi ua fano o lo o i ai i totonu o
le tupe lenei. E tusa ma le silia i le $20 miliona le
tupe o le a faaaluina i le suavai i le atu lea i le itu le
e tau o le Rural Water Development Project. E pei
ona silafia, o lena e faatupeina e le European
Union po o Malo o Europa. Ae o le tasi toatuga sa
faa faigata ai oan faaauau lenei galuega ma tuuina
mai lena tupe tele ona o le mea la lea o le toe tausia
ma le maintenance o le system lenei pe afai e uma
ona faaaogaina. Aua o iina e i ai mea foi nei o
tatou meters ia tatou te finau ai nei. Pei ona i ai le
faamoemoe afai o le a i ai se atiina ae faapena o le
a faia e tatau ona maua foi sina seleni i totonu o le
atunuu ia i tatou o lo o faaaogaina e fesoasoani mo
le tausiga o lena galuega. E le gata la mo le
tausiga ae mo le faaleleia atili aua e le uma ai o lo
o tuputupu pea le atunuu ma o lo o tupu foi le
manaomia o le suavai taumafa. Ia ma e i ai foi se
taimi ona manaomia o se faateleina. Pei o nai
faataitaiga na o lo o i ai ae silafia lelei lava e le
atunuu a outou silasila ma tagai i le tele o nisi
galuega o lo o i ai ia ou te talitonu e vave lava ona
tupu mai le lagona e tatau ona lelei ona tausia. O
le a faagata mai iina sau faamatalaga e tusa i lenei
vaega o le maintenance po ol etausia lelei ina ia
lava ona tuuina atu i tausaga uma i le tatou tala o le
tupe o se vaega tupe e tausi ai ia a tatou atiina ae
ua uma ona fai aemaise lava atiina ae o loo faatupe
maii Malo mai fafo o lo o fia fesoasoani mai i ai
tatou.
O se tasi vaega o el tala o le tupe ou te fia talanoa
i ai lau Afioga a le Fofoga Fetali, o el tulag alea i le
aufaigaluega a le Malo. E momli le faamalo i le
Komisi o el aufaigaluega a le Malo ae faapea foi le
Malo tusa ma le siitia o totogi ua i ai nei i le toatele
o le aufaigaluega a le Malo aemaise lava latou o lo
o faauluulu i ai ma o lo o faamoemoe i ai i le latou
tomai e faatonutonu ai ia galuega a le Malo. E le
gata la i le siitia o totogi ae faapea foi le faateleina
o le aufaigaluega. Lau Afioga a le Fofoga Fetalai,
o le tasi lea o mea sa matauina i talanoaga foi a le
Komiti o Tupe ia ma el tele o Matagaluega ua
faaalia le latou agaga fiafia ma le faamalosia ona
ua faaopoopoina le aufaigaluega le gata i lea ua
fesoasoani foi le Malo i totogi. E pei lava ona
silafia po o lea le tatou taumfai atu e faamoemoe ia
galuega uma a se atunuu ma le manuia i o latou
lava tagata. Ae faaaoga ia le uou lenei faiai, pei
ona silafia o Samoa e mativa i tatou i mea o
Natural Resources. A silasila pe a faatusatusa i
tatou ma nisi o atunuu ia o leai ni mea foi nei mai
le eleele, e laitiiti foi le tamaoaiga mai le sami, e le
lava le tatou vaomatua. Ia e le o i ai minerals, aua
o mea na e faatuatua i ai le tele o atiina ae o atunuu
tetele. Ia a tuu mai i tulaga o fale faigaluega ma
fefaatauaiga ia e mamao si o tatou tulaga mai
maketi o le lalolagi. O lena lava e silafia e le o se
mea fou lena mea ia e le faigofie la le tatou
tamaoaiga. Ia o lo o taua foi nei mea o turisi ao le
upu moni a na e silasila i ai o lea lava e lei oo i
tulaga e tatau ona oo i ai ona o mataupu na ua ou
taua. E mamao tatou mai le mea o lo o i ai turisi o
le lalolagi. A tatou taua lenei mea o le fia omai i
inei ona e lelei le tau o inei o le upu moni ae mania
ai le tau i Europa. A oo i le taimi lenei o le
summer ia o matou na i lalo o le sami foi lenei o le
Mediterranean ia o iina o lo o lolofi i ai le miliona
ma miliona o tagata sosoo ane ai ma Aferika i
Matu i nuu na ia o iina o lo o lolofi ai sosoo mai ai
ma ii nuu ia e i ai le Karipiane. E faigata ona omai
mamao tagata ia tatou pei o le mea lena e alai ona
ou fai atu. O lona uiga e le faigofie ona atiae sio
tatou atunuu. Ae ua faaumiumi lau faamatalaga
ona o le mafuaaga lena e faamoemoe ai le tatou
atiina ae i faiai o tatou vaeatu le paia o le Maota, i
faiai i le faaaogaina o tatou Human Resource ia
ona see mai ai lea. O atunuu nei e i ai tatou e tele
naunau le Public Sector pei ona silafia e
faatusatusa i le tele o le Private Sector i le mea lea
e faapea o lo o gaosia ai le wealth o le atunuu e
pito tele a le Public Sector. Afai la e vaivai le
faafoeina o le Public Sector ia iina la e oti ai tatou.
Ua faafetai lava i lau Afioga a le Fofoga Fetalai.
O loo matau atu toe 5 ou minute, ae sa i ai le
manatu faapea e i ai se isi avanoa ona o lo o i ai ni
nai mataupu, o lenei e le i oo sau faamatalaga i si
ou itumalo faamolemole e talosaga atu ai pe tusa ai
ma le finagalo o lau Afioga a le Fofoga Fetalai ma
Tulafono Tumau o le Maota.
E pei la ona ou taua e momoli le faamalo i le
Komisi o Tagata Faigaluega a le Malo ona o lena
fuafuaga sili ona taua ina ia faamalosia le
aufaigaleuga a le Malo e le gata i le sii o totogi, a
ole faatumuina foi o avanoa i nisi o le
aufaigaluega. Aua e pei ona silafia, o le tasi lea o
mea o lo o taua afai e tuu atu, fai mai e le lava le
aufaigaluega e faatinoina galuega.
Ona oo atu ai lea o lau faamatalaga i le vaega lea
o le Budget. E pei ona silafia o le Budget lenei po
o le Tala o le Tupe lenei e taua o le Performance
Budget. O le upu lea ua lau ai nei ua le na o le tau
o le Budget ae ua tau o le Performance Budget. Sa
ou vaai i le tusi lea e sue ai uiga o upu po o le a le
uiga o le upu performance. O le uiga o le
performance o le faatino o se mea. E faatauaina
tele la i lou taofi le taua o lenei upu o le
Performance Budget aua o lea ua tuuina mai nei ua
lafo mai le avega. Silasila foi le mamalu o le
Maota i le Budget lenei o lo o faatulaga uma mai ai
lava galuega o el a faia i le tupe lenei. E taua tele i
lou sui lena mea, atonu foi e tatau ona momoli le
faamalo i le afioga i le Minisita ma le Matagaluega
ona ua ae le tofa ia tatou see atu i lenei mea. O le a
suesueina lava po o a galuega sa faia i le tupe lenei.
O le faataatiaga la lea ua i ai ua matua auiliiliina
lava ona taatitia mai galuega o le a perform i ai po
o le performance. O le a faigofie ai foi i le Maota e
le gata o le a tatou sailiilia le performance a le
aufaigaluega ae faapea foi le Malo. Aua e i ai le
talitonuga, o le mamalu i le Kapeneta sa pasia lenei
vaega i le performance lenei ma o lea ua tuuina atu
i ai le vaegatupe lenei. O lea e i ai foi le
faamoemoe o el isi 12 masina oan tatou toe foi mai
lava lea i le Tala o le Tupe lenei e vaai i ai pe ua
mafai ona ausia uma galuega nei o lo o tusitusia o
le a ausia. E pei ona ou taua, ou te talitonu o se
laasaga sili lea ona taua. Ou te talitonu foi o le a
fesoasoani tele ina ia faigofie ai ona matauina le
tulaga o loo alualu ai i luma le faatinoina o le
galuega po o le leai foi. Aua e pei ona silafia, po o
le a lava le ellei o le faataatiaga o mataupu ma mea
uma, o le faatinoga o se mea o iina lona taunuuga,
o iina foi e i ai le lelei ma le leaga. O le talitonuga
la o lou sui, ua faafetai. O le isi 12 masina o le a
tatou toe vaavaai i le performance i lenei 12
masina e le gata i le aufaigaluega ae faapea foi le
mamalu o Minisita ma le Malo e pei ona latou
faataatia mai lenei laasaga e sili ona taua.
Lau Afioga i le Fofoga Fetalai, o se tasi vaega o
lo o lavea i le Budget lenei o le tulaga lea i
mataupu tau eleele. E pei oan silafia o lo o i ai i le
Tala o le Tupe lenei ni vaegatupe o lo o tuuina atu i
nisi o Mataglauega o lo o latou tausia eleele o le
Malo. E mafua sau faamatalaga ma e ao na oo i ai
sau faamatalaga i eleele. E peiona islafia lava o
lou itumalo o Aana Alofi Nu.3, o le tasi lea vaega
o le atunuu o lo o tele ni vaega eleele o lo taofia e
le Malo i lalo o le WSTEC. Atonu pe sao lau
faamatalaga, o le WSTEC atonu ua le o toe i ai nei
ni ona eleele ma nisi lava vaega ae vagana ai le
6,000 eka ma ona tupu lea i Mulifanua ma le vaega
lea ia matou. E pei ona silafia e le gata i le
WSTEC a o nisi o eleele o lo o faaaogaina e le
Malo o lo o fai ai le Malae Vaalele. E matauina i
lenei taimi e le o po se lilo lau Afioga a le Fofoga
Fetalai, e tasi lenei o mataupu o lo o talanoaina so
o e le atunuu. Atonu e mafai foi ona faaupuina o
lo o faavesivesi ai ai si o tatou atunuu. I sau
suesuega sa taumafai i ai, o le upu moni lava, e le o
faigofie ona iloa lelei po o le a le tulaga o i ai nei le
pulea o eleele. E pei ona silafia o eleele lava sa
faapea o lo o i lalo o le Malo o lea o lo o vaetoluina
nei pe sao ea lea. Na ona ou faaali atu faapea, o lo
o i lalo nei o le Land Board Corporation le isi
vaega, o lo o i lalo o le Lands Survey and
Environment le isi vaega o eleele, o lo o i lalo foi o
le WSTEC le isi vaega e pei ona ou taua o le vaega
lea o lo o tele ia matou. E talitonu lava ma ua
manatua ai i le taimi lenei le tasi o galuega
muamua lava na faia e Siamani ina ua taunuu mai
iinei le alii foi lea o Kovana Solofa ina ua tuuina
atu Samoa i lalo o le puluega a Siamani. Atonu e
manatua e tatou, o le taimi lea o lo o lolofi mai
tagata Siamani ma o lo o i ai Kamupani o lo o
mananao e faatosina mai tagata Siamani e o mai
iinei e pei lava o le mea lea s tupu i Niu Sila ma
Ausetalia. E faatu Land Comapanies ona faatosina
lea o mea foi nei o settlers e omai e nonofo iinei. E
i ai la le vaega lena sa lolofi mai i Samoa, ae sa
feteenai ai ma le Faigamalo a le alii lea o Kovana
Solofa. O le mea muamua lava sa faia e Solofa o
le faia lea o le suesuega. Sa faia loa se suesuega
tele lava, sa fai ai le suesuega o le atunuu i mea tau
soil ma le economic capability o le atunuu.
O lena survey na faaaogina tele e Solofa e finau ai
i le Faigamalo i Siamani ma o lana faamatalaga e
faapenei le faapuupuuga; ―Pe ufitia i nisi uma o
Sajoa i faatoaga, e le afaina ai le tamaoaiga o
Siamani‖ O le uiga o lana faamatalaga, e leai se
tamaoaiga o Siamani.‖
O le uiga o lana
faamatalaga, e leai se tamaoaiga o Siamani e maua
i Samoa. Ona fai ai lea o si ana faamatalaga lau
Afioga a le Fofoga Fetalai e faapea; ―Tatou pulea
ia Samoa e avea o se model foi lea o le lelei o faiga
a Siamani aua e le maua ai ni tamaoaiga.‖ O le
finauga lena na mafai ona tau taofiofi ai le vaega
lea na manao e faatau o tatou eleele ma o iina foi
na taofi ai le faatauina o eleele. E pei ona silafia
na taofi ai iina ma e oo mai ile taimi lenei o lo o
loka ai ua le toe faatauina eleele tumaoti o lo oi
lalo o le Malo, a o lo o i ai foi e ei ona silafia o le
tasi lea mea o lo o vavao ai foi, o le vaivai o le
tamaoaiga. Atonu olo o i ai ni fuafuaga a le Malo
mole faaaogaina o eleele tau Samoa. Aua o le tele
o nisi taimi tatou te pisapisa lava, a o le tele lava o
o tatou eleele e leo i le tulaga e tatau ona i ai le
atiina ae. A manao se tasi i se faamaoniga, tatou
vaavaai i ai. O nisi o aualatele na faia e le Malo e
faapea na faia ina ia aumaia ai fua o el eleele, o le a
talai ai vaomatua o loo noatia ona o le le mafai ona
oo i ai. E i ai lou talitonuga o le tele lava o mea nei
olo o toe foi lava i le vaomatua. Sei tatou toe vaai
tasi lava i nei vaega aemaise sei tatou toa laitiiti ifo
e fai sina suesuega ona saili lea po o fea tonu lava
eleele e tatau ona taofia e le Malo mo ona manaoga
i le atiina ae, ao fea foi ni eleele ua tatau ona toe
tuuina atu i nisi o alaalafaga pe a tusa ai, ae e le
mafai ona faatelevave sau faamatalaga i le taimi
lenei aua o mea na e ao ona oo i ai se suesuega
auiliili pe afai e talia le fautuaga lena se i toe fai se
fuafuaga ina ia toe vaai i vaega na o le atunuu.
Ona oo mai lea o lau faamatalaga i le mea lenei o
le Law o Order. O le a faa Peretania atu ia e lelei e
faigofie. Sa matou feiloai ma le Matagaluega o
Leoleo i le latou Tala o le Tupe, le afioga i le
Komesina ma le mamalu o le Matagaluega. O le
tasi o mea sa fesiligia ai o le tulaga lenei i laau
malosi o lo o i ai nei i totonu o le atunuu. Sa
lagona ai lava e le Komiti si lagona popole ona o lo
omatauina e le gata i le faateleina o laau malosi o
lo o i ai i totonu o le atunuu o lo o i ai pemita, ae i
ai le faamatalaga ma le masalosaloga e tele atu ai
laau malosi o lo o i totonu o le atunuu e leai ni
pemita. Ta te vaai foi i ai ita, o lea ou te nofo i tua.
E faigofie lava ona iloa.
Lau Afioga a le Fofoga Fetalai, e ese le matau i
atunuu foi nei sa tatou o mai faatasi e i ai Niu Sila
ma Ausetalia. E ese le matagofie o a latou
puipuiga i mea nei o laau malolosi ma le umia e
tagata. E tasi lava le auala e tuuina atu ai se laau
malosi ma e i ai foi le fuafuaga manino lava i le
ituaiga malsoi o le laau malosi, o el fuafuaga foi
lea pe afai e te fanafana vaeatu le mamalu o le
Maota e pei o le game. Aua foi e tele ai le game i
ina ae o le a le tau atua ia aua o lena e silafia o
atunuu i fafo e tele le vaomatua. E faaogaina la
aua e i ai taimi e o ai e fanafana.
O tatou o lo o i ai le lupe, ae ou te talitonu ailoga
o toe fanaina le lupe ona ua leai se vaomatua. Ou
te leo o malamalama po o a la mafuaaga o lo o
tuuina atu ai nei ni laau malosi i le atunuu. E leai
se game a tatou, ai o nai faatoaga o i ai nei. Ou te
le iloa po o ni auala na e mafai ona tuna atu ai ni
laau malosi. E ala ona ou tautala i lena itu o lena
ua silafia, ta te alofa foii le Ofisa o Leoleo. O le
tatou force e pei oan silafia e le aamia. Aua e pei
ona vagana ai Special Squads foi nei o le latou lava
lena matafaioi, a oo loa ina tutupu faalavelave ona
valaau lea ma aveatu, a o alii leoleo lava ia na o le
pouvai lava e fealualuai ma ia. O le isi finauga
faapea i Peretania aua e fai ma maliliu alii nei, na
faapea aisea ea ua le amia ai alii leoleo? O le
finauga e faapea, a arm loa leoleo ua arma ma
tagata foi nei faafitauli, ona oo loa lea i le tulaga
lea e i ai Amerika ua tau e pei ona silafia. E
muliga foi taua i atunuu i fafo ia i latou o lo o umia
auupega malolosi nei.
Ou te le iloa pe moni lau Afioga a le Fofoga
Fetalai, ae o lo o i ai nei assault rifles i totonu o le
atunuu. O le isi vaega o lo o i ai small arms i
totonu o le atunuu, a eta le iloa po o le a le
faaaogaina o na mea. Ou te le iloa pe moni. ae sa
fesiligia ai le Afioga i le Komesina o Leoleo, ae
pei e matau atu o lo o i ai ni fuafuaga mo na tulaga.
O lea e tuu atu ai le talosaga e i ai le popolega. E
pei ona silafia o lo o i ai nei ni faafitauli o lo o
tutupu mai ma ua faaaogaina ai mea nei. E alofa ai
i le Ofisa o Leoleo aua e le o arm ina a tatou
leoleo. Afai o le a arm leoleo, o le tulaga lnea e i
ai e pei ona i ai le popolega i Peretania, o el a arm
atu iinei ae o le a arm foi o, ona faapena lea. O le
talosaga lena e lafo atu i ina, sei toe tagai i ai po o
le a le tulaga e i ai. Aua e maua lava fofo o ei
faafitauli uma. Afai o lo o i ai ni mea o smuggle
mai i totonu o le atunuu, o le Customs la aua o le
latou matafaioi lena. Afai o lo o i ai ni pemita o lo
o tuuina atu i se tulaga e le tatau ona tuuina atu ai,
o lena foi o lo o i ai i latou e pulea na mea e lafo
atu i ai, ae toe aiaia lena vaega.
Lau Afioga a le Fofoga Fetalai, atonu e lavea i le
tulaga lea o le maintenance o le atunuu le
development o le pia. O lemea lea ua matauina nei
e pei ona silafia i le faatupulaia o taavale i totonu o
le atunuu, o le mea lelei foi e pei ona silafia. Ua
tele le tupe a le atunuu ma tupe mai fafo ua
faaleleia ai auala. E pei lava ona silafia o mea lelei
ma aoga ia faafilemu ai ma faigofie ona femalagaai
le atunuu ma fesoaosani foi i le tamaoaiga. E tele
le aoga o na mea ma o mea e tatau ona fai. O lau
suesuega vaivai sa fai i ai faapea pe atoa le 100
taavale i le masina e tasi olo o sau i totonu o le
atunuu e pei ona silasila i ai.
E i ai le tulaga ua i ai ua amata ona vaaia lenei
mea e traffic congestion i tootnu o le atunuu. A oo
i tatou i le tulaga lena, o le a toe fafitia ai le aoga o
le mea lea sa manao ai e faaleleia auala nei. Aua
foi o le a toe lemu foi le tatou o ma o le a toe
poloka tatou. Ua ou vaai i ai i fafo i tulaga nei i
fafo, o nei tulaga e le tatau ona oo mai i totonu o lo
tatou atunuu. O lau la mau e le faapea o le a
faalaitiiti taavale ma faalaitiiti auala, ae tatou ave
ia le faataua i le faaaogaina lelei o auala i le taimi
lenei. O le mea muamua lava o le education,
education, education. Ou te masalo o le mau lava
lena a tatou o lo o alu ai nei ia aoaoina tagata. O lo
o o iai le isi mau e faapea e faigata ona faamalosia
tagata ia usitai. O ita o lo o u nofo i inei e vaai i
taeao uma i ai, e alu lava le tagata ia i lona faitalia,
ae ou te talitonu o le le malamalama o le atunuu.
Aua a malamalama i se mea latou te silafia foi le
aoga o nei mea ma o mea e lelei ai i tatou uma ma
e faigofie foi ona tatou feoai. E le gata i lea a o el
saogalemu o le atunuu. Ia taatia ia le faigofie ona
feoai, ia taatia ia le lelei ai o le soifuaga a o le
saogalemu ole soifuaga o le atunuu.
Sa ou vaai i ni fuainumera i e o lo o maliliu nei i
aualatele, e le gata i lea o faalavelave tutupu
faafuasei. O le fuainumera lea e i ai nei, o tausag
auma lava o lo o siisii pea le au maliliu i Apia nei,
Savaii ma so o se mea aua foi ua oo i ai auala lelei.
O le mea lena ia tatou faaeteete i ai me e i ai le
talitonu e le gata ai iinei. Afai e le gaoioi tatou ma
faatauaina le faaaogaina o aualatetele ma le
faaaogaina o taavale, o mea ia o le a feagai ma i
tatou.
Lau Afioga a le Fofoga Fetalai, o le tasi mea e
popole ai ona o le tele o le vaega lea ua afaina nei
o tamaiti aoga ua maliliu ma o lo o lavevea pea i
taeao ma taimi o aoga. O lea e momoli atu ai le
fautuaga se i toe tagai ane lava i le vaega lenei. E i
ai nisi e faapea mai o tatou e le usitai i Tulafono.
O le a usitai e le o lava ona aoaoina tatou? Ou te le
o iloa po o faapefea ona sue laisene avetaavale, pe
o lelei ona sue lena vaega. Ua ou mauaina o lea ua
i ai le Road Code. Ou te le i vaaia lava Au i se
Road Code a o Au foi lea ou te fealuai i taavale i
inei. Ou te le iloa foi pe ua silasila se isi o lenei
Maota i le Road Code, o el mea lena o lo o i ai
Tulafono e puipuia ai ma faaaogaina ai auala. E
lafo atu iina, a tatu toe tagai i lena vaega e taua
tele. Atonu afai se inaina le sui lenei ona o Au ou
te nofo i le itu lea ma ou usu mai ai i taeao, ona
vaaia lea e sau le vaa mai Savaii, sau le vaalele i le
Malae Vaalele, ona taufai lolofi mai ai lea ma le
vaega lea i Sisifo ua matua tele lava le faaletonu.
E lafo atu pea ona ua vaai lava e le i faia ni a tatou
Bus Stop. E moni ua faalogo i suesuega o lea ua
faataatia fuafuaga a le Malo mo ni Bus Stop. O le
tasi lea mea ou te talitonu afai e faia aua ona pau
lava lenei o le atunuu ou te iloa e Au e le o i ai ni
Bus Stop, e pule alva le tagata ia i le mea e tu ai.
A sau lava le taavale e tu i inei toe tu i le isi lima
iata lea i luma atu ona poloka atoa lava lea, a o lo o
tumutumu ma lolofi mai taavale a o lena o lo o i ai
lava faiga masani. E le o ni mea tatou fauina nei
mea, o mea na afua mai i atunuu na fau mai ai
taavale ma mea faapena. Ia tatou faia lena
faataitaiga faigofie ona leai foi lea o ni faafitauli
faapenei.
E i ai nai vaega ia i si ou itumalo lau Afioga a le
Fofoga Fetalai ma le mamalu o le Maota. O le
taulaga i Apia, atonu o mea nei e aafia i nisi o mea
ua uma ona oo i ai le faamatalaga. Ua faafetai mo
galuega ua uma ona faia, ua matagofie ma ua lelei
ma ua avea o mitamitaga i le toatele o tatou i le
taulaga i Apia. O lena ua silaisla i ai. E tele foi le
taua, aua e pei lava ona silafia o se taulaga o se
atunuu, o iina e amata mai ai le lelei ma le leaga.
O mea nei o aai tetele o le lalolagi e i ai New York
ma Lonetona, o Paris o laumua o atunuu o iina e
amata mai ai le tamaoaiga, o i ina le afi foi lea o le
engine of development e sau ai faiga fou. O se
laumua ma se aai tele. O le mafuaaga foi lena e ala
ai ona lolofi tagata i laumua tetele aua o iina o lo i
ai galuega, o aoga o opportunities tetele mo tagata
soifua. E pei lava ona silafia o mea uma lava
faaonapo nei o iina o lo o afua mai ai. O lea tatou
te talitonu foi o Apia o le taulaga lena e tele foi
lona sao i le tamaoaiga o lenei atunuu ma lona
lumanai i le atiina ae o le tamaoaiga. E pei ona ou
taua, faafetai o se mitamitaga. E pei ona silafia, o
el tausaga na tea nei sa fai mai ai i Samoa nei le
Fono a le ACP ma le EU. O nisi o matou ma le
aufaigaluega e pei o le Afioga i le Minisita o Tupe,
sa mafaufau ina ia aumai iinei lenei Fono, o le
popolega sa ia i talofa e, pe faapefea ona tatou
tausia pe afai o le tulaga lea sa i ai. Ae ona o le
lelei o le atiina ae ua i ai Apia ua ta fiafia ai e fai
mai i inei lena Fono ma e tele fo le sao ma
fesoasoani sa oo mai i le atunuu i lena Fonotaga ae
o le uiga o lau faamatalaga, ua mafai ona fai na
fesootaiga taua ma le lelei ona ua aulelei ma ua
lelei ona atiae le tatou laumua. Sa fesiligia foi nisi
o le aufaigaluega e le matgou Komiti pe o i ai se
plan e faataatia i ai le atiina ae ma developments o
Apia, sa umi lava o faataamilo a o le tali e leai se
plan. Ona popole ai lea o le Komiti lenei sa ou i ai
aua o aga o le leai o se plan lea ua outou silasila i
ai, a uma ona eli i eli o, a uma ona eli o eli i. O
upu moni na vaeatu le mamalu o le Maota. Aua foi
a uma ona faata se mea e faigata ona toe oo i lalo
po o a mea o i lalo ma taooto ai i lalo. O mea o lo
o taooto ai i lalo e pei ona silafia, o uaea e ola ai
telefoni, o uaea e ola ai le televise, o mea foi ia faa
Peretania o drainage ma le sewage aua o i ina o lo
o fetaulai ai. A leai la se plan o mea nei, tatou te
fiu e faata ma eli, faata ma eli.
Lau Afioga a le Fofoga Fetalai ma le mamalu o le
Maota, faafetai mo le avanoa ua toe tuuin amai ia
te Au. A ou tilotilo atu i nai sauniuniga foi sa
taumafai i ai mo se taimi o lo o totoe, e lagona le
loto vaivai ae o le a taumafai atu. Atonu lava o le a
fingalo i ai lau Afioga, ia ona toe maua mai lea o
nisi taimi faasili e tusa ai ma aga faa Palemene o
lauga faataupou. Ia ae o le a faauaua ia se leo po o
se sao foi o Aana Alofi Nu.3.
Lau Afioga, ina ua fai le malologa sa i ai sau
faamatalaga e faatatau i le taulaga i Apia ma le
tulaga o lo o i ai lona atiina ae, m ale faataatiaina
foi o fuafuaga mo le lumanai o le taulaga po o le
laumua o le atunuu. O le autu la o lau mau sa i ai
ma e ou te tau atu i lenei taimi i faamatalaga sa
maua, e le o i ai se mea e faavae ai le atiina ae o le
taulaga. Le mea foi lea e tau o le Town Plan. O le
popolega lena sa i ai ona e pei ona silafia,e e leai
lava se atiina ae e faapenei se taulaga e mafai ona
faia i se tulaga manuia aemaise lava o le vaai i le
lumanai e aunoa ma ni tapenaga faapena. E moni
la o nai suesuega sa faia sa maua ai ni nai
faamatalaga, o lo o faataatia nei ni fuafuaga mo se
tulaga faapea. Ia o le a le toe oo la i ai sau
faamatalaga ae tele lava faafitauli lau Afioga a le
Fofoga Fetalai ma le mamalu o le Maota. O tulaga
tau tupe a tulaga foi i le lumanai e oo i ai tatou, pe
a fai o le a tatou alualu ai pea i le mea lenei o le
tuputupulaia o el taulaga ia aunoa ma ni fuafuaga
faataatia mo le lumanai. O aai tetele uma lava ole
lalolagi e pei ona silafia, o aai sa fuafuaina lelei ma
o lo o lelei foi ma matagofie ma taugofie le toe
faateleina. E pei ona silafia o nei lava mea o aai e
faatupulaia pea.
Lau Afioga ona oo atu ai lea i le vaega lea e tau o
Government Corporations. A tagai i ai le mamalu
o le Maota ma lau Afioga i le Tala o le Tupe, o lo o
i ai ni vaega tupe tetele lava o lo o tuu atu e faatino
ai galuega a Government Corporations po o le
vaega o Matagaluega Tumaoti a le Malo. O le a ou
le oo i ai ae pei ona silafia o lo o i ai i totonu le $10
miliona mo le Polenisia, afa miliona mo le
Housinga Corporation faasolo ai lava i lalo i le
Treasury Vote, $4 miliona mo le NUS ona faapena
lea. O lo o manino pea i le Tala o le Tupe. Lau
AFioga e momoli le faamalo i le Malo e tusa ma le
fesoasoani lenei i le Polenisia. Faamalo ile tofa na
lagolagoina ai le Polenesia ina ua faletonu aua o le
upu moni lava, a na faamatuu le tatou vaalele lenei,
e tele lava le afaina o tatou. Ae pei ona ou taua,
faamalo faafetai. E pei ona silafia le mea sa
taumafai i ai le atunuu. A na le aapa lava Samoa ia
e fai lona malae vaalele ma fai lana vaalele, e le
mafai ona oo i tatou i le tulaga ua i ai nei. E
faatigaina lava tatou ma le faatauaina lava tatou e
vaalele o le lalolagi. Faafetai m lena vaega. Ae
tasi lava le itu lenei, sei toe tagai lava i le Polenisia
i letau o le malaga po o le Air Fare. E talitonu lava
o lo o tagai i ai le Malo ae pei ona silafia o i inei i
le va lea o tatou ma Niu Sila, Ausetalia ma le
malga i le Pasefika, masalo e taua faapea e sili ona
taugata i le lalolagi pe a fuafua i le maila e malaga
ai. E talitonu lava e pei ona ou taua, e tatau ona
silasila lelei i ai. O le taimi nei ua oo i tatou i le
mea foi lea e taua o el deregulation. E pei ona
silafia o le privatization, e fai le competition ma
tulaga faapena. E le faigofie e pei ona silafia ae i
ai lav ale faanaunauga ua faigata ia Au ona oo i ai
sau faamatalaga ona o le taim lea ua tuu mai. Ae i
ai se tulaga ou te talitonu e ono feteenai ai lo taotu
tausia o le Polenisia ma le tamaoaiga faaturisi ma
le manuia lautele o le atunuu ma tulaga o pasese e
pei ona silafia. O tulaga na e faigofie ona fetuunai
ae tatau pea ona toe silasila i ai ona tatou te
mautinoa a silasila i tua i le National Air Ways a
Niu Silas a i ai, sa puipuia foi e le Malo lena ma
taofiofia ma faamaualuga le Air Fare ona o le
manatu ia manuia le National Air Ways. Ae ina ua
oo foi i le taimi ua mantu ai le Malo o le a
faamatuu ma deregulate le Civil Aviation, o lena e
silafia le tulaga sa tuu atu i ai; o lo o ola lelei lava.
O lea lava o lo o manuia le Air New Zealand e pei
ona tatou silasila i ai. O lo o i ai nisi Public
Corporations lau afioga o lea o lo o matauina o lo o
tuuina atu i ai ni vaegatupe tetele lava. O le a le oo
lau faamatalaga i le Matagaluega lea a le NUS
atonu e i ai se taimi ona fofoga lea o le atunuu i le
faimalaga atu a le Afioga a le alii Palemia i Niu
Sila e pei ona taua, mo le talanoaina o lenei
Mataupu. A o le $4 miliona lea o lo o tuuina atu i
ai ua maua le faamatalaga, ailoga lava e talafeagai
ma manaoga e tatau ona oo i ai le faaaogaiina lelei
o lenei atiina ae mo le atunuu. O le a gata mai i ina
sau faamatalaga i lea vaega.
O lo o i ai foi nisi e pei ona silafia, o le Housing
Corporation na faatuina e le Malo e fesoasoani mo
maota o le atunuu o lea e alaala ma nonofo ai le
atunuu. O lo o i ai foi le Public Trust e pei ona
silafia sa faia le galuega lea. O suesuega sa iai e
tusa ma le $4 miliona se tupe o lo o i ai nei i
aitalafu ua le aoina a le Public Trust. A o lo o tagi
mai le Housing Corporation mo se faaopoopoga o
se tupe masalo po o se $5 miliona ea lea sa tua e
fesoasoani e faamalieina ai le manaoga o le atunuu.
Ia tailo la i ai i le vaega lena o le Public Trust po o
le a se tulaga o i ai. Ae matau atu i nisi o
faamatalaga e oo lava i nisi sa aitalafu i ai, o lea ua
faasaga tau mai nei i le Public Trust. Ua le gata
ina le totogiina aitalafu ae pei a siitau mai ma pei a
aumai a latou loia. Ia tailo; lafo atu pea lena vaega
aua a mafai ona ao mai lena vaegatupe tele atonu e
faamalieina ai le vaega lea o le Housing
Corporation.
Lau Afioga i le Fofoga Fetalai, ona oo mai ai lea
o sau faamatalaga i le siitaga lea o le sikareti lea o
lo o i ai. Sa taua foi e nisi o le mamalu o sui
usufono. Ou te fia faaaogaina le taimi lenei ou te
toe faatepa ai le Maota i se tasi o Pepa taua lava sa
oo i ai se tatou faamatalaga. O le pepa lenei e taua
o le ―Faiga Faavae mo Taumafa ma le Fuafuaina
Tatau o Taumafa mo Samoa i Sisifo.‖ E pei ona
silafia sa i le Maota le Pepa lenei. O lo o taua ia le
afaina o le atunuu i ni faamai ma ni gasegase fou
ona o taumafa o lo o i ai nei. E le gata i lea o le
faaaogaina o le ava malosi ma le sikareti. E
momoli atu ai le faamalo i lau Afioga a le Minisita,
ona o lea ua matauina o le tasi lea o auala ua aapa i
ai le fesoasoani i le tuuina mai o se seleni e fai ai
galuega, e faasgatau atu ai ma faaitiitia ai le
faaaogaina e le atunuu o sikareti ma le ava malosi.
Sa faafofoga foi le atunuu i le tulaga ua i ai nei le
Mataupu lenei o le Law and Order e pei ona
saunoa foi se tasi o sui usufono. O le tasi lenei o
mea ua tupu mai nei e pei o le faaaogaina o ava
malsoi ma ua amata nei ona afaina ai le tulaga o le
atunuu. Le Law and Order. ua amata ona oo mai
ai ni tulaga e pei ona saunoa i ai nisi o sui e faapea
foi i le alii Palemia i le taimi ua fano. Ou te fia
faitauina nisi o vaega o le pepa lenei ona e aafia
tonu i le mea lenei. E pei ona ou taua ua fai si ou
popole ona o lou taimi. Faafetai i lau Afioga a le
Sui Fofoga Fetalai. O faamai nei e pei ona silafia,
o le pepa lenei sa saunia e le National Advisory
Committee; Komiti Faapitoa mo le toe silasila i
taumafa o le atunuu aemaise gasegase ua oo nei i ai
talu ai le suiga o le soifuaga ma le suiga o taumafa.
E i ai le molimau tele lenei ou te iloa e taua tele,
ona o se tasi o molimau i inei o lo o tau mai, o se
tasi o mafuaaga ona ua faataugofieina e Faiga
Faavae a le Malo tau o oloa mai fafo. Ae pei ona
silafia o le tasi lenei mea o lo o feteenai ai le Maota
lenei, o le tau o le soifuaga. A o le molimau lenei
o le a ou faitauina atu, e le o ni upu a Au, o le
molimau a le pepa lenei. ―O le tasi o faafitauli ma
mafuaaga ua tupu ai nei faamai ogaoga i totonu o
le atunuu, ona ua faataugofieina e Faiga Faavae a
el Malo mea nei mai fafo.‖ Sei ou faitauina atu
pe.‖ Muamua, o el vaitaimi nei o le tele o a tatou
meaai e manaomia mo le soifua maloloina o tagata
Saoa o lo o maua mai i meaai e faatau mai fafo. O
nei taumafa mai fafo e aafia ai meaai tuu apa ma
aano o manu, susu, araisa, falaoamata ma le suka, e
tele ai le suka ma le gao ae laitiiti le alavalava,
vaitaimini ma le minerale e maua ai. Ona o le
fesuiaiga ua i ai nei le olaga o Samoa, ua toatele ai
tagata ua fiafia i nei taumafa, ma o le ala lea ua
aliali mai ai le tele o faamai e pei ona taua
muamua.‖ A faafofoga mai i le lisi o mea nei, o
mea uma lava nei ua taumafai le Malo e
faataugofie e pei ona o le mau lenei ua taugata le
soifuaga. Ona soosoo mai ai lea. ―Ua matauina
ma le popole tagata ua faalagolago i taumafa mai
fafo, taumafa ia sa taua nei. A pau le tau o taumafa
e fiafia tagata e faatau. O le tele o taumafa e pau
tau i lalo o Tulafono a le Malo, o oloa ia mai fafo.
E i ai meaai tuu apa, aano o manu, suka, masina
ma isi.‖ Ona faaalu ai lava lea. ―O le faataugofie
o nei taumafa ua mafua ai ona fiafia tagata e
faaaoga ae le paleni ma le atoatoa mo le soifua
maloloina. O isi mafuaaga ia o el faatupulaia o nei
faamai, e fesootai o latou mafuaaga ma taumafa i
le atunuu.‖ Ona oo ai lea o el fautuaga lenei, e oo
lava i tiute o oloa o lo o faapea mai. ―A siitia tiute
ma lafoga o taumfa mai fafo ona faaleleia lea o
tulaga o taumafa mo tagata lautele.‖ Ua ou taua
lava lenei mataupu ona e ogaoga tele, ma o le Tala
o le Tupe lenei, o lo o taua ai mea tau tiute ma nisi
o mea nei. Ae silafia foi o le tasi lenei tulaga o lo
o eseese ai, e faitau eseese ai le Maota lenei i le tau
o oloa nei mai fafo. O lo o i ai le mau e tatau ona
faataugofie, aveese le VAGST ma a uma tualga
faapena. E matau atu ua mulimuli ai le Malo i nisi
o na mea ma ua leai nei se tiute i le tele o na mea a
o lea la ua maua mai e i ai foi le iu. E i ai foi vaega
tatou te le o ma iloa, ma o lena na ona tau atu ai. E
momoli atu ai le faafetai i le Afioga i le alii
Minisita mole tulaga ua tuuina atu ai se isi vaega i
le siitaga o le tau o le sikareti ma le ava malosi.
Ona o tulaga na o lea ua manino mai lava e afaina
ai le soifua maloloina o le atunuu. O tupe foi mea
na; aua a le lelei le soifua maloloina, e tatau foi la
ona tele ni falemai, tele fomai, ona tatou toe oo foi
lea i tulaga faapena ae tainane lava le soifua lelei o
o tatou tagata.
Lau Afioga o el a ou toe oo mai i le Performanace
Budget. O lo o uu i lou lima e peio na silasila mai
le mea lea e taua o le Corporate Plan a le Treasury
Department. O lo o faataatia mai ai ni faiga auiliili
ma le matagofie mo le faaleleia ma le fatinoina o
galuega a lenei Matagaluega taua a le Malo o
Samoa i Sisifo. O i latou o lo o faafoeina le faiga o
tu8pe e pei ona i ai le Tala lenei o le Tupe. O lo o i
ai i i, e pei ona ou taua e ogaoga lava ma auiliili
sauniuniga ua i ai ma o le tulaga foi lenei e tatau
ona oo i ai tatou pe afai o le a tatou manao tatou te
oo atu i se tulaga o le faatinoina o ni galuega
faaonapo nei i sona tulaga fetaui ma tatau ai.
Ae tasi lava lenei lau Afioga a le Fofoga Fetalai,
o le pepa lenei e na o el Treasury lava o lo o taua
mai ai. Atonu o lo o i ai ni fuafuaga ina ia
faalautele ai lenei galuega taua. Aua e pei ona
silafia o le faaleleia o totonu o le Ofisa o Tupe, e
fai i tupe. E manaomia ai foi ni tupe e fai ai nei
galuega. E i ai le faamoemoe atonu olenei galuega
o le a oo atu i le tele o isi Matagaluega a le Malo e
tatau ona oo iai, aua e le mafai ona ave toatasi e se
Matagaluega se tasi le galuega fita o le Malo. Ou
te talitonu atonu e saunoa le alii Minisita ona
faalauaitele lea po o le a le taimi po o i ai foi ni
fuafuaga mo le faaooina atu o le tala lelei lenei o
lenei galuega i isi Matagaluega. E pei ona silafia o
le tele lava o taimi a tagi mai latou i ni tupe e fai ai
galuega ma faatino ai a latou performance e tele
lava foi ina le faigofie. O lo o muimui lava foi ma
faapea nisi o lo o ave uma e le ofisa o Tupe ae ta te
le iloa lena mea. Na ona ou faapena atu.
Ona ou oo mai lea faamolemole i ni nai mataupu
lenei lau Afioga i le Fofoga Fetalai, i le mataupu
lea o si ou itumalo. Muamua laa lau Afioga a le
Fofoga Fetalai, e i ai ni galuga ou te fia talosagaina
a o lo o faafogafoga mai foi lou itumalo. O le aula
tele i le alaalafaga i Satapuala. O lona lua, o e
auala i Faleatiu. E peio na silafia o nuu nei o lou
itumalo o nuu sa aveesea mai ma ua faaitiitia eleele
talu ai eleele ua aveesea e le Malo. O le tulaga lea
ua la ai ona le tuu sao nuu nei i le tulaga e tatau
ona i ai ma maua ai e auala o le Malo faiga auala
nei. Ae ua alu i tua e pei ona silafia, o i ina ia o lo
o i ai le faaletonu ua o i uta le nuu ina ia saili eleele
ina ia ofi ai. O le mafuaaga lena o auala la o lo o
faaletonu e peiona silafia. E talosagaina o le a ou
vaai e le o i ai i le Tala o le Tupe lenei ae i ai lou
faamoemoe talosia, ma e talosagaina ina ia tuu i
tootnu o le Budget lea e pei ona tua. Ua ala ona
taatitia faapea nuu nei e lua, ona o le tele o eleele
ia ua aveesea e le Malo. O le alaalafaga lenei o
Faleatiu e pei ona silafia ua tele i uta ma e tasi le
falesa i tai a o uta pe fa falesa la ua i ai aua ua
afifio ai i ina le mamalu o Faleatiu. Ua mafua ona
o tai ua faaleai se eleele o i ai e pei ona o lo o ave e
le Malo nisi eleele. O le talosaga atu lea.
O le tulaga i le Vai mo lou itumalo o Faleatiu,
Satapuala ma Stuimalufilufi, sa talosaga mai. O lo
o i ai le fuafuaga a le Malo mo le vai taumafa o le
tatou itu lea o le itumalo. E amata i Apia e tau i
Mulifanua ma o lena fuafuaga o lo o faataatia nei e
faatupeina e le EU ma e le toe faigofie ona faia nisi
galuega i le taimi lenei. Ae tatau talitalia galuega
na ina ia maua ai se toomaga o le vai taumafa o le
tatou itumalo.
O lo o i ai foi nai nisi mataupu, e ei o le sui
usufono o le matou itumalo. E pei ona silafia o el
tasi lenei itumalo toatele, e fa nuu mavae, o nuu
tetele foi, o Aana Alofi Nu.3 ae na o le tasi le sui,
na o Au lenie e tulai atu. Ua uma foi ona faataatia
le talsoaga e nisi o sui sa muamua ia te Au ina ia
toe tagai ile Malo i sui usufono o lena itumalo
toatele. Ae tau ina ou faaleoina i lenei taimi ae oo
i se taimi ona outou toe oo atu lea e faamautu po o
a tulaga e tatau ona faatino ai se matou talosaga e
toe aveatu foi mo lena faamoemoe.
Lau Afioga i le Fofoga Fetalai, o nai manatu na
po o le leo lena po o se sao foi o Aana Alofi Nu.3 i
lenei Tala o le Tupe. Afai ua sala se leo o le sui,
lafo ia i nuu le aina ae o le agaga lava o le fia
fesoasoani atu, tatou fatufatu faatasi iile galuega
fita o lo o fegai ma lau Afioga a le alii Palemia e
faapea foi le Kapeneta ma le Malo ona e le faigofie
la outou galuega. O le tele foi o mea o lo o faatu
atu e le faigofie ona faatino; e le faatinoina fo i se
taimi puupuu. Ou te manatua ai le tal ai le alii lea
o Winston Churchill e pei ona silafia.
Faafetai i lau Afioga mo le finagalo faapalepale.
O lea lava sa matau atu faapea ai o i ai ni nai
sekone ae faamalulu atu ai o le a faauma atu. O le
alii lea o Winston Churchill sa toto lana laau lea e
taua o le oak i le faaperatania. Sa fai i lana
gardener e toto le la laau. Ae fai atu le gardener, o
le oak e fa tausga faatoa tupu mai. Ao le tala a le
alii, toto nei loa, aua a le totoina nei e oo i le isi
selau tausaga e le o i ai se oak. O nai fautuaga na.
A i ai ni mea e mafai ona faaaogaina atonu o le
taimi lenei e totoina ai le fatu. Faafetai tele i lau
Afioga i le Fofoga Fetalai i le faapalepale e tusa
ma le taumafai atu o lo matou itumalo, e faapea foi
le faafofogaaga a le Maota. E faapea foi le
tapuaiga ma le faasausauga a Smaoa i lenei afiafi.
Si ou itumalo, o se taumafaiga lena a lo outou sui i
lenei taimi i le Tala o le Tupe, ae talosia atonu e le
ma ai avanoa. Ia manuia ma faasoifuaina le Maota
i lenei afiafi.
Afioga ALIIMALEMANU FAALE
Itumalo Faaalalafaga:
Alataua Sisifo
Filifilia:
18 Tesema 1999
Faatauto:
20 Tesema 1999
Lauga Faataupou:
13 & 14 Ianuari 2000
Ua faafetai i lau
Afioga i le Fofoga
Fetalai, o le paia lava lea i le Palemia ma le
Kapeneta ma le mamalu o le Palemene ma le paia
o le Maota nei. Faafetai mo le avanoa ua aumai
mo le sui usufono o Alataua Sisifo mai Neiafu,
Falelima ma Tufutafoe. Ia ai o outou faafofoga
mai, o lea ua amata le tatou lauga. Ou te manatu o
lea ua soo i taiao le paia o le Maota mai ananafi e
oo mai i le aso, ua uma ona tapena faa-mea-afafine-toaga le paia o le tupua nei i Tiafau, ae o le a
taoto ia le laau ma ona lau i ona paia ma ona
mamalu ma sa ma ona faiga. Na pau lenei o le
itumalo ou te iloa o lea o le a tolu ana lauga faataupou.
Na lauga faa-taupou muamua
Aliimalemanu Sasa, toe sau Tuaiaufai toe fai le isi
lauga faa-taupou, o lea o le a ova atu ai ma le isi
lauga faa-taupou o el a toe fai. E lelei le tele.
O le a sui le tatou lauga, se i faataatia muamua a
le matua o le lauga. O lea o le a fai atu upu ae
silafia lelei lava e le Maota le e ana upu.
E faasaga ae ou mata i mauga, e oo mai ai lou
fesoasoani, o lou fesoasoani mai ia Ieova lea, o le
na faia le lagi, atoa ma le lalolagi. E le tuuina mai
e Ia ia mapeva lou vae. O lou leoleo e le tulemoe
lava ia, faauta o le leoleo ia Isaraelu, e le tulemoe
ia, e le moe lava.‖ O upu a Tavita; ―Vivii atu ia ia
Ieova outou nuu ese uma lava, aua ua tele lava lona
alofa mai ia te i tatou , o le faamaoni foi o Ieova, e
faavavau lava lea. Ia outou vivii atu, ia tatou viviii
atu ia Ieova.‖
E muamua ona ou faatulou ia Samoa aoao, Samoa
faafogafoga, Tama ma o latou Aiga o Aiga ma o
latou Tama, aemaise faleupolu tofia i vaega uma
lava o le atunuu, seia oo i alo ma fanau, tulou,
tulou, tulou lava. O le paia mai Saua o Samoa seia
oo atu lava i Falealupo i le tai samasama seia oo
atu i le lualoto o alii ma le lualoto o faleupolu ma
tagata lautele, o le oneone le ufitia seia oo atu lava
i le ataata lagoto o le Alataua i Sisifo, Faleniusa
seia paia Fale Tapaau. O paia ia o Samoa o le a
taoto ia, atonu e alu alu lava le lauga agai mai i ai.
Tulouna o Tiafau. O Tiafau, o le taunuuga lea o
Pule ma Tumua. O Tiafau, o le faautugatagi lea a
Samoa. O Tiafau, o le sailiga lea o le lumanai o
manu ma lelei o Samoa o lo o fili tupetoa ma le
manoa aua le lumanai mo a taeao ma i e lua. O
paia ia o Tiafau. O Tiafau o le tupua, o le faavae o
le Malo Tutoatasi o Samoa, e aofia i ai le
Palemene. O Tiafau e tua i maota ma malae o lo o
fai nei ma laulau o Tumua ma Pule, Lalogafuafua
ma Sepolataemo, Malie ma Vaitoelau, Maauga ma
Nuuausala aua Tumua, e ete tasi lava i Tiafau nei.
E te tua i Matiamatiaaituau aua Puleono, Fuifatu,
Vailoa, Faletoi, Falepau, Vaituutuu ma Finao aua
Puleono i Salafai. O ia lava mamalu, o maota ma
malae, e ete tasi a i Tiafau i le aso lenei, i manu
nei. O Laloifi ma le Falesau aua Sua ma le
Vaifanua, o Gagamoe ma Utumoeaau, o
Fatulegaee ma le Malotumau, o Malaetele ma
Malo o le Vavau e aotetele lava i le Malaeoletalu,
aua o le faautugatagi lena a Sua ma le Vaifanua,
Fofo ma Aitulagi, Tootoo o el Faleula ma Tama a
le Manuatele, Fatui o le Motu ma le Launiu na
Saelua, Saole ma le Saleaaumua faapea le Laau na
Amotasi. O ia lava mamalu, e ete tasi lava i le
tupua nei. O le tupua o lo o saili ai manu o Samoa.
Tulouna lau Afioga i le ao o le Malo, lau Afioga i
le Malietoa.
Tulouna lau Afioga Malietoa
Tanumafili II, lau Susuga i le Malietoa na
faafofoga i ai Samoa, o lo o e afio nei i lou nofoa
vaevaeloloa, i lout ala na atoa ma lou fala e folaloa
ia Samoa, tulou. Ou te tapa fua e le o se tuli ua
vale Malietoa, amuia lou Malietoa. O le 1962 sisi
ae le fua o Samoa o le saolotoga, o Malietoa
Tanumafili II. O le 2000 lenei, amuia lou Malietoa
ua tuli ma faafualoa e le Atua lou soifua. Faafetai
o lenei ua faailoga faatasi, ua faamanatu faatasi lou
aso soifua ma le 2000 o lo tatou Faaola. Amuia
lou Malietoa, ua taoto ou paia. Le paia i le sa
nofoatolu aua Sui Tofia o le Maota, lau Afioga
Tuimalealiifano ma lua masiofo, lau Afioga i le
Aloalii Vaai Kolone ma lau masiofo. Tulouna
outou paia, malo le tapuai, malao le tautai, malo le
foe. O lea ua tini taunuu le faamoemoe, ua a? O
lea ua tatou oaoa i faleseu ae saa i maomalie i le
alofa o le Atua. Lau Afioga i le Palemia le tama o
Samo, Tuilaepa Sailele, lau Afioga i le Alo o le
Malietoa, le Palemia, ua taua lau Afioga ua tama i
ai Samoa, ua faatuatua i ai, ua faalagolago i ai i lau
tofa faatupu, i le faauli ma le faatautai, ua ulimasao
le vaa o Samoa. O le aso, faafetai i lau Afioga
Tuilaepa, o oe o le Alo o Malietoa o lea e te tu i le
foe aua Samoa ma lona lumanai a taeao. Manuna,
ia e manuia.
Lau Afioga i le Fofoga Fetalai, tulou lau Afioga,
Toleafoa, malo tautai, e le faigofie le galuega, e
fita, e soua le vasa. O au sa maua i le au
faalogologo. Talofa, e momomo le loto, o le tama
na fai i ai le mavaega a le tupu o Sepolataemo. Fai
mai le tupu, Toleafoa, o lou papa lena, o lou
Tonumaipea lena, o lou Falaefu lena, o lou Tapaau
Faasisina lena, Toleafoa. ―O le tama a Mavaega,
lea e te tu i le foe o Samoa aua le Fofoga Fetalai e
te auauna ai i le Maota Fono. O ou mama na, o
lenei ua tau i manu le faamoemoe i lenei tausaga
fou, Toleafoa, fai ou faiva. Fai mai le tupu, a e
afio atu i Salafai i Puleono, e tu ia te oe le tanoa, a
e afio mai i Tumua nei, e tu i Aana ave o
aumalaga. E moni ma sao le mea lena. E matua
sao lava Toleafoa. Malo le foe, ia manuia lau nofo
mai i le Nofoa aua le faatautaiga o le Maota.
Le Kapeneta, i o outou paia ma outou sa, le
mamalu i Minisita ma outou faletua, Faatonu Sili
ma Ulu ma Matagaluega, faafetai tele lava, malo,
faafetai le galulue. O e o lo o fitaituga, mafatia,
noonooia, gapatia ma oloia i le galuega i le tau
polo faasoasoa aua Samoa ma ona manu mo a
taeao. Malo le onosai. O lea ua ta oo mai nei, ua
leiloa e outou ona faasoasoa talosaga, a o lo o i ai
le Agaga Paia o le Atua tout e alolofa ai mo Samoa
ma itumalo. O outou mama na, o le tausaga fou
lenei.
Lau Afioga i le Taitai o le Itu Agai, Tuiatua
Tupua Tamasese, malo faafetai ma lena Itu o le
Maota i sui usufono, e talitonu le taofi, o ula ia o
faigamea. A leai se Itu Agai, ua leai se malosiaga
o le Malo. O lelei na, o matagofie ma tatou te o ai
ina ia manuiama ia to manu aua le Malo o Samoa.
Malo, malo le onosai ma lavapapale. O lea ua
tatou i ai nei i lenei tausaga fou, faafetai i le
agalelei o lo tatou Matai.
I Ulu o Ekalesia, Talofa i Ekalesia. Le Ekalesia
Soofaatasi, Ekalesia Kerisiano, o e o lo o fao ma
tootutuli mai lena tausaga i lenei tausaga, le Atua,
ia manuia Samoa.
Le Atua, ia manuia le
Palemene, le Palemia, le Kapeneta, le Fofoga
Fetalai, le mamalu o Sui Tofia, le ao o le Malo.
Faafetai tele, e le gafatia taulima is au upu le
mamalu i Ekalesia. Le katinale, le aufaigaluega
ma le Ekalesia, le Peresetene ma le aufaigaluega
ma le Ekalesia, le Taitaifono ma le Ekalesia, malo,
sao faalalelei, ua malie pule faafetai le Atua. O lea
ua outou fai, tatalo i le Atua aua le manuia o
Samoa. Ia aveaveloa le galuega a Ekalesia, ia auai
le agaga o le Atua.
Lau Afioga i le Peresetene, le Peresetene Sili o
Faamasinoga ma Sui Peresetene, le Ofisa o
Faamasinoga, malo le onosai, e le faigofie foi le
Matagaluega, o se Matagaluega e faigata le Ofisa o
Faamasinoga. Malo le onosai, o lea ua tatou i ai
nei i lenei tausaga fou, toe afua le taeao, timata
leupega, tatalo i le Atua, e aumai e le Atua le ai e
tautai ai le Ofisa o Faamasinoga. Ia outou manuia.
Samoa, o lea ua ou fai atu, e le popo so outou paia
i sou leo, tulou vaeane le tupua ma le Maota. O le
a taoto le laau mafala e le gafatia o le ia iviivia, o
le vaofilifili, o le a le oo i ai se leo o le toeaina.
Pau o lea, o lena tausaga, a tatou tutu nei ma tatou
tepa i tua, tepa i tua ma le faafetai, vaai i luma ma
le faatuatua ma faafetai pe a manatu i lena tausaga.
E le faigofie le finagalo o le Atua, i le taupeau mai
o tuaa ma matua o e ua tauaogaina e le Malo o
Samoa, o fea? Ua talautuutu le upega o Samoa, ua
fai-i-lagi le tuligasia a Sa Tagaloaalagi, ua momoe
i atutia tupu ma tama faapelepele, ua tu mai lagi le
lagaali a Tamafaiga, ua malili-a-palau le upegalauga, aua faleupolu tofia, e faamanava e le Atua le
fanau a le Atua, talai ofutau o le fanau a le Atua i
lena tausaga. I lenei tausaga, faafetai i le alofa o le
Atua ua fola i ula le sami ua siligoa matagofie, lea
ua tatou oaoa i faleseu, sula ua teu, sula ua tiu, sula
ua maua. O lenei ua pafuga le a ua logo le fua ma
le pao, ua logo le naiama ua logo foi le naiatea e
pei o le faiva o manulaiti, ua toa tino o Vaatausili,
faafetai. Le Malo, tatou folau i lnei tausaga fou,
faatuatua i le Atua i le lumanai, tautai muaau ma
muliau aua le tatou faigamalaga.
I lou itumalo, Falelima, lo outou Taauso, Tapaau
ma le nofo a faalupega i lau tama ma Tama na
Faiga, le fofoga o papa i lau fetalaiga Folasa, o le
fatu lea na tuu i Siuasami, e tausi vaatele. Malo le
tapuai, faafetai i lo outou manatu mai ia te au le
toeaina ma lo outou alolofa mai ia te au le toeaina
mo le palota. Ia aveave loa lou alofa, o le a ou
faasaga atu e fai tatou. Gisa ma le Usoalii, tama a
le Malo, Tuifaiga ma Aiolupotea, Seuula ma le
Tuaautoa, lo outou aiga Sa Usu, malo, malo
faafetai i lena itu o le Alataua, i vaega uma e oo i
faletua ma tausi, le 21 seia oo i fanau, alleluia
faafetai lo outou alolofa, malo le tapuai. Ia Neiafu,
lau Afioga i le Tonumaipea, lau Afioga i le Papa, o
oulua o Tapaaulefano o Taatiti ma Tuaiaufai, o
oulua o Tama Igoa e tausi vaatele e le itumalo,
Falegaauga, le Aiga Sa Moeleoi, Tauiliili ma
Aliimalemanu, lo outou toafa, Pei ma Safiu,
Vaoniu ma Lafaitele, le mamalu i le nofo a pule,
malo faafetai, malo le tapuai.
O lenei ua fai le tatou lauga amata, o le a taumafai
e fai e manatu mo mea na tout e mananao i ai.
Faafetai i lau Afioga i le Fofoga Fetalai ma le
mamalu o le Maota. Faafetai i le avanoa ua toe
aumai mo le sui usufono o Alataua Sisifo.
O le aso ananafi, o au ua le pau le vau lou
mafaufau, ua fai si ou fefe ona ua faateia aua ou te
le masani ai i le taofia o le lauga. Ua ou manatua
ai le upu e fai i Fogaa: ―Ua maniti le tau fai sa
logo, ua atu i manava, ua afulia e pei o le upu ia
Malietoa ma Vaapuu.‖ Ae tei ua ma o ma le uso
na ma malaga e momoli au, tulou vaeane le paia o
le Fono, aua ua tutupu matagi i liu ia te au, ae tei
ua faamafanafana mai le uso: ―o le alofa o le
Fofoga Fetalai ia te oe, e i ai le agaga o le Fofoga
Fetalai, e tatau ona feoloolo ni nai minute e fai ai
sau upu i lou itumalo, aua o ananafi a na faapea e
faamuta ai e na o se 10 minute.‖ Ua ou faafetai
lava ma ou faafetai, ua out ago atu faauouo lau uo
ma vivii ae lou agaga i le Alii.
Faafetai i le taeao lenei ua atoa usu taeao e ono,
ua fati sisina le galu a ua le fati toto e pei o le upu
ia Fuluulalemakoko. O lea ua afio lau Afioga i le
Fofoga Fetalai, lau Afioga i le Palemia, o oe o le
tama o Samoa faapea le Kapeneta ma ulu o
Matagaluega ma le mamalu o le Palemene. Ua
afio foi lau Afioga i le Taitai o le Itu Agai, lau
Afioga Tuitua Tupua Tamasese, o oe e ao ma iu i
ai o Samoa. O le maitau atu o lo o taiulu ma faaao
mai lena itu o le Maota, malo faafetai. O tulaga
paia na sa tuafafafa i o Upolu nei lea ua paia
lasilasi le taeao faafetai, faafetai ua maliefua mai le
fanau a le Atua. E ui lava ina tatou faatamala o le
po ua mou atu ae le tuu lafoaia e le Atua lo outou
soifua ma lo tatou ola. Ua maimoaiina le susulu
mai o le la i le fogaeleele ma le atunuu, o foliga na
o le ola e faavavau ua saunia e le Atua mo lana
fanau, faafetai, viviii ma saga vivii nei e oo i le
faavavau, e tumau le viiga e faapale ma faaofu ai
lo tatou Matai. I le aso, faafetai tele i le Fofoga
Fetalai, sa taumate le ete a o lea ua maua o lou
alofa lava i le lauga.
O lea o le a ou oo i le itumalo o lea e faafogafoga
mai, o le a ou amata atu i Falelima, i le Afio o
Tapaau le Taauso, Gisa ma Tuifaina, Maliotaualu
ma Aiolupotea i le alu Tama ma Tama Faiga
faapea le Fofoga o papa le Fetalaiga Folosa.
O mea tau vai, lau Afioga i le Minisita o Galuega
aemaise lau Afioga i le Palemia e ala atu i le
Fofoga Fetalai le talosaga. E tatalo ma aioi atu,
faamolemole se i toe vaaia vai o Falelima, o lo o i
ai faatanoa ae tasi o le mea o lo o faaletonu vai o
Falelima. O lea e tatalo atu ai, o vai o Falelima o
lo o fai lava se faaletonu. E tele vai i o matou
eleele ae le o galueaina ni omaotu vai i le taimi nei.
O le vai o lo o i Neiafu ua uma ona vili a ua ou le
iloa i lau Afioga po o le a lemea ua le fai ai ni
paipa o le vai lea. E i ai le itu ou te faanoanoa ai i
le vai, e vili le vai i Neiafu-tai ae nonofo mai
Neiafu-uta, ua le iloa pe a faapefea aua e aega le
alu i uta, ae pe faapefea ona taumamafa Neiafu-tai.
E pei ona ou fai atu i lau Afioga i le Minisita, e tele
le vai i le eleele e le o sailia ma le o vilia so matou
vai i uta. Malie lau Afioga i le Palemia, o le upu a
Tofilau ia te au ma e sa matou malaga mai ma
matou feiloai: ―Ua uma ona faasino le mea e vili
ai le vai i gauta o Neiafu-uta, ae peitai o el vai lea
ua vili ua na o tai i le. E aveatu i ina i lau Afioga i
le Minisita le vai o Neiafu faamolemole e fia
faaleleia ma sei faaoo ona fai.
O Tufutafoe o se nuu e naumati tele i le vai, lea e
afio ai Gisa ma Leusualii ae puipui e le Aiga Sa
Usu. O lena ua ou tatalo atu i lau Afioga, o nuu ia
e tolu o le Alataua Sisifo, ia e alofa mai mo le vai.
O le isi itu, ou te faafetaia tele i lau Afioga ona o
auala. O le masina ua tea tatala ai le auala o
Tufutafoe, le auala lea e i uta e tau i le talie.
Faafetai tele i lau Afioga, e le gafatia i sau upu le
maau ma le milosia, le nooia ma le mafatia o lau
Afioga ma le aufaigaluega lea ua maimoaina e le
itumalo lena auala. Ae tatalo atu ona o le auala o
Neiafu-tai, ua maua le auala e fesootai tai
Tufutafoe ma Neiafu-uta ae faaletonu ai Neiafu-tai.
A manao le Neiafu-tai e fia alu i Tufutafoe, ona alu
lea i Falelima oso ai i Neiafu-uta ona alu ane ai lea
i le auala lea na fai nei faatoa oo ai i Tufutafoe, ae
o le la e i ai le auala e fesootai ai Tufutafoe ma
Neiafu-tai. O le mea lea e tatalo atu ai i lau
Afioga, afai ua tini ma lau, sei faamau ane ai mo
Olo i le auala lena o Neiafu-tai aua le sootaga ma
Tufutafoe. O tulaga na i mea tau auala i lo matou
itumalo, atonu o i ai nisi mea e le afaina a umi lava
le soifua e aveatu.
O lou itumalo i Tootoo o Faamatia ma Tiaituau i
le itu Asau faamolemole. O au o lea ua ou oo mai i
le Palemene, o au o lo o taitaia le au fou a le
falemai i le Soifua Maloloina. Lau Afioga i le
Minisita, faafetai tele mo le falemai. Ua uma ona
teuteuina matagofie mea uma o lea e pei oan tatou i
ai i le umusaga. Ua maea mea uma, pau o lea ia e
alofa i ni a matou fomai.
O lona lua o le talosaga mo le itumalo i le itu i
Asau, o le vai‖. O le vaiaso lea sa ou i ai i le
falemai, ae te i ua tatalo mai nai fomai:
―Aliimalemanu, ua matua naumati ua leai se vai.
O le mea lea e tatalo atu ai i lau Afioga i le
Minisita o Galuega, ua lelei le falemai ma tulaga
faapena, a o le vai o lo o popole ai, e naumai tele le
itu Asau i le vai. O lea e faafofoga mai Tootoo o
Matia ma Tiaituau, ia alofagia lo matou falemai.
Po o ai lava e soifua lelei, matagofie ma aulelei ae
iu lava i le falemai. O le ma lea, le Minisita
faamolemole ia e alofa ma talia mai le talosaga a lo
matou itumalo.
O au foi e i ai ou ilamutu, a le faia se mea e
tuliloa lava e ilamutu le tagata, pe soia lava i
Ausetalia, e te faalogo loa ua mageso lou tulimanu,
ona e iloa lea o le nifoloa lena ua oo atu ia te oe.
Tautuana ma lau Afioga, aua o lea e fai mai le
lauga a le isi sui usufono e fefeu, tulou vae ane le
Fono, e tiga lena fefeu ae a tui e le nifoloa, ia
tautuana ma oe ma ia e alfoa i le itumalo.
Leai, e ia te au lava le ki ma le tatala, ou te
taofiofia. Sa i ai le pulenuu i lo matou nuu, o le
saofaiga a le matou nuu e ese le matutua a o le
pulenuu e laitiiti. O le agaga o tama matutua o le
nuu: ―Lau Susuga i le Pulenuu, sei atiina ae le
nuu, gagau le vao ma le avagato. Tautuana ma lau
Susuga i le Pulenuu, ili le pu, tulou, e lelei le
feiloai pea o le nuu manu na o le nuu.‖ Ae fai mai
le tali a le Pulenuu: ―Faafetai ia te outou o tama
matutua, palalau maia le tofa ma le moe. A
potopoto o le mea lava lena, palalau, palalau lava e
uma ane lona tofi e leai se mea na faia. O le mea
lea lau Afioga, aua le popole i lena mea e le afaina
o lo o ia te au le pule ma le faaitalia.
Faafetai i le tanoa male malelega faapau i lau
Afioga. O lena, o lea e sao lelei lava le tanoa a le
Palemia. O le mea lea ua fai e oe o le Minisita o le
seuseu lauga, o lena e te iloa lona afu, toa mai e
leai se mea e afaina ai. E leaga o el la ua i Lepa le
nifoloa ae le mafai ona alu ese Moso ma au. Ina
nei tei ua tagolima Moso ia oe, ae ui o lea, taoto ia
iina nei tei ua outou iloa le ilamutu o lenei itumalo.
Sa faavae lau tautalaga ananafi i le upu a le Tusi
Paia: ―E faasaga ae ou mata i mauga e oo mai ai
lou fesoasoani, o lou fesoasoani mai ia Ieova lea, o
Le na faia le lagi atoa ma le lalolagi. E le tuuina
mai e Ia ia mapeva lou vae, o lou leoleo e le
tulimoe lava Ia, faauta o le Leoleo ia Isaraelu, e le
tulimoe Ia, e le moe lava. Viivii atu ia ia Ieova o
outou o nuu ese uma lava, faaneenee atu ia te Ia
outou tagata uma lava, aua ua tele lava Lona alofa
mai ia te i tatou, o le faamaoni foi o Ieova e
faavavau lava lea, ia outou vivii atu, ia outou vivii
atu ia Ieova.‖ E masani Eperu leaga o le mea lea
faavae ai le feagaiga a Eperu ma le Atua, o luga o
le Mauga o Sinai lea sa fai ai le osiga feagaiga a
Eperu ma le Atua. Fai mai le Atua: ―O lou nuu
outou, avea Au ma o outou Atua, a o outou o le
nuu o le Atua.‖ E pei ua masani ai Eperu, a oo ina
faitaulaga ma vivii, e vaavaai agai le mauga, e pei
o le mauga le la e i ai lo latou Atua. O le taimi
lenei ua le o toe faia faapena ae ole la ua vaavaai
agai i le lagi. Ua tatalo ma aveatu le viiga ma le
taulaga i le Atua Le o Afio i le lagi. E pei o le uiga
lena o le upu autu o le matua, le Malo o Samoa le
feagaiga lena na faia e le Atua ma Mose ma le nuu
o le Atua. O le feagaiga na osi i luga o le Mauga o
Sinai, o le ala lea e ala ai ona vivii ma faafetai: ―E
faasaga ae ou mata i Mauga leaga e oo mai ai lou
fesoasoani, e leoleo ma puipui, e leai se mea e
afaina ai tatou, e le mapeva lou vae. O lea e fai
mai le fai Salamo, ―Vivii atu ia Ieova outou nuu
ese uma lava, faaneenee atu ia te Ia outou nuu ese
uma lava, faaneenee atu ia ia te Ia outou tagata
uma lava, aua ua tele lona alofa mai ia te i tatou.‖
O le alofa lea mai lena tausaga e oo mai i lenei
tausaga ua matua sili atu mea ua faia e le Atua, ua
outou olioli ma tatou fiafia ai e pei ona i ai lenei
tausaga fou.
Le Palemene ma Samoa o lo o faafogafoga mai, e
le umi le lauga a le toeaina, e ui lava ina ua aumai
le faatagana pe fia ni itula, leai, o le a le laulau
atuina nisi manatu i tulaga o le itumalo. Na pau lea
o le itu ua galo ia te au faamolemole lauAfioga i le
Minisita o Taaloga, o le malae lakapi. Ua e vaai
mai o lea ua ou fusiua mai i le fusiua o le Manu
Samoa, ona e i ai lou agaga e tatau ona fai se malae
lakapi i le Alataua Sisifo. O le Alataua Sisifo, o le
la e taalo ona lao ma fanau i le Manu Samoa, o le
tama o Anitelea Aiolupotea o le tama o le Alataua
o le fanau a Neiafu. O Opeta Palepoi, o fanau na a
Neiafu. E pei o le ala lea e i ai le manatu, malie
lau Afioga i le Minisita o Autalavou, Taaloga ma
Aganuu, alofa mai, e faigofie aua o Neiafu-tai o le
matua manaia lava e le tele se tupe e alu ai. O le a
le tofa i lau Afioga a e finagalo, o i iina ua ou fai
atu, o Neiafu-tai e le tele se tupe aua o le nuu e
laugatasi ma laulelei, e faapena foi ma lona aulelei.
O upu ia a le sui usufono mo Alataua Sisifo, ua iu
foi le lauga. O ni lagilagia ma ni tuataafalu, mama
le amata o le la ma le masina, tu ma lealea le ao
aua lau Afioga i le Palemia o le Malo o Samoa,
faapea lau Afioga i le Fofoga Fetalai, le mamalu i
le Kapeneta ma Ulu o Matagaluega, faapea le
Taitai o le Itu Agai, le paia o le Palemene, ia outou
lagi e mama. Soifua.
Afioga FEO NEMAIA
Gagaifomauga Nu.2
Filifilia:
15 Me 1996
Faatauto:
16 Me 1996
Lauga Faataupou:
18 Iuni 1996
Ua faafetai atu lau
Afioga a le Fofoga
Fetalai. A o le i oo se faamatalaga o le itumalo o
Gagaifomauga Nu.2 i le Tala Faatatau o le Tupe ua
opea nei i le Maota, e muamua ona ou faafetai atu
mo le avanoa ua tuuina mai. O le lauga lenei o le
lauga a le Gagaifomauga Nu.2. A o le i faagasolo
le lauga lenei, e ao ina faafeiloai atu muamua le
Itumalo o Gagaifomauga Nu.2 i le afifio o le
Kapeneta, Sui Mamalu o le Palemene o Samoa i
Sisifo i le Paeaiga XII.
Lau Afioga i le Fofoga Fetalai ma le mamalu o le
Maota, ou te fia faafeiloai le tapuaiga a lou itumalo
i le ee tapuai o sao e fa, o Sa-Peseta ma le mamalu
o le falefa o Samauga. O le paia lava lea aua lau
Fetalaiga Sooalo ma le mamalu i lo outou aiga SaSooalo, ae tainane foi le afio o le tama tane. O
paia lava ia aua le nofo a ituaiga i le Mausautele, le
afio o le Atu-Tuisavaii, tainane foi lau Fetalaiga
Mauai, ae tainane foi le tapauaiga ia te oe Safune,
le Afio o Le Tagaloasusu, o le afifio o lo la toalua
Sa-Oloapu ma le toafia o tulafale ma upu ia te oe
Safune. O paia aua le afifio o tapaau faapea le
mamalu i le falefa o Sausi. O paia aua le afifio o le
toafa o alo o Tamaalelagi ma le nofo a ituaiga ia
Sa-Toeti. Lau Afioga a le Fofoga Fetalai ma le
mamalu o le Palemene, e faapea foi ona faafeiloai
atu i le tapuaiga a le aufaigaluega paia a le Atua i
le itumalo ae e le gata i lea o le tapuaiga a faletua
ma tausi ma saoao. E le mafai foi ona faagaloina
le tapuaiga a le malosi o le nuu ma le 21 tausaga o
e na faaalia le latou aia tatau na mafua ai ona ou
tulai atu i le Nofoa o le itumalo lenei. Lou itumalo
e, ua faamalo faafetai. O lo outou faatuatuaga
lenei ua mafai ai ona ia te Au le aia tatau ou te
tautala atu ai i le Palemene o Samoa i Sisifo. E
faapea foi ona ou fia faafeiloai atu i fanau pele a le
itumalo o e o le a avea ma taitai o le itumalo mo
aso a taeao.
Fono, e fia faatalofa atu lou itumalo i le tapuaiga a
Samoa, le Usoga a Pule ma Tumua, Aiga i le Tai
ma le Vaa o Fonoti, o Tama ma o latou Aiga, o
Aiga foi ma a latou Tama. E fia faatalofa atu foi le
itumalo i le mamalu o le aufaigaluega a le Auta i le
faatafafa o Samoa faapea foi le tapuaiga i faletua
ma tausi ma saoao, o le malosi o le nuu faapea foi
fanau. Lau Afioga a le Fofoga o le Fono, o le a
liliu ane loa le itumalo lenei aua se faamatalaga mo
le Tala o le Tupe ua faataatia nei i le Maota Fono.
A o le i oo se faamatalaga a le itumalo lenei i le
Tala o le Tupe, e muamua ona faapea atu, matou te
lagolagoina le Tala o le Tupe 1996/1997. Ou te fia
tautala puupuu i le tulaga ua tulai mai ai nei le
atunuu lenei o Samoa i Sisifo. I le tulai mai o le
atunuu lenei i lenei vaitau, ou te talitonu e le auese
se finagalo i le Maota Fono i le mamalu o Sui o le
Maota. O le atunuu lneei o Samoa i Sisifo i le va
faafeagai ai ma atunuu o le Pasefika i Saute faapea
foi Malo tetele o le lalolagi, ua matua tulai mai
lona aloaia. Ua aloaia i le tulaga i le tele o le fia
fesoasoani mai o le tele o Malo tetele e maua mai
ai fesoasoani ae faaepa foi ona tulai mai le Malo o
Samoa i Sisifo. Na o le pau lava lenei o le Malo o
lo o faatuatauina le pulea ma le faagaoioiga o tupe
tau fesoasoani o lo o tuuina mai. O le tulaga o i ai
nei lo tatou atunuu o lea ua tatou vaai i tulaga
faapenei. Atonu e le o po se lilo ua le o toe mamao
ae usuia se tasi o Fono taua i le lalolagi atoa i le
atunuu lenei o Samoa i Sisifo. E ui ina laitiiti, a o
lona taua ma le amanaia lea ua mafai ai ona faatino
ia tulaga ma o se mea e tatau ona faafetaia ai le
Malo ma i latou na fuafuaina mai nei tulaga uma
ua mafai ai ona maua lenei avanoa e silasila ai
taitai o le lalolagi i le Malo o Samoa i Sisifo. E le
gata i lea o le matagofie o ona eleele ma lona sami
lanumoana.
Maota, o le lauga a Gagaifomauga Nu.2 e agaga
lava e tasi i le atiina aeina o le manuia o tagatanuu
o Samoa i Sisifo. Muamua, o se faamatalaaga agai
i le Taitai o le atunuu. O lenei lava e luga lalo, sau
lea faamatalaga o le toeaina ua mai, o le toeaina ua
tatau ona malolo, a o le tulaga lea e i ai nei ou te
talitonu, o le lotonuu ma le naunau o le afioga i le
alii Palemia ina ia mafai ona agai pea i luma tulaga
o le atiina ae o le atunuu lenei. Ona pau le agaga o
le itumalo, ia talosia ia alofa le Atua e i ai se taimi
tatou toe feiloai.
Lau Afioga a le Minisita o Tupe, ua malo faafetai
mo le Tala Faatatau o Tupe ua faataatia nei i le
Maota. O le a leai se faamatalaga i ai a le itumalo
ae o le a tuliloa lava ni mataupu e pei ona matauina
i le Tala o le Tupe ua faataoto nei. O le
Matagaluega o Tupe, o se vaavaai atu i ai i le Tala
Faatatau o Tupe, o lo o i ai se fuafuaga e faapea o
le a faamatuu atu nisi vaega o le fuafuaina o vaaiga
o Matagaluega ina ia faafaigofie ai ona faatino a
latou fuafuaga. O se fuafuaga lelei lea.
O le Matagaluega lea o Fefaatauaiga ma Fale
Gaosimea: o le tasi lea Matagaluega e ao ona ave i
ai le faamalo ma le faafetai ona o le tulaga lea o le
mafai ona faatosina mai o tupe o faafaigaluega i
inei ma o lo o maua ai galuega a tagata o le atunuu.
O le faataitaiga o le Yazaki; ua silia ma le 3,000
tagata Samoa o lo o faigaluega ai. O se tulaga lelei
lea e faafetai ai lenei itumalo ona o lea ua mafai
ona faatino lea tulaga. Ona pau le fautauga a le
Gagaifomauga, ua maua se faamatalaga e faapea o
le a toe faalautele le Yazaki pe toe faaopoopo nisi
fale. O le fautuaga lau Afioga i le Minisita pe a tau
ane ai ma lou finagalo, a e a pe a toe amata lea
faaopoopoga i Salafai. Ou te talitonu ua o gatasi
lelei lava ma le taumafaiga o le taulaga lea i
Salelologa. Afai o le a se tofa ae tuu i ai le
faaopoopoga o le Yazaki i Salelologa. E tatau lau
Afioga i le Minisita ma le mamalu o le
Matagaluega ona faateleina le uunaiina o tupe nei
faafaigaluega mai fafo ina ia toe maua ai nisi fale
faigaluega faapenei e pei o le Yazaki aua le
mamalu o alo ma fanau a le atunuu lea e iu mai i
aoga. O le taimi nei o lena e silafia, o le Ofisa o
Leipa o lo o matua tele le lisi o tamaiti o i ai ua iu
mai i aoga ae ua leai ni galuega.
Ona oo mai ai lea i le tulaga lea o le VAGST. O
le tasi lea mataupu o lea sa luga ma lalo ai le
atunuu.
Lau Afioga i le Fofoga Fetalai, ona i ai lea o le
agaga o le itumalo i le tulaga lea i le au tafafao
maimoa, e tatau ona faalauteleina le atiina ae lea
aemaise i nuu i tua. Aua o le toatele o i latou e
tafafao mamoa mai, e le mananao e toe o mai vaai i
ni fale fogafale ono ma fogafale fitu, e mananao e
fia vaai i nuu i tua. E fia vaai tonu lava po o le a le
tulaga o i ai Samoa i Sisifo, o a tagata o i ai ma a
latou tu ma aganuu.
Lau Afioga a le Fofoga o le Fono, e avatu le
faamalo i le Matagaluega o le Tiute. O le tasi lea o
Matagaluega e tatau ona ave i ai le faafetai a le
atunuu ona o le tele o lona sao i le sailia o tupe
maua a le atunuu e pei ona faataatia mai i le Tala o
le Tupe i ana tupe faaaoga ma le tupe o lo o
fuafuaina e maua mai ai. A silasila lau Afioga a le
Fofoga Fetalai ma le mamalu o le Maota i le tupe o
lo o tulai mai ai nei ma toe fuafua agai i le tupe
maua o lo o fuafuaina e maua mai, e ao lava ona
ave le faafetai i le Ulu o le Matagaluega ma le
mamalu i le aufaigaluega ona o lenei vaegatupe
tele ua fuafuaina e maua mai ai.
Maota, ona oo mai ai lea o le lauga a
Gagaifomauga Nu.2 i se tasi o fuafuaga o le
faamuamua ua faamoemoe i ai le tupe lenei, o le
vega lea o le Matagaluega o le Soifua Maloloina.
Lau Afioga a le Minisita, ua malo fafetai i lou tulai
mai i lou tofiga fou o le Minisita o le Soifua
Maloloina.
A e tagai i ai o tupe maua
faamaumauina a le Matagaluega, o lena ua folasia i
ou luma. O le tupe ua fuafuaina e le Malo e tuuina
atu mo le faagaoioiga o lau Matagaluega o lena e
$18,l379,699. O le fautuaga a le itumalo lenei,
muamua, o le a se tofa a lau afioga i le Minisita i
lenei lima tausaga pe e le tatau ona toe foi le
Matagaluega i le tulaga sa i ai i aso ia e pei ona sa i
ai Fomai i Falemai faa-Itumalo. O le faamaoniga o
le faamatalaga lea ona o lo o i ai i Falemai ia faaItumalo fale sa fausia e le Malo e faamoemoe mo
Fomai i falemai o itumalo. Ae peitai ane, ua tele
tausaga e le o toe nofoia ia falemai ona ua le mafai
ona maua ni Fomai. O le lagona o le itumalo lenei,
ua mafua ona tulai mai tulaga faapenei ona o le
talitonuga o le itumalo e le o lava faamanuiaga o
tuuina atu i Fomai aemaise alo ma fanau a le
atunuu ua iu mai ma lea atamai o le faa-Fomai.
Lau afioga a le Fofoga Fetalai ma le mamalu o le
Palemene, o le atamai lea o le Fomai, o le tasi lea
matata e aupito sili ona umi ona saili i Iunivesite
ma aoga faa-Fomai. Afai e faamanuiaina mai se
alo o le atunuu, e ao ona lava se faamanuiaga e
tuuina i ai ina ia mafai ona tatou faifaimea faatasi
ma faigaluega i inei. Silasila foi, ua tele le mamalu
o Fomai ua tuua a latou galeuga faa-fomai ae ua fai
private practice po o le faafaigaluega i isi galuega,
ona o le tulaga lava lea E talitonu le itumalo lenei,
e le o lava faamanuiaga o tuuina i ai. O le galuega
lea o le Fomai, e ao ona aumai ni fuafuaga fou e
fuafau ai totogi o Doctors ma Fomai faapitoa. Ou
te talitonu o lea e saisaitia totogi o tagata nei i lalo i
Ulu o Matagaluega. A silasila foi, o le galuega lea
o le faa-fomai, e i ai tagata e tau o specialists, o
tagata ia e faapitoa a latou matata i so o se
Matagaluega ma e tatau ona ave i ai se
faamanuiaga faapitoa ina ia mafai ona le toe i ai se
agaga e manao e soso ese pe fia oo i ai le
faauluuluga o le Matagaluega, ae ia tauave pea
lana matata aua le tautuaina o le atunuu. O le
vaaiga i tulaga nei i teine fomai, lau Afioga i le
Minisita, e tatau ona e tagai totoa i ai i le tulaga e
mafai ai ona tau tuutuu i luga totogi o teine
tausimai. O falemai e tatau ona i ai tulaga ia e
maua ai vailaaau i le tele o taimi, ae ia le pei le isi
vaitaimi na leai ai ni vailaau i falemai, ona
faatonuina lea e o e faatau mai i Fale Talavai i
Apia. E feoloolo la i Apia nei, a o nuu i tua, a leai
ni vailaau i le falemai ona leai ai lava lea.
O le isi itu taua lea sa taua e isi Sui, o le tulaga lea
i le tele o tupe e alu i le auina atu o gasegase i
atunuu mamao. Atonu o le tasi lea itu ua tofia ai le
Afioga i le Sui i le Minisita lea, ona ua talitonu le
itumalo o le tasi lea itu o le a tagai totoa i ai le
Minisita i le aumai o masini faaonapo nei aemaise
o le falemai i Motootua ina ia faamalieina le
manao lea, ina ia mafai ona togafitia le toatele o le
mamalu o le atunuu i totonu o Samoa i Sisifo.
Lau Afioga a le Fofoga Fetalai, a o le i tea ese le
itumalo lenei ma le Matagaluega o le Soifua
Maloloina, sa saunoa le Minisita i le matautia o le
faamai lea ua aafia ai le lalolagi. O le a avatu le
faatuatuaga i lau Afioga i le Minisita, o le a e faia
uma ni fuafuaga ina ia mafai ona taofiofia lenei
faafitauli ua tupu i le lalolagi e aofia ai ma Samoa i
Sisifo.
Ona oo mai lea i le Matagaluega o Aoga: atonu o
lea e le o afio mai le Minisita a o le a taumafai atu
pea le itumalo. O le tele o tupe faaaoga o lo o
fuafuaina mo le Matagaluega o Aoga o lea ua
faaagaga mo le Iunivesete aoao. Ua manaia lea
fuafuaga ma o lea ua amata ona faatino. Ona pau
lava le fautauga a le itumalo lenei, o le Iunivesete,
e i ai le tulaga aupito maualalo e mafai ai ona
ulufale le tagata i le Iunivesete. E tatau foi ona
lava tapena mai aoga e amata mai lava i Aoga
Faataitai seia oo lava i Aoga Maualuluga ina ia
mafai ona faamalieina le tapulaa lea aua a le lelei
tapena mai lalo, o le mea e oo i ai o le faapea mai o
le a faamaualalo ifo le entry level ina ia maua alo o
le atunuu e faaaogaina le National University.
O le isi fautuaga a le itumalo lenei ou te masalo o
le mataupu lenei na aumaia muamua. Se i toe tagai
po o le a se avanoa e mafai ai ona toe iloilo taimi e
amata ai aoga ma taimi e tatau ona maea ai aoga a
le fanau aemaise lava e amata mai i aoga
faaitumalo e oo i aoga maualuluga. O atunuu la e i
fafo, ou te talitonu foi e i ai ona aafiaga i le
maualuluga o aoaoga. O atunuu i fafo e amata i le
8.00 i le taeao se malolo i le 12.00, ona toe amata
lea i le 1.00 ae malolo i le 3.00 i le afiafi. O le
fesili la i lau Afioga a le Minisita e ala atu i le
Fofoga Fetalai, pe e le o se taimi e ala atu i le
Fofoga Fetalai, pe e le o se taimi ea lenei ua
alagatatau ai ona vaavaai i se fesuiaiga e mafai ona
fesuiai ai taimi ina ia o gatasi ma atunuu i fafo.
O le isi tulaga o se faafitauli ua leva tele ona
vaaia. O le itu lea e pei e maualalo le tulaga o
aoaoga i nuu i tua i lo aoga i inei i le taulaga. O le
mea ua tupu ua pei ua gasolo mai matua e aumai a
latou fanau i aoga i Apia ona e manatu mama i
aoga ia i nuu i tua. Faamolemole lau Afioga a le
Minisita se i tagai i ai po ole a se vaifofo ina ia
mafai ona faamalieina le atunuu ina ia aua ne i i ai
se agaga faapea e toe saili mai ni avanoa i aoga i le
taulaga nei ae faaaoga pea aoga i nuu i tua ina ia
tutusa le maualuluga o aoaoga (levels).
O le Ofisa o Faatoaga: lau Afioga a le Minisita
ua faafetai i lou tulai mai. O le tasi lenei
Matagaluega o lo o fai ma tuasivi o le atunuu lenei
i lona tamoaiga. O le Matagaluega lenei o
Faatoaga o i inei e feiloai uma i ai tagata o le
atunuu. E tutusa uma ai tagata faifaatoaga ma
tagata faigaluega. O le fautuaga a le itumalo, ia
saga uunaia pea le atiina ae o a tatou alatupe e ala i
faatoaga e pei o niu, koko, kofe, ava ma fualaau
eseese, o ufi ma mea eseese faapena, ia toe
faaolaola lelei e pei o faamiliga ia sa masani ona i
ai. Ua faafetai lau Afioga a le Minisita mo le
atiinae lea o vaomatua. O le asiasi atu i ai a le Sui
o le itumalo lenei i nofoaga nei e i ai Asau, Siumu,
ma Gataivai, o se tulaga faagaeetia i le vaai le
manaia o le tulai mai o atiina ae i le taimi nei. E
tatau ona saga faaauau pea ia atiina ae ma e talosia
ia aua ne i toe i ai ni afa.
O le vaega o Faigafaiva: Lau Afioga a le Minisita
ia saga faaauau pea tulaga ia o atiina ae ua e tagai i
le tulaga o i ai le Maketi ma tulaga uma faapena.
O le isi fautuaga i figota ona e i ai nisi o figota mai
isi atunuu. E a pe a tatou vaavaai i ai pe mafai ona
aumai na atiina ae e faataitai i o tatou vaitafe ma o
tatou sami. O le atunuu lea o Fiti ua fai sina leva o
ou nofo ai. E i ai isi figota ou te talitonu e tatau
ona maua se avanoa mo o tatou vaitafe ma taufusi i
Samoa i Sisifo. Lau Afioga i le Minisita, pe mafai
ona vaai i ai lau Matagaluega ina ia aumaia ia
ituaiga figota eseese e taumafai i inei pe ola ai aua
e aoga mo le soifua maloloina.
O le Oifsa o Vaai Fetu: ia talosia ia toe oo mai
nisi afa ua i ai ni a tatou masini e iloa ai le mea o i
ai le afa i lea taimi ma lea taimi. Aua o le afa lea o
Valelia o lena e silafia e lau Afioga a le Fofoga
Fetalai ma le Maota, na alu alu le afa te i ua toe
malu, ua feoai tagata ae toe sau. Aua foi tatou te le
i iloa pe ua maea atu pe leai.
Ona oo ane ai lea o le faamatalaga i le Ofisa o
Galuega: lau Afioga a le Minisita lau Tofa Leafa,
o oe le isi Minisita ua sili ona tautaua i le atunuu
lenei, ua leai se mea e te le mafaia. O auala,
eletise, o vai ua uma ona e faatino. Ona pau lava
lea, o Gagaifomauga Nu.2 se i e faamau ane
faamolemole lau Afioga a le alii Minisita. O le
auala lea i Paia se i e toe afio atu lava e tagai i ai i
le faataina o le auala lea ma se i faaauau le auala
lea i le isi vaega tele o le alaalafaga o Paia e le i oo
i ai le faataina o le auala. O Lefagaoalii, o lea sa
tau amata ona faia le auala a o le i oo i le Palota. O
la ua le o toe tagofia nei pe finagalo malie ae tagai
i ai ma faaauau le auala lea.
O Matavai,
Faletagaloa ma Fatuvalu, e toatele vaega o nuu na
ua see i uta i tuamaota ma ua faapea ai ona
manaomia se faaleleia o auala.
Ua faafetai i le suia o le vai o lo o i ai nei. Lau
Afioga a le Minisita se i e toe silasila ane lava. E i
ai le vai o lo o i Ologogo, ou te le iloa pe na e afio i
ai muamua, a o le vai lea ma le faatanoa pe mafai
ona e tagai i ai pe…..
Ua faafetai lava i lau Afioga a le alii Minisita ma
le Afioga i le Sui Fofoga Fetalai mo le lafo. Lau
Afioga a le Fofoga Fetalai ma le mamalu o le
Maota ona toe faaauau ai lea o lau faamatalaga.
Lau Afioga a le Minisita e ala atu i lau Afioga a le
Fofoga o le Fono, ua leva ona faataatia le fuafuaga
lea mo le faaaogaina o mita o le vai e tai pei o le
eletise. O le tasi lea itu faanoanoa o lo o i ai i le
atunuu i le taimi lenei ona o le le faatauaina e le
toatele o tagata o le taua o le suavai. O le lagona o
le itumalo lenei, ia taumafai e fai se auala e
faatauaina ai e tagata le mataua e tasi ma e pau lea
o le auala e mafai ona faatupulaia ai le faaeteete o
tagata i le soona faaaoga o le vai o le tuu lea i ai o
le mita, aua e tai tutusa lava le vaaiga i le mita lena
ma le mita lea i luga i le eletise. Ona faapena ai
lava lea ona i ai le faaeteetega lena ma tau
fesoasoani ai i taimi e faaletonu ai le vaitaumafa o
le atunuu.
Lau Afioga a le Fofoga Fetalai, ou te toe fia foi i
le vaitaumafa o lou itumalo. Ou te fautuaina lau
Afioga i le Minisita se i toe tagai i le vai lea i
Ologogo. O le vai lea i Ologogo e le toe tau
manaomia se pamu, aua foi o lea o le a faaaoga le
gravity feed e sau ai leaga e maualuga le mea e i ai
le vai lena e mafai ai ona foia nisi faafitauli ma
sefe ai tupe i le le faaaogaina o se pamu.
Lau Afioga i le Minisita ona totoe ai lea o
taligalu. Ua faafetai o la ua amata oan faagaoioi
taligalu o lou nuu o Lefagaoalii ae o lo o i ai ma le
isi fautuaga a le itumalo pe mafai ona toe faaauau
mai le isi taligalu i Faletagaloa, ona o le tulaga o i
ai e le o saogalemu le faasaoina o le eleele ona o la
e le i oo mai le taligalu i le mea e tatau ona i ai.
Ona ou oo mai ai lea i le Matagaluega o Fale Meli
ma Uaealesi: Lau Afigoa i le Minisita ua faamalo i
lou tulai mai. Ou te talitonu o le a leai se mea e
faaletonu i le Matagaluega lea e tusa ai ma lou tulai
mai. E tau lava ina avatu se fesoasoani i lau
Afioga i le Minisita i mea nei o telefoni ona o lo o i
ai lava se tulaga faitio o le atunuu. A o le tautua a
le Matagaluega e pei ona i ai nei ua malo faafetai.
O lena faatoa maea ona tatalaina le isi vaega o le
galuega i le faatelefoniina o nuu itua. Atonu mo
se faamalamlamaga i le mamalu o le atunuu o lo o
tagi mai po o afea e faaola ai , ou te masalo e le o
toe mamao; ae talitonu o lo o i ai foi fuafuaga a le
Matagaluega i le faateleina o laina o telefoni aua le
tautuaina o le mamalu o le atunuu.
Lau Afioga a le Fofoga Fetalaie tele lava nisi
manatu sa fia avatu, ae ona ua maea lou taimi. E
momoli atu lau faafetai ma le itumalo mo le
avanoa. Ua faafetai foi i lou itumalo mo le
tapuaiga. Afai foi o le a sa outou faafofoga, ona
pau lava o le lauga muamua ae tau ina ia manuia
lau Afioga a le Fofoga Fetalai ma le mamalu o le
Palemene. Soifua.
Tofa FIU LOIMATA II
Itumalo
Faaalalafaga:
Faasaleleaga Nu.1
Filifilia:
15 Me 1996
Faatauto:
16 Me 1996
Lauga Faataupou:
18 Iuni 1996
O lau faafetai i
lenei afiafi, lou agaga e ia e faamanu atu i le Alii.
O mea uma foi o i totonu ia e Au ia faamanuina i le
suafa mamalu o le Atua.
Faafetai i le Nofoa, lau Afioga i le Fofoga Fealai
o lo o e faafoea le Maota o Samoa. Faafetai i le
Afioga i le alii Palemia. E ui ina o loo taomia le
fala ma le apulu o fala i le lagi faatafa ma le tatou
le mafuta ai i le Maota ona o lo o sii gasegase po o
lo o saili manuia i atunuu i fafo, ia talosia ia i le
alofa o le Atua. Ia taulutaulu lona finagalo ae foi i
ni afuafu. Tatou valavala i manu tatou toe feiloai i
manu. Lau Afiog i le Sui Palemia m ale mamalu o
le Kapeneta, lau Afioga i le Tama-a-Aiga lau
Afioga Tupua Tamasese Efi, mamalu o le
Palemene i Sui mamalu u ma o le Maota o Samoa i
Ssiifo, ae a le tapuai mai a le Afioga i le Ao
Mamalu o le Malo le Susuga i le Tapaau Faasisina
le Susuga i le Malietoa Tanumafili II, le fala na
folaloa ma le nofoa vaevaeloloa e faalogo i ai
Samoa. O le eetai mai o le Loia Sili ma le
Faamasino Sili, o Ulu o Matagaluega o lo o faafoea
le Malo ma galuega eseese. E faapea foi le
mamalu tele o le au faipisinisi ma Kamupani o lo o
tua i ai Samoa, a o le nofo tapuai mai o Taitai o
Ekalesia e fia ma le mamalu o le Aufaigaluega fita-
i-tuga o lo o tala faauto i salafa e fa o Samoa. O le
eetai mai o le paia o le Sui o le Fono a Si Tofia, ae
a le mamalu o Tama Aiga o Aiga foi ma o laotu
Tama, puleono i Salafai ma le falefa o Tumua, ae a
le tapuai mai o tatou uso i Sasae, Sua ma le
Vaifanua Fofo ma Aitulagi, Saole ma Saleaumua,
Tootoo o le Faleula ma le Launiu na Saelua, ae a le
laau na amotasi, mamalu i le Faleagafulu. O paia
sauoo na o Samoa i Sasae ma Samoa i Sisifo,
aemaise foi o e ua fita i tuga i talaiga ma le asuina
o le ipu vai o le Ola, aua le tapuai mai o Tumua i le
motu. E le faagaloina le tapuaiga a lou Itumalo,
outou mamalu outou paia outou sa ma faigata. O
paia e le popo o le pa e le solo, e mamalu e tumau
e mai i le amataga e oo i le gataaga. E le aveeesea
se iota pe afai ou te oo i ai. E le toe faaopoopoina
foi ou mamalu pe afai foi ou te le pa ii ai, aua o ou
mamalu e tumau. Ae tau ia ina saua i le va ma ou
liliu ane e faigata o oe lava o le aomamala o lou
ITumalo pele i lou agaga o le sa outou filfilia Au
aua le nofoa o le Palemene o Samoa. O le afio o
Sonai ma Patane, le afio o Tuisafua ma le Matua,
alaalatai oe le Tapaaufanua aua lau Fetalaiga
Tevaga. O le mamalu lena ia te oe le Faletolu. Le
afio i le tamaitai, afio le falefa o alo o Aitulagi,
afio le Matua ma le Aloalii, afio Taito ma le
Usoalii, afio Tunumaivao ma Faleuia, faapea foi
Safuamua ma le mamalu iate oe le Faletolu, le afio
o alo o Sooaemalelagi, afio lau Afioga i le
Muliagatele, Afio Tuioti, alaalatai lau Fetalaiga Tia
faapea foi Fuga ma Mauga ma le mamalu ia te oe
le Salemuliaga. Afio alo o Tagaloa faapea foi le
Aitutagata ae tainane Leota ma Toomata. La oulua
Fetalaiga Muamai ma Lealiiee ma le mamalu ia te
oe Taulauniu. O le afio o le aiga Salevalasi o le
aiga paia faapea foi le Tootooalii, le mamalu o le
Tapaau ma le FAlelua puipui e lau Fealaiga
Leauanae, le susu a lau Susuga o le Tupu e tausi
Tootoo o le Safotulafai ma lou Aigaga, Tusani ma
le aiga sa-Tusani faapea foi le itu o le sa ma
Saveama, la oulua toalua ma le mamalu ia te oe saTilafaiga. Ia afio ia ou tapaau le afio o Tia ma
Luamanuvae ma Tinousi, faapea foi oulua matua.
Susu Sua ma le Aiga, Tiumalu ma Saunoaimalu
ma le matua o Leautuli, ia susu foi le mamalu o lo
outou aiga o sa-Malietoa, Seiuli ma Seiuli faapea
foil au Susuga i le Papaliitele, susu foi le Tupufia
ma le suafa o Euga puipui e lau Fetalaiga
Seumanu, faapea foil au Susuga i le Taomaopu,
puipui e lo oulua toalua Fiu ma Tiotala. Ia eetai ia
le mamalu o lo outou fale pulega aua oe le falefia
ma le fale salafai, oe na e lologo pule ma le
faitaaga e te tau i aso manino, e te tau foi i aso o le
aava. Tapuai maia lou Itumalo pele o le sa outou
filifilia Au aua le nofoa o le Palemene o Samoa aua
sou sao ia Muluvao, ia ee maia tapuai mai. O le
mamalu o le Aufaigaluega Paia o le sa outou fai
tatalo aua se lumanai o lo ta Malo aua le Faiga
Palota e pei ona tuana nei.
E momoli atu lau faafetai tele i lau Afioga i le
Minisita o Tupe i lou fita-i-tuga i tausaga ua lau ma
taimi ua mavae in a foi Paeaiga. E momoli atu foil
au faafetai ona ua ou vaai i le Tala o le Tupe ma le
faasoaina aua galuega ua fuafua nei e le Malo aua
lana fuafuaga e pei ona faasalalauina a o lumanai
le Faiga-Palota. Faafetai atu i lau Afioga i le
Minisita. Ua talia aloaia ai e lou nei Siu o le Sui na
filifilia mai e le Itumalo Faasaleleaga Numera 1, ua
ou tulai atu ma lou ee ma lou migao, o el manatu
na tupu ia te Au e le i saunia se lauga a
Faasaleleaga, ae ona ua tupu se manatu ua le i inei
lou tama le Afioga i le alii Palemia, ona ou manatu
lea e tatau ona i ai se sao o le ma Itumalo aua le
Tala o le Tupe ua taoto ne ii totonu o le Maota
Fono o Samoa.
Lau Afioga i le Minisita o Aoga, ou te talitonu ua
lava le tupe ua faasoa atu mo el atiina ae o Aoga.
Ou te fautua atu ia taulai ane ia alaga tutusa Aoga a
le Malo ma Aoga a Ekalesia, aemaise foi le
anoanoai o tagi mai tua, nuu e mamao i Savaii
faapea foi nuu e mamao i Upolu nei. Ia faasafua
ma ia faamatagoife lau Afioga i le Minisita mo le
faaleleia o alo ma fanau aua le lumanai o si o tatou
atunuu.
Lau Afioga i le Minisita o Faatoaga. E fautua atu
i lau Afioga i le Minisita o Faatoaga, o le lumanai
o sit a atunuu o le laueleele. O fua e totoina ma le
atiina ae o lo o faifaipea, e fautua atu e le aoaia e
Laupua Tamafaiga, ae fautuaina lau Afioga i le
Minisita ia taulai ane ia toe fuafua tatau ma ia toe
faamatagoife atili galuega sa fuafuaina e le
Minisita i taimi ua mavae, ia saga sologa manuia
ma fiafia lelei si o tatou atunuu e ala i tatou ponesi.
E toe tatalo atu, ia toe faasili atu pones ii lenei foi
vaitau mo le faaleleia atili aua o le soifua manuia o
tagata uma e tatau ona tofu se tagata faifaatoaga
ma si ana seleni. O lemea lea e tua i ai le atunuu o
le alu e toto le koko ma toto le niu, ae fuafau i le
manuia e fai atu e le Malo mo le faasoaina atu o le
ponesi. E talosaga atu i lea itu ma e fautua atu ai
toe fai nisi fuafuaga aua foi lenei Paeaiga ma lu
tulai mai i le tofi. Lau Afioga i le alii Minisita o ou
mama na aua Samoa.
Lau Afioga i le Minisita o Falemai. Faafetai atu
ona ua ou vaavaai atu ua filifilia se Minisita sili
ona lalelei, ae o lemea ua ou fautua atu ai i lau
Afioga i le Minisita ona ua lelei falemai. Ou te
talitonu ua lelei falemai, a o le mea o lo o tupu i
tatou falemai e le o lelei fomai. E le faapea ua
leaga fomai a o le le lava o fomai. E fautauaina lau
Afioga, taulai ane faamolemole e fautua atu ia lava
fomai. Ou te lagona po o le faaletonu o totogi ua
mafua ai ona le fiafia le tele o fomai e galulue i
totonu o tatou falemai. O le Falemai i Tuasivi e
pei ona ou oo mai sa ou tagi atu i lau Afioga i le
Minisita o se vaaiga faamomoiloto lenei Falemai.
O le Falemai lea ua tapuvae tasi i ai Salafai. O le
mea moni o gasegase o le Itu Salega ma le Itu o
Tane ua tafatasi uma i le Falemai i Tuasivi, a o le
mea o lo o tupu afai o le Aso Gafua ua gasolo atu i
le fitu i le taedao e ta le fa i le afiafi e le i oo le tiu i
le fomai. Ua gasolo faatasi atu ai afai o le Fomai
Fiva ua o atu faatasi ai o le mai o le Toto Maualuga
ma le Mai Suka, o atu faatasi ai ma le Mai Nifo.
Ua faapena gasegae, ua faufaulalai gasegase eseese
ae tasi le Fomai, o le Fomai Fiva. E faamalulu atu
i le faafofoga mai a lau Afioga i le Minisita o le
fautuaga molipo ma e valuvalusia aa o le fau i sou
finagalo faamolemole ia lava Fomai. O le Falemai
lea ua tafatasi i ai Salafai. O lona uiga ua tatau ona
sefululua Fomai; a sefululua soo o Iesu o le na
faaolaina, ia sefululua foi Fomai ina ia ola le motu
i Salafai, aua o lea ua ou tau atu e le o se mea e
alofia i lau tautalaga o le mea e moni ma faamaoni.
E tasi le Fomai o le Fomai Fiva ae o atu ai o le Mai
Suka ma le Toto Maualuga, Nifo, mai manava ua o
atu faatasi ai ae le o le Fomai lea o lea mai. O le
mea lea e talsoaga atu ai faamolemole lau Afioga i
le Minisita, avatu sao le Fomai ia o le gasegase. O
lona uiga e tatau ona sefululua Fomai aua o le
Falemai lea ua i ai le ola o Savaii. O le vaiaso na
mavae o Au, o lo o fail au galuega o lo o fai le hall
a le Kolisi o Uesiliana o lo o i ai nei lau au
kamauta ae ua ou sau nei ona o le Fono. Sa oso
faafuasei lou mai o Au e mai nunu, ona ou
taumafai lea i lou auala e momoli Au i le falemai,
fai atu i le Fomai, e lua Teine Fomai o lo o i ai,
faamolemole pe mau anai fualaau nunu, faimai,
Fiu malie lau Afioga a le alii Faipule, o le Falemai
nei e leai se fualaau e maua ai i le olaga atoa.
Faamolemole lau Afioga i le alii Minisita, afai o le
faiga uma ia o Falemai, ua oti uma le atunuu, talofa
e. E valuvalusia aa o le fau ma fautuaina lau
Afioga i le Minisita aulelei, se faa-aulelei uma
tatou Falemai. E le gata i Fomai, a o vailaau e i ai i
totonu o Falemai.
Ona ou oo atu lea i le Minisita o Vaa. Lau Afioga
i le Minisita o lo o faafoeina mea tau vaa, o le a ou
le taua vaalele aua o la e lelei tlee, o el a ou le taua
foi le va o Tutuila ma Upolu, o lo o sologa lelei
pea, a o le service lea e fai i Mulifanua i
Salelologa, talofa e i Samoa talofa e i le atunuu,
oka oka, afia e toe moe ai i i i le po o le Aso Sa e te
toe moe ai i le po o le Aso Gafua, toe moe i le po o
le aso Lua. Na o le alu atu i si tamai pa vaiti oomi
mai oe toe palasi mai, e leilei le omia mai o Au
male au-malolosi, ae ua omia ai mal efailele ma
lana pepe, ee ee ai i i, moe ai ma mai ai toe foi mai
e aumai i le falemai aua ua mai i le mea lea.
Mafua i le a, ua mafua i le leaga o le service la e
fai i o i vaa. O le mea moni lau Afioga i le alii
Minisita e le aoaia lau Afioga, ae fautuaina se i
taulai ane i a tatou vaa. O la e tutu le vaa tele foi
lea o le Lady Samoa, ae fesili atu ae fai mai ua
leaga le afi, ona tutu ai lva lea ae le se i fai i ai se
togafiti. Ou te le ote atu, ae fautua atu i lau Afioga
i le alii Minisita, faamolemole se i alofagia Savaii,
leaga le mea o le luma faatupu if ale, o le taumafai
mai ae tulei atu ona lau atu lea i le falemai avatu e
leai ni fomai, faamolemole ua ou talosaga atu, fai
faalelei tatou vaa. O lo o lupe nei le lafo o
Lualemaga, o le vaiaso o lumanai a o le vaiaso i
ona tua, gasolo le fono a le Ekalesai Metotisi. Joe
Keil, lau Afioga a le alii Minisita ou te famalulu
atu ma ou faamalie atu, a i ai ni ou alofa se i
silasila ifo e ooi le taimi e gasolo ai le Ekalesia lea
ua ifo e oo i le taimi e gasolo ai le Ekalesia lea ua
lelei le tatou vaa. O le isi lea mea, o lo o taulauma
vaa e lua i Salelologa e pipii uma ai le Salafai male
Fotu, ona sau lea o el Fotu i le valu ae nfo le isi vaa
fai mai faatoa saui el sefululua. O le a le mea e le
kiliva lua ai vaa?
Mulifanua i Salelologa,
Salelologa i Mulifanua, Salafai i Salelologa ae
Fotu mai i Mulifanua faapea ona fai, ae nonofouma
i o, ona sau lea o le isi vaa o ela o le a maliliu le isi
pasese lea fai mai e sau le isi vaa i le sefululua. Se
i alofa ifo lau Afioga leaga o ela sa e toesea, a o
faiga a tagata, e matautia tagata faigaluega, ona alu
atu lea o ita nei pei ole a tauvalea ai se Faipule i le
tau aia fua i ai a o lea e afio lau Afioga i le alii
Minisita e pulea tatou vaa. O le fautuaga tautuana
tatou vaa ia. O le mea nei foi o eleele o Salelologa
ma lenei Itumalo ona lau e le Malo, ae a vaai atu i
mea e le fetaui ona tau oso mai lea o le le fiafia,
toeitiiti ona fai fai lea o se vaa ou tuia ia malepe.
O le fautuaga lea i lau Afioga i le Minisita o Vaa.
Faafetai atu i le Nofoa, afai ua sala ale gagana ia
sala ia ia Vala, a o moomooga o le loto ua mafua ai
ona luai atu nei mea.
Ou te talosaga atu i le alii Minisita o Leipa
aemaise a outou Afioga uma i alii Minisita. E
muamua atu i lau Afioga i le Minisita o Leipa, se i
silasila ifo afai o lea ua ou matamata atu nei ua
lelei totogi o el aufaigaluega, i totonu o maota ma
fale, e faalelei totogi, o lo o eliina lua o vai ma lua
o aualatele. O lona uiga, faalelei uma totogi o
leipa ma tagata faigaluega. Pola, ua ou taua lou
suafa lau Afioga i le alii Minisita, ua leva tele ona
e i le Maota lau Afioga i le alii Minisita aulelei, ia
faalelei uma totogi o tagata faigaluega e le gata i
totonu o ofisa ae faapena uma i leipa, tagata la e tu
ma le suo faala ma faatimu ma eli le lua ma maulu
i lalo i le vai faapena, faalelei uma totogi.
Lau Afioga i le alii Minisita o lo o pulea Leoleo
ma Falepuipui. E fautua atu foi ii a tulaga uma
masalo e mafua ona faaletonu tatou Matagaluega, o
le le lava o totogi, o a outou Afioga uma i Minisita
faalelei uma totogi, Leoleo Ulu o Matagaluega a le
Malo, faapea i Faiaoga ma se is ii atu ai ma totogi
o Faipule. Faapea ta ita o le mea nei e lelei totogi,
e le lava totogi o le mea nei o tupe na fai ai
campaign i lenei mea ua tatou i ai nei ma sii faatasi
uma atu ai ma tatou totogi. Tainane ea o e ta lau
mai tupe i fafo e fai ai tatou totogi ia lelei o mea
lava na tau le Malo, peg au pe ea i lug ape tu sao
pet u faapio, o mea lava na a le Malo, o el faasao
faapio faaaveau, o mea lava na e fai e le Malo.
Ona ou oo atu lea i vaega mulimuli o lau lauga.
Ou te faafetai tele i lou Itumalo, i tupu ma ee o lou
Itumalo, faapea foi le mamalu o faletua ma tausi
ma le itupa paia o tamaitai, aemaise foi o le
malosiaga o lou Itumalo. E le o se nofoa fou le
nofoa o le Faasaleleaga Numera Muamua, o le
nofoa ua leva ua laga mai tia sa tama o le Itumalo o
e sa nofoaia ma le au-tuputoa, o lea foi ua ou sau
nei ua ou saofai i le nofoa, e leaga le mea manaia o
le vevela ma le mafanafana o le nofoa nei. Lou
Itumalo e ia tapuai maia laia, tui mai le
mulipapaga, faapea le aufaigaluega faitatalo, pau o
lea, ia maua lou malosi ou te matua lagolago atu i
lo ta Itumalo i upu fai o le atunuu i toton o le
Palemene e ala i le ta nofoa. E le faapea o le a ou
faalue i le nofoa, ae o le a ou faaaoga tatau le
nofoa. Ia manuia le tapuaiga a le Ao o le Malo,
faapea foi le faafogafoga mai a Samoa uma i e
matutua e oo lava i nai fanau ma e o lo o i totonu o
latou tina, manuia le Fono.
Tofa GAFA IOELU ELISAIA
Satupaitea
Filifilia:
13 Setema 1996
Faatauto:
29 Novema 1996
Lauga Faataupou:
21 Fepuari 1997
Lau Afioga a le
Fofoga Fetalai ma le
mamalu o le Maota, o lo o ua tatou i ai nei i lenei
taeao fou i le loto e tasi ma le agaga e tasi ma le
faamoemoe e tasi, e pei ona molia ai i luma o le
Atua i lenei taeao, ua avea ai lau Afioga a le
Fofoga Fetalai e fai ma o tatou sui. Aua sa tofafa
ma tatou momoe, sa le ma iloa pe tua ma ni a le
faamoemoe i lenei aso. I lenei lava taeao fou, o lea
ua maleifua mai lau Afioga a le alii Palemia, ua
maleifua mai foi i le lagi e mama lau Afioga a le
Fofoga Fetalai, ua maleifua mai foi ma alafai i
fanuga lelei le paia i sui mamalu uma o lenei
Maota aemaise foi Samoa ma lana tapuaiga. O lea
ua tuuina atu i le Atua o tatou manao ma
faamoemoega i lenei taeao fou ae tau ia ina ia sisila
mai fofoga alofa o le Atua ma tali mai i la tatou
tatalo ma to se manuia aua Samoa nei, taeao ma le
lumanai. Ae ou te muai taina le vaiafei ma ou
vaisausauina ou paia Samoa. O ou paia faaleMalo, aua le susu o le Susuga i le Ao Mamalu o le
Malo Tutoatasi o Samoa i Sisifo, Susuga i le
Malietoa o lo o ee i lona nofoa vaevaeloloa e
faalogo i ai Samoa, afifio foi Sui o le Fono a Sui
Tofia, afio lau Afioga i le alii Palemia, afifio foi
Minisita o le Kapeneta, afio lau Afioga i le Fofoga
Fetalai, afifio foi sui mamalu uma o le Palemene o
Samoa i Sisifo; afio le Faamasino Sili ma le Ofisa
o Faamasinoga faapea foi Ulu o Matagaluega ma
Faalapotopotoga, aemaise foi o ou paia faale-Tala
Lelei aua le susu o le aufaigaluega paia a le Atua, o
e o lo o talafaauto ma faafaletuluia i lea alaalafaga
ma lea alaalafaga, o e o lo o tatalo tauanau i le ao
ma le po ma nono manu aua manuia o aiga, nuu ma
itumalo aemaise le malo Tutoatasi o Samoa i
Sisifo.
E faapea foi ou paia faale-aganuu aua Tumua ma
Pule, Ituau ma Alataua, Aiga i le Tai ma le Vaa o
Fonoti. Ae tainane foi le faafogafoga tapuai o o
tatou uso i Samoa i Sasae ma lana Faigamalo aua
le afio o le Kovana, afio foi le Sui Kovana, afio le
sui o le Senate, le Fofoga Fetalai ma maota e lua.
O le paia lava aua Sua ma le Vaifanua, Saole ma le
Launiu-na-Saelua ma upu ia Ituau, susu foi Fofo
ma Aitulagi ae tainane foi le afio o le Maopu, o le
paia lea aua le Faleagafulu, o le afifio o alii aua le
Laau-na-Amotasi, susu o le Faatui, auvaa o Tootoo
ma upu i le Manuatele ae tainane foi paia o Samoa
aua
ona
ao-tutafaitoa
ma
ona
tulaga
faalupelupeina. O le paia i Aiga ma a latou Tama,
o Tama foi ma o latou Aiga, Aiga o Tupu, Aiga o
Papa ma Aiga o Nofo aemaise foi faleupolu o
tofiga. O ou paia ia ma ou mamalu Samoa, e leai
lava se tasi n ate gafataulimaiina aua o paia ua
taoto ae ua o se alaoo.
Ia tulouna ia, ae o le a faga tonu le malama ma
vili tonu le ifi a Maina i lou itumalo faapelepele o
Satupaitea, aua le afio o le nofofealoaloai i lo
outou aiga Sa-Asiata, o oe o le vaiti ma le
vaimalae, susu foi le Aiga Sa-Moeleoi, Tavui ma
Gasu, afio foi Tuimaseve ma Faanana o Tama a le
Malo, afio foi Vaolomua ma le Suafa o Lefauatea,
afifio Tapaau ae tainane le mamalu i le Alataua
aemaise foi vaega eseese i faletua ma tausi, saoao
ma aumaga seia oo lava i fanau. Ae e le gata foi i
lea o le aufaigaluega paia a le Atua o lo o nonofo i
nuu o lenei itumalo. Ia avea ia lenei avanoa ou te
faapea atu ai; talofa, Talofa lava. Ua malo le folau,
ua malo le malaga ma le manuia, ua malo foi le
taupeau mai i lena tausaga. O le tala lava a le Tusi
o le faamoemoe lava ua taunuu o le laau o le soifua
lea. Sa tatou taupeau mai i lena tausaga ma le
faamoemoe na tuuina atu i luma o le Atua pe tau i
ni a le tatou folauga. Ae paga le tele ma le
anoanoai o le alofa o le Atua ua faaalia, ua momoli
mai lo outou soifua ma o matou ola, tatou aulia ai i
le manuia le 1997 aua o lona lua lenei o masina o
le folauga. Talofa lou itumalo, e ui lava ina ua fai i
lagi le folauga a nisi o tama ma tina aemaise foi o
fanau pele ona ua afea e le malaga a le maliu ma le
oti, ae tatou te le faanoanoa ai. Aua o le Atua lava
ia e pule tutoatasi i le tino atoa ma o tatou agaga,
ae ia tatou saga faafoi pea le viiga i le Atua ona ua
faia mea sili ua momoli mai le soifua o lo tatou
itumalo ma tatou maua ma le fiafia ai lenei tausaga
fou. Ae e le mafai ona tuua e la outou auauna, e le
mafai foi ona faagaloina e la ouotu auauna e ala i
le faiga palota i le tausaga ua tuanai.
Lou itumalo e, ua ou lagona le moni ma le
faamaoni o lau tofa na tuuina mai. Ua ou
talitonuina le moni ma le faamaoni o la outou
afioga aemaise o la outou faautaga na tuuina mai ia
te Au, ua outou filifilia ai Au e avea ma outou sui
tauva e ala i le faiga palota laitiiti a le itumalo. Ua
sisila le Atua ma tali e tusa o la outou tofa na
aumai. O le aso 13 o Setema 1996 na tali faaaliali
ai le Atua e ala i lona valaauina o Au e fai ma sui o
lo tatou itumalo.
E momoli atu ai lau faamalo ma lau faafetai tele i
le paia o lo ouotu aiga Sa-Asiata faapea foi SaMoeleoi ma Tapaau ma le Alataua ma lo tatou
itumalo; ua faamalo faafetai. O lenei ua ou tulai i
le tofi ae ua na o se auauna lava o ia. Ou te lagona
ou te vaivai ae e malosi ona o la outou tapuaiga ma
le mafuta mai o le Agaga o le Atua.
E le faagaloina foi ia te Au lou fia faafetai tele i le
paia o le aufaigaluega paia a le Atua i totonu o lo
tatou itumalo e tsua o a outou saunoaga
faamafanafana ma faamalosi au ia te Au, aemaise o
la outou tatalo a o sagai atu lo tatou itumalo mo le
faiga-filifiliga. Sa malosi ai lou loto aemaise foi e
lagona ai le pai mai o le mafanafana o le Alii ma o
lenei ua tali le Atua i lo tatou faamoemoe. Ua
faamalo faafetai tele mo mea lelei uma ua outou
faia. E leai se auro po o se ario i lo outou sui, a o
le Atua lava ia e tumu i le sosia ma le tamaoaiga e
sisila alofa i le faia ma le amiotonu o mea uma ma
e faapena foi ona faamanuia le Atua mo lo tatou
itumalo. Lou itumalo e, o lenei ua i ai le Palemene
i ana galuega faasolo. O le tatalo a la outou
auauna, e manatua pea e lou loto le fetalaiga
faalaeiau a Iesu ina o le a afio i le lagi na ia saunoa
ai ma fetalai; ―Ia outou fealofani.‖ O le matua lea
o le aso. Lou itumalo e, a fusia le itumalo i le
fealofani, ona maua lea e i tatou le tino mai o le
alofa. O le tatalo a la outou auauna, ia fusia lo
tatou itumalo i le fealofani. Afai tatou te tutu
faatasi ona malosi lea; ae a tatou fevaevaeai, ona
pau lea. Lou itumalo e, e tata logo pea Masefau
ma fafagu ia te oe lau pele, alo maia le tapuaiga,
tapuai maia ae se i alo atu la outou auauna e
momoli lo outou finagalo aua upufai o Samoa ma
lona Malo Tutoatasi. Ia manuia le tapuaiga lou
itumalo. Ia alofa pea le Atua ia faafualoa le soifua
o outou tama matutua ma tina matutua aemaise foi
o le tapuaiga i le loaloa o lou itumalo, ae se i ou
liliu ane e momoli so tatou sao aua upufai o
Samoa. Tapuai maia ma le manuia.
Lau Afioga a le Fofoga Fetalai ma le mamalu o
le Maota, e fia tuutuu malie atu foi se lagona ma se
manatu o lenei itumalo e faufautua e lagolago ai i
le Faigamalo aemaise foi o nisi o vaega e moomia
e lenei itumalo mo le faaleleia.
O le a ou amata mai i le Minisita o Aoga. Lau
Maota, e fia faamauina le agaga faafetai o lenei
itumalo e tusa ma fuafuaga tuutuumamao a le
Minisita ma le Matagaluega e ala i aoaoga ua
faatauaina nei e pei ona i ai le tofa a le Malo ua
tuuina atu ai nei lana faamuamua i tulaga tau
aoaoga. Ua faamalo faafetai. E vaai ma le totoa i
gaoioiga ma fuafuaga ma polokalame faataooto ua
faia nei aua lava le taumafai ina ia faamalosia pea
tulaga o aoaoga i totonu o Samoa i Sisifo. Ua
manaia le toe fausiaina o le Iunivesite. O le agaga
maualuga o le Malo e pei ona i ai, atonu e manao
ina ia faamalosia ma sueina uma faailoga e
alagatatau ma mafaia e tama fanau a Samoa i
totonu o eleele lava o Samoa nei. Ua faamalo
faafetai le tofa, ua faamalo le silasila mamao aua
fanau a Samoa o lo o lalovaoa. Ae ou te faamanatu
atu, o upu lava e masani ai le atunuu e faapea; ―E
lua lava vaega taua, o le amataga ma le faaiuga.‖
O le fautuaga i lau Afioga i le Minisita o Aoga ma
le Matagaluega, afai ua tapena ina ia saga faaleleia
pea aoaoga a le fanau, faamolemole silasila totoa
ane i le amataga. Ia malosi le amataga o aoaoga a
le fanau, ia lelei poupouina le fanau mo le amataga
o aoaoga ina ia oo mai ai i le ogatotonu ma faasolo
mai ai i le iuga ma oo ai i Iunivesite, ona maua foi
lea o se tasi upu; ―O mea lelei uma o le a tupu ma
maua mai i le iuga.‖ O le agaga lea o lenei
itumalo, ia saga faamalosia ma faaleleia tele pea
aoga a le fanau mai le tausaga 1 seia oo i le tausaga
8. O le uiga o le faamatalaga, ina ia silasila totoa
lau Afioga a le Minisita, pe ua talafeagai le aofai o
tamaiti aoga o lo o tauaveiina e le faiaoga e toatasi.
Afai e 38 po o le 40 tamaiti e tauaveina e le faiaoga
e toatasi, pe ua alagatatau lea numera ona
tauaveiina e le faiaoga e taotasi, ae pe e le tatau
ona tuuina atu nisi faiaoga ia lava e vaevaeina i ai
vasega taitasi ina ia faigofie foi i alii ma tamaitai
faiaoga ona tauaveina o latou tiute ma o latou
faiva?
Maota, e tuutuu atu pea i tafatafa o lau Afioga a le
tamaitai Minisita ma le Matagaluega, pe e le
alagatatau ona fai ni Aoga Faataitai a le Malo?
Aua a silasila ma matauina, o Ekalesia lava o lo o
faia Aoga Faataitai ma o i latou ia o lo o poupouina
le fanau laiti a o le i oo atu i tulaga o le Tausaga 1
e ulufale ai i Aoga Tulagalua. Ou te manatu afai
ae fai Aoga Faataitai a nuu taitasi ia aoaoina ai e
alii ma tamaitai faiaoga, ou te talitonu e tuuina atu
i le tausaga 1 mo le aoaoina, ua matua malosi ua le
tatau ona toe fefefe tamaiti. Ua vaai tamaiti ma
iloa foi lea mea ma lea mea e fai e ala i galuega fita
sa faia e faiaoga. O le talosaga lea pe afai e tau ane
ai le tofa a lau Afioga a le Minisita faapea foi le
Matagaluega, pe e le alagatatau ona faia ni Aoga
Faataitai mo aoga Tulagalua?
O le isi foi itu i lou lava manatu, e lelei foi ona
tatou savavali i lea vaega aua e mafai ai foi ona
faamalosia. O ai lava le tamaitiiti e le mafai ona
auai mai i nei aoga faataitai, e le mafai foi ona
nofonofo i le aiga ona tuusao mai lea i aoaoga.
Aua foi o le a fai si malolosi ma lelei tamaiti na
aoaoina i aoga fataitai pe a oo i aoga i luga nai lo le
tamaitiiti na nofonofo pea i lona fale. Lau Afioga
a le Fofoga Fetalai ma le mamalu o le Maota, o nai
vaega ia e fia talosaga atu ai ma lagolago atu i le
Afioga i le Minisita o Aoga faapea foi le
Matagaluega.
Ona ou oo mai lea i le Minisita o le Soifua
Maloloina. Lau Afioga a le Fofoga Fetalai ma le
mamalu o le Maota, e fia faamauina pea le agaga
faafetai o lenei itumalo o Satupaitea. Lau Afioga a
le Minisita ma le Matagaluega matauina ma le
agaga faagaeetia e ala i le tulai mai o lau Afioga a
le Minisita i le tofi, e te le o tuuaunoaina le asiasia
o falemai i Salafai faapea foi Upolu nei, aemaise
foi o le silasila totoa o lau Afioga a le Minisita po o
a ni mea e fesoaaoni ai i lea falemai ma lea falemai
i Salafai faapea foi Upolu nei, aemaise foi o le
silasila totoa o lau Afioga a le Minsita po o a ni
mea e fesoasoani ai i lea falemai ma lea falemai. O
le a faapitoa lau tautalaga i le falemai o lou itumalo
o Satupaitea. Ua silasila lau Afioga a le Minisita i
le falemai o le itumalo lenei, o se falemai e tele
naunau. Ua uma foi ona saunia le fale lelei e nofo
ai le fomai e pei foi ona maua i le taimi ua sola i le
tausaga ua mavae, o le a auina atu se fomai ae ua
leai lava. O i ai foi le fale ua saunia mo tamaitai, a
o le mea ou te faanoanoa ai lau Afioga a le Fofoga
Fetalai ma le mamalu o le Maota, ua ou manatu i
aso ua mavae i tuaa sa latou tauasaiina mai ma tau
sailiili mai ni nai seleni e tapena ma fausia ai le
falemai lenei o le itumalo. Ae talofa ua tofafa mai
tia nisi. Ua le oo mai le latou folauga i lenei
vaitau, ae ou te faailoa atu na o le tolu lava tamai
potu ua faaaogaina nei i le falemai i Satupaitea. O
le potu e vaai ai gasegase e gasolo atu, o le potu e
fai ai togafitiga ma le potu e nofonofo ma malolo
ai i latou e malaga atu i le falemai ae ua le aoga le
falemai atoa lea sa gapatia ai le itumalo mai aso ua
mavae e tau sailia ni tupe e faatino ai.
Na mavae le afa o Valelia faaleaga uma lenei
falemai. O le mea moni lau Afioga a le Fofoga
Fetalai ma le mamalu o le Maota, e tasi lava le mea
sa ave i ai le faamuamua a lenei itumalo, o le
falemai. E le i malolo, sa amata ona gaoioi ma
faatino ma faaleleia. Ua faafetai foi i le malo mo
ana fesoasoani ma ua maea. Ua ou vaai atu i
tulaga o falemai, e 16 falemai faaitumalo i totonu o
Samoa. E numera 6 le falemai o Satupaitea i le
faasologa o falemai. O le aofai o tagata o lo o
aofia i totonu o le falemai o Satupaitea e 7,627 ma
e tele le numera i lau fua i ai. O le uiga o se
faamatalaga, e silafia ai pea e le Afioga i le
Minisita o lo o faanoanoa pea lenei itumalo. O mai
po o gasegase e ono mafai ona taooto i totonu o
lenei falemai i Satupaitea e 20 ma ona tupu agai i
le 30. A o lea ua ou tau atu ma le faaaloalo lau
Maota, e tusa ua le aoga le falemai. O lenei la o le
a matou soso atu ma le agaga faaaloalo. Lau
Afioga a le Minisita o le Soifua Maloloina, o le
tatalo a lenei itumalo o Satupaitea, faamolemole
sei e alofagia. Pe e le mafai lava ona toe taofia
gasegase i lenei falemai seia faaaoga ai lenei
falemai, aemaise foi o lo o i ai foi tamaitai tausimai
ua lava foi lo latou silafia e mafai ai ona latou
togafitia nisi gasegase, ae se i vagana ai gasegase
tigaina ona tuuina atu lea i le falemai tele i
Tuasivi? Lau afioga a le Fofoga Fetalai, o lena le
agaga ma le faamoemoe o lenei itumalo, se i
faaaoga lo matou falemai aemaise foi e fai si
taumamao o matou ma Tuasivi. E le tofu uma aiga
ma taavale sei tulou, e le mau tupe uma foi aiga. A
tupu mai le faalavelave faafuasei, afai lava la e leai
se seleni o lona ugia ua le mafai foi ona malaga atu
i Tuasivi ma o le a faatalitali loa i le oti. O le
tatalo ma le agaga faamaualalo i lau Afioga a le
Minisita ma le Matagaluega, faamolemole tuu mai
se avanoa e taooto ai gasegase i lo matou falemai e
pei foi ona e saunoa i le ta talanoaga. O le falemai
lona lua lea e pito ia Tuasivi i le manaia. E lelei le
tulaga, e lelei fale ae e leai ma se fale o faaaogaina
i le taimi nei. Aua foi na ona usu mai lava o le
tamaitai tausimai vaai ana gasegase i le itula e 8.00
i le taeao, ta le 4.00 i le afiafi toe malolo ae taatia
ai. Lau Afioga a le Minisita, o le talosaga lena a
lenei itumalo. Faamolemole pe e le mafai ona toe
taofia gasegase i lo matou falemai e laveaiina ai
faigata o lo o tutupu i nei aso?
Maota, ona ou oo mai ai lea i le Minisita o
Galuega. E fia faamauina foi le agaga faafetai o
lenei itumalo e tusa ma galuega lelei ua faia e le
Matagaluega aemaise o le Malo e ala i alatetele e
pei ona i ai alatetele ua uma ona fausia. Ona pau
lava lenei o le talosaga a le itumalo, lau Afioga a le
Minisita, toe tasi lava si tamai auala e maila pe
maila ma le afa. O le auala lea e alu agai i le
matou faleaoga ma tau i le auala autu o le Malo i
uta. E talosaga atu ma le agaga faaaloalo mo se
fesoasoani i le auala lea ona o lo o uia e taavale
aemaise o taavale a le malo o lo o agai atu mo
asiasiga i aoga. Faamolemole o lo o faaletonu le
auala lea. A uma le auala lea o lou itumalo, ou te
talitonu ua leai se isi auala e toe tagi atu ai le
itumalo lenei. Ua maea loa ma ua lelei atoatoa
galuega tau auala e ala i le fesoasoani atu a le
Malo.
Maota, e tasi lava le aoga a le Ekalesia Metotisi i le
motu i Salafai, o le aoga lea e a le Uesiliana. E
faapea foi ona faafetai e pei ona saunoa Taitai o le
Ekalesia aemaise foi o le Pule o le Aoga a
Uesiliana ona o le galuega tele sa feagai ai ma le
Malo, aemaise foi o le Minisita ma le Matagaluega
i le saunia lea ma tapenaina o le malae taalo a le
aoga. O lea matou te toe tatalo atu ai ma le agaga
faaaloalo, toeitiiti lava maea ona matagofie loa lea.
E le i faia ai lava se taaloga talu mai ona tapena
ona o lo o i ai vaega o l o o faaletonu. O le tatalo
atu ma le faaaloalo a lenei itumalo, lau Afioga a le
Minisita se i alofa ma fesoasoani mai ona e vaivai
le Kolisi i Salafai ma le Ekalesia, ae matou te
tatalo atu ma le agaga faaaloalo ona e moomia se
fesoasoani mai le Malo mo le fia faamaeaina o le
malae o le Kolisi e tasi a le Ekalesia Metotisi i
Salafai o lo o i totonu nei o Satupaitea.
Lau Afioga a le Fofoga Fetalai ma le mamalu o
Maota, ona ou oo mai ai lea i le Minisita o
Felauaiga. Ua faamalo faafetai i lau Afioga ile
Minisita e tusa foi ma le fuafuaina ma le
fetuunaiga o sa e lua o lo o femalagaai nei i le va o
Upolu ma Savaii. Ua faamalo faafetai. E ui lava o
nisi o taimi e malosi le tautulei o lo o matou motu,
ae talu ai ona o le taimi tonu lea ua tuuina atu ai le
sa tele o le Lady Samoa II mo lona vaaia ma
faaleleia i nisi o taimi. Lau Afioga a le Fofoga
Fetalai ma le mamalu o le Maota, o lo o i ai lava si
mea o lo o fai ma toatuga i le vaai pea i ai i totonu
o uafu e lua i Mulifanua ma Salelologa. O aso uma
lava i nei vaitau ua matua tumutumu femalagaiga i
le va o Upolu ma Savaii. O le mea lava lenei na
tupu mai ile amataga o lenei lava o le a oo i le
gataaga o tupu pea. E leai se toafilemu i le taimi e
taunuu ai le vaa pe afai o le vaa o le a sauni mo
Savaii. E leai se toafimalie i totonu o le taimi o le
a tapena ai le faigamalaga. E tau tulei mai lava i le
amataga e oo lava i le faaiuga, toetoe lava a
palalasi i fafo, se i tulou, nisi o tama ma tina. O le
amio lava lenei e le o mafai ona tuua ma foia. O le
tatalo la a lenei itumalo i lau afioga a le Minisita,
faamata e le mafai ona i ai se isi suiga o le
fuafuaina o femalagaaiga ina ia aua ne i toe tupu
mai lenei mea? Aua o lo o tupu pea, tupu pea. O
se manatu o lenei itumalo, o se faiga lea e aua ai ne
i toe tupu mai lenei faafitauli. Aua e vaai ma le
alofa i tama ma tina o tupu ma ee o le atunuu. O le
tulaga lea e tatalo atu ai lenei itumalo i se faiga e
foia ai. Afai lava e 300 lau numera, o le a le mea o
le a outou ai fua i o e le o valaauina mai? Ou te
nofonofo lelei lava i totonu o le fale aua e oo lava i
ai. Afai e valaau le numera 300, tulai loa e aveatu
le pepa ma malaga i fafo, ae e le toe i ai se tautulei.
Maota, o nai fautuaga ia ae faamalo faafetai i le
Minisita o Felauaiga mo le fuafuaina o
femalagaaiga i le va o Savaii ma Upolu.
Ona oo atu lea o se manatu i le Minisita o
Faamasinoga. E momoli atu le faamalo ma le
faafetai. Ua matauina ma le agaga faagaeetia
galuega ua tau amata nei. Ua matauina foi e le
mtou tele i Salafai e tai afio atu lava le Minisita i
masina uma e asiasi. E tau mai ai i ina o lo o
manao e tapue ma faaleleia atili mea tau
faamasinoga. I le motu i Salafai, o le fale lea sa
tuu e fai ai faamasinoga o solitulafono lea e pei ona
maua i nisi sui, lea ua fai ai pepa fanau. O le fale e
faatalaloa, e le talafeagai mo se tulaga puipuia
faapea e tapenaina ma saunia ai ni pepa fanau. E
talafegai lava mo faamasinoga o solitulafono. O
lea e tatalo atu ai i lau Afioga i le Minisita ma le
Matagaluega, se i silasila totoa ane i ai. O le mea
lea o lo o tupu nei, o le faamasinoga o solitulafono
o lo o faia solo i maota o faifeau faapea foi nisi o
maota ma laoa i totonu o Salafai. O le mea la e
tupu, e afio mai le Faamasino, saofafai mai ma
resitara laiti i luga ae ee atu ma afifio atu le paia
ma le mamalu o tupu ma ee o le atunuu i lalo. O
lou taofi ma lou talitonuga ua le talafeagai. O le
ala lea e valuvalusia ai aa o le fau i lou finagalo.
Afai o le tulaga lea e tapuvaetasi i ai faamasinoga i
Salafai, ua ao la ona matua faaleleia fale faamasino
i Tuasivi, faamasinoga o soligatulafono faapea foi
le Faamasinoga o Fanua ma Suafa.
Lau Afioga a le Fofoga Fetalai, ona ou oo mai lea
i se tasi vaega. A afio i totonu o le lotoa i
Tuasivi…..
Ua faafetai lava i lau Afioga a le Fofoga Fetalai
mo le avanoa. Ua faafetai foi i lau Afioga a le Sui
Fofoga Fetalai mo le faatuina o le lafo faapea foi
afioga i alii Minisita sa faaluaina faapea foi le sui
usufono mo Gagaifomauga Nu.1. A e afio i le
lotoa lea i Tuasivi, ona e afio lea aga i tai i le mea
o lo o i ai fale faamasino ia e lua, o le Faamasinoga
o Soligatulafono. Lau Afioga a le Fofoga Fetalai,
o se vaaiga e faanoanoa tele ai lenei sui. Aua foi e
muamua lava ona e tau i fale le taua se i tulou. E
pito mai i luma ae pito i tua Ofisa ma le Ofisa o
Faamasinoga ae e le oni fale lelei foi. E le
matagofie. E tatau ona aveese ia fale ae faataatitia
mai na o le Ofisa o Faamasinoga ma fale o lo o faia
ai faamasinoga. Lau Afioga a le Fofoga Fetalai, e
tatalo atu i le afioga i le alii Minisita se i silasila i i
a tulaga. E talosagaina foi ma fautuaina lau Afioga
a le Minisita ma le Matagaluega, faamolemole se
taavale mo le Ofisa o Faamasinoga i Salafai. Sa ou
nofonofo i lou fale i se tasi aso ae alu atu le taavale
a le Ofisa o Lafoga. Na oso atu le tamaitai o le
Ofisa o Lafoga tuu atu le pepa o le VAGST. Na ou
fai atu ua faafetai, ae oso atu ai foi ma le tama i tua
ma tuu atu le tusi. Na ou fai atu, o le a lea tusi?
Na fai mai; ―faamolemole o le tusi mai le Ofisa o
Faamasinoga.‖ Na ou fai atu, ―oi ua fai mai i le
Ofisa o Lafoga la outou galuega?‖ ae tali mai; ―e
leai se taavale.‖ O lona uiga o la e saili lifi solo se
i tulou. O la e sailiili lifi solo i se auala e oo ai i
lea tamalii po o lea failauga po o lea tagata e
momoli i ai a latou tusi. O le talosaga ma le agaga
faaaloalo i lau Afioga a le alii Minisita, silasila
totoa ane i si o tatou motu i Salafai, ma ia taumafai
e faaleleia itu uma ina ia manuia ai faamasinoga a
le Malo.
Lau Afioga a le Fofoga Fetalai ma le Maota, ona
ou oo mai ai lea i le Minisita o Faatoaga. Ua
faamalo faafetai. E fia faamauina foi le faafetai a
lenei itumalo ona o le maemae ma le tofa ua ae i
lau Afioga i le Minisita ma le Matagaluega e
faatinoina ai le tele o mea i totonu o le atunuu aua
taeao ma le lumanai. Ua faamalo faafetai i atiina
ae ua amatalia, o le a faia foi ma atiinae e tele ai
tupe a le Malo o Samoa e faatino ai nisi o fuafuaga
fai mo le lumanai. Ona pau lava lea, e seasea ou
vaai o toe maua ni faamiliga tetele i le mtou tele i
Salafai, a o le ute lea ma le ivi autu o le tamaoaiga
o le popo. Ou te le o ma iloa i nisi itu po o i ai nei,
ae e tatalo atu i lau Afioga i le Minisita ma le
Matagaluega, faamolemole saga faamalosia pea,
aemaise foi o le koko.
Ona ou oo mai lea i le tasi vaega sa faatauaina foi
e le Malo aemaise o le Matagaluega, o le vaega lea
tau le togafitiga o le lega. Faamolemole lau Afioga
a le Minisita ma le Matagaluega, o fea ea ua fai i ai
le lega? O le mea ea ua togafiti na o i latou e
faigaluega i le Ofisa o Faatoaga ae faapefea le
lautele o le atunuu? O lo o tupu pea ma ua fiu lava
faifaatoaga e taumafai faatoaga ae lega lava. Ou te
le ma iloa la pe ua taofia nei ona ua le gafatia lea
foi togafitiga na fai e tape ai pe faaitiitia lea faamai
o le lega. E tatalo atu pea ma tuutuu atu pea i
tafatafa o lau Afioga a le Minisita, se i silasila
totoa ane aua e le matagofie foi le taumafa o le isi i
le talo ae nofonofo le isi. O le agaga o lenei
itumalo ia taumafai e tape lenei faamai ae
faamalosia le talo aua le tasi tamaoaiga tele lea o le
atunuu e maua mai ai tupe.
O le toe tatalo a lenei itumalo lau Afioga a le
Minisita o Faatoaga, faamolemole tautuana ma oe.
O la e alalaga mai Salafai ma fai mai; ―Afai e toe
faataunuuina le ponesi, oka, o le a faateteleina pea
le totoina o le niu. So o se mea e tofa i ai le Afioga
i le Minisita e faia ma le loto maualalo pe afai e
faia le ponesi i lenei tausaga.
Maota, ona pau ia o nai manatu e fia tuutuu atu i
tafatafa o le Malo i Afioga i alii Minisita e
faufautua ai foi ma tapue ai le Malo aemaise foi o
nisi o vaega e pei ona talosagaina e lenei itumalo
mo ni vaega e fia faaleleia.
Ona faauma atu ai lea o sa matou faamatalaga, lau
Afioga a le alii Palemia ia maua pea le tofa mai le
Atua aua le uliina o le sa o Samoa mo lenei foi
lima tausaga. E faapea foi i a outou Afioga i
Minisita, ia maua pea lo outou soifua laulelei aua
tiute ma faiva e pei ona tofia ai i Matagaluega
taitaisi aemaise foi o le lagolago atu i le Afioga i le
alii Palemia. Ia maua foi le tofa paia a lau Afioga i
le Fofoga Fetalai aua le leoleoina o lenei Maota ina
ia saogalemu ma filemu mea uma ae tatou maua ai
pea lelei ma faafoi ai le viiga i le Atua. Ia
manuteleina foi lenei Maota i le paia i sui mamalu
uma o lenei Palemene ae ou ola. Faafetai lava mo
le avanoa.
Afioga LEALAITAFEA TAUAVE TOFA
Itumalo
Faaalalafaga:
Palauli Sisifo
Filifilia:
15 Me 1996
Faatauto:
16 Me 1996
Lauga Faataupou:
18 Iuni 1996
Ou te muamua ona
momoli atu le faamalo ma le faafetai i lau Afioga i
le Fofoga Fetalai o le Maota. Ua faafetai tele mo
le avanoa ua tuuina mai e avea ai foi lenei avanoa e
le Sui o Palauli i Sisifo e faatalofa atu ai ma
faafeiloai atu ai i le faaaloalo ma le ava ma le
migao tele i le tapuaiga a Samoa, aemaise o si ou
itumalo o Palauli i Sisifo.
Ia tulouna ia le tapuaiga a lau Afioga i le Ao
Mamalu o le Malo, Susuga Malietoa Tanumafili II
o le Tapaau Faasisina. Tulouna i Afioga i Sui o le
Fono a Sui Tofia. E fia oo atu foi lau faafetai ma
lau faamalo i lau Afioga i le Sui Palemia ma
Minisita o le Kapeneta. Ua faafetai tele ma
faamalo i Sui Mamalu uma o le Palemene ua aofia
i lenei aso, o Sui na filifilia mai i itumalo taitasi.
Ua i ai le faatuatuaga ua tuuina atu e avea ai ma
Sui i le Palemene ina ia faia mea lelei uma ma
taitai atu le Malo ina ia manuia Samoa i ona tagata
uma. O le mamalu lava lea i le Usoga a Pule ma
Tumua, Ituau ma Alataua, Aiga i le Tai ma le Vaa
o Fonoti, o Aiga ma a latou Tama, o Tama foi ma o
latou Aiga. E avatu le faamalo ma le faafetai i
Matagaluega eseese a le Malo ma Ulu o
Matagaluega i le galuega fita o lo o feagai ma
outou. Ua mavae atu lena tausaga ma ona galuega,
faafetai atu i le aufaigaluega i lo outou le
faalogologotiga ae o lo o outou tauivi pea mo le
lelei o le atunuu ma lona atiinae.
Ou te avatu foi le faamalo i le aufai-pisinisi ma
kamupani uma i totonu o le atunuu. O lo o tua le
atunuu ia te outou. Ua faafetai i lo outou
fesoasoani lelei i le atunuu. Ua matou faatuatua
atu ia te otuou aua le manuia lautele o le atunuu, e
le gata i mea e aumai i totonu o le atunuu ae faapea
foi oloa gaosi i totonu o le atunuu e auina atu i fafo
ua faitauina ai si o tatou atunuu.
Ou te lagona foi i lenei ituaso lou fia momoli atu
o le faaamalo i le Aufaigaluega paia a le Atua,
Susuga i Faafeagaiga ma o latou Faletua. O le paia
lava lea i Ekalesia eseese i totonu o lou itumalo o
lo o latou fita i tuga i le tau faaolaolaina o le ola
faale-Agaga i totonu o lou itumalo aemaise foi le
atunuu o Samoa. Ou te avatu foi le faamalo ma le
faafetai i faletua ma tausi, saoao ma le malosi o le
nuu e oo lava i alo ma fanau.
O lenei taimi, ou te fia faafeiloai atu ma faatalofa
atu i lou itumalo o Palauli i Sisifo i le paia o le
Afioga o Tapaau ma alaalafaga o le nofo a ituaiga
ia Gagaemalae, o le paia tele i le Aiga Sa Levalasi,
o le mamalu ia Falefa ma Faigata ma le Taulaga ia
Faiumu aemaise o Salemuliaga. O paia na o lo
tatou itumalo. O paia lava ia na e tafai ai i le Atua
ma e tua ai i le Atua. O paia ia na e tuu ifo ai i lalo
ou mamalu ma ou paia ae faataalolo ane i Oloitefu
ma Mutiatele ma le Vaipaepae o le mea o lo o
afifio ai Aiga, o lo o alaalatai ai lo la toalua o
Tuato ma Tuitolovaa aemaise o Salemuliaga. O
lau tofa faatupu o lau tofa faatamalii ma lau
faautautaga faa-faleupolu i le sailia o se avanoa mo
le Sui Usufono o Palauli i Sisifo mo le Palemene o
Samoa i Sisifo e pei ona ou maua ai lenei tulaga
faaeaina. E i ai lou talitonuga lou itumalo e, e le
gata ina ou nofo i le Nofoa ona o lau faaaloalo ae o
le manuia o le a maua ai ma se manatu ona o lau
tatalo ma lau tapuaiga. Ou te faapea atu ai ma le
agaga faaaloalo lou itumalo peleina, ia manuteleina
lau tapuaiga. Ia faamanuia tele atu le Atua, ae se i
ou alo ane ia e fai so tatou sao aua le tauaofiaga
mamalu o le Fono Aoao Faitulafono a le Malo o
Samoa.
Ua faafetai atu i lau Afioga i le Minisita o Tupe,
ua faafetai atu foi i Matagaluega uma aemaise o le
Matagaluega o Tupe i le saunia lenei o le Tala o le
Tupe ua tuuina mai nei i luma o le Palemene. I lau
vaai i le Tala o le Tupe lenei, ou te manatu e pei o
le faaaliga lea na oo ia Peteru. Ua tuutuu ifo le ie
ua noatia pito e fa ona sau ai lea ma le leo e faapea;
―tulai ia ina fasi ma ai.‖ O le Tala o le Tupe ua
noatia pito e fa, ua maea ona tapena ma tuutuu mai
i le Maota ma, Samoa, tulai ia ina fasi ma ai. Ona
pau lava le fautuaga a le Sui o Palauli i Sisifo, aua
foi le soona fasia faasaosaoa, aua foi le soona
saosaoa le ai ae fua lelei i pito e fa o le ie. O le ie e
le valu, iva pe sefulu pito ae na o le fa lava pito ua
tuutuu mai. Le Palemene, tulai ia ina fasi ma ai.
Ulu o Matagaluega ma Matagaluega a le Malo,
tautuana e fa pito o le ie ae e le ono pe lima foi. Ia
fasi ma ai e faatatau i le Tala o le Tupe maopoopo
a le alii Minisita ina ia fua i ai fuafuaga a le Malo.
O lou Sui e le o se Sui e sagolegole. Ou te le
manatu foi e faatauagavale i taimi ua tuanai
aemaise o le aufaigaluega a le Malo o lo o alaalatai
mai nei. E i ai mea na ona ou faamanatu atu, aua o
le poto ma le faautauta ua i ai i le alii Minisita ma
le aufaigaluega.
Ou te faafetai atu i le Malo ma ana fuafuaga
tuutuuloloa. A ou vaai i le Pepa a le HRPP, atonu
e ao ona tatou mulimuli ai. O lea ua e faamuamua
le Matagaluega o Aoga ma le Soifua Maloloina.
Ou te matua faafetai atu i le Malo ona ua tepa i nei
itu aua o Matagaluega ia e tatau ona faamuamua i
le tagata soifua. O le aoaoina muamua o le
mafaufau ma le ia silasila totoa ina ia soifua
maloloina. Ua faafetai i le Malo.
Na ona ou fautua atu i le alii Minisita o le Soifua
Maloloina, e le aoaia e Laupua Tamafaiga; matou
te le faatonu atu, matou te le fesili atu foi aua o
lena ua i ina le faautautaga lelei ma le faautautaga
poto i lau Afioga i le Minisita ma le Matagaluega.
O lea ua avatu le finagalo o le Malo e faamuamua
le Soifua Maloloina. E i ai la mea e ao ona
faaleleia ae matou te le faatonu atu le faaleleiga.
Matou te le faasino atu le auala e maua ai le
faaleleia ma le manuia o le Matagaluega aemaise o
le soifua lelei o le atunuu. Lau Afioga a le alii
Minisita, ia manuteleina ou faiva.
Le
Matagaluega, ia outou onosai. Amuia outou ua
avatu i ai le faatuatuaga a le Malo mo le soifua
lelei o le atunuu. Ua le fesili atu i fafo ma ua le
fesili atu i se isi mea, ua fesili atu le Malo i lana
Matagaluega. Lau Afioga i le Faatonu ma le
mamalu o le Matagaluega ia tautuana ma outou. O
la foi e i ai le Falemai i lou itumalo. O i ai ni mea
o faaletonu ia outou alolofa fai ia lelei.
O le Ofisa o Aoga: e le o toe po se lilo ua silafia
uma e le atunuu ma i tatou itu e fia faaleleia. O
mea e fia faaleleia mo le Matagaluega lea e mo le
aoaoina lelei o alo ma fanau a le atunuu. Na ona
ou fautua atu faapena. Matou te le fai atu e fai lea,
ma lea, ma lea, au lava ia le upu a le Malo ua fai
atu o le faamuamua ua tuuina atu i le Ofisa o Aoga
ma le Soifua Maloloina. Lau Afioga i le Minisita
ma le Matagaluega, ua lava ia lea. One word is
enough for the wise. Ua lava le upu e tasi ona taua
lea i le ua i ai le mafaufau, ma le ua i ai le
faautauta.
E tele nisi mea ou te fia tautala i ai i le tamaoaiga
o le atunuu. O lea ua afifio atu Minisita ua tofia
mo le tauaveina o le Malo. Ia outou alolofa alii
Minisita ia faia uma mea e faaleleia ai le atunuu
ma lona atiina ae ina ia tea ai lo tatou toe faalogo
atu i matagivale; ia tea ai lo tatou faalogo atu i nisi
ua faitio ma muimui. Ua lafo atu le faatuatuaga o
le Malo ma ua lafo atu foi le faatuatuaga o le
atunuu ma i matou nei na tofia mai e o matou
itumalo matou te o mai tatou te sii faatasi le avega
ina ia manuia Samoa mo a taeao.
O le lauga lea a Palauli i Sisifo. Ou te faafetai atu
ai i lau Afioga a le Fofoga Fetalai i le avanoa ua e
tuuina mai.
Ia manuia taualumaga o lenei
Fonotaga. Soifua.
Tofa LEANAPAPA LAKI
Itumalo
Faaalalafaga:
Faasaleleaga Nu.2
Filifilia:
15 Me 1996
Faatauto:
16 Me 1996
Lauga Faataupou:
19 Iuni 1996
E muamua ona ou
faafetai atu i lau
Afioga i le Fofoga Fetalai mo le avanoa. Mapu
maia i le fala faasau lau tapuaiga Samoa, ae ua tau
lalo vaa le leo o le auauna, le Sui Faipule o le
Itumalo o Faasaleleaga Nu.2 ona o le faagaeetia o
le agaga i le faafetai, ona o lau puleto ma lau
faaaloalo ua maualuga. Ae ou te le i afe ane iou sa,
e muamua ona ou faatulou atu i le ee tapuai i lau
Susuga i le Ao Mamalu o le Malo, o lo o e mapu i
le see ma e tapuaia faiva o Samoa. Tulou le fala na
aami o Sui o le Fono o Sui Tofia, le Nofoa i lau
Afioga i le Fofoga Fetali. Le fala lafo i luma o lau
Afioga i le alii Palemia, e ui ina e toesea ma le
mamalu o lau Kapeneta, le nofo a too o Sui filifilia
o le Fono Aoao Faitulafono. Ou te le talaleu i le
vaa folafola i auauna a le Atua o lo o nofo tatalo
aua se manuia o Saoa i lona soifua faale-Agaga.
Le fala le see o Pule ma Tumua, Ituau ma Alataua,
Aiga i le Tai, ma le Vaa o Fonoti. Ae tainane se
faafofoga tapuai o Sua ma le Vaifanua, Fofo ma
Aitulagi, Saole ma le Launiu na Saelua, aemaise Sa
i le Manuatele. Le paia i le Laau na amo tasi, le
auvaa o Tootoo. Tama a le Manuatele ma tootoo o
le Faleula. O ou paia na faalanugata Samoa ou te
le toe poupouina faafalemasofa aua ua atoa sao o
tupu i ou maota tapuai ma ou tafai leleoa; talolo ia.
Lou Itumalo e, ua ou faamulita ia te oe, aua e le o
le lauamanu ae o le faamuli o atu e pei o le upu i le
faiva i le gataifale. Aua o oe lava lou ala i malo.
Ua tau i le niusina ae le o le fusiga. Tulouna ia le
afio o Sa Leilua ma le Toalima o alii. Sa Alaalatoa
ma alo o Malietoa ma le Matua, Tuilag ima
Namulauulu, le Maopu Tufuga, le na aimalae ma le
mamalu ia Sapapalii. O ou paia na lo tatou
itumalo, taoto ia ae o se ala ua ola. Tapuai maia
sei faafualafo so ta sao aua taualafoga ua amata.
Lau Afioga i le Minisita o Galuega, e muamua ona
ou faafetai atu ona o le galuega lelei ua amata i le
auala agai i uta i Vaiaata, faafetai. Ae pau o lea o
le talosaga se i faamaea. E manumanu le Sui i le
tele o tupe a le Malo ua faaalu ai, ae a tuai ona
faatino e ono faaleagaina i ni timuga. O lea e
tatalo atu ai le Sui. O le isi vaega, o le auala o si
ou pitonuu o Tapueleele, sei alofa ane e manaomia
le faaleleia ma valitaina. O leisi foi itu o auala i
Aoga Maualuluga, o Vaiola ma Logoipulotu. E
moomia lau fesoasoani ona o lea ua ave i ai le
faamuamua a le Malo i Aoga. E manaomia le
fesoasoani faamolemole i lau Afioga i le Minisita.
Ona ou oo ane lea i le vaega o le Vaipaipa, faafetai
foi. O lea ua uma ona viliina le vai i lou itumalo.
Ua amata foi ona faataatitia paipa ae i ai lona. Lau
Afioga i le alii Minisita, ua faataatitia paipa ae i ai
nisi o aiga e le o oo i ai o lo o moomia le suavai. E
tatalo atu ai ia faamaea lea galuega faamolemole.
A o ou i ai i le vega lea o le vai, e i ai se fautuaga e
fia tuu atu i le Malo i le vaega lea ona ua matauina
ua tele vai ua vili. E fautuaina le Malo ina ia fai se
sailiiliga po o se suesuega maeaea, pe le ono aafia
ai le siosiomaga o le atunuu, pe le matutu ai le
eleele ona oo ai laia pe toai mai se mafuie ma ono
faaletonu atu ai Samoa. O lea e tatalo atu ai i le
Malo, fai se suesuega maea i lea vaega
faamolemole. Aua foi so o se atiina ae lava e fai e
i ai lona lelei, e i ai foi ona aafiaga. O se
faataitaiga, afai o se atiina ae faatoaga o le a ta i
lalo laau, e aafia i ina le siosiomaga. O se atiina ae
lelei e maua mai ai tupe i faatoaga ae aafia ai le isi
vaega. O mea ia e tatau ona tatou suesue lelei i ai
ma fuafua i ai a tatou faiga. O lea e tatalo atu ai
ma fautua atu ai i le Malo i lea tulaga.
O le vaega o le Eletise, o lo o i ai ni vaega o lou
itumalo e lei oo i ai le eletise. Ua tai atu gata, a o
lo o i ai nisi o lo o alaala i isi vaega e lei oo i ai le
eletise. O lea e tatalo atu ai i lau Afioga i le
Minisita se i e tagatagai ane i ai. E tatalo atu foi is
au asiasiga lata mai i lou itumalo i ia vaega tetele
ua uma ona faatino ae le i maea faamolemole.
Ona ou oo ane lea i le Minisita o Falemeli ma
Uaealesi. Lau Afioga i le Minisita, e moomia ni
telefoni i uta i Logoipulotu, Tapueleele, Vaiola,
Vaiaata. E ala ona ou taua ia tulaga, ona o aoaoga
maualuluga ia.
Pe tupu ane se faalavelave
faafuasei i se alo ma se fanau i le Motu tele o
Salaai, ae mafai ona faigofie ona faafesootai o
latou aiga. O nei Aoga e nofo tumau, pe i ai se
faalavelave faafuasei e ono tupu mai, ae ia faigofie
le Ulu o Aoga ma Faiaoga ona faafesootai i matua
o nei fanau. O lea ou te talosaga atu ai i lau Afioga
i le Minisita mo sau fesoasoani vave i lea tulaga.
A o ou i ai pea i lau Afioga i le Minisita o Falemeli
ma Uaealesi, sei e silasila i le Falemeli i
Salelologa. E tagi le loto pe a tilotilo i tama ma
tina o faalala i fafo, ona e laitiiti le potu o lo o i
totonu. O le tele o le fale na faaleagaina e Afa. O
le tulaga foi o lo o i ai, ou te tau atu, ou te ofo i
tagata o lo o faigaluega ai i le taimi lenei i le
vevela toe pumoomoo. A o atu le mamalu o le
atunuu e tele ona faalala i fafo aemaise le taimi e
tala ai le penisione o i i na e momomo ai le loto.
Ona oo ifo lea o sau faamatalaga i le Afioga i le
Minisita o le Soifua Maloloina. Na ou asia le
Falemai lea i Tuasivi e na o le 20 moega sei tulou.
Ae pei ona silafia e lau Afioga i le Minisita o i ina
lena ua fai ma Falemai Autu o le Motu tele i
Salafai. Na ou sailia foi o le Bed occupancy rate o
lo o i ai i le taimi lenei e 90%. Silasila totoa i ai
lau Afioga i le Minisita. E moomia se isi fale mo
le mamalu o le atunuu, po o le le mamalu o le
Motu tele i Salafai. O le 90% lea ou te talanoa atu
ai, ua alaga tatau ona toe fai se isi fale mo lea
faamoemoe. Ona ou oo atu lea i Fomai, e toalua
Fomai tumau o lo o i le Falemai i Tuasivi. E tasi le
Fomai Faapitoa e malaga atu i Upolu i vaiaso
taitasi. O Fomai Faapitoa ia faapea o le vaiaso
lenei e suesue ai toto maualuga ma tulaga faapea, e
tasi le Fomai e alu atu i le vaiaso lea mo suesuega
lea ona sui atu lea o le isi Fomai i isi ituaiga mai.
E fautuaina lau Afioga i le Minisita o le lua lea, e
tasi e alu e taamilo i tua i Falemai ia i Salafai, tasi e
nofo i totonu o le Falemai Autu. A oo la i le po ou
te alofa i alii Fomai, aua foi e galulue i le ao a i ai
ni faalavelave faafuasei e tupu mai i le po, po o ni
mai tigaina e oo atu i le po, e fafagu i luga Fomai
ia. Ou te mautinoa e le o lava Fomai i totonu o le
atunuu, e fuafua i fuainumera na tuuina mai e le isi
uso a Faipule, e 34 Fomai i totonu o Samoa. Ae a
pe a o atu le isi toalua e faaatoa ai Fomai e toafa i
Savaii ae 30 Upolu? O le talosaga lea o lou Sui.
Se i tatou tilotilo i ai pe lava le fa lea mo Savaii mo
lenei vaitaimi. O le talosaga vaivai lea a lou Sui
faafetai.
Ona ou oo ane lea i le Afioga i le Minisita o Vaa.
I le taimi lenei o lo o lelei, e moi o lo o leaga le
Lady Samoa II ae le faitio se isi aua e le talanoa se
isi ma le uamea o le vaa ma tulaga faapea. I le
taimi foi i le femalagaaiga i le va o Mulifanua ma
Salelologa ou te iloa o lo o lelei lava e leai se mea
o faaletonu. Ae pau lava le tatalo, sa fealuai le
Lady i le Aso Toonai na tuu i tua le taimi o le vaa.
E usu mai i Savaii i le 10.00 i le taeao, ae alu atu i
inei i le 12.00 i le aoauli. Silasila lau Afioga i le
Minisita o le tele o le mamalu o le aufaigaluega e
mai Savaii o lo o faigaluega i Upolu nei e fia o atu
e asiasi i o latou aiga i faaiuga o vaiaso. Afai la e
faatoa alu atu i le 12.00 i le Aso Toonai ae e nofo i
le Itu Asau mo se faataitaiga, e taunuu i Asau
toeitiiti po, ona malama lea o le taeao e vave ona
usu mai pasi o le itu lea. O lona uiga e le maua se
mafutaga lelei a lea tagata ma lona aiga. E
talosaga ai toe faafoi i tua taimi o le tatou vaa. Usu
mai i Savaii i le 6 i le taeao, ae alu atu i le 8.00 i le
taeao i inei i Mulifanua. O le talosaga lea i lau
Afioga i le Minisita.
Ona ou oo ane lea i le Minisita o Taaloga o lou
uso o lo o i luma atu o Au. Faamolemole sei e
tagai ane lava e tasi le aso na ave atu ai le masini e
sua le malae taalo o lenei itumalo. O le la ua toe
vaoa, e na ona alu atu sua laau i lalo ona toe ave
ese lea. Se faamolemole sei e tagai ane i le malae
taalo o lou itumalo pe mafai ona faaauau lea atiina
ae lelei aua le atiina ae o taaloga i le tatou atunuu.
Ona ou see ane lea i le Tala o le Tupe 1996/1997.
O lo o ou matauina i le Tala o le Tupe lea na
faataatiaina i le Maota Fono lenei, e nono mai e le
tatou atunuu se vaegatupe e tusa ma le $24 miliona
ma ona tupu e faaauau ai galuega fai. O le tatalo
ma le fautuaga ia te Au nei mo le lumanai ma le
alualu i luma. E le afaina lea vaega ona o lea ua
faataatitia galuega fai a lo tatou Malo i lea vaega.
E taumafai le tatou Malo e galulue i luga e fuafua
tupe faaalu i luga o tupe maua a lo tatou atunuu. O
se fautuaga lea e tuu atu i lea vaega. Aua foi
silasila, o le tatou Debt Servicing lea e aumai i le
tala faatatau o le Tupe e tusa lea ma le $15 miliona
e totogi e tatou i nogatupe ia ua i ai nei, ae o le
tupe lea ua nono mai, e i se mea latalata i le $25
miliona. Afai e fuafua atu i ai, tusa e $10 miliona
lea o le a toe faaopoopo foi i tatou nogatupe ia ua i
ai. O le mea lena ou te fautua atu ai ma le agaga
vaivai, aua a tatou galulue ai faapea, ia e
faatuputupulaia pea nogatupe. Ae a tatou taumafai
e fuafua tupe faaalu i tupe maua, o se mea lelei lea.
O le isi vaega, o lea ou te tilotilo atu i le tala i le
tupe ou te le o maua pe maua mai ni tupe a le Malo
mai Faalapotopotoga Tumaoti nei i tupe maua a le
Malo e faagaoioi ai ia fuafuaga a lo tatou Malo. E
pei la o le vaegatupe lea na aumai i le Kamupani
Vaa i le Malo e fesoasoani mai ai. A faapea uma
la ia Faalapotopotoga Tuamoti a le Malo e
fesoasoani mai, ou te lagona e gafatia lava ona
tatou galulue i le tupe maua a lo tatou atunuu.
O le talosaga foi, i le Afioga i le Minisita sei
silasila ane i le Matagaluea o le Malosiaga Tau
Eletise. Ou te matau ina i le Tala o le Tupe lea e
faataatia, au faaitiitia le tupe maua a le Ofisa o
Tupe ona ua le mafai ona totogi e le Matagaluega
lea se vaega tupe tele, pe tusa ma le $5 miliona. E
talosagaina la le Afioga i le Minisita ma le Malo
sei tagatagai ane po o le a se mafuaaga ua le mafai
ai ona totogi e lea Faalapotopotoga lea vaegatupe
lau Afioga i le Minisita. E momoli atu foi lau
faafetai tele i le faataatiaga mai o le tala o le Tupe i
le vaegatupe lea e ave mo aoga a Ekalesia. E fiafia
le agaga o lou nei Sui, e momoli atu ai le faafetai
tele i fuafuaga a le Malo mo lea tulaga. O lau
talosaga mulimuli e ala atu i le nofoa i le Malo, o
se Sui faaopoopo o lou itumalo. O le lisi palota o
le Faasaleleaga Nu.1, e 2,511, Faasaleleaga Nu.2, e
2,513. E sili tagata palota o Faasaleleaga Nu.2 i
tagata palota o Faasaleleaga Nu.1, ae o lea e lua
Sui. E faapea foi la i lisi palota o le Palota
Taitoatasi ma le tele o isi itumalo. O lau talosaga e
tatau ona sui le tulafono, ae na ona ou faaataata atu
ma tuu atu i le Malo se manatu o lenei Sui. Ia avea
ia lenei taimi e momoli atu ai lau faafetai tele i lou
Itumalo Faasaleleaga Nu.2. O le a foi se tou
faafofogaaga, e faamalie atu, o se taumafaiga
vaivai a lo outou Sui. Ou te faafetai atu i tamalii
ma failauga, faletua ma tausi, saoao ma le malosi o
le itumalo, ona o le filifilia o Au e avea ma o outou
Sui i le Fono a Samoa. Ou te faafetai atu foi i ou
uso sa matou tauva i le faiga palota ua tuanai atu
nei.
Malo tuava faatamalii, e talitonu le
faamoemoe o Au lava o outou foi na.
Tofa LEATUFALE ROY BRUNT
Itumalo
Faaalalafaga:
Sagaga le Falefa
Filifilia:
15 Me 1996
Faatauto:
16 Me 1996
Lauga Faataupou:
19 Iuni 1996
Faafetai atu i lau
Afioga a lde Fofoga Fetalai mo le avanoa mo Au,
le Sui o le itumalo o Saga le Falefa. O le a
faalepalepa ia le paia maualuga o Samoa i lau
faafofogaaga. E muamua ona ou faatulou atu i le
afio o le Ao Mamalu o le Malo Tutoatasi o Samoa
i Sisifo, lau Susuga i le Malietoa, lau Afioga i le
Tapaau Faasisina ma lona faalupega e au i tupu e
fa o Samoa, i lou nofoa vaevaeloloa ma lou fala na
folaloa ma lou tala na atoa e faafofoga i ai Samoa.
Tulouna le paia maualuga i Sui o le Fono a Sui
Tofia, a outou Afioga i Tama a Aiga, lau Afioga
Mataafa Faasuamaleaui Puela, lau Afioga
Tuimalealiifano Vaaletoa Sualauvi II, lau Afioga i
le Aloalii, Vaai Kolone. Tulouna lau Afioga i le
Fofoga Fetalai o le Maota, lau Afioga i le alii
Palemia, e ui lava ina o lo o avanoa le nofoa, ae
faafetai i le agalelei o le Atua ua maua tala o lo o
solosolo manuia le sailiga togafiti mo lona lagi
faatafa ae tatalo, ia taitai manuia mai lona lato i le
tai ma le lato i le ea, tatou feiloai i se aso o i luma.
Lau Afioga i le Sui Palemia ma le paia maualuga i
la outou Kapeneta, lau Afioga i le Tama a Aiga,
Tuiatua Tupua Tamasese o le Taitai o le Itu Agai,
afio o Sui mamalu o lenei Palemene, a outou
susuga i Ulu o Matagaluega o le Malo, faapea
Faalapotopotoga. Faafetai atu mo lo outou gapatia
i galuega lelei o lo o auauna ai mo se manuia o lo
tatou Malo mo a taeao. Le Afioga i le Failautusi o
le Maota ma vaega eseese o le aufaigaluega o lo o
faatautaia le galuega fita mo le sololelei o le
fonotagata a lenei Palemene. Ou te faatulou atu foi
i le aufaigaluega paia a le Atua o lo o faafaletuluia
i nuu ma afioaga ona o la outou galuega tatalo aua
se manuia lautele o Samoa ma lana Faiamalo ae
tainane foi le faafofogaaga i le paia ia Tumua ma
Pule, Ituau ma Alataua, Aiga i le Tai ma le Vaa o
Fonoti.
E faatulou atu foi i o tatou uso i Sasae, aua le paia
ia Sua ma le Vaifanua, Fofo ma Aitulagi, Saole ma
Saleaaumua ma le Launiu na Saelua, faapea foi
Tama a le Manuatele ma Tootoo o le Faleula. O
outou sa ma outou paia le popo na Samoa, e le
mafai e sou leo ona faaitiitia.
E le mafai foi ona faagaloina le tapuaiga a lou
itumalo pele o Sagaga le Falefa, i le afio a ona tupu
ma tamalii, aemaise le uta faalogologo a ona
faleupolu ma tulatoa o le itumalo. Tulouna ia lau
Afioga i le toe Taufanua, lau Afioga Tele ma Loau,
susu alo o Malietoa, lau fetalaiga Nuuialii, Seupule
ma Taogaga, afio le Niu levaea ma Tuimanupo o
Maopu o le Tuiaana, le mamalu ia te oulua le
Tapunuu, Leatufale ma Maotanuu, upu i le faletolu
faapa le tagata fou le fetalaiga ia Laupa. Afio le
aiga Sa Tilialo ma lau Afioga Tilialo, le paia o Alo
o Sina, lau Afioga Patea ma Futialo, susu alo o
Malietoa, le paia ia Taatimu ma Sapau, afio lau
Afioga i le Maoputasi Nonumalo, lau Afioga
Luatuanuu ma Matiu, afio lau Afioga Pula ma
Usoalii ma lou Maopu o Taituave ma Faalogou, le
paia i le Siufanua, le mamalu i le Gautaala, lau
fetalaiga Luatua o le Aitu Tagata ma le mamalu i le
faletolu o Umu, Toetu ma Moenoa. Ou te le
faagaloina foi le itupa o faletua ma tausi, le saoao
ma le aumaga o le malosi o lo tatou itumalo,
aemaise foi le tupulaga talavou ia i latou ua i ai le
aia tatau mo faiga filifiliga. E faapea foi ona ou
avatu le faamalo i Sui tauva sa matou tauva i le
Faiga Palota. Ua faamalo le taalo faatamalii, malo
le taalo faatausala. Ou te faamalulu atu, tapuai
maia, o le a se mea ou te mafaia e avea ma sao o lo
tatou itumalo, ou te tuuina atu ai nisi o fuafuaga
aua le atiina ae o si o tatou itumalo. Ou te faafetai
tele foi mo lo outou faaeaea ma la outou tofa
faatupu ma la outou faaaloalo maualuga ua aumai
ai le faatuatuaga ou te nofoia ai le nofoa o lo ta
itumalo i totonu o le tatou palemene mo lenei
Nofoaiga. O lo outou finagalo malie ma sa outou
faamanuiaga, o le a ou galue ai e avea ma outou
Sui e ave sa manatu ma se auaunaga mo lo tatou
Malo e ala lea i le nofoa o lo tatou itumalo ua ou
nofoia nei i totonu o le tatou Palemene.
Lau Afioga i le Fofoga Fetalai, e ala atu i le nofoa
se talosaga vaivai a lou nei Sui, mo mea o lo o fia
faaleleia o si o maotu itumalo. E muamua ona ou
alanoa atu i lau Afioga ile Minisita o Galuega i le
tulaga i auala e pei ona silafia le alatele lea o lo
taotu Malo o lo o agai atu i Fogaa e oo atu i Nuu.
O loo ua loaloa foi aso o taumafai mai lenei auala,
ma e avatu le faamalo ma le faafetai o lo oua
matauina ua amata le tatou galuega. E pei lava ona
silafia, o lo o faapena ona i ai le Matagaluega o
Faatoaga i Nuu, aemaise foi o le Uaealesi, aemaise
le tele foi o le tatou atunuu o lo o faaaogaina lea
auala. Ia tautuana ma lau Afioga faamolemole, ia
silasila totoa ane i ai mo le tatou galuega, e pei ona
matauina e fai lava sina tuai. Pe tailua pe taitolu
uta a le tatou loli i lea aso ma lea aso. A silasila
foil au Afioga, masalo o lea ua oo i uta le masini,
ae silasila i le agai mai tai, e le o lelei ona fai le
tatou auala, nei alu atu le ta ona toe vave lea ona
afaina. E manaomia le faia ia lelei ia umi se taimi,
ia mafai ona aoga tupe o lo o faaaogaina mo lea
lava auala. E talosagaina foil au Afioga i le
Minisita inaia matua faamafiafia i ai le ta i luga o
le auala ae aua le faamanifinifiina faamolemole
ona o lo o ou Malaga ai i le tatou auala lea. O lea
auala i Tufulele faamolemole, ia alofagia, o lo o
femalagaai foi pasi, e pei ona i ai le auala lea i
Fogaa. O lo o manaomia foi faamolemole lau
Afioga, silasila totoa ifo i ai, o lo oalu atu lava le
auala lena i Tufulele tau i uta i Faleasiu-uta po o
Aleisa. E manaomia foi le faaleleia ona o lo o
toatele i latou i uta o lo o nofoia le auala lea.
Ona ou oo mai lea i le vai. Mo lou silafia lau
Afioga i le Minisita, o lenei foi mataupu, ua leva
tele ona gapatia ai ma afaina ai foi lo matou
itumalo. O le a ou amata atu la i le nuu lea o
Faleula. E pei ona silafia e lau Afioga i le
Minisita, e tasi lava le alapaipa lea e ui atu i le
auala lea i Fogaa o lo o maua ai le suavai i le
pitonuu i Tootoomea i le tuaoi ma Malie i le mea o
loo e alaala ai. E faapena foi i le pitonuu lea e
tuaoi ma Siaosi Palauni i Faleula, le auala lea o el
access road po o le auala-galue. E leai se vai o
taatia ai i ina po o se paipa a le Malo. A manaomia
la le itu lea i Sisifo i Tootoomea, a ia fuafua atu po
o se mea o le 70 i le 80 ofe. A fuafua foi i le isi
itu, e tai tutusa lava fuainumera. E afaina tele si o
matou afioaga po o le tulaga i le manaomia o le
suavai ina ia mafai ona faataatia ni tatou paipa i ina
i auala ia e lua.
Ona ou oo atu lea i le nuu lea o Levi. Masalo o lo
o silasila e lau Afioga, ua uma ona vili le vai, ae ou
te le iloa po o i ai se pamu. O lo o lipotia mai foi
le gapatia o lena nuu i le tulaga o vai,
faasolosologa atu ai i Saleimoa seia oo atu i
Tufulele ma Utualii. O Saleimoa mo lou silafia lau
Afioga i le alii Minisita i le nuu lea o Salepouae i
totonu o le aai, e faale lelei foi le vai i gauta laitiiti
atu. A manomia, o Nonoa e toso mai ai le vai, o se
mea o le 100 i le 150 ofe e toso mai ai le vai ii
faatoa maua ae seasea foi ona sua. E faapena foi i
Utualii ma Tufulele. O le mea lava e tasi pei foi
ona ta talanoa i se tasi aso lau Afioga i le Minisita.
A faapa e faaaoga e le Ekalesia EFKS i le latou
fonotaga, ona afaina foi lea o le vai i Utualii. O lo
o manaomia ina ia mafai ona vili ai se a vai i ina
faamolemole. Masalo o nei mea uma lava, o lena e
silafia e lau Afioga aua o lo o i ai foi se tasi o le
afioaga po o le itumalo o lo o galue i le vai.
Faamolemole lau Afioga se i silasila ifo i ai, e
faale-manuia. A oo i le afiafi ua le maua se vai i
ina i Utualii ae latalata ae lava i le auala talafeagai
i le alu agai i le Malae Vaalele faamolemole lau
Afioga. Lau Afioga i le Fofoga Fetalai, o le a
faauma atu pea le tulaga i le Minisita lea ona o la e
ma te tuaoi i Malie. O Sagaga le Usoga, o lona
uiga e tutusa lava ma Sagaga le Falefa. Ae paga
lea, o lo o taumamao lava le alii ma le tulaga e pei
ona i ai.
Ona ou oo atu lea i le tulaga lea i le eletise i
Faleula faamolemole i le auala lava lea i Fogaa pei
ona silafia o le public road. O le auala e faaaoga e
femalagaai ai le mamalu o le atunuu. A e silasila i
ai lau Afioga, ou te leiloa po o ai na faapipiiina
moli ia pe taifa i le tailima pou faatoa maua le isi
moli. Ia silasila totoa i ai lau Afioga faamolemole.
Na o se talosaga e faataatia atu i ou tafatafa. E le
gata foi i lea, mo lou silafia, e faapena foi i Levi,
agai atu lea i uta, aemaise foi mo lou silafia, mo le
tatou galuega foi lea o le auala e agai atu i Alamutu
i Levi seia oo i Nonoa. O la e ua uma ona faaola
atu i ina i street lights lea e alu atu i le aualatele,
maua le faleoloa foi lea o Aita Ah Wha, a o la e
tutu na o pou ae leai ni uaea leai ni moli e tau i le
isi pitonuu o Saleimoa. Faamolemole lau Afioga,
ia tautuana ma lau Afioga i le Minisita e faataatia
atu i ou tafatafa. E manaomia ni nai moli i luga i le
aualatele, e mataga le Malaga atu o le mamalu o le
atunuu aemaise o nai uso malaga maimoa mai fafo
ae oo mai i ina ua pogisa pei o la e fai ai se maliu.
O lo o manaomia foi se ta moli i luga o le vai lea i
Nonoa e pei ona ta talanoa, ona o lenei le itu. E i
ai le taimi e pe ai le vai, e le mafai ona o pogisa foi
le mamalu o le atunuu i tulaga vae ane le afiafi, e
faamalu po o nisi o fuafuaga pe a oo in ape le moli
ae fia faaaoga o ta vain a e lua i Nonoa. E
manaomia ni pou moli ma faaola ai ni moli i ina
faamolemole lau Afioga.
Lau Afioga i le Fofoga Fetalai ona ou oo mai lea i
le tulaga o le manaomia o ni laina eletise. I totonu
o le auala lea i Salepouae i le ui atu i uta, ua
faamalo faafetai o lo o tutusa ma le lua maila e oo
atu i ai le moli, ae o lo o i ai ni nai aiga i gauta atu
laitiiti lava, pen a o se tolu pe fa ni nai pou e
manaomia e mafai ona au atu ai le moli i ina. O lo
o i ai si tama matua o lo o i ai lona tiute faalegaluega faa-Ekalesia ae leai se eletise e faaaoga e
ia le masini. E masalo pen a o le tolu lava pe fa ni
nai pou ona oo atu lea i nai aiga o lo o i Salepouae
i le agai atu i uta. Mo lou silafia, e faapena foi i le
auala lea i Faleula i le pito mai faamolemole, e le o
fesootai le eletise i le aai foi lea o Aele. Masalo pe
talafeagai foi i se mea o le tolu i le fa pou ona
fesootai lea, o lo o i ai foi ni nai aiga pe toa tolu pe
toafa ae leo fesootai le eletise ma uta atu i Aele lau
Ona ou oo mai lea i le tulaga i auala galue. E ave
atu lava lau faamalo ma lau faafetai i lau Afioga i
le Sui Palemia ma le mamalu o le Kapeneta ona o
fuafuaga e pei ona i ai le faataatiaga o le Tala o le
Tupe ma le latou tupe foi lenei mo auala galue, ae
faasilasila atu faamolemole lau Afioga sei faamau
ane i ina le Minisita o Mataupu Tau Lotoifale, e le
o i ai se auala o lo o le i ai i totonu o le polokalame
lea e manaomia. Ua talosaga mai faamolemole le
amalu o le Ekalesia Metotisi i Faleula. Mo lou
silafia, o i ina i Levaula e i ai le auala e i ai
faatoaga a le Ekalesia agai i uta, o lo o maua ai foi
nisi o atiina ae aua le fofoga taumafa o le atunuu,
tele le popo, fai, taamu ma le talo i ina ae le o lavea
i le tatou polokalame foi lea. Faamolemole sei tuu
ifo i ina sei maua se fa afe mo nai Faifeau o lo o
agai ai i uta i ina faamolemole.
Ona ou oo mai lea i le tulaga i lau Afioga i le
Minisita lea, ae ou te masalo e tuu atu ia i lau
Afioga i le Minisita fou o Faatoaga. E pei ona
silafia si o matou nuu o Faleula o lo o mafatia i le 3
pe 4 lisiti e lei totogia i le sisi Aferika, a ua le iloa i
lau Afioga i le Miniisita lea sa i ai e pei ona taua e
nisi o Sui po ofea tupe sa fuafua mo lemea lea. O
le isi me e fesiligia ai lau Afioga i le Minisita o
Faatoaga faamolemole, po o le a sau fuafuaga mo
le faaleleia foi o lea iniseti pei ona i ai. E
faasilasila atu i lau Afioga i le Minisita e le o le
matou nuu e faafofoaina le sisi Aferika. Masalo po
o Vaitele po o Faleata i Sisifo po o Faleata i Sasae,
a o Sagaga le Falefa. O lo o taumafai uma lava e
ao pe lapoa pe laitiiti - a o le la foi ua toe tele le
polokalame i le tulaga lea lau Afioga e pei ona i ai
lau Afioga i le Minisitao Faatoaga.
Lau Afioga i le Fofoga Fetalai, o le isi vaega lea e
tau faauma atu i lau Afioga i le Minisita o Telefoni
ma Fesootaiga. O lena e te silafia lau Afioga le
tulaga pagatia i le telefoni lea e lau agai i uta i le
auala lava lea ou te talanoa atu ai i Fogaa. E
talosagaina lau Afioga e silasila totoa ane i ai ona e
tai pe lava le telefoni faatolu, faafa pe tai vaiaso foi
faatoa toe ola foi. E le gata i lea e talosagaina lau
Afioga faamolemole ona o le nuu lea e tele foi i
uta, pe a pea fesootai mai le telefoni lea e i uta i le
Ualesi - masalo ou te lei oo atu lava i le Ualesi lea
e i uta atu i Faleula, ae tatau ona e malaga atu i ai
ona e manaomia le faasoo mai i tai i le mea lea e
latalata mai i tai faamolemole.
Lau Afioga o lea ua telefoni Savaii, telefoni
Aleipata, telefoni Siumu a o matou lea e lata mai i
Apia. E talosagaina lau Afioga faamolemole o lo o
i ai ni nai aiga e fia maua ni telefoni. Ona ou toe
faapea atu lea i lau Afioga i le Fofoga Fetalai,
faapea le Sui Palemia ma le mamalu o le Kapeneta.
OU t eave atu lava le faamalo ma le faafeai ona o
le tulaga e pei ona i ai le faataatiaga mo le fuafuaga
o le Tala Faatatau o le Tupe mo le 1996 seia oo i le
1997 lea ua ave i ai le faamuamua mo e soifua
maloloina aemaise le atiina ae o aoga. Ou e
talitonu e ao lava ona silasila totoa lau Afioga i le
Minisita o Aoga talu ai e te le o ii. Lau Afioga i le
Minisita o le Soifua Maloloina aemaise le
Aufaigaluega ina ia mafai ona faaaoga tatau. Ia
ave le faamuamua i le mea e i ai le faamuamua ina
ia mafai ona faaaoga tatau tupe ua tuuina atu aua se
atiina ae manuia mo aoaoga aemaise le tulaga i le
Falemai ia faaleleia e pei ona maua atu i nisi o
tatou Sui ua alu alu a iu ina maliu le mai ae le i oo
mai le Fomai.
E toe momoli atu lau faafetai faapitoa i lau
Afioga i le Sui Palemia, o le Minisita lava lea o
Tupe ona o ni galuega fita i le saunia lea o le Tala
o le Tupe, ma ua lagolagoina foi e lou Sui, le Sui o
Sagaga le Falefa. E pei ona taua e nisi Sui o lo o i
ai si faaletonu i le tulaga o le faaSamoa ma le
faaPeretania ona o fuainumera, ae ou te iloa lava o
lo o lelei lava mea uma e tusa o le galuega fita foi a
le Treasury. Ia ou tea vatu foi le faamalo ma le
faafetai i lau Afioga i le Fofoga Fetalai, e avea ai
lenei itula e avatu ai le faafetai ma le agaga fiafia
ona o le tulaga e pei ona faataatiaina i le tatou
fonotaga, le onosai ma le faapalepale a o faafeagai
i tatou ma le tauaofiaga o lenei Palemene. O le toe
tatalo a le Sui o Sagaga le Falefa ou te aumai le
upu a Iesu e sauna e foi atu i lona Tama. Sa ia
faapotopotoina ai lona Au-soo ma faapea atu, o lau
poloaiga lenei, ―Ia outou fealofani pei ona ou alofa
atu ia te outou.‖ O upu a le Aposetolo o
fefaapelepeleai i le fealofani o uso, ia tausolomua
ona ava le tasi i le tasi. Ia ia gatasitasi o outou
manatu.‖ O se manatu maualuga lea le Sui o
Sagaga le Falefa. OU uso e a faipule, ia tatou
maua le fealofani. Ia ava le tasi i le tasi, ia i ai le
alofa i mea uma tatou te faia ina ia i ai le filemu ia
aveese ia le feitagai ma le tulaga i le feeseeseai e
faafaigata ai le tatou mataupu. Ia manuia tele lau
Afioga le Fofoga o le Fono, lau Afioga i le Sui
Palemia ma le Kapeneta ia aemaise foil au Afigoa i
le Taitai o le Itu Agai, ia aemaise foi Sui mamalu
uma o le Palemene. Ou tea vatu foi le faamalo ma
le faafetai i Ulu o Matagaluega a le Malo aemaise
o Faalapotopotoga aemaise le latou galuega fiata
aua le atinae o lo tatou Malo. E avatu foi le
faamalo ma le faafetai i le Failautusi o le tatou
Fono Aoao aemaise foi le mamalu o le
aufaigaluega e tusa ai ma le taumafaiga ma le
faaleleia o le tatou Fonotaga i totonu o le tatou
Maota Fono nei. Ou te toe valuvalusia lava aa o le
fau i lau Afioga ile Sui taitai, le Sui Palemia lau
Afioga Tuilaepa aemaise le mamalu o le aiga
Kapeneta. Ou te masalo sa faapea faipule uma o
lenei Maota ai te masalo sa faapea faipule uma o
lenei Maota ai e sii o latou totogi, ae matou
vaavaai atu i ai, e leai o le la e tumau i le 1988 seia
oo mai i le 1996. O le mea lea faamolemole lau
Afioga ia toe silasila ane i ai. Ia alofagia e le Atua
lenei taimi o totoe. Faamanuia tele lau Afioga i le
Fofoga Fetalai ia manuia foi le tatou afiafi. Ia
manuia ma ia soifua ae ou ola i le alofa o le Alii.
Afioga LEITUALA TONE TUUAGA
Palauli
Filifilia:
15 Me 1996
Faatauto:
16 Me 1996
Lauga Faataupou:
18 Iuni 1996
Lau Afioga i le
Fofoga
Fetalai,
e
aufaatasi lenei itumalo e momoli le agaga faafetai i
lau Afioga i le Fofoga Fetalai. Ua mavae atu le
malamalama sa faafeagai ai lau Afioga ma le
Maota lenei ma lana fonotaga. Se i toe faafoi ai
pea le viiga i le Atua, ua na toe taitai filemu mai
lau Afioga ma le paia o le Palemene i lenei afiafi, a
o lo o maualuga pea le aoina o le masina, i le
soifua i lau Afioga faapea le mamalu o Sui o le
Palemene ma lenei Maota. Faafetai mo le avanoa
ua tuuina mai mo lenei itumalo, ma e le alu loa le
lauga a Palauli. E tatau lava ona oooo i ona itu
taua a pei foi ona faafofoga i ai le Maota lenei, i
saunoaga ua opea i le Maota a Sui mamalu o le
Palemene.
Muamua, ou te faatulou i le ee tapuai o le Afioga
i le Ao o le Malo, le susuga i le Malietoa, faafetai
tapuai. Ua mavae atu na masina, sa feagai ai
Samoa ma ana faiga filifiliga, o lenei ua ae ma le
manuia faiva sa alo i ai, o lea ua faaalia le finagalo
o le Malo o Samoa ma ona tagatanuu, e i ai lenei
Paeaiga. O le mea lea i lau Afioga i le Ao o le
Malo lau Susuga i le Maleitoa, malo le tapuai.
E le faagaloina foi e lenei itumalo le ee tapuai o le
paia i le Fono a Sui Tofia, Afioga i Tama a Aiga
faapea lau Afioga i le Aloalii. Ua faamalo le
tapuai, faamalo le fai tatalo. Ou te talitonu ana le
seanoa le tapuaiga e le manuia faiva o Samoa.
E le faagaloina foi le faafetai a lene itumalo i le
tapuaiga i lau Afioga i le Faamasino Sili, alii o le
Faamasinoga ma le Matagaluega o Faamasinoga.
Faamalo le tapuai a o alofaiva Samoa i lena masina
ua mavae atu. E le fia faagaloina foi le faafetai a
lenei itumalo o Palauli ia molimoli le agaga
faafetai i Ulu o Matagaluega a le Malo mo le
faatinoina o ana galuega fai. E talitonu foi le
faamoemoe o lenei itumalo, ana le galulue faatasi,
e leai se manuia au i luma o lo tatou Malo.
Faamalo le galulue, faamalo le onosai. E fia
faafetaia foi Ulu o Kamupani, Faalapotopotoga
Tumaoti, Au-faipisinisi taitoatasi, i lo outou sao
aua le atiiaeina o le Malo o Samoa ma ana
fuafuaga fai. Faamalo le tapuai, faamalo le
galulue, faamalo le fesoasoani mai.
E ao foi ona oo atu se leo o lenei itumalo aua le
tapuaiga ia Samoa, o Samoa i Sisifo ma Samoa i
Sasae. Le paia o Aiga ma a latou Tama, o Tama
foi ma latou Aiga, Pule ma Tumua, Ituau ma
Alataua, Aiga i le Tai ma le Vaa o Fonoti,
Faleupolu o Tofiga.
A ou liliu i lea itu o le ta
Faigamalo, le afio o lau Afioga i le Kovana Sili,
afio lau Afioga i le Sui Kovana, afio lau Afioga i le
Fofoga Fetalai, Sui o Maota e Lua.
E le faagaloina foi le agaga ma le mafaufau o
lenei itumalo, le tapuaiga a Ekalesia e fia i totonu o
Samoa i Sisifo nei. Ua faamalo le tapuai, faamalo
le tatalo. E le faigofie la outou galuega i le ao ma
le po. O le a le tali lea ua aumai? A lea ua afifio
ma alaalatai tupu ma ee o Samoa, sa faia i ai le
filifiliga a ona tagatanuu se i atiina ae le Malo o
Samoa. O le tatalo foi a lenei itumalo, ia saga
faatumuina pea la outou utu i le Agaga Paia ina ia
faatumauina ai pea le malosi o le Tala Lelei ma
lona faatinoga i laufanua o Samoa ma ana tama
fanau i le lumanai.
E ui lava ina ua vaeseuga, ua masina foi talu ona
maea le faiga filifiliga a Samoa, ae le faagaloina i
le agaga ma le faamoemoe lou itumalo pele o
Palauli. Lou itumalo, le paia o Faasisina ma Sa
Lilomaiava, le levaleva ia Sa Faleletaua, ma oe
Palauli. O lau ee faafogafoga i lenei po, o le ala foi
lea na tuai ai ona outou faafofoga mai i se leo o la
outou auauna, aua ua le o po se lilo i le
faafofogaaga a Samoa i Sasae ma Sisifo, i itu e fa o
Samoa. E ui lava lou itumalo e, ina ua lofia ou
laufanua i faafitauli o le soifuaga nei talu upufai o
Malo, e le faatuatua itiiti la ouotu auauna. Ou te
talitonu ma lou iloa, o le ta nofoa lenei ua ou
nofoia, ua faiilagi le folauga a ni outou tuaa ma ni
o tatou matua sa asaina le gasu o le taeao e ala i le
nofoa o le ta itumalo, sa leai se laufai e masae, e
leai, leai lava. I lenei vaitau, Faasisina ma Sa
Lilomaiava, o le tatalo i le agaga faamaualalo a la
outou auauna, seu silasila ia i le Atua ma lona
finagalo, seu ia i fanua sou maemae aua ou te
talitonu, o lau tofa o le tofa saili Malo, o le tofa
tautua Malo, o le tofa e tua i ai aiga, o le tofa e teu
ai nuu, o le tofa e teu ai Malo. O le tofa e
faamoemoe i ai le galuega paia a le Atua. Lou
itumalo e, afai o le a sau faafofoga mai i lenei po, o
le ala foi lea o le tuai ona avatu o sau faafetai i le
fofoga o Samoa ina ua maea le ta Faiga Palota. Sa
ou saili i se mea e talafeagai ma alagatatau ai mo
lau faafofogaaga lou itumalo pele, peitai, o lenei ua
faataunuuina i le po lenei. Ua ou manatu i lau ee
faafogafoga ma lau faasausauga i lenei po, e le
mafai ona alu loa le ta lauga ae se i to mai lau pule
ma lau faamanuiaga i lenei po Faasisina ma Sa
Lilomaiava. Lou itumalo e, a umi le ta lauga, e
umi i le agaga o le fiafia ma le faagaeetia ae muliai
so ta sao aua upufai o Malo, o lea o le a e
faafogafoga i ai i lenei po. O le paia maualuga aua
le afio o le alo o Lilomaiava, afio o Sa Laulu ma le
matua o Tauvao, afio o Fuiavailili ma le Aloalii.
Alaalatai lau fetalaiga Lagaaia o le Sao Fetalai,
alaalatai le uso taua ia Tui ma Tapusoa ma le tino o
Manusina, ia tapuai maia. O le paia foi lea ou te
fia faatulou ai i le tapuaiga aua le afio o lau Afioga
i le Faasisina Leleisiuao, afio lau Afioga i le
Aloalii Tualaulelei, afio o lau Afioga i le Fofoga o
Sa Lilomaiava, lau Susuga Salu.
A o se
faafofogaaga aua le mamalu ia te oe Salotalua,
Toluono ma le aiga a le Falelima ma le mamalu ia
te oe le Faleao. Alaalatai oe le matua faapea le
nofoalii. Lou nuu pele o Vaitoomuli, lau ee
faafogafoga i lenei po le paia o Tapaau, afio o lau
Afioga i le Faasisina Niupulusu, afio le Tei ma
Leavaiseeta, afio lau Afioga Tiumalualii, ee
faafogafoga lau Susuga i le Vaovasa, e faapea lau
Afioga i le Aloalii, le Faleupolu ma le mamalu i le
tatou nuu. E le faagaloina i lou agaga le tapuaiga i
le itupa paia o tina ma tamaitai o lo ta itumalo,
faafetai le tapuai. Faafetai lau tautua ua ae malo ai
faiva o lo ta itumalo. Ia saga faamanuia pea le
Atua. Ia tumau pea i le agaga o le fautua i mea
lelei e manuia ai aiga o lo ta itumalo, e faamoemoe
i ai le galuega a le Auta i o outou aao ma o outou
lima. Faafetai foi i alo ma fanau o e sa faatinoina
la latou aia tatau, o e ua aulia le 21 o tausaga,
faafetai le onosai, faafetai le usitai e tusa ai ma le
faamoemoe o Samoa ua mavae atu. O lau faafetai
mulimuli, ou te fia faafetaia le tapuaiga i le
aufaigaluega paia a le Atua i totonu o lo ta itumalo,
le susu o lau Susuga i le Toeaina o le Pulega a
Palauli ma le Falefa. Afio lau Afioga Patele, o lo o
faa-faileleina upu o le ola i totonu o lo ta itumalo.
Susu le aufaigaluega paia a le Atua i fata faitaulaga
e fia i totonu o le itumalo o Palauli. O le tatalo ma
le faafetai a le auauna i lenei po, faamalo fai tatalo.
E le i faigaofie i le ao ma le po a o loloma le
faamoemoe o Samoa i lenei masina ua mavae atu.
E pei lava ona ou tau atu i le taimi ua fano, e ui
lava i fetuatuanaiga o finagalo ma faamoemoe, ae
ou te talitonu, ana le seanoa la outou tapuaiga, ua
maua ai manu, e aunoa ma ni fili matautia o silasila
i ai lo ta itumalo.
Ona ou agai mai lea i le Maota lenei, o lea o lo o
taatia i ou luma fuafuaga faataotooto a le Malo mai
le 1991 lea ua oo mai i le tausaga lenei. E ia te Au
le agaga faaaloalo lava ou te fia momoli atu ai le
faafetai tele a lenei itumalo, lau Afioga i le alii
Palemia, a outou Afioga i Minisita o le Kapeneta
talu ai, seia oo mai i lenei tausaga. Se ua faamalo
le galulue, e le o se galuega e faigofie, o le tofa e
fauao faupo, aua se manuia o Samoa ma a taeao.
O le a le tali lea ua aumai? E talitonu ua
faamanuiaina e le gata i Sui usufono ua sasao atu
nei, le matagofie o auala i Savaii ma Upolu nei ua
maea ona faataina, le matagofie o vai ua uma ona
viliina, ua faamalieina ai le galala o le tele o vaega
o le atunuu. A silasila foi i le eletise, ou te talitonu
ma iloa, o nisi nuu i le gasologa mai ma nisi o
itumalo, sa i ai le faitau ma le ioega, vae atu o lou
gutu ma le afi, e oo mai le gataaga, e le silasila i se
mea e tau o le eletise. A silasila se isi i ai i lenei
vaitau, ua oo lava i tunoa. E mafua i se a? Ua le
faapito ona fai o le galuega. Sa le faapito i
itumalo, o se nuu ma se ekalesia a ua fai le mea
sili. A silasila i le TV, o le manino lava o le TV e
silasila ma maimoa i ai ma vaavaai i ai le tamaitiiti
i Apia nei ma le faagasolo atu i Upolu, ua faapena
foi nuu i tua i Savaii. E ui lava o i ai ni nai galuega
mo le toe faaleleia atili, a o le mau a lenei itumalo
e ala i lou Sui e tautala atu nei vae atu le paia o le
Fono, faamalo le galue, faamalo le silasila ia
Samoa ma lona Malo ma lona atiina ae.
O taligalu, e ese foi le matagofie. E ui lava o se
taimi ona ou tatalo atu lea i lou itumalo e le i oo
atu i ai se fuafuaga faapea, ae o lau matamata i le
taamilosaga i Savaii, e ese le manaia. O le aso foi
ananafi, sa ou aafia ai i se malaga faale-Malo i le
Itu Aleipata, na ou matua matamata ma ou talitonu
ai, faafetai tele le galulue. O faiga faavae a le
Malo sa tulai mai i lenei lima tausaga, faamalo le
galulue. O le aso ma lenei afiafi, o le lauga a
Palauli e le alu loa. Le paia o lena Itu i le afo o lau
Afioga i le Tama a Aiga, Sui a Faipule. Le paia foi
o lenei Itu o lea e afio atu le Afioga i le alii
Palemia ma lenei itu faaupufai. I le talitonuga o
lenei itumalo i lou Sui e tautala atu nei, o a lava
fefinauaiga i finagalo ma faamoemoe, e le gata i
lenei Paeaiga, a o ia Paeaiga ua mavae atu i la
matou faalogologo mai. E i ai le talitonuga, e tasi
lava le mea o lo o tulimatai e le tofa i ina ma le tofa
i inei, ia manuia Samoa, ia manuia lava Samoa ma
ona tupulaga fai mai. O le mea lea, i lenei Paeaiga
ma le gasologa atu i le lumanai, o le agaga foi lea,
ia tatou galulue faatasi atiina ae lo tatou Malo, ia le
mo se viiga o lo outou paia ma lo outou mamalu, a
ia saga faafoi ai pea le viiga o le Atua.
Ona ou oo mai ai lea i le Tala o le Tupe ua opea
nei i le Maota, e le tele i ai se leo o Palauli. E
mafua ona le tele i ai se leo o Palauli, ou te momoli
le faafetai i lau Afioga i le Minisita ma le Kapeneta
mo le tapenaga o lenei tala matagofie. E le i fuaina
i se aso se tasi. Sa fua i le ao ma le po lea ua tino
mai i lona atoaga atoatoa, e matua talia atoatoa e
lenei itumalo o Palauli. O lea la ua ave le
faamuamua. Faafetai i le faamuamua ua i ai nei,
ua ave i le Falemai ma Aoga. S ou faitau atu i se
nusipepa, o lo o i ai se faaupuga faapea e i ai ni
mea ua leiloa mai i le falemai. Ua manaia tele o le
a sii le totogi o le falemai ma le aufaigaluega.
Lau Afioga i le Minisita o lo o fitoitonu i ai lenei
Matagaluega, afai o lea, o mea tonu na o lo o
manaomia, saili ni vaega o faaletonu, saili ni pu
ninii o agai i ai ni tulaga faapena, aua o mea
faapena e ono tuuaiina ai lau Afioga i le Minisita
ma le Malo. E momoli le faafetai i le Malo e tusa
ai ma fuafuaga ua ave ai le faamuamua i le Falemai
mo le siitaga o totogi. A o fautuaga nei a lenei
itumalo. Masalo po o se taimi po o se aso ona afio
atu lea o lau Afioga i le Minisita se i e taamilo lava
i Savaii i tatou falemai. Ua ou talitonu foi, o lenei
lava faafitauli o le leai o ni falemai i itumalo i tua,
e le o se mea fou nei, i la matou faalogologo mai.
O lea Paeaiga ma lea Paeaiga ma lea Paeaiga e oo
mai foi i lenei itumalo, e le uunaia le Malo. Afai
pe moni lau faitau pe mafai ona faasao mai Au e le
Afioga i le alii Minisita, e 32 pe 34 fomai o lo o i
ai nei, faatasi ai ma fomai o lo o fesoasoani mai. A
fua la i ai, e le taitai ona gafatia falemai i tua ona e
i ai foi le talitonuga o lenei tiumalo e tusa ma le
faafitauli ua tulai mai. E tele alo ma fanau o le
tatou atunuu sa aoaoina i fafo i Niu Sila, Ausetalia,
Amerika, ua maua le faailoga o le fomai, ua le fia
foi mai i Samoa. E mafua i se a? Ou te talitonu
ma lou iloa, e mafua lava i totogi. E faapena i
Amerika Samoa, pe toaono i le toalima alo ma
fanau o tamalii foi ma failauga ua see atu i ai ma
galulue ai. E mafua i se a? E mafua i totogi. O le
talosaga lau Afioga i le Minisita, se i silasila ane i
ai, aua a silasila i ai i falemai i tua, e pei foi o lou
itumalo ma Satupaitea, ua uma ona fau lelei
falemai i tupe a le itumalo. Ua uma ona fausia fale
o alii fomai. A o le mea ua tupu, ua na o le fale, a
ua leai se fomai. Ua na o teine tausimai o lo o
galulue ai. E le gata i lenei itumalo, ae faapena ia
Savaii. Ou te talitonu foi, e faapea i Upolu nei. A
o le fautuaga ma le talosaga, se i silasila ane le
Malo aemaise lau Afioga i le Minisita o le Soifua
Maloloina i se fofo lava e mafai ona foia ai lenei
faafitauli ua faatuputupulaia.
A o lo o
faatuputupulaia foi le faitau aofai o le tatou atunuu
i lenei vaitau ma le gasologa o le lumanai. I
Savaii, o le mea o lo o tupu i Savaii, masalo e
molimauina uma foi e nisi o Sui a Faipule le mea o
lo o tupu. O le a lava se mai tigaina mai Sataua, e
le mafai ona togafitia i Sataua, Saftou, Fagamalo,
Satupaitea, Foalalo, Faala i Palauli, e tili lava i
Tuasivi, ona na o Tuasivi lava e i ai le fomai. Afai
pe fai ni asiasiga pe tasi mai le vaiaso pe lua i le
vaiaso, ou te talitonu lava, e le mafai ona foia le
faafitauli. O le mea lea, ou te talitonu foi, o le ala
lea o le faatuputupulaia pea o galuega fai, aemaise
lava i Savaii i Tuasivi, ua avea ma centre o falemai
i Savaii ona o le faafitauli lava lea. Po o fea lava e
agai i ai mea e fai, e tasi lava le tali, e leai ni fomai
i falemai o itumalo. O le mea lea, nei faaumiumi i
lea vaega, ae tatalo atu e faataoto i tafatafa o lau
Afioga i le Minisita aemaise le faafofogaaga a le
Malo sei silasila totoa i ai i se fofo lava e mafai ona
foia ai aua e le faapea e na o se itumalo. Ua
laugatasia atoa Samoa i le faafitauli lea o le leai o
ni Fomai.
Lau Afioga i le Minisita o le Soifua Maloloina, e
na o le pau lava lea o si mea e tatalo atu ai le Sui o
Palauli aua o lea ua faataoto mai nei le Tala
Faatatau o le Tupe 1996/1997 pe fia le aofai o le
aufaigaluega o le Soifua Maloloina, e le gata i alii
Fomai, o teine Fomai, o Ofisa e oo i leipa ma ave
taavale. E mafai foi e lenei Maota ona silasila
totoa i ai e tusa ma le agai i luma e fai fuafua i ai
fuafuaga a le Malo aemaise le Maota nei. E tele
nai vaega ia e fia ave atu ai ni fautuaga i le
Matagaluega lea o le Soifua Maloloina ae peitai ua
utiuti lou taimi. A o le mea sili o lea ua ila atu se
fautuaga a Palauli.
Ae o le a ou see loa i le Matagaluega o Aoga. E
matua talia atoatoa e lenei Itumalo le faamuamua
lea ua ave i le Matagaluega o Aoga e ui lava e le o
faatasi mai le Afioga i le Minisita, a o lea e
faafofoga mai le Afioga i le Sui Palemia ma
Afioga i Minisita. E le toe agai tele foi i ai se
manatu ma se agaga o lenei itumalo, o le mea sili
ona taua ua ave i ai le faamuamua. Ae i lea foi
faamuamua aua o nisi o tagata soifua ma tagata
faigaluega e sii sii lava le totogi ae tele le faiaga. E
pau lava le mea e tatalo ai lenei Sui ma le Itumalo,
ia avea le siitaga o totogi o faiaoga ua taoto mai nei
ma ave i ai le faamuamua, ia fai lena ma fua ma
taiala e lagona ai e le tagata faigaluega e fai foi le
fua aua le fuafuaga ua fai mai e le Malo mo le agai
i le lumanai. Ia lelei ai ona aoaoina alo ma fanau a
Samoa, ae le o le manao e sii le totogi ae le lelei le
aoaoina o alo ma fanau a le atunuu. Faafetai i le
Lipoti a le Matagaluega o Aoga e ui lava ina tuai
mai a o le mea sili ona taua o lea ua silasila i ai lau
Afioga ma le Maota lenei. E pau lava lea o le
fautuaga e le o po lava se lilo e tapuvae tasi lava i
le Ofisa o Aoga i Malifa, le Ofisa Tutotonu o lo o i
ai le Faatonu Sili, Sui Faatonu Sili, o Asiasi Aoga
Sinia. A silasila i Savaii i Falealupo, sa faafofoga
i se po o faasalalau atu ni faiaoga e manaomia i se
workshop e fai i Malifa. A malaga mai e sau i le
pasi i le $5, sau i le Vaa e $6 ma toe foi atu. A o le
fautuaga a lenei Itumalo. Lau Afioga i le Minisita
pe a fai o faafogafoga mai le Faatonu Sili ma ona
faauluuluga, pe le i alagatatau i lenei vaitau ona
faia o se lala o le Ofisa o Aoga i Salafai. O lo o i
ai le Faletusi i Salelologa i le mea o i ai le Maketi
ina ia foia ai ma ia i ai se Faatonu Sili ma se Asiasi
Aoga sei vagana se mea e manaomia ai i inei i le
Ofisa Tutotonu. O lea ua lelei telefoni e fesootai
mai ao le faafitauli lea ua i ai nei e agai mai uma
lava i Malifa. O le fili autu lea lau Afioga e matua
faigata tele auala. Ou te le iloa pe maua ni alauni
pe mafai ona faatupe e le Matagaluega nai faiaoga
nei e omai i tua mai Aleipata, omai Falealupo,
omai le Itu o Tane ae itiiti lava si totogi. A o na
mea uma e tatau lava ona foia pe a i ai le lala o le
Ofisa o Aoga i Savaii e pei foi o isi Matagaluega
lea ua i ai nei isi lala i Savaii. E talitonu lava o le a
fuafua foi le Taulaga i Salelologa, ma o le agaga
foi lenei o lenei Itumalo. Afai ua i ai nei le la fale
tele i le Eleele Fou e faatasitasi i ai Ulu o
Matagaluega, e tatau foi ona i ai se fale faapena e
lima pe ono fogafale e mapu i ai Matagaluega i
Savaii ma ona lala ua i ai nei. O le mea lea o le
talosaga lena e faataatia i tafatafa o lau Afioga i le
Palemia, ou te talitonu e ioe i ai le Matagaluega
aua e foia ai le tele o faafitauli ma feuiuiaiga ae
itiiti lava si mea o lo o talo atu ai faiaoga po o se
interview e le atoa se 10 minute e fai ai i Malifa ma
toe foi ae tele le tupe alu. O le tatalo atu lena pe lei
alagatatau i lenei vaitau ona faia se lala i
Salelologa i Savaii e fai ma centre o Savaii atoa i
aoga o i ai.
Lau Afioga e mulimuli tai lava i le taimi, e ui lava
ina e le i afa nai fautuaga sa fia ave atu ae le afaina
o le a i ai se isi taimi. Ae momoli atu le faafetai
lau Afioga i le Fofoga Fetalai mo le tauaveina o le
tatou Fono e le gata i le malamalama ua tuanai atu
ae faapea foi i lenei itupo. Ia alofaiga e le Atua
maua pea lau tofa aua le taitaiina o le Maota. Ia
alofagia foi e le Atua le mamalu o Sui Usufono i
lena Itu ma lenei foi Itu. Ia tatou maua pea le
agaga e pei ona poloai lo tatou Faaola ina o le a
afio i le lagi – Lau fanau ia outou fealofani.
Afioga LEOTA SUATELE MANUSEGI
Itumalo
Faaalalafaga:
Safata
Filifilia:
15 Me 1996
Faatauto:
16 Me 1996
Lauga Faataupou:
19 Iuni 1996
Faafetai atu mo le
avanoa ua tuu mai e
lau Afioga, ma ou te tulai atu ma le faaaloalo lava
ma le agaga faamaualalo i luma o le Palemene o
Smaoa. Le paia o le Maota lenei ua uma ona
silafia e faatulou atu ai i le Fofoga Fetalai, faapea
foi le mamalu o le Ofisa i le Failautusi Aoao o le
tatou Fono. E faatulou atu foi ile afio o le Afioga i
le alii Palemia e ui e le o afio mai ae ou te talitonu
o lo o i ai lona agaga i totonu o lenei mafutaga, ma
e tatalo ai i le Atua ina ia toe maua le soifua laina
ma le soifua maua i suesuega togafiti aua le
gasegase e pei ona aafia ai. Ia vae atu le paia o el
Afioga i le Sui Palemia faapea Afioga i alii
Minisita, faapa foi le Vaega faa-Upufai a le HRPP,
sui Faipule mai itumalo o lo o faafogafoga mai o si
o tatou atunuu. I lea itua o el malu e faatulou atu ai
foi i le Afioga i le Tuiatua faapea foi Sui Usufono
o le tatou Maota nei o lo o i le vaega faa-Upufai o
le SNDP, faapea foi lenei Itu nai ou uso Faipule
Tutoatasi, le Susuga lena ia Le Tagaloa, le Susuga
i le alii o le nuu, faapea foi le Susuga i le alii
Faipule le Fetalaiga ia Sua Atonio. E le faagaloina
foi le taputapuai mai o si o tatou atunu, le afio o le
Afioga i le Ao Mamalu o le tatou atunuu, le
Susuga ia Malietoa Tanumafili II, faapea Sui o le
Fono a Sui Tofia, le afio i le Afioga i le Tama-aAiga le Tuiatua, le Afioga Mataafa, faapea foi le
Afioga i le Tui Aana, le Tama-a-Aiga le Afioga ia
Tuimalealiifano, faapea le tapuaiga i le Aloalii, le
Afioga ia Vaai. E le faagaloina foi le paia ia le
Usoga a Tumua ma Pule, Ituau ma Alataua, Aiga i
le Tai ma le Vaa-o-Fonoti, Tama ma o latou Aiga,
Aiga ma a latou Tama, aemaise foi paia i o tatou
uso o Malo i Samoa i Sasae le afio o le Kovana Sili
ma le tapuaiga, faapea vaega atoa o lo o
faamasinoa le faamalosiina o Tulafono o le
Faigamalo o Samoa i Sasae, faapea foi le Afioga i
le Faamsino Sili e faauluulu i ai le faamasinoina o
Tulafono - le vaega o Faamasinoga, aemaise le afio
o le Peresetene o le Senate faapea foi Sui mamalu
o le Senate o Amerika Samoa aemaise le Fofoga
Fetalai o le Maota o Sui o le Malo Amerika
Samoa. O le paia lava ia aua Saua ma le Vaifanua,
Fofo ma Aitulagi, Ituau ma Alataua, Saole ma
Saleaaumua aemaise upu i le launiu na saelua. I
tulaga foi i le tapuaiga a Tupu ma Ee o Samoa o lo
o afifio ma papa aao i Niu Sila faapea Ausetalia
aemaise Amerika ma isi vaega o le lalolagi. Ou te
talitonu o lo o faapea ona tui mai le mulipapaga. O
lo o outou susue pea le faamalama ma e tagatagai
mai i Isaraelu nei. Faafetai atu i le tapuaiga i le
itupa o Tina i le tulaga o le aafiaga o le tau atiina
ae o le tatou atunuu, aemaise le vaega uma o
Saoao, Faletua ma Tausi, ma le malosi o le tatou
atunuu. Ou te talitonu o lo o i ai foi le tapuaiga o
alamanuia faaleagaga e le mafai ona ou le oo i ai,
le tapuaiga lea i Ulu o Ekalesia eseese o lo o
faapea ona faafaletuluia i le talaiina o le Talalelei
aua se manuia mo Samoa. Ou te talitonu e i ai foi
lenei avanoa ou te faafetai atu ai i lou itumalo i
lana tapuaiga. Le paia lava lea i le Aiga Sa
Tunumafono, Falefa o le Uluga Tanifa, faapea le
Faasuaga o le Aiga, Tapaau na Tausi o le Alataua,
le mamalu i Taulauniu ma Aitu tagata, faapea le
Alataua ma le nofo a Tula ia Safata. E leai o oe o
lou Itumalo ou te mitamita ai, aua e a? Aua leaga
sa alu lau lama o se lama alili, ae a‘e mai o le papa
alii. Faafetai o la outou pule lea.
Ou te faafetai ai foi i ou uso sa matou tauva,
aemaise le afio le Afioga ia Palusalue ua ma
nonofo nei i le Nofoa na lua o le matou Itumalo. E
le faagaloina foi le Afioga i le Minisita le Afioga ia
Pule Lameko sa tauasaina mai le Sa o le vaiulaula
aua se manuia mo lo matou itumalo. O lea ua lua o
matou Tofi o lo oi ai i le vaega lenei, ma ou te
faamalo atu ai i lau Afioga Pule Lameko e tusa ma
tulaga uma na e aafia ai i totonu o lo tatou itumalo
aemaise le atunuu e pei ona e punouai ai ma tautua
i tulaga eseese sa aafia ai lau Afioga. Faafetai atu
foi i le Afioga ia Leaana ma le Afioga ia
Tunumafono, o lo o lava pea le faatamalii ma le
faatupu i tulaga o aafiaga e tusa o le Faiga Palota
na se i mavae atu nei. E ui lava i lea, po o a lava
tulaga o se faaviiviiga po o se faataatiaga o manatu
folasia, ou te talitonu lou itumalo, o lo o outou fia
faafogafoga mai i so tatou sao aua le Tala o le
Tupe, o le lufilufiina o le afu sisina ma le afu toto,
le malosi o lo o faapea ona outou faaaluina ma
tuuina mai e tusa ai o fuafuaga faatulaga a le Malo.
O le tulaga muamua o se folasaga. Sa ou ala ae i
le taeao nei sei tulou lava le paia ma le mamalu o
le faafogafoga a le atunuu aemaise lau Afioga a le
Fofoga Fetalai, na ou lauina le tusi o le faasolo aso
faitau tusi o le Tusi Paia i le galuega a le Au
Aposetolo, o le tusi lea o Galuega. Sa i ai se
folasaga i lona Mataupu e 2 fuaiupu e 4 e faapea:
―Ia faatutumuina outou e le Agaga Paia, ia
faagaganaina outou i gagana eseese aua e pei ona
faatulagaina mai e le Agaga le gagana ia te outou.‖
O lea la lau Afioga i le Fofoga Fetalai, o taiala na o
lau folasaga o le a tuuina atu e tusa ma le
faafogafoga a lau Afioga aemaise le mamalu o le
Maota.
O le tulaga i totonu o lou itumalo e faatalosaga
atu ai. Muamua, i le Afioga i le Minisita o
Galuega lau Tofa Leafa. I le taimi nei, o lo o i ai
se tulaga faaletonu o le vaipaipa a le itumalo o
Safata, aafia ai ma se vaega o Siumu, aemaise fasi
fanua ia po o pitonuu ia o lo o i ai lau atiina ae,
faapea foi ma Sinalei, le Coconut Beach ma isi
atiina ae faa-Turisi. O le aafiaga lea o le vaipaipa,
e tatau ona togafitia nei lava. E le faapea e faapolokiki pe faa-vaega se talosaga ona o le soifuaga
o tagata uma. O le vaipaipa lea, o lo o faaaoga ai
paipa faa-asbestos. O se tulaga faaletonu lena o lo
o i ai. Ua leva tele ona faaaoga. E faatalosaga atu
ai male faaaloalo lava i lau Afioga i le Minisita e
ala atu i le Fofoga Fetalai, faamolemole, o le upu
papalagi foi lea o le lethal, o se tulaga faaletonu, e
aafia ai soifua. E le gata o le paia ma le mamalu i
pitonuu o le itumalo o Sa Asomua ma Aiga,
aemaise le itumalo lenei e amata mai i Fusi seia oo
atu i Siumu. O lea e faatalosaga atu ai ma le agaga
faaaloalo lava.
O le isi talosaga i totonu o lo matou itumalo, o
lena ua uma ona folasia atau e le Afioga i lou uso a
faipule ia Palusalue. E faamalo atu i lau Afioga le
tomua, o le tuuina atu o talosaga manino aua le alu
i luma o le soifua mauama le soifua tausi o lo tatou
itumalo.
O le isi talosaga, e talosaga atu i lau Afioga i le
Minisita o Aoga, e ala atu i lau Afioga i le Fofoga
Fetalai. O si o matou faleaoga i lo matou nuu lea o
Mulivai, ua faaumatia e se afi se i tulou lava. O se
tulaga faafuasei. Ua uma foi ona logo le Faatonu
Sili o Aoga ma o lo o ua faailoa mai e mafai ona
maua se nonogatupe e fesoasoani faapitoa mai i ai
le vaega o Aoga. A o le faalavelave, ua ou matau
atu i le tatou Tala o le Tupe, talu ai ona o lea e ave
agai i ai le faamuamua se pei lava o le vaega lea o
lo omisi mai i le tatou Tala o le Tupe: o se
vaegatupe foi lea mo faalavelave faafuasei. O
faalavelave e le i tutupu mai ona o se lape e auala
mai i nuu ma afioaga, a o se tulaga faaletou na
auala mai ona o le sese o le puleaga po o le sese o
le faatinoga o galuega a e o lo o faigaluega ai i
toonu o le vaega o Aoga. O lea ua uma ona
faamaonia, e leai, o le Susuga i le faiaoga na
faatonuina tamaiti aoga sei tuou lava e susunu le
lagomeli pe faaasu le lagomeli, a ua o atu tamaiti
ua susunu, vae atu lava, ua mu atoa ai le faleaoga.
O lea la, e pei o lo tatou nonofo ai ma fai a tatou
faigamea i auala po o tulaga faa-faavae i nuu ma
alaalafaga, o afioaga latou te faia o latou faleaoga
ae faamoemoe i le Ofisa o Aoga po o le
Matagaluega o Aoga latou te faatinoina le tuuina
atu o faiaoga ma latou faagaoioiina. E pei lava ana
faapea e logoina e le Pule Aoga le Komiti o le
Faleaoga, a mu lava si o matou fale, e mu i o
matou lima, matou te onosai lava e fai. A o le mea
lea, ua faaletonu, ua fia sina sasi o le faatinoga po
le puleaga i lea tiami o e o lo o faigaluega i le
vaega o Aoga o lo o faiaoga ai i tua, tulou lava.
O le isi tulaga o el talsoaga i lau Afioga i le
Minisita o Galuega, faamolemole e auala atu i lau
Afioga i le Fofoga Fetalai, o le tatou auala taavale
lea o lo o oo atu i tua. O le auala taavale lenei, mai
lava i Lefaga seia oo atu i Safata i Mulivai, e fai
lava sina manifinifi o le ta. Ua timu soo tele ua oo
ae i luga le tulaga tuai lea sa i ai muamua. E
faatalosaga atu ai i lau Afioga, faamolemole lava
lau Afioga i le Minisita.
Ona ou oo atu ai lea i le Afioga i le Minisita o
Felauaiga. E leai, o lea lava ua ou faia lau
fautuaga, tuu sao atu i lumamea lau talosaga. E i ai
si a matou Malaga, o le autalavou a si o matou
itumalo e fia o atu i Tutuila i lalo i le vaa lea e
fealuai i le va o Samoa i Sisifo ma Amerika
Samoa. E a pe a faapau teisi mai sina pasese se i
matou Malaga ai. O atiina ae lava e fuafua agai i
tupulaga o lo o soifua ae i tua i si o matou pitonuu.
Ona ou oo mai lea i le tulaga o le tatou Tala o le
Tupe. I le agaga faaaloalo, o le manatu po o se
vaaiga a le Sui mai Safata e tusa o le tatou Tala o
le Tupe pei ona tuuina mai, e momoli atu le agaga
faafetai i tapenapenaga pei ona i ai nei i luga o le
Laulau-a-Fono. E moomia lava se faamanino, se i
fuafua lava i ai faamolemole lau Afioga i le
Minisita o Tupe, lau Afioga i le Sui Palemia. Se i
faamanino mai lava le otootoga lenei. E faalemaua i ai se malamalamaaga lelei i lou nei Sui, e
avatu ai se fautuaga. A o le tulaga o loo i ia i lau
matau, e fia tuuina atu pea pei lava ona sunoa se
tasi o Sui. O le agaga mama lava ma le tagatagai
agai i fuafuaga o le soifuaga i totonu o lo tatou
atunuu, e tatau ai ona faatulai atu ni manatu e
faatupu manatu foi i lau Afioga.
O le a taatia ii le tulaga, o lo o ou vaai e fia tuu
atu ai se manatu. A o le mea muamua o lo o ou fia
tautala i ai e tusa o tulaga faale-aganuu o lo o aafi
aia si o tatou atunuu, e fautua atu i lau Afioga i le
Sui Palemia, faapea lena itu o le malu. E a fa ae
toe fai se iloiloga o le tatou Faavae ina ia teo Iloilo
totoa i ai le atunu i lo tatou Faavae ina ia o gatasi
tulaga o nei vaitau. Na o se manatu lava e tuu atu i
ina, aua e tatau ona faatinoina se tulaga ae le i oo
mai ni tulaga le manuia i totonu o le tatou atunuu
aemaise o le vaaiga o a tatou meatotino ma le
faatinoga o tatou aafiaga. O el vaega foi e pei ona
i ai se vaavaaiga e tusa ai o le Vaega 99 o le tatou
Faavae, o ela o lo o i ai le tiute a le Suetusi Sili e
tatau ona tuuina mai i luma o le Maota lenei.
Faafetai mo le avanoa ua toe tuuina mai e lau
Afioga i le Fofoga Fetalai faapea foi le paia lasilasi
o le tatou Maota Fono nei. Faafetai i le alofa o le
Atua ua faapea ona toe faasaoina mai lo outou paia
ma lo outou mamalu, aemaise lau Afioga i le
Fofoga Fetalai, o le a toe faaauauina tatou
Taualumaga mo le manuia o Samoa.
Sa gata mia lau folasaga lau Afioga i le Fofoga
Fetalai, i le tulaga o le faatalosagaina o le Afioga i
le Sui Palemia i le tulaga foi o le tiute o lo o faapea
ona moomia e le tatou Faavae, le Vaega lea 99 i le
tuuina mai lea o talosaga po o lipoti faale-tupe e
sueina e le Susuga i le Suetusi Sili. E leai e le
faataumatataoina a tatou matafaioi. Na pau o le
mea o le tuuina atu o nai fautuaga it ala ane o lau
Afioga. Afai e finagalo i ai, faafetai. A o le tulaga
e fia oo atu i ai lau lauga i lenei taimi, o le vaega
lea o faamanuiaga a lo tatou Maota nei i le tulaga o
totogi. O le matau a lou nei Sui e tusa ai o
faatulagaga i totogi o le Maota nei nei mea ua sese
lau matau i fuainumera ua i ai tulaga foi ua
feeseeseai ai fuainumera ua faamauina i totonu o le
tatou Tala o le Tupe. A faapea e sao lau matau, ou
te matea o totogi o le tatou Maota nei o loo
faatalosagaina i le Tala o le Tupe, o Faipule o le
Maota, o totogi ma alauni, a tuufaatasi, ou te
masalo o le a maua ai le $18,000. E $17,000
faaopoopo i ai ma le tulaga o nisi faamanuiaga.
Nei sese lava lau faitau e pei ona ou tagofia, o
totogi ia o lo o ou matau atu nei i ai i Sui po o
Failautusi faa-Palemene i totonu o Matagaluega e
fesoasoani i Afioga i alii Minisita, e $40,000 i le
tausaga lea ou te matau atua. Ina nei mea ane ua
feeseeseai fuainumera e pei ona ou talsoaga atu. O
le tausaga lea na tea atu nei ma le faatulagaga, e
$4,000 le faatulagaga po o le alauni faaopoopo i
totogi e $15,000. O lenei ua tele lenei siitaga pe
afai o le fuafuaga tonu lea. Ou te fautua atu ai i lau
Afioga i le Minisita o Tupe e auala atu i lau Afioga
i le Fofoga Fetalai, faamolemole sei toe tagai ane.
Afai ua sese, ia faasao ane le tatou fuainumera.
Afai o lea, e pei lava ua fai sina loloto o le siitaga.
Ai o se isi o le vaega lea na maotu tutoatasi na
tauanau gata a ua tuu i ai se siitaga lapoa, se i
faamolemole, se i tau mai le tagata lena o lo o
finau gata. E ui i lea, na ona tuu atu i ina i lau
Afioga se i silasila totoa i ai.
Faafetai. Ona ou see atu lea i le Komisi e Pulea
Tagata Faigaluega a le Malo. E pei o le faataatiaga
a lau Afioga, e sa lava i le tulaga foi pei ona e
saunoa ai i le otoootoga o le tatou tupe. Na ona
fautua atu, se i tagai ifo, nei mea ua tatou manao i
le ia ae faaletonu ai le upega, i tulaga foi o le
faatinoga o le Komisi faapitoa lea e pei ona fausia
mai i totonu o le tatou Faavae. E moni lava e
taugata le faatinoga o tiute e pei ona i ai nei, o le a
faatofusia ai ma vaevae ai le puleaga a tagata
faigaluega. Sei tagai totoa ane i nai tagata
faigaluega, e leai se isi e sulufai i ai.
O le tatou faa-Kamupaniina po o le
faatuusaolotoina lea o nisi vaega o le tatou Malo, e
faaletonu le faatulagaga lea ae ou te matea e ala
ona lape le faatinoga ona o le le faatulaga lelei o le
puleaga. Na ona avatu o se fautuaga faamolemole,
toe tagai ane le tofa mamao i lau Afioga, i lena itu
o le tatou Faigamalo, ia faapea ona tagatagai totoa i
ai e tusa ai o lea faamoemoe. O le puleaga a le
Maketi Fou lea ua fuafua e tuu atu i se tasi o
Faalapotopotoga Tumaoti, o le sulufaiga lea i
faalavelave faafuasei. E fautua atu, na o se
talosaga, e a pe a faamaoti foi se puleaga e vaaia le
Maketi Fou, e pie o le tulaga o lo o i ai le tatou
Malae Vaalele ina ia maoti lana vaaiga i ona tagata
e faatinoina.
Faafetai tele i lua Afioga i le Fofog Fetalai,
faafetai foi i lou uso a faipule lau Afioga Sua. Ona
ou oo mai lea lau Afioga i le Fofoga Fetalai i le
tulaga o tatou laisene o pisinisi o lo o faafoe ai le
faiga o tatou pisinisi aemaise lava le tuuina atu lea
o laisene i Kamupani o lo o i fafo. Ou te fautua atu
i lau Afioga i le alii Palemia faapea foi le Minisita
o lo o aafia tonu i lea tulaga, sei tagai ane i lo tatou
atunuu o Samoa i Sisifo e tuu ifo i ai le faamuamua
ona avatu lea o ni avanoa i fafo i nisi o lo o
faatalosaga mai i atunuu i fafo i tulaga o lo o fia
aafia ai.
Ona tatou oo atu lea i le saogalemu i luga o
alatetele. E pei lava ona matau atu, e talosaga atu i
lau Afioga i le Minisita o lo o feagai tonu ma lea
matafaioi e al aatu i lau Afioga i le Fofoga Fetalai.
Ua tele lava tulaga faaletonu o ia tulaga e pei ona
aafia ai le toatele o le paia ma le mamalu o le
atunuu i lo latou saogalemu aemaise i totonu o le
tatou taulaga i le faatinoina o pasi o lo o feoai ai le
paia ma le mamalu o le atunuu. E a fa pe a
faataatia lelei itula ma taimi e feoai ai pasi faapea
foi mea o lo o tatau ona ave ai a latou pasese i le
paia ma le mamalu o le atunuu. Lau Afioga, e tele
lava tulaga pei foi lona matau atu i le saogalemu o
ia faatulagaga i atunuu i fafo, e mafai lava ona
tatou faataatia se faatulagaga lelei aua le
saogalemu o le atunuuu. E le gata i totonu o le
taulaga nei i Apia ae faapea foi i fafo i alaalafaga i
tua faapea foi le Motu tele i Salafai.
Ona oo mai lea i le Ofisa o lo o tausia lo taotu
saogalemu, le Ofisa o Leoleo. E tele lava tualga i
faafitauli o lo o i ai i le saogalemu ma le tausiga o
faatinoga o matafaioi a le Ofisa o Leoleo. Ua tele
foi faalavelave e tutupu mai i le taumafaiga lava o
le vaega lea mo le tausiga o le tatou filemu, pei ona
tutupu mai i le tele o alii o lo o auauna i lo tatou
Malo. Ua faaumatia lo latou soifua talu ai le le
lava saunia, e oo lava i o latou laei e faatino ai le
galuega, e fai lava sina faaletonu, am le puipuiga o
i latou mo lo latou saogalemu. Aua so o se taimi e
tuu ai le toniga, laei faa-leoleo, e i ai lava isi tagata
le taupulea, o lo o faapea ona i ai le agaga e saili i
se mea e faaletonu ai foi se vaega o si o tatou
atunuu o lo o taumafai e puipuia le saogalemu. O
le tulaga e pei ona aafia ai nei si o tatou atunu i le
tele o soifua o alo ma fanau faapea foi le paia
lautele o lo tatou atunuu i le pule i le ola se i tulou,
o tulaga ia e tatau oan galulue faatasi i ai le pule a
alii ma Faipule, faapea ma Ekalesia o lo o i ai i
totonu o afioaga aemaise le Malo, faapea foi le
vaega o Leoleo. E ao ona fausia se fale ogatotonu
po o se ofisa ogatotonu ina ia maua ai se toomaga
o tagata faapenei; tagata ua fia
maua se
fesoasoani. O lea e talosaga atu ai e ala atu i lau
Afioga i le Fofoga Fetalai, ina ia tuuina atui le
Afioga i le Minisita o lo o feagai tonu ma lenei
mataupu ina ia faatulaga mai se polokalame lelei.
Ona ou oo atu lea i le tulaga o lo o ave i ai le
faamuamua, aemaise le vaega o aoga. E moni
lava, o i o lo o i ai le faamoemoe o le atunuu,
ailoga e i ai se isi e auese ai. O le tulaga taua lava
lea o lo o ou matauina, o le tatou tupe o lo o
faamoemoe mo le faatinoina o le matafaioi lea.
Afai e laitiiti le tupe lea ua tatou faamoemoe e ave
i ai i le tausaga nein a i lo le tausaga ua tuanai,
faamolemole lau Afioga i le Sui Palemia, sei e toe
tagai ane. Ia faatele se tupe aua le totogi o e o lo o
faatinoina aemaise foi o nei polokalame, lea e
matau atu o lo o ave le faamuamua agai i aoga i….
Faafetai. O le vaega o le Iunivesite ma tulaga o le
aoaoga o le Gagana, o Samoa ma lana Aganuu ina
ia faamautuina ma sailia faatulagaga lelei aua le
aoaoina o le Gagana aua e taua tele. E le gata i
totonu o le Maota nei ae faapea foi le faatinoga. E
u ii lea lau Afioga i le Fofoga Fetalai ma le
mamalu o le Fono, faafetai mo le avanoa. E avatu
ai foi i lenei avanoa le faafetai tele i lou nuu lea
mai Fitiuta i Manua mo lo latou afifio ma talaaao
mai mo le aso o le tatou Malo, e faapea ona aafia ai
le Susuga i le faafeagaiga ma le faletua aemaise le
Afioga i le Alofi o Amoa ma le Faleifa faapea le
Maopu ma le mamalu i Samatua ma le Auvaa o
Tootoo o le Faleula Tauaitu. E mitamita le agaga.
Faafetai i la outou faafiafiaga matagofie na auina
mai faa-Samoa moni. Atonu e faapea ona tatou
saili pea le faamanuiaga mai le Atua aemaise foi o
le tapuaiga mai aiga. Faafetai tele mo lo outou
lagolago, faafetai mo le avanoa ua outou tuuina
mai. Na pau o lemea ia outou silafia, e le faaVaega pe faaituau lout u atui le tatou tofi, ina ia
mautinoa leloei le faatinoga o le a ou faatinoina ai
lo outou matupalapala ua tuuina mai. E faatino e
aunoa ma se faaituau mo le manuia saili o le
atunuu. O le faapai atu lea ma le ava ma le
faaaloalo i lau Afioga i le Fofoga Fetalai. A i ai se
upu ua paopapa, ia alofa ia lafo ane i fogavaatele.
Ou te talitonu o lo o i ina le agaga faamagalo tatou
te fefaamagaloai ai a ia tatou saili se manuia mo lo
tatou atunuu o lo o tapuai mai. Ia soifua ma ia
manuia.
Afioga Hon LUAGALAU LEVAULA KAMU
Itumalo
Faaalalafaga:
Salega
Filifilia:
15 Me 1996
Faatauto:
16 Me 1996
Lauga Faataupou:
20 Iuni 1996
Lau Afioga i le
Fofoga Fetalai, ou te
tulai atu male faaaloalo aemaise le mamalu ua
sasao nei o Sui o Itumalo taitasi. Ua muamua ona
momoli mea i Matautu-sa e pei o le viiga ma le
faafetai na siitia e lau Afioga, e faaopoopo foi i ai
le Afioga i le Sui Palemia, ma e le toe oo foi i ai se
upu. Ae ou te tulou ma faatalofa atu i le Afioga i
le alii Palemia e ui lava ina tatou le faatasi i lenei
taeao, ona o apulu o tofaga ma le taulia o le fala.
O lea ua outou faafofoga ma tatou faalogologo i
lenei taeao i se tala matagofie o se tala faafiafia
loto ua manuia le taotoga o le Afioga i le alii
Palemia. E i ai se aso, e i ai se taimi toe taliu mai
le faigamalaga tatou feiloai ona sii lea ma ave le
viiga i le Atua.
Ou te faatulou foi ma faatalofa atu i le Afioga i le
Sui Palemia o le o lo o Taitai i le tatou galuega i
lenei vaitaimi ma lenei vaitau, aemaise foi le afio o
lau Afioga i le Taitai o le Itu Agai lau Afioga ia
Tuiatua Tupua Tamasese, faapea foi le Taitai o le
Itu Tutoatasi, le Afioga ia Le Tagaloa, aemaise foi
le paia ma le maave eseese o Sui ua lima tusitusi i
ai ma ioeina e Itumalo e fia ina ia fai ma o latou
fofoga fai ma o latou sui i totonu o lenei Palemene
o le Paeaiga Lona Sefululua a lo tatou Malo
Tutoatasi o Samoa i Sisifo. Ou te faatulou foi i lau
Afioga i le afio ma le susu o le Failautusi o le Fono
Aoao Faitulafono a lo tatou Malo faapea le
aufaigaluega fita o lo o gapatia ma lo latou fatuatia
aua le vaitau o le Palota e oo mai lava i lenei
vaitaimi o lo o latou galulue i le aso atoa ma le po
aua le faatinoina o galuega a lo tatou Palemene. E
faapea foi ona ou faatulou ma faatalofa atu i Ulu o
Matagaluega eseese o le tatou Malo faapea le
Aufaigaluega Paia.
E le gata foi i lea o
Faauluuluga o Faalapotopotoga Tumaoti a lo tatou
Malo o e o lo o galulue aua lava le faatinoina o lo
outou finagalo aua le manuia o lo ta Malo, aemaise
o tagata-nuu o lo tatou Malo.
Lau Afioga i le Fofoga Fetalai, e le faagaloina foi
le tapuaiga a le Ao Mamalu a lo tatou Malo, le
susu i le Susuga i le Tapaau Faasisina le Susuga ia
Malietoa Tanumafili II o lo o nofo i lona nofoa
vaevaeloloa o le na faalogo i ai Samoa. Malo mo
le tapuaiga. Lau Afioga i le Fofoga Fetalai e
faapena ona le faagaloina foi ia le tapuaiga mamalu
a Sui o le Fono Sui Tofia, Afioga i Tama Aiga
faapea foi le Aloalii ma a latou Masiofo. E
faatulou atu foi i le tapuaiga i le Afioga i le
Faamasino Sili faapea le Ofisa o le Faamasinoga.
E le gata i lea lau Afioga i le paia ma le mamalu o
lo tatou atunuu o lo o faafogafoga mai i lenei taimi
ma lenei taeao matagofie. O le usuga lava lea ia
Pule ma Tumua, Ituau ma Alataua, Aiga i le Tai
ma le Vaa o Fonoti. E le gata foi i lea lau Afioga
tatou te le faagaloina tatou uso i le motu i Sasae i le
faafofoga mai a le Afioga i le Kovana faapea le Sui
Kovana aemaise ai foi le Peresetene o le Senate. E
le gata i lea o le Fofoga Fetalai o le Maota o Sui ia
faapea foi le paia ma le maave eseese o Sui o le
Maota o Sui, e le gata foi i lea a o le paia ma le
maave eseese aua Sua ma le Vaifanua, Fofo ma
Aitulagi, Saole ma Saleaaumua ma le Launiu na
Saelua; Fatui Alamotu ma Tootoo o le Faleula, le
Laau na amotasi ma tama a le Manua. Paia na o le
tatou atunuu ia Samoa i Sisifo ma Samoa i Sasae.
Lau Afioga a le Fofoga Fetalai e le mafai ona
faagaloina le tapuaiga a Ao o Faalupega, o outou
Itumalo ma latou nuu o e o lo o nofo tatalo ma
nofo faa-faletuluia aua ia timaiga ma to matauga
ma talotaloga i se manuia o lo ta atunuu o Samoa.
Lau Afioga i le Fofoga Fetalai, o le a le laaloa se
faamatalaga o lenei taimi. Ou te manatua ai lo
Itumalo pele o Salega o lo o faafofoga mai i lenei
itula ma lenei taeao matagofie o lenei faatoa fai se
faamatalaga a lo latou Sui fou. O lou Itumalo i lau
Afioga i le Fofoga Fetalai e amata mai Fagafau
seia paia ia Sagone.
Fagafau, afio mai
Tuimaugapo ma alo o Lilomaiava Faga ma Seve,
maliu mai le falefa o Saomau ma Soa, e manatua ai
foi i lenei taimi lau Afioga lo matou nuu o Samata.
Afio mai le sao ma le taofia o Malietoa Taulapapa,
maliu mai Saleutoga ma sa-Soa ma Saomai, faapea
foi lo matou nuu o Fogatuli lau Afioga. Malu ma
Afualo ma le Toafa o ou alo, maliu mai lau
Fetalaiga Faimanu o le fofoga o usoalii ma le lauti
na laulelei ia te oe le Alataua. Afio mai Fualau ma
le aiga alii ma lau Afioga Fepuleai, afio mai
Tilafono ma Faavaoga ma Usoalii, afio mai lau
Fetalaiga Tui-Salega o oe na e alii i lo ta itu, afio
mai le aiga samoeleoi, alaala maota ma le Maopu,
afifio ma maliu mai sa-Utuvai ma le Alatua, afio
mai Matautia ma le Toafa o ou alo. Susu mai le
matua Mauui ma le Susuga i le Maopu, maliu mai
lo oulua Falelua Oolo ma Sela, maliu mai oe le
Taupoloalii, afio mai le aiga Samoeleoi alo o
Lilomaiava ma Maopu, maliu mai le Leatitogia ma
le Falesefulu. O paia ma sana o lo tatou Itumalo o
lenei taimi i le agaga fiafia ma le agaga maulalo ou
te momoli atu ia le faafetai tele i lo tatou Itumalo.
Faafetai i lo outou faaeaea, faafetai i la outou pule
to, faafetai i lo outou finagalo ina ia faia lo outou
auauna vaivai ma se tasi o Sui i totonu o le tatou
Palemene na te faaleoina na te momoliina so outou
finagalo ma so outou manatu aua faalaga-maea o lo
tatou atunuu. Ou te faafetai atu foi i faletua ma
tausi ma saoao, aemaise le malosi o le tatou
Itumalo. E le gata ia outou o lo o papaao i totonu o
lo tatou Itumalo, ae faapena foi le talafatai i Apia
nei ma Itumalo e fia o lo tatou atunuu o e na outou
palota ma outou filifilia lou nei tagata e fai ma se
tasi o Sui o lo tatou Itumalo. Ua silafia e le Atua le
loto fiafia ma le loto faafetai ona o lou ala i malo
lena ua mafai ona outou atu ai ma fai atu se tatou
upu ma lafo se tatou maa ma osi se tatou taulaga
aua le taulaga fai toatele a lo tatou atunuu e pei ona
i ai nei le Paeaiga Lona Sefululua o le Palemene o
lo tatou atunuu.
Lau Faigoa e le mafai foi ona faagaloina aiga
faapea Au uo o e sa fesoasoani mai i lenei
taumafaiga. Faafetai ona o lo outou alofa moni ua
faaalia i lenei aso ma aso e pei ona i ai le tatou
Faiga Palota. E faapena i le agaga maualalo ona
ou faafetai atu i lau komiti o e sa matou galulue
faatasi aua le taumafaiga o lenei faamoemoe.
Faafetai atu ona o lo outou tauivi, faafetai atu ona
o lo outou faatuatuaina ma lo outou talitonuga, ina
ia avea lenei tagata faatauvaa e fai ma Sui o lo
tatou Itumalo. Lau Afioga a le Fofoga Fetalai ma
le mamalu o le Palemene, lo tatou Itumalo i le
taimi a o faagasolosolo tatou Faiga Palota, e le gata
i le anavataua a le itu Faa-Upufai lenei a le HRPP
sa tuuina atu. Sa avatu foi ma se anavataua a lou
nei tagata, pe tusa ma le sefululima nai vaega na
tuu atu, ae tasi pe lua ni mea ou te fia tauina atu i
lo tatou Itumalo e ao pea ona tatou nonofo ma
tatou tausia.
O le mea muamua, e pei lava ona ou tauina atu o
le a i ai se taimi ona faatuina lea o se ofisa o lo
tatou Itumalo i Apia nei aua le autovaa mai o le
paia ma le mamalu o lo ta Itumalo. Ua fai si
mamao aemaise a otuou feau ma galuega e fia
faatoai i ofisa taitasi o lo tatou Malo ina ia faafaigofie ai. E le gata foi i lena a o totonu lava o lo
tatou Itumalo. Ou te faafetai atu i vaiaso e luaua
tea atu e toatele nisi sa matou feiloai. Pau lava lea
o le talosaga e manaia pe a tatou feiloai i le taeao,
ae faalaolao le afiafi o le Aso Toonai e sauni atu ai
i le Aso Sapati o le Aso Sa. O le talosaga vaivai a
lou Sui tatou feiloai pea ina ia mafai ona maua pea
sa tatou feiloaiga.
Faafetai atu i lau Afioga i le Fofoga Fetalai. Ou
te iloa ua leva ona fia fai mai se upu a lou tama ia
Fuimaono o le Gafatasi, tulaga lea leai na ona ou
fia faamalamalama atu faapea. O le mea tau
Salega lava ia e leai se tupe a le Malo o alu ai.
Faafetai atu lau Afioga. Ae pei ona tatalo atu tatou
feiloai pea. E le gata i lena o le tatou Itumalo. A o
lenei taimi e lagona le fiafia ma le agaga faafetai
ma le agaga faamaulalo. O ai ea na iloa o le a sii le
fale o Asomua i le mauga? Salega e, o ai na iloa o
le a sii lo tatou fale o Asomua i le mauga? Ua
luasefulu fa tausaga….
Faafetai i lau Afioga i le Fofoga Fetalai. O lau
faamatalaga faataupou lea e fai atu. A uma loa ona
ou see lea i le Saunoaga faa-Minisita. Leai a uma
loa ona ou see lea i le Saunoaga Faa-Minisita ae o
lau talanoa faataupou lea ou te siva atu ai i le taimi
lenei.
Lou Itumalo e, ua manaia le lauga o le mea lena
ua ala ai ona pati ma po lo tatou taeao. Ae tatou te
momoli foi le faafetai i le Atua ona o le manatu
mai o le Afioga i le alii Palemia i lo tatou Itumalo
ua luasefululima tausaga e le i toe asia atua se tofi.
Ae faafetai atu i lau Afioga i sou manatu mai i lo
matou Itumalo e tusa ma lenei faaeaea maualuga
ua outou auamaia. Lo tatou Itumalo e le mafaia e
la outou auauna se mea. O le talsoaga vaivai ma e
valuvalusia ai aa o le fau. E manaomia ai lo outou
nofo tapuai mai ma nofo tatalo. Ia manuia ia faiva
o outou Sui.
Lau Afioga o le a ou see atu is au faamatalaga
faa-Minisita e tusa ma Matagaluega o lo oi lalo o
lau vaavaaiga. E le tele ni fesili ua tuuina mai lau
Afioga e Sui a Faipule e pei ona faafofoga i ai lo
tatou Maota i aso e lua ua tea atu nei. A o le fesili
muamua lau Afioga sa faafesili mai ai le alii
Faipule o le Itumalo o Faasaleleaga Numera 4, e
faatatau lea i tatou Faamasino. Ua talosaga mai le
alii Faipule e tusa ma se tofi Faamasino o lo latou
Itumalo.
Lau Afioga ma le mamalu o le Fono Faitulafono,
pe tusa ma le lua pe a tausaga ua tea atu nei ua faia
ai se faiga faavae a le Komisi o lo o pulea ia
galuega a le Faamasinoga, ma o le tulaga faavae ua
i ai nei, ua taumafai le Komisi ia tufatufa ma
faasopolia le mamalu o Faamasino i totonu o
Itumalo pei o le tualga lea ua i ai nai Faamasino
mai se Itumalo e tasi. E faia ia fuafuaga ae le i
aumaia le tulaga o faiga faa-faavae lea. O le mea
lea e faamalulu atu ai ma ou te talitonu foi o se
faiga sao lea ma le faamaoni ina ia laugatasia uma
Itumalo o lo tatou atunuu. O le mea lea ou te
faamalulu atu ai ma faamalamalama atu ai. Afai
ua i ai se Faamasino o lou Itumalo, o lona uiga o le
a faasopolia loa ae taumafai e vaavaai totoa i nisi o
Itumalo e le i oo atu i ai tulaga faa-Faamasino. O
le taimi nei lau Afioga i le Fofoga Fetalai, o lo o i
ai le Faamasino i le Itumalo o Faasaleleaga, ma o
le mea lea ou te iloa e le toe mafai ona toe i ai se
isi Faamasino fou ae o le a vaavaai isi Itumalo ia e
le o i ai ni Faamasino ina ia faasopoloa ina ia
faapena ona fai lelei ma fai fuafua ma o le mea sao
foi lea ma le faamaoni lau Afioga.
O le fesili a le Sui Faipule mai le Itumalo o Safata
mo le Matagaluega o Faamasinoga e uiga i le fale
lea. Sa taua o le fale tutotonu o le tatou Malo o lo
o i ai le Ofisa o Faamasinoga faapea foi ma le
Ofisa o Pepa Faanau. Lau Afioga, e pei ona
silasila i ai le mamalu o lo tatou atunuu aemaise
lava le Palemene nei ua amata ona toe faafou ma
toe faalelei lenei fale. O le tasi lenei maota aupito i
sili ona taua o lo tatou atunuu, ma ua faapena ona
ave i luga le vaega o faamasinoga i le fogafale lua
ae ua toe faia lelei lalo. A uma ona toe faia lelei e
pei ona galulue ai nisi o konekarate ona o le a
faapena ona aumaia le Ofisa o Faamasinoga o lo o
i luga e aumai i lalo, ae toe fai faalelei lo tatou fale
i luga. O le mea moni lau Afioga, o lo o
saogalemu lelei lea tulaga. O le mea foi lea na ala
ai ona ave i luga le Ofisa o Faamasinoga ona ua
mautinoa e le Malo o lo o lelei ma sefe atoatoa
mea uma.
O le tulaga lona lua o Pepa Fanau. Lau Afioga a
le Fofoga Fetalai, pei lava ona silafia e Sui mamalu
o le tatou Palemene ma lo tatou atunuu ua fai sina
pu moomoo tele o lena potu ma lena vaega. O lo o
i ai ia lea vaega taua o le Ofisa o Faamasinoga, ma
o lo o i ai le fuafuaga e fia avatu lea vaega i se potu
lapoa po o se fale tele, aua lava le paia ma le
mamalu o lo ta atunuu ina ia aua nei i i ai se tulaga
e fai sina tumu tele ma avea e faalemanuia ai foi lo
tatou fale. O lo o i ai fuafuaga i le taimi nei, o le
tulaga ua ala ai ona putuputu ma toatele ma i ai
laina, ona o le laitiiti o le potu o lo o i ai. A o lo o i
ai fuafuaga a lo tatou Malo e fia sii atu i se fale tele
ma se tulaga faapena aua lava ia le mamalu o le
tatou atunuu.
O le faafesili mai lava a le Sui lava lea mai Safata
i totogi o i latou faatoa foi mai mai aoga i atunuu
mamao. E pei ona outou faitauina le Tala o le
Tupe o lo o i ai fuafuaga faapena lau Afioga, e le o
mafia ona faagaloina lenei vaega taua o lo tatou
Malo, ina ia mafai pea ona galulue ma le faamaoni
ma toe nonofo i lo tatou atunuu ina ia tautua lelei i
lo tatou atunuu. E pei e toe tasi pe toe lua nai tali
ia e avatu e pei o le faafesili mai lau Afioga a le
Sui Faipule mai Faasaleleaga Numera Muamua,
faapea foi le Sui Faipule mai le Itumalo o Salega,
faapea foi le Sui Faipule mai le Vaimauga i Sisifo.
O tatou Malae Taalo. Lau Afioga a le Fofoga
Fetalai ma le mamalu o lo tatou Maota nei, e pei
ona outou silasila i le tatou Tala o le Tupe e pei
ona faataoto nei i luma o le Palemene, o lo oi ai se
vaegatupe ua fuafuaina e le tatou Malo, aua lava
lenei faamoemoe. Ou te toe faamanatu atu foi i lau
Afioga ma le mamalu o la tatou Fonotaga, tasi lea
mea taua i lo tatou Malo. O taaloga, ma o le a
faapena ona silasila i ai lau Afioga ma Au nei i le
fuafuaina o tatou Malae Taalo. E le gata foi i lea
lau Afioga, a o le tele o Malae Taalo e pei ona taua
mai i lo matou Ofisa nei e le tau moomia se suaina
po o se tupe e tau faaalu ai. E pau lava le mea na o
le kilia ma tau tuutuu i lalo laau ona faapena lea
ona fai. Ae ua faafetai atu mo fautuaga o le a vaai
totoa i ai lo tatou Malo ma le Ofisa nei. O se tasi
lenei o vaega taua, aemaise foi le Itu Asau.
E faafetai atu i lau Afigoa a le Fofoga Fetalai. O
lena ua maua tonu mai e lau Afioga le agaga o le
faamatalaga sa fai atu, o lea ua afifi uma lava
manatu a Afioga alii Faipule. Aua e pei o le
faamatalaga sa fai atu, e i ai se taimi ona avatu lea
o le tatou Matagaluega. O lea e i ai ia te Au uma a
outou faamaumauga, e ui lava o lea e i ai isi Sui ia
faatoa maua o latou manao i le taimi lenei ae leai
se mea o i ai. O le agaga lena o le tatou Malo ae
pei ona avatu i lumamea lau Afioga, a i ai se taimi
ona faasavali atu lea o le tatou Matagaluega e vaai
ia tatou Malae ona faapena lea ona fuafuaina. E
faafetai atu foi mo le faamanatu mai ae pei ona fai
atu o le agaga lena ina ia mafai ona maua ni mea e
taalo ai alo ma fanau o le tatou atunuu, ina ia maua
le tino malosi faapena foi au taaalo a le tatou
atunuu. E i ai le Manu Samoa aua e moomia pea
tupulaga fai mai.
Lau Afioga ou te talitonu ua pau na o ni fesili…..
Faafetai atu i lau Afioga a le Fofoga Fetalai, o le
agaga tonu lava lena, e pei lava ona fai atu o lea e
faamaumau uma i lau lisi talosaga uma na aumai.
E faafetai atu foi o lea e aofia ai foi ma le Itumalo
o Aleipata aua o i latou uma ia na aumai a latou
talosaga ae e pei ona fai atu o lea e avatu i se
aotelega ina ia faafaigofie le tatou mataupu. E pei
ona faamalamalama atu e le Afioga i le Sui
Palemia, o le agaga lena o le tatou Malo ina fai
faasolosolo a tatou Malae taalo i totonu o lenei
lima tausaga. O se tulaga pito i sili foi lea ona taua
i le Malo e pei ona i ai lena foi vaitau ua tea atu
nei.
Lau Afioga ia pau na o nai fesili na aumai i lenei
Matagaluega, ae o lenei taimi ou te toe faafetai atu
i lau Afioga ma le mamalu o le tatou fonotaga e
tusa foi ma le avanoa ua aumaia i lenei
Matagaluega.
Ae le i faaumaina atu sau
faamatalaga, ia alofa le Atua pulepuletetele o ia
lava e maua mai ai manuia aemaise o lenei paeaiga
fou. Ia tatou nofo tatalo pea ma tatalo tauanau i le
Atua ina ia mafai ona fesoasoani e aumai manatu i
lau Afioga faapena foi Sui Mamalu o le Palemene
nei, aua Samoa ma lona atiina ae, ina ia mafai ona
tatou faia se galuega ina ia tatou galulue punouai ai
aua se manauia o le tatou atunuu, ua aumaia ia i
tatou e tausi ai ana mea totino. Ia tatou tausi i le
agaga fiafia ma le agaga faamaoni.
Lau Afioga, ia aua nei to le timu i le soifua o le
Afioga i le Ao Mamalu o le Malo. Ia matafi le lagi
ma o ta ao valevale i lau Afioga a le Fofoga
Fetalai, ae ia maua e Sui uma o le Palemene ia le
soifua lelei ma le manuia mai lo tatou Tama oi le
Lagi ma ia manuia lo tatou aso. Soifua.
Afioga MAIAVA VISEKOTA
Itumalo
Faaalalafaga:
Aana Alofi Nu.1
Filifilia:
25 Iulai 1998
Faatauto:
14 Aokuso 1998
Lauga Faataupou:
21 Ianuari 1999
Faafetai mo le avanoa
i lau Afioga i le Fofoga Fetalai. E muamua foi ona
ave le viiga i le Atua ona o lenei taeao fou. Ou te
muamua ona faatulou i paia o le atunuu. Tulouna ia
le faafofoga tapuai a Lau Afioga i le Ao Mamalu o
le Malo le Tapaa Faasisina, Lau Afioga Malietoa
Tanumafili II. E te ee ma susu i lou nofoa
vaevaeloloa ma lou fala na folaloa ma lau tala na
atoa e faafofoga ia te oe Samoa. E faatulou atu foi i
le afifio o Sui o le Fono a Sui Tofia i lau Afioga i
le Tama a Aiga lau Afioga Tuiaana
Tuimalealiifano Vaaletoa, lau Afioga i le Aloalii
lau Afioga Vaai Kolone, faapea lau Afioga i le
Tama a le Fale lau Afioga Mataia Visesio Europa.
O le afio papa aao o lau Afioga i le Palemia, lau
Susuga Tuilaepa Sailele Malielegaoi, afio le
Minisita Sinia le Tootooalii Tofilau Eti Alesana,
afifio Minisita o le Kapeneta, aemaise le afio o lau
Afioga i le Faamasino Sili lau Afioga Tiavaasue
Falefatu Sapolu ma le vasega o Faamasino. O le
afio o le Fofoga Fetalai o le Palemene o Samoa lau
Afioga Toleafoa Faafisi, le afio o lau Afioga i le
Taitai o le Itu Agai lau Afioga i le Tama a Aiga
Tupua Tamasese Efi ma le mamalu o lena Itu o le
Fono Faitulafono. E faapea foi sui usufono filifilia
o Itumalo taitasi o Samoa o lo o lagolagoina la
matou Itu faa-Upufai e Puipuia Aia Tatau a Tagata.
O le paia maualuga i Taitai o Ekalesia i le
Aufaigaluega a le Atua i fata faitaulaga e fia i
totonu o le atunuu o lo o tauasuina le Ipuvai o le
Ola aua le soifua faa Kerisiano o le atunuu.
Tulouna ia paia ma mamalu faaleaganuu o le
atunuu, o paia lava ia e faasino i Aiga ma a latou
Tama o Tama foi ma o latou Aiga. O Aiga o Tupu
ma Aiga o Nofo, o Aiga o Papa o Aiga na Tafaifa.
O le mamalu ia Tumua ma Pule, Ituau ma Alataua,
Aiga i le Tai ma le Vaa o Fonoti ma Faleupolu o
Tofiga. O le faafofoga tapuai o uso i Amerika
Samoa, le afio i le Kovana Sili ma le Sui Kovana,
le Aufono ma le Fofoga Fetalai ma sui usufoo o
Maota e lua. O paia lava ia ia Sua ma le Vaifanua,
Saleaumua ma le Launiu na saelua. Afio le Laau na
amotasi e faapea Faatui ma Tootoo o le Faleula ma
upu o le Manuatele, ma le mamalu i le Faleagafulu.
Ou te manatu o paia sauoo ia o Samoa, o paia ua
oo, o mamalu ua popo, aua o le ua e faalaofiegata.
E muamua pea le viiga i le Atua ina ua aulia mai
lenei aso 21 o le 1999. O se tausga taua lenei ona
ua faitau masina nei, ona faaiuina lea o lenei
tausaga, ae tatou ulufale atu i le mileneuma fou e
2000 tausaga, ma e faamanatu ai foi le Aso Soifua
o le Faaola. I lou manatu, o se tausaga taua foi
lenei e tataou te toe tu ma tepa i tua i le faasologa
mai o le atiina ae o upufai ma le tamaoaiga o le
Malo, aemaise le Paeaiga o le HRPP po o le Vaega
faa-Upufai e Puiapuia Aia Tatau a Tagata. O le 16
lenei o tausaga talu ona faafoe e le HRPP le
Faigamalo a le atunuu. I le tauafiafi o le 1979 e
agai mai i le 1981, sa faapea ona pagatia ai le
atunuu ona ua faaletonu le faafoeina o lona
tamaoaiga, ua utiuti le tupe faasoasoa ma ua
faigata ai ona maua ni oloa mai atunuu i fafo. O ni
taimi faigata tele ia aemaise le laina solo o le
mamalu o le atunuu i faleoloa e fia maua ni oloa
aua le tausiga o o latou aiga. O tausaga foi ia sa
vaaia ai le le nofo filemu o tagata faigaluega a le
Malo, ina ua faaletonu le tamaoaiga ma iu ai ina
faia se Solotetee tele i le 1981. O tausaga ia tatou
te le fia manatua ma e le fia oo foi i ai.
I le Palota o le 1982 na faapea loa ona tulai mai le
Faigamalo a le HRPP ma amata ai loa ona faataoto
ana faiga faavae mo le faafoeina o le tamaoaiga o
le atunuu, ina ia aua nei toe oo le atunuu i le
pagatia sa aafia ai. O se vaitaimi faigata foi lea ona
o lena tolu tausaga e agai atu i le 1985, sa tolu ai
Palemia o le atunuu. O le Afioga Vaai Kolone,
Afioga Tupua Tamasese Efi ma le Afioga Tofilau
Eti Alesana. Ae peitai, ina ua toe tulai mai le
HRPP i le 1988, sa le mafai ona toe aloese le Malo
mai ana faiga faavae ua faataoto mo le atiina ae
manuia o le atunuu. O taimi tonu ia na taitaiina ai
le Faigamalo a le HRPP e le Afioga i le Tootooalii
Tofilau Eti Alesana, faatasi ai ma lana Minisita o
Tupe le Susuga Tuilaepa Sailele Malielegaoi, lea
ua avea nei ma Palemia.
E manatua e le atunuu nei faigata, i le tau
amataina ona toe afua le tamaoaiga, i le taumafai
atu o le Faigamalo o le HRPP i le atunuu e tatou te
osi taulaga ma galulue faatasi mo le taumafaiga o
se tamaoaiga fou ma se Samoa fou. E manatua pea
le Afioga i le Tootooalii ia Tofilau Eti Alesana, ma
i latou sa faafoeina le Faigamalo a le HRPP i lea
vaitau, ona o le latou tofa mamao ma lo latou vaai
mamao mo Samoa. E manatua i lou loto le malae
vaalele i Faleolo, ina ua faatulai mai i le 1983 i le
taimi tonu o le toe tau fuataina o le tamaoaiga ua
matua faaletonu. E tele i latou aemaise le Itu Agai i
lena taimi sa aamu ma faapea ifo; e le mafai ona
galueaina se galuega tele faapenei, aua ua fiu foi i
latou e saili tupe i fafo e le i talia. O fea o i ai nei?
O lea ua uma le tigaina o le atunuu e malaga i
Amerika Samoa, sa faafaletuluia ai i le tele o
tausaga ma aso, ao lenei ua malaga sao atu lava i
Faleolo agai i Niu Sila ma so o se atunuu o le
lalolagi. O fea le aamu ma le le talitonu e le mafai
e o tatou tagata ona faatino lea galuega tele. Ua
leai nei ma ua galo atu foi. Ua le fia manatua e le
toatele aemaise aufaitio lenei galuega tele ma le
aoga. E faapena foi i le Iuniveste Aoao o Samoa po
o le National University of Samoa, sa faapea ona
faatulai e le Faigamalo a le HRPP se tupe faavae i
le 1984, e $5 mo lea aoga taua ma le aoga. Sa
amusia ma ulagia le Faigamalo a le HRPP, a le
University of Samoa, sa faapea ona faatulai e le
Faigamalo a le HRPP, e le taunuu lana faalepo. O
fea o i ai nei? O lea ua tino le miti. Ua atoa tino o
le tama. O lea ua taoto mai nei le Papaigalagala le
Aoga lea ua fai ma mitamitaga o Samoa, na faavae
i le $5. E tele tama fanau a le atunuu ua iu mai i
aoaoaoga i fafo sa amata faafailele i lea aoga taua.
Ana tuu la e fai finagalo o le aufaitio ma tuu i le
palaai ma le loto faavaivai, semeamanu e leai se
Iunivesite o Samoa. E faapena foi le agaga o le toe
siita maualuga o le Kolisi o Matata Eseese i
Vaivase. Ua avea nei ma laveai tele mo le toatele o
alo ma fanau o le atunuu o lo o fia aoao e avea ma
inisinia tau taavale, galuega tau ofisa ma isi lava
tomai eseese. O ai la e ona ia faiga? O faiga ia a le
Atua Silisiliese na ala mai i musumusuga lilo i sui
usufono o le HRPP aua o lo o i ai le tofa ma le uta
mo le lumanai manuia o le atunuu.
I le talitonuga maumaututu o le Faigamalo a le
HRPP, afai e le mautu ma faataoto lelei Faiga
Faavae Tau Tupe ma le tamaoaiga, e le mautu le
atiina ae o le atunuu. E faalagolago i ai le alualu i
luma o le soifua lelei o o tatou tagata atoa ma le
faaleleia o auala tetele, vaipaipa, moli eletise ma isi
mea faapena ina ua lelei le faafoeina o le
tamaoaiga ma faagaoioia ma le vaaia lelei o ana
tupe. E le gata foi i lea ae ua talitonu le malo ua
alagatatau ona toe vaai, sailiili i le tulaga o galuega
a ana Matagaluega ma ana Faalapotopotoga
Tumaoti mo le lelei ona faatinoina o a latou
galuega mo le atunuu – Institutional Strengthening
and Public Sector Reforms; aua o le faataunuu lelei
o fuafuaga a le Malo, e faalagolago i le tomai ua
atoatoa ma lava tapena a le aufaigaluega. Ia
mataalia Matagaluega ma Faalapotopotoga i le
faatinoina o a latou galuega patino – core activities
ma e moomia le lelei ona pulea – good
governance; atoa ai ma le sao ma manino lona
faatinoina – transparency; e moomia foi le lelei o i
le na faatinoina faauau i taimi uma – consistency; o
nei galuega. I le va ma i latou e gafa ma atiina ae
eseese ua talitonu ma ua faapena ona taumafai le
Malo e faamalosia ana faiga faapaaga – partnership
with the prívate sector; ma i latou nei ina ia
faamalosia ai o latou taumafaiga i totonu o le tatou
atunuu.
I lou talitonuga o le galuega a le Malo o le
faatulai mai lea o se siosiomaga po o se
environment lelei e mafai ai e le aufai pisinisi ma
tagata lautele ona galulue malolosi mo le
faatupulaia o le tamaoaiga. O tulaga na sa faafoe ai
ma o loo faafoe ai pea le Faigamalo a le HRPP mai
le taimi na faatulai mai ai seia oo mai i le aso. O
nisi nei o mea na matua iloa lelei ai le tulaga
fuafua lelei o faiga faavae a le Malo o le HRPP.
E le galo ia te au afa fulifao tetele e lua i le 1990
ma le 1991, o Ofa ma Valelia. O nei afa sa matua
faatamaia ai si o tatou atunuu; sa matua vaaia
foliga faatamaia o le atunuu; o faatoaga ma atiina
ae ua matua faaleagaina uma. O fale o aiga ua
matua faatamaia ma ua tele aiga sa leai ni fale. Sa
utiuti foi taumafa a le atunuu ma sa tatou
faamoemoe i fafo mo mea taumafa. O auala tetele i
totonu o le atunuu sa matua faatamaia. Na oo lava i
le vai taumafa na matua afaina i le tele o afioaga. O
Apia ia e pei e le o se taulaga ua matua faalafua ma
faapapateaina i foliga o se osofaiga a se itu taua sa
faapogai ai. O moli eletise ua faaleagaina;
fesootaiga ma atunuu i fafo ua motusia. O foliga
faagalo gata na o si o tatou atunuu i le valu i le iva
tausaga talu ai. Peitai e ui ina matua pagatia le
atunuu, ae ona o le Malo ua lava tapena i taimi o
faigata, o lena foi sa gafatia ai ona tufaina atu se
tinoitupe e $3miliona mo Itumalo uma e fesoasoani
i le mafatia ma le fofoga taumafa ma isi lava
fuafuaga vavave.
E le gata i lea sa taumafai lava i ana
meafaigaluega sa i ai e amata ai ona faaleleia auala
tele, vai taumafa faatasi ma fesootaiga i atunuu i
fafo mo ni fesoasoani. Ua tea atu afa a ua tulai mai
galuega tetele o le toe faaleleia o lona lotoifale,
aemaise aualatetele, vaipaipa, moli eletise,
fesootaiga ma faleaoga po o le infrastructure. O lea
na ave ai loa le faamuamua a le HRPP mo le
faaleleia o ia vaega. Mai le 1992 seia oo mai i le
amataga o le 1996, o se vaaiga ese i le tulaga ua i
ai nei. O aualatetele, moli eletise, vai taumafa, o
faleaoga sa faaleagaina uma ua tulai mai i se tulaga
maoae. O tagata tafafao mai ma o tatou aiga asiasi
mai na ona maofa i suiga ua oo i ai le toe fausia o
le tatou atunuu. E le gata i lena sa saunia e le Malo
ni auala sa faafaigofie ai le aumaia o mea faufale
mo maota ma laoa, falesa, fale o faafeagaiga ma
fale o aiga taitasi ina ia vave ona tulai mai le
atunuu i se vaaiga lelei.
Mai le 1991 i le 1996 e tusa lea o le lima tausaga
sa matua tele le suiga o le atunuu seia oo mai lava i
le taimi nei. O fea na ala mai ai nei faiga lelei ma
le vave mo le faatinoina o nei galuega tetele mo le
atunuu? Mai le lelei ona faataoto o faiga faavae. O
faiga faavae nei a le faigamalo a le HRPP na ala ai
ona ioe faletupe mai fafo e nono mai tupe e toe fau
ai Samoa, Ana le talitonu ma ua mautinoa lelei e
Faletupe o le lalolagi, Faletupe o Atiina ae o Asia
faapea ma Europa o lo o lelei ona faafoe ma pulea
lo tatou atiina ae, aemaise itu tau tupe, meamanu
tatou te le maua nei faamanuiaga.
E faapena foi i a tatou paaga vavalalata e i ai Niu
Sila, Ausetalia, Iapani, Saina ma isi Malo, ana le
talitonuina le lelei o faiga faavae a le HRPP
aemaise le pule ma le faasoasoaina lelei o tupe,
meamanu ua leva ona faatofa mai e le toe aumaia
ni fesoasoani.
Lau Afioga i le Fofoga Fetalai, i le tausaga 1996 i
le 1997, 1998 i le 1999, ua ave le faamuamua a le
Vaega Faa-Upufai a le HRPP i Aoaoga ma le
Soifua Maloloina. Mo aoaoga i le 1993-1994, sa
saunia ai e le Matagaluega o Aoga ni a latou faiga
faavae ua taua o Faiga Faavae o Aoaoga ma
Fuagafanua mo le tausaga 1995 e oo i le 2005 –
Education Policies and Strategies 1995-2005; o nei
faiga faavae ua fuafuaina ina ia mafai ai e le Ofisa
o Aoga ona faatulai mai ni tulaga faa-aoaoga e i ai
le tulaga tutusa o aoaoga – equity; lelei aoaoga –
quality; fetaui lelei o aoaoga – relevancy; ma le
lelei ona faafoeina o aoaoga – efficiency; E
faasalafa atu i aoga uma lava e le gata i aoga
maualuluga ae faapena foi i Aoga tulagalua ma
Aoga faaitumalo.
Ua lelei ona faatotogaina la tatou Iunivesite i
Vaivase aua lava le aoaoina lelei a tatou fanau
aemaise faiaoga mo le lumanai manuia o aoga i
nuu i tua ma le atunuu atoa. E faapea foi ona
fesoasoani mai le Malo i aoga a le Ekalesia ma nisi
Faalapotopotoga e auala atu i se tinoitupe pei o le
tausaga na tea atu nei e $2miliona. O lea
fesoasoani na afua mai i le 1984, e ui foi sa matua
teena e le Itu Agai i felafolafoaiga o le Tala o le
Tupe, na faatoa amatalia ai foi lenei faiga faavae e
le Malo i le tausaga 1984. E tele nisi polokalame
ma fuafuaga aoga o lo o galulue ai nei le
Matagaluega o Aoga aua le siitia ma le faaleleia o
aoaoga a le Malo ma le atunuu. O nei polokalame
uma o faiga faavae uma a le Faiga malo a le HRPP.
I le tulaga o le Soifua Maloloina, ua faapena foi
ona saunia ni faavae ma ni alafua a le Matagaluega
o le Soifua Maloloina e fai ma ana taiala mai le
tausaga e 1996 e oo i le tausaga 2000. O nei taiala
o loo laualuga ai le siitia o le soifua maloloina
aemaise le puipuia o le atunuu mai faamai pipisi.
Ua faapena ona faatuina se Komiti a lenei
Matagaluega se i toe vaavaai totoa i le tulaga o ana
galuega aemaise lana Tala Faatatau o le Tupe i lea
tausaga ma lea tausaga. Ua matua manatu le Malo
e ao ona lelei le puipuiga o ona tagata mai faamai
pipisi. O le mea moni e sili lena ona taugofie nai lo
le toe togafitia ae ua aafia le tagata i le mai. O se
Malo soifua maloloina, o se Malo malosi lea.
Fono, e ese mai faiga fafavae o le toe fausia o le
tatou atunuu i tulaga o le vai, moli uila ma isi mea
faapena po o le infrastructural development atoa ai
ma le faamuamua lea ua ave i Aoaoga ma le Soifua
Maloloina, ae ua faapena ona tatou vaaia ma
lagogaina nisi faiga faavae ua aumai i tulaga o tiute
ma oloa mai fafo – Tariff Reforms; faatasi ai ma le
tuusaunoa ai o Faletupe Tutotonu poo le financial
sector liberlisation.
Mo Matagaluega a le Malo, o lenei ua faatuina se
Komiti o loo aafia ai nisi o Ulu Matagaluega a le
Malo faatasi ma nisi o sui mamalu o lenei Maota
ina ia latou vaavaai lelei i Matagaluega a le Malo o
i le faatinoina o a latou galuega fai. Ia lelei ona
pulea ia galuega – good governance; ia sao ma
manino lona faatinoina – transparency; ia lelei ona
faaauauina – consistency; o le lelei faafoe o
galuega o le vave foi lena ona tali atu i manaoga a
le atunuu e faaleleia ai le soifua au i luma mo se
tamaoaiga e pei o Samoa e afaina gofie i afa,
matagi atoa ma le afaina ona o le tamaoaiga o nisi
atunuu e pei o le taimi lenei ia Asia. Ou te matua
talitonu o Faiga Faavae ua faataoto nei ma ua
faapea ona agai atu i ai le Faigamalo a le HRPP, o
Faiga Faavae nei ua talafeagai ma fetaui lelei mo le
atiina ae ma le tamaoaiga. Ou te talitonu o le a
faaauau pea nei Faiga Faavae lelei e le Faigamalo a
le HRPP seia taunuu atu i le tuluiga o nei fuafuaga
lelei mo le tamaoaiga.
Lau Afioga i le Fofoga Fetalai,e tele ni luitau o le
a feagai ma le Faigamalo mo le faatinoina o nei
faiga faavae. O nisi nei o faafitauli, o le faatupulaia
lea o le faitau aofai o tupulaga tavalou o le tatou
atunuu. E toatele e e le o maua ni galuega, e le
alofia foi le toatele ua pule i o latou ola, sei vae ane
le paia o le Maota, aemaise foi sauaga i totonu o
aiga ma alaalafaga. Peitai ou te matua talitonu e le
o nonofo foi le Malo i le taumafaiga o ni fofo mo
nei faafitauli. Pau o lea, ou te talitonu e le na o le
Malo e faatatau i ai lenei luitau, e aofia ai
Ekelaseia, Faalapotopotoga Tumaoti, ma i tatou
uma o tagatanuu o Samoa. E le faapea a fia aai ona
lafo lea o le leaga i le Malo. E le faapea ua tatou
mamai ona tuu atu lea o le leaga i le Malo, e leai.
Fai mai le lauga a se tasi faifeau: ―Samoa e, e i ai
foi lo tatou tiute tauave – responsibility, e fai mo le
Malo, ae le o le faalagolago i le Malo e amoina i
tatou. E manaomia le galulue faatasi ina ia fausia ai
ni faiga faavae mo le soifua lautele o le atunuu po
o – social policies; e talafeagai mo le atunuu ma le
tatou agannuu. Aua le vave tapa faiga faavae po o
tulafono mai atunuu i fafo, a ia tatou fausiaina ni
faiga faavae ma ni tulafono e ogatasi ma a tatou tu
ma aga i fanua e masani ai.
Lau Afioga i le Fofoga Fetalai, ona o au o se sui
usufono fou i totonu o le Maota, sa ia te au le
filifiliga po o fea se vaega faa-Upufai e avea ai au
ma sui usufono tauva mo le Faiga Palota laitiiti a
Aana Alofi Nu.1 ia Iulai i le 1998. O se fesili sa
fesiligia ai au e le tele o tagata o lou itumalo. O lau
filifiliga ina ia avea au o se sui usufono auai o le
HRPP sa faavae i luga o lou talitonuga, o le HRPP
o se vaega faa-Upufai ua leva ona faataoto lana
tofa mamao po o lana visión. O se vaega o lo o
galulue ma faatinoina ana faiga faavae – action
oriented; ma o se vaega foi o lo o i ai le faataatitia
– committed to perform; o le mea moni sa faaalia
le lagolagoina e lou itumalo o lau filifiliga e avea
au ma se sui usufono tauva a le HRPP i le faiga
manino a le Palota Laitiiti. E le o se faaiuga e
mitamita ai ae o se faaiuga e faafoi ai le viiga ma le
faafetai i le Atua.
Lau Afioga i le Fofoga Fetalai, o lena ua i luga o
le Laulau a Fono le Tala Faatatau o le Tupe mo le
tausaga faaletupe 1998/1999. Ou te matua
lagolagoina lenei Tala Faatatau Faaopoopo i ona
vaega uma, ma o le Tala Faatatau Faaopoopo i ona
vaega uma, ma o le Tala Faatatau Faaopoopo foi
lenei o le Tupe ua faamaonia atili ai le lelei o Faiga
Faavae ma le fuafuaina lelei tupe ma le tamaoaiga
o le atunuu e le HRPP.
E avea lenei avanoa taua ou te momoli atu ai le
faafetai i le Malo mo le galuega ua maea ona
faatinoina i le auala lea i totonu o Faleasiu e tau atu
i Aleisa. Na amataina e le Tofa Suafoa Lautasi ma
le Afioga i le Fofoga Fetalai, Afioga Toleafoa
Faafisi, ma o lenei ua maea lenei galuega tele. O le
talosaga a le itumalo i le Minisita mo Galuega, ia
tautuana ma lau afioga le vai taumafa i totonu o
Faleasiu. Faafetai mo le galuega faifai pea a le
Faalapotopotoga o le Vai ma le mamalu o le
aufaigaluega i le tele o aso e faatoai atu ai talosaga.
O lo o manaomia pea le faaleleia atili o le suavai i
vaega uma lava o le itumalo aemaise o Faleasiu.
O lo o manaomia foi le faaleleia o moli eletise i
totonu o le itumalo e faapea foi ma ni taligalu mo
Faleasiu ma Fasitoouta. O lenei foi taimi ou te
faamanatu atu lau talosaga tusitusia ua uma ona
auina atu mo le faaleleia o auala i totonu o Fasitoo
uta. Ou te talitonu foi o le talosaga lena ua leva ona
momoli atu e le Afioga i le Fofoga Fetalai.
Lau Afioga i le Fofoga Fetalai, e aveatu lau
faamalo i le Malo mo le siitia o totogi o le toatele o
le atunuu e ala lea i le faapauina o lafoga e
totogiina mo tagata faigaluega o lo o i lalo ifo o le
$8,000 le latou tupe maua aeamise i latou o lo o
mauaina totogi i le va o le $8,000 ma le $14,000. O
se tasi lenei vaega o Faiga Faavae a le HRPP mo le
faaitiitia o lafoga a tagata taitoatasi mo le
faataunuuina e pei ona ua leva ona folafolaina
faatasi ma le faapauina o tiute mo oloa mai fafo.
Ou te talitonu lau afioga e tele nisi o faiga faavae
ua faataatia e le HRPP ae ou te talitonu foi e mafai
ona taua, e pei o le Maota o le Fono Tatalo ua
faaigoa o le Faavae i le Atua Samoa, o aso
anapogi, aemaise foi o le faavaeina o le Televise
Samoa. E tele ma anoanoai ae ona o le faasaoina o
le taimi o lea o le a ou momolia se faafateai i lo ta
Itumalo o Aana Alofi Nu.1.
O paia lava ia aua Aiga o Mavaega, Aisa o Sa
Tuala ma Aiga Taulagi i le afio o Tamaalelagi
faapea le Tama Aitu ma le Maugafa ma le mamalu
tele i le Faletolu ma Fuaifale. Le paia maualuga i le
Aiga Sa Tuala o le aiga faalagilagi aua le susu o le
Taofia Sa Aiono, afifio le aiga Sa Leupepe, le susu
o Sua o le Maopu a Nafanua, le afio o Toleafoa o
le Tapaau Faasisina ma le Taauso, susu Mulitalo o
le Seetalaluma o le taofia o Sa Aiono, le Afioga o
Pule o le Seetalaluma o le aiga Sa Leaupepe,
alalatai o Ape o oe na e moe manatunatu, le mata
ia Tauauvea faapea le tuua ma le falefitu ma le
nofo a ituaiga ia Fasitoo.
Ou te momoli atu lau faafetai i lou agaga
faaaloalo ma le loto maualalo, ona o la outou
faaeaea ma la outou tapuaiga. Faafetai, faafetai,
faafetaui. Ou te tatalo i le Atua ina ia fesoasoani
mai e maua ai le malosio ma le atamai i le sailia o
manuia mo le Itumalo, faapea le atunuu ma le
galuega a le Atua. O le upu a Pauli ia Timoteo, ―Ia
faia olega ma tatalo ma faatoga mo tupu ma i latou
uma ua i ai le pule.‖ Lou Itumalo pele, e moomia
pea la outotu tatalo mo o outou sui usufono ina ia
maua pea ni manatu, e le gata i le taitaiga o le Fono
e le Fofoga Fetalai, ae faapea foi au nei aua le
Itumalo.
Ou te faamalo atu foi i le aufaigaluega paia a le
Atua i fata faitaulaga e fia i totonu o lou Itumalo.
Faafetai tatalo, faafetai tapuai. Le ituvai paia o
Faletua ma Tausi, Saoao ma le Aualuma, le Malosi
o le Itumalo, faafetai le faatofalai, faafetai le
faatoatoa.
O sou leo o le a foi, aua nei to le timu pe tafea le
tauofe, aua le Ao Mamalu o le Malo, aua nei
gasetoto le masina pe mafuli le ao, ni ao gasolosolo
ma le taape o papa ma gau olosaa i le paia o Aiga e
fia o Samoa.
I lau Afioga i le Palemia ma le Aiga Kapeneta, le
Afioga i le Taitai o le Itu Agai, le mamalu o sui
usufono o le Palemene o Samoa, aua nei gau
olosaa pe masaesae le lagi ma ni lagi fulisia o lo
outou mamalu.
Le paia maualuga o lou Itumalo o Aana Alofi
Nu.1 ia Faleasiu ma Fasitoo uta, ia matafi le lagi
ma ia toa ao valevale, ia mamao ni lagilagia ma ni
apulusia i le paia o Aiga, ni tootoo gauia ma ni fue
tulolo aua le mamalu i le Falefitu faapea le Tuua
ma le Matua faapea le mamalu i le Faletolu ma
Fuaifale ae ola i maua ma le Afioga i le Fofoga
Fetalai, o a outou auauna. Soifua.
Tofa MATATAUALIITIA AFA LESA
Itumalo
Faaalalafaga:
Vaimauga Sisifo
Filifilia:
15 Me 1996
Faatauto:
16 Me 1996
Lauga Faataupou:
18 Iuni 1996
Lau Afioga a le
Fofoga Fetalai ma le mamalu i le Palemene. Ua
uma ona siitia e lau Afioga le faafetai i le itula ua
fano aua lo tatou va tapuaia ma le Atua. O le Atua
o Malo ma le atunuu, o le Atua foi o itumalo, nuu
ma aiga. Ia tau ia ina ia togi pa tau ile ave i le
faaopoopoga i la tatou viiga ma le faafetai, o lenei
ua mafai ai ona tatou fuatia i ulupapaga i lenei itula
afiafi i lona alofa. E le gata i lea, o la tatou olega
ina ia fesoasoani mai le mana o le Agaga Paia, ina
ia foai mai le atamai ma le faautauta, ina ia
ulumatafolau ai i o outou finagalo ma o tatou loto,
tatou te faia ai ma le alofa moni ma le faamaoni a
tatou filifiliga ma faaiuga mo se manuia mo Samoa
a taeao.
Lau Afioga i le Fofoga Fetalai, ou te taliu ae
popoe o upu a le aumatutua o le atunuu, a paia le
pa i Fualuga, sua le tuli aua le alii o aiga. E
momoli atu le faafetai ma le faamalo i le
aufaigaluega paia a le Atua sa outou tui le
mulipapaga ma faa-nono manu i le Atua mo se
manuia mo Samoa i le itu faale-agaga faapea foi le
faale-tino. Faafetai le tapuai ma le punouai i le
tatalo. E momoli atu foi le faamalo ma le faafetai i
lau Afioga i le Ao Mamalu o le Malo, lau Afioga i
le Tapaau Faasisina lau Susuga i le Malietoa
Tanumafili II faapea le mamalu maualuga i Sui o
le Fono a Sui Tofia, le afifio o Tama a Aiga,
faapea foi le Afioga i le Aloalii. O le paia lava lea
aua Aiga ma latou Tama, o Tama foi ma latou
Aiga, le mamalu tele i le Usoga a Tumua ma Pule,
Ituau ma Alataua, Aiga i le Tai ma le Vaa o Fonoti,
faapea Faleupolu o Tofiga. E momoli atu foi le
faamalo i o tatou uso i Samoa i Sasae, i le afio o le
alii Kovana ma le Sui Kovana, le Fofoga Fetalai
faapea Maota e lua. O le paia lava lea ia Sua ma le
Vaifanua, Fofo ma Aitulagi, Saole ma Saleaaumua
ma le Launiu Saelua, Tama a le Manuatele faapea
Faatui ma le auvaa o Tootoo. Faafetai tapuai. Lou
itumalo, le Vaimauga i Sisifo, le paia lava lea i le
afifio o Alo o Sina, faapea fuaifale o Salevalasi,
afio o le matua ia Leupolu ma Usoalii, alaalatai lo
la toalua, Samau ma Feagaimaalii, le faletolu ma le
Alo o Malietoa faapea le Vainalepa ma upu ia te
oulua Tuisamau. Le paia maualuga foi i le afifio o
Tofaeono, Asi ma Patu, le mamalu ia te oulua na
tai ma le nofo a ituaiga ia Fuata, le afifio o Usoalii,
ma Sa Ataga, faapea Fuata. I lou nuu o Vailima, i
le afio o le Tapunuu i lau Afioga Sooialo, eetai le
matua ia Feetau faapea lo la toalua ia Puaalatamai
ma Puaasegisegi faapea launiu na laulelei. Le
mamalu tele i le aufaigaluega a le Auta i fata
faitaulaga e fia i totonu o le atunuu aemaise lo
tatou itumalo, ua faamalo fai le faiva. E ui ina sa
tu i Fagalilo le Tapaau o le Alataua pe tua ma ni a
lo outou finagalo faaalia i le talosaga, e fia avea
lou nei tagata ma se tasi o auauna ma fofoga
taumomoli o lo ta itumalo i upufai o si o tatou
atunuu ae sa tuu atu pea i le musumusuga a le
agaga o le Atua. O lenei ua malie o ua malo fai o
le faiva. O lau tatalo, e pei ona ou tauto ai i le
Palemene ma ni galuega e pei ona tuuina mai i ai
lo latou finagalo, ina ia avea Au ma Taitaifono i le
Tala o le Tupe a le Malo o Samoa.
O lea, e avatu ai lau faafetai ma lau faamalo i le
Malo, lau Afioga i le Sui Palemia faapea le
Kapeneta. O nai talosaga faatauvaa nei e fia tuu
atu i o outou luma, aua ou te manatu o le Nofoaiga
lenei a le Palemene, e faaiu ai foi lenei seneturi ma
tatou laasia ai le tasi seneturi fou. Afai o le a le
lelei le faafoeina o lo tatou vaa i ni tausaga o totoe
o lenei seneturi, ona tatou o atu lea i se pagatia ae
afai ae lelei ma soalaupule lelei e lau Afioga i le
alii Palemia, e ui lava ina tatou le o faatasi ai, le
Sui Palemia ma le Kapeneta, ona maua lea e lo
tatou atunuu se manuia i le seneturi fou pe a tatou
aulia. E le tele ni manaoga o lo matou itumalo o i
ai i lenei taimi aua ou te manatu, o nisi o manaoga,
o le a faa-ala atu lea i le Afioga ia Patu Afaese le o
lo o ma seelua i le nofoa o lenei itumalo. E pei
lava ona silafia e le mamalu o le Fono lenei, o le
itumalo lenei, e moni ai le upu foi lenei, e lumafale
i le moana ae tuafale i le papa. Ua leai se eleele e
mafai ona galulue ai lenei itumalo, ua leai foi se
alititai e mafai ona fagogota ai.
O le tatalo atu a le itumalo i lau Afioga i le
Minisita o Eleele, se i faamatuu mai se eleele se i
galulue ai lenei itumalo, se eleele o le Malo. E
faapea ona avatu ai se fesili e faaui atu i lou nei
tagata, ona sa i ai se eleele sa tuuina mai i aso ua
mavae e galulue ai le itumalo lenei i le mea o lo o i
ai nei le satelite i Afiamalu. Ae paga lea, ona o
faiga ua ou le mautinoa po o ni faiga faavae po o ni
faiga mavae, ua sui ifo ai, ua toe lisiina e le
Matagaluega lenei nei eleele i nisi o le mamalu o le
atunuu, a o eleele nei sa faasino tonu i le afioaga
lea o Tanugamanono. Lau Afioga i le Minisita, se
i e alofa ma e silasila ifo, po o a nei faiga faapenei
ua soona fai ai lo matou itumalo. O le itumalo
lenei, o se itumalo tele masalo e le o po se lilo, e
aofia i lenei itumalo, po o se vaimea o le 35,000 i
le 40,000 o le mamalu o le atunuu o lo o alaala ma
afifio ai. Paga lea, a tagai i le Lola Palota na se i
mavae atu nei, na o le 3,800 le Au-palota a le
itumalo. Aisea? Aua foi o le mamalu o le atunuu
mai lea afioaga ma lea afioaga o lo o afifio i totonu
o le itumalo lenei o Vaimauga. O lea e tatalo atu ai
le itumalo, afai o le toatele o le faitau aofai o le
atunuu o lo o alaala i lenei itumalo, ia fai lelei la lo
matou itumalo, aua a oo i le aso o le palota, ona
afifio mai lea o Sui Faipule ua ave le toatele o lo
matou itumalo e palota mai i o latou suafa matai i
nuu ma alaalafaga o lo o lesitala ai, ae a oo i le
taimi e manaomia ai le faamanuiaga a le Malo, ona
omai lea i lo matou itumalo i le Afioga lena ia Patu
ma lou nei tagata e tauanau mai ina ia fai atu i le
Malo se i fai alavai, aua e lavea i totonu o lo matou
itumalo nuu nei, e amata mai i Alamagoto. Masalo
e le o po se lilo i la outou silafaga, sina tamai timu
lava, tafe le vai lea i Alamagoto ona o le leai o ni
alavai.
Lau Afioga i le Minisita o Galuega, se i e alofa
ifo i alavai nei, fai i ai se togafiti e mafai ai ona
faasaoina mai meatotino a le mamalu o le atunuu.
E moni lava e le palota i le itumalo, ae tatalo atu
pea ona o lo o alaala ma afifio i totonu o le
itumalo, le toatele o le mamalu o le atunuu. Lau
Afioga i le Minisita o Galuega, o lo o i ai foi le
taligalu lea i le alu atu lea ii i Vaiala se i lavea atu
ai ma Moataa. Ia e alofa ia fai ane lena taligalu pe
a i ai se tupe. O lea ua ou iloa e i ai le vaegatupe
sa tuu atu e fai ai, atonu lava e uma ifo lenei lima
tausaga ua uma ona fai. E le o manaomia i le lima
tausaga, o lo o manaomia vave lava nei tei ua
faaletonu tele le nuu lenei o lenei itumalo, lau
Afioga ma le faaaloalo lava. I le nuu lenei o
Magiagi, o lo o manaomia e latou le toe faataina o
le latou auala. O le faalavelave o le auala lenei, sa
suaina i le vaitaimi latalata i le faiga palota ae o lea
ua manaomia nei i na ia faata, nei tei ua faapea le
itumalo ai ua sua sua, ao lea ua uma le palota ae le
se i avatu se ta e faata ai. O lena lava e i ou aao
mea uma, e le mafai ona toesea le malosiaga o i le
Matagaluega, e ui lava ina utiuti le tupe, ae ou te
manatu, a i ai le alofa, e mafai mea uma i le alofa.
O le nuu lenei o Vailima, tasi lea nuu e masani
ona faapea saunoaga a nisi o le mamalu o le
atunuu, o le nuu malosi lenei, aua foi o lo o i ai le
Ala i le Alofa i le mea o lo o tanumia ai se tasi o
Tusitala tautaua. Ae paga lea, e leai se malae taalo
e mafai ona taaalo ai tupulaga o lenei nuu. O lea
ou te tatalo atu ai i lau Afioga i le Minisita o
Taaloga, se i e tilotilo ifo, pe mafai ona to mai se
matupalapala o lenei nuu ina ia mafai ai ona fai se
latou malae taalo ma promote ai pea le Tourism o
lo o tatou pepese ai nei aua le afifio atu o le
mamalu o le atunuu ma le aumaimoa i luga o le
tuugamau lea o le Tusitala. Masalo na pau lena o
le mea o lo o ou manatua i lenei taimi sa tatalo mai
ai tagata a o le i faia le palota. O lea la ua oo mai i
le taimi ua uma le palota, o lea ua ou musumusu
atu i a outou Afioga i alii Minisita, se i outou
alolofa ma faataunuu nei mea. O lau tatalo faaiu i
Taitai o Vaega faa-Upufai o lo o aofia i lenei
Palemene atoa ma Sui Usufono uma ua tofia mo
lenei lima tausaga, ia maua le alofa ma le toafilemu
ma le faapalepale i ana faiga filifiliga ma faaiuga
aua se lumanai manuia o lo tatou atunuu ma ona
tupulaga fai mai mo a taeao. A maua le alofa ma
le toafilemu, a maua le toafilemu e le Palemene,
ona maua lea o se Malo toafilemu. A maua le
toafilemu e se Malo, ona maua lea o se atunuu
toafilemu. Lau Afioga i le Fofoga Fetalai, afai ua
umi se faamatalaga, ia tofa malie lau Afioga, a o
nai moomooga na o lenei itumalo e tuu atu i le
Malo, e ui lava ina silafia ua utiuti le seleni o lo o
mafai ona faasoasoaina, ae talitonu le loto, e pei
lava ona ou fai atu, a i ai le alofa, e mafai ona fai
mea uma.
O le fautuaga mulimuli i Afioga i alii Minisita ma
Ulu o Matagaluega, faapea ma le aufaigaluega uma
a le Malo, ia outou alolofa, fai faalelei a tatou
galuega, e pei lava o au meatotino o lo o e galue ai,
aua o le mea o lo o tulai mai, e tele naua le seleni
sa tuu atu po o lo o tuu atu foi, a o le tele foi o le
faatamala ma le soona fai. E leai nisi e tigaina ai, o
tagatanuu lava o Samoa e toe tigaina pe afai o le a
tatou le faamaoni i le faiga o a tatou feau ma
galuega, faapea foi e faasoasoaina o seleni, o lo o
mafai ona maua mai aua le lumanai o Samoa mo a
taeao. Ia manuia le Fono.
Tofa Hon MOLIOO TEOFILO
Vaa o Fonoti
Filifilia:
15 Me 1996
Faatauto:
16 Me 1996
Lauga Faataupou:
20 Iuni 1996
Lau Afioga i le
Fofoga o le Fono, ou te
faatulou atu i le afio o lau Afioga i le Sui Palemia
faapa foi le paia o le Kapeneta, faatulou atu i le
afio mai o lau Afioga Tuiatua Tupua Tamasese, o
le Taitai o le Itu Agai faapea foi le Afioga ia Le
Tagaloa, o le Taitai o le Itu o le Au-Taitoatasi. Ou
te faatulou atu foi, i le ee papa aao o Sui filifilia o
Itumalo taitasi o Samoa. Ou te faatulou atu foi i le
afio o le Failautusi o le Fono Aoao ma lona Ofisa,
e le gata i lea, e faapea foi le ee tapuai a Ulu o
Matagaluega o lo o lagolagosua i lo tatou Malo i
galuega fai. O le a sei faamuamua atu lava sau
faamatalaga, talu ai ona o lou Sui o le uluai taimi
foi lenei i totonu o le Palemene. O paia la o le
Maota lenei, o paia e le popo, ae ou te manatu i le
tatou taumafai mai i le Faiga Palota e oo mai i
lenei taeao, o lo otapuai Samoa aemaise lava le
tapuaiga a le aufai-tatalo. O lea e manatu ai le
taofi ou te fia faatulou atu i le aufai-tatalo a Samoa
i le nofo a Ekalesia o lo o tapuaia faiva o lo tatou
atunuu, faamalo tatalo. Ou te faapai atu foi ma le
agaga faaaloalo i le aufai-tatalo a Samoa i le nofo a
Ekalesia o lo o tapuaiga faiva o lo tatou atunuu,
faamalo tatalo. Ou te faapai atu foi ma le agaga
faaaloalo i le tapuaiga a lo tatou Malo, i le afio o le
Ao o le Malo ma Sui o le Fono o Sui Tofia ma lo
tatou atunuu aoao. Le paia i Aiga o Tupu, Aiga o
Nofo, Aiga o Papa ae le gata i lea o le mamalu tele
ia Tumua ma Pule, Ituau ma Alataua, Aiga i le Tai
faapea foi ma lenei Itumalo. O paia na o Samoa,
taatia ia Samoa i Sasae ae o le a faatino lau upu ia
Samoa i Sisifo. O lenei aso ua ou manatu, o le a
taumafai atu sau faamatalaga i lou Itumalo, le Vaa
o Fonoti - I le afio o le Afioga ia Ulualofaiga ma
aiga e lua faapea Usoalii, faapea foi lou nuu o
Faleapuna ma lo latou tapuai mai. Ou te lagona i
lenei taeao, o se taeao ese lenei i lou tagata, sei vae
ane lo outou paia. I lou taumafai e oo mai i totonu
o le Maota lenei, ua ou matauina ai masalo toeitiiti
50 tausaga faatoa oo mai lea o se Faleapuna i
totonu o le Maota lenei. Talu mai le Tutoatasi o
Samoa i le 1962, o le uluai taimi lenei faatoa tuvae
mai ai Molioo i totonu o lenei Maota. A o taimi
uma lava sa faumalo lava le Afioga ia Ulualofaiga
ma le la itu o le itumalo. O lau faitau la i ai ua 34
tausaga, a o lenei taeao ou te viia ma faafetaia le
alofa o le Atua ona ua fai sou taeao, e pei ona ou
oo mai ai i totonu o le Maota o Samoa, se i avatu
se upu ma se manatu o Faleapuna ma le latou
tapuaiga i tulaga o Upufai o Malo. Ona ou manatu
ai lea i le tapuaiga a lau Afioga Ulualofaiga, a ou
vaai ma matau i tulaga a o taumafai lo tatou Malo
Tutoatasi i le va nonofo o Ulualofaiga ma Molioo,
sa fetuutuunai i le va faatupu ma le va faatamalii.
E oo i le isi taimi afio mai Ulualofaiga, o le isi
taimi ua sau Molioo, ae talu ai o le Tutoatasi ma
Faiga Palota, ua fiu lava Molioo e tatalo atu ae e te
le manatu mai. O lea la ua ou sao mai nei ae ua 34
tausaga, ona ou manatu ai lea e ao la ona faapaleni
mea ia e lua. E tatau ona nofo pea Molioo se i atoa
le 34 tasuaga ona faatoa oo atu foi lea o le
faasologa i lena itu o le itumalo. Ou te momoli atu
lau faafetai lou itumalo ona o la outou tapuaiga ma
lo outou faatuatuaga ua mafai ona aumai. E ui lava
ina, a o tatou alo i le Faiga Palota, e le i faapea na
tasi so outou finagalo, ae peitai o lea lava ua fulisia
la tatou Faiga Palota i le mea ua tele i ai la outou
lagolago. Ia taatia maia lenei taimi, o le a ou
taumafai lava i se mea ou te mafaia, ma o i tatou
uma lava lea. Ae tapuai mai e pei ona ou fai atui el
tatou mafutaga, o la outou auauna e vaivai, ae
faamoemoe i la outou tatalo. Pe sa e palota mai pe
sa e le manatu mai, ae tatalo mai pea e manuia ai
faiva o lo outou Faipule. O lau tautalaga lea i lou
itumalo.
O mataupu sa laga i totonu o le Matagaluega ua
ou lautogia i ai, ou te manatu lo outou mamalu ma
a outou Afioga i alii Faipule, e toaitiiti lava alii
Faipule sa saunoa ma taua ni faafitauli. O le
manatu o le Minisita o Faatoaga, o faafitauli ia sa
saunoa i ai le mamalu o nisi o Faipule o le Maota,
e le o aafia ai na o itumalo ia. O moni lava, sa
tatau foi ona saunoa uma Faipule ma aumai
faafitauli ia aua o faafitauli e aafia uma ai le
atunuu. Peitai ane, ou te manatu o le utiuti o le
taimi lea sa tau faasaosao sa le mafai ai ona aumai
nei faafitauli. Ou te talitonu, o faafitauli ia sa
saunoa ma tulei i ai nisi o le mamalu o Faipule sa
mafai ona saunoa mai o faafitauli ia o lo o aoao ai
Samoa. E leai se Faipule o lo outou mamalu na te
faafitia le tulaga lea i lo tatou atunuu aoao. O
Samoa o le atunuu o lona toomaga o le laueleele.
A afaina le laueleele, ua afaina uma taumafaiga a
le atunuu. E le faapea a afaina le laueleele ona
afaina lea o se isi itumalo ae e le afaina se isi
itumalo. E afaina uma tatou. A sau le faamai e
afaina uma tatou. O lea ua silasila i ai i faamai ua
tutupu mai. O le talo le isi mea sa maualuga ai le
atiina ae o Samoa. Ou te masalo sa oo i le $10
miliona le tupe e maua ai, a o le taimi lenei ua leai
ma se talo ona o faamai. O lea na o Sui na saunoa,
a o Sui uma o le Maota lenei atoa ma le atunuu o lo
o faafogafoga mai, ua aafia lou afioaga po o lou
itumalo , ae i ai le tiami e oo atu ai.
O le itu o lo o taumafai nei i ai le Matagaluega e
pei ona outou silasila i ai, o le lipoti e aumai i
asiasiga o lo o alu i tua. O le sisi Aferika ua le
mafai ona pulea. O le itu lea, o se tala tatou te
faanoanoa ai ona o tulaga o le amio a le sisi
Aferika e pei ona silafia, o le sisi Aferika e pei ona
molimau mai e fiafia tele i so o se mea e lanu
lauava. E aafia ai soo se mea lanu-lauava, i
meatoto, o fualaau aina ma le fai e aafia uma lava i
le sisi pe afai e oo atu i ai . O tupe o lo o taumafai
le Matagaluega e faagaoioia ai le tapeina, o le mea
moni e le mafaia e a tatou seleni ia e i ai ona
aveesea le sisi Aferika atoa ai ma le toe faaleleia o
le talo. O mea la o lo o taumffai nei i ai le
Matagaluega atoa ma le fesoasoani a le Malo, o le
tatou tagi atu lea i fafo. O le Malo o Ausetalia lea
o lo o galulue nei e taumafai se fofo o le talo. O lo
o taumafai pea isi fuafuaga faapena. O lo o
faapena foi ona ofo mai le fesoasoani mai Iapani e
mafai ona fesoasoani mai. O lena ua outou silasila
i Nusipepa ua i ai fesootaiga e ala i le Amepasa o
Iapani sa o matou feiloai i inei, ua ave foi i ai le
talosaga mo sa latou fesoasoani. E le gata i le
faamai o le talo ae faapea foi le sisi Aferika. O
mea na ua silasila i ai le Matagaluega i lenei taimi
ina ia saili atu se fofo aua o lemea moni lava e le
mafaia e tupe a Samoa ona fofo le faafitauli lea ae
vagana ua maua mai fesoasoani mai fafo. O le
molimau a le Matagaluega, o le sisi Aferika e
faigofie ona fofo pe afai e aumai le lagolago a le
atunuu. O le tulaga sa taumafai ai le sisi Aferika e
pei ona taumafai i ai le Afioga ia Misa - ia malie
foi le Afioga i le alii Minisita ma feagai ma le
mataupu lenei sa ofoina atu ni seleni mo le sailia
mai o sisi Aferika. E i ai i latou sa talosaga mai, ua
le totogia sisi Aferika. O le fautuaga ua oo mai ia
te Au e Ofisa o le Matagaluega, o le ala lea ua vave
ai le tuputupu ae o le sisi Aferika ona o tupe nei ua
avatu e totogi ai, ua le o e tape le sisi ae ua o
faafofoa in aia maua ai seleni. E faafofoa la e
tagata se i tulou lou outou mamalu e le o mafaufau
i lo latou lumanai ae aafia ai i latou ma aafia uma
ai ma Samoa. O le itu lae e aupito i sili ona
faigata, ona o le taumafai o isi e tape, ae avea le
seleni ua ofoina atu ma mea ua faatuputleina ai le
faafitauli. O le manatu o le Matagaluega i lenei
taimi, e le toe totogia se tupe, a o le agaga o lo o i
ai o a ni seleni e mafai ona maua e le Malo o le a
ave e aumai ai ni vailaau e tape ai. O lea ua
umaona i ai le manatu o le a fono le Komiti ale
Malo faatasi ma Pulenuu ma talosagaina ai le
lagolago a afioaga taitasi i Alii ma Faipule e ui atu
i Pulenuu, ina ia aumai le latou lagolago. O lea e i
ai le manatu e faigofie on ape le sisi Aferika pe
afai e tuu i le sami. Na ona pue lava o le sisi
Aferika avatu i ai ma sami i totonu o le kalone
pepe uma ai. O lea la e maua ia i tatou le fofo, ao
le faalavelave o le tatou le galulue. O le tasi lena
fofo. A tatou le galulue la, e fai lava i tatou e le
sisi Aferika uma ai ma a tatou faatoaga, vae atu lo
outou paia.
Lau Afioga i le Fofoga Fetalai, o lea na ou
talanoa atu i tulaga aoaotetele. O le tulaga ua i ai
le commitment lea e i ai le manatu o le
Matagaluega afai e i ai nisi i le taimi lea, a o i ai le
Afioga ia Misa ua uma ona fai lisiti ae e le i
totogia, o le a taumafai pea le Malo e faamalieina,
ae mo tua atu la e le o toe i ai se manatu e faapea e
faaalu se tupe e fai ai. Na pau lava lea o le mea o
lo o taumafai i ai e talosaga atu le Matagaluega i le
pulega a Alii ma Faipule i afioaga ma alaalafaga
taitasi e aumai le latou lagolago e pei ona taumafai
foi i ia aso ua mavae i le tau tineia o le manu ainiu.
Sa matua tele le sao o Samoa. Afai la e faapea foi
ona toe tuu mai le sao ma le lagolago a le atunuu e
taumafai e galulue faatasi e titina le sisi, o le auala
lena faatasi ai ma le fesoasoani mai fafo i vailaau,
ona faigofie lea ona mate le faafitauli.
O lo o taumafai pea la fuafuaga a le Matagaluega
ma e le o tuua ai le taumafai, ae e pei ona ou fai
atru i le tulaga e pei ona saunoa le Tama a le Fale,
o le tulaga lena. Afai e i ai nisi o le mamalu o le
atunuu sa folafola atu i ai se taui mo le aoina o le
sisi, o le a maua pea pe afai e le i totogia. A uma
loa lena ona talosaga atu lea o le Malo i le atunuu i
le lagolago mai a Alii ma Faipule mo le faaauauina
o le galuega ina ia mafai ai ona foia le faafitauli.
O le isi vaega lea sa saunoa i ai le mamalu o Sui o
le Maota lenei, sa talosagaina ponesi. E taua tele
ma matagofie….
Ou te faafetai atu i le tuleiga ma le saunoaga a lau
Afioga i le Taitai o le Itu Agai e tusa o el vaega
lea. Ou te faafetai atu foi ona ua aveatu sau
faamatalaga o lea ua outou matauina le galuega
fita, e le o se galuega faigofie. O le mea moni lava,
o lipoti ia sa aumai i le faagaoioiga, e le i mafua
mai o totonu o le Matagaluega le faaletonu o le
totogiina o seleni, ae mafua mai ia i latou o lo o
galulue ma totogi i ai le aoina o le sisi Aferika. O
lea foi la ua mafua ai le mau a le Matagaluega, e le
toe faaaluina se tupe e fai ai. E pei foi ona aumai
lipoti i ponesi, sa le lelei ona fai. O le ponesi e pei
ona ou fai atu, o le agaga lelei inaia uunaiina ai. E
faapea foi le agaga o le fesoasoani lea sa tuuina atu
i le sisi, o el mea lava e tasi. A o le faalavelave ua
molimau mai, e i ai nisi ua o ao le sisi aua e fua
pauna ona fua lea o sisi ua i ai ma ala i totonu e
faamamafa ai. O isi pauna o pauna o sisi a o isi
pauna, o pauna o maa. E le faapea la e aofia uma
ai i latou sa faia le galuega. O le mea moni lava
lena. E i ai e sa faamaoni e pei ona tulei saunoa le
Afioga ia Tupua Tamasese, sa toatele Faifeau sa
aafia ai. E moni, ou e faafetai foi ma faamalo i le
latou foi pitolaau ina ia taumafai mea e sue ai ni
tupe e mauagofie. O le mea moni lava i molimau
ua aumai, e i ai nuu i tua i Falealii na maua ai le
sisi. O le po na iloa ai sisi ua feoai i le aualatele,
ae o le mea na tupu ai, na vaaia loa le sisii le po, o
le taeao loa fono Alii ma Faipule o loa ao. E pei
lava o le nuu lea o Sapunaoa ou e faatulou atu i le
tau atu o le suafa o le nuu. O le nuu lea na o mai
lava Alii ma Faipule tau mai ia te Au, ―Molioo, o
le auala tonu lava lea e fai ai. Tuu atu i le pule a
Alii ma Faipule e galulue i le aoina o sisi.‖ Ona
pau lava lea o le auala faigofie ma e faigofie ai foi
ona tape. O le auala lea o le galulue faatasi o le
pule a Alii ma Faipule faapea foi tina, o tamaiti ma
tagata uma e mafai ona maua. E aumai le latou
fesoasoani. E avatu e le Matagaluega kalone e ao i
ai le sisi, utu i ai ma sami ona uma ai lea i ina, ae
afai tatou te faatalitali i se isi auala, e faavavau
lava e leai se fofo e maua. Ou te faafetai e pei ona
ua outou matau mai le agaga taumafai o le
Matagaluega. E pei foi ona ou tatalo atu i lo tatou
Maota, e le mafai e le Matagaluega ona fai lenei
galuega tele ma le faigata, ae vagana ua aumai le
lagolago a lo tatou Maota, atoa ai ma le atunuu.
Ona pau lava lea o le auala faigofie. E le taugata
ae faigofie lava ona fai e i tatou se fofo pe a o tatou
loto i ai.
O tulaga i le talo e pei ona ou talanoa atu i le itula
ua sola. E amata mai lava i le taimi na aafia ai i
tatou, o lo o galulue pea le Matagaluega. O le
agaga ma le faamoemoe, o lo o silasila ma vaai
totoa i ai le Matagaluega ina ia mafai ona tulai mai
ni togafitiga e matua faaumatia ai le faamai talo o
lo o aafia ai lo tatou atunuu. O le manatu o le
Matagaluega e pei foi ona outou finagalo i ai, o le
tamaoaiga lena ma lo tatou faalagolagomaga lea i a
tatou atiina ae. Afai la e manuia taumafaiga o lo o
fai e le Matagaluega, o le a faapea lava ona faasolo
atu le manuia i lo tatou atunuu i nisi tausaga oi
luma. E le mafai foi e pe ona ou tatalo atu ia
manuia le Matagaluega ma le Malo, ae nofonofo lo
tatou atunuu. E faatoa mafai lava ona manuia pe a
tatou galulue faatasi.
O tulaga i ponesi, sa taua foi ma saunoa i ai le
mamalu o Sui. O le mea moni lava o lea ua aumai
nei le pepa ia te Au e leai se seleni o fuafuaina e le
Malo mo se ponesi. O le mafuaaga o lea tulaga e
pei ona fautuaina e nisi Sui o le Maota lenei, e tele
taimi e totogi ai ponesi ae le faamaoni le
aufaigaluega o lo o vaaia. O le ma moni lava e
tausoomu foi i nisi o Asiasi Itumalo a le
Matagaluega o Faatoaga ona le faamaoni. Ae
mafua foi ona le faamaoni ona o le uunai mai e nisi
o Faifaatoaga o itumalo. Aua la ne i tuuaiina mai
le leaga faapea o le Matagaluega, e leai ua leaga
uma lava tatou.
A leaga le fuafuaga a le
Matagaluega, o leaga na mafua mai i le uunai mai
a tagata tua. Aua la ne i tuu maia e faapea o se
galuega ua leaga ona o le Matagaluega, ae afai ua
leaga ona o le faaosooso mai tua. O le galuega la
ua leaga o le faaosooso mai tua. O le galuega la ua
leaga uma ia i tatou. Ona ou manatu lea, o lo o i ai
le fuafuaga ou te manatu afai e manuia ona faapena
lea ona fai.
Ua toe tulai atu ma le agaga faaaloalo e tusa o le
mataupu lea na saunoa i ai le Afioga i le Gafatasi,
ou te faamalulu atu e pei foi ona ou talanoa i le
mea lea o le sisi. E le faapea o aufai-faatoaga uma
e aafia ai, e i ai lava nisi. E le faapea foi o le
aufaigaluega uma a le Ofisa o Faatoaga e aafia ai, e
i ai lava nisi e aafia ai, ae ua avea la le amio a le
toatasi pe toalua ua faitioina ai ma tutupu ai
faafitauli ia. E pei la ona suanoa le Afioga i le
Gafatasi e le aafia ai, ou te faamaonia e le mafai
ona faapea se amio a le Afioga i le Gafatasi ae ou
te le iloa ia Fiu pe faamaoni le itu lea e saunoa mai
ai. O le agaga e pei ona tau tilotilo i ai le
Matagaluega i mea tau ponesi, ou te manatu o le a i
ai se taimi ona i lumamea lea i le Maota lenei.
O le ponesi a i tatou e ese le faiga. O le taimi a
tuu ai le koko po o le niu po o le fai, o le taimi foi
lena e alu atu ai ma le faitauga ma maua le tupe, a
o lea e le i fua e le i ola. E le iloa la pe totogi nei
lea ponesi a o le vaiaso lea pe a ua maumau ai
tupe. O le mea lea o lea e tau tilotilo nei i ai i se
faiga e aupito sili ona lelei.
E pei o lea e taumafai e faasolosolo atu i mataupu
ae ua popole mai le Sui o Vaisigano Nu.2, a o lea e
le i oo atu i ai le faamalamalamaga. O lea e
taumafai atu lau faamatalaga i le aoaotetele o le
mataupu lenei aemaise o lea o lo o silasila le
Matagaluega i tualga e fai ai ponesi. O le manatu
la i ai e pei ona maua mai i se malaga i fafo sa o
ma faatasi ai ma le Afioga Le Tagaloa i le atunuu o
Austria, na ma i ai i le fono tuufaatasi a le lalolagi
mo le aia-tatau. Na ma taunuu atu i le taimi lena i
le fono o lo o fai le tauvaga i Austria i le laau lea o
le vine. O le vine o le laau e ola tele ma tamaoaiga
ai le atunuu lea. O le vine o lo o faaaogaina i le
faiga o le uaina. O le mea sa ese ai lea tauvaga,
ona o le aufai-togavine e fai le latou tauvaga pea a
fua mai vine. O le galuega la a le aufai-faatoaga
vine e matua galue lava le tagata ia e fai ana vine.
Ona alu atu lea o le asiasiga vine, ae na maua le
tagata faivine e toatasi ua sili atu i le sefulu
tausaga, e sii faalausosoo lava ia i le faiga o le
vine. Sa matua tuliloa ma matai e le aufai-togavine
pe mafua aisea. Sa tele foi tusitusiga i le Nusipepa.
O le mea taua na faaalia ina ua mafai ona faaali
mai e le tagata lea le mafuaaga o lona manuia i le
sefulu tausaga o maua e ia faailoga tupe ma
faailoga uma o le vine. Na fai mai le tamaloa, o
Au ou te alofa tele i Au laau. E amata mai lava i le
taimi e toto ai e oo lava i le taimi e fua ai. Ou te
alu i aso uma ou te talatalanoa ai, ou te alu i taimi
uma e fafaga, ou te alu i taimi uma ave i ai vai. Ol
e mea foi lea afai e fua mai le vine, e matua fua
mai ina ia faamalieina Au. O lona uiga la, o le taui
o lenei tagata e le maua fua, faatoa maua lava i le
taimi e fua ai. E le gata i le tele o tupe ae tele foi
lona tamaoaiga e maua ai ona o lana galuega. E le
faapea e fai i se aso e tasi, e pei o le mea lea e i ai
tatou e toto loa manao e avatu le ponesi, a o lea e
lima tausaga faatoa fau. E le iloa pe lua tausaga pe
a o lea ua avatu i ai le tupe. O le mea lea e manatu
ai, o le a sei tilotilo i ai ae aua le vave faia le
ponesi ae faatali sei fua.
O le isi foi mea matautia, sa i ai se ma feutagaiina
ma le Fomai o lo o faapitoa i mea tau laau ia i
tatou….
Faafetai i lau Afioga a le Fofoga Fetalai. Ua tau
galo foi le mea na gata mai ai i le malologa. Sa
taumafai atu lava faamatalaga lau Afioga ma le
mamalu o le Maota i la ma talanoaga ma le pule o
lo o ia vaaia fualaau i totonu o le tatou atunuu, le
Susuga ia Dr Semisi. Sa iai tagata na omai e
mananao e toto le meleni i totonu o Samoa. O le
fautuaga ma le manatu sa i ai, ina ua aumai le
manatu lea e fia toto le meleni i totonu o Samoa, sa
ou matua fiafia lava lau Afioga. Ona ou amia lea o
le Susuga ia Dr Semisi e sau ma te talanoa. Na ou
fesili lea ia Semsi, e te iloa o le a le eseesega o le
atiina ae o le meleni a Tonga ma le maleni a
Samoa? Aua a outou silasila i tulaga o lo o i ai, a
aumai se meleni Tonga e lapoa, susua, suamalie.
Ae a aumai meleni a tatou, e laiti lava. Ona
manatu lea, e i ai lava se secret o la e i ai i le
meleni lea e le o maua e tatou. E i ai lava se mea
faapitoa. O elmea lea sa ou fia talanoa ai i le
Susuga i le Fomai faapitoa o lo o vaaia lea itu.
Ona fai mai lea o le mau a le Susuga i le alii
Fomai, i taimi a o i ai i Alafua, sa i ai ni tamaiti
aoga e toalua mai Tonga sa aooga i le Kolisi lea i
Alafua. Ona fai lea o toga meleni e fai ma
faataitaiga i Alafua, e galueaina e tamaiti Tonga
ma le toga meleni e galueaina e tamaiti Samoa. O
el mea na vaaia e latou, e ese le mea e galulue ai
Tonga. O le mea na i ai, a o lei amata ona toto, sa
o atu lalalfo le vao, ona toto lea o meleni. E amata
mai lava i le taeao e oo i le afiafi, peitai e vaai atu
ua o tamaiti Samoa fufulu lima, o tafafao; a o el au
Tonga ia, e nonofo lava ii, e po lava le aso o
galulue i le amata ona foafoa mai o le toga meleni
lea. E le gata ina po le aso o galulue, ae momoe ai
lava i fafo i le toga meleni. O lau tala sao lava lea
e fai atu. Na amata loa lea ona ola meleni seia oo
ina fua. Ua taufai fua uma nei la laau aua na toto
faatasi. O le mea na vaaia, o lo ofai lava le amio a
tamaiti Samoa ia, na ona o lava e galulue i le toga
meleni, ae afiafi loa o tafafao, o voli. A o le au
Tonga, e momoe lava i fafo e vaavaai latou meleni,
e momoe faatasi ma meleni. A o le taimi la na fua
ai a outou afioga, o le taim lava e fua mai ai ua oso
le fua, o loa le au Tonga ua lau mai uma laulau, sii
i luga meleni ae tuu ai laulaau ia i lalo e faamalu ai
le taoto a meleni. E le gata o le faataoto lelei ai o
fua ia o le meleni ae o ua aumai mea e ufiufi lelei
ai ia aua nei laina. E le gata ina malu le mea e
taoto ai ae le laina foi. E le gata i lea, a o le teuteu,
oto ane sia mea, oto ane sia mea, ae ave uma le ola
i meleni ia. O le mea la na iloa ai, ina ua uma le
taimai na fai ai, e matua lapopoa lava ma aulelei
meleni a Tonga, ae matua paee lava ma auleaga
meleni a Samoa. E mafua la, e pe ona ou fai atu ia
outou afioga, o le mau lea sa maua mai i le mea
lea, ua ou taua ai le mau lea o mea o lo o tutupu i o
tatou afioaga nei ma tatou laueleele. E leai lava se
eseesega ma mea ia sa maua mai fafo i Austria. O
le tagata lava e toaga, e le faapea e toaga seiloga e
fua mai oan faatoa toaga lea. Pe oo i le taimi e toto
ai ona faatoa toaga lea e tuu i lalo ona alu loa lea e
tafao ae tuu mea ia i le aso atoa. O le taimi lava e
tuu ai i le eleele, o le taimi foi lea e ave uma i ai
lou concentrate, ave uma i ai ma lau faapelepele
seia oo lava ina fua. A oo ina fua, e faapena ona
fua tele mai, e faamalie ai le tagata faifaatoaga pe
afai e faapea ona ave pea i ai le faamuamua. O le
tulaga la lea e pei ona ou talanoa atu i a outou
afioga, pei o nai manatu ia o lea e tau i ai le
fuafuaga a le Malo ua le faatauaina ai nei mea o
ponesi. E ui lava ina i ai manatu o se mea e taua
mo le atiina ae, ae faapena lava i so o se faiga. Ua
tele foi tausaga o taumafai mai i le faiga lea e fai ai
nei, ae se i o tatou taumafai i se isi faiga fou. O le
mea lea, o le fullu commit o le tagata i lana atiina
ae e fai. E le faapea la na o le meleni ma le
togavine. Ou te manatu, so o se atiina ae, po o le
fai, le koko. Afai e te toaga i ai i aso uma e tausi
ma vaai, e faapena foi ona fua tele ae le faapea
seiloga e manao i le tupe o le ponesi ona faatoa oso
lea e teu. O le mea lea o lo o vaaia i le tele o atiina
ae a le Matagaluega, na o le taimi lava e toto ai. E
uma loa ona pay le ponesi, ona fainaelo foi lea i ai.
E toe asi atu i le faalua ua le aoga atoa, o lona uiga
ua maimau tupe ia na totogi i le amataga ae le o
mafai ona faaauauina. O lemea taua i nei mea o
atiinae ae, o le faaauau pea. O le taimi lava e tuu
ai i le eleele, ia faaauau pea seia oo lava ina fua. E
pei o itu taua ia. O le mea foi la lea ua i ai i le
manatu o le Matagaluega ma tilotilo totoa i ai, se i
tatou sailiili lava i ai po o fea le mea e manuia ai.
O le isi tulaga la outou Afioga e, e tatau pea ona
ou taua, ou te manatu o el tulaga fita lea i totonu o
so o se atiina ae a le tatou atunuu, e le o se
faafitauli fou. Ae ou te manatu o se faafitauli na
soifua mai ai lava lo tatou atunuu, sei tulou lo
outou paia ma lo outou mamalu - O le mea lea, o le
fiafia pupuu i mea e fai. O le faafitauli lea, na ona
oso nei lava fai le atiina ae oo mai loa isi mea, tiai
atoa le atiina ae ae alu loa le taimi e fai ai isi mea
ae le mafai ona matua alu i ai i taimi uma. Afai e
fai le atiina ae o le fai, ia matua taumafai e fai i
taimi uma. Ave i ai le faamuamua, po o le a lava
le ituaiga atiina ae e fai, ae a fai, ia fai ma teuteu
ma vaavaai i ai. E faapena ona i ai le manuia, ae le
mafai ona i ai se manuia i le amio lea e i ai nei
tatou o le fiafia puupuu.
La outou afioga e, ina ua ou taua le mea lenei o le
fiafia puupuu, e manatu o lo outou paia ma lo
outou mamalu, e toatele nisi o outou o tama o lo o
tatou atunuuou te laitiiti ai, ae a outu silasila i
tulaga o atiina ae i totonu o le tatou atunuu lenei o
Samoa, i le aumaiga e alii papalagi mai fafo le niu,
o le a le mea na tele ai le niu i totonu o Samoa? O
tagata na aumai i Solomona, aumai latou te atiina
ae, a o lea lava e feaoai tatou. Atiina ae le koko, o
ai na manuia ai le toga koko o Samoa? O Saina. A
o lea lava e feoai tatou ae tatou te nonofo lava i o
tatou eleele, ae tatou te le popole lava i mea ia. E
le faapea la o se mea na mafua mai ia tatou. Ou te
manatu la outou Afioga e, o le faafitauli i lou lava
manatu ma le manatu foi o lo o taumafai nei e foia,
atonu tasi le isi mea ua mafua ai, o lo tatou
faatalale i meaalofa a le Atua. O o tatou laueleele
lafulemu, ua ola mai ai so o se mea tatou te maua i
so o se taimi. Ua tatou faatamala ai e putiputi ma
atiina ae. E toatele nisi mai fafo e omai matou
talanoa, o le latou lava mau o lo o aumai, o lo o
tatou nonofo i luga o oa. O Samoa o le atunuu o le
Parataiso, a o le tatou leiloa ona faaaoga le
laueleele. Ua tatou faatamala i le faaaogaina o le
eleele. O le tulaga i lenei vaitaimi a outu afioga e,
ou te manatu o le galuega o le atiina ae o le tatou
atunuu, e le o se galuega na o le Ofisa o Faatoaga.
O le galuega a Samoa. A outou mananao ina ia
manuia le Ofisa o Faatoaga, tatou galulue. Tuu
mai o outou aao tatou te galulue ae le mafai ona
manuia le atiina ae pe afai na o le Ofisa o Faatoaga
ae le tuu mai la outou lagolago. O tulaga la na pei
ona ou talanoa atu. Aumaia o outou fautuaga i
ponesi, o lena lava ua lagona lo outou finagalo ma
lo outou paia i nisi ua tagisa i ponesi. O lena ua
faaali atu. O le taimi nei, e leai se fuafuaga a el
Malo mo le ponesi ae taatia maia a outou fautuaga.
E le faapa o le a ou fai atu nei o mea o le a fai ai o
lena, e leai. O mea ia ou te fai atu nei, o mea o le a
tilotilo ma silasila i ai le Malo po o le fea mea e
aupito sili ona lelei. A o lea ua i ai le isi option lea
tatou te agai i ai pe afai tatou te mananao e atiina
ae lo tatou atunuu ae taatia maia le tulaga o le
ponesi, se i silasila totoa i ai le Matagaluega atoa
foi ma le Malo i le agai i luma. Po o le a lava le
mea e silafia e le Malo e aupito sili ona
faatelevaveina ai le atiina ae o le tatou atunuu ae
taatia maia le tulaga o le ponesi, se i silasila totoa i
ai le Matagaluega atoa foi ma le Malo i le agai i
luma. Po o le a lava le mea e silafia e le Malo e
aupito sili ona faatelevaveina ai le atiina ae o le
tatou atunuu i mea tau faatoaga. O le a fai lava le
mea sili mo le tatou atunuu.
Sa taua e le Sui mamalu mai Vaisigano Numera 2
le koko. E pei lava ona ou taumafai atu, pei o le
itu taua lava sa saunoa i ai le Sui, e manao ina ia
totogi ponesi o le koko ona e faapea o le ponesi lea
e uunaia ai le aufai koko. E faamalulu atu ai la, o
lo o mautinoa lelei e le Malo le taua o lea foi laau.
Faafetai i lau Afioga, pei e popole mai le Sui a o
lea e faasolosolo atu. O lea tatou te talanoa atu i
ponesi, a o le aufaigaluega lea e le i oo atu i ai le
faasologa. O le a sili ona ou tali atu faapea i le
fetalaiga a le Tofa ia Vaatiuola. O le talitonuga o
le Matagaluega la outou Afioga, pei o le vaega lea
na saunoa i ai le Tofa ia Vaatiuola, ou te matua
momoli atu le agaga faafetai. Faafetai ona o lea e i
ai tama o le atunuu o lea e silasila i faaletonu o le
aufaigaluega. O lau talosaga ma lau mau la outou
Afioga i alii Faipule ma le mamalu o le tatou
Maota, e manaomia e le Minisita ma le
Matagaluega la outou silasila. E pei foi le mea lea
ou te fai atu ai, e taua le tatou galulue faatasi. Afai
tou te silasila o lo o faatamala le aufaigaluega a le
Malo, tau mai, o le matou tiute lena. O lea la ou te
faafetai ai aua o el mataupu lea sa saunoa i ai
Vaatiuola i le le faia o le tiute o le Asiasi Itumalo
lea, o lea ua ou faamauina ii se i maua se taimi
avanoa pe a uma le Fono lenei, ona fai lea o se
matou feiloaiga. O fautuaga ia ua aumai, o
fautuaga e tatau i lou taofi ma la outou Afioga e
ono galulue faatasi ai lea Asiasi Itumalo ma
itumalo ma afioaga i tua. E le o galo la le fautuaga
la outou afioga e, o lo o matua mau lelei atoatoa,
ae vagana taimi e feiloai ai le Matagaluega ona
mafai lea. A o le mea moni lava la outu afioga e, o
fautuaga taua ia, mo le faaleleia o le tatou galuega,
e faapena ona moomia ai la outou lagolago mai. E
le gata i lea, e pei ona saunoa le Tofa ia Vaatiuola,
ae faapea foi ona tatalo atu i le tatou mamalu nei lo
outou paia i alii ma tamaitai Faipule i la outou foi
silasila i Matagaluega o lo o outou galulue ai i tua i
afioaga ma alaalafaga. A i ai se mea e faaletonu ai
pe lapelapea ai se Ofisa ma se Matagaluega, e
mafai oan outou susu mai ma tatou fesoasoani atu
le Matagaluega. O auala ia e o atu ai le fesoasoani
a le Matagaluega, ma faamanuiaina a outou afioga
ae le mafai ona fai pea afai matou te nofonofo atu i
Apia nei a o la e tafaovale le Asiasi Itumalo i tua
ae le faia le galuega. O la outou fesoasoani la lea,
o lo outou omai e logo mai le faafitauli ma faapena
lea ona toe feiloai le Matagaluega ma fai se
fuafuaga i le mea e ao ona fai.
Ona oo mai lea o sau faamatalaga i le tulaga o le
isi vaega o le Matagaluega lenei, o mea nei o
faigafaiva.
E faafetai lava i lau Afioga. Sa ou manatu ua
tatau ona faamalieina lou finagalo. O lea foi ua
uma ona tali atu i le taimi lenei, e leai se seleni o
fuafuaina mo le ponesi. E le o se mea alofia, e le o
faaalofia foi sau tali atu, ae nap au lea mea lea ou
te talosaga atu, taatia mai la outou fautuaga. O le a
i ai pea fuafuaga silasila mamao a le Malo po o a
auala e tatou te felogonai lava. A o le taimi nei ma
le Tala Faatatau o le Tupe lea ua i luma o lo outou
mamalu, e le o i ai se fuafuaga faapena ae
faamoemoe tatou te galulue mo le agai i luma, ma
le agaga faaaloalo.
O le tulaga la pei foi ona taua e nisi le taumafaiga
lea a le Ofisa o Faigafaiva, e i ai lava nisi o Sui sa
latou taua ai le Maketi o Ia, atoa foi ma taumafaiga
o lo o i ai. E momoli atu le agaga faafetai ma le
faamalo i lo outou paia ma lo outou mamalu ona o
le fautuaga i lea foi vaega o le Matagaluega. O le
manatu o lo o i lenei Matagaluega, o lo o taumafai
lava i le mea sili e auauna atu ai, e le gata i totonu
o le tatou atunuu, ae faapea foi le mamalu o le
aufai-faiva ma le mamalu o le tatou atunuu atoa foi
ma ni a tatou ia e mafai ona auina atu i atunuu i
fafo. O fuafuaga o lo o i ai nei, atonu e le o po se
lilo i lo outou silafia, o lea ua amata nei ona gaoioi
le Matagaluega i le toe atoina o le maketi na
faaleagaina mai aso ua mavae, ma e i ai le
faamoemoe, o lo o i ai foi ni fuafuaga e talosagaina
ni fesoasoani mai fafo e aumai e toe faaleleia atili
ai le maketi ina ia mafai ai ona raise le standard pei
o tulaga o lo o i ai maketi i atunuu i fafo. Ia mafai
ona maua fagotaga a le aufai-faiva aumai gasese ai
e le gata o le fofoga taumafa o le atunuu, a ia
faapea foi, o a ni ia ua le mafai ona taumafalia ua
tele, e mafai ona sue maketi i fafo e mafai ona
tuuina atu i ai. Sa i ai foi se fautuaga sa aumai ina
ia silasila le Malo e latou te taumafai e faatauina
uma ia ia. O fautauga lelei lava pea a i ai tupe e fai
ai. E pei o le vaega lea, o lo o i ai lava le aufaipisinisi ma le aufai-faiva taitoatasi. O lo o mafai
ona latou faaaogaina lea avanoa taua. O lo o i ai a
latou fesootaiga ma Kamupani i Fafo e mafai ona
auina atu i ai e latou. A o fautuaga ua aumai e tusa
ma le agai i luma, taoto maia la outou fautuaga, o
le a taumafai lava le Matagaluega e silasila i ai, o
le a semea e faamata e oo mai ai faamanuiaga
faaopoopo i totonu o lea atiina ae, o le a faapena
lava ona taumafai i ai.
Sa taua foi e se tasi o Sui le tulaga i vaa fagota.
Ou te manatu la outou afioga e, tasi lea vaega taua
o le tatou atiina ae, aua o le tatou siosiomaga ma le
tatou tulaga o lo o i ai, e le gata o itu tetele ia o lo
tatou tamaoaiga, e le gata o le tatou eleele ae
faapea foi le tatou sami. E pau lava le agaga o lo o
faanoanoa ai le Matagaluega, o lo o i ai faafitauli ia
o lo o tulai mai i totonu o le tatou atunuu. I le
gataifale o tatou, e le uma lava le faatamaia o le
tatou gataifale. O le faaaogaina o mea ia o ava
niukini. E le gata o ava niukini a o fanaia. E
faapea fi ma vailaau oona o lo o oona ai le sami. O
lenei mataupu, e le o se mataupu fou. O se
mataupu ua leva tausaga o feagai pea ma i tatou.
Sa feagai foi ma ia Minisita ua tuanai atu, ae o
lenei foi ua oo mai i lenei vaitau ma le soifuaga ua
tatou i ai nei. O le aafiaga o lo outou soifua ma lo
tatou atunuu i le faaaogaina o nei vailaau e
faatamaia ai, o le matua tele lava. E le gata ina
mativa ai lo tatou atunuu i mea tau ia, ae o le a le
toe maua mai foi ni a tatou tupe mai fafo. A o le
tagata fagota e alu e faaaoga mea ia e fai ai ona
faiva, a oo ina alu e fagaota, o elna tou te silafia, e
alu ao main a o ia lapopoa ae tiai ia laiti nei ua
mamate i ana fanaia. O le mea lea, peiona ou
tatalo atu ma le agaga faaaloalo, i nisi o taumafaiga
a le Matagaluega, e le gata o le atiina ae ma
taumafaiga mo le laueleele, ae faapena foi ona
tatalo atu le Matagaluega i la outou afioga ma
lemamalu o lenei Maota. Ia faapena foi a outou
Afioga i alii Faipule atoa ma Samoa atoa. Ia
alolofa e i ai lava tatou auala e fagogota ai ae taatia
vailaau, taatia mea nei o fanaia, tatou manatu i le
tatou manuia. E le mafai ona tatou manauia pe afai
e faaauau pea ia faiga.
Ona oo mai lea i vaa fagota. O vaa fagota, o lo o
ua toe taumafai nei le Matagaluega e toe tau aoga i
ai vaa fagota mo le faateleina o le fofoga taumafa.
E i ai se Kamupani o lea ua amata nei ona latou
fausia ma tuuina atu ai i le Matagaluega ma le
Malo latou te fausia ni vaa. A faapea la o le a
faamanuiaina lenei Kamupani, a i ai foi nisi e
toatele e mananao i nisi vaa, o le a faapena lava
ona faasoasoa atu i ai galuega a lea Kamupani mo
le fesoasoani mai i lo tatou Malo.
Sa ia i foi se tasi o saunoaga a lo outou paia sa
taua ai mea nei o manupapalagi. Atonu o lea ua
maua e lua a tatou uta manupapalagi sa…..
Lau Afioga, pei o lea ou te tilotilo atu i Au
faamaumauga, e le i saunoa le Afioga ia Sua i mea
ia tau i vaa fagota. O lea foi la ou te fiu e tau autilo
i Au pepa ia sa tusi i lalo, vagana ua misi i lau
faalogo.
Faafetai. O le a ou tali atu la i le saunoaga a le
Afioga ia Tavui. Sa taua i le saunoaga a le Afioga
i le tamaitai Faipule le tulaga faanoanoa ma le
tulaga le manuia o lo o i ai le Fale Ia lea sa agai foi
i ai le Motu tele i Salafai. Ou te faafetai atu ua
taua lea vaega ma ou te tatalo atu ma le agaga
faaaloalo. I le taimi nei, e leai se fuafuaga a le
Matagaluega ua faia i ai, ae taatia maia le mataupu.
O lea e i ai le fuafuaga o le a alu atu i ai se
asiasiga, masalo a uma loa le tatou Fono i le vaiaso
lenei, ua ou alu loa se i vaai i Savaii po o le a tonu
lava le mea e tatau ona fai i le faafitauli lea. Ou te
manao e fia fai se mea lelei, ina ia fesoasoani foi i
le aufai-faiva i Salafai ae le mafai ona fai. A lea ua
i ai le fautuaga, atoa foi la ma le manatu, e le mafai
ona faia nei se fuafuaga ae le i vaai i ai le Minisita
ma le Matagaluega. Ia taatia maia o lo o mau lava
i inei le faamoemoe, ae ona o le tulaga faaletonu o
lo o i ai, taoto maia lau talosaga i alu Afioga i le
tamaitai Faipule. E pei lava ua uma mea ia sa taua.
E faafetai atu lava i lau Afioga. E sili lou tali atu
i le vaega lea ua saunoa i ai le Afioga i le tama a le
fale. O la e ua i ai le tatou Tulafono i mea ia tau le
puipuia o le soona fagotaina o le tatou sami. Ua i
ai le size o le lapoa e tatau ona fagotaina, atoa foi
la ma figota taua ia a tatou e pei o ula. O ula foi
nei ua silasila ua lata ona maua ai isi ula, ua tatau
lava ona faaeteete ma faasaoina na mea. O la e la
ua i ai Tulafono. Ae afai e le i silasila i ai le afioga
i le tama a le fale, atonu e i ai se taimi ona maimoa
lea i ai o le Maota nei, a o la e ua i ai le Tulafono.
E pei o le popole lava o le Afioga i le tama a le
fale, ae a aumai loa le Tulafono ma faamaonia, ona
faatoa mafai loa lea ona o le aufaigaluega e
vaavaai le vaega lea ae le mafai ona o nei ae le i
aumaia i luma o le Maota.
O le vaega lea sa fesili ai le Sui o le itumalo o
Gagaifomauga Nu.2, ou te faafetai atu, e le i faapea
ua galo, o lea lava e maui Au pepa. Sa saunoa ma
aumai lana fautauga lea pe mafai ona silasila le
Matagaluega i mea nei o isi figota e pei ona taua ai
le atunuu o Fiti, i mea e mafai ona faafofoaina i le
vai. O le mea moni lava a outou Afioga, o lo o fai
suesuega a le Matagaluega i le vaega lea. E le
faapea ua nofonofo le Matagaluega o Faigafaiva, o
lo o fai foi a latou suesuega. O a uma lava mea e
maua e mafai oan fesoasoani i le tatou atiina ae, po
o ula vai, po o ula sami, po o a foi ni ia e aumai e
faaopoopo e faafofoa i le vai, o lo o silasila lava le
Matagaluega ma fai i ai ana suesuega ina ia mafai
ona faateleina ai nisi o mea e mafai ona fesoasoani
i le tatou gataifale. Ona pau ia o mea. A i ai se isi
mea ua galo, ia toe fesoasoani mai i se isi taimi, ae
momoli atu lau faafetai tele i le paia o lenei Maota,
faafetai foi i lo outou fautua mai. E pei lava ona
ou fai atu, o a outou fautuaga uma, o lea ua mau
uma i pepa a le Faatonusili ma Au, o le a taumafai
lava e faaleleia mea uma na outou talosaga mai i
ai. Ma lou agaga faaaloalo, ia manuia le tatou
Fono.
Afioga MUAGUTUTAGATA PETER AH HIM
Sagaga le Usoga
Filifilia:
24 Iuni 2000
Faatauto:
26 Iuni 2000
Lauga Faataupou:
16 Ianuari 2001
Faafetai lava i lau
Afioga. Lau Afioga i le
fofoga Fetalai, ae ou te le i agai atu e fai se manatu
mo lou itumalo i le Tala Faatatau Faaopoopo o le
Tu0pe, e muamua lava ona ou faatalofa atu i le
tapuaiga a le Ao Mamalu o le Malo, lau Susuga
Malietoa Tanumafili II, o le Tapaau Faasisina. E
tee e i lou nmofoa vaevaeloloa ma lou fala na fola
loa, e faalogo ia te oe Samoa. Afifio lo outou sa
tautai tolu, Sui o le fono a Sui Tofia, afio le
Palemia ma Minisita o le Kapeneta, le Faamasino
Sili ma le Vaega o Faamasinoga, tainane le afio o
lou Afioga i le Fofoga Fetalai ma sui mamalu o le
Maota.
Ou te faatalofa atu foi i le paia i Aiga ma a latou
Tama, o Tama ma o latou Aiga, le usoga a Tumua
ma Pule, ituau ma Alataua, Aiga i le Tai ma le Vaa
o Fonoti.
E faatalofa atu foi i auauna o le Tala Lelei, o lo o
outou nonmanu mo Samoa, o outou sa ma faiga o
le a faataalolo.
E muamua ona ou momoli le faafetai ma le loto
maulalo i lou itumalo o Sagaga le Usoga i le
filifilia o au ou te nofoia le nofoa faa-upufai o le
itumalo. Le afifio o Maualaivao ma le Matua ia
Faamausili, susu Seiuli ma le Foealii, le mamalu o
pou e fitu o le fale o le Malietoa ma upu ia te oe
Auimatagi. Afifio le paia i le aiga Sa Gaufaleai;
susu Fata ma Maulolo ma le vagaga tulafale ma le
mamalu ia te oe Tuisamau.
Afio Saena ma le aiga Sa Saena, susu
Luafatasaga, afifio Tuitea, Faavaoga ma
Ututaaloga. Le mamalu ia Tupailesa ma le fale ma
le afu o Alataua.
E ui ina utiuti le taimi ua ou faaauauina ai le taimi
totoe o le Paeaiga, ae so o se auala e mafai ona
tautua ai i lo tatou itumalo, i le atunuu atoa, tatou
ave lea i uta. Ou te lagona foi le loto tele ona o a
otuo tatalo faamanuia. E vaivai le tagata ae o le
fesoasoani mai o lo tatou Matai e maua ai manatu
lelei.
Sa ou maitauina ma le totoa se vaega taua tele sa
aumai i le lauga o le Tala Faatatau Faaopoopo o le
Tupe. O le itu taua lea i le faaleleia o le poto
masani ma agavaa i le faatinoina o galuega a le
aufaigaluega a le Malo. Sa faamalieina se tasi o
manaoga o loo faalagolago i ai le faamoemoe, o el
faamatuu atu lea o nisi o tiute o Komisi o loo pulea
galuega a le Malo, i pulega a Matagaluega a le
Malo, lea na moomia ai le Teuteuga o le Faavae,
ma o lea ua pasia e le Maota i lana Fonotaga aso 21
Tesema 2000. E le toe tau finauina e le itumalo
lenei le moomia o talosaga e tuu atu ae tali vave
mai le aufaigaluega a le Malo; po o le Vai, le
Auala, po o Moli, e manaomia le vave ona tali mai.
Ia tali mai atoatoa i le faamaoni, i aga faatamalii,
aga faaaloalo ma aga tausaafia a le aufaigaluega.
O lea foi ua vaaia ua galulue isi Matagaluega e
aunoa ma se malolo i aoauli. Faafetai tele i lea
tulaga, a o le fesili- O a fea e faapea ai fo isi
Matagaluega? Pe tau faatalitali ea isi Matagaluega
se i aveatu i ai se faatonuga? Ou te talitonu ia
tausolomua outou na o faauluuluga o Matagaluega.
Fai le mea tonu ma fai le galuega e tatau ona fai ae
le o le tau faatalitali seia aveatu se faatonuga.
Manatua o le tagata n ate iloa le mea e tatau ona fai
ae le faia, o le agasala lea i luma o le Silisili Ese.
O outou o lo o faatautaia le Matagaluega, ua tuu
atu i ai le faatuatuaga a le Malo ma le atunuu. O lo
o i ai foi tou taleni na ala ai ona tofia outou. O le
faapogai lena.
O le toatele o Samoa e toai mai i Apia mo se
fesoasoani, e fia vave pue a latou pasi po o auala
foi e toe foi ai i tua. O se fesoasoani tele mo i
latou pe a taumafai le aufaigaluega e tali vave i a
latou talosaga.
O le toatele foi o le itumalo lenei o Sagaga le
Usoga, ua tala i uta le aai e nofoia tuamaota ma
faatoa lelei laueleele e soifua ai. O se itu lelei lea,
ma o se itu e lagolago ia matou taumafaiga o
faaeleeleaga, o le teuteu lelei ma faata auala e
fesootai ai auala faalava i tai ma auala o lo o
faalava ifo i gauta i le itu lea o Aleisa e agai atu i
Leulumoega, e faapei ona faia foi i le auala o lau
Afioga i le Fofoga Fetalai i Faleasiu i le aai o
Faleasiu uta. E faapena foi ona moomoo si ou
itumalo e ui i ni auala lamolemole.
E tatau foi ona faafetaia le Matagaluega o
Galuega mo lena galeuga tele sa faia i Faleasiu.
Ae lelei ona silasila totoa ane i ai se i faasolo mai
le polokalame i si ou itumalo i mea tau auala. E ao
foi ona silasila totoa ane i le Vai, Telefoni ma le
Eletise. E fai sina loloto i uta o eleele ua matou
faatoa ma o se fesoasoani tel emo i matou pe a
faaleleia nei auala e faafaigofie ai ona felauai fua o
matou faaeleeleaga, e lagolago i le maua o le
taumafa i le maketi, ma lagolago foi e tele ai le
taumafa e tau taofiofi ai le siisii i luga o tau o mea
taumafa i le maketi.
Faamalo i le Malo ma le atiiina ae o lo o
faagasolo nei e faataoto mai oga-paipa aua le
suavai taumafa e afua mai i Fuluasou ma agai atu i
le itumalo o Falelatai ma Samatau. O le fautuaga
se i vaai totoa i aiaiga uma e tumau ai pea le malosi
o le suavai, ia aua nei tuu itiitia i soo se taimi. Ou
te talitonu masalo o le mafuaaga masani e tupu ai
se mea faapena ona o le soona faaalu le taofiofile o
paipa a e o nonofo lalata i faatanoa. A o le fesili –
o le a se faiga e taofi ai le tupu soo o lea mea? Ou
te talitonu o outou o lo o i ai le tomai faapitoa e
tatau lava ona outou faataoto auala e puipuia ai ma
fofo ai lea ituaiga faafitauli.
E le o toe tauiso lo tatou alo atu i le Faiga Palota
lautele. Mo le lumanai, e tatau lava ona tatou toe
asia aiaiga o Faiga Palota ua i ai nei, aemaise le
tulaga lautele ua i ai nei e fesuiai ai itumalo e liliu i
ai ID. E le aveesea le faigofie toe amiotonu o se
aiaiga e palota uma ai le matai, lona faletua ma
lana fanau i le itumalo o lo oi ai le suafa matai. Ou
te ioeina e le faigofie ona toe fai ni suiga i le taimi
nei ae le tuua ai le tatou fuafua mamao,
faamaumau ma faapepa nisi o auala e faaleleia atili
ai a tatou Faiga Palota.
O le auau o lou taofi, ia faaaoga tatau le aiatatau e
filifili tatau ai e le itumalo le sui aupito agavaa mo
le itumalo. E faapena foi ona ou taofi, o se
tulafono e onomea i le lumanai e aiaia o se sui
usufono e suia lana Vaega Faaupufai i totonu o se
Paeaiga e tatau loa ona toe soloia aloaia lona tofi
ae toe alofaiva le itumalo e toe filifili po o tumau
pea le lagolago a le itumalo i le sui ma lana Vaega
Faaupufai ua i ai. O se faiga faapena e matua
amiotonu mo le au palota. O i latou ia na filifilia le
sui ona o le Vaega Faaupufai na tauva ai. O se
faiga faapea e tumau ai pea le toafilemu o pulega
Malo aua o el a atili faatumauina ai le faamaoni o
se sui usufono i le Vaega Faaupufai na uluai
lesitala ai mo le Faiga Palota.
Ou te fia faapai atu foi i le Matagaluega a Leoleo,
e momoli atu le faamalo i le Matagaluega i ona
vaega eseese. Le Tinei Mu, le Falepuipui ma le
Faaili a Leoleo. O outou o le malu o le Malo.
E lagona e tatou uma le fiafia e faavae i luga o le
talitonuga o lo o mataala alii leoleo, ma soo se isi e
solia le tulafono, e ao lona ona vave faatino ala o le
tulafono ua aiaia mo sea solitulafono.
Faafetai i le Faaili a Leoleo mo la outou galeuga
faifaipea i le sisiina o le Fua i vaiaso uma o le
tausaga. Faamalo foi i la outou Aufaipese, e avea
pea ma mea fiafia i o tatou tagata e fiafia e
faalogologo i ai i leo malie. O auala eseese uma ia
o lo o outou tautua ai i le atunuu. E faamalo atu foi
ia i latou na ofo i le tatou Savali o le Filemu
muamua i Timoa i Sasae. E le taumatea le tele o lo
outou sao, e atili siitia ai le tulaga o galuega faaleoleo i totonu o le atunuu.
E talitonu o lo o tatali foi se faaiuga i le ono tofia
o se asi o alii leoleo na auai i Timoa i Sasae i se
tofiga tumau i totonu o le Malo Aufaatasi. O se
laasaga e tatau ona tatou tau fai fiafia uma ai.
O avanoa tonu ia o le a matalatala mai ia Samoa i
totonu o lenei Faalapotopotoga tele o le Malo
Aufaatasi, ou te matua fautuaina le tatou auai foi i
isi matata o le Malo, e pei o fomai, o alii ofisa o le
Tiute, ma alii tau feamalagaiga i ituaiga galuega
laveai faapenei, aua e tatau lava ona moomia e
tagata lautele a o tau faufau o latou Malo faatoa tau
faatu. E faapea foi ona i ai Samoa i lona faatoa
Tutoatasi.
Ou te faitau pea i faasalalauga i le toatele o le
mamalu o le atunuu o lo o aveina i fafo e le malo
mo togafitiga e le maua i Samoa nei. Faafetai lava
i lenei faiga faavae ua avea ma laveai mo nisi
gasegase ua latou maua lea fesoasoani.
Olau maitau, o lo o fuisia nei gasegase i le tele o
le taumafa ma le soifua maualuga o tatou i ai. O le
gasegase ua mautinoa nei le toatele o i latou ua
afaina ai o fatugao. Ua aafia gofie ona o le mai
suka po o le toto maualuga foi. Ma o le leai o ni
tatou masini faamama toto ma le taugata tele, e
mafua ai ona nofomau nisi o le atunuu i Niu Sila o
gasegase ai i lenei faamai.
O se itu taua lea e faafesili atu ai, ae a ea pe afai
ua lava se masiini se tasi pe lua? O le a tonu le tau
pe a tato amatalia loa? Ua fai se suesuega i lea itu?
Ou te lagona, o se tulaga taua tele lenei pe a mafai,
e le tau toe aumau tumau ai nisi o le atunuu i Niu
Sila ua matuia tele le tulagha ua aafia ai fatugao i
lenei foi ituaiga gasegase.
E fia maua se
faamalamalamaga mai le Afioga i le Minisita o le
Soifua Maloloina. E manaia foi ae tatou amata i se
masini e tasi.
O le 1998 i le masina o ianuari, na faamuta ai e le
Faletupe Tutotonu o Samoa lana pule taofiofi sa
masani ona tapulaa ai le saolotoga o faletupe e gafa
ma pisinisi e nono i tua seleni mo so o se galuega.
O le isi lenei o faavae e aoga tele mo e o lo o fai a
latou atiina ae eseese. O se toomaga tele mo tatou
ou te matua fautuaina, ia tau faafaigofie galuega
tau pepa mo talosaga. E le gata i lea, ae ia vave foi
ona fai faaiuga nai lo le tau asiasi mai pea lava pea
ae o lo o toso le taimi. O le itu tonu lava lea e tupu
vave ai ma le agaga musua ma faamuta ai loa le
agagfa fia atiae.
E agai tonu lau fautuaga i le Faletupe o Atiina Ae
faapea foi le NPF, ona o isi faletupe o lo o pulea
lava e i latou pulega faapisinisi a latou faiga
faavae, e le oo i ai le malosi o le Malo. Ae mo le
Faletupe o Atiina Ae, NPF, WSLAC ma le
Faalapotopotoga o Mea Tau Fale, ou te maitau foi
o le isi lea faavae o le Fono a Komiti Faatonu
faale-masina. Aisea ea e tau faatali ai i le masina
pe afai e mafai ona fono faa-vaiaso pe tai lua
vaiaso?
O le auau o le taofi, ia vave ona maua le
fesoasoani i le tiami tonu e manaomia ai mai le
Faletupe oAtiina Ae. O le ala lea ou te matua
lagolago ai foi le agaga na teuteu ai nei le Faavae,
e faamatuu atu ai i Ulu o Matagaluega nisi o tiute
tauave e le Komisi o Pulea Galuega a le Malo, ina
ia le toe taliga ai faaiuga taua mo le uunaia o le
atiina ae o lo tatou tamaoaiga.
O se manatu i le tatou Ave Fua le Polenisia. O si
ou itumalo o Sagaga le Usoga e fiafia tele e malaga
i vaa fou, e leai lava ma se isi e fia malaga i vaa
tuai. Matou te fiafia foi i taavale fou, e faapei foi
ona matou fiafia i vaalele fou. O si mea fou, e leai
ma sou masaloslao i mea nei lele lele pe le afi, pe
la ea a fetoi le afi ona opeopea ai lea i luga o le ea
ae se i siaki le afi.
O le fesili: e le i oo ea i le ituaso e aumai ai se
vaalele o le 747, ae tuu lena B737-800 lea e fuafua
e aumai ia Setema o le tausaga nei? Aua le poia
fua Faleolo i faitioga a sui usufono i le Polenisia
ma le latou vaa fou. O itumalo lava na latou o lo o
faaalia foi lo latou aia tatau e fia folau ai lava latou
i ni vaa kalone, a o lou itumalo e fia felelei i vaa
pito saoasaoa, tama foi ia o jets ma vaa pito tetele e
pei o le 747 po l le sili atu foi.
Ou te matua matamuli ae toe galu le valele.
Tatou te moomia tagata atamamai pe totogi
maualuluga e faatautaia le kamupani Vaalele. So o
se pisinisi mataalia e faaalu tupe mo e e i ai le
agavaa faapitoa, e toe saili mai ai isi mau tupe e
tele. E faapena ona faagaoioi mea tau pisinisi. O
le fautuaga, onosai tatou o lo o naunau ile pule ae
le i taitai ona lava tapena. O lea o lo9 o tele upu i
lenei atiina ae e ao ona matua onosai ai tatou o lo o
manao i le ia, se i silasila i le upega.
Ou te matua faamalulu atu i le Maota, tainane le
faafofoga a Samoa ma lou itumalo pe afai ua i ai se
pati ua sala. O le sui usufono lenei e pito talavou i
le Maota, e ono avea ai foi le naunau e ono lape ai
le faautautaga. So o se faiva e sii e i ai lava le
maumau, e poto lava le tautai ae i ai lava le taimi e
sese ai lana atu i ama.
Ona faatai lea ma lo matou leo, o le a le
faamatafauloaina. Aua nei ot le timu aua le Ao
Mamalu o le Malo, mamao ni aogasolo i Sui o le
Fono a Sui Tofia, mama le lag ii lau Afioga i le
Fofoga Fetalai faapea sui mamalu o le Maota. Ia
manuia foi le tapuaiga a lou itumalo. Manuia foi le
Fono. Soifua.
Afioga MUAGUTUTIA SAMUELU
Itumalo
Faaalalafaga:
Aana Alofi Nu.2
Filifilia:
28 Setema 1996
Faatauto:
29 Novema 1996
Lauga Faataupou:
18 Iuni 1997
Faafetai i lau Afioga
a le Fofoga Fetalai, ua
maua se avanoa o lenei itumalo e aveatu ai so
matou sao i le mataupu o lo o talanoaina nei. Sa
ou faitau faasolosolo i le lauga a le Afioga i le alii
Minisita e uiga i le Tala o le Tupe, faapea foi ona
ou vaavaai i le tala atoa ma le faasoasoaina o
fuafuaga faataatitia mo le Tausaga Faale-Tupe o lo
o loma nei, ua toe o ni nai vaiaso ona uma lea o le
Tausaga Faale Tupe o lo o tauaveina pea nei. Ona
o le taua ia te Au o fuafuaga fataatitia a le Malo ua
tuuina atu ai le faamamfa i el itu tau aoga ma le
Ofisa o le Soifua Maloloina, o lea foi sa ou
tulimataia ai po o a ni fuafuaga ua saunia nei e tusa
o lea faamoemoe, aemaise lava i le Ofisa o Aoga,
ona o lea Ofisa ua leva ona ou galue ai e tusa e 38
tausaga, e avea ai pea lea Ofisa ma Ofisa e pele ia
te Au ma lana galuega faiaoga. O lea foi na ou
mauai vaai ai lava i se fua faatatau ua faataatia nei
mo lea Matagaluega.
O le uluai laina lava o le fuafuaga, o lo o faatulai
mai ai se fuafuaga fai mo Tulaga Lua i tua. O lo o
faataatia mai ai se fuafuaga po o le faasoasoaina o
le Tupe mo le tausaga o lo o loma nei le Tausaga
Faale Tupe. I se numera e faapea i Tulaga Lua i
tua, e $4,000 le tupe ua fuafuaina nei mo Aoga
Tulaga Lua i tua. A o u tautala i le upu, Aoga
Tulaga Lua i tua, o lona uiga, o lea ua ou tautala i
le 136 aoga i tua. I lena 136 aoga, e tai valu
vasega a le aoga e tasi, mai i le tausaga muamua i
le tausaga e valu. I na foi aoga o lo o aooga ai
tamaiti e 26,905. O le Lipoti pito mai lena. Ona
tuu ane lea i ai o le tupe ua faatatauina mo Tulaga
Lua ia, e $4,000. Afai e tuuina se fua faatatau mo
lea $4,000 mo tamaiti e $2,905, e tusa e 15 sene e
fuafuaina mo le tamaitiiti e toatasi i lenei tausaga
atoa. O i ina na ou lagona ai si ou popole, ae ou te
le o faitioina le vaevaeina, ae ua ou popole.
Ona ou toe tepa ae lea i lona lua o laina o lo o i ai
se fuafuaga mo le aoga i Malifa, o le aoga lea e
tolu ona vaega maoti. Muamua, o el vaega
maulalo, Apia Infants. O lea vaega e tusa e tolu
vasega ia e i ai . O le tausaga muamua, tausaga lua
ma le tausaga tolu. O le aofaiga o tamaiti o lo o
aooga ai i lea vaega muamua o le aoga i Malifa, e
1,278. O le tupe ua fuafuaina mo lea vaega o le
aoga, e $5,000. Ona ou faatusatusa lea i luga i le
tupe mo Tulaga Lu alea e 136 aoga, ia o le
mafuaaga lea na ou popole ai i ni fesili faapea, peu
a fetaui nei fuafuaga? Ona o le toatele o lea vaega
o aoga, o tua. O lona lua o vaega o le aoga lea i
Malifa, o le vaega e tau o le vaega ogatotonu. I lea
foi vaega, e tolu vasega. O le tausaga fa, tausaga
lima le tausaga ono. O tupe ua fuafuaina mo le foi
aoga e tasi, e $5,000. O lona tolu o lea lava aoga,
o le vaega lea o el Intermediate. O le tupe ua
fuafuaina mo lea vaega, e $5,000. E tusa la e
$15,000 le tupe ua fuafuaina mo le aoga lenei i
Malifa, o le aoga maualalo, o le ogatotonu ma le
Intermediate, o le aoga lava e tasi. E $15,000, a
fuafua i ai i le aofai o lea aoga, e 3,668. A fuafua
agai ile tupe e maua e le tamaitiiti e toatasi, e
$4.09. E tele le eseesega e tupu ai lea o sou
popole. I le faamoemoe lea e i ai i le Malo, o le
faamamafa.
A tatou vaavaai agai i tua i le fuafuaga o le 1996,
o numera lava ia e tasi lea ua ou lau atua. Tepa
mai ile fuafuaga o le 1997, 1998, o numera lava ia
e tasi. Ua maua ai i ina se faaletonu o le
faameomoe lea e i ai o le faamamafa, aemaise lava
i aoga i tua i Tulaga Lua. O Tulaga Lua, e le maua
i tua le vaega lea e tau o le intermediate, e na o le
Leifiifi e i ai. O lona uiga, e tele tele le gasologa o
lo o i ai. A o tua, e na o le pau lava lea o le mea
lea e i ai. E alu atu loa alu i le tausaga muamua
seia oo i le tausaga valu, uma. O tamaiti e au i le
Junior High, e o. O tamaiti e talia i le Kolisi e o. E
na o le pau lava lena. A e lelei i, afai e le sao le
tamaitiiti o le vasega ogatotonu i le Kolisi, ia mei i
le Intermediate e toe faaleleia atili ai, seia oo ina
fai atu le suega i le isi taimi ua alu i le aoga
maualuga. I tua la, o i i na ou te lagona ai lou
faanoanoa. Afai la o le fuafuaga faataatia i le
Tausaga Faale-Tupe o lo o loma nei e i ai le tupe
lea e $4,000, ia o lena. Po o le sefulu tausaga talu
ai sa i ai se faiga i le Ofisa o Aoga e fesoasoani ai i
Aoga Tulaga Lua i tua sa fai i na ona po. O le
faiga, sa i ai le vasega faapitoa sa faaopoopo atu i
ai, e tau o le Form 1E. O tamaiti atamamai ma
tamaiti feololo i Tulaga Lua, e aveatu i ai i ina i le
vasega lea ma aveatu i ai ma faiaoga e ave e
faalautele ai lo latou atamamai i le gagana
Peretania e sauni ai mo suega i le Kolisi o Avele
po o Aoga Maualuluga. A oo la i le faaiuga o
tausaga, e toetoe lava o sui uma mai tua e oi le
Kolisi, e sau lava i i i le Form 1E. Aua foi na train
faapitoa i aoga faapitoa i tua i tamaiti nei e
masasau faiai, e lelei ma atamamai. O nei, e leai.
A uma lava le Tausaga Valu ua le manuia suega
agai i luga, ia o lena lava. Ua oo ia te Au se lagona
faufautua ou te faufautua atu ai i le Afioga i le
Minisita, sei silasila ane i a tatou aoga i tua. E 136
aoga, 26,905 tamaita ae $4,000. Ona ou oo mai lea
i Aoga Faaitumalo. O Aoga Faaitumao, e 21 Aoga
Faaitumalo i Upolu ma Savaii. O le fuafuaga ma
le faatatau ua faataatia nei mo le 1997/1998, e
$3,000 mo le Tausaga Faale-Tupe. Ona liliu mai
lea i Leifiifi, o el Aoga Faaitumalo i Leifiifi, e
1,557 tamaiti. O Aoga Faaitumalo i tua, o le aofai
o tamaiti i aoga ia e 21, e 4,370 lea e $3,000 la
latou tupe. O le aoga i Leifiifi, e 1,507 tamaiti. O
le tupe fuafuaina nei mo lea aoga i le Tausaga
Faale-Tupe fou, e $108,650. Afai e fai se fua gai i
se tamaitiiti e toatasi, e tusa e $72.90 i le tamaitiiti.
A fai se fua faatatau i le tamaitiiti o Aoga Tulaga
Lua i tua i le $3,000 lea ua aveatu i ai, e tusa e le
atoa se tala e na o le 69 sene. O i ina la e oso ai se
lagona popole pe a fua atu i le faamamafa lea ua
faataatia nei i aoga. O le fua foi lea sa alu ai le
tausaga talu ai, o lea foi ua toe alu ai le tausaga nei.
Ou te le teena la le fuafuaga ua fai nei, ae na o ni
Au faufautuaga ma ni talosaga i lau afioga. Sa ou
tamafai e saili i vaegatupe o meaalofa mai fafo, pe
i ai sina mea o maua ai ma Tulaga Lua i tua. Ona
ou tau nae foi lea i ai i le Tala o le Tupe, e le o i ai
se mea e toe faaopoopo. O lona uiga e leai lava se
isi mea e toe faaopoopo. O popolega na ma nai
faufautuaga e fai atu i lau afioga ona o le taua tele
o lenei Matagaluega i lou nei tagata ma atiina ae o
aoga i tua. A o agai atu i lea lava faamoemoe i le
faamamafaina o aoga, ua tatau ona i ai se isi toe
faaopoopoga i le galuega i tua i lenei Tausaga
Faale-Tupe fou, e faaopoopo i ai i le tulaga o lo o i
ai nei. O le mea moni lava e le natia, o a tatou
aoga i tua, e vaivai tele i le gagana Peretania. E
tatau ona fai ni aiaiga pe tai masina ma fai, pe tai
lua vaiaso ma fai e i latou ia ua taua nei o taitai o
mataupu o aoga maualalo, latou te oo atu ai e le
umi atu i le masina i lea aoga ma lea aoga ma vaai
i le tulaga o i ai le gagana Peretania. Afai o i ai ni
faafitauli, ia togafiti. Afai o i ai ni faaletonu po o
le a lava le mataupu, ia vave ona togafitia ae le i
taitai le tausaga. O ia lava fesoasoani e fia maua
tele i tua. Ou te le o fai atu e leaga le aufaigaluega
i tua, a o lea ou te fai atu i se isi malosi e toe
faaopoopo atu i ai. Ae faigata ona fai ia faiga pe
afai e na o le pau lava lea o le tupe na o le $3,000,
$4,000. E faapena foi i Afoga a Itumalo, o Aoga
Itumalo i tua i le tulaga o i ai nei, ua le o toe i ai
nei mea nei sa fai i aso ia o Aoga FaaKamuta. O le
tele o tamaiti olo o i ai nei i Aoga faa Itumalo, e
uma ai i i na alu i le aiga. Ae tatau ona alu i le aiga
pe afai o lea alu i le aiiga i le faaiuga o le aoga, ona
iloa fai se isi mea, ona iloa uu le samala, iloa
faaaoga le vase, iloa tusi se ata o se mea, iloa
fuafua se mea. E tatau ona i ai na atamai e
faaopoopo i ai. Afai e alu ai i le aiga pe a uma le
aoga i le Itumalo, o lo oi ai se mea e tua i ai. E
tatau ona toe faaolaola Aoga Faa Kamuta i aoga i
Itumalo i tua, ina ia le gata i le aoaoina o le
tamaitiiti, ae ia iloa foi faaaoga le mafaufau i le
galuega e faaaoga ai ona lima, e alu atu i le aiga e i
ai se mea na te iloa fai. Afai ua vaivai le aoga i le
gagana ia ona iloa fau se mea e fesoasoani ai i lona
olaga i tua.
E mafai mea na pe afai e sili atu i le $3,000 le
tupe e faaopoopo atu i ai, i lo le tupe lea ua
faaopoopoina nei mo Aoga Itumalo i tua e
faatauvaa tele.
Ou te le faaleaga ae na ona faufautua atu i lau
afioga sei silasila i ai. O i lea e amata mai ai tatou
Aoga Maualuluga. E moi e le toe natia le saosaoa
ua alu i tatou Aoga i le vaega i luga, a o le amata
mai lea i lalo, afia e pauu i lalo tamaiti ma muta ai
a, e laitiiti foi lea o luga. O le faufautuaga lena e
tusa ma le ata faataitai e tusa ma fuafuaga o mea
tau Aoga ua i ai. Ou te le tautala i isi Aoga
Maualuluga e pei o le tulaga mai o le Kolisi
Samoa, Kolisi o Vaipouli ma le Kolisi o Avele. E
le o lava tele sou iloa i ia Kolisi, pei ua talafeagai
fuafuaga ua i ai nei.
Onaou oo mai ai lea i le Ofisa o le Soifua
Maloloina. E tasi lea Matagaluega ua ave i ai le
faamamfa. Ou te faafetaia le alii Minisita ma
fuafuaga uma o le Matagaluega. E pei ona
matauina lona gasologa agai i luma ma le vaaaia
lelei o le galuega i itu uma. A i ai se itu ou te fia
fesiligia ai lau afioga. Sa i ai se polokalame a le
Matagaluega o le Soifua Maloloina sa fai i aso e le
i mavae tele atu ae ua le toe faia nei. A o lea
polokalame, sa manuia ai tua, e mamafa lava ia te
Au tua. O le polokalame lea sa faatinoina e
Tamaitai Asiasi Komiti. E tofu le itumalo ma le
tamaitai asiasi komiti. O ia tamaitai asiasi komiti,
e asiasi i Komiti o nuu taitasi, pe tai tasi i le masina
ona fai po o le lua vaiaso ma alu. O lea asiasiga a
le tamaitai fomai lea, na te aveatua ai i le Komiti
lea e aofia tina o le nuu ma saoao o le nuu i ai se
tamaitiiti se i oo ina i ai le tamaitiiti ma vaaiga o
tamaiti le faasologa maii le soifua mai i le amataga
se i oo ina matua.
Faafeai lava i lau Afioga i le Fofoga Fetalai mo se
avanoa e toe faaauau ai se sao o lenei itumalo. Ua
faamoemoe foi ua maua se malsoi fou mai le tatou
malologa puupuu e faaauau ai tatou galuega. E
faia le malologa o ou tautala i le mataupu i le
galuega a tamaitai asiasi komiti o le Soifua
Maloloina sa iai i ni tausaga ua mavae atu. E pei
ona ou tolaulau atu galuega sa fai e ia tamaitai. E
feiloai ma tina o le nuu e i totonu o le Komiti,
saoao, ona aveatu lea i ai o aoaoga faale soifua
maloloina e faapitoa lava i tamaiti, i pepe, po o le
aiga foi. E amata mai ia aoaoga, e tolaulau atu i
tina i le taimi e le fanau le pepe, faagasolo ai se i
oo ina ua maua le pepe ma le faaauauina o le
tausiga o le pepe.
E le gata foi i lena ae i ai le taimi foi lea lava aso,
e o ai le asiasiga faataamilo mai lea aiga ma lea
aiga a le tamaitai lenei ma le Komiti. O i ina foi e
maua mai ai isi mea faatonu e le fomai e
fesoasoani ai i le tausiga o le soifua lelei o le aiga.
A o le isi itu taua lava, o faamaumauga o pepe fou.
E fai le galuega muamua i le taeao ona alu
faataamilo le tamaitai lenie e asiasi i pepe uma sa
famau i lea masina talu ai, e vaai le tausiga o le
pepe, vaai po o malosi, vaai po o paee, a maua atu
o lo o faaletonu e ave e le fomai lea e sau e ave i
Apia. A faaletonu le aiga, e aumai e le tamaitai
fomai. E mulimuli ane ina ua i Apia le pepe ma ua
tulaga mai i le lelei, ua toe fiafia le tina ma le aiga.
O lea o se faitotoa aupito vave lea ona oo atu ai
aoaoga faa soifua maloloina i totonu o se nuu. I
faaiuga uma o masina e lipoti uma mai ai tamaitai
nei i le Ofisa o Fomai. O i ina foi ua sauni atu ai
fomai e aveatu i nei tamaitai faiga fou ma aoaoga
fou ua oo mai o tausiga o pepe, ona oo foi lea i le
masina e sosoo ai, oo atu foi ua faaoo i tua. O le
taimi nei, ua leai lena mea. E le o toe i ai se vaaiga
faapea. A o se fesoasoani sa sili atu ona lelei ma
fesoasoani i tina i le feagai ai ma le tausiga o pepe.
E le gata foi i lea, e i ai aiga e mamao i uta e
nonofo i uta i faatoaga, e oo i ai le tamaitai fomai e
alu e vaai pe a i ai se pepe, ma o se mea lelei foi i
lena aiga le vaai mai ua oo atu lava le tamaitai
fomai. O se tagata tausaafia i totonu o se nuu po o
aiga faapena i uta. O le taimi nei, ua leai. Ua
nonofo lava ulugalii i uta po o a faiga o latou pepe
po o manuia pe le manuia, ua faapena ai lava ua
misi lea faiga lelei. Sa tatou vavao foi i le taimi ua
mavae i le tatou vaai i ata o tamaiti e tino mamai
ma tino vaivai, pe paee. Ou te talitonu lava ana
faapea o i ai Komiti i le taimi lenei, e le oo i ai. E
vave ona maua e le teine fomai ona sau lea lipoti
mai ma vave maua se fesoasoani e le afaina ia a o
nisi mafuaaga. Ae ou te tautala i le vaaiga lava ma
le oo atu o aoaoga faafomai i tua i tina ma le
vaaiga o pepe. O le taimi lenei ua leai. E i ai ua
sui le isi faiga i i se ofisa ma se fomai o atu lea
taamilo atu i nuu pe tolu fa aiga o le nuu e afe i ai
ona o a lea. Ae ua le toe maua le faiga lea sa i ai e
matua ogaoga lava. O masina taitasi e fai foi latou
asiasiga, e oo lava i le vaaiga o mea e fai ai mea
taumafa a le aiga, po o aoaoga foi i le teuina o
totonu o le fale o le aiga mea faapena, sa oo lava i
ai galuega lelei. E le o toe i ai nei O le mea lena
na ona ou faufautua atu i lau Afioga a le Minisita o
le Soifua Maloloina, se i e silasila ane ae ou te
talosagaina e lelei pe a toe fai lea galuega lelei.
Ona ou oo ane ai lea i le TV. Ou te auai faatasi i
le agaga faafetai.
Faafetai lava i le sui mamalu na faatu le lafo, ma
ua feagai foi. Ou te i ai foi le agaga faafetai i lea
Matagaluega ma le faasologa ua i ai le suiga lelei
ua ou vaai nei i ai. O le tele o polokalame a o le i
ai le suiga lea, sa ta faanoanoa i le tele o
polokalame, na o le amataga e mafai ona matamata
i ai le toeaina i tua. A ooi le mea foi lea ua pisa
tele papalagi, fai mai, tape ia ua pisa o a na upu e
fai mai, ona tape lea e le malamalama. Ae ua
fesuisuiai le alu atu lea e i ai nei ua manaia lava.
Ae pau lava lau fautuaga, o lea sa tatou lagona uma
le fiafia i le tatou Manu Samoa le taaloga sa fait
alu ai sa tatou maimoa ai. E faapea le agaga e oo
ia tatou pe a oo i le taimi o le a fai ai taaloga. E
faapena foi pe a i ai se tatou tagata i fafo tatou te
faalogo o le a fai sana taaloga. Ou te lagona le
faanoanoa i le taaloga talu ai nei a se tasi o alo o le
atunuu o David Tua.
Ou te usitai i lau faatonuga lau Afioga i le Fofoga
Fetali. A uma lau fuaiupu lea ona faauma loa lea.
O ituaiga taaloga faapea a tatou tama tatou te
femitai ai i le faalogologo taliga. Ou te talosagaina
faasau i le TV. E ese le maimoa a le Samoa ese le
maimoa a le palagi. A tatou maimoa i tatou tama
faapea tatou tama fanau taaalo faapea i fafo, e le
gata i le vaai fiafia, ae oo ifo lagona alofa, e tope la
ma si tala puupuu i le taimi lena pe a vaai atu e le
maua la i isi atunuu na mea. O le iuga lea tatou te
le i vaai i ai e le i fai na mea, ua le o manuia. E ui
lava la o lea, ou te talosagaina a oo i tulaga o tatou
tama tautaua faapea po o alo o le atunuu, ia
alofagia faasau i le TV i le taimi e taalo ai ina ia
tatou maimoa ma tapuai ma tatalo mo ia, aua o lo o
ia ave le igoa o Samoa. Ia faafetai i lau Afioga a le
Fofoga Fetalai. E ui lava ina e le i maea se
sauniuniga, ae ou te usitai i lau taitaiina o le Fono,
ia soifua.
Tofa MULITALO SIAFAUSA
Faasaleleaga Nu.4
Filifilia:
15 Me 1996
Faatauto:
16 Me 1996
Lauga Faataupou:
18 Iuni 1996
O le matua o le aso i
le Tusi Faitau Aso; ―O
le Tauivi e maua le Taui.‖ Fai mai le faatoga a le
fafine Eleni ia Iesu; ―Fetalai mai ina ia tulia le
temoni o lo o i lau tama.‖ Fetalai atu Iesu; ―Seia
tuai maoona le fanau aua e le tatau ina ave meaai a
le fanau ma lafo i uli.‖ Ua tali mai le fafine o nuu
ese; ―Le Alii e, e moni a oe; ae ui i lea o uli i lalo o
laoai, e aai i latou i momoi mea a tama.‖ Ona
fetalai atu ai lea o Iesu ia te ia; ―Ina alu ia, o lau
upu lena, ua tea le temoni sa i totonu o lau tama
teine.‖
Ua taunuu le upu ua fai ma matua o le aso lenei;
―o le tauivi e maua le taui.‖ O le a le taui? A, le
taui lea ua aofaga potopoto Sui Mamalu o le
Palemene o Samoa i Sisifo. O Sui na faia mai ma
filifilia mai le fuifui. Ua to ai nei manu, ua tuanai
Apolima. Ua tuanai le atuvasa, ua tuanai atu galu
fatisisina, ae ua tulaueleele nei le ausaga ma le
tauiviga fita sa fetaiai ma le mamalu o Sui Mamalu
o lenei Maota. O le mea lea e le itiiti ai le faafetai i
le Atua, e pei foi ona molia e lau Afioga i le
Fofoga Fetalai le agaga o le loto faafetai ona o le
alofa o le Atua. O lea ua tatou oaoa ai nei i faleseu
ma ua tatou saa i maa o malie. Tau ia na o se pua e
ula le tautau o le alofa ma le agalelei o le Atua, aua
tatou te fiu e vivii ma faafetai, e le tusa ma lona
alofa.
Ua paia Tiafau, ua mamalu le Maota o Samoa aua
ua taufai nofoia pou a matuatala. Ua paia aua ua
taufai nofoia talaluma i pou o lauga. Ua saga paia
atili aua lele ua alalatai Salemausau aua le afio o le
Failautusi ma Ofisa o le Fono Aoao Faitulafono ae
tainane le paia maualuga o Ulu o Matagaluega a le
Malo o Samoa. Ua paia la Tiafau nei i lenei taeao.
O taeao e fia o Samoa ma le aso nai Tumua, e le
faatauagavale i ai se manatu aua o taeao ma le aso
lena na o latou faaleleia atili le oo mai o le Tala
Lelei i Mataniu Feagai ma le Ata, i Faleu ma
Utuagiagi, i Malaeola ma Nafoaga. O le a nuunuu
atu ia aua le tausiga a Tumua ma Pule, Ituau ma
Alataua, Aiga i le Tai ma le Vaa o Fonoti ae
tainane le Aufaigaluega Paia a le Atua.
O ava, e i ai le talitonuga ua tatou ava-magalo i
luma o le Atua i le taeao lenei ina ua e saunoa i la
tatou tatalo i le va feagai ma lo tatou Tapaau i le
lagi aemaise le autu o le aso; ―O le tauivi e maua
le taui.‖
O le a agai loa se upu e tusa o le aso. Ua faamalo
i lau Afioga a le Fofoga Fetalai ona o lou tofiga, ua
faamalo i lau Afioga i le Palemia ma alii Minisita.
Ua faaee atu i o outou tauau le Malo o Samoa i
Sisifo.
E avea lenei avanoa e momoli atu ai lau faafetai
tele i le Vaega Faaupufai a le HRPP, o e na o latou
faatuina lou tagata i lenei tofi o le Sui Fofoga
Fetalai. Ou te faafetai foi i lea itu o le Maota, i le
Taitai ma le Vaega Faaupufai a le SNDP ona o lo
latou talitonuga ma le faatuatuaga ua faaee mai ia
te Au. Ou te talitonu o lenei tofiga o lo o aiaia i le
Faavae i lona Vaega 50 (3), e le o se tofiga mama i
lou manatu, o le tofiga e faigata. O le ala lea e
mafua ai ona avatu se faafetai e tusa ma lea itu.
O lau faafetai i le paia o lou Itumalo, le paia i le
Aiga Sa Tuala, o le aiga faalagilagi, o le aiga na
masaesae ai le lagi. O le aiga e tau tupu aua Sa
Malietoa, aua Sa Tupua, aua le afifio o Alo o Vui,
afio foi le Afioga i le taauso i lau Afioga Vaiouga.
Afio lau Afioga Falenaoti i lau Susuga Iiga e te
afio i Utumalamalemele aua le faafeagai ma Sa
Tuala, afifio foi alo o Vaafusuaga ma lau Susuga
Sua. Alalatai lau Fetalaiga Malaeulu ma le
Faleupolu o Salemuliaga. Afio foi lau Afioga
Matafeo aua le paia i le taauso aua Sa Tuala,
alalatai lau Tofa i le matua Lualuataua, nofotama
ma Saolepatutele ma lau Fetalaiga Leatuavao.
Afifio foi le paia i le aiga Sa Peseta aua Sa Tuala,
afio lau Susuga Iiga, afifio e na fuaao, i lau lua
Afioga Ugapo ma Sauia, afio lau Afioga i le matua
lau Afioga Lemalu, alalatai oe le pule ia
Sealiimalietoa ma le nofo a ituaiga faapea
Salemuliaga. Afifio ia le paia i le aufaigaluega
paia a le Atua, ia outou Susuga i Faafeagaiga
taulagi, tau ina ia paia la outou tatalo ma mana la
outou molimau mo le soifua faaleagaga o le tatou
Itumalo. Tapuai maia ma le manuia.
O le a ou liliu atu e fai sina sao aua le Tala o le
Tupe e pei ona faataatia i lumamea i lenei aso. Ou
te muamua ona faafetai ona o le Tala o le Tupe ua
faataatia i luga o le Laulau a Fono. Ou te lagona
ma le loto faafetai i le Atua ona o fuafuaga alualu
mamao ma le faataatia mai nei. Ae ou te le i oo atu
e auiliili se manatu i le Tala o le Tupe, e muamua
ona faataatia atu i luma o lau Afioga ma le Malo
mea o lo o mafatia ai lenei Itumalo.
Lau Afioga i le Fofoga o le Fono ma lau Afioga i
le Palemia ma le mamalu o le Kapeneta, o le
galeuga sa faaauau mai i taimi ua tuanai, e lagona
ai le loto faafetai i lau Afioga a le Minisita o
Galuega. Peitai, e talosaga atu ma le faaaloalo, na
o le Itumalo lava lenei o Lano, Asaga ma Puapua
pe na o le tai lua moli i luga o le auala tele vae atu
le paia o le Fono. O lea ua ou tatalo atu ai ma le
faaaloalo, e le matagofie le alu atu alu atu o le moli
eletise i luga o le auala, gata mai i saasaai ae le oo i
Lano, Asaga ma Puapua. E le gata foi i lea, o lenei
Itumalo ua tele i le agai atu i uta o Lano o lo o i ai
le malumalu o le Ekalesia Mamona o le Au Paia o
Aso e Gata Ai, o lo o i ai ma le faleaoga, e toatele
tagata e agai i ai e le gata i le faleaoga ae faapea foi
mo tapuaiga. E moomia la le faaeletiseina o luga o
le aualatele faamolemole ma e fia faataina foi. O
le tasi pitonuu o Lano o lo o i ai le malumalu o le
Ekalesia o le Faapotopotoga a le Atua i uta, e agai
foi i ai le toatele o lenei nuu. E tatalo atu ai ma le
faaaloalo e fia faaeletiseina lena auala ma fia
faataina foi. O le faleaoga i Asaga, masalo e le
mamao tele i gauta, o lea ogaeleele sa feafioai ai
lau Afioga i le Minisita i taimi ua tuanai, e moomia
foi le fia faataina ma ni nai moli i le faleaoga o
tamaiti. O le faleaoga i Puapua, ua matauina o se
galuega lelei ua faia e Puapua mo le malae, peitai,
o le mea lava lena na gata ai i lena vaiaso, o lo o
gata ai lava. E talosaga atu ai ma le faaaloalo i lau
Afioga e fia faamoli eletiseina ma faaleleia lena
auala mo tamaiti aoga.
O le auala laupapa i Lano, lau Afioga a le Fofoga
Fetalai, ua aliai mai ai se faafitauli. E talosagaina
pe mafai ona fai se auala laupapa e pei ona i ai i
aso ua mavae, e pei o lea o lo o i Sili i le taimi nei.
O le auala laupapa i Lano ua tulai mai ai se
faafitauli tele i lena nuu, ua oo ina ua poloka
vaeatu le paia o le Fono ma Samoa ua le mafai ona
tafe i tai i le vai, ae ua tulai mai ai se tulaga
faataufusi e ono aafia ai lenei nuu i ni faamai
toatuga. Ua talafeagai lelei lea mo le faamoemoe o
le Malo ina ia siitia le tulaga tau le soifua
maloloina. E le gata i lea a o le tulaga lea e
faafofoa ai ia. Lau Afioga a le Fofoga Fetalai, o
lenei ua faaleagaina le toga togo talu ai le
alalaupapa maa. E le o se mea e tau faaliloina, o
iinei i le ogamea lea i Lano o lo o lau mai ai le
oneone a le Malo vaeatu le paia o le Fono ma o lo
o faaaogaina tele i galuega atiae a lo tatou Malo. O
le tulaga lena o lo o i ai e moomia ai ma le
faaaloalo tele i le silasila mai a lau Afioga a le
Minisita o Galuega i lea tulaga.
O le Suavai i Lano. O lo o faaletonu nei le suavai
o lou Itumalo. O le faaaliga a le alii Pule o le
Suavai, o lo o faaletonu le pamu vai vaeatu le paia
o le Fono, i Puapua ma Saipipi, ma ua tulaga le
lelei ai ma ua le gasolo lelei ai le maua pea o le
suavai i lenei Itumalo. O lo o i ai lau folafolaga i
taimi ua mavae, o le a vili le vai i Lano, peitai, e oo
mai i le aso e le i mafai ona viliina. O le agaga lea
e tatalo atu ai ma le faaaloalo.
O le eleele o le nuu lenei o Lano, lau Afioga i le
Fofoga Fetalai, e lima maila mai le sami ona eleele
papalagi loa lea. O le mafuaaga, o fefaatauaiga o
eleele i aso ua mavae, sa fai ai ni fefaatauaiga e le
iloa e lenei nuu ma lenei Itumalo. O lea na tulai
mai ai se faafitauli tele, ma ua umia nei
faapapalagi, ma o lo o i ai pea le taumafaiga a lenei
nuu ina ia alofa le Malo e fesoasoani mai. Afai o
lea na fai i isi Itumalo le ave i ai o fanua faatau e
fesuiai ai, o le agaga lea ma le faaaloalo e tuuina
atu ai le talosaga i luma o le Malo.
O Telefoni. E pau lava lenei o le Itumalo o le
Faasaleleaga atoa na o le falolo mai lava po o le a
le mea lea e tupu i telefoni. Lau Afioga i le Fofoga
Fetalai, masalo ua faasefululua ona talsoaga i le
Afioga i le Minisita talavou ma le tomai o Falemeli
ma Fesootaiga, sei alofa pe mata lava e mafai ona
faatutu ni nai telefoni taitasi i Lano, Asaga ma
Puapua ae ia faia i Maota o Galuega ina ia
faafaigofie ai ona maua fesootaiga i fafo a o talia
nisi fuafuaga a le Malo.
Ona oo mai lea lau Afioga, o lau talosaga i le
faasoa a le Malo i tulaga o Faamasino. E oo mai i
le aso ua tolusefulufa ai tausaga o le Malo ae le i
maua lava se Faamasino mai lenei Itumalo. Ua
leva ona i ai talosaga a matai o lenei nuu, ae na ona
taatia atu i lau Afioga i le Minisita, se i e alofa ma
silasila mai i lo matou Itumalo pe a faasoa tofi o le
Faamasinoga.
O le mataupu o le a ou talanoa loa i ai o le Tala o
le Tupe. Faafetai tele i le sauniga o le Tala o le
Tupe, ae i ai nai mafaufauga e mafai ona tuuina atu
e lagolagosua pe mata e aoga mo le lumanai, ma le
faaleleia atili o le Tala o le Tupe a le Malo. O lau
vaai i le aoao o le Tala o le Tupe, e maoae ma
tetele faaopoopoga ua aliali mai ai i le Soifua
Maloloina ma Aoaoga. O le mea moni i lou taofi
lau Afioga i le Fofoga Fetalai, e tele ni vaegatupe e
ono mafai ona faasaoina mai i totogi o tagata
faigaluega. E peiseai o le manatu lea ou te
taumafai atu ma le faaaloalo tele, e le o le toatele
naua o tagata faigaluega e faapea e matua taua
lena. O lou manatu, e peiseai e taua le auauanaga
ma lona tulaga anagata (better service and quality).
O le galue ma le loto faamaoni i ai e silisili atu lea,
i lo le toatele naua o se aufaigaluega ae le o lelei
ona faafoe galuega. O le tasi foi itu, e lelei le
toaitiiti o le aufaigaluega ae ia matua maoae lo
latou tomai aoaoina e faatino ai latou galuega. Ia
mafai lava ona ofoina atu lo latou soifua auauna, i
le tinou ma le faamaoni i le faatinoga o latou tiute i
le tulaga maoae lelei ma le anagata. E ui o lea, o le
maoae ma le tele o le tupe faaalu fuafuaina mo le
soifua maloloina ma itu tau aoaoga, ou te matua
talitonu, o se teuga-tupe tatau, o se teuga-tupe
mautu ma le mautinoa lona aoga, ma le taua mo
taimi uumi i le lumanai aua le soifua sololelei o si
o tatou atunuu.
O lona lua o mafaufauga, ou te momoli atu le
faafetai tele ona o le faiga foi lea ua faataatia mai
ai le Tala o le Tupe, e matua lelei lona faataatiaga
ma le malamalama. Peitai, e i ai nai fautuaga e
tatalo atu ai ma le faaaloalo lau Afioga i le Fofoga
Fetalai, e i ai faamatalaga sa masani ai i Tala o
Tupe ua mavae, o mea foi ia e taua o Supporting
Schedules. O lo o aumai ai faamatalaga e mafai ai
ona malamalama goife Sui mamalu o le Palemene.
I lou talitonuga, afai e malamalama le mamalu o
Sui o le Palemene, o le a faigofie foi ona tuuina atu
loa latou ioega ma le pasia o Tala Faatatau o Tupe.
I aso ua mavae i lenei lava faiga i le tuuina mai o
Supporting Schedules, e faigofie ai i Faipule ona
mautinoa lelei po o a ituaiga avanoa faigaluega o
lo o manaomia i lea Matagaluega ma lea
Matagaluega, e faapea ai foi ona silafia le
faaaogaina o tupe faaalu i luga o totogi. Peitai o
lea ua le toe maua lena malamalama. O lea e tatalo
atu ai ma le faaaloalo, pe mata e tatau ea ona
tuuina mai na faamatalaga taua ina ia malamalama
i ai le mamalu o le Palemene.
O lona tolu o ou mafaufauga i le Tala o le Tupe, e
ao ona silasila le Malo i ana Faalapotopotoga o lo o
galue i le tulaga faa-pisinisi. Faalapotopotoga ia e
faaaoga ai le tulaga o fefaatauaiga (trading), mo se
faataitaiga, o le Ofisa Tausi Mavaega. O lo o
manino mai i le Tala Faatatau o le Tupe 1996 i le
1997, e leiloa le $1.2 miliona i le isi sefululua
masina lea o lo o lumanai. O tupe leiloa mai
nogatupe po o loans, o le a oo atu i se aofaiga pe
tusa o le kuata miliona po o le $250,000. O lou
taofi, o se tulaga e matua le faamalieina ai le
lagona. Silasila foi, o lo o galulue malsoi ma le
punouai le Ofisa o le Tiute, Ofisa o Lafoga ma
Faletupe e saili mai tupe e faatino ai galeuga a le
Malo. A o le a le mea lea ua tupu i le Ofisa Tausi
Mavaega? O le malamalamaga ma le talitonuga, o
mea nei o Ofisa faatino o latou tiute ma galuega i
luga o faiga foi ia e taua o Break-Even Basis e
faatatau tonu lava tupe faaalu ia talafeagai lelei ma
tupe maua, ma ia mautinoa lelei ua i ai sona sao
itiiti i le Faaputuga-Tupe a le Malo po o le
Treasury Fund. O lou taofi lau Afioga i le Fofoga
Fetalai, e talsoaga atu ma le faaaloalo, o le tulaga
pagatia o lo o tulai mai i le Ofisa o Tausi Mavaega,
e leai sona sao tau tupe i le Faaputuga-Tupe a le
Malo. Ua leva ona tatau ona fai i ai se tulaga e
faalelei ai. O lou taofi ia tofia i ai se Komisi
Suesue e toe tau faatulaga mai ai lenei tulaga
matautia ua aliali mai i le Ofisa o Tausi Mavaega,
aemaise lava, o lea o lo o faaalia manino i totonu o
le Tala o le Tupe, tupe leiloa i le sefululua masina
o lumanai, e $1.2 miliona.
O lona fa o ou mafaufauga, o se tsi itu taua
masalo o se fautuaga sili lea i lou manatu, e ao ona
tuuina atu i le ammalu o le Malo ma le Palemene
lenei, ona o tiute faatino ma tiute fai. O lou taofi
vaivai, so o se Tala Faatatau o Tupe po o ni
fuafuaga tau tupe mo le lumanai (Budget and
Forecast) e tatau lava foi ona i ai faatasi ma se
faamatalaga o tupe faaalu, o lo o faaalia manino ai
le tulaga moni o galuega ua uma ona faatino, atonu
ua tuai ia galuega ua uma ona faatino, atonu ua tuai
ia galuega mo le taimi a lenei; a o le uiga moni o le
fautuaga ma le manatu, o se fautuaga faatalosaga
mo le Tala o le Tupe i le 1997 i le 1998.
Faamolemole, pe mafai ona taumafai le Malo ina
ia faapipii mai ai ma ni faamatalaga tau tupe ua
suesueina faaSuetusi mo le tausaga faale-tupe ua
taulalata mai. O le uiga o le manatu lau Afioga a
le Fofoga Fetalai, atonu o iina o le a mafai ai e le
Palemene ona siitia lona malamalamaaga i le
faamasinoina tatau o se Tala Faatatau o le Tupe i le
1997 i le 1998. Atonu foi, o le a avea lea ma ala
ma itu lelei e mautinoa ai le pulea lelei, ma le
faatonutonuina o uiga agavaa, e manaomia ma
tagofia mo le faamaapeina ma le tuuina mai o
faamatalaga tau tupe uma, ua uma ona suesueina
faa-Suetusi i totonu o taimi ua talafeagai ai. O le
aotelega o le fautuaga, e manaia lava lau Afioga i
le Fofoga Fetalai, pe afai e tusa ai ma le pule alofa
a lo tatou Matai Sili i le Lagi, ae aulia atu i lo
outou soifua ma lo matou ola i lena tausaga ae ia
mafai ona aumai faatasi le Tala Faatatau o le Tupe
ma Actual Audit Account tau lalata mai, e mafai ai
ona silasila totoa i ai le Palemene, ma faatino ai
ona tiute ma le faamaoni ina ua malamalama lelei i
mea tau tupe ua tuanai faapea ai ma le tulaga tau
tupe mo le lumanai. Lau Afioga a le Fofoga o le
Fono ma le paia o le Fono, ua uma atu nai
faamatalaga sa mafaufau i ai ma suesue i ai, e
fautuaina ai le Malo mo le lelei o lo tatou agai atu i
luma o le Tala o le Tupe. O le a ou liliu atu e fai
sina fautuaga e uiga i isi Matagaluega a le Malo.
Lau Afioga a le Fofoga Fetalai, o le mataupu i le
Ofisa o Aoga. Faafetai tele ua taunuu mai lipoti a
le Matagaluega o Aoga, e ui lava ona ua loa
tausaga ae tatau ona taunuu mai ia lipoti i le taimi
tatau ai. Faamalo galulue faamalo taumafai mai
ma le taupati mo le silafia e le Maota Fono o tulaga
o mea tau aoaoga. Ou te faaali atu ma le faaaloalo,
o le 1991 lau Afioga i le Fofoga Fetalai, na taua ai
i le saunoaga a le Malo, le faatauaina o tulaga tau
Aoaoga, Vocationals. O le a ou le tagofia le tele o
mataupu tau aoaoga, ae o le a oo i ai pe a mulimuli
ane.
Faafetai i lau Afioga i le Fofoga Fetalai, ou te
faafetai atu i lau Afioga Le Tagaloa ma lau Afioga
i le tama Tau Aana ia Misa mo le faatuina o lenei
lafo, faafetai.
O le a ou oo atu i le tulaga i le saunoaga a le Malo
i le 1991 i le Ofisa o Aoga. O le a ou le taea
vaeatu le paia o Samoa ua potopoto le mataupu e
pei ona taua i Lipoti, ae na ona ou otoina mai le
agaga i mea taua e taua o Vocationals. O aoga nei
e aoaoina ai i latou ua le gafatia le tulaga maualuga
o aoaoga, po o ua faaupuina o i latou ia ua le iloa,
po o ua faaupuina ua faatamala matua, ua le mafai
ai ona ausia lo latou tulaga aoaoina i luga atu. Ou
te faafetai ona ua tulai mai le Polytechnic, o se tasi
lenei o faataunuuga o faamoemoega lelei, o
fuafuaga alualu mamao a le Malo e pei ona
faataatia mai i le 1991. E lagona ai le agaga
faafetai. Ae pau o lea ua mautu uma i Upolu nei, a
o Savaii sa afuafua ai le nofoaga lea i Tuasivi, e
aoga lelei mo tupulaga o Savaii. E talosaga ma le
faaaloalo tele i le Malo sei silasila ane mo le
faaleleia o le Aoga lea i Tuasivi. O le itu lelei o le
aoga lenei, ou te tau atu ma le faaaloalo tele, pe
afai lava o lo o fesiligia pea le mafaufauga lenei, o
lo o faavaeina i Fiti le Monfort Boys Town o lo o
faafoeina e alii Felela lena Aoga. E lua Aoga
faapena o lo o salalau i Fiti e faavae i luga o le
faamoemoe taua ina ia le gata i le uunaiina o
tupulaga ua lelei aoaoga, ae o le uunaiina foi o
tupulaga ua faaletonu lo latou soifua aoga. E le
gata i lea itu, a o lo o i ai le itu lelei faale Ekalesia,
o le toe laveaiina o fanau mai tulaga faigata e
lamatia ai o latou olaga i faatosina o soliga
tulafono, inuga-ava ma mea faapena, ae ia toe
fatuai ai lo latou olaga e aoga e tautua ia Samoa,
atoa ai ma le faaitiitia o faafitauli po o social
problems i totonu o afioaga ma nuu taitasi.
Ua oo atu i le Ofisa o Faatoaga. Lau Afioga i le
Fofoga Fetalai, o lau faitau atu i le Tala o le Tupe,
o lo o i ai le tupe o lo o faaaluina mo le sisi
Aferika. Ou te faafetai tele mo lenei faamoemoe
lelei na fuafua mai i le Minisita talu ai, ae peitai, o
le mea ua ou matauina ua faafofoa le sisi Aferika.
E ese lava le uiga lea ua aliali mai, o le faafofoaina
o le sisi Aferika ina ia toe maua ai le tupe. O lou la
manatu lau Afioga a le Fofoga Fetalai, e a pe a toe
aveesea ia faiga, ae fai se tulafono e puipui ai lo
tatou laufanua ina ia le mafai ona faafofoaina e
tagata le sisi Aferika e faafaigofie ai le omai i le
Malo e ave atu tupe ae aumai sisi Aferika. Sa ou
tau ane i le nusipepa i le Aso Sa e uiga i le
mataupu i le Fale Ia. Faafetai atu i le Malo, ona o
le fuafuaga lea ua aliali mai i le Fale Ia. E ese lo ta
ma, e ese le leaga o lea mea o le o atu e tulaga le
manuia le Fale Ia. E fautua atu i le Malo e ao lava
ona silasila ane i le mea o lo o autovaa i ai matou
le aufai faiva e faatau ai, ina ia le gata e maua ai le
tupe ae faalelei foi le mea e fai ai le fefaatauaiga o
ia.
Ona ou oo atu lea i le mataupu lea i povi, vaeatu
le paia o le Fono. Ua fiu lo matou Itumalo e
talosaga, o lo o faigata tele ona maua ni povi. O le
mea e faatalosaga atu i le Afioga i le alii Minisita
se i silasila ane i le tulaga lea. Sa oo lava Au
sailiiliga i vaa fagota, a o loo tulai mai ai se tulaga
faaletonu. O le faaaliga mai le Ofisa o le Treasury,
e le o mautinoa le tulaga o lo o i ai vaa fagota i le
taimi nei, ona e foliga mai o loo i ai se feteenaiga a
le Malo ma i latou o lo o fausia vaa fagota. O le
mea lea e faamalulu atu ai i le Matagaluega, lau
Afioga i le alii Minisita sei e silasila ane, ona ua le
mafai ona toe fausia ni vaa fagota ona ua taofi e le
Ofisa o le Tupe ua uma ona ave le tupe i le o lo o
fausia vaa fagota ae ese foi le faamatalaga a le o lo
o fausia vaa fagota.
Lau Afioga i le Fofoga Fetalai ma le paia o le
Palemene, e anoanoai tapenapenaga sa fuafua mo
lenei taeao ma le faamoemoe, e avatu ai se
fautuaga e auala atu i lau Afioga ma le mamalu o
lenei Palemene i le Malo. Ua faamuta lou taimi
ona ou faapea lea, ia alofa mai le Atua aua le lātō i
le ala ma le lātō i le ‗ea ma le apulu o tofaga o le
Afioga i le Palemia, tau ina ia taliu mai i se aso, ia
viia le Atua.
Ia alofagia e le Atua le galuega fita o lo‘o feagai
ma lau Afioga i le Fofoga o le Fono aemaise le
Failautusi ma le Ofisa o le Fono. Ia manuia lau
Afioga i le Sui Palemia ma le Kapeneta faapea le
Palemene, ae ia ola le Faasaleleaga Numera 4.
Afioga PATAUAVE ETUALE
Faleata Sasae
Filifilia:
29 Aokuso 1998
Faatauto:
23 Novema 1998
Lauga Faataupou:
18 Ianuari 1999
Lau Afioga i le
Fofoga Fetalai o le
Maota o Samoa, le paia o le Palemene lasilasi i
aiga tupu ma ponaoo o Samoa. E tumau le paia o le
Atua, le viiga ma le faaneetaga i lenei taeao fou, le
taeao totoa ma le taeao manino, i Lana pule
faasoifua ua maleifua ma alafai mai i le soifua
maua ma le lagi e mama le paia lasilasi o le
Palemene. Ia faafoi le viiga i le Atua, ae ua ou tulai
atu ma le agaga faaaloalo tele i le mamalu o le
Palemene i le taeao fou, e fia faaalia foi se manatu
vaivai o le sui usufono o lenei itumalo e uiga i le
Tala Faatatau Faaopoopo o le Tupe a le Malo mo
lenei tausaga faaletupe 1999, atoa ai foi ma ni
fuafuaga faataatitia a le Malo mo le faaleleia atili o
nisi o galuega tau atiina ae, aua le tulaga vaivai o
lo o feagai nei ma le tamaoaiga o le atunuu ma nisi
galuega e fia faia aua le manuia au i luma o le
Malo.
E fia momoli atu le faafetai a lenei itumalo ma le
faamalo mo galuega lelei ua faatinoina e le Malo,
ma le tulaga siitia talu ona Tutoatasi le Malo. O se
mitamitaga i le tulaga faaeaina ua tatou ofi atu ai
nei i le saofaiga a Malo tetele o le lalolagi. Ua
tatou galulue felagolagomai ma soosootauau, atoa
ai ma lo latou alolofa mai ia Samoa i alamanuia
eseese ua tatou maua, ua fesoasoani mai ai i le
vaivai o le tamaoaiga talu ai ona o le le lava o le
punaoa e maua i le manava o lona laueleele e tua i
ai se Malo. Maumau pe ana pei o isi Malo i fafo e i
ai Fiti, Papua Niu Kini o lo o maua ai le auro, o le
siliva, o le kopa ma nisi minerale e i ai le koale.
Maumau pe ana maua i Samoa na mea, meamanu
tatou te le oi. E le fetagisi Samoa ma tagi i fafo, ae
tagi lava i lima le igoa o le tamaloa. Atoa ai foi,
maumau nei eleele faaleaganuu.
Fai mai se isi papalagi ia te au – ―O le a sau vaai i
ai, e fia afe miliona a Samoa ia ae pe aisea e le
galueaina ai le tele o vaomatua o Upolu ma Savaii‖
Ona ou fai lea i le isi tamaloa, o le alii sa Marine i
aso la sa i Vaimoso. ―O le faalavelave lea e tupu, o
laueleele o fanua faale-aganuu, too many bosses
ma fanua uma saoloto (freehold land) one boss.‖
Na ata le tama ma faapea – ―Oi, e le tioa la.‖
Maumau e, le Malo pe ana mafai ona fai se faiga i
eleele nei, aua o le a taatitia taatitia nei miliona ma
miliona o tala, meamanu tatou le oi, e le mativa
Samoa. O lea lava e maua i Samoa…..
Ou te manatua se tasi o alii o lo outou afioaga, o
Aiono Luti. O le alii sa ma aooga i Felela. Sa ou
faapea - Amuia oe Aiono Luti, e tele au taavale
mananaia.‖ Na saunoa Aiono – ―O la e i lalo o
malili ia ma luga o mauga ia taavale, ae e le o
galueaina.‖
E momoli atu le faafetai a lenei itumalo mo
fuafuaga uma ua faataatia e le Malo. Ua faamalo
atu foi mo le Tala Faatatau Faaopoopo o le Tupe
ua fuafuaina e le Komiti o Tupe a le Malo ma ua
folasia nei i luma o le Palemene, i le Tala manino,
malamalama, manaia sao faalalelei. E matagofie
ma e lagolago atu lava. E ese le manaia. O lea ou te
vaai e alu i luga, a o lea tatou te atumatagi; a o lo o
soifua le Atua e Faavae ai le Malo o Samoa e
fesoasoani mai i o tatou vaivaiga. Atonu po o a
mea e aveatu e lenei itu, e faamalie atu ona o
fautuaga. E aveatu faafautuaga, ae e le aoaia e
Laupua Tamafaiga aua o lena e i ina le tofa ma le
faautaga. O le agaga moni, tatou o malie e opogi
ma lagolagosua i le Malo. Ae maua ai le a? E maua
ai le matagofie. E maua ai le toamalie. O aga na
faatupu a Samoa e masani ai i le va fealoai. Ia tausi
le va fealoai ae aua le manumanu i le ia ae
manumanu i le upega pe a saunoa. E iloa le tupu i
lana saunoaga, e iloa le tamalii ma le faleupolu i le
fetalaiga. O iina e faamoemoe i ai se Malo, nuu ma
se Ekalesia.
Ona liliu atu lea o se faamatalaga a lenei itumalo i
le Minisita mo Galuega. O le mataupu atonu e fai
sina maaleale i lau faafofogaaga ae aua nei tee le
uluga faapea foi le paia i le Palemene. E le tuua se
lagona i tulaga pagatia e uiga i o tatou auala. O lea
o le a taumafai atu Faleata i ai. O le a amata mai
lau mataupu e fia tuuina atu i lau afioga i le
Minisita mo Galuega e uiga i le ala sima i Moamoa
tai, lua o le ala sima i Sinamoga tai; tolu o le isi ala
sima lea i Vaimoso uta lea e kolosi atu ai tagata o
le falesa o le Ekalesia Faapotopotoga Kerisiano i
Vaimoso e tau lava i Sinamoga; fa o le alatele lea e
kolosi i totonu o lo matou nuu o Vaimoso.
Ua 73 nei tausaga, o nei ala sima sa fai ma taelega
a matou i na onapo. Sau nei lo matou vai lea, o
lenei e alaala mai le Tofa (Lealaitafea Tauave
Tofa,, sui usufono mo Palauli Sisifo) lena afai
mafutaga kirikiti i Vaimoso, e uma kirikiti ae
matou taeele ai i vai nei i Vaimoso. O lea e silasila
i ai le mamalu lautele o le atunuu lea e femalagaai.
E fai ai a matou taelega, ao lea lava e tumau, e le i
suia lava se faiga. E pa mai i gauta i le alalaupapa i
Vaimoso sau i totonu o Vaimoso, oi, ia tailo i le
lolo foi lea e taua mai i le Tusi Paia i le mea lea e
tupu nei. O le mea matautia lea e i ai nei, ua sau ai
ma ituaiga tuna eseese, o apoa, apofu, o a ituaiga
sisi foi nei. Ou te manatua ai, e i ai se isi aiga e lata
i luga o le vai na tuli e le tuna. Oi, se le tuna lava e
faapea (faatusa tele ole tuna i ona lima). Ua fefe
nei ma fai mai – se Patau, a e alofa fautua i le Malo
e fai se faiga e sii ai le auala lea faamaualuga ma
fai se pa sima i gauta faamaualuga alu i le ono futu
mai le ground level ia i luga atu, tolu futu le
mafiafia ia sau lava le vai faga sao i muliumu i lo
le sau fai taaloga i luma iina. Ua afaina nai aiga ia,
atoa ai ma nai faafitauli nei o tuna, o pusi, o fee. O
le fautuaga lea.
Ia alofagia lava. O le fautuaga lena ua aveatu. A
le faia e Iapani fai ia Siamani e fesoasoani mai i
lenei Malo vaivai ina ia fai se mea. O le fautuaga
lea a Faleata. Tatou te moomia lena – ia malie e le
o oe. Tatou o e fetagisi faatasi ina ia fesoasoani
mai i le Malo aua auala ia. O nei auala ua 30+
tausaga talu ona Tutoatasi ae e le i gaoioia lava i se
vaitaimi, a o mea e tatau aua o le ala foi lea a pesi
mai le avetaavale, a telefoni atu – ―Se matou te le o
atu leaga e leaga ai a matou taavale i outou auala‖.
Ioe, toe leai ma ni moli ae pogisa. E fai ai inuga
ava a tamaiti. O lau mea la e fai o le tauai i maa –
―Sole, o e inupia i se mea.‖ Aisea? E leai se moli.
O nai fautuaga ia e valuvalusia ai aa o le fau, a o
mea taua mo le faaleleia lautele o le atunuu
aemaise o nai taavale ma malo fegasoloai i auala
nei, sei alofagia.
Toe tasi lava le mataupu lea na fautua mai ai lo
matou itumalo – ―Patau, a e lauga ave pea i le
Malo pe a ae tefa le tauala ae toe fausia le fale o le
Mau.‖ E manatua pea, e talanoa i ai turisi e o mai,
aisea ua le toe faatu ai le fale lea e fai ma mataaga.
O le pine faamau, o iina i le fale pumoomoo lea na
faafailele mai ai upu o le Malo Tutoatasi o Samoa.
E le o se fale la o Vaimoso, e le o se fale o Faleata
ao le fale o Samoa. Ina ua pau le fale, o la e sue le
laupapa na tusi ai le igoa – Samoa mo Samoa ae e
le o faapea o Vaimoso mo Vaimoso po o Faleata
mo Samoa atoa.
Ia manuia lava le Fonotaga i lenei aso. Soifua ma
ia manuia le Palemene.
Tofa SUA ATONIO LEMI
Itumalo
Faaalalafaga:
Aleipata Itupa i Lalo
Filifilia:
15 Me 1996
Faatauto:
16 Me 1996
Lauga Faataupou:
18 Iuni 1996
i le Fofoga Fetalai.
Ao le i oo atu se matou faamatalaga e ao ona
matou faaopoopo pea i le viiga o le Atua i lenei
taeao e pei ona e faatamamua i le taimi ua tuanai
ma le taimi ua sola e viia ai le agalelei ma le alofa
o le tatou Matai i le lagi. O le viiga o le Atua e le
faamutaina e ao lava ona tatou saga viia aua o le
Atua ma lana tausiga i lo outou soifua ma so tatou
ola. Matou te saga faaopoopoina pea le viiga o le
Atua, aua o le Atua ia o le Atua e tumu i viiga e ao
lava ona tatou saga viia pea o Ia.
Lau Afioga a le Fofoga Fetalai, a o lei malaga loa
le matou faamatalaga, matou te faafetai atu i lau
Afioga i le Fofoga Fetalai ona o le faatalosaga a
lenei itumalo e ala i le Nofoa lea ua to lau pule ua e
agalelei e tusa o le talosaga a lenei itumalo e ala i
le Nofoa o lea e le malaga loa se matou
faamatalaga e ao ona matou afea le matou faafetai.
E momoli atu ai le faafetai i lau Afioga ua mafai
ona talia le faatalauula atu a lenei itumalo o
Aleipata Itupa i Lalo.
Lau Afioga a le Fofoga Fetalai, ae ou te lei asaina
le tai ma ou utufia le vai na momoo i ai le Tuiatua
nai Mulinuu ma Nuuausala, o Samoa a o faaseu i
ona atu tia anamua. A seu i le tuasivi ona faapea
lea ua pau i le tuavao. A seu foi i tai loloto, ona
faapea lea ua pau le tuaau ma fuamalu. A seu foi i
le tai papau, ona faapea lea ua loloma le tai o Alo
ae ligoligo le tai o Tumua. O le taeao ma le aso
lenei i le usuia o le Fono i le Maota o le Palemene i
le Malae i Tiafau nei o le Malae o le faautugatagi a
Samoa, ua pau la ma maualuga Tiafau nei aua o lea
ua susu lau Afioga i le Fofoga Fetalai, Susu le
Afioga i le alii Palemia e ui ina faalupe i le vao ae
tatou talosia le faataotolia o le fala i le siiga
gasegase a le Afioga i le alii Palemia. Le afio o le
Afioga i le Sui Palemia ma le paia i le aiga
Kapeneta, le mamalu i Sui Usufono o le Palemene
o Samoa i Sisifo vae atu le paia i le faafogafoga
tapuai a le Susuga i le Ao Mamalu o le Malo, le
Susuga i le Malietoa Tanumafili II o le na faalogo i
ai Samoa. Afifio le paia o Sui o le Fono a Sui
Tofia, le paia i Aiga o Tupu, Aiga o Nofo, Aiga o
Papa, o Tama ma o latou Aiga o Aiga foi ma a
latou Tama, le paia i le Usoga a Tumua ma Pule
Ituau ma Alataua Aigai i le Tai ma le Vaa o Fonoti.
Le faafogafoga tapuai a o tatou uso i le Motu i
Sasae, le paia ia Sua ma le Vaifanua, Fofo ma
Aitulagi, Saole ma Saleaumua, o tama a le Manua
Tele ma Tootoo o le Faleula. O paia faataooto ia o
Samoa le amata mai i le tai samasama o le
Tuimanua seia paia le tai nai lualoto na ae malo ai
Samoa aua ana galuega ma ana Upufai.
Palemene, e manatu le Sui o le itumalo o Aleipata
Itupa i Lalo, e le malaga loa se matou faamatalaga
tau lava ina ou afea le magavai ma magaala o lou
itumalo i sau faafetai ma sau faamalo i lana
faaeaea ma lana tapuaiga a o alofaiva le auauna
aua upufai ma upu galue i totonu o le Faigamalo a
Samoa i Sisifo.
Le paia o lou Itumalo o Aleipata Itupa i Lalo, i le
afio o lau Afioga i le Tuiatua na faanofonofo lau
tofa le tama matua lau Afioga Tafua, le paia i
Alalamalae, Pule na taitai, tane o le itu ma le alii o
le itu, le mamalu i le lauti na laulelei i le
faautautaga alualu mamao ia te oe Saleaaumua o le
uluai Tumua o Samoa. Se ua malo pule, ua
faafetai i lau faaeaea faa-matai, ua faafetai i lau
faaeaea faale-itumalo. Ua faafetai i lau pule ua e
lafo mai o le a ou tautala ai i totonu o le Maota
Fono e ave so tatou leo aua Upufai o le ta Malo. E
le faagaloina foi le agaga o le faafetai e momoli atu
i le paia o faletua ma tausi, saoao ma tamaitai. Se
ua malo le pule, ua faafetai lau faasoa. E leitioa
fai upu a le atunuu ia te outou e au la outou inailau
ona o lo outou lototetele ma lo outou lotonuu, le
loto tautua e fesoasoani ai aua le tautuaina o
galuega a le Malo ma le Atua ma lona finagalo.
Ua faafetai i lau pule faa-tina lea ua ou tu ai ma
talanoa atu i lenei aso e ala i totonu o le Maota ma
Upufai o le Maota o le Palemene.
E le gata foi i lea lau Afioga a le Fofoga Fetalai e
le faagaloina foi i le agaga o le faafetai i Au uo ma
Au paaga ua aulia le 21 tausaga. Ou te talitonu ma
ou mautinoa sa tatou lotolotoi faatasi ma o lo o
tatou feiloai pea lava i totonu o lo tatou itumalo.
Ua malo ua faafetai i lau pule faa-21 ua avanoa ai
ma ua ou oo mai ai i totonu o le Maota o le
Palemene aua ona Upufai. E le faagaloina foi le
agaga faafetai i se avanoa i totonu o le itumalo
aemaise o Samoa. O e sa tapuaia ma o latou
lagolagoina ou aiga aua le faamoemoe e pei ona sa
alofaiva ai Samoa e ala i la tatou palota. O lea ua
tau lau o le faamoemoe, ia viia lo tatou Matai.
Afai sa o tatou feiloai pe tatou te le i feiloai foi a o
lo o loma le palota, ou te manatu e taua lea. A o le
mea e sili ona taua ou aiga pele, e le aveesea ai o ta
toto faale-aiga, o a ta tino faale-tagata ma lo ta aiga
e le mafai ona aveesea ai pe afai sa o ta feiloai pe
tatou te le i feiloai foi, o lo ta tino e tau lava i le
faavavau. Ua faafetai i lau pule faale-aiga. Ia
tapuai maia. E le gata foi i lea o le faafetai sili e
momoli atu i le aufaigaluega paia a le Atua o lo o
nopiai faafale-le-malu i totonu o nuu ma afioaga o
le itumalo o lo o latou punouai ma latou nono
manuina aua manuia o le itumalo ma ana tama
fanau. Ua malo le fai tatalo, ua malo le punou i le
Atua i lana galuega. E te galue i le mea lilo, ae
aumai faaaliali e le Atua le tali tatou te fiafia ai
aemaise o se viiga. Ia aua ne i viia i tatou ae ia viia
le Matai. Ua faafetai le fai tatalo. E le gata foi i
lea o le agaga o le faafetai ua ou manatua i lenei
itula. Ou te faafetai i ou uso sa matou tauva i lenei
faiga-palota, Sui malolosi o le HRPP sa o matou
tauva faapea foi Sui malolosi o le SNDP. Ae peitai
ua aumai e le Atua le tali, ua aumai lana mamoe e
osi ai le taulaga. Ua aumai o le sa alu tutoatasi e
tauva ai, o lea ua aumai le Sui tutoatasi i le taimi o
le Faiga-palota e oo mai i totonu o le Palemene e
pei ona tauala atu i le taimi lenei, o lo o tutoatasi
pea i le agaga ma le faamaoni.
Palemene, a o le i oo atu sa matou faamatalaga i le
Tala o le Tupe. O le itumalo lenei o Aleipata e
Afifio ai Fuataga ma Tafua, o Tuiatua
Faanofonofo. A faataotooto upu o Atua, o Ao o
Atua, o Iu o Atua, o uso o Atua. O Ao o Atua
tama ia. A faataotooto foi upu o Samoa, o tama
lava ia o uluai Tumua ia o Samoa. O isi lava
Tumua o Tumua mulimuli nei lava, a o uluai
tumua ia o Samoa o tama ia. O le faanoanoaga o le
Sui o le itumalo o Aleipata Itupa i Lalo, ua ou
folasia atu le itumalo o Aleipata ae paga lea, e
faamuliga lava i ai atiina ae a le Malo e pei ona
outou silafia ma o tatou iloa.
Muamua, o le a ou amata atu i auala. Ua faafetai
mo galuega lelei e pei ona i ai auala. Ou te manatu
o lea o lo o galueaiina foi i le taimi nei le faataina o
auala i Aleipata. Ae paga lea ua sopoloa nisi nuu i
totonu o lenei itumalo, o le nuu la o Tiavea-tai. E
faigata ona i ai se isi taimi e toe foi i ai le galuega,
a o lo o i ai nei i Aleipata le galuega. Pe ni a fa au
i le Malo ae afe ane i ai le galuega ina ia faamaoti
le faataina o lea nuu. O le mea muamua lea ou te
fia faamamafaina i lau tautalaga le faataina o lenei
auala i Tiavea. O le nuu foi lea i Tiavea-tai, e le i
ai se isi na palota ia te Au, na palota uma lava i Sui
o le HRPP na o, a o le agaga naunautai ina ia
aveatu pea le agaga o le itumalo aemaise o lenei
afioaga ina ia galulue faatasi. O lea ua tatalo atu ai
i lau Afioga a le Fofoga Fetalai aemaise o le
Faigamalo inaia faataina le auala o lenei nuu. Ou
te iloa e le o se auala umi foi. Ua asiasia foi e le
Malo ua oo atu i ai Taitai, ua latou silafia foi le
faigata. O le isi itu, a i ai ni gasegase i totonu ole
nuu lenei,e oo ane lava le tagata e toatasi ia te Au.
O Au lava ou te alu i lalo aveae se gasegase tulou
lava lau Afioga a le Fofoga Fetalai ma le mamalu o
le Palemene. Ae tou te silafia le mea e tupu, ou te
alu atu e ave ane le gasegase e tasi, ae ave ane ai
ma ni gasegase se sefulu pe luasefulu. Aua e a? E
faigata le auala i se mea e maua ai se fesoasoani. E
pei o le ala lea e tatalo atu ai ma le agaga faaaloalo
ina ia afea i polokalame faataotooto a le Malo le
auala e fia faataina o lenei nuu.
Ona oo mai ai lea o sau faamatalaga i le auala i
totonu o lo matou nuu e sau i le afioaga o Amaile.
Ou te iloa pe na o se 20 mita pe 100 mita le vaega
e fia faataina o le auala lenei. Lau Afioga a le
Fofoga Fetalai, o le afioaga lenei o Amaile o le
afioaga o le Tama a Aiga le Afioga ia Mataafa. O
tama ia ou te faalogo pea e ave iai le faamuamua a
le Malo, ae e le i faataina le auala i le afioaga o le
Tama a Aiga. O lea ua tatalo atu ai le Sui Faipule
o Aleipata Itupa i Lalo se i alofa ane e fia faataina
lenei auala mai totonu o Samusu seia oo atu i
Amaile. E le gata foi i lea a o le auala i Lalomanu.
Ou te iloa o lenei auala ma lenei Falemai ua leva,
ae o lo o faigata ona o le fesouaiina o le auala. Ua
i ai tonu i ina le fataina o le auala i le taimi nei. Ou
te tatalo atu mo le faafaigofieina o le galuega ae
faataunu ai le taimi nei mo le taugofie ma le
faafaigofieina. O le talosaga lena.
Ona oo mai lea o lau faamatalaga i le Eletise.
Lau Afioga a le Fofoga Fetalai, e pei lava ona
aveatu sau faamatalaga i le taimi ua sola, o le
itumalo lenei e faamuliga lava i ai atiina ae. Mo le
silafia o lau Afioga a le Fofoga Fetalai ma le
mamalu o le Palemene, ou te iloa o le manava o le
eleele o le itumalo lenei o lo o ola mai ai le eletise i
Afulilo, ae paga lea e i ai nuu ma nai afioaga o
Saleaaumua i le mea e tau o Vaisuli, ma le nuu
lena e tau o Utufaalalafa, Tiavea-uta, Samusu-uta
ma Amaile-uta. O le lotoifale lena o le tele o
tagata o afioaga na o lo o lotolotoi ai i ina. E le na
foi ma le laina ae avatu se matou faamatalaga, sa
oo atu lava i ai le faiga o pou moli, ae peitai ua toe
aveesea. O le fesili, pei lava o le agaga lea ua
avatu ai ma le agaga faaaloalo le talosaga mo
Amaile-uta ma Samusu-uta i le va ma Tiavea ma
pou moli o lo o i ai i Saleaaumua ma Utufaalalafa,
o loo ua taofia nei galuega ia. O le fesili, pe ua
mafua aisea ae o lo o moomia le fesoasoani i mea
tau eletise?
E le gata foi i lea lau Afioga a le Fofoga Fetalai e
mata o maasiasi ae avatu se matou faamatalaga, e
ui i lea, leai o le Sui a e tutoatasi ua aumaia
manaoga o tagata taitoatasi o le itumalo mai le
matua e oo i le laititi, o fofoga ia oi latou lea ua ou
tautala atu. I tulaga i moli auala, ou te iloa o le
itumalo lenei mai le afioaga o Satitoa e tau i
Tiavea, e iva nuu. O Satitoa, pe tasi le moli auala,
faasolo mai ai i Malaela e tasi le moli auala, i
Mutiatele e tasi le moli auala, e oo mai ai foi i
Saleaaumua e faapena ae oo mai i Samusu, o le
nuu lea o le faipule, e leai se moli o i ai. O le fesili
e tulai mai i lou mafaufau, pe ua mafua i se a ua oo
ai i lea tulaga. I le agaga maualuga ma le
talitonuga o lou Sui, o galuega lelei ia ua faia e lo
tatou malo. Aisea ua faia ai i isi nuu ae le faia i
totonu o Aleipata. Ua fia tilotilo ea ma fia silasila
isi nuu i moli o auala ae ua le fia tilotilo lenei nuu
ma lenei itumalo. Ae a tuu foi i se isi itu, o moli
auala uma nei o lea e totogi uma e tatou. A e paga
lea, o lea o lo o alu nei tupe a lenei itumalo e totogi
ai moli o isi itumalo, ae leai se moli o le itumalo
lenei i le aula. O lea ua tatalo atu ai ma le agaga
faaaloalo i lau Afioga i le Fofoga Fetalai vae atu le
Afioga i le alii Minisita o Galuega ou te manatu sa
ou oo atu foi ma o ta feiloai pea lava pea ao
lumanai le Faiga Palota. Ia sei e silasila ane, na e
saunoa mai e tuuina atu se talosaga. Sa ou tuuina
atu le talosaga peitai e oo mai i le taimi nei, e lei
faatinoina ma faataunuuina lea manaoga. O le
agaga faaaloalo e ui atu ai le faa-talosaga i lau
Afioga a le Fofoga Fetalai, lau Afioga a le Minisita
o Galuega, lau Tofa Leafa sei e silasila ane i lea
tulaga i moli o lenei itumalo. E fia matamata foi
ma fia silasila le itumalo i moli o lo o i ai i le auala.
Na ou oo foi i le Afioga i le alii Palemia ma feiloai,
ia o lana saunoaga, e fai uma mea uma na,
faataunuu uma, e faatinoina uma, ona o turisi o lo o
o fai mai i totonu o le tatou atunuu. Sa lagona le
faanoanoa i le saunoaga aua pei ua faataua le turisi
ao tagata o lo o i ai i totonu o le nuu ma afioaga o
lo o latou tui le mulipapaga ma o latou vaai pea i ai
i aso fai pea ma aso fai soo ia ae le o amanaia.
Lau Afioga i le Fofoga Fetalai ona oo mai ai lea o
sau faamatlaaga i mea lava e fia faamaea. Ua
taunuu atu i ai uma atinae a le Malo a o lo o i ai nai
vaega o lo o sopoloa ai le faasoa ma le pule po o le
polo faasoasoa a le tatou malo. Oo mai i vai-paipa,
lau Afioga i le Fofoga Fetalai, i totonu foi o le
afioaga o Saleaaumua faafetai o lea ua uma ona i ai
le masini vili vai ia ae paga lea, e lei faatinoina ma
faatunuuina e oo mai i lenei taimi. O le agaga lea
ua avatu ai se faatalosaga i lau Afioga i le Fofoga
Fetalai, se faafofoga i le alii Minisita. O nisi paipa
o le matou itumalo amata mai i Samusu e sau i
Amaile ma le isi vaega o Saleaaumua, o lo o ola i
le eletise a o lea ua alu atu ai le eletise i luga. O le
paipa faatoa ola i le itula e 9.00 ma afai lava e le
faigaluega le tama e faaolaina le afi, e le ola ai foi
le paipa o nei nuu. A ola foi e ola i le 9.00 ae pe i
le 2.00 i le aoauli. O le talosaga lea e tuuina atu
ma le agaga faaaloalo lava ma le faamaualalo. O
le isi itu e pei ona maua i nisi o Sui Usufono, o
paipa nei o nisi o le matou itumalo i afioaga nei o
Saleaaumua ma Amaile, o lo o ua taunuu atu nei
pili pe tai $200 ae faatoa ola mai le paipa i le
tausaga nei i lona faaiuga, a o lea ua ave atu pili
mai le amataga. Ou te le maua pe o le lima tausaga
talu ai a o lea faatoa ola paipa i le tausaga lea na
tea nei. Sa fai paipa muamua ae le i ola ae peitai
faatoa ola paipa a ua ave atu pili. O lea e talosaga
atu ai ma le agaga faaaloalo sei silasila ane i ai, ae
aveese nei pili ona e lei faaaogaina le vai. Ae
tuuina atu pea pili i le taimi e pei ona faaaogaina
ma ola le suavai i le taimi o la e ola ai e amata mai
i le tausaga lea na tea nei se ia oo mai ile taimi nei.
A o le ola foi lea e i ai e ola i le 9.00 i le taeao ae
pe i le 2.00 i le aoauli.
Lau Afioga i le Fofoga Fetalai ona oo mai ai lea o
sau faamatalaga i le tulaga o ala galue. Ou te
manatu e le o po malae i lau Afioga i le Fofoga
Fetalai ma le mamalu o le Palemene, o lea ua i ai le
vaega-tupe e pei ona faataoto mai i le Tala o le
Tupe mo tulaga i ala galue. O le ala galue o le
afioaga lea o Amaile e le i maua se latou tupe mai
lava i le amataga. Na afio atu i ai le Afioga i le alii
Minisita faapea foi le Afioga i le alii Palemia ma
silasila i ai i le auala lea e lua ai auala, ia e le i
maua lava se seleni. Peitai na afio atu le Afioga i
le alii Palemia silasila i ai ma lana saunoaga o lea o
le a faaluaina se latou seleni e maua pe a maua nei
le Tala o le Tupe. E pei o lea ua tatalo atu ai i lau
Afioga i le Minisita le Afioga i le Maopu le Afioga
ia Leota Lu e ala atu i lau Afioga i le Fofoga
Fetalai. Ou te iloa ua e seei mai i le Nofoa e
faafaigofie ai mea uma aua tulaga i ala galue. O
lea ua tatalo atu ai se i silasila ane i ai ua maea
tapena ma maea faatino mea uma e pei ona
poloaiina e pei ona afio atu le Afioga i le alii
Palemia faapea le Afioga i le alii Minisita ma le
asiasiga a le Malo e faataunuuina mea uma i auala
ia e lua o le afioaga lea.
Ona oo mai lea o sau faamatalaga i atiina ae o le
Falemai. I le vaavaai i ai ma le totoa i totonu o le
itumalo i Falemai, e i ai le Subcentre lea e i le
afioaga i Amaile, ma o le isi foi lena mea e
moomia ia le faataina o le auala ona o le Falemai
lea o lo o i ai . Ou te manatu lau Afioga i le
Fofoga Fetalai ma le mamalu o le Palemene, e leai
se tamaitai Fomai Pasi o i ai i le Falemai lea, ae o
le itumalo lenei e iva nuu. O tagata foi i lona
aofaiga i le tuuaofaiga o le itumalo lenei i le
tusigaigoa i le 1991 e ova atu i le fa afe tagata. E
moomia tele le fesoasoani i le faaleleia o le
Falemai lenei. Ou te manatu o lo o utiuti le tulaga
i Fomai. Peitai, o le tatalo lava a le itumalo, afai e
afea i se tofa i le Afioga i le alii Minisita i se
tamaitai Fomai Pasi sei fai ai lenei taimi, ua
alagatatau ma talafeagai. Ua malie foi lenei
itumalo ma lenei nuu latou te tausia, ae pau lava
lea ia afea le finagalo saili malo i le Afioga i le alii
Minisita ina ia i ai se tamaitai Fomai Pasi. E pei
ona slafia a i ai se gasegase, e ave i Lalomanu. A
ave atu ae faapea mai Lalomanu e aumai i Apia,
ona toe aumai foi lea i Apia e oso mai i totonu o le
matou pitonuu. O se auala ma se foliga e
faafaigofie lea ua tatalo atu ai. E le gata e faigofie
ai le Falemai, a o tagata foi o le itumalo. O le
talosaga lea ma le agaga faaaloalo i lau Afioga i le
Fofoga Fetalai ma le paia o lenei Palemene.
Ona oo mai lea o sau faamatalaga i le Televise
Samoa. Ou te iloa ua maea ona i ai le pou i le
afioaga i Lalomanu. O le mea moni ma le mea
tonu ou te ave atua e le i manino ma e le i ola foi le
TV i le afioaga lea ma le pito lea a matou. O le
taimi nei e pei o taaloga sa alo atu i ai le Manu
Samoa, sa o le afioaga lenei ma lenei itumalo e
matamata i Lalomanu ae le o manino foi le TV i
Lalomanu. E pei o lea ua ave atu ai se faatalosaga
e ala atu i lau Afioga i le Fofoga Fetalai se i silasila
ane i ai i le tulaga e pei ona i ai le moomia ma le
mea o lo o faatauaina e le ta Malo aua ona tulaga
mo galuega fai.
Palemene, ona oo mai ai lea i le Ofisa o Pulenuu.
O lea ua tumaoti nei le Matagaluega o Pulenuu ma
Lotoifale, ma o le mea moni e tele nisi o pulenuu e
le o faataunuuina ma faatinoina lo latou tiute e
faasoasoaina ma fesoasoani mai i galuega fai a lo
tatou Malo. E mafua i se a? A fesili i le Pulenuu,
e tasi le tali a le Pulenuu, e le o lava le totogi e
aumai matou te galulue ai.
O le mafuaaga lena e le o atoatoa ai le galue a le
Pulenuu ona o le tulaga o lo o i ai so latou
talitonuga faapena e tatau ona toe i ai se
faaopoopoga o o latou totogi e tusa ma a latou
galuega fai.
Ona oo m ai lea o sau faamatalga lau Afoga i le
Fofoga Fetalai i le tasi lenei o atiina ae taua a lo
tatou Malo o lo o i ai i totonu o lenei itumalo, o le
uafu lea i Aleipata. O se atiina ae e sili ona taua i
fefaatauaiga i le va o le tatou Malo ma le Malo o
Amerika Samoa. O le fesili ua ou fesiligia ai lau
Afioga i le Fofoga Fetalai ma le mamalu o le
Palemene, o fea o fai agai i ai tulaga o taualumaga
o le uafu lenei i Aleipata? Aua e le natia i le
Maota lenei lau Afioga i le Fofoga Fetalai, na
faaaoga le uafu lenei sa feoai ai vaa ma sa alu ai foi
tupe a lo tatou Malo. E tele tupe na alu ai. O le
amataina o lenei galuega, sa amata lava e le
itumalo e tama o e ua lagomau mai i tiasa ona o le
agaga maualuga e faafaigofie ai auala mo
fefaatauaiga a le itumalo ma le atunuu lenei. Peitai
ua fesoasoani i ai le Malo ma faaalu ai se seleni
tele. O le fesili ua tulai mai po o fea ua agai i ai le
fuafuaga a le Malo ae o se tasi lenei o atiina ae, ma
e tatalo atu ai le sui o lenei itumalo sei tagai ane i
ai ma toe faaauau lenei atiinae matagofie.
Ua oo mai sau faamatalaga i le Tala o le Tupe.
Palemene. O le Tala o leTupe lenei ua tulai mai o
le Tala Faatatau Faaopoopo o le Tupe, faatasi ai
ma le Tala atoa o le Tupe o lenei tausaga. Ou te
faaupuina e faapea: Aua nei mitamita le tagata
poto i lona poto; aua foi nei mitamita le tagata
malosi i lona malosi; aua foi nei mitamita le tagata
mauoa ua tele ana tupe ae o le mitamita ia mitamita
ua iloa le Alii.
Lau Afioga i le Fofoga Fetalai, afai e iloa e le
tagata le Atua e tatau ona tatou alolofa i ai ma
faamaualalo ma avatu le faatagi i le Atua. Lau
Afioga, i le vaavaai atu i le Tala Faatatau
Faaopoopo o le Tupe 1995/1996 o lo o atagia mai
ai le faaupuga i ai i le Faavae e le tatau ona sili atu
i le 1% se tupe faaaogaina i tupe alu mai i le
tausaga ua mavae seia paia mai le tausaga lenei. I
le vaai atu i ai ma le sailiga i totonu o le Tala o le
Tupe, $182 miliona sa faaaogaina i le 1995/1996
ae o le tulaga o le tupe sa faaaogaina e tusa o le
pasene ua $3,900,000 ma ona tupu. Ua aliali mai
ai ua sopoloa le faasoa a le Malo, ua le amanaia ai
le Faavae e pei ona faaupuina e tatau ona 1% po i
le itiiti ifo i le1% le tupe e faaaogaina i ana tupe
faaalu.
Ua na o ni fautuaga ae o le tofa ma le moe o lena
ua iina. Pau lava o lea, o upu masani a le atunuu,
aua nei tatou manao i le ia ae maumau ai le upega.
Ua outou silasila ma matamata i le tulaga ua tulai
mai i le Tala Faatatau Faaopoopo o le Tupe lenei,
na o le ponesi lea na faataunuuina i le vaitaimi o
Tesema ma gasegase na auina atu i atunuu i fafo
atoa ai ma tupe na tuuina atu mo le aumatutua. O
mea uma nei e taua ma aoga ae i ai mea e tatau ona
ave i ai le faamuamua. O le ponesi ma tupe mo
tagata matutua, vagana le tupe sa faaagaga mo e
gasegase e tuuina atu i fafo, sa tatau ona i ai le
faamuamua. O se fautuaga ma se manatu o lenei
itumalo, peitai ua manatu ina ia faamalie nisi o
vaega ua manao ai i le ia ae le sei silasila i le upega
nei masaesae. O le faavae lena ua faapea mai e le
tatau ona sili ae i le 1% o le aofiaga o tupe
faatatauina mo lena tausaga le tupe e mafai ona
faaaoga mo le faagaoioiga i totonu o galuega fai
mai tupe le faatagaina.
Palemene, i le tulaga aoao o le Tala o le Tupe e pei
ona tulai mai e $218 miliona le tupe maua ua
fuafuaina mo le tausaga lenei, e $193 miliona sa i
ai mo le tausaga ua mavae. E foliga mai e $6
miliona le tupe mama ua fuafuaina mo galuega fai
a le Malo i lenei tausaga. I le vaavaai atu i aitalafu
a le Malo i atunuu i fafo e $389 miliona. O le
aofaiga ua tatau ona totogi mo aitalafu ia e $14
miliona ma ona tupu. E fetuunai i le va o le tupe
maua ma tupe faaagaga lea ua maua mai i le $6
miliona ma le $14 miliona ua foliga mai ua i ai se
tulaga faaletonu i tupe maua a le Malo.
I le vaai atu ma le agaga faaaloalo o lea ua taoto
mai le tatou seleni i le tele o aiatalafu a le Malo i
atunuu i fafo ae le aofia ai aitalafu i totonu o le
atunuu. E ui lava i lea o se manatu ma ni fautuaga
ma se lagona e fia momoli atu ae paga lea o le tagi
a le pumate, ua le au atu se faamatalaga i le
aotelega o le Tala o le Tupe e pei ona tulai mai. E
ui lava i lea e momoli atu le agaga faafetai i lau
Afioga i le Fofoga Fetalai i le lavapapale ma le
lava onosai e tusa ma le faafoeina o le Fono i lenei
aso. Ae ou te le i nofoia le nofoa, ou te momoli atu
le faafetai i lau Afioga a le Fofoga Fetalai ma le
mamalu o le Palemene aemaise le faafofoga tapuai
mai a lou itumalo. Afai ua i ai se leo ua sala ia toe
foi mai i le auauna. Ia ou galue ma tautua mo
outou aua so tatou manuia mo a taeao. Ia manuia
le Fono.
Tofa SUAFOA LAUTASI
Itumalo
Faaalalafaga:
Aana Alofi Nu.1
Filifilia:
15 Me 1996
Faatauto:
16 Me 1996
Lauga Faataupou:
19 Iuni 1996
E
muamua
ona
faafetai i lau Afioga a le Fofoga o le Fono ona o le
avanoa i lenei taeao. E saga viia pea le alofa o le
Alii, e atili foi ona sii le viiga i le Alii aua o lona
alofa ua mafai ai ona maua pea le ola e oo mai ai
ile taimi nei. O le mea moni o ana faamanuiaga e
pei ona i ai eleele, vai male ea ua mafai ai ona oo
mai i le taimi lenei o lo o tatou galulue pea. E le
gata i totonu o le Maota lenei a o Samoa ma le
lalolagi atoa. Aua o le mea moni lau Afioga ile
Fofoga o le Fono, afai ae motusia faafuasei le ea
ile taimi lenei, ou te talitonu po o le a foi le malosi
o le aualii ia po o i tatou uma foi, e lima minute ua
gapepe i tatou. O le mea lena e alu le mafaufau ma
mafaufau loloto pea i ai i le alofa o le Alii ua mafai
ai ona tatou maua pea le ola. Ia viia pea le Alii.
Lau Afioga a le Fofoga o le Fono, ou te fia oo atu
i le atunuu. Muamua, o paia o le atunuu Samoa o
oe o le aomamala i le afio o lau Afioga i le Ao
Mamalu o le Malo lau Susuga Malietoa Tanumafili
II, Afifio Sui Tofia, Tama a Aiga ma lau Afioga i
le Aloalii, afio foi le Faamasino Sili ma le faletua
ma le Ofisa o le Faamasinoga. Oo mai i le Maota
nei, afio lau Afioga i le Fofoga o le Fono, le afioga
i le Palemia e ui ina tatou le faatasi ae peitai, e
tatao pea ina ia maua lona soifua laulelei e toe foi
mai ai i fanua aua galuega ma tiute. Le afio o lau
Afioga i le Sui Palemia lau Afioga i le Minisita o
Tupe aemaise le mamalu o le Kapeneta, afifio Sui
Mamalu uma o le Palemene o le Malo Tutoatasi o
Samoa, ae tainane le mamalu o Ulu o Matagaluega
o lo o ee ma papa-aao i le galulue aua le manuia o
Samoa aemaise foi sui mai fafo ma le aufaigaluega
a lau Afioga i le Fofoga Fetalai i totonu o le
Palemene lenei. Ua faamalo le galulue, ua malo le
tauivi, ua faamalo le taupati.
E ave atu foi le faamalo ma le faafetai i fata
faitaulaga uma lava i totonu o le atunuu i Ekalesia
Kerisiano o i latou o lo o tauasuina le ipu o le ola
aua se manuia mo Samoa. E faafetai foi i faletua
ma tausi ma saoao aua le galeuga paia, o galuega
latou te faia e tulai aua o galuega lelei. E faapea
foi aumaga po o le malosi o le nuu. O le aoaotetele
o Samoa e pei ona i ai ia i tatou nei i Samoa i
Sisifo ma Samoa i Sasae, o le paia lava lea i Tama
ma Aiga, o Aiga ma a latou Tama, o tulatoa o aiga
ma faleupolu o tofiga. O le mamalu lava lea i le
usoga ia Tumua ma Pule, Ituau ma Alatua, Aiga i
le Tai ma le Vaa o Fonoti. O lo o faalogologo mai
foi o tatou uso i fafo ia Sua ma le Vaifanua, Fofo
ma Aitulagi, Saole ma Saleaaumua ma le Launiu
na Saelua, tama a le Manuatele ma Tootoo o le
Faleula.
E le faagaloina lou itumalo pele ia te oe Sa-Tuala,
Fasitoo-uta ma Faleasiu. Ia te oe Leaupepe ma
Aiono o le aiga e faalagilagi. Afio Toleafoa, Susu
Sua ma le Taauso, le Seetalaluma lau Afioga Pule
faapea Mulitalo, a o le mamalu i le Falefitu ma le
nofo-a-ituaiga ae tainane le ioga matua i lau Tofa
Tauauvea. A liliu mai i lea itu o le vai ia te oe
Faleasiu, ia tulouna le paia tele ia te oe aiga e tolu,
aiga o mavaega, aiga o Sa-Tuala ma le aiga taulagi.
Afio Mailo o oe o le Tama-Aitu, afio le alo o
Tamaalelagi, i le eetai o le mamalu ia te oe le
Faletolu aemaise le fuaifale ma upu ia te oe
Faleasiu. E momoli foi lau faafetai faapitoa lava ia
te outou i tupu o le itumalo seia oo i le 21 tausaga,
o outou sa outou lagolagoina lou tulai mai e i ai le
taeao lenei. Ou te faamalo atu ma faafetai. Ua
faafetai i lo outou faamoemoe ma lo outou
faatuatuaga ua aumai ia te Au e i ai le taeao lenei
ma lou tulai atu i totonu o le mamalu o le Maota o
Samoa e sausau ai i le moana. Ia tapuai maia, o le
a seu ae lou vaa e fagota aua lo outou finagalo.
O le lauga: o le matua o le lauga o le a maua mai
lea i le Itulau e 11 o le Saunoaga a le Afioga i le
Minisita, ma e faapea ona lauina. O le Item i luga
lava o lo o faapea upu; ―E na o galuega e
faamanuiaina ai tagata e toatele o le a tatau ona
faatinoina.‖ I le English Version e faapea; ―such
that only those projects with the largest benefits to
the community are undertaken.‖ O le matua lea o
le lauga i le taeao lenei.
Lau Afioga a le Fofoga Fetalai, o le a ou amata
atu ina ia silafia e Samoa aemaise o lenei Maota se
tulaga i le aoaotetele o le atunuu aemaise le nonofo
ai o le atunuu i le laueleele. O lo o aumai i le lipoti
i le tusi lea o le Report of population and housing
1991. Ou te iloa o le tausaga nei faatoa aumai ai le
isi Lipoti. O lo o faatulaga mai ai e fa vaega o
Samoa o lo o i ai. Muamua, o le Apia Urban Area
po o totonu o Apia. E faapuupuu atu e faapea, e
lavea ai Vaimauga i Sisifo ma Faleata Sasae. O
lona lua o le North-West of Upolu. O i ina o le alu
atu i Faleata i Sisifo i Sagaga le Usoga, Sagaga le
Falefa, Aana Nu.1, Aana Nu.2, ma Aana Nu.3.
Ona faapea lea o le vaega tolu, rest of Upolu. O
Upolu atoa. O lona uiga o Samatau ma Falelatai,
Aiga i le Tai ma faasolo atu ai i Lefaga ma
Faeaseela, Safata, Siumu, Falealili, Lotofaga,
Aleipata Itupa i Luga, Aleipata Itupa i Lalo,
Fagaloa, Anoamaa Sasae ma Anoamaa i Sisifo. O
Vaimauga i Sasae i le afio o lau Afioga i le Saoalii
e lavea i totonu o le North-West Upolu. A tagai i
fuainumera o lo o taatitia mai ai nei, o i inei o mea
moni i a ma o mea e faamaonia. Atonu o le a ou le
tolaulauina atu ae o le a faatopetope atu ina ia
silafia ai le tulaga o i ai le taatia o lo taotu atunuu.
O le a ou tuueseina Apia i le Urban Area e pei e
ese lava Apia ia, a o regions lava ia e tolu NorthWest Upolu ma le Rest of Upolu ma Savaii e pei e
taga tasi lea. O la e faapea mai o le coastline po o
le shoreline o vaega ia. O le North-West Upolu e
37 kilomita, o le rest of Upolu e 147 kilomita. O
Savaii e 189 kilomita. O le area po o eleele e aafia,
o le North-West of Upolu po o Upolu Sisifo e
9.01%, o le rest of Upolu e 29%, a o Savaii e
60.8%. Ona oo mai loa lea i le faitau aofai. O
Upolu i Sisifo e 40,409 ona tagata, e tusa lea ma le
25.051%, o le rest of Upolu e 41,713, e tusa ma le
25.86%, o Savaii e 45,050 e tusa ma le 27%. O le
taatiaga lea o Samoa i Sisifo o lo i ai nei. Ona
tatou oo mai lea i fuainumera taua ia. O le aofai o
tagata o le mamalu o le atunuu e nonofo i le
coastline, e pei ona faailoa mai o le Northe-West
Upolu e 157 i le kilomita, o le rest of Upolu na o le
52 i le kilomita. O Savaii e 26 kilomita. E taua
tele ia fuainumera ia te Au aua ou te talitonu o i ina
e fausia mai ai le atiina ae o lo tatou atunuu. O le
toatele o tagata e nonofo i le sikuea kilomita o le
rest of Upolu 104, Savaii e 27. E tai tutusa lava le
Shore Line ma le Square Kilometer, o le ratio i le
6:6; 3:1. O le mea la ou te fia faatepa i ai lau
Afioga ma le mamalu o lenei Palemene, i le
taatiaga o le atiina ae ua i ai nei ua tali tutusa lava,
o lea la ou te fia faatepa ai faapea. Afai o le
kilomita e tasi o le auala ma le paipa lea e alu ai le
vai ma le paoa, e alu ai le eletise ma le telefoni lea
i le kilomita e tasi i totonu o Upolu nei, e 161
tagata e service ina i mea nei i Upolu. A tuu i le
rest o Upolu e 54, tuu la ia Savaii e 27. E te
talitonu o i e silafia ai e le mamalu o le atunuu le
tele o le faasoa, aua e tatau ona outou silafia se
ogapaipa tele se i vaeane lava le mamalu o le
atunuu ae na te service ina ni tagata toaitiiti ma ni
tagata toatele o i ina e silafia ai le taatiaga o le
atiina ae o lo o i ai nei. O le ratio e pei ona ou taua
e 631, ae tali tutusa i lau vaai le atiina aeina ua i ai
nei mea ia e tolu aua ua lelei auala, ua lelei le
eletise, i ai le telefoni, ma le vai. Ae peitai, i se isi
Au faaupuga pe a oo ina totogi pili, e tutusa, ona
ou faapea lea, ou te le tusitusi lima, ae tulou le
mamalu o le Palemene a tuu i le ratio lea e i ai nei,
tusa e faaono ona alofa ia le tagata e nofo i le
North West o Upolu ia Savaii, ae tusa e faatolu ona
alofa le tagata e nofo i le North West o Upolu i le
rest of Upolu. E faapena se manatu o lo o i ai, aua
foi e tutusa le pili o telefoni, pili o le eletise, pili o
le vai, pili o lau taavale. O i e mafua mai ai lau
Afioga i le Fofoga o le Fono aemaise le mamalu o
le Palemene se issue e sili ona taua ia te Au i le
taimi lenei, o le issue i le auala lea e alu atu i inei e
tau i le Malae Vaalele, ua fetaomi mai ma le Uafu i
Mulifanua ua faatietie nei i luga o le North West of
Upolu ua tele tele le responsibilitiy o le auala lea, o
se popolega ma se mafatiaga. O lo o soisoi le
Minisita o Galuega aua e mafatia uma lava le aualii
Faipule nei lea ua avea Au ma Sui o le North West
of Upolu, le afifio o Minisita, le Fetalaiga ia
Leulumoega, aemaise le Susuga ia Tuisamau. Lau
Afioga i le Fofoga o le Fono, o le Sui o le Sagaga
le Falefa, ta te le faatasi, ua faamavae ia le Afioga i
le Faipule i Aana Alofi Nu 3, a o Au nei ua tulai
atu, e tele tele le avega lea ua i ai. O le mea moni
o lenei auala e pisi i aso uma ma taimi uma. O le
popolega i nai loomatutua ma tina ma fanau iti, ou
te talitonu a oo foi ina aumai faamaumauga a
leoleo, ua tele ia taavale ua lavevea, tele ola ua
maumau i le auala lava lea. Ua fafa uma mai mea
a le atunuu lenei i le North West of Upolu aemaise
le Malae Vaalele. O lo o soisoi Solia e nofo i
Falealupo, ae ou te fai atu e sili atu ona faaaoga e
le Afioga i le alii Faipule le auala lava lea i lo se isi
lava auala. E faapena uma le tatou motu i Savaii,
se i tagai i le avega lea e ave nei e le North West of
Upolu, le alu atu lea i inei e tau i le uafu e le
momoe taeao ae fotuai mai le Lady Samoa, ae se i
sau loli vaeatu le mamalu, pe fa ni loli e aumai ni
uta laau e tautau mai fafo, sau le solo taavale pei ua
taunuu le 747 po o le 767. E alu atu le solo taavale
ae fetaui ma le omai o nai loomatutua e aumai nai
tamaiti i le aoga, oka, oka, se faaletonu. Ou te tau
atu lea tulaga o lo o faafeagai ma lenei vaega o le
atunuu i aso um ama taimi uma. Ae se i oo la i le
po i le tiami lenei, tou te le silafia a o Au ou te
nofo ai i o, i le taimi e taunuu ai ni vaalele e
faapenei lava le auala lenei. Oo i le po ae sei ou
faalogo mai o tagitagi atu afi o Toyota, oo atu i
luma o lou fale o tuuga pasi, pe tolu pe fa e alu i le
60 maila i le itula ae pipii lava, ae tutumu nei pasi i
tagata faigaluega o le Yazaki, ou te ofo, ma le
faanoanoa i alo o le atunu, matua popole lava. E le
mafai ai ona galo i le 1990 i le Afa ia Ofa, ou te
talitonu toeitiiti atoa le vaiaso e le toe i ai se
fesootaiga a Apia nei ma le Malae Vaalele, ua
motusia auala i Fasitoo-uta, Faleasiu, sau i
Saleimoa ua motusia. O le mea lea, lau Afioga i le
alii Palemia ma le Malo, lau Afioga i le Sui
Palemia aemaise lo outou aiga Kapeneta aemaise
lava lau Afioga i le Minisita, ma le faaaloalo lava
ma le loto maulalo ou te talosaga atu ai. Afai o le a
so outou finagalo pe tefa le tauala, e a pe a ave se
faamuamua i le auala lea, ona o le auala e mafai
ona ou taua o le national e mafai foi ona ou taua
international, aua o le auala lea e muamua faaaoga,
e le gata i le mamalu o le atunuu i fafo a o le o atu i
fafo, a o le omai o Turisi, a o le sau o le motu i
Salafai e pagatia lava lenei vaega o le auala. Ona
ou talosaga ai lea e faapea lau Afioga a le Fofoga o
le Fono, ou te manao e faatu se lafo i le taimi lenei,
e alofagia, aua e le na o Au e aafia ai e aafia uma ai
lava Faipule uma nei, e oo i lau Afioga i le Fofoga
Fetalai, ina ia ave se faamuamua i le auala lea ona
o pagatia na. Amuia outou o lo o outou tofafa lelei
i po, a o le pagatia o lo o i ai nei, e le momoe lelei i
po ae popole i fanau, taimi uma aso uma i le pisi o
lenei auala. O lea la lau Afioga i le Fofoga o le
Fono afai e te finagalo i ai i se avanoa faatu atu ai
se lafo, ona toe faaui atu ai lea o lau lauga pe afai e
tusa ai ma lou finagalo.
Faafetai lava i lau Afioga i le Fofoga o le Fono.
E faapena se manatu ona o le taua tele o lenei
mataupu, e le gata ia te Au ma lau Afioga a o le
atunuu atoa, e faapena foi tagata mai fafo.
Lau Afioga a le Fofoga o le Fono, faafetai lava i
le saunoaga malamalama a le Minisita. E faapea
sou manatu, ina ia fesoasoani i le taimi nei i le
auala lea. E fesoasoani i faafitauli o i ai nei ina ia
fausia se Seawall Projection, tai pei o design ia e
fai e Siapani i totonu o Apia. Ia fausia se Seawall
e amata mai i Fasitoo-uta sau i Faleasiu, Saleimoa,
ina ia foia ai le sami, ae le gata i lena o le a foia ai
le faafitauli lea i nai tina ma tamaiti e o i le aoga,
faapea le mamalu o le Itumalo atoa po o le talafatai
atoa lea i Sisifo. Ia faaauau se auala savali foi lea e
soosoo mai ai ia oo mai i inei i Apia, ona teuteu
malie loa lea ma lautele ai le auala, pei e faapena
sau vaai i ai. E faapena se manatu i le taimi lenei,
manatua foi o Turisi lea e omai nei, ae o le auala
ua sili atu ai le auala lea e o i tua, ua sili atu ai
auala i Savaii i le auala lea. E pei ona ou fai atu o
le auala lenei, e le gata i taavale, ae tulou lou gutu
ma le afi, o manu, uila afi, uila vilivae, tagata
savavali ua alu faatasi i luga o nei auala, a o le
auala, o le auala numera tasi i le tatou atunuu.
E foia lenei fafitauli pe afai e mafai se mea
faapena, ona gaoioi malie lava lea. O lea e ee le
Afioga i le alii Minisita aemaise le Ulu o le
Matagaluega, e lava le tofa ma le faautaga, e mafai
ona polokalame ai se galuega faapena. O le uiga o
lau lafo ina ia faatopetope, ma i ai se priority aua
ua ou avatu fua ae e le o sau galuega, o le galuega
a le Malo, ua aafia ai lo tatou talafatai.
Faafetai tele atu i lau Afioga i le Fofoga o le Fono
ae o lena ua tuu atu i lumamea, e le o se faafitauli a
Au, o le faafitauli atoa a le atunuu. Afai e talia pe
afai o le a ave i ai le priority a le Matagaluega, ou
te manao e amata mai i Fasitoo-uta i le mea o lo o
afio ai lau Afioga, faasolosolo mai lea ia Sa Tuala
atoa seia oo mai i Faleasiu ma oo mai i le mea o lo
o i ai Aiga ma le Faletolu ona oo mai ai lava i
Saleimoa ma faapena ai lava seia oo mai ai i
Faleata ma Apia.
O le matua e faapea: ―E na o galuega e
faamanuiaina ai ni tagata se toatele o le a tatau ona
faatinoina.‖ Ia o le matua lena, ou te ofo lava ita, o
le atunuu atoa e aafia i lenei mea.
Faafetai tele i lau Afioga i le Fofoga o le Fono,
faafetai foi i le uso nei na faatuina le lafo, faafetai
Tuala Falenaoti mo le lagolagoina o le lafo.
Ona oo mai lea o se faamatalaga i le issue numera
tasi lenei aua e numera lua le issue lea na uma atu
nei. O le auala lea po o le Public Road lea e i
totonu o Sapulu i Faleasiu, o le auala lenei ua sili
atu i le 30 tausaga talu ona declared as a Public
Road faatulafonoina, ae oo mai i le taimi lenei e lei
faia lava. O le a le toe oo sau faamatalaga i le
north west of Upolu aua e silafia o le auala lenei e
ogatotonu tonu ai lava le talafatai lenei o le
mamalu o le atunuu aemaise o le talafatai e feoai ai
ae le i faia lava le auala. O lo o i ai le auala ae e
pei a o se auala galue.
Lau Afioga i le Fofoga o le Fono, i le tele o lau
galuega na fai i lenei auala, e oo i le pepa lenei e
tolu ona itulau ua uma ona ou saunia. O le design
se i tulou lau Afioga i le Minisita o Galuega
aemaise foi le faauluuluga o le Matagaluega ona o
le naunautaiga mo le fesoasoani i nei mau tagata e
pei ona ou fai atu e faaono toatele tagata o lo o
nonofo i le talafatai lea. O lenei galuega ua uma
ona ou faia atoa e oo i le umi o le auala. O mea e
fai ai e oo i le tau o le galuega. Lau Afioga i le
Minisita ua ou tatalo atu, afai o le auala lenei o le a
fai e pei ona i ai si au fesoasoani i ou tagata
aemaise le mamalu o le talafatai, pe ou te manao e
tuu atu i ou aao, e le faapea o le a fai ai ae e i ai ia
te oe le tofa faapea foi le Ulu o le Matagaluega.
Ua uma ona ou tapenaina. Afai e faata i le
Conventional method po o le deep sealing o le tau
e $702,910; ae afai e faataina i le ta lea o le black
top po o le asphalt lea e alalaga ai Apia nei o le ta a
Leafa, ia malie lava lou finagalo. O le tau e
$1,778,000 pe a faaaoga, ia e pule lava le Malo
aemaise lau Afioga i le Minisita o Galuega.
Faafetai lava i lau Afioga i le Fofoga o le Fono,
faafetai foi i lau Afioga i le Minisita afai ua afaina
lou finagalo ia faafoi mai, o le naunautai lava ae o
le a faapena ona fai o le a ou avatu lenei pepa i lau
Afioga.
O lenei auala, ou te talitonu i le nofoia o lenei
auala e sili atu i le tele o auala ia ou te vaai e faata i
le taimi nei. Ua i ai nei le main West Coast Road
ua i ai le water main po o le vai. O le aoga sili lea
ona tele, o le aoga a Nuu e maua le 800 i le 900
tamaiti aoga e i ai . E lima lelei Falesa e
faasolosolo i le auala, o le Molimau a Ieova,
Mamona, Aso Fitu, Bahai, Metotisi ma le Lotu
Patipati. O le tulaga lena e tatalo atu ai i lau
Afioga i le Minisita ma le Matagaluega mo se
fuafuaga mo lenei auala. O le faatupeina, ia o le
talafatai e aafia tele e 40,000 ma ona tupu ona
tagata. Ou te talitonu a tasi le tausaga ae $2
miliona e maua i le VAGST ia ua maua le auala
lea. Afai e leai, faamolemole lau Afioga i le
Minisita aemaise lava lau Afioga i le Minisita o
Tupe le Afioga i le Sui Palemia….
O lo o i ai le item lea ou te vaai i ai i totonu o le
budget a le Ofisa o Galuega, e faanoinoi atu ai aua
e i ai retention money ia e i ai i totonu mo Saleilua
ae na o le 542 tagata ae o le auala lenei e 2,833
tagata o lo o i ai.
Ona ou faapea atu ai lea lau Afioga i le Fofoga o
le Fono, mamalu o le Kapeneta aemaise lava le
Maota Fono lenei ma Sui Mamalu, faafetai mo le
avanoa ua tuuina mai. E avea foi lenei taimi e
momoli atu ai lau faafetai tele i lou Itumalo i lo
outou lagolagoina, aemaise o le tofa ma le faautaga
ua mafai ai ona ou tulai atu i totonu i inei. I lo
outou finagalo na aumai ai Au o lea lava ou te
tuamafai e fagota aua lou finagalo, talosia ia i nei
mea e lua, o le West Coast Road aemaise o le tatou
auala galue e ogatotonu tonu i le talafatai o Upolu
Sisifo. Afai o nei mea e lua o le a faataunuuina, ou
te talitonu ua matua lava tele le sao o le Malo mo
lenei lima tausaga mo lo tatou Itumalo aemaise o le
atunuu atoa. Ou te toe faafetai atu ai, ia manuia
lau Afioga i le Fofoga o le Fono, ia alofa le Atua ia
foai le malosi mo le auvaa o le Kapeneta, alofagia
foi le Taitai o le Itu Agai, lau Afioga i le Tuiatua,
le Afioga i le Tama Aiga Tupua Tamasese Efi,
alofagia foi e le Atua le mamalu o Sui ae ou ola.
Soifua.
Tofa TAUA KITIONA TAVAGA SEUALA
Aleipata Itupa i Luga
Filifilia:
15 Me 1996
Faatauto:
16 Me 1996
Lauga Faataupou:
18 Iuni 1996
Ou te faafetai atu i lau
Afioga a le Fofoga
Fetalai ma le mamalu o
le Maota. Ae ou te le i magagana i se upu, e
muamua lava ona ou faatulou, tulou i le afio o lau
Afioga i le Fofoga Fetalai, afio le Afioga i le Sui
Palemia ma le Kapeneta faapea foi lau Afioga i le
Tama a Aiga, o le Taitai o le Itu Agai, faapea Sui
mamalu uma o le Palemene o le Malo o Samoa i
Sisifo, ae tainane foi le faafogafoga tapuai a le
Afioga i le Ao Mamalu o le Malo o Samoa i Sisifo,
Sui o le Fono o Sui Tofia, Afioga i le Faamasino
Sili, Afioga i le Loia Sili ma tagatanuu uma o le
Malo o Samoa.
E le faagaloina foi le tapuaiga a tatou uso i le
motu i Sasae, i le afio o lau Afioga i le Kovana Sili
ma le Sui Kovana faapea tagatanuu uma o le Malo
o Amerika Samoa ae tainane foi le tapuaiga
mamana i Sui vaaia o le Atua, o e o lo o faanono
manu ma tatalo aua se manuia o Samoa i totonu o
lenei Maota. E i ai lou talitonuga o outou sa ma
outou faiga, pe oo i ai se leo o Taua Tavana
Kitiona pe leai foi, e leai a se mea e toesea pe
faaopoopoina. Ona ou faapea lea, nuunuu atu ia
faatini o tausala o outou paia ae sei ou liliu ane e
molimoli atu se manatu o le Itumalo aua le
tapuaiga a Aleipata Itupa i Luga.
Ia Aleipata Itupa i Luga, ua faafaigata ia te Au
ona avatu sau upu. Na ou mafaufau foi pe tou te
lauga pe leai ona o lea e te silafia le tulaga o lo o
taatia ai lo ta Itumalo i lenei vaitau o le soifuaga
ma le iuga o le tatou palota. Amuia isi Itumalo ua
uma a latou palota ae o le tatou Itumalo, ia o lenei
lava e fai le tatou palota. I lou sau mai le fale seia
ou oo mai i le Maota nei, na faatu atu lau taavale e
le isi taavale ona ou tu lea ma talanoa atu, Talofa
lau susuga. O ai oe? Ae fai mai le tagata lea,
Talofa lau susuga a le alii Faipule, o Au o le agelu.
Ona ou fai atu lea malo alii agelu, aisea ua e sau ai
i lalo ae o agelu uma lava e o ae i luga? Ona fai
mai lea o le tala a le agelu, ua ou iloa le mea lena e
i lou loto, o lau faaiuga lena e i ai e te le lauga ae o
le mea lea ua tuli mai ai Au e le toeaina i luga, ou
te sau e fautua oe ia e lauga nei. Ona ou fai atu lea,
faamalie atu i lau afioga agelu e le i saunia sau
lauga ae ui i lea fesoasoani atu ia te Au o le a tuu
lou loto ae fai lou finagalo. Lau Afioga i le Fofoga
Fetalai ma lou Itumalo pele o Aleipata Itupa i
Luga, aua nei moe se isi. Ou te talitonu o lenei
afiafi, o le lauga mulimuli a lenei o le po lenei.
Ia eetai ia le paia faatafafa o le Maota ae sei ou
tautala i lou Itumalo, i le afio o lau Afioga a le
Tuiatua faanofonofo e ui ina faalupe i le vao le
Nofoa o Tavita, lau Tofa i le matua Fuataga, afio le
falefia o alii Amituanai oulua ma suafa, alalatai lo
outou toafa oulua tootoo le igoa matua ia Leifi, ma
le mamalu ia te oe Saleaumua. Afio lau Afioga i le
sao fetalai, Saumalu ma le falelima, afio le ao
mavaega ma le aloalii le mamalu ia te oe
Saleleaalii ma Tualemoso, faapea foi lau Afioga i
le Ie. Lau susuga le tama a le Malo lau Afioga
Sagapolutele, afio Taiai ma le ulumatua, le
mamalu ia Falanaipupu ma le nofo a Alatua ia e oe
Saoluafata, vaega eseese o le itupa paia ma le
fautua malosi i faletua ma tausi, saoao ma tamaitai,
le malosi o lou itumalo faapea lau tupulaga 21, ae
tainane foi le tapuaiga fita i lau Susuga a le
Toeaina ma le Faletua. Lau Susuga i le Faifeau
Metotisi i lou nuu o Vailoa faapea lau Susuga
Iamafana ma le Faletua i le nuu o Ulutogia, ia
tapuai maia ae se i ou alofaiva.
Le paia e, o lou itumalo, a ou mafaufau ane i se
upu e maalili lou nei tgata. Ua ou mativa i le
gagana ae ou mauoa i le loimata. A ou vaai ifo i
lou pau, tulou, o ai ea ita nei? Ua na o Au o se uli
mate ae ua ou pale i le fulu ula, ua ou ula i le
fuiono, lou Itumalo e, talofa. Ua taulua i le tuga
outou paia taulagia ma ua aleaga le feagai le
fogavaa ona o ita nei ua na o se paopao lava na
fafau i ou tuavao. A tau saili i ai se ai o le tai, o Au
lava o se tautai o le papau ma le aloalo, ua silafia
foi e le Atua lou loto faamaualalo ma lou faatauvaa
lava. Ae ui lava i lea lou Itumalo e, ma ou aiga e
fia i Upolu ma Savaii, Tutuila, Ausetalia, Niu Sila
o Amerika, o e na tauvasa mamao mai ona o le
alofa mo Au nei. Avea ia lenei taimi e fai ai Au
ma Sui o lou toalua ma le matou aiga ou te
molimolioo atu ai lau faamalo ma lau faafetai. E
faafetai i lou talitonuga, faafetai i lou faatuatuaga,
faafetai i lau pule to, faafetai i lau pule falo, a lea.
O lea ua mafua ai ona vevela le nofoa o le Itumalo
ia te Au ma ua avanoa ai lou nei tagata e osi ai la ta
taulaga aua Samoa ma ona Upufai a Malo ma lana
sailiga malo i le Atua soifua. Ma ua avanoa ai lou
nei leo e fai ma avefeau e fofogaina ai le Malo i so
o se mea e te finagalo ai. Ae tau ia ina alofa le
Atua o le ona le malosi ma le manuia ia saga
faamanuia atu ia oe, o e sa lagolagoina Au ae ia
sopoloa le vaa o le tamaloa ae ao lava ina ou tapa
tulia i le tata ma sei ou asia le vai o le tamaitai, ina
ia ou avatu se vai malu i puega i finagalo o uso o e
sa matou tauva mo lenei tofi.
Lau Afioga Sagapolutele Sipaia, lau Tofa Taua
Latu Lome, ou te faamalo ma faafetai le taupati,
faafetai le taalo faatamalii, faafetai le faatausala. E
ui lava sa tatou galulu ma oloolo pito vaa ae ou te
talitonu e tasi lava lo tatou vaa. Na tatou tausinio
ona o le fia tautua Malo ma le Itumalo. E ui lava
ina faamalumalu mai se ao pogisa, o se finagalo
toatamai i faamasinoga le Afioga ia Toomalatai
Lauvai o le sa nofoia le nofoa, ae o le a ou
faatafatafa faatama o le ala. Ou te le faatau
matatao atu foi i ai. Fai mai le Atua, ―e sili ona fia
silasila i le toa na te pulea lona loto i lo le e
taumafai e ae se olo maualuga.‖ Ae fai mai foi lou
talitonuga, o le tofa mamao a tamalii ma le
faautautaga loloto i faleupolu, o pasina ia e fagota
ai le tai loloto. O le ua faalanu maaveave e saili i
ai malo. O le mea lea, lau Afioga Toomalatai, e ui
lava ina faigata ona talia i lou mafaufau lau
faaaloalo na avatu i lau Afioga i le ta palota i le
1995 ma le mea ua tali mai ai ia te Au, ae lafo maia
o le a folo i lou manava tulou lou gutu ma le afi. A
e finagalo i se mamalu o le Itumalo, tatou
feteuteuai ma fefaamagaloai. E le asa ni atuvasa
ma ni ona sousou.
Lou Itumalo e, Aleipata Itupa i Luga, o lou
talitonuga o tatou o aiga e tasi. O le vaiti ma le
vaiula, o le vaisua ma le vaitagata e fesagai i le ava
fatafata tagata uma. Po o fea lava e nuti ma toulu
agai i ai le laumea, e i ai lou lava talitonuga e i ai le
teao o le Atua e toe aofaga potopoto a ii le eleele e
tasi ona maua lea o le tatou nofo fealofani. O le
mea lea lou uso e, taomia ia le ulutao, ave a luga le
ulufanua, tatou motusia ia maea o le fetosoai ma
soloi pa, ae tatou soosoo tauau ma fegalegaleai aua
se manuia o le ta Itumalo.
E faapea foi ona oo atu sau upu i ou aiga. O lenei
tofi o le sui Faipule, e le faapito pe ou te seu
tilotilo ia te oe. Ou te vaai lautele i le atunuu ma le
Itumalo. O le a se ia o le a maua mai i le tatou
upega ave lea e fai ai le ta taulaga ia Samoa. Ia ifo
manu Samoa ave le viiga i le Atua.
Mr Speaker, Deputy Prime Minister, Cabinet,
Leader of the Opposition Party and Members of
Parliament. I convey my gratitude to all those who
had supported me and I thank you all for your
confidence and your kindness to this poor youngest
Member of Parliament Taua Kitiona. God bless
you and with his help we can all look forward to a
promising future.
Lau Afioga a le Fofoga Fetalai, ona oo atu ai lea o
sou leo i le Tala o le Tupe ua faataatia nei. E
momoli atu lau faafetai i le Afioga a le Minisita o
Tupe faapea le Matagaluega. E ui lava ina i ai nai
tulaga laiti sa faaletonu ae faafetai o lea ua tauaofia
le Palemene ua tonu mea uma.
E amata lau fagogo i le Afioga a le Minisita o
Galeuga, lau Afioga Leafa. I lau tilotilo atu leaga
le Minisita e aulelei. I tua atu o lona aulelei e
aulelei foi galuega na te faia. O ala galue, faafetai
ua toe faaauauina le polokalame, o se polokalame
taua tele. I lenei vaitaimi i le le toe tagofia e le
mamalu o le atunuu o le talo ua faapena ai ona tele
nisi afioaga ua faatuatuanai i o latou alagalue, ae
faafetai ua i ai le taui mo le galueaina o auala galue
ua mafai ai ona toe galulue ma toe galueaina tua
maota o le tatou atunuu.
O le vai taumafa, lau Afioga Leafa o lena ua
taatia atu i lau Afioga o le Ulu o le Matagaluega
lau talosaga. O le vai o lo o viliina i Lalomanau, o
se vai manaia tele ae paga lea, o le itu e pito sili
ona faaatuaina e le tatou atunuu i lenei vaitau o
Turisi, mo tatou tupe maua. Peitai o le pitonuu
tonu lava lea o lo o i ai le turisi ia ma o le turisi
numera tasi foi lea i Samoa i Sisifo, ae masalo i le
taimi nei e le i oo i ai se vai. Na ou faatalanoaina
le mataupu ae faafetai o lea ua ou malamalama sa
taofia le galueaina o le vai seia uma ona fai le
auala. O lea lau Afoga Leafa ua uma ona fai le
auala ae o lo o mafatia lava Turisi ona o le
faaletonu o le suavai. Ia faafetai i lau Afioga Leafa
o lena ua e sign mai o le a fai.
Ia faafetai atu i lau Afioga a le Fofoga Fetalai. O
le ala i le nofoaga o lo o i ai le pou o le TV, e
silafia e lau Afioga a le Minisita o Galuega, taatia
mai le talosaga a le afioaga o Lalomanu mo le
faataina o le auala. Ua uma foi ona fesootai ma lo
matou nuu, o le a leai se aiga e toe faalavelave i le
faiga o le auala pe afai o le a faata atu. O le
taligalu ia ou te le faafetai atu ae avatu lou
faanoanoaga. I le amata i le toe faiga fou o le
auala i Mutiatele seia paia Lalomanu, sei silasila
ifo i ai lau Afioga. O taligalu o lo o i ai, ou te
faaigoaina e Au o le meaula. Sei toe fai faalelei e
pei o taligalu ia e agai mai i Lepa ma Lotofaga ma
Saleapaga e manaia a taligalu ia.
O le Ofisa o Faatoaga Vaomatua ma Faigafaiva.
O le aoina o le Sisi Aferika e pei ona taua e nisi o
Sui Fiapule, lau Afioga a le Minisita sei toe silasila
totoa ifo. Ua faamaonia ma ua mauaina ua i ai nisi
aiga ua latou faafaileleina le Sisi Aferika ona
faatalitali lea i le taimi e toe tolaualuina atu ai le
taui o e ao sisi ona faapena lea ona o mai ma avega
sisi e maua atu ai le taui.
O le tulaga i le togafitiga o le lega, lau Afoga ma
le mamalu o le Matagaluega sei toe tagai ifo pe leai
se isi auala faaonaponei e toe aumaia ai le talo i
totonu o le tatou atunuu. E i ai ni mea ou te fia
avatu ona o nisi ia o mea taua i totonu o le
Matagaluega, le Ofisa o Faatoaga, Vaomatua ma
Faigafaiva. O le polokalame lea sa i ai, o le
Puipuia mai le Sami po o le Safety at Sea ua maua
se faamatalaga ua aveese ae tuuina atu i lalo o le
rescue a leoleo. O se polokalame aoga tele ona o
Aleipata Itupa i Luga e tele ina faaletonu o latou sa
fagota. Tou te silafia foi o le itu tonu lea o le
matamatagi. A oo nei lava ina toe faaletonu se sa o
se tamalii foi, e le gafatia e Aleipata Itupa i Luga
ona totogi le helicopter foi lea e alu atu e fai le
laveai. O le mea lea e toe talosagaina ai le toe
faaauau o le galuega lea.
Ona oo mai lea o lau talanoa i le itu lenei o le
Fale Ia. O lena ua tatou tilotilo ma tagatagai foi i
le tulaga o lo o i ai le Fale Ia. E faafoliga mai o se
fale o lo o tu i se motu le aina. I le tulaga i le
faatauina o ia ma paa ma ula e fai lava si
faanoanoa o lou Sui e tilotilo i ai i le tele o taimi ou
te asiasi i ai i lea vaega o le atunuu. Ae a pe a
fausia se tulafono e taofia ai le aumaia o ia ninii
ma ula o le sami o lo o i ai ona o ia vaega o lo o
tele se faamoemoega e faatupulaia ai pea nei foi
ituaiga o figota o le sami aua le fofoga taumafa
faapea foi tupe maua a le tatou atunuu.
Ona oo mai lea o lau tala i le Ofisa o Tiute. E
molimoli lau faafetai ma lau faamalo i le
Matagaluega. A ou tilotilo atu i tupe maua a le
Matagaluega lenei, i le tausaga ua mavae
$88,950,000. I le tausaga nei e $114,830,000. O
se galuega fita ma se galuega maeaea. E faafetai ai
i le Ulu o le Matagaluega ma le mamalu o le
Matagaluega ae faapea foi ma le Afioga i le alii
Minisita o lo o vaaia. Ae mulimuli atu ai i tua o
lau faafetai lau talsoaga. Ua ou fiu e tau tilotilo po
fea o totonu o le Tala o le Tupe lenei a le
Matagaluega lea, po o i ai se tulaga faamama le
tulaga o tiute o oloa. Ona avatu ai lea ma lau
talosaga vaivai. O le a se finagalo ae a pe a
faataatia ese le isi tiute foi lea e taua o le Excise
Tax ae fai na o isi vaega ma tau faamama mai le
avega mo matou nei o le aufai-pisinisi matitiva.
O totogi o le aufai-galuega, ou te le mailoa i le
Ofisa o Tupe pe fuafua le taui o le tagata
faigaluega po o le Matagaluega foi i tupe maua mai
i le Matagaluega. A tilotilo atu i le fia miliona lea
e maua mai i, ona toe tilotilo lea i totogi o le
Matagaluega ia ua faapena ma ua le talafeagai. O
avanoa fia faatumuina o le Matagaluega lea, ou te
tatalo atu i le Ulu o le Matagaluega e pulea galuega
a le Malo le PSC, o lo o i ai le $200,000 lena o lo o
faaagaga atu aua manaoga faamoemoeina a
Matagaluega uma.
Fono, faafetai.
Ou oo atu lea i le EPC.
Faamolemole lau Afioga i le Minisita sei tagai ifo i
moli o le auala i totonu o Lalomanu. I le alu atu i
Vailoa, Ulutogia o le manaia ia o faamoliina; ae oo
atu loa i Lalomanu, pagatia le toatele o le vaega o
le nuu o lo o pogisa aemaise lava le alu i uta i le
falemai o le Itumalo.
Oo mai lau talanoa i le Ofisa o le Soifua
Maloloina. Lau Afioga a le Minisita, o lena ua ou
talosaga atu. O le taavale o lo o faaaogaina e le
Falemai, lau Afioga ua matua le talafeagai lea
taavale mo manaoga moomia. I se tasi po na
matou malaga mai ai e aumai le gasegase i
Motootua, na sausau le taavale to le timu. O le
taavale lea e faaaogaina i tua o le Double-Cab. Na
sii atu le gasegase i totonu ua le mafai ona tapuni
le keli o le taavale ona e umi le gasegase ae
puupuu tua o le taavale. Ona famaga mai lava lea
o le taavale mai tua seia oo mai i Apia nei. Ua
sausau le taavale ua to le timu, ua le leiloa pe a
faapefea le mai lea e taatia. Ona faataatia lea o le
mai i luga o le fola o le taavale ae ave ifo le
faamalu faapulou ai le gasegae ona matou malaga
mai ai lea i Apia. O lea ou te talosagaina ai lau
Afioga i le Minisita sei tagai ane faamolemole pe
le maua atu se van e talafeagai mo le Itumalo ma le
taavale o le Falemai.
O le Falemai, faafetai ua uma ona faafouina ona
itu uma, i le itu o le tino o le Falemai, ae faanoanoa
lava lou Sui ona o totoga. E le gata i vailaau ma
mea e faaaogaina e Teine Fomai ae o totonu foi i
fale o lo o nonofo ai le mamalu o le atunuu o lo o
autovaa i ai. E faapea foi ona ou talosaga atu lau
Afioga i le Minisita o le Soifua Maloloina e le
gafatia ona toe avatu se isi…
Faafetai tele i lau Afioga i le Tama-a-Aiga mo le
lafo e ui lava ina tafea ae tatou onosai ia. Faafetai i
lau Afioga i le Fofoga Fetalai. E i ai foi lou
manatu o le a faamuta ai i i lau lauga. E momoli
atu lau famalo i lau Afioga ma le mamalu o le
Maota, faapea foi lou Itumalo. Se i toe faauma la
tatou lauga i se isi taimi, faafetai.
Tofa TOGAMAGA TAFITO
Vaisigano Nu.2
Filifilia:
15 Me 1996
Faatauto:
16 Me 1996
Lauga Faataupou:
18 Iuni 1996
Ua faafetai tele i lau
Afioga a le Fofoga
Fetalai mo le avanoa taua. Sa ou manatu o le a ou
lauga i le po a nanei, aua ou te talitonu e tele nisi e
fia faalogologo aemaise foi o le toatele o lou
itumalo o lo o galulue, ae peitai ua ou vaai atu ua
fai si lava o le taimi o faatali se tasi e lauga. O
Vaisigano Nu.2 lava ia e le foi i se mea ae e
momoli atu le faafetai tele i lau Afioga a le Fofoga
o le Fono mo le avanoa. Afai foi e umi se manatu
amata, ou te talitonu e sala ina umi aua o se taimi
muamua foi lea ua faafofoga ai Samoa aemaise o si
ou itumalo e pele i lou agaga i se tautalaga a lona
Sui.
O le a ee ia i toagamafana ae taoto faagalu e le
fati ma ufiufi faafataseu o tupu mamalu o le tupua
lenei po o le Maota Fono. Aua e leai se vave a o se
poto, tulou, na te foua le aputita o muliauma e
faigata le faafofogaaga a Samoa. O Samoa o le ia
ivililo, tulou, e auaugata e le ma foua e se poto ona
fiaga ma ona lavelave, ona ou taia ai lea o le
vaiafei ma ou lafo le vaimalu i puega ae se i
faagafua lou nofoaga ma magalo le leo o le Sui o
Vaisigano Nu.2 e fia faaoo atu se sao aua le
Fonotaga mamalu a le Palemene o Samoa i Sisifo.
E muamua ona ou fia faafetaia le Atua pule, o le
ua ia faataunuu lenei faamoemoe, ma ua tu malo
lona alofa. Ua maualuga foi lona viiga, ma o le fua
taualuga o le alofa tunoa o Keriso aua o ia o le
Atua o aiga, o lanu ma gagana, o le Atua o le
atunuu o Samoa i Sisifo. Afio ia lau Afioga i le
alii Palemia e ui ina faalupe i vao i lenei taeao, ae
talosia ia lona lato i le ea ma lona lato i le ala aua
sailiga togafiti mo lou soifua maloloina aua se
manuia o lo tatou Malo aemaise ai o ia ua filifilia e
avea ma Palemia o lo tatou Malo. Ia tatou tuu i le
Atua ma tatou talosia lana siigagasegase, ia taliu
mai ma le manuia. Ua afifio le paia tele o le
Kapeneta i a outou Afioga i alii Minisita le
mamalu o le Malo, le Malo filifilia i a outou
afioga, tou te pola faasoa mo se manuia o Samoa
mo le lumanai. O outou o lufilufilima lelei, ia
manuteleina la outou tofa ma ia aua ne i gape la
outou tofa faatupu mai mauga tetele e oo i mauga
iti, ia manuia la outou pulega Malo aemaise lo
outou tulai mai i le foe i lenei lima tausaga. Sui
filifilia e, o itumalo e fia o Samoa, i le afifio o Sui
a Faipule o le Maota. Ua faamalo faafetai ua maua
le soifua laulelei ua tatou maua ai lenei taeao ma le
toe tauaofia o le Fono Aoao Faitulafono. O se
manatu o Vaisigano Nu.2, ia tuufaatasi o tatou
manatu ma finagalo. Ia tatou galulue faatasi ma
tatou taumafai aua se manuia o le tatou Maota
aemaise o lo tatou atunuu mo lenei lima tausaga.
Ou te le alu loa e faigata le tapuaiga a Samoa, aua
lo tatou alofaiva. Tulouna ia le faafofogaaga a lau
Susuga Malietoa o le Ao Mamalu o le Malo
Tutoatasi o Samoa i Sisifo, lau Susuga i le Tapaau
Faasisina, tulou na foi le mamalu o a outou Afioga
i Sui o le Fono a Sui Tofia, tulouna foi le faafofoga
mai aua le paia tele o Tumua ma Pule, Aiga i le Tai
ma le Vaa o Fonoti, Tama ma o latou Aiga, o Aiga
ma a latou Tama. E le mafai ona galo i le
mafaufau i lenei taeao le faafogafoga tapuai a lo
tatou atunuu aemaise le tatou uo po o le uso i le
Malo i Sasae i le afio o le Kovana Sili ma le Sui
Kovana, o le Fofoga Fetalai ma Sui Faipule
mamalu o Maota e lua, o le paia lava lea i le Afio o
Sua ma le Vaifanua, Fofo ma Aitulagi, Ituau ma
Alataua, Saole ma Saleaaumua ma le Launiu na
Saelua, Faatui ma Tootoo ma upu i le laau na
Amotasi, le paia i le Manuatele. O paia sauoo ia o
Samoa i Sisifo nei ma Samoa i Sasae, ae e le
faagaloina e lenei Sui le galeuga fita i le
aufaigaluega paia a le Atua o lo o faamutia agiagi i
fata faitaulaga e fia o Samoa aua o lo o nono manu
aua se manuia o Samoa nei ma a taeao. Ou te
talitonu e pei lava ona ou talanoa atu, afai e umi
lauga a Sui fou sala umi, aua e ao lava ona
faamalieina pito e tatau ona oo i ai ina ne i
faitauina ma avea foi ma lape o le Sui. Ae ou te le
i oo atu i lou itumalo o lo o faafofoga mai o
Vaisigano Nu.2, aua se faamaninoga i lo tatou
Maota, ou te talitonu o nisi Sui Faipule e le i maua
po o ai tonu nuu o lo o i totonu o Vaisigano Nu.2.
O Sataua, Fagasa ma Papa Sataua. Lou Itumalo
pele e, aumaia la outou faatuatuaga ma se tapuaiga
aua e faigata le Aiga o Mavaega, Aiga o Tupu,
Aiga o Nofo ma Aiga o Papa, Afio i le Matautia
ma Lesatele ae tainane le na ai faaaoga i le
Levalasi, lau Afioga i le Tuiavii, lau Afioga i le
Suisala aemaise lau Afioga i le Afamasaga.
Alaalatai le paia i le falefa o Taua ma le Fetalaiga
Lealuga, afifio le paia tele ia Sua ma le Faavaoga,
Ili ma Vaetoifaga ma le mamalu i le Afioga i le
Tapusoa, aemaise le tapuaiga a si ou nuu pele o
Fagasa.
Afifio a lua Afioga Ufagalilo ma
Luapitofanua, afio le Maopu, lau Afioga Toleafoa.
Afio pe Susu foi le Tagaloa le alii o le nuu.
Alaalatai Faitau ma Utuutu ae tainane le Fetalaiga i
le Aumua ma le Maninoa ma le mamalu ia te oe
Fagasa. O paia ia o lo ta itumalo.
E le faagaloina le galuega fita a le aufaigaluega
paia a le Atua i le susu o Susuga i Tofi e fia o lo
tatou itumalo o lo o tauasuina le ipuvai o le ola i
fata faitaulaga e fia. Ou te talitonu, o la outou
tatalo ma a outou faamanuiaga ua ala ai ona taoto
filemu ma toafilemu lo tatou itumalo. Ua faamalo
faafetai. Ua maua lenei avanoa e lou Sui faatauvaa
e molimoli atu ai lau faafetai tele i lo outou nonofo
tapuai ma lo outou nonofo tatalo. E le mafai ona
faagaloina e lou tagata le itupa malosi, o faletua ma
tausi, saoao ma aumaga seia oo lava i le fanau iti.
Ua faamalo lo outou taulagalaga. Ou te talitonu o
lo outou faatuatuaga ua filifilia ai lou Sui le taualoa
aua le Nofoa o le ta itumalo, aemaise foi se sao o
lo ta itumalo e mamao ma faatauvaa i totonu o
Upufai o Samoa i Sisifo. E le faagaloina foi e lou
tagata aua ou te manatua uso ma tuafafine, o tama
fanau a lo tatou itumalo sa faailoa la ouotu
lagolago ia te Au e ala i a outou ekisi faapitoa, o lo
o nopiai ma alaalatai i le tele o itumalo e fia o
Smaoa, ua faamalo faafetai. O la outou pule lea i
la outou faaeaea i lou tagata faatauvaa. E sili ona
ou faafetai i ou uso sa matou tauva mai i le palota.
E le galo i le agaga. Ua malo taalo faatamalii,
taalo faatausala. Ua iu le tatou faiga-filifiliga, ma
o a ni mea sa tutupu ma faaletonu, ua ou talitonu
ua leai se mea e gase. E ui ina vevesi le tele o nisi
itumalo talu le palota, ae ou te talitonu o lo ta
itumalo lava o Vaisigano Nu.2 o lo o toafilemu. O
lea e momoli atu ai lau faafetai. E le gata i lea, e
faapitoa lau faafetai i lou uso a Faipule sa tulai mai
i Nofoaiga e fia i tausaga e tele. Lau Fetalaiga
Lealuga, faamalo faafetai. Ia aumai laia o la outou
faatuatuaga. Ou te talitonu o le a faagaganaina ma
faaoaina e le Atua le tagata faatauvaa aua se sao o
lo tatou Itumalo.
Ona ou oo mai lea i se tusitusiga ma ni
mafaufauga i mea o lo o moomia e lou itumalo. E
ao lava ona faafofoga si ou itumalo o molimoli atu
ni motugaafa a le Sui o Vaisigano Nu.2, aua
fausaga o le tatou Sa mo a taeao.
E amata Au talosaga i mea o lo o ave i ai le
faamuamua a le HRPP. E momoli atu lau faafetai
tele. O lou lava Sui e le o se Sui fai manatu po o se
Sui sagolegole. Ona pau lava lea e tuusao ou
lagona ma tuu atu ou manatu, afai e fausia faafetai,
afai e leai, e silafia e le Atua lou malie.
Lau Afioga a le Minisita o le Soifua Maloloina:
ou te talitonu e fou lou tulai mai i le tauaveina o le
galuega i le Minisita o le Soifua Maloloina, ae ou
te talitonu e le fou lou agavaa ma le tomai, ua tuu
atu e le Atua aua le vaaiga o Samoa i lea matata.
Ou te fia faatulai ma faatepa lau Afioga i le
Minisita i ni mea ua leva ona moemiti i ai, ae ou te
talitonu ua leva ona fausia foi e uso a Faipule na
tulai mai i le tele o tausaga e fia. E le gata i lea o
lo o alaalatai foi le paia o nisi o Sui a Faipule o le
itumalo. E talu ai ona o le Falemai o lenei itumalo
o lo o tu i totonu o Sataua, o le ala lea e pei ua
tomua ai lou Sa i lenei taeao, atonu o le a lagolago
mai nisi o o matou Sui a Faipule. Silasila lau
Afioga a le Minisita, o le itumalo e sau mai Asau e
oo i Falelima, a o le talitonuga ma le mea o lo o
mautinoa e tasi lava le aso e oo atu ai le Fomai.
Talofa i le Soifua Maloloina e pei ona ave i ai le
faamuamua a lo tatou atunuu. O lea e tatalo atu ai
i lau Afioga a le Minisita, e tuutuu atu i ou tafatafa
ma ou talosia ia oo atu sau asiasiga lata mai. O le a
ou faatali mai foi, ae ou te talitonu o mea na o lo o
fia ave i ai le faamuamua a lou tagata. E taua aso
ia a o ou laitiiti, ou te manatua sa tau atiae lo tatou
Malo ae sa i ai le Fomai Nifo tulou, sa i ai le Fomai
tumau. O nei onapo ua leai lea. A o mea uma i
totonu o le Falemai, o lo o fausia mo ni Fomai
faapitoa. O le tasi lea Falemai se i tulou masalo ua
toeitiiti lava oo i le tulaga lea e i ai le Falemai tele i
Tuasivi. E tele foi totoga ma masini ma nisi mea
faapena aemaise o fesoasoani mai Malo mai fafo, o
lea e tatalo atu ai lou Sui faatauvaa i lau Afioga i le
Minisita, se i e silasila totoa ane i ai faamolemole.
O le tasi lea itumalo e fai ma pe soo le eletise. O
le mea moni lava lea o lea e silasila le Atua. Ai
ona o le mamao i Savaii ua mafua ai. Ou te
talosagaina lau Afioga i le Minisita mo se afi moli
tau ina sui ai le taimi lea. Aua o le tele o nisi taimi
e pisi i po pogisa. O le taimi nei ua faatamala i
tatou i moli ia sa masani ai. O lea e talosagaina ai
lau Afioga i le alii Minisita o lo o gafa ma ia
polokalame, ia tautuana. Ia aua ne i faapea o lea e
ese le itu lea ou te tu ai. Ou te talitonu e togo pea
malama. E i ai lou talitonuga e tuu atu pea i ou
luma, ua e masani ma tiute.
O le isi itu ou te fia tautala atu i ai ona o lo o ave i
ai le faamuamua a le atunuu i lenei vaitau, o ni
vailaau mo le Falemai. Ou te masalo o le itumalo
lea e sili ona mamao i tua. O le pasese e sau ai le
Fomai mai tua ou te masalo ua latalata i le $5 i le
$6 e tau sue atu ni vailaau. O lea e talosagaina ina
ia lava le supply o ia vailaau. Ou te masalo ona
pau ia o nai vaega mo lenei taimi ua oo atu ai lau
faamatalaga i lau Afioga i le Minisita. Ia talosia ia
ou faiva, e ui ina e fou ae ou te talitonu, e pei lava
ona ou taua e le fou le tomai, e le fou foi le agavaa
i lau Afioga i le alii Minisita.
E ui lava ona e le o nofo mai le Minisita o Aoga,
ae atonu o faafofoga mai i sana laau faalogologo.
Afai o faafofoga mai lau Afioga Fiame, o le
talosaga a Vaisigano Nu.2, o le faleaoga o si ou
nuu, o le falelua o Fagasa ma Sataua. Ou te
manatua sa faatupe e le Malo, sa taumafai foi le
Tofa ia Seve po o le Fetalaiga foi ia Lealuga, ina ia
faataunuuina ma faaiuina, peitai o lea ua ou tulai
mai ia tau ia ina ia afea i sau faamatalaga. Lau
Afioga i le Minisita ma le Malo, ua toeitiiti lava
uma. Sa matou faia se sailiga-tupe e ala i se
radiothon ma e sa faauma ai le tele o se vaega na
tuu atu i le nuu. Ae peitai, o le vaega lea sa tuu i le
Malo ua savali atu nei i le valu tausaga o faatali
nisi o fesaosaoni, a o lea ua ou toe talosaga atu ma
tapafua i le suafa o le Minisita, ia tautuana
faamolemole. Ou te masalo ua le o toe tele se
vaega, pe tusa ma se $20,000 pe o le sili atu foi e
faaaoga i ai.
E pei ona taua e se isi Sui Usufono le taumafai e
atiina ae aoaoga i nuu i tua. O le tele o tausaga sa
taumafai mai itumalo aemaise foi o lo matou
itumalo, e fiu e faatalitali e le maua se tama fanau e
alu i le Kolisi o Samoa. O le tausaga na tea nei na
faateia ai e ui ina e le o uma le faleaoga, sa talitonu
i le tali a le Atua. E Kolisi o Samoa. A o nisi aoga
i Upolu nei o lo o ave i ai le faamuamua ma
latalata i le taulaga. O le mea lea ou te le talitonu
ai i le faaupuga lea e faapea e tau faatamala i aoga i
tua. Ou te talitonu e pei lava ona ou molimau atu,
o lea sa fai le sao e pei ona silafia e le Minisita o
Aoga. Ua te i i le tulai mai o faamanuiaga faapena
i fanau o lea e momoli atu ai le faafetai tele i alii
ma tamaitai o lo o faafoeina le Sataua Primary
School. Ua malo lava galulue. Ia talosia ia lenei
tausaga, o lea ua ave le talosaga i lo tatou Malo ina
ia faamaea nisi o mea o lo o totoe o lo tatou
faleaoga.
Ona ou oo mai lea i le Tama o le atunuu i le Ofisa
o Galuega, lau Tofa Leafa. E pei lava ona maua i
le tele o Sui, o lau Afioga i le Minisita ua lima
taumatau i ai le tatou atunuu i lenei vaitau. E le tau
selu atu i au galuega, ua silafia e le Atua. O oe o
se Minisita galue. Ou te talitonu foi e tele taimi ae
ou te le i oo mai i lenei Maota sa o ta feiloai ai, ou
te talitonu i lou tali tiga aemaise o lou lagolago i
nisi o fuafuaga. O lea e tatalo atu ai i le ava ma le
faaaloalo, o si o matou nuu o Papa masalo o lo o e
silafia. Sa viliina ai vai aemaise o le isi vai sa
viliina i Sataua. Na ona ou tuu atu i ou tafatafa ma
talosagaina i le agaga maualalo ina ia silasila i ai i
lau polokalame faagasolo pe o i ai sau fuafuaga i
ai. Ou te masalo o se pamu lea e faaletonu e le o
mafai ona maua. E te silafia foi aemaise o lenei
Maota Fono, o lenei itumalo e ese lava i itumalo
uma i le suavai taumafa. Ou te masalo e le i i ai se
sample ua ave i fafo, ae e pei lava ona faatauaina le
soifua maloloina o tagata. O le vai lea i le itumalo
o matou e faasualua se i tulou. Ou te le iloa pe ua
maua i ai ni sailiiliga ae ua ou taua i lenei taimi.
Ou te masalo ana o se tagata na faia e se isi tagata
ou te talitonu ua leva ona leai se itumalo. O le tele
o taimi a taumafa i le vai i inei ma alu atu inu i le
vai i Savaii, e faapena ona lagona le faasualua. O
lona uiga o lo o i ai ni mea o faaletonu ai. Afai foi
o i ai ni faiga e foia ai ia faafitauli i vaitaumafa o lo
tatou atunuu, ou te talosagaina pe ni a fa au ae fai
sina polokalame e fai ai ni tanevai. Ou te masalo
ona pau lea o le auala e mafai ai ona maua se vai
magalo lelei, o ni nai tanevai mo aiga o le itumalo.
E le tele foi aiga o le itumalo, ua na o le tolu lava
nai nuu. O lea e talosaga atu ai, afai e te silasila
totoa i ai, e taua foi lou silasila i ai e fai ai ma mea
e sili ai ona tautaua ou taimi i le sailia o se vaifofo
mo lea faafitauli mo Vaisigano Nu.2
O le auala o Papa ou te masalo ua silafia e lau
Afioga i le Minisita, ua tele ina agai i uta le nuu
ona sa afaina tele i afa. Ua le o toe i ai se fale i tai
i le aai. E tasi lea nuu matagofie sa gasolo i ai
Turisi i onapo ia. O lea e tatalo ai le Sui o
Vaisigano Nu.2 i lau Afioga i le Minisita, ou te
talosagaina i le taimi e faagasolo ai sau polokalame
aemaise foi o lau Failautusi Faa-Palemene, e a pe a
tuu atu i ai ma Papa aua e le o se nuu tele. E fia
faia lona auala. O le tele o le nuu ua agai i uta. O
lea le talosaga e fia tuuina atu i lau Afigoa i le
Minisita, a o mea uma ou te talitonu ua malo
faafetai le galue.
Ona pau ia o tulaga ou te iloa o mea taua i le vai
taumafa, o le auala aemaise foi o talosaga mo ni
moli. O lena e te silasila i ai e le tagisa foi, ona
pau lava ia o talosaga e tuu atu i ou tafatafa e fai si
pogisa o nuu aua e maotua. Pe mafai ona tuu mai i
ai ni nai faamanuiaga faapena i le mamalu o le
itumalo aua e moomia tele tulaga faapena. O lea e
momoli atu le faafetai tele i ia fuafuaga uma.
Ona ou oo mai lea i le Minisita o Faatoaga: o le
tasi lea Minisita taua i lou mafaufau. Ua faafetai
tele i ni taumafaiga sa faia mo lo tatou atunuu e ala
i atiina ae, ae i ai lava ni nai fautuaga e fia tuuina
atu i lau Afioga i le Minisita o lo tulai mai nei. O
le laau lenei o le koko, ou te maslao a fesligia po o
fea le itu o le atunuu sa malosi mai ai le koko
aemaise mai lava anamua ma aso ua tuanai, o le
itumalo lenei o Vaisigano Nu.2 aemaise o le Itu
Asau. Ou te talitonu sa faagasolo le polokalame
lea i ponesi. Sa tatau ona ave le faamuamua pe
faatele ponesi a le itu atoa lenei aua e ola lelei ai le
koko. Ou te talitonu a toe saili i le vaitau lenei i
ponesi sa faasavalia, ou te lagona ona pau lea o le
itumalo o lo o faamaoni ma galulue malosi i le
koko. O lea e toe talosaga atu i alu Afioga i le
Minisita ina ia toe faaauau pea la tatou polokalame
o ponesi. E talosaga atu ai ina ia silasila totoa. E
sili lava le ave o le faamuamua i itumalo o la e ola
lelei ai le laau, a o le soona ave i itumalo e le i ola
ai lava se koko talu ona soifua mai, o se tupe
maumau.
Ua faafetai lava lau Afioga i le Tama a le Fale, le
Afioga ia Mataia ma le Afioaga ia Masoe, ua
faafetai aemaise foi le Tofa ia Suafoa i le
lagolagoina o le lafo.
E fia faamaea nisi o mataupu laiti e pei lava ona
ou faamamafaina i le Matagaluega o Faatoaga. E
talosagaina se i silasila i atiina ae ia e pei ona ou
talosagaina aemaise o le toe atiinaeina o le koko i
lenei itumalo ina ia tuu i ai ni nai polokalame
faapena e pei ona i ai le Minisita talu ai. E manaia
nai vaega na e faagalue tagata ma augofie ai foi le
soifua galue o nai o tatou tagata.
E talu ai ona ua uma lou taimi ae tau lava ina ou
paia nisi o tulaga sa ou fia tautala i ai i le Minisita
o lo o feagai ma le penisione o tagata matutua. Ua
tele nai tama ma tina sa talosaga mai ia te Au e toe
talosaga ma tuitui i le Malo ona o nei itumalo a
sau i le pasi e pei ona ou taua, ou te masalo toeitiiti
lava uma ai le penisione. Ae a pe a tuutuu laitiiti i
luga, a maua foi se $100 i le masina ua manaia. E
na ona tuu atu o moomooga e faataatia i ou tafatafa
aua ou faiva mo le gasologa i luma aemaise o le
faagasologa o le tatou polokalame mo ia fuafuaga
uma.
O lau mataupu mulimuli o le Minisita o Felauaiga
o lo faafeagai ma vaa. O le taimi nei o lo o i ai le
faafitauli i a matou feoaiga i Salafai. Ae a pe a
taatia atu pea i ina i ni au polokalame i se auala e
faafaigofie ai femalagaaiga e pei ona i ai i lenei
vaitau, talu ai ona ua i ai le tatou vaa i taumafaiga e
faaleleia. O le taimi nei ua le mafai ona feoai loli i
Savaii talu ona ua faaleofi i le tele o vaa laiti, e na
ona tuu atu i ou tafatafa.
Ou te talitonu ua uma lou taimi, a o le i nofo i lalo
le Sui o Vaisigano Nu.2, e momoli atu lau faafetai
tele i tulaga uma ma fuafuaga, e pei lava ona ou
talanoa atu na ona faufautua atu.
E avatu
moomooga molipo i outou tafatafa ia outou Afioga
i Minisita ua malo faafetai. Ua faafetai i lau
Afioga i le Minisita o Tupe mo le Tala o le Tupe
ua tuuina mai. E ui ona e le i maea foi i ai se
sailiiliga aemaise o nai mea e pei ona tolaulauina e
nisi o Sui, ae ou te talitonu o tulaga na o mea
faapenei. E pei lava o mea o lo o talosagaina, o
tulaga ia ina ia faamaumauina ai tagata ma o latou
tulaga aemaise o totogi ma mea faapena aua ua e
masani foi ma ou tiute ma ou faiva. Ae peitai o se
leo, e momoli atu ai le faamalo i lau Afioga a le
Fofoga Fetalai i ou tiute ma lau galeuga fita i le tau
faafoeina o le tatou Fono. Afai foi o le a sau
faafofogaaga ua lape se upu o le lauga a Vaisigano
Nu.2, e faamalulu atu aemaise o le Kapeneta ma
Sui Mamalu o le Maota ma le faafofogaaga a lou
itumalo. A i ai se upu ua sala ou te talitonu o oe o
le matua faitama e te faatonu mai i se taimi tatou te
feiloai ai. Ia soifua ma ia manuia.
Afioga TOOMATA ALAPATI POESE
Itumalo
Faaalalafaga:
Salega
Filifilia:
18 Tesema 1999
Faatauto:
20 Tesema 1999
Lauga Faataupou:
14 Ianuari 2000
Faafetai
mo
le
avanoa i lau Afioga i le Fofoga Fetalai. Ou te fia
avea lenei avanoa o lou uluai taimi ua ou tulai atu
ai i le Maota i Tiafau nei, e faatalofa atu ai i le paia
lasilasi o lau Afioga i le Fofoga Fetalai ma le paia
o le Maota. E momoli atu foi lau faatalofa ile
tapuaiga mamalu a le Ao Mamalu o le Malo,
Susuga i el Tapaau Faasisina, Susuga i le Malietoa,
o le Faaao o le Maota o le Palemene o Samoa. E
momoli atu ai le faamanuiaga o le atoaga o le 87
tausaga o le soifua o le Ao Mamalu o le Malo i
lneei masina amata o lenei 21 seneturi ua atoa ai le
2000 tausaga talu ona afio mai le Faaola. O le
tatalo a Salega, ia faafualoa pea e le Atua lou
soifua tautau aua Samoa. Ou te faatalofa atu foi ia
outou Afioga mamalu, Sui o le Fono a Sui Tofia,
lau Afioga i le Tama-a-Aiga, Tuimalealiifano
Vaaletoa ma lau masiofo, lau Afioga i le Aloalii
ma lau masiofo, faapea lau Afioga i le Tama a le
Fale, Mataia Visesio ma lau masiofo. Ia faamanuia
atu i le tulai mai o a outou Afioga i lenei uluai
masina o le 21 o seneturi, malo le soifua maua ma
le sofia laulelei ia outou Afioga.
E faapena foi ona ou fia faatalofa atu i le mamalu
o le Palemene ua potopoto, ilau Afioga i le Fofoga
Fetalai, lau Afioga i le Palemia ma le aiga
Minisita. E faapea foi le la iut o le Maota, lau
Afioga i le Taitai o le Itu Agai, lau Afioga i le
Tuiatua, tainane sui usufono mamalu filifilia o le
Palemene. O paia lava ia ma le mamalu o Samoa i
ona tulaga faalupelupeina, aua Aiga ma o latou
Tama, o Tama ma o latou Aiga, le Usoga a Pule
ma Tumua, Ituau ma Alataua, Aiga i le Tai ma le
Vaa o Fonoti. Tulouna foi le aufaigaluega paia a le
Atua o lo o faafaletuluia i fata faitaulaga e fia i le
tauasuina o le ipuvai o le ola aua le soifua faaleagaga o Samoa.
E faatulou atu foi i le tapuaiga mamalu a Tutuila
ma Manua, i le Afioga i le Kovana, le Fofoga
Fetalai ma Maota e lua o le Faigamalo o Amerika
Samoa. O le paia lava lea ia Sua ma le Vaifanua,
Saleaumua ma le Launiu na saelua, ae tainane le
afifio o Faatui o le Motu, alaalatai foi Tootoo o le
Faleula ma upu ia te oe o le Manuatele. O paia na
ma mamalu faale-atunuu, o paia faale-Malo faapea
paia faale-Talalelei, e tatau ona ou tautala i ai ona
ua fou lenei taeao, i le silasila mai o lau Afioga ma
le paia o le Maota i le tulai atu o lou nei sui
usufono, aemaise o le faafogafoga mai o le
tapuaiga mamalu o Samoa o le ao mamala.
Ou te avea foi lneei avanoa lau Afioga i le Fofoga
Fetalai, e momoli ai ou alofaaga ma lau faamalo
ma le faafetai i le tapuaiga a lou itumalo
faaalaalafaga o Salega. O le paia lava lea i le afifio
o tupu o le itu ma le mamalu o tootoo o le itumalo,
alaalatai foi lau Fetalaiga Tuisalega e te tausivaa
tele i lo ta itu ae tainane foi le paia i le Alataua. O
le paia ma le mamalu o faletua ma tausi, o saoao
ma le aumaga o le malosi o le tatou itumalo. E
faamalo atu foi i le aufaigaluega paia a le Atua i
fata faitaulaga e fia i totonu o le itumalo. E
faamanuia atu le atua ma ia faaopoopoina pea le
soifua maua ma le soifua malosi i Susuga i Taiulu
o Faafeagaiga i fata faitaualaga e fia i totonu o le
itumalo. E faamalo atu i lau tapuaiga Salega,
faafetai i la outou faaeaea, o la outou pule ma la
outou faaaloalo lea ua ou talisapaia ma ua
afisimauina faa-maa aleale aua ou te faatauaina lo
outou matupalapala ua outou toina mai i lou tagata.
Faafetai mo le faatuatuaga, ia fesoasoani mai le
Atua o manatu, le Atua o upu e mafai ai ona ou
faatino le galuega i lenei tofiga aua se manuia o el
itumalo. Usi maia lau tapuaiga ae sei ou taumafai
e molimoli so tatou sao ma saili so tatou ai i upufai
o le Malo e fai ma o tatou saofaga i le Maota o
faautugatagi a le atunuu.
Lau Afioga i le Fofoga Fetalai, ua maea ona e
momoli le faafetai i le Tapaau i le lagi, e fai lena
ma tatou taulaga sii i lenei taeao i lum ao le Atua
Soifua e Ou le mana ma le malosi uma lava. I lona
agalelei ma lona alofa mutimutivale ua mafai ai
ona toe fesilafai sui usufono mamalu o le Palemene
i lenei taeao i le lagi e mama ma le soifua maua.
E amata lau tautalaga lau Afioga i le Fofoga
Fetalai, i lou fia molimoli atu o ni finagalo e
faasino tonu i lou itumalo. Ou te fia tautala i
Matagaluega o le Malo i le tulaga faalauaitele,
aemaise o le tulaga i le faaatinoga o le auaunaga a
ia Matagaluega i le atunuu, aua o Matagaluega ma
Faapotopotoga uma a le Malo, o i latou ia e
faatinoina le galuega, lea e mafua ai ona fonoa
Tiafau nei.
O le vaega lea a le atunuu lau Afioga i le Fofoga
Fetalai, le mamalu o le aufaigaluega ua i ai le
tomai faapitoa latou te faatinoina ai galuega a
Matagaluega eseese. Ua ia i latou le aoaoga
faapitoa, au ia i latou le poto faa-aoaoga, ua ia i
latou foi le iloa po o le poto masani. O metotia ia
lau Afioga ua faapea ona maua e le mamalu o le
aufaigaluega le faatuatuaga o le atunuu. O i latou
ia o lupe faalele ale atunuu. Afai foi la ua i ai se
faasea pe aumai foi se faitioga a le mamalu o le
atunuu e ala i le Maota Fono nei, e ao ona fesili ifo
po o faaaoga lelei le faatuatuaga o le atunuu ua
fapea ona molimolioo mai i le mamalu o le
aufaigaluega.
Le mamalu o le aufaigaluega ma lau Afioga i le
Fofoga Fetalai, o isi ia tupu ma ee o le mamalu o le
atunuu. E tele foi le ava ma lou faaaloalo i lenei
itula, e le faafualoa ai se faamatalaga pe aveatu foi
se upu ina nei faamanualia se finagalo, ae o aga
lava o le soifuaga, e faapena lau Afioga, e i ai lava
le lape i mea uma. E vaai i le toatele o le
aufaigaluega e galulue ma tinou ma punouai i le
faiga o le tautua, ae pei lava o upu o le atunuu. Po
o le a foi le sua lelei o le lolo, e tasi lava le popo
masa n ate faaleagaina. E faapena le matau i nisi
foi o Matagaluega.
E muamua la ona ou fia talatalanoa atu lau Afioga
i le Fofoga Fetalai i Matagaluega ua faapea ona
ave i ai le faataua po o le faamuamua foi a le
Faigamalo. E le o agai se faamatalaga tonu i ia
Matagaluega, ae agai se lagona lau Afioga i le
Fofoga Fetalai i le faavae, ua faataua ai e le Malo
ia foi Matagaluega. E le faapea la e sala ese ai se
taofi i le faataua o Matagaluega o le Soifua
Maloloina ma le Ofisa o Aoga, e leai lau Afioga,
ae pau o lea. O le fesili, pe ua tapu o le a i le na o
le lua Matagaluega o le Soifua Maloloina ma le
Matagaluega o Aoga?
E mafua le taofi lau Afioga i le Fofoga Fetalai,
ona e i ai le talitonuga e le mafai e le Matagaluega
o Aoga ona fatini le sini o lona faamoemoe pe a le
aafia ai le isi vaega lea o le Matagaluega, lea o lo o
i ai se taofi i le aso. E le mafai e le tama ma le
teine aoga ona faataunuu le sini o aoaoga, o le oo
lea o le malamalama ma le tomai i le tulaga i le
tumutumuga o aoaoga e toe taliu mai ai i fanua ma
faapea ona tautuaiina le Malo. Sei vagana ua
malolo lelei le soifua, malolo lelei le tino, e faapea
foi ona malolo lelei le mafaufau. Ia atonu la e
fitoitonu ma talafeagai foi le faataua o le soifua
maloloina. E oo foi i le Matagaluega o Soifua
Maloloina lau Afioga, e le atoa foi le sini o lena
faamoemoe, pe afai e le i ai lea vaega o
Matagaluega a le Malo e i totonu o lea faataua po o
le faamuamua.
Ou te lagona la, o le Matagaluega lea e agai i ai le
manatu lau Afioga i le Fofoga Fetalai, o le
Matagaluega lea o Faatoaga. O le Matagaluega o
Faatoaga lau Afioga i le Fofoga Fetalai, o le ivitu
lea o le malo ma le atunuu. O o tatou laueleele, o
laufanua e faapea foi lo tatou gataifale, o i lea na
faavae mai ai le Malo Tutoatasi o le Malo o
Samoa. E oo mai nei foi i le tausaga e 2000 lau
Afioga i le Fofoga Fetalai, o lo o faapea lava ona
faalagolago le mamalu o le atunuu i o tatou eleele
ma laufanua. A le taumafa lelei le tama ma le teine
aoga, e le taunuu i le sini o aoaoga, ae a le taumafa
lelei le tagata soifua, e le maua le soifua maloloina.
Po o le a lava le poto o le fomai e togafiti e le
atoatoa. O le faataua lea ia te au lau Afioga i le
Fofoga Fetalai o le Matagaluega o Faatoaga.
Ia sei silasila lau Afioga, e tolu maga e faavae ai
le manatu. Muamua, o le 85 i le ova atu o pasene o
el faitau aofai o le atunuu, e faalagolago i lo latou
laueleele. O i foi lea e maua ai le toomaga o le
mamalu o le aufaigaluega e faafeagai ai ma le
maualuga o le tau o le soifuaga, o a latou
faaeleeleaga. Ana le seanoa faaeleeleaga, o le
matua mafatia lava i le maualuga o el tau o le
soifuaga, ma e le faapito tasi foi le tau ole soifuaga
ia Samoa, o lo o faapena ona maua ai le lalolagi
atoa. E faapena le suiga ua aafia atu ai le atunuu,
ma e leai se metotia i se Faigamalo, aemaise
ituaiga Malo e ia i lo tatou atunuu, e mativa i aseta
faa-natura e maua e lo tatou laueleele e mafai ai
ona atiina ae lo tatou tamaoaiga. Na pau lea o el
faalagolagomaga o lo tatou atunuu o ona eleele ma
lona gataifale, ma le tomai o tatou tagata o lo o
faapea ona aumai i atunuu i fafo ma maua mai ai le
tasi fesoasoani.
O lona tolu o vaega lau Afioga e faataua ai le
Matagaluega o Faatoaga, ma o le vaega lea atonu e
le o mafuli i ai manatu, pe ai o se lagona na o au,
ae atonu foi ma le aufai-tofa a le atunuu. O eleele,
o le faavae lea o le aganuu. A leai le eleele ua le
aoga le tatou faa-matai. A faaaoga lelei le eleele
ma faataua la le eleele. O le uunaiga o le eleele ina
ia gagau e le atunuu, e mausali foi le aganuu, aua
afai e faatalale i le faaaogaina o loo tatou eleele, o
lona uiga o le a gasolo mai tua i le taulaga nei ma
faapea foi ona gasolo atui fafo, aua o le a leai se
aoga ma o le a le taua foi le nofo i tua i aiga i nuu
ma alaalafaga. E pei o tulaga taua ia e faataua ai e
lenei sui usufono lau Afioga i le Fofoga Fetalai, i
le Matagaluega lea o Faatoaga. A liliu foi i le isi
itu lau Afioga i le Fofoga Fetalai, o le tuolaga ua i
ai nei le Matagaluega o Faatoaga, vaeane foi le
faafogafoga mai a le Afioga i le Minisita ma le Ulu
o le Matagaluega, e jpei ua faale-iloa lava le
Matagaluega i lenei vaitaimi. Ua leai ni ana atiina
ae e silafia lelei ai e le atunuu po o fea tonu le mea
ua agai i ai. O lea foi e matauina ua le o toe i ai le
fale moa lea ma le fale lea o lo o tausi ai
meaituaolo, lea sa faapea ona faatauina atu i le
mamalu o le atunuu e atiina ae ai a latou lafumanu
i Alafua. O le tala ua ou maua, ua leai se tupe e
faatino ai lea galuega. O tulaga faanoanoa ia i lou
lagona, pei ua aveese le faataua lea i le
Matagaluega.
O le isi foi itu, i la foi vaitaimi a o…. Se
faamolemole lava lau Afioga, tasi lava lea itu ua ou
tei ai i totonu o le Maota nei, o le matua mamafa
lava o nofoa nei tatou te nonofo ai. A tulai le sui
usufono e fesiitai solo, leitioa foi saunoa le sui
usufono mo Faasaleleaga Nu.1, e vaivai i le
fesiitaiga o le nofoa ae le vaivai i lana lauga.
O le tasi itu lau Afioga i le Fofoga Fetalai, i
vaitaimi foi o aoga, o tala nei ta te faalogo i ai i
faiaoga, aemaise lava faiaoga nei e tauavea le
mataupu lenei o le Bookkeeping po o le Account.
O le taimi lea sa ou aoga ai, vaeatu le faafofoga a
le paia o le Maota lau Afioga. Sa ave lau
Bookkeeping, o le tala a le faiaoga lea, a o le taimi
tonu lea ua taunuu le roketi Amerika i le masina.
O le tala a le faiaoga, e o lava saienitisi ia saili solo
ma pateto solo i le vateatea, e foi mai i inei ua
pulea e le Au Tausitupe le lalolagi. E pei la o
tulaga ia lau Afioga, aua o le Matagaluega o
Faatoaga, tasi lea Matagaluega e faasino i
Saienitisi. E tele foi la le tupe alu i le Matagaluega
lea, atonu o lena le itu e faapena ona faaaogaina e
le Matagaluega o Faatoaga, ae ao foi ona matau
lelei, o galuega faa-suesuega faa-saienitisi, e le o ni
galuega e maua mai ai ni tupe mama. O le tupe o
lo o faapea ona faaaogaina i suesuega mo le
Matagaluega o Faatoaga, e le fua nei ae faatoa fua
mai a taeao. O le investment la pe a fua i lea foi
itu. E le faapea o tupe uma. E tele le tupe e alui
suesuega, a o suesuega aoga, o suesuega e mafai ai
ona maua togafitiga e faapea oan tineia ai le
anoano o faamai e ono aafia ai a tatou faaeleeleaga.
E pei o se manatu lena e aveatu i tafatafa o le
Taitai o le Malo, aemaise le Afioga i le Minisita
ma le aufaigaluega a le Matagaluega.
E faapea foi la ona faataua. Afai foi la ua faataua
le Matagaluega o Faatoaga lau Afioga i le Fofoga
Fetalai, ou te taofi, e ao foi la ona faataua aoaoga
faa-faatoaga, aua o i lea o lo o aumai ai le tomai e
mafai ai aona faatinoina galuega a le Matagaluega.
E talosagaina foi le Afioga i le Palemia, se i
faataua, fai se quota o sikolasipi se i faaaooga ai le
mamalu o fanau e faapea ona fia maua avanoa i le
aoga faa-faatoaga i Alafua. O le taimi nei, ou te
manatu afai e 120 tagata po o tama ma teine aoga e
tusi talosaga atu e fia ulufale i le aoga faa-faatoaga,
masalo na o le 30 avanoa e maua ona o le
toagaogao o le seleni, e leai se seleni e mafai ai ona
faaaoga le isi 90 o e foi e talosaga atu ilea aoga. E
pei lava o le mea lea o lo o tulai mai, e tatau lava
ona faamuamua isi matata, ae pei e mulimuli lava i
le matata lea, ai o le manatu o el matata e
faaeleelea ma faapalapala le faiga o galuega ona
manatu mama ai lea, a o i tanu lau Afioga i le
Fofoga Fetalai, o le ivitu lea o le atunuu.
O lea ou te talosagaina ai le Malo i ana fuafuaga
faavae i lea foi Tala o le Tupe o lo o loma nei po o
le fuafuaga foi o i luma, ia liliu ane le tofa ma le
faautaga i manatu foi e pei ona lafo atu, ia fai ma
faatupu manatu i lau Afioga ma le Faigamalo.
Ona ou see mai lea i le Faalapotopotoga o Mea
Tau Suavai lau Afioga i le Fofoga Fetalai. Ua uma
ona aveatu se talosaga a lenei itumalo e ala i le
talosaga sa tuusao atu e tusa ma le faatalauula mai
a le Afioga i le Minisita. E faafetaia ai le Minisita
i le lava tapena ma le tofa na ae ua faapea ona tapa
ai se finagalo o sui usufono, ua faapea ona
molimoli atu i lana Afioga galuega moomia mo le
faaleleia i tua i lo matou itumalo.
O le matou itumalo lau Afioga i le Fofoga Fetalai,
o el tele o nuu o lo o fapea ona maua le suavai mai
le vai pamu. O le vai pamu la i le tele o nuu ma
alaalafaga, e lua laina. O le laina e alu i tai i le
auala ma le laina i uta, aua aiga foi o lo o mamao i
uta o laotu maota ma laoa. O tai la lau Afioga i le
Fofoga Fetalai, o la paipa tuai lea sa i ai i aso ia a o
tai mai lo matou paipa mai Palauli i Sisifo i le
afioaga o Salailua. O lo o faaaogaina la le paipa
uamea lea i le laina i tai, a o uta, o le paipa PVC, o
le paipa uga. Lau Afioga i le Fofoga Fetalai, o el
matua le aoga lava o lea paipa i uta, aua o
meaituaolo, o manupapalagi faapena ma isi lava
manu faalafua e aafia ai ma tagata, e faaleagaina
gofie lea ituaiga paipa. O le mea o lo o oo mai nei,
e ala ona le maua le suavai oana ua motusia le alu
atu o le suavai. Ona ou talosagaina ia lea o el
Afioga i le Minisita, e a pe a tai se paipa i uta, ona
tai mai ai lea o paipa o tagata ia i a latou paipa una,
ae pei o le paipa tele lava lea e agai mai i le pamu,
o lea e fai ma faaletonu. O le talosaga vaivai lea i
luma o lau Afioga i le Minisita.
O le isi itu ou te fia fesiligia ai foi le
Faalapotopotoga o Mea Tau Suavai lau Afioga, o
le vai pamu. O lona uiga, o le vai lea e i lalo o le
eleele, lea o lo o faapea ona maua mai ai le suavai,
ma ou te iloa e tele itumalo o lo o faapea le auala o
lo o maua mai ai le latou suavai. Ona faapea lea o
se fesili, po o le a la le umi? E fia tausaga o tumau
pea le loloto o lea suavai o lo o toa i lalo o le
eleele, lea e taua faapea i le Peretania o le water
table. Po o le a la le umi o tausaga o faaaoga pea e
nuu ma alaalafaga lea suavai, a o a foi mea e mafia
ona puipuia ai e le alaalafaga le tumau pea o lea
suavai i lalo o lona laueleele. O le manatu vaivai i
lea tulaga lau Afioga i le Fofoga Fetalai, e pei o le
laau lava lea e n ate tapueina le vai ma faapea ona
faatoa le vai i lalo o le eleele. Afai o lea, e faataua
la le siosiomaga, e faataua le vao lea o lo o ola ai le
laau i le mea tonu o lo o i ai le pamu lea. O le
fesili la, ua i ai se fuafuaga a le Matagaluega e
puipuia le vao lea i alaalafaga ia o lo o faaaogaina
le pamu vai? Aua e ao ona tatau ona puipuia nei
mea ane ua sefulu tausaga agai i luma ae motusia
le suavai, ae toe malamalama mulimuli ane ua
faapena oan faatauga le vaomatua ma afaina atu ai
ma le suavai. E fail au tala lau Afioga ona o lea e
vaaia e lou sui usufono ili laupapa ia o lo o taina lo
tatou vao. O le matou nuu le isi nuu ua maimau o
matou laau i le taina e nei ili laupapa, ona aumai
lea na o le 12sene, ae a ta alu atu e faatau mai le
laupapa mai le fale laupapa, ia o luga i le $30, ma e
ofo ai foi le loto lau Afioga i le Fofoga Fetalai, ona
o le lisi sa faia o lea laisene, lea sa amata mai i le
vaitaimi o le potlatch ia matou i Salafai, lea la na
tauaveina e le isi kamupani, po o le Samoa Forest
Products ea. O lea foi ua toe ave e le isi kamupani,
lea e taua o le TV Logging, po o se mea faapena
lau Afioga i le Fofoga Fetalai.
O le mea la e faateia ai matou i lo matou nuu i
Samata faapea foi Fagafau, ona ua alu atu le ili
laupapa lea ua i ai i lea kamupani, ua uma ona saini
atu ai le Afioga i le Minisita lea sa i ai i lea foi
vaitaimi. O le manatu vaivai lava ia o le matou
afioaga lau Afioga i le Fofoga Fetalai, e tatau lava
ona tapa i matou o le nuu i so matou maliega ona
fatoa fai ai lea o se feagaiga fou, aua o el tulaga lea
ua i ai, ua noatia i matou ua le mafai ona matou toe
faia se isi tulaga. Ua matou taofia la le taina o
matou laau, matou te manumanu foi i matou i lo
matou siosiomaga. Ma matou te iloa lelei, o matou
lea e faalagolago i le suavai e eliina mai i lalo e le
pamu vai, ma e ono afaina ai lea suavai matou te
mauaina lau Afioga i le Fofoga Fetalai.
E pei la o le agaga o le taofi lau Afioga, e ao ona
sailiili le Faalapotopotoga o Mea Tau Suavai ina ia
fai se tapu, fai se faasao i gauta lea i le vao e
faatatau lea mo le faatumauina pea o le maua o le
suavai e ala mai i pamu eli lau Afioga i le Fofoga
Fetalai. E faaopoopo atu ai ma le talosaga, ua tatau
lava ona taofia nei Kamupani Ili Laupapa,o el a
maimau lo tatou vaomatua, ae le o lava seleni o lo
o maua e afioaga e tusa ai ma latou laau. O le
talosaga vaivai lena i luma o lau Afioga i le Fofoga
Fetalai e auala atu ai i le Afioga i le Palemia.
Oan ou teo oo mai ai lea i le Matagaluega o le
Soifua Maloloina. Lau Afioga i le Fofoga Fetalai,
e leai se manatu um ii le Matagaluega lea. I la
matou lava matau, ua matua tele lava le faatauaina
o lenei Matagaluega, ma e momoli atu le faafetai i
le Afioga i le Minisita faapea foi le faauluuluga o
le Matagaluega ma le mamalu o le aufaigaluega i
le latou tautua le uma, lo latou faatinoina o galuega
pei ona gafa ma i latou i ia tausaga ua mavae, o lo
o lelei ma faapena ona siisii ae i luga le lelei o le
faatinoga o nei galuega. O le mea lea e lelei ai le
alalaga mai o le atunuu pe a oo ina tutupu mai ni
faafitauli e faasino i le faatinoga o galuega, e vave
ai lava ona faalelei. E faafetai atu i le Afioga i le
Minisita le magafagafa i le sailia mai foi o
fesoasoani mai fafo e ala i fomai mai fafo o lo o
faapea ona omai faa-vaitaimi e fai ai ni a latou
galuega fesoasoani i le Matagaluega ma le Malo, o
lo o faapea ona maua ai se faamanuiaga e le
mamalu lautele o le atunuu. A vaai i lo tatou
atunuu lau Afioga i le Fofoga Fetalai, o le
aumatutua foi e faale-lelei le silasila, toeitiiti tofu
matatioata uma.
O le itu ou te fia laga ai le Matagaluega o le
Soifua Maloloina lau Afioga i le Fofoga Fetalai, o
falemai ia faa-itumalo. Ou te fia tautala lava la au
ia i le falemai i Foailalo mo lou Itumalo. O lo o
maua i faamatalaga lava a i latou o lo o faapea ona
gasolosolo atu i le falemai lea o lou Itumalo, le
mamalu o lou Itumalo, o lo o faapea lava ona tau
toai lo latou taunuu atu i le falemai lea ona o
fesootaiga, o fesootaiga lava. A aveatu le mai i ina,
o isi taimi e toetoe lava ina a fai mai le mamalu o
lou itumalo e maimau le taimi i lea falemai, aua e
tele lava ina agai mai i Tuasivi ona o le leaga o
fesootaiga, e leai se telefoni. Ia, ua fai mai le isi
toeaina o le matou nuu, a faapefea ona leai se
telefoni i le falemai, a o telefoni na e i le Minisita o
le Soifua Maloloina. Ou fai atu loa, e ese le
telefoni le la ese le telefoni lea e moomia e le tatou
Itumalo vaeane le suafa o Misa.
E talosagaina ai foi la le Minisita mo Falemeli ma
Uaealesi, aua o le manatu lava ia, e ao ona tatau
ona fai se telefoni a le falemai. O le galuega lena e
faasino i le Minisita mo le Soifua Maloloina ma le
faiga o galuega. E talosagaina foi le Minisita mo
Falemeli ina ia i ai ma se telefoni faa-Itumalo, aua
o le mea o le a tupu pe a i ai se telefoni a le
falemai, o le a faaaogaina e lou Itumalo i galuega
faale-Itumalo, galuega a aiga ma tulaga faapena,
ona afaina ai lea o le auga ma le autu ua aveatu ai
lea telefoni e faaaogaina e le mamalu o le
aufaigaluega a le falemai. E tatau la ona faapipii
uma ia telefoni e lua i le taimi e tasi lau Afioga i le
Fofoga Fetalai, aua a muamua atu le isi ua faapena
foi ona faaaoga sese.
O le isi itu, atonu e le o maua uma ai falemai faaItumalo o le Atunuu, ae i ai taimi e matauina ai
lava i le aufaigaluega, aua masalo o teine fomai ia,
ae alu atu foi i falemai ia faa-Itumalo, e i ai taimi e
te le iloa ai po o ni fomai ia po o ni tagata lava o le
mamalu o le Itumalo, aua ua leai ni toniga ua ofu
lava o latou ofu foi ia e pei lava o la e i o latou aiga
lau Afioga i le Fofoga Fetalai. O tulaga ia e
faanoanoa ai le taofi aua e aliali mai i i lau Afioga
le Fofoga Fetalai le le faatauaina o le faiga o le
latou galuega. E pei lava o le tama ma le teine
aoga, a le ofu aoga, o lona uiga e i ai le mea lea e
tupu, o lona uiga o le a alo mai le aoga. Afai foi la
e faapena le mamalu o le aufaiglauega, o lona uiga,
o la e musu e fai le toniga ina ia iloagofie ai le
taimi e aloe se mai ai i le faiga o tiute faalegaluega. E pei o tulaga ia e ao ona tatau ona
faamalosia le faia o toniga a teine tausimai, ina ia
faapea ona faamamalu ai ma aloaia o latou tiute
faa-fomai i le feagai ai foi ma le mamalu o le
Itumalo.
Ona ou see mai lea lau Afioga i le Fofoga Fetalai
i nai mataupu taitasi ia e aafia ai ma le Ofisa o
Vaa. O le Ofisa o Vaa, e aveatu lau faamalo i le
Afioga i le Minisita, ua matua tele lava le suiga ua
matauina i lenei Ofisa i le faagasologa o galuega. E
leai ma se mea e tasi o faapea ona sese i le va o
motu, Salafai ma Upolu nei. O lo o lelei le
faatinoga ma le faasoaga o galuega. Sa ou faapea o
fai le tulaga lea sa masani ona faitioina ai le
mamalu o le atunuu i tausaga ua mavae i le
faaituau o fuafuaga fai a le Matagaluega. E leai se
tulaga faapea na ou matauina.
E pau lava lea o lau
Tofa TUAIAUFAI TAFUAUPOLU
Itumalo Faaalaalafaga:
Alataua Sisifo
Filifilia:
23 Me 1998
Faatauto:
29 Me 1998
Lauga Faataupou:
7 Iuni 1998
I lou ava ma le
faaaloalo i le Maota, i lo
ma vatapuia ma le sui mamalu, le Matua o Usoalii.
E momoli atu le agaga faafetai tele i lau Afioga i le
Fofoga Fetalai mo le avanoa. Ao lei asaina le tai na
iloa e Leuteleleiite, e ao ina ou muai sausauina le
paia o Tiasa ma Tiavavau o Samoa.
E faatulou atu ai i Lana Afioga Mamalu O Le Ao
o le Malo o Samoa, Susuga Malietoa Tanumafili II.
O au tofiga i le Tiavavau o Samoa, tofiga o Falealii
nai Tulimatala mai le amataga e oo mai i le taimi
lenei e lei aveesea se mea. O lea e tiu ai nei Samoa,
na e saili Malo i le Atua o Foaga, lea foi na e mua i
malae i taeao o le Talalelei. Sa pulea Samoa e
atunuu mai fafo e pei o Siamani ma Niu Sila, sa
taumafai le Malo Tutoatasi. O lea ua maua le
saolotoga o Samoa i lou taimi. Ua fai i lagi le
tuliga sia a Sa Tagaloa, ua tofa i tiasa tupu ma
tamalii o le atunuu aemaise o le Afioga Tamasese
Lealofi Meaole. O Afioga i Tama Aiga sa au i
Palemia ua tofa mai tiasa. E manatua ma le agaga
faafetai le galuega fita sa latou taumafai maia aua
se saolotoga o Samoa, tatou toe tepa taulai la i le
lumanai ma le talitonu ma le faatuatua lea e pei ona
ua Faavae Samoa; e Faavae i le Atua ma lana
aganuu.
Ou te faatulou atu foi i le sui o le Fono a Sui
Tofia, lau Afioga Tuiaana Tuimalealiifano Tui
Taalili Suatipatipa Sualauvi II, e le i toa lou sa i le
alofitai o Aana. Lau Afioga i le Aloalii, Vaai
Kolone Saleimoa, o Oe o le Ponaoo, o le
Taotolima a Galumalemana aua Taisi ma
Nofoasaefa ma Puamemea. E faapai malu atu foi i
lau Afioga i le Palemia, e ui ina tatou le faatasi ae
momoli atu le agaga faafetai i lau Afioga i le
Tootooalii, Tofilau Dr Eti Alesana, e iva ia te Oe
aiga o Malietoa. E lipoi Oe e aiga ma paia o
Salevalasi, polapuipui Leaanae ma Tootoo o
Safotulafai, tainane foi le Usoga a Pule ma Tumua.
E fapai malu atu foi i lau Afioga i le Minisita o
Tupe, o oe o le fatu o le Aiga Sa Malietoa; a outou
Afioga i Minisita o le Kapeneta, e faapai malu atu
foi i lau Afioga i le Fofoga Fetalai, lau Afioga
Toleafoa, o oe o le Tama na tofia i Sepolataemo
ma Lalogafuafua, Fonoti ma Tafaifa. E a? O lou
tapaau faasisina lena, e aumaga tasi oe ia Samoa,
ae afio i Leulumoega, Tuiaana e avea ma lape. E
faapea foi ona ou faapai atu i le Taitai o le Itu Agai
e ui ina e leo faatasi mai le Afioga i le Tuiatua
Tupua Tamasese Lealofi Efi, o outou afioga i sui
mamalu o le Palemene, tupu ma tamalii ma tulatoa
o le atunuu.
E faapea foi ona ou faapai atu i Faauluuluga o
Matagaluega, Ofisa o le Fono, 2AP ma le Televise
Samoa. Lau Afioga i le Faamasinoga Sili, Resitara
ma alii o le Faamasinoga, ou te faapai atu foi i le
tapuaiga a taitai ma ulu o Ekalesia, paia o le
aufaigaluega paia a le Atua o loo fita i tuga i le tau
semaga o se manuia o aiga, nuu ma Itumalo. O le
tapuaiga ia Tumua ma Pule, Ituau ma Alataua,
Aiga i le Tai ma le Vaa o Fonoti, le fala le see i
Aiga o Papa, Aiga o Nofo ma Aiga o Tupu ma o
outou tama. Ou te fia faapai atu foi i o tatou uso i
Amerika Samoa, lau Afioga i le Kovana Sili Utena
ma le Maota o Senate, faapea foi le Fofoga Fetalai
ma le Maota o sui, o paia na i Laloifi ma le
Falesau, Gagamoe ma Utumoe, au o Faleagafulu.
Ou te fia faapea atu foi i le motu sa i le laau na
amotasi, afio oFaatui ma le auvaa o Tootoo ma upu
o le Manuatele. O ou paia na Samoa, mai le
Matafanua i faleniusa i le aso a ava seia lou
Mulifanua, fale Tapaau ma Vaitoloa, le pa sopoia
le vai suatoto ma le ana o Vaatausili i le Alataua
Sisifo.
Lau Afioga i le Fofoga Fetalai, ave ia lenei
avanoa sei ou faapai i lou Itumalo faapelepele o
Alataua Sisifo. E faatalofa atu i lou Itumalo i le
paia o le Tapaau o le Alataua i lau Afioga i le
Tonumaipea, Tupai ma Tauiliili o oulua o le vaatau
o Nafanua le Aiga o Samoaleoi, le Aiga fai tatau, o
le inailau na oo i Papa Afio oulua Tapaau le
Fanotaatiti ma Tuaiaufai, la oulua tausiga o le
vaatele o le Itumalo. E faapea foi oan ou faapai atu
i Tapaau ma le nofoaga faalupea, lau Fetalaiga
Folasa o oe o le Fofoga ole Papa, mamalu o lena
Itu o leAlataua. E faapai atu ai i tama o le Malo
Gisa ma le Usoalii, lau Fetalaiga Momoemausu ma
lena Itu o le ta Alataua, faapea foi ona ou faapai
atu i faletua ma tausi, saoao ma upu i aualuma,
faapea foi le malosi o le Itumalo. Malo faafetai i la
outou faaao ma la outou tapuaiga. Ou te fia faapai
malu atu foi i le so sa ma tauva faatasi, lau AFioga
Nonumalo, ia o oeo le alii o Fai ma Taatiti na avatu
o oe lea. Sa ou malolo i lau Afioga i le 1988 i
palota e 14, o lenei ua lafo atu le uluulu o le laau i
lena vaitausaga. O le mea moni ou te faamalie atu i
lau Afioga i le Matua, e uma le sui usufono uma le
palota ao le ta va fealoai e le uma.
O le ala lea ou te talosaga atu ai ona ua taffao foi
tliga o Tufugauli. Ua maua le palota ua matagi esea
le tofa ma ua e sulu i le Tulafono. E tau mai ai iina
e leai se tofa i lo tatou Itumalo ma se moe, o lea la
ou te tatalo atu, ia sili mea seu i sega, sema sou
taeao ie lua, e le uma foi aso. O le 2011 toe fai le
isi palota, ao nai tausaga iae tasi pe lua ia tuu maia
i le toeaina na te faaauaua lo ta tofi. O le isi mea e
tatau ona manino i le tofa, na tasi le Itumalo, sau le
savali a Falelima tuu mai le tofi o Tama Igoa, sau
le savali a Tufu tuu mai le tofi Tamaigoa, liliu le
tofa o le Aiga Samoaleoi e tasi lava. E faatoa ou tei
i le aso na fatu ai sui, ua e tu mai. O lau talosaga
uso, ia leaga e te le o tautua i se Itumalo. O loo
faleesea foi oe ma lo ta Itumalo, ae tofa malie ia e
pei ona e vili mai a le totogi atua le $40,000 e le
aveesea lau tagi. O lau tali, malie uso e mativa le
uso e leasi se tupe. E lei aumaia foi e le HRPP se
tupe ia te au.
Lau Afioga i le Fofoga Fetalai, ou te fia faapai atu
i le Afioga i le Minisita o Tupe, faafetai tele i lau
Afioga i le Minisita i lenei Tala Faatatau Autu o
Tupe ou te taua o le ―Tala Alofa‖. E faapena lava
le amio a le tupu o Isaraelu, a ita i le malo ia tuu
mai sia avanoa. E mai le 1991 e oo mai i le taimi
lenei ua tele le suiga. O ai foi e faitio faapea ua
mamafa iae faapena lava. A tutusa ato i se avega
(tulou o le upu e to ia te au), ia ua fiamoe le savali,
ae a mamafa le isi itu ua le savali ma apoapo i
luga. E faapena foi se manatu i lenei taimi. Ua e
saunoa i le faamamaavega, ia matua faamama. o oe
o le puna ma ana, le mataisau sasaa faauto la outou
faimea aua le faafofoga a Samoa.
E i ai le tala faatusa lea ou te faia atu i le ta
Itumalo, aua o Itumalo maotua ia o le Itumalo o le
Minisita o Tupe ma lou Itumalo. E oo mai i le aso
o la e nonofo isi aiga i faasee apa talu mai Valelia
ma Ofa. O le fesili, amuia outou i Apia nei ma le
area i Apia nei, a ta vaai i outou maota ma ouotu
laoa e fepulafi a outou laulau ma o outou tofaga. O
tua o loo tofafa le isi tama ma le isi tina i le fale e
fola i pla maa ae mu i le moli fagu, ae amuia outou
e ki atu lea moli ki mai lea mea. E tatalo atu lau
Afioga i le Minisita, o outou mama na. E tele
faitioga, e tele foi tuuaiga ae sagatonu lava i le tau
faatautaiga o le Malo o Samoa, e manuia ou faiva.
A outou afioga i Minisita o le Kapeneta, e i ai le
upu o le Tusi Paia, ―E viia le tama ona o le atalii‖.
E viia le Palemia ma le Minisita o Tupe ia outou
galuega. ua mavae ao ai o feuu, ua lele le manu ma
lana ia, e tafe tino i vai le Minisita ma lana
galuega, Minisita e, ia outou alolofa ia Samoa.
E tele ni nai mea e fia talosaga ma faufautua atu
ai, ua see lilia foi Ulufanuasese, e tali foi ae popoe
le taofi, punapuna a manufou se leo i la ouotu
faafofoga, ona pau le ea lea Minisita e aemaise lau
Afioga i le Minisita o Galuega, o oe na e tupu mai i
Neiafu, ia e alofa i le ala o lou nuu o Tufu e lei
faia, aemaise o tatou uma mea faapena. E i ai le
upu foi lele: E fai vaai a ma se tau i ai‖ ona pau a
le talosaga faamuamua le mea na e ola mai ai.
Lau Afioga i le Minisita o aoga, faafetai ua e afio
mai, o le aoga Itumalo Junior High ua leva ona leai
se Ulu Aoga. O nai tama ma nai teine o loo
faigaluega ai o loo taumafaia le Aoga. E fiu foi e
tatalo i le Faatonu Sili e alu atu soo e fiu foi e tai
sua ae leai a se Ulu Aoga e avatua. Lau Afioga i le
Minisita o Aoga, ia alofa i se Ulu Aogao le matou
Junior High School. O Au o loo Taitaifono i lena
Komiti ma ua ta alofa i nai tamaiti. O la ua fai nei
le Year 12 ae ta maua atu o faiaoga foi ia.... aua o
lena e te tuu uma a faiaoga lelei i Upolu nei ae
avatu lalikeni i Savaii vaeatu le mamalu o le Fono.
Lau Afioga i le Minisita o Falemai, e i ai le
faafitauli o loo tupu i lo matou falemai, e pei ona
tau maua i le saunoaga a le sui ua avatu mai e leai
se fomai. O lou nuu ma aiga mai Salafai e le o
leoleoa oan o le tofa autasi sa fonoa Matia Matia
Ituau ma tuu le falemai i le Malo. E leaini leoleoga
a tina e toe faia, vagana mea o eka vaeatu le
mamalu o le Fono ma le faamamaina o le lotoa, o
le latou mea lena e fai, ae ua o lava isi tina leoleo
le falemai. O tia la nei ua tutupu ainei le
faalavelave, ua totogi maualuga mai o matou nei e
le leoleo ua manava i le fa ae le...Sa i ai lau mai
vaeatu le mamalu o le Fono i le vaiaso na tea nei, e
avatu e leai se fomai ae fetaui ma le alu atu o le isi
fomai ai o se mea ua galo ona fai atu lea o le tina o
le aiga ma lefanau: ―Fomai, o le mai ua tigaina‖ ae
faafofoga i le upu vaeatu le mamalu o le Fono:
―Tuu pea a oti, oti. Silasila la lau Afioga i le
Minisita i mea matautia o loo tutupu i Savaii> I le
Minisita o loo pulea le vai, ia alofa i vai o le
Itumalo. E pei ona taua e le uso na mavae atu nei, a
sue a se Itu e naumati o le motu o le itu lea o
matou, leaga o le itu na faavae ai mea a le atunuu
ua o uma ma mea ae tuu na o matou.
O le mea lea e tatalo atu ai i lua Afioga i le
Fofoga o le Fono aemaise lau Afioga i le Minisita,
o isi nuu e taifa taitolu vai e vili. E molimau le
Minisita lea sa vili vai, ao le nuu lenei e lei vilia
faatasi se vai. AFai la sa le vilia le vai oan o le leai
o se sui usuofno o lenei Itumalo i le HRPP, o lea la
ua ou sau, ia outou alolofa e vili lo matou vai. Ia
fai uma mea na o eletise ma sei alofa o matou e lua
moli i Neiafu tai, ao le va o matou ma Tufu e
pogisa. A tutuli atu tamaiti e faatau fai mai e fefe o
aitu mea la e i ai, sei alolofa sei tau fai ni moli ma
le alu le tatau atoa ma telefoni ma uaealesi. Ia alofa
lau Afioga i le Minisita o le Malosiaga Tau Eletise,
pau a lea o lau tatalo e fai atu ona o le sefulu aso ia
e tuu ai pili Ona pau lava le mea o le vave ia o le o
atu o le au fai pili ae fiu le mea e sue le mea e
totogi ai le pili. E pei ona maua e le uso na mavae
atu nei e $10 le alu i Salelologa, toe alu atu ma le
meaai ma isi mea ua ova atu i le pili lea, pe leai se
faiga lau Afioga i le Minisita i se fale pe hire se
kamupani poo le a se mea i le Itu Asau sei totogi ai
pili o le Itumalo.
E famalulu atu i lau Afioga i le Fofoga Fetalai
aemaise o le mamalu o le Palemene ma le mamalu
o le Matagaluega, o le a foi se leo ua paopapa poo
se faalogona ua le fetaui i la ouotu faafofoga, ia
malu ave i fale, ia fale i le fale o le Atua. Ia
manuteleina mai le lagi le Fonotaga a le Malo ina
ia laulau i le va ta le ipu i le lau kava ae ta le fau i
le moana, le lau taamu tafea ma le matu nai vasa.
Manuia le Malo.
Afioga TUALA FALENAOTI TIRESA
Gagaemauga Nu.1
Filifilia:
15 Me 1996
Faatauto:
16 Me 1996
Lauga Faataupou:
19 Iuni 1996
Faafetai lava i lau
Afioga a le Fofoga
Fetalai. Ou te tulai atu ma le faaaloalo i luma o le
paia tele o le Maota Faitulafono o le Malo
Tutoatasi o Samoa i Sisifo a le Palemene i lona
Paeaiga Lona Sefululua. Ou te faatulou atu ai ma
faatalofa atu ai i le paia tele o le afio o lau Afioga i
le Sui Palemia, faapea le paia o le Kapeneta,
aemaise foi le mamalu i Failautusi Faa-Palemene o
lo o filifilia i lea tofi taua.
E faapea foi ona ou faatulou atu i lau Afigoa i le
Tama-a-Aiga, lau Afioga Tupua Tamasese o le
Taitai o le Itu Agai, e faapea foi le paia tele o Sui
Filifilia o Itumalo iloga o le tatou atunuu. E faapea
foi ona ou faatulou atu ma faatalofa atu i le paia o
le tapuaiga mamalu a Samoa o le ao mamala, e pei
ona afifio ai ma eetai le paia tele i le Ao Mamalu o
le Malo le Afioga ia Malietoa Tanumafili II, le
Susuga i le Tapaau Faasisina o lo o afio i lona
Nofoa vaevaeloloa na faalogo i ai Samoa, faapea le
afifio o Tama-a-Aiga ma latou Masiofo, e faapea le
mamalu ma le paia o le Fono a Sui Tofia le afio i
Tama Aiga faapea le Afioga i le Aloalii, faapea foi
le mamalu tele o lo o i ai o latou Sui i lene Maota,
le paia lava lea i Aiga ma a latou Tama, le mamalu
foi ia Pule ma Tumua Ituau ma Alataua, Aiga i le
Tai ma le Vaa o Fonoti. Ou te faatalofa atu ai foi i
o tatou uso i le motu i Sasae, e pei lava ona
vaavaalua ai Malo o Samoa i Sisifo ma le Malo o
Samoa i Sasae, i ona tulaga faalupelupeina ma lona
Malo foi o lo o pipii atu i le Malo tele o le Iunaite
Setete, o le paia lava ia Fofo ma Aitulagi Saole ma
Saleaaumua Ituau ma Alataua, aemaise foi le
Launiu na Saelua. O le mamalu i le Manuatele i
tama aemaise Faatui ma Tootoo o le Faleula. Ou
te faatalofa atu foii le paia tele aua Taitai o
Ekalesia o e o lo o nofo tatalo i taimi uma lava o lo
o faamalamalamaina pea lo tatou atunuu i Upu o le
Ola ma le Tala Lelei ia Iesu Keriso. Ona o Au o el
Sui o Gagaemauga Numera 1, ou te taua ai taeao
iloga o le Tala Lelei, e pei o le Taeao i Mataniu
Feagai ma le Ata, Taeao i Faleu ma Utuagiagi,
faapea le Taeao i Malaeola ma Nafoaga. Ou te
fiafia ai e faatalofa atu i lau Afioga i le Katinale ua
ave ma tama o lenei Itumalo aemaise foi o matou
tofi i alii Faafeagaiga i Ekalesia EFKS. E le gata
foii lea, o e o lo o taitaia o nisi o alo o lo o taua i le
tala faa-Kerisiano po o le tulaga faale-Atua o lafu
mamoe, e faapea ona ou faatalofa atu i e o lo o
taitaia Ekalesia o le Au Paia o Aso e Gata Ai,
faapea foi le Lotu Aso Fitu, aemaise le Ekalesia
Metotisi ma le Ekalesia Faapotopotoga a le Atua,
talofa lava. Ou te faafetai tele atu, ona ua avdea
lenei avanoa ou te tulai atu ai e fai ma Sui o le
mamalu o lou Itumalo, ma ou te le it u atu i sou
malosi po o se tasi uiga. Ua ou tu atu ona ua outou
filifilia Au e faaleaga-tonuina lenei tofi po o le
nofoa o le Itumalo i totonu o lenei Paeaiga o le
Palemene, ou te faapea atu ai ma faatalofa atu ai,
tulou lau Afioga i le Fofoga Fetalai, se i ou
faatalofa faapitoa i lou Itumalo, o lo o afio ai le
paia ia Tuala ma Sala o le Aiga Faalagilagi, Aiga
Sa-Tuala e faapea foi o le Faauluuluga o le Aiga.
O lo o afio lau Afioga Sala ma lou Falevalu, faapea
foi lou afio mai Tuala ma lou Falesefulu, aemaise
tulaga o aiga e pei ona o lo o afio Alii, Susu Sauia
ma Gatoealofa, faapea le susu i le Muagututia o le
Tama a Sa-Tuala aemaise le Muliagatele o le ao o
Salemuliaga. O lo o faapea foi ona afio le paia o
aiga, aua le paia ia Sa-Lauano, faapea le paia ia SaLima ma Toleafoa o le toafia o alii, aemaise ia te
oe le Fale-Aana, ou te faatalofa atu. O lo o
alaalatai lo oulua toalua, Tevaga ma Vaifale, o
oulua o Matua Fetalai aemaise le mamalu ia
Salemuliaga. Ou te faafetai atu ma faamalo atu i
lenei avanoa ua tuuina mai ou te tuuina atu ai so
outou suifofoga, o le a lava le mea ua i ai le
finagalo avea ia lou leo e avea ma o outou
siufofoga i lenei Maota taua o le Maota o le
Palemene o le tatou Malo. Ou te faamoemoe foi o
le a outou tapuai mai, Au paaga e, le paia i Tama
Suafa, lau Afioga Sala Leo II, ua tau matuaina foi
lau Afioga i lo outou aiga Sa-Sala, faapea foi i lau
Afioga Sala Vaimili o le sa avea ma Minisita o le
Soifua Maloloina avea ma Sui o lo tatou Itumalo i
tausaga ua mavae. E faapea foi lau Afioga Tuala
Telea, sa tatou tauva ae sa tatou tauva i aga
faatamalii. Ou te faafetai atu ai ma ou te lagona ua
ia te Au lo ouotu faatuatuaga ma ua outou
faamanuia mai ia te Au, ou te faafetai atu ma ou
faafetai i luma o le Atua.
O lau faafetai i luma o le Atua e viia pea lona
suafa mamalu, aua ana le seanoa o Ia e le mafai
ona ou tu atu i el paia i o outou luma. E le gata i
lea, o lo o maua le soifua lelei i lua Afioga i le
Fofoga o le Fono aemaise lo tatou Maota nei, ae
paga lea, ua le nofoia le Nofoa o Tavita ona ua
toesea i lona lagi faatafa le Afioga i lo tatou alii
Palemia, le Afioga i le Tootooalii. Tatou te tatalo i
lenei taimi o le Atua e pulepule tetele i lona alofa
na te le tuulafoaiina Samoa e tusa o talosaga e
tuuina atu, ina ia mafai ona toe faafoisia le lagi
lelei i lana Afioga ua avea o le Taitai o le Malo i
lenei vaitau, ma ia mafai ona toe taliu mai i le lagi
mama toe faafouina o le soifua matagofie. Ona ou
talanoa atu loa lea e tusa o el mataupu ua feagai ai.
E taua foi ia te Au lenei taimi, aua o le avanoa
muamua lava lenei ua mafai ona ou tulai atu, pea
ua taua o se maiden speech pe o se lauga
faataupou. Ou te faamoemoe foi i lau Afioga, afai
ua taua o se lauga faataupou po o se maiden
speech, may I have the privilege pe mafai ona se i
ou saasaa atu laitiiti faataupou ina ia mafai ona e
faatagaina pe afai o le a tele mea ou te fia
talatalanoa atu ai se le lava se taimi e tuuina mai.
Na ona ou talosaga faapena atu i lenei tiami e
valuvalusia ai aa o le fau i lou finagalo ae saolele
le tuamafa i lau Afioga leaga e te pule aoao ia i
matou . O le matua o lau lauga, e pie ona
faamatuaina foi saunoaga i alii Faipule ma e
momoli atu le faamalo, e le mafai ona ou alu loa ae
ou te le i faapea ane faamalo saunoa, faamalo tulei
i Sui mamalu uma o lenei Maota mamalu na
sausaunoa ma faaali mai outou finagalo ma sasaa
mai la outou tofa matagofie ua mafai ona
faamauoaina ai o se lagona ma se taofi i lenei
taimi, faamalo.
O le tala ua oo mai ia te Au i lenei taeao, sa ou
sailiili pe faapefea ona amata atu ona ou soso atu i
luma o lau Afioga i le Fofoga Fetalai ma le
mamalu o le Maota. Ae peitai ua aumai nei ia te
Au i le taeao se lagona ua faamanatu mai i le tala
lea ua tusia i le Tusi a neemia aua ua tatou
malamalama uma lava i le Tusi Paia, ma ua tatou
faaaogaina foi le Afioga a le Atua e fatu ai a tatou
lauga ma e manaia foi lea aua o lo o i ai i totonu o
le Afioga a le Atua ia ni tulaga e talafeagai tonu
lava ma le tulaga ua oo i ai lo tatou atunuu. O lo
tatou atunuu ua Faavae i le Atua, e pei ona sa
filifili ma liuliu i ai le tofa a Taitai o el atunuu ina
ua faatoa faavae mai le Malo ua mavae atu lona 34
tausaga, ma sa latou liuliu ma latou taumafai po o
le fea e aumai ai se manuia mo lenei Malo fou, po
o le a le mea na oo i ai filifiliga a toa magumagu a
Samoa o e ua lagomau i tia. Sa latou faia tuutuuga
ma latou aumaia le faavae lenei ua tatou oaoa ai i
falesiu. O le Faavae, o Samoa e faavae i le Atua.
O lou talitonuga faa-Sui Usufono, pau lava lea o le
mea o le a mafai ona maua ai le manuia o tatou
vaitau. Afai sa taumafai ia Taitai o le atunuu i le
amataina mai, a o ou nofo ma mafaufau ma faitau
atu i tala ma faalogologo, ou te lagona e laitiiti lava
nai tupe sa mafai ona faaaogaina i le amataga e el i
oo atu i se miliona. A o le taimi lenei ma tulaga ua
tatou oo i ai, ua tatou le talanoa i ni sefulu po o ni
luasefulu po o ni afe, ae ua tatou talanoa i miliona.
Ua toeitiiti ona tatou oo atu loa lea e tau le upu o le
piliona, atonu foi o se isi taimi po o tatou lava
taimi o le a amata ona tatou mafaufau i tiliona. O
lea la, e le faigofie le galeuga ua i outou aao ma o
tatou lima. O le tala na oo mai ia te Au i le taeao i
le taimi lenei, o le tal alea i le atiae o le pa i
Ierusalema. O le tama o Meemia sa avea ma tautu
uaina a le tupu, peitai ane na ia lagona le puapuaga
ma le mafatia o lona nuu o sa-Iuta na oo atu ai lona
uso ia te ia ma musumusu atu ia te ia faapena foi
ma isi o lona nuu, ina ia mafaufau mai i le tulaga
ua i ai Ierusalema ma ua tatau ona toe atiae le pa ua
faaleagaina. O leman a fai e lenei taulealea o
Meemia o le amata loa ona tatalo i le Atua, tatalo
ina ia mafai ona aumai faatasi finagalo o lona nuu
ma ona tagata ina ia mafai ona latou faia le galuega
o le atiae o le pa o Ierusalema. E manatua foi o le
nuu lava lenei o Ierusalema na tutulu ai lo tatou
Alii o Iesu, aua na ia silafia ma vaai atu, talofa e, i
le mea na mitamita ai lona agaga ae i ai le taimi e
faaleagaina ai. O le pa la lenei o Ierusalema na
musumusuina ai lenei taulealea e lona uso, ma ona
uso ina ia omai e mafaufau po o le a se mea o le
mafai ona toe atiae ai le pa lenei, tatalo, o le
auupega lea muamua na tuu i ai i le agaga o le
taulealea lenei, aua e leai sona malosi, leai sona
poto, leai sona atamai. O le pogai o le poto ma le
atamai i mea uma e tasi lava, na o le Atua, o Ia o el
Atua e ona le malosi uma lava. Ou te lagona foi o
le mafuaaga lea ua tuu ai e o matou matua ma o
outou tuaa le Faavae lea tatou te o i ai. Na
faapefea la? E le gata ina tatalo ae na galulue loa.
O le atiae o le pa na loto i ai le nuu i le galuega.
Ou te faitauina atu le mataupu e 4 fuaiupu e 6, ―aua
sa loto laa le nuu i le galuega‖ o le upu lea ―loto‖ o
le upu lea ou te fia faamamafaina i le aso lenei, aua
na loto lava le nuu i le galuega. O le loto foi lea na
mafua ai na galulue faatasi ma fesootai o latou
lagona, fesootai o latou agaga, gtuu atu le lima o le
is ii le isi, tuu atu le tauau o le isi i le isi, tuu atu i
ai ma lona fatu ma lona faamoemoe ma lona
talitonuga atoa. O le mafuaaga lea na atiae ai le
pa. Na ati ane e lea, ati ane e lea, sosoo ma le isi
ma e le i valavala ae na matua sosoo faatasi. O le
agaga foi lea ua taua o le faaatoatoaina o le alofa,
aua o el alofa e le gata ina tuu atu ae o le tuu mai
faatoa atoatoa ai le alofa.
Na taua i le saunoaga a se tasi o alii faipule, o le
alofa o lem ea silisili lea. O le Afioga i se tasi o
toe ulutaia o le Fono lenei, na faapa mai o le alofa
e faavae ai mea uma. A aunoa ma le alofa e le
mafai ona lelei Samoa. O lea ou te faapea atu ai, i
le paia tele e le aofia matagi i sou leo, e le mafai
ona ou taea o outou paia ma mamalu, ae peitai ane,
o lenei ua tatou nofoia nofoa o o tatou itumalo ua
le mafai ona i ai so latou siufofoga. O lea o o
outou siufofoga ma lou leo e avea ma mea tatou te
auaufaatasi ai ma fesootai. O a lava faafitauli ua
oo mai i le taimi lenei? E tele nei faafitauli, peitai
ane, a leai se faafitauli o le olaga lenei, ua leai se
malie. O le tagata e aunoa ma ni faafitauli, o le a
leai se mea o totoe ia te ia? Ua tatau loa ona fai se
isi fuafuaga ae le taau ona maua e ia se fiafia i le
soifuaga lenei.
O lea la, ua manaia lava le tulaga ua tatou i ai nei.
O le tulaga ua i ai, ua alalaga nisi faapea ua leai se
tupe ma o le a faatetea tagata faigaluega ma o le a
tele foi ni mea o le a oo i ai. O lau vaai i ai, o le
taimi lenei o le atiae o le pa o Ierusalema. O le
taimi lenei tatou te o ai i le Atua ma tatalo i ai e
faasino mai ala e tatau ona tatou uia.
O le Malo o Samoa o le Malo mo tagata uma. O
le soifua o tagata ua taua lea, aua po o a lava mea
uma tatou te faia, e auga lava i le mea e tasi, ia
maua le soifua lelei, le soifua filemu, le soifua le
faalolo, le soifua le fia taumafa, le soifua le
puapuagatia. O le soifua o tagata uma o el concern
lea a le Malo. O le concern lea a le Itu o loo pulea
le Malo i le taimi lenei. O le concern a le Itu Agai,
o le concern lea a Sui mamalu Tutoatasi po o i
tatou uma lava. Ia soifua Samoa i lo tatou taimi. E
soifua faapefea? O le tupe, ua faapea mai le Tusi;
―O le pogai o mea leaga uma.‖ Ua tatou iloa lelei
le mea lena. O faaosoosoga ua faaosoosoina ai
tatou peitai ane, afai tatou te faasoasoaina lelei a
tatou tupe ua tuuina mai ia tatou, e pei ona saunoa
le Sui o Faleata Sisifo; ―Ia tipi pe oti lo tatou
peleue, faatatau i le ie ua tatou maua i le taimi
lenei. Aua o lenei vaitau ua le pei o taimi ua
mavae. O le gaogaosa, tulou ma le felefele o mea
ua i o outou aao ma la outou silasila, ua matua
faigata ona tau tuu faatasi ma tau faavasega. Afai
lava tatou te galulue faatasi i le agaga o tatou uma
lava e tatau ona tatou galulue faatasi. Ua tofu le
Sui Faipule ma ona manaoga e tuuina atu i le
Malo. O auala, vai, eleele atoa ma aoga, o falemai
ma tulaga uma faapena ua tatou iloa o le a fai sa
outou faavasegaina ma o le a filifili (prioritiese),
aua o le tasi lea vaega ua oo mai i le Performance
Budget lenei ua eagai ma i tatou o le filifili ma saili
po o a galuega e silisili atu ona taua e fai muamua,
o a galuega e sosoo ai a o a galuega e pito atu i ai.
Atonu o le tasi lea itu taua ua aumai ia i tatou.
Afai la ua outou silasila ane i o matou manaoga ua
tuu atu i outou luma, ia outou finagalo alolofa, aua
le filifilia na o manaoga o e o lo o i le Malo i le
taimi lenei, ae ia outou alolofa lautele i o tatou
tagata uma. E tatau ia Samoa atoa ona maua le
soifua lelei ma le soifua faamanuiaina ina ia outou
silasila ane i a matou talosaga ua tuu atu i ina, atoa
ai foi ma Au talosaga o le a tuu atu nei. Aua o Au
foi ia e tatau ona ou talosaga e le gata ina ou fiafia
ma ou manao ia maua le soifua lautele o Saoa i ona
tulaga eseese, ae tatau foi ona ou faalogo i le oi
mai a lou itumalo.
O le a tuu ia isi mea na ou manao ou te tautala i ai
ae o le a faasolo atu lo Au talosaga. O lau talosaga
faamolemole, ua outou silafia o lo matou nuu o
Leauvaa o lo o lotolotoi i le Tuamasaga ma e leai
ni eleele. Sa i ai ni talosaga na faia i aso ua mavae
i le eleele lea o Faiga o lo o pipii mai tonu lava ia i
matou i uta i le Uaealesi. O le mea lea ua oo i ai ,
faafetai sa ou faalogo atu i le Sui o Vaimauga i le
faiga o eleele ua ave i isi tagata. O el tulag alea ua
i ai Fiaga i le taimi lenei o fanua tau le Esetete
Tausi. Afai ua talepeina Esetete Tausi, tulou, ou te
talosga atu foi la sei alofa mail au Afioga a le alii
Sui Palemia, ia alofa mai i le oi o Au nei o lo o ou
oi atu faamolemole ua leai se mea ou te nofo ai ona
ua pipii mai fanua nei i Fiaga tau le Esetete Tausi,
sa ave atu i se alii e pulea le Fale Peepee. Ua uma
lona fiafia e faaaoga le eleele lenei, o lea ua tuu atu
i le isi ma le isi. O lea la ou te vaavaai atu ua uma
le isi tuu atu i le isi ma toe tuu atu i le isi, ae a
faapefea Au lenei ou te manavanava atu ua ou
manao e fia maua se mea e fai ai sau atiina ae ina
ia mafai ona ola ai ma soifua ia tagata o Samoa e
pei ona i ai lou itumalo? O lau talosaga lea, tuu
maia sia vaega eleele se i ou galue ai ona e leai se
eleele o lea matou te nonofo i Tuamasaga, ua talia i
matou ma ua matou auauna foi ma ua matou tautua
i Tuamasaga ma lo tatou Malo.
O le eletise: O le taimi a o le i faia le palota e le o
se campaign le vaega lea ou te talanoa atu ai a o
mea sasao lava. Ua tatuu uma niu i le ala faalava i
Leauvaa ma le faamoemoe o le a ave atu pou moli
e faatutu e fai ai le eletise. E oo mai i le taimi lenei
ua pei se malae tutuu le mea o i ai ae leai se moli,
leai se pou moli. Se faamolemole lau Afioga i le
alii Minisita, o oe foi e te tau mai i le nuu lenei.
Aua e te ma, aua e tatau ona ou tau atua mea moni.
E faapea foi le vai. Ou te masalo pen a o se lua
vaiaso i se tausaga e maua ai vai o lo matou
itumalo i uta i le Uaealesi seia oo mai i le auala ma
le auala faalava lea e fai ai le auala-galue i totonu o
Leauvaa. E leai se vai e maua. O le isi taimi e lua
lava aso na maua ai vai o le isi itu na o le Aso Tofi
ma le Aso Faraile na fai ai le palota i le tausaga
lenei, ua le o teo i ai foi se vai. O le taimi lenei e
leai ma se vai o i ai. Faamolemole lau Afioga a le
Minisita, e mafai ona ta o ta te asiasi i ai i se taimi
e te finagalo ai.
E faapena foi auala: O le auala lea na faia i le
taimi lea e motumotu le faiga, ou te le iloa pe aisea
pe o ni aiga na filifilia pe a, a o lou agaga e tutusa
tagata uma e tatau ona i ai le fesoasoani mo tagata
uma lava. E le tatau ona i ai se faailoga tagata.
Faamolemole lau Afioga i le Minisita, o le auala
lea ua sili atu ona palapala i lo taimi ae le i suaina
isi vaega o le auala. E mafai foi ona ta asiasi i ai
ma se i e alofa mai.
O Savaii: O le nuu o Patamea pe tolu ea moli la e
i totonu o le aai, a o uta i le mea o lo o fai ai le
galuega o le falesa a le Ekalesia Mamona, se i
faamolemole ua manaomia tele se fesoasoani ina ia
faaauau atu le electrification programme i ina. E
mafai foi ona ta o i ai i Savaii pe afai e te fia
silasila i ai, aua e tasi foi lena vaega o oe tulou, e
faapena foi ma Samalaeulu. E faapea foi i auala.
O auala foi ia na faia ae e le i faaleleia, na ona sua
lava ae e le i faamaeaina. E faapena la ma moli, ia
alolofa mai se i fai maea a tatou galuega.
E le i oo atu lau tautalaga i nisi o tulaga sa ou fia
tautala i ai e uiga i le aoaoina ma tulaga i e o lo o
galulue. E ave atu ia lau faafetai e ui ina ua le
faatagaina Au e le Afioga i le Fofoga Fetalai e
faaauau lou 30 minute, aua ou te iloa e puupu lava
le 30 minute lea na tu mai ia te Au, ae ou te malie i
so o se mea ina ne i te i ua tuli Au i fafo ae le toe
faatagaina Au i se isi taimi. Ou te faafetai atu i le
Malo e tusa o galuega lelei ua uma ona faia, le
aufaigaluega, o Ulu o Matagaluega. O lou agaga
ou te lagona, aua o i tatou uma lava na galulue i
galuega eseese e faapea foi ma le private sector. E
faamoemoe o le a i ai ni mea lelei e faaleleia ai le
purchasing power o tagata uma ina ia mafai ona
atia‘e lo tatou tamaoaiga i totonu o Samoa. Ua
faafetai atu lau Afioga i le Fofoga Fetalai le
faapalepale mai. Ia manuia le Maota.
Afioga Hon TUALA SALE TAGALOA
Anoamaa Sisifo
Filifilia:
15 Me 1996
Faatauto:
16 Me 1996
Lauga Faataupou:
20 Iuni 1996
Lau Afioga i le
Fofoga Fetalai, lau
Afioga i le Sui Palemia ma le mamalu o le
Kapeneta, faapea foi Failautusi faa-Palemene. Lau
Afioga i le Taitai o le Itu Agai, aemaise o le
mamalu o sui faipule o le Maota. O le a ou le toe
faapaopaoina faatupe ua muli le paia o le taeao na
liugalua, aua o paia lava mai le vavau e oo i le
faavavau. Ua fofoga foi le Lana Afioga Mamalu O
Le Ao o le Malo, le Tapaau Faasisina Susuga
Malietoa Tanumafili II, faapea Sui o le Fono a Sui
Tofia ia oulua Afioga i Tama a Aiga ma lau Afioga
i le Aloaii, lau Afioga i le Faamasino Sili ma le
mamalu i le Faamasinoga a Samoa i Sisifo. Afifio
Sui o Malo mai fafo ma Faalapotopotoga a le
lalolagi. Afifio foi Faauluuluga o Matagaluega ma
Faalapotopotoga Tumaoti a le Malo faapea foi le
aufaipisinisi. E faapea foi lau tapuaiga Samoa i le
afio o Aiga ma a latou Tama, Tama foi ma a latou
Aiga, Usoga Tumua ma Pule, Ituau ma Alataua,
Aiga i le Tai ma le Vaa o Fonoti. E faapea foi i lau
tapuaiga Samoa i le afio o Aiga ma a latou Tama,
Tama foi ma a latou Aiga, Usoga Tumua ma Pule,
Ituau ma Alataua, Aiga i le Tai ma le Vaa o Fonoti.
E faapea foi le paia i le aufaigaluega a le Atua i soo
se fata faitaulaga, o loo nonoina ni manuia aua
Samoa, magalo ia le leo o le auauna. E tusa ai o
tulaga o tofiga, o le a taumafai atu ai se
faamatalaga e tusa ai ma mataupu sa laga i
saunoaga a sui mamalu o lenei Maota.
Lau Afioga i le Fofoga Fetalai, atonu i le matau
atu o loo afea i finagalo o sui mamalu lenei
Matagaluega o Eleele, Fugafanua ma Siosiomaga
le tulaga i talosaga i fanua o le Malo e faamatuu
atu aua afioaga ua le lava eleelee tua i ai. E le o po
se lilo i lenei Maota, e fou le tulai atu a la outou
auauna, ao lenei lava mataupu ua loa ona tuuina
mai o lea ua i ai le fuafuaga e toe faamaopoopoina
uma lava talosaga atoa ai foi ma le tuuina atu i
luma ole Komiti Faatino o Eleele a le Malo mo
sona finagalo. E le gata i talosaga a afioaga a ua
faapea foi i talosaga a le mamalu o le atunuu, o lea
ua galulue i ai le Matagaluega o le a faapea ona
fofoga aloaia atu i auala masani le faagasologa o
lenei galuega.
O le mataupu sa laga e le sui usufono mo
Vaimauga Sasae, Tofa Matataualiitia, atonu o lena
ua fofoga o lea ua galulue le Matagaluega ina ia
mafai ona vave malamalama le tulaga o le mataupu
sa e saunoa i ai. Ou te faamalulu atu i le mamalu o
le afioaga o loo aafia i lenei mataupu.
Lau Afioga i le Fofoga Fetalai, e avea lenei
avanoa e momoli atu ai le agaga faafetai i le
Matagaluega i lau Afioga i le Faatonu Sili, nofo a
tofi ma le mamalu o le tatou Matagaluega. Faafetai
i lau tapenaga e pei ona faatino i le Tala o le Tupe,
ua i luma o le tatou Matagaluega. Faafetai i lau
tapenaga e pei ona faatino i le Tala o le Tupe ua i
luma o le Maota, malo le faasoasoa, malo foi le
faatoatoa. Faafetai i le laufofoga fiafia ma le agaga
galue, tautua malo ma le tautua atunuu, ia aumaia
lou aao ma tuu atu lou lima, tatou o faatasi i le
Atua o le faauluuluga lena o le tatou Matagaluega,
e maua mai ai sou silafia ma sou iloa, e faatino ai
la tatou tautua ua lautogia ai lo outou mamalu ma
tofia ai lou nei tagata. O le paia maualuga i
Faauluuluga o Matagaluega ma Faalapotopotoga
Tumaoti o le Malo, faafetai i le tofa manino ma le
faautautaga loloto o loo faatautaia ai galuega, o le a
faamoemoe tasi atu i la outou tofa faatupu ma le
tofa faatamalii, e masuiga malie ai mea uma lava
aemaise lo outou galulue vavalalata ma le Ofisa o
Tupe faapea le Matagaluega e Pulea le
aufaigaluega a le Malo mo se manuia o Samoa.
Lau Afioga i le Fofoga Fetalai, e pei o le itulagi
lea o le a ou ae i le ti ae ifo i le nonu e pei o le
fetalaiga ia Liamanaia ma Nonumaifele. Ia le paia
o lou Itumalo o Anoamaa Sasae i le afio o le
Taofia a Malietoa Taulapapa, afio Tupo o le
Aloalii o le tama o le Taotolima a Galumalemana,
Susu Usoalii taua ma e na Au i Ao, alaalatai oe Sa
Leutogipoe na Limamatua i ai Faleupolu o tofiga.
O le afio o Sa Taulapapa faapea Faatua ma le Gafa,
le Faga i Uta ma le Faga i Tai, susu foi Tapaau o le
lupe na seu silasila i le niu Tuiatua, faapea Oe na
mua i malae ma le mamalu i Ituala. Afifio alo o
Taulapapa, alaalatai le mamalu ia te oe le
Amomua, afifio le aiga o Mavaega, la oulua toalua
Maoga ma Tagaoloma faapea Ituala ma le
Amomua, a oulua Susuga i le Ie e lua, o le Tagaloa
ma le Sagapolutele o Tulaniu o Atua, o tama a le
Malo, o le Taofia ma Usoalii, tainane le nofo a
ituaiga ia Saoluafata, i le Matua o Fineitalaga ma le
Nofo a Ituaiga faapea lo outou Maopu, le toafa ma
Salelesi ma lo outou Maopu. Afifio Afioga ia
Tululautu ma Teuielilo ma lo outou nuu paia, o le
mamalu tele i faletua ma tausi, saoao ma tamaitai
faapea aumaga aemaise lava le paia maualuga i
Faafeagaiga taulagi o lo tatou Itumalo. I lau
Susuga i le Toeaina, lau Afioga i le Sui Epikopo, le
mamalu tele i le aufaigaluega ma o outou faletua
aua o ai ea le tagata? O ai foi le atalii o le tagata ua
ouotu manatu ane ai? O se faatalauula atu o se
agaga fia tautua i le Itumalo ma le tatou atunu e ala
lea ile tofi faipule. O lea ua e tali mai, malo pule,
faafetaima faafetai, tau ina ia mauteleina lau
tapuaiga lou Itumalo. Ae faatai la ma le leo o le
auauna ma ou avatu malu i puega i lau Afioga i le
Fofoga Fetalai ma le mamalu o sui usufono o le
Maota, faapea le tapuaiga a Samoa, afai ua laavale
se upu poo ua sala se gagana, alofa ia famagalo le
auauna. Ia manuia galuega o le Maota, ia alofagia e
le Atua le toesea o le Afioga i le alii Palemia, ia
auala lona alofa i aao o alii ma tamaitai fomai, toe
feiloai i le manuia. Ia manuia lau tapuaiga Samoa.
Tofa TUUU ANASII LEOTA
Itumalo
Faaalalafaga:
Siumu
Filifilia:
28 Setema 1996
Faatauto:
29 Novema 1996
Lauga Faataupou:
24 Fepuari 1997
i le Fofoga Fetalai mo le avanoa ua maua e lou nei
sui usufono mo lenei foi Itumalo e avatu ai foi se
manatu ia po o se motugaafa foi i le Tala Faatatau
Faaopoopo o le tupe ua opea nei i le Maota.
Ua i luma o le Atua ma ua molimoli foi laau i
Fogaa i le viiga ole Atua i lenei taeao, i la tatou
faafetai aemaise la tatou faanaunauga aua le Atua
ma lona agalelei, tatou faliu ia i Va o Liu e pei ona
momoli le faafetai ae tatou te le faamutaina ai le
agalelei ma le agaalofa o le Atua. Ua tafa lelei ata
ma ua togo lelei malama i lenei taeao fou ua
momoli mai ai e le Atua lo outou soifua i lo outou
ee i le lagi e mama ma le soifua maua. Ia saga
faatele pea le viiga o le Atua e pei ona malele lau
Afioga i le Fofoga Fetalai. O lau faafetai e
muamua pea ona sii ae i le Tama oi le lagi, ae ou te
fia vivii pea lava pea i lona Suafa Mamalu, aua o
lona finagalo ma lana filifiliga ua mafai ai ona ou
tulai atu i luma o le Palemene ma le Maota o se Sui
Faipule o le Malo Tutoatasi o Samoa i lana Paeaiga
Lona 12 lenei.
Ia avea foi lenei itula ma lenei avanoa ou te
molimoli atu ai lau faafetai ma lau faamalo i le
aufaigaluega paia a le Atua i fata faitaulaga e fia, o
lo o tala faauto i itu e fa o Samoa, i lo outou galue
punou ai aua se manuia lautele o Samoa ma le
atunuu atoa. I aso uma e le aunoa, o lo o outou sii
le viiga ma le faafetai i le Atua i lona agalelei ma
lona agaalofa ia Samoa i aso faisoo. E le o aunoa
foi la outou galuega i le talosiaina mo faamagaloga
mo Samoa, e le o aunoa foi a outou talosaga mo ni
faamanuiaga mo Samoa. Faafetai tatalo, faamalo i
galuega ua lelei ma ua maeaea ona fai.
Ia taoto ia faagalu e le fati o le tai sua, paia ma le
mamalu o le Maota lenei ma le Palemene lenei,
afio lau Afioga i le Alii Palemia, lau Afioga i le
Tootooalii, lau Afioga Tofilau Eti Alesana, afifio
Afioga i Alii ma le Tamaitai Minisita o le Maota,
afio lau Afioga i le Fofoga Fetalai o le Maota, afio
foi lau Afioga i le Tama-a-Aiga, lau Afioga i le
Tuiatua Tamasese Efi o le Taitai o le Itu e Agaia le
Malo, afifio Sui Usufono mamalu o Itumalo o
Samoa atoa, susu lau Susuga i le Failautusi o le
Fono Aoao o Samoa aemaise o le mamalu o le
Ofisa o le Fono.
E faatalofa faatulou atu foi i Ulu ma Faauluuluga
o Matagaluega ma Faalapotopotoga tumaoti a le
Malo aemaise foi o ulu o kamupani ma pisinisi
taitoatasi.
Ou te faatalofa faatulou atu i lau tapuaiga Samoa,
i le afio o lau Afioga i le Ao Mamalu o le Malo,
lau Susuga i le Tapaau Faasisina, lau Susuga i le
Malietoa Tanumafili II na e afio i lou talaga atoa
ma lou fala na fola loa, na e ee i lou nofoa
vaevaeloloa e faalogo ia oe Samoa. Afifio Afioga i
alii, i Sui o le Fono a Sui Tofia ia oulua Afioga i
Tama-a-Aiga aemaise foi le Afioga i le Aloalii.
Afio lau Afioga ile Faamasino Sili aemaise le
mamalu o le Ofisa o Faamasinoga, o le paia lava
lea i Aiga ma a latou Tama, Tama foi ma a latou
Aiga. Le mamalu o le Usoga a Tumua ma Pule,
Ituau ma Alataua, Aiga i le Tai ma le Vaa o Fonoti
aemaise foi le tapuaiga ia Tutuila ma Manua. Le
afio o lau Afioga i le Kovana, le Kovana Lutena, le
Fofoga Fetalai ma sui o Maota e lua, paia lava lea
ia Sua ma le Vaifanua, Fofo ma Aitulagi, Saole ma
Saleaaumua ma le Launiu na saelua, Tama a le
Manuatele Tootoo o le Faleula. Ia o ou paia
sausaugata ia Samoa e faigata o oe o le ia e iviivia,
e leai se poto leai foi se vave e mafai ona toe suia,
faaopoopo pe toe toese ni ou paia ma ni ou
mamalu. Aua o ou paia e mai le vavau seia oo i le
faavavau o mamalu e mai le amataga seia oo lava i
le gataaga.
Lau Afioga i le Fofoga Fetalai, o le a le laa loa le
lauga a le tamaloa ae sei ou liliu ane leaga e faigata
le tapuaiga a lou Itumalo, lele ua leva ua taliga mai
i se taimi ma se itula se aso o le a faafofoga ai i se
leo o le latou Sui Usufono na fulisia i ai le latou
lagolago. Ia lou Itumalo pele o Siumu, paia ia Sa
Asomua ma aiga e lua, lau fetalaiga Tuuu ma le
tou aiga Sa Tuuu, le fofoga o le Alataua, lau
fetalaiga Lio, le falelua o tulafale Utaileuo ma
Faletolu aemaise foi le tapuaiga a Faletua ma
Tausi, saoao ma le aumaga ma le malosi o le
itumalo. E le faagaloina foi le mamalu o le tatou
Itumalo o lo o alaala i o latou itu taulagi o aiga o
uo ma e masani, e sa latou lagolago malsoi ia te au
i faiga palota ua tuanai. E le faagaloina foi le
tapuaiga i le aufaigaluega paia a le Atua, o lo o faafaletuluia i totonu o le tatou Itumalo, i le amata mai
Siufaga ma Saumolia seia paia Faitele. Lau
Susuga Tusani Faafili ma le Faletua, lau Susuga
Ulavale ma le Faletua, faapena foi lau Susuga Tuia
Peseta ma le faletua ia aemaise foi lau Susuga
suafa Mulipola ma le faletua. Ua ou le maua po o
ai ua sui tulaga i le Susuga i le Epikopo i totonu o
le itumalo, i le Susuga ia Taimane Brown ua maliu.
Faafetai mo talosaga, faafetai mo la outou galuega
o lo o faia pea, pea lava pea aua le talosiaina o
manuia o le tatou Itumalo. O upu a e fai i le tatou
Itumalo, - Ia o ai na manatu o le a sii le fale o
Asomua i luga o le mauga. Faafetai i la outou tofa
faatupu, la outou tofa faatamalii, la outou tofa faafaleupolu. A lea ua outou filifilia ai au o se tagata
faatauvaa ma le vaivai ae ua tou filifilia e fai ma
auauna e molimolia so tatou finagalo i Upufai a le
Malo.
O tofiga a Asomua na fai i le fetalaiga i le tula,
Tuuu sau ina e alu e te alaala i Mulivai o le Maota
o tofiga e faaae i ai le vagatai, faaifo foi i ai le
vagauta o le salututu ma le salutoto a sulu a i ai le
pagota ua ola. Tuuu ia e alofagia le fanauga a
Asomua, Sa Asomua ma aiga e lua ma le mamalu
o le tatou Itumalo, o le a faapena ia ona fai, tapuai
mai, tatalo mai , o le a ou faamoemoe ia outou
talosaga, aemaise o lau tapuaiga e manuia ai lau
lauga e nanea ai foi ni au upu, ma maua ai ni ou
manatu lelei aua le tatou faamoemoe i se manuia
lautele o le ta Itumalo, aemaise o Samoa atoa.
Lau Afioga i le Fofoga Fetalai, ona o tulaga faaPalemene lava ma aga faa-sui usufono, ona o lau
uluai lauga foi lenei i le Palemene lea ua laulau
vivilu o le lauga faa-taupou; ia o aga lava a le
taupou a laga i luga laga i lalo, laga ane tua po o
luma ane sisiva foi tua, ia pau lea o lou avanoa e
uma loa le taimi lenei, muta loa lou taupou. O le
Tautai Matapalapala o se suafa matai o lenei
itumalo. Tofilau ua tofotofoina ea faafia lou
taitaiina o le Malo? Pe faatasi, faalua, a lea e te
tulai manumalo ai lava ―Tofilau, o oe lava o le
tautai matapalapala, e faigata ona toe soloia lou
tofi.‖ Aisea? Ona o le tofiga mai le Atua. Ua
totofi ma filifilia oe e le Atua e te taitaiina Samoa
ma lana faiga Malo.
Lau Afioga a le Fofoga Fetalai e muamua ona ou
faafetai i le Afioga a le alii Palemia ma le mamalu
o le Kapeneta faapea le faiga Malo mo galuega
lelei ma le matagofie lea ua tatou oaoa ai nei i
Faleseu. O auala ia ua soo ai Samoa; le eletise; le
vaipaipa ma telefoni ua faasolo atu i itumalo uma.
O mea sa avea ma faafitauli i tausaga ua tuanai.
Faafetai i le Malo, o lea ua faataoto alafua o
galuega a le Paeaiga lenei mo le lima tausaga o
lumanai nei. O lea ua faatauaina ai le soifua
maloloina lelei lautele o le atunuu aemaise le
aoaoina lelei o alo ma fanau o le atunuu. O nei
fuafuaga ua matua talafeagai aua foi, o se atunuu e
soifua lelei ma ola maloloina ona tagata, o le a
faapena ona faataunuu fuafuaga e pei ona i ai ma
talafeagai ai le siisii ane i luga o le tulaga o le
soifuaga. O se atunuu soifua maloloina lelei, o se
atunuu lea o le a puipuia lelei le soifua malolina. E
pei o le mau a alii fomai; E sili le puipuia na i lo le
togafitia. E talitonu le faamoemoe e uulima le
soifua maloloina ma le aoaoina, aua a aoaoina lelei
e faapena ona popoto alo ma fanau latou te talai atu
le tulaga o le soifua lelei. A popoto alo ma fanau
ua mafai ona talai atu le manuia o fuafuaga lautele
mo tulaga o le soifuaga. E mafai ona ou aumaia le
muagagana a le atunuu o Saina ua faa-Peretania e
faapea: ―To give a man a fish, you will feed him
for one day; but if you teach him, educate him how
to fish, you will feed him for many days.‖
Lau Afioga a le Fofoga Fetalai ou te le toe
taumafai e faalautele atu aua ua silafia e le mamalu
o le Palemene. A o le tulaga e fia faamamafaina o
le aoaoina lelei. Ua faatauaina mai e le muagagana
a Saina le tulaga o le aoao atu, aua o lo o masani le
atunuu afai lava e sau le asamoaga a lea, ua ave i ai
se aufai (tulou), afai e uma, e toe sau foi i le isi
vaiaso. Peitai, afai e aoao lelei le tulaga tau
faatoaga, aoao lelei ina ia poto e fagota, o le a
faapena ona le toe fia ai ia i le soifuaga atoa.
Ou te amata mai i talosaga ma manaoga a lou
itumalo aua o mea lava nei e talitonu o mafuaaga
na tatou o mai ai i le Maota nei e talosagaina ni
faamanuiaga o itumalo taitasi. Afai ou te talosaga
atu ai, o le a faapea lava ona manuia lou itumalo
faapea foi se vaega o Samoa. Afai e galulue
faatasi uma sui usufono e 49 o le Maota lenei, ua
tofu manuia uma lava. O le manuia la lea, ua
faasafua atoa o le manuia mo Samoa atoa.
Lau Afioga a le Fofoga Fetalai, o le a ou amata
atu i le Minisita o le Soifua Maloloina aua o lea ua
faatauaina i lenei vaitau. Lau afioga a le alii
Minisita, ua uma ona feiloai ma ua i ai
faamaumauga a le Matagaluega, o se fomai mo
lenei itumalo. Ua loaloa foi le vaitau e le o i ai se
fomai ma ua faapena ona tuliloa mai e e gasegase o
lou itumalo le falemai tele i Apia. A o faafofoga
mai lou itumalo, o la ua i ai le fuafuaga a le Komiti
i Siumu Sasae o le a faamauina le Komiti i lalo o le
Matagaluega o Tina ma Tamaitai, ae ua tatou see
ese ma Komiti Tumama. Ua talitonuina ua i ai
faafitauli ua felavasai i tiute tauave o ia matafaioi
ma lou Itumalo. O a ni fuafuaga o a foi ni
faamanuiaga e ono maua atu i le Malo, ia e ala ona
ala atu e mo le manuia o le Itumalo lautele ia ae le
mo se vaega toaitiiti. O le talosaga lena i pitonuu o
le matou Itumalo amata mai Saaga, Siumu i Sisifo
ia ma Maninoa. Omai e opogi le tatou Komiti, aua
a manuia e faapena ona tuumamaina avega e pei o
le faamamafa o le totogi o lo o tuuina atu i e le fai
Komiti. Aua o faamaumauga ia e maua mai le
$5.00 e fai Komiti ao e le fai Komiti e $20.00. Ua
avea lea o se tulaga ua le fiafia ai le mamalu o le
tatou Itumalo ona o le le faaaogaina tonu lea o le
tatou falemai. O le mea ou te talosaga atu i le tatou
Itumalo, sagai ane tatou galulue faatasi ma fai le
tatou Komiti aua le alu i luma o le Itumalo.
Lau Afioga i le Fofoga Fetalai, o le faatulagaina o
Falemai faa-Itumalo i le itu i Saute o le motu nei
sei amata mai i Lefaga, Fusi Safata, Poutasi
Falealili. Faatoa maua le isi Falemai faa-Itumalo i
Lalomanu i Aleipata. O le talitonuga la o lenei
Usugafono o lenei faataatiaga o Falemai faaItumalo na mafua mai ona sa tasi le ala sa ui mai
Leulumoega ona faapena lea ona taamilomilo ane i
Safata ma Falealili. Ia a o lenei la vaitau, o lea ua
asa nei le tuasivi i Falealili, Apia i Siumu pe tusa o
le 15 minute. O le talosaga la ma le fautuaga a
lenei usugafono pe le i alagatatau ea ona siitia le
tulaga o lenei falemai i se tulaga faa-itumalo? Aua
foi ua i ai le talitonuga ua faigofie auala ona ui mai
Siumu agai i Apia na i lo le tulaga sa i ai i tausaga
ua tuanai. O le talsoaga i lau Afioga pe ua tatau
ona siitia i luga le tulaga o le falemai o lenei
itumalo ma ia faatotogaina foi i masini faa-onapo
nei ia fau ai ma se fale fai nifo sei tulou, se tasi aua
o lea ua maua ua tele a tatou Fomai Fai Nifo, ia ma
fai ai ma se Fale Tala Vai. O le agaga lava o lenei
usugafono ina ia faamama le avega i le
Matagaluega, aua foi o lo o maua mai e le o i ai foi
ni fomai i Falealili faapena foi ma Safata. O le
faafitauli ua tulai mai e faigata i nai alii fomai ona
nonofo mamao tele i tua, ae peitai ane o Siumu ua
faigofie. E i ai le talitonuga i nai alii fomai ma
tamaitai fomai ua tele o latou aiga i Apia ma ua
faigata foi ona nofo mamao ma aiga i Apia nei.
Afai e nofo se fomai lelei i Siumu o le a faapena
ona afifio mai i ai Safata ma Falealili. Ou te
talitonu o lo o lagolago mai le Afioga ia Palusalue
ma le Afioga ia Leilua Punivalu i lau talosaga. E
talitonu e malosi le finauga o lo o taumfai atu i ai,
aua a faatulaga le falemai i Falealilii, e faigata ia
Safata ona agai i Falealili e faapena foi ia Safata e
faigata; a o Siumu, o lea ua tu nei Siumu i
fetaulaiga o magaala, i le sau mai sauté sasae ma
sauté sisifo.
Sa ou manatu o lo o maua mai e le sui mamalu o
le taupou lea e tulai atu. Lau Afioga a le Fofoga
Fetalai, o lipoti faale-tausaga mo falemai faaitumalo a le Ofisa o le Soifua Maloloina, o lo o
tulai mai ai se pasene tele o le le faaaogaina lelei
atoatoa o falemai faa-itumalo, o le ‗under utilized.‘
O mafuaaga o le leai o ni alii ma tamaitai fomai ma
ua faapena ai ona agai sao mai gasegase i Apia ma
ua tulai mai foi faafitauli ia o le tau faatalitali o ni
fomai e vaaia i Apia. O le manatu la o lenei
usugafono, afai e lelei ona fai Siumu ona gasolo
uma mai lava lea i ai o Safata ma Falealili ma e
poloka ai i ina; aua a fuafua atu i le faitau aofai o
tagata o lo o alaala i le itu i sauté nei, ua lua sui
usufono o Safata, lua foi sui usufono o Falealili. O
le mafuaaga lea ona o le toatele ma ua tupu le
faitau aofai o tagata. Ou te talitonu o le 50% o
tagata i Motootua ua mafua mai ona o le gasolo
mai o le itu i sauté o le motu nei. Afai o lea, po o
le i ai o fomai, e leo fai Komiti uma itumalo aua a
alu atu le tina e fia vaai le fomai ae fai mai e $20
ona manatu lea o le mai e sili ona vaai se fomai i
Apia na i lo le taugata tele o le tau e tuuina mai. O
le isi tulaga ua tele ina tofu taavale aiga ua faigofie
ai ona femalagaai mai i Apia. Ou te talitonu afai e
siitia le tulaga o le falemai i lenei itumalo o le a
mafai ona foia lea faafitauli ma e fesoasoani foi i le
Matagaluega i le faaitiitia o galuega i le falemai
tele i Motootua.
Lau Afioga a le Fofoga Fetalai, o lo o ou i ai pea i
le Matagaluega o le Soifua Maloloina. E momoli
atu le faafetai i le Afioga a le alii Minisita o le
Soifua Maloloina aua o lo o molimauina pea
galuega lelei o lo o taumafai i ai. O nei lava tulaga
uma e fuafua lava i le seleni e maua e mafai ona
faamatuu atu e le Malo i lau Afioga ma le
Matagaluega e faatino ai galuega. E ui lava i ni
talosaga e tuuina atu ae faigata ona o le utiuti o le
faasoa ma le seleni a le Matagaluega ae na o ni
manatu e tuuina atu i tafatafa o lau Afioga. O le
tulaga o i ai, e le o lava masini faaona-po nei i le
falemai ma e ui lava ua tele le tomai i alo ma fanau
o fomai ae o le tulaga pagatia e le o lava masini e
faaaogaina. O lo o silafia, ua tele gasegase ua sii
atu i fafo ona o le leai o ni masini talafeagai mo
taotoga i Samoa nei. Ua silafia foi o taotoga na
faia i aso ia e matuia pe a fai taotoga ae o le vaitau
lenei e i ai masini e pei o ni moliuila e na ona ki
lava ma togafitia le gasegase. O le talsoaga la i lau
Afioga, ia tau saili ane ia masini ina ia foia ai ia
faafitauli ma ‗aua ai nei toe siitia ni gasegase i
fafo.
I le tulai mai o le Tala Autu o le Tupe 1996/1997,
ua tulai mai ai, e $18 miliona ua fuafua e le
Matagaluega mo ana galuega faatino. Peitai, e na
o le $1 miliona ua fuafua e maua e le Matagaluega
e fuafua mo ana galuega. Ua o se tulaga ua le auau
ma o le tulaga lea e umi ai lau tautalaga, e momoli
atu ai le faafetai i le Malo aua o le tele o fesoasoani
a le Malo o i ai nei, e fesoasoani lava i le
faatupeina o togafitiga ma vailaau o tuuina atu i
gasegase. O le toto maualuga ma le mai suka, o
lea e ave fua i ai vailaau e togafitia ai ia gasegase.
Faafetai i lau Afioga a le Maopu mo le lafo ae o
le a ou taumafai e faapuupuu atu lau lauga. O lau
fesili atu i lau Afioga a le Minisita pe le i tatau ona
i ai se Komisi latou te sailiili maeaea ma faataoto
ni alafua talafeagai o tau o galuega faatino taitasi i
totonu o le Matagaluega? E pei o se faataitaiga o
alii fomai taitoatasi i tua, o lo o latou piliina
gasegase o lo o gasolo atu ia latou ona latou omai
lea faaaoga X-rays ma le fale suetoto a le falemai
tele, ae le o maua ai se vaegatupe a le Malo. E
faapena foi i talavai, e masani ona pei e eseese tau
o vai i lea taimi i lea taimi. Na o ni vaega e tuu atu
i lau Afioga, ae o lo o moomia e le Matagaluega ni
seleni ae o nisi o fomai ua gasolo e faatutu a latou
falemai (private), e moomia le seleni. Afai e maua
le seleni, ona lelei lea o le service e tuuina mai i le
atunuu. E matauina o le tulaga lea sa amata mai i
Amerika, ua oo mai i Niu Sila ma Ausetalia, ua le
toe mafai ona togafitia se gasegase e auina atu i ia
atunuu seia vagana ua ave atu se faamaoniga a le
Malo latou te totogiina pili mo ia gasegase. O lea
la lau Afioga a le Fofoga Fetalai, ua tuuina atu ai
se talosaga i le alii Minisita, pe le i talafeagai ona
sailiili lelei tau ma faamaoti tulaga ia ina ia maua
ai ni seleni a le Matagaluega aua nisi galuega fai?
E tuuina atu ai se fautuaga pe le i tatau ona tumaoti
nisi services i totonu o le Matagaluega, e pei o
securities, porters, laundries ma le umukuka faapea
foi le Public Health. O tulaga ia afai e tuu ese ma
le Matagaluega o le a mama foi galuega a le
Matagaluega ma fuafua tatau ana galuega i le
togafitiga o gasegase. E le fai ai, ae na o ni manatu
e tuuina atu i lau Afioga aua le agai i luma o le
Matagaluega.
Ua ou oo mai i le Afioga a le Minisita o Aoga. E
muamua ona momoli atu le faafetai i le Malo ona o
au o se sui o le Komiti na faasoaina mea faufale o
faleaoga. Sa leai se avanoa ou te tautala ai i le
Lipoti e pei ona tuuina mai, ae momoli atu le
faafetai ma le faamalo i le Malo i fuafuaga na. Sa
faapea ona vave foi ai alo ma fanau a le atunuu i
aoaoga. E faafetai foi i le Afioga a le alii Minisita
o Tupe, o ia sa Taitaifono i lenei Komiti, ona sa
vave mai tonu lelei o le faasoaina o mea faufale e
pei ona i ai. E fia faafetai atili foi i le Minisita o
Tupe i tulaga o le pasene o nogatupe sa aafia i le
fausiaina o nei faleaoga. Ua faamama-avega i le
toatele aemaise lenei itumalo ina ua i ai se
fuafuaga e faapafala le pasene sa i ai i lea vaitau.
Lau Afioga a le Fofoga Fetalai, ou te fesili atu i le
Afioga a le tamaitai Minisita o Aoga. I le amataga
o le tausaga ua tuanai, na fautuaina ai e le
Matagaluega o Aoga lenei itumalo ina ia fausia se
faleaoga o lea o le a sueina le School Certificate.
Ou te talitonu na o Siumu i le itu i sauté na sue
faataitai ma e le i maua lelei i lenei vaitau pe o le a
se tulaga o i ai i le finagalo i se iuga o le suega ae
ou te talitonu, afai ua amata ia Siumu, pe le i
alagatatau ona siitia le tulaga o Siumu ua i ai, pe
fausia se Kolisi i Siumu. O le fesoasoani lava a
lenei itumalo ina ia faamama-avega i le Malo aua
afai o le a faatu ni Kolisi i itumalo tuaoi, e faigata
ona tau sue ni faiaoga talafeagai e aoaoina fanau i
lena itu ma sue foi ni faiaoga talafeagai e aoaoina
fanau i lenei itu. Afai e tasi lava ae centre mai i
Siumu o le a faapea foi ona taua o le Kolisi
tuufaatasi a itumalo i sauté. Ou te talitonu e
faigata mo le Matagluega e tau saili aua afai e lima
mataupu e sue, o lona uiga foi e tele ina lima
faiaoga, aua e tofu lava le faiaoga ma lana mataupu
e fai. O lona uiga, afai e lima Siumu, lima Safata,
lima Falealili o le a tele lea avega i le Matagaluega.
Ae o le talosaga a lenei itumalo e faamama-avega
ma ia tasi se Kolisi i Siumu ona faigofie foi lea i
alii ma tamaitai faiaoga, e faigofie ona malaga mai
Apia e tauave lana galuega.
Lau Afioga o le malga mai Siumu, e ae mai Tiavi,
po o le a lava le vevela o le la e faalogoina lava le
malu; po o le tuneva o le po e saogalemu lava lea
auala, aua o le auala ua tele ina lauvivilu foi le
mamalu o le atunuu i le talafatai i Apia nei. ―Se
tatou o tatou week-end i Siumu lea ua i ai Fale
Talimalo tetele ia o le Sinalei ma le Hamilana ma
le Coconut Beach Resort.‖ Aisea? E faigofie
auala, e le tau alu mamao, na ole ea atu lava i Tiavi
faaifo i lalo Siumu; pe sau foi i Siumu ea mai
faaifo mai Apia. Lau Afioga, o le agaga lava lea;
pe aumai foi i ai alo ma fanau mai Lepa, Lotofaga
e faigofie lava le kolosi mai agai i Siumu na i lo le
tau tuli mai o le mamao. E foia ai foi le faafitauli o
tulai mai i le Kolisi o Samoa, lea e tulai mai ai le
toatele o tamaiti i vasega taitasi ae mautinoa ma e
faamaonia foi pe 50% mai i le talafatai lea i sauté.
E na ona tuu atu lava i tafatafa o le tamaitai
Minisita, a le faatinoina lava ae toe afua le taeao i
Tala Faatatau o Tupe mo ia tausaga o totoe o le
Paeaiga. O le agaga lava o le fia tautua i le malo
ma tuu atu le tauau e fesoasoani i galuega ma
fuafuaga a le Malo aua le manuia o le atunuu.
Ua ou oo mai i le Minisita o Galuega. Faafetai i
lau afioga ua amata nei ona faata auala i totonu o le
aai o lenei itumalo. Ou te le masalosalo i lau
Afioga aua ou te talitonu e te saunoa tasi lava, na e
saunoa mai seia uma le faaletonu o le tau, o lea la
ua faata. O le talosaga seia alofagia auala i
Aganoa i Saaga, o se tasi lea o matafaga e sili ona
matagofie i le auala lea i Aganoa, faamolemole sei
faamauina ane atoa ma le auala i Maninoa. Ia e
alofagia le vai, ua talafegai ma tulaga lelei le vai i
Saaga ae o Siumu i sasae ma sisifo lea e aofia ai
faletalimalo nei, sei alofa lau Afioga sei….
Lau Afioga a le alii Palemia, ou te tali atu, e leai.
E le o maua lelei ona ou te le i mulimulitai i
fonotaga i le vaitau ua tuanai. Ua ou oo mai i
taligalu, faamolemole sei alofagia lau Afioga a le
alii Minisita.
Ua ou oo mai i le Afioga a le alii Minisita o
Falemeli ma Fesootaiga, sei alofa, sa i ai
faamaumauga a le Matagaluega mo se Fale Meli i
Siumu, pei lava o le faaiuga o le 1990/1991, lea sa
i ai faamaumauga o se falemeli. E oo mai i le
taimi nei e leai lava se falemeli o lenei itumalo.
Lau Afioga alofa toe faaauau lea polokalame,
fausia se falemeli atoa ma ni pusa meli ma ni
telefoni e fesootai ai ma atunuu mamao, e foia ai
foi faafitauli o lo o tulai mai i Apia. O lagona ia e
tuu atu e fesoasoani i a outou galuega. O falemeli
e aoga e le gata ia Siumu ae o itumalo tuaoi ane ai.
Ia alofagia foi ni moli ua uma ona faataatia le lipoti
i lau afioga atonu lava o le a faatino vave.
Ona ou oo mai lea i lau Afioga a le Minisita o
Tupe. Faafetai atu i lau Afioga o lea ua i ai le lala
o le Faletupe o Atiina ae ma ua avea foi o se
faamama-avega i ia itumalo. Ae o le talosaga pe
afai ae faataunuuina ona fai le Fale Meli, pe le i
alagatatau ona siitia atu se isi vaega e tala ai le
penisiona a le mamalu o le atunuu o lo o alaala i ia
itumalo, aemaise itumalo i Saute nei ma e
lagolagoina foi e lou sui usufono pe a talafeagai
ma fuafuaga a le Malo e siitia le penisione i le
$100 mai le $60 lea e i ai nei. Aua foi lau Afioga,
o le $60 lea e i ai nei, ua matua faatauaina tele e
tagata ma ou te toe tali atu i le Afioga i le alii
Palemia, e leai lava ma se mea na talosagaina e le
sui usufono sa tulai mai i lenei itumalo. O le sui sa
i ai nei, ou te le o malamalama foi i ai po o a mea
sa talosagaina i lenei Palemene. A o lea ua ou
taumafai i ai. Se i lava papale mai lau Afioga i le
Fofoga Fetalai ae se i taumafai e tuu atu nai mea ia.
Ua fai lava si umi e le i i ai se leo o lenei itumalo i
ni mea faapenei. O lea la lau Afioga i le alii
Minisita o Tupe, e talosagaina pe afai e taliaina foi,
pe afai lava ae finagalo le Afioga i le alii Minisita
o Fale Meli e faataunuu le faatuina o se Fale Meli i
lenei itumalo, ona see atu lea i ai o le talaina o
penisione e pei ona fai i Faleolo ma Apia nei ma
ou te talitonu o le a mama ai le avega.
Ona ou oo atu lea ile Afioga i le alii Minisita o
Autalavou, Taaloga ma Aganuu. Lau Afioga a le
alii Minisita, se i alofagia ia siitia i luga le tulaga o
le malae taalo o le itumalo lenei. Silasila foi i le
tausaga 1995 lea sa alu faatasi ai le taamilosaga a
le lakapi Iuni ma le lakapi Liki, lea sa taumafai ai e
faaaoga le malae lea e tasi i le Apia Park. Sa
faapea e fai le taamilosaga a le isi i le taeao, ae fai
le taamilosaga a le isi vaega i le aoauli. O se
tulaga faaletonu. O lea na see atu ai taaloga a le
liki ma faaaogaina le malae o lenei itumalo. Ona
pau foi lea o le tulaga ua talafegai aua e faigofie
lava i le mamalu o le atunuu ona see atu i tua pe a
faapea e le o avanoa Apia nei. E faigofie foi i
itumalo tuaoi ai. Ae paga lea ona e foliga mai e i
ai malae faaitumalo o isi itumalo ae tumamao, e fai
lava si faigata ona fesootai mai i Apia nei. A mafai
ona faataunuuina se malae faapenei, faaigoa o le
Leota Lu II Park i Siumu.
Ona ou oo mai lea i le Minisita o Faamasinoga:
O le fesili, pe e le i laaloa lau faaiuga mo se
Faamasino Samoa po o se Faatonu foi o
Faamasinoga mai lenei itumalo? Afai sa laaloa,
sala ina laaloa ona sa le o gatasi foi le futia ma le
umele i lea vaitau, a o lenei foi taimi se i silasila
totoa ane i ai. Afai o lea ua i ai le backlog o
galuega a le Matagaluega, pe mafua aisea? Atonu
e mafua i le le lava o maota e fai ai faamasinoga po
o le le lava foi o alii Faamasino? A talafegaai ona
toe faaopoopo nisi Faamasino ma aveatu ai ma se
sui o lenei itumalo.
Ona ou oo mai lea i lau Afioga a le alii Palemia.
Ua faafetai ona ua maea ona feiloai lau Afioga ma
le mamalu o lenei itumalo ma o lea ua manino mai,
ua uma foi ona faataoto ma faataatia upu o eleele
ma tuamaota o lenei itumalo. O le a ou le toe
tatatuli pe faalavelave atu i au fuafuaga ua uma ona
faataoto, ae o le a matou faatali atu ma tui le
mulipapaga atonu o se taimi ma se aso o le a
usitaia ma le agaga fiafia ma le faafetai lou
finagalo. Ona pau lava la matou tatalo, ua moomia
vave ni eleele e fai ai atiina ae a lenei itumalo ona
ua faatupulaia foi le faitau aofai o le itumalo.
Ona ou oo ane ai lea i Ofisa o Leoleo ma
Falepuipui. O le tulaga masani lava e pei ona taua
e nisi sui, o le le lava o taavale. Ona ou afea ai lea
o se vaega, pe e le i talafeagai ona fai poloka i
auala i le au avetaavale onana, ona sa maliu se tasi
o lenei itumalo ona o se tasi ua malaga i luga o le
alatele ae o lo o faasuaava. E faapea foi i
avetaavale o taavale lapopoa i pasi ma loli. Ua
matauina pea ave pasi a tu i le moa o le auala, e
aunoa ma se manatu e tau faatafa i tua. Pe e le i
alagatata ai ona talo i lea taimi i lea taimi ni
fonotaga ma alii ave pasi ma ave taxi faapea ma
ave loli, ina ia faamanatu pea i ai o latou tiute. E
sili lava le vave foia nai lo le toe tau togafitia. A
vave lava ona logologo i ai aua e talitonu foi e
galo. Aua po o fea lava e taofi mai ai e le pasese le
pasei e tu ai lava. Po o le pioga po le moa o le
auala, e faapena lava. O le talosaga atu lea ma le
faaaloalo i lau Afioga a le Minisita.
Ua logo i tino matagi lelei. O le lagona lena ua i
ai i lenei usugafono. O upu ia a le atunuu ua
lauvivilu ai foi le augatupulaga i lenei vaitau ona
ua faaaoga e se tasi o fatupese e fatu ai le vii o le
Manu Samoa. O se pese e matagofie ona upu
aemaise o lona fati. E lagona lava foi le fia saasaa
i le taimi e ta mai ai le pese, ae o se mitamitaga foi
i lenei usugafono ona o le alii lea o Felise Mikaele
o se tasi foi o alo e faasino i lenei itumalo. O le
talsoaga i le Taitaifono ma le Komiti o lo o
faafoeina tulaga tau faafiafiaga i le atunuu, ia
alofagia lenei itumalo. O lenei itumalo e siufofoga
malie tamalili ma failauga, se i tuu mai tasi se
avanoa se i faafiafia ai le laumosooi.
E faafetai atu i lou nuu lea o Saaga i le latou pese
lea na latou peseina ai le faatauaina o aau ma amu.
E matagofie le pese ma lelei. Faafetai. O lena o le
a toe tau fagufagu mai le taleni o le a tau galo atu.
Lou itumalo, o lena ua tuuina atu i lumamea
talosaga ma manaoga o le itumalo. E talitonu e le
i faia Roma i se aso e tasi. O Siumu, a uma le
tausaga lenei e talitonu ua uma ona faataunuu o
tatou manaoga ia ua talosaga atu ai i Afioga i alii
Minisita ma le Malo. O le isi lima tausaga o sosoo
mai ai, afai tou te finagalo ou te toe sau e aunoa ma
se palota, ona ou faapea atu lea; e uma le lima
tausaga lena aupito i luma Siumu ae pito mai Apia
lenei itu leaga o lea ua Apia lua le Afioga o
Lealaitafea. E mafanafana foi le agaga i le tilotilo
atu i Afioga i alii Minisita nei, se o ou uso tuofe
lava.
Lau Afioga Leota Lu, se i alofagia le malae lea.
O lea ua ou fai atu, o le a faaigoa i lou suafa. Ona
sosoo mai ai lea ma le tofa Leafa, se i e alofagia
moli ma telefoni o lo matou itumalo. E pito mai
Luagalau ia te Au. Lau Afioga a le alii Minisita,
afai o le a e faatinoina uma mea ia, ona ou
faamanuia lea ia te oe aemaise lava taligalu nei.
Afai e fai, ona ou fai atu lea o le a e manuia e oo i
le faavavau. O le uii Polataivao, ae faale tele ni
mea ou te faatalosagaina ai.
Ua faafetai lava i lau Afioga a le alii Minisita ona
ua maua Komiti sa ou talosagaina. E ui lava ona e
le o maua atoatoa le numera ae faafetai ua lava lea.
Ou te faafetai atu i lau Afioga a le Minisita o Tupe
mo le Tala Faatatau Faaopoopo o Tupe, ua
matagofie ma ua opea nei i le Maota. E faafetai
atu foi i le Failautusi o Tupe aemaise o le Ofisa o
Tupe, e talitonu e le o se galuega faigofie. O le
fafauina o le Tala o le Tupe, e moni ai le upu; ―E
fau ao ma fau po.‖ Ua ou talitonuina foi ona e tele
lava ina momoe ai le aufaigaluega i isi taimi pe a
oo i le taimi e amata ai ona fau le galuega. E
talitonu lava, o tomai uma na ua i lau Afioga a le
Minisita aemaise o le Taitaifono ma le Komiti o
Faamatalaga o Tupe a le Malo.
Ona ou manatua lea o le tala i le toeaina ma le
loomatua e pei lava o se mea o Anoamaa e o mai
ai. Na tuufesili le toeaina i le loomatua ma faapea;
―E leai sou aoga, ou te le iloa foi po o le a sou
tomai.‖ Ona fapea mai lea o le loomatua; ―Se e
tele foi ou tomai.‖ Ona maua lea o le tonu, o le
taeao, e usu ai le loomatua e fai galuega a le
toeaina ae nofo le toeaina e fai galuega a le
loomatua. A o le i usu le loomatua…. Ua faafetai
i lau Afioga a le Fofoga Fetalai ona ua maea foi le
taliga o le sua ua maua ai foi se faaopoopoga o le
malosi aua Taualumaga a le Palemene i lenei aso.
Lau Afioga a le Fofoga Fetalai, o le a ou toe foi i
lou itumalo lea e faafofoga mai. Lou itumalo e, o a
uma fuafuaga a le Malo o lo o faataoto ma faataatia
i lenei vaitau, o fuafuaga lelei uma aua le agai i i
luma o le atunuu ma le lelei o itumalo taitasi. E
leai lava ma se fuafuaga o i ai se tulaga e pagatia ai
Samoa i le lumanai. Ua maua foi ua i ai nisi o lo o
taumafai e faasese le tofa ma le faautaga a le
itumalo, ae e talitonu ia aua lava ne i avea se tagata
po o se aiga e toatasi e taumafai e lepetia le nofo
filemu ma le manuia au i luma o le itumalo. Aua
foi o a uma lava taumafaiga a le malo o lo o i ai nei
i tulaga uma i Tulafono ma mea faapena, e fuafua
lelei ma e le o se manatu faatoa tupe ae. O
fuafuaga uma ua fai o fuafuaga lelei ma ua uma foi
ona fuafua mo le agai i luma.
Ona faaauau lea o le tala i le ulugalii lea. Ua
fesiligia e le teoaina le atamai po o le tomai o le
tina ma sona aoga i le aiga ma ua faapena foi le
loomatua. Ua faapea atu le loomatua; ―Ou te aoga
foi i lo ta aiga.‖ Ona tonu lea o le taeao e usu ai le
loomatua i le talaloa ae nofo le toeaina e faatino
galuega a le tina o le aiga. A o le i alu le loomatua
na faatonu le toeaina, sena e, se i vaai a ta popo la
e i totonu o le fale a la le aso, ona ave lea i le la ma
tautuana ma oe le vao se i tulou. O lea ua tutupu i
luga o le fale e fai i ai sau fuafuaga. Ua faapena
lava ona fai. Ua manaia le susulu o le la i lea aso,
ua usu le toeaina ua manatua le fautuaga a le
loomatua e vaai popo. Ona usu lea o le toeaina ua
aumai le soi, se i tulou lava le Maota ma le
faafofoga a Samoa, ua amata ona asu le la i totonu
i le mea o i ai le popo. Ua fai lava le galuega a le
toeaina, ua uma ma ua afu foi i le taumafai o lana
galuega, a o lo o tulimatai mai e ona tuaoi ma sa o
mai i ai ona tuaoi ma faapea mai; ―sena e, o le a ea
lau galuega o taumafai?‖ ae tali le toeaina; ―Oi, se
fesili ina valea. E te le o tagai mai lava o lea e
taumafai e asu le la e faala ai au popo?‖ Ona fai
mai lea o tuaoi nei; ―Se valea se ina tetele. Alu e
asu mai le popo i fafo e faala. E te fiu e fai le
galuega lena.‖ Ona faapena lea ona fai. Ua fai le
galuega a le toeaina o le a uma le aso ona toe
manatua lea o le vao. Ona oso lea o le olomatua
aumai le apefai faatu i le fale, ona alu lea taitai mai
lana povi, se i tulou. Ua taumafai e faaae si
meaola i luga. Ua fai ai lava, gau le pito i lalo o le
apefai. Toe taumafai toe gau foi. Ona toe o mai
foi lea o ona tuaoi toe fesili foi; ―sena e, o le a ea
le mea ua e faapena ai toeitiiti a mate si meaola?‖
Ona tali foi lea o le toeaina; ―Se fesili se ina a
valea. A tagai mai o lea e tau ave le povi i luga se i
faatamaia le vao ae fesili soo. Na tali ona tuao,
―Se e faigofie lava pe ana e ae i luga ma faatamaia
i lau agaese, ona aumai lea i lalo ma faaaoga e le
meaola.‖
Maota, e faapena le Tala Faaopoopo o le Tupe o lo
o opea nei i le Maota. Lau Afioga a le Minisita o
Tupe, le Failautusi o Tupe, le Ofisa o Tupe, o le
Taitaifono aemaise o le Komiti o Tupe: o lo o ia te
outou tomai. O lena e tomai lava outou i le faiga o
le galuega. E aveatu ai le faafetai ma le famalo i le
galuega ua lelei ona fai i le Tala o le Tupe e pei
ona tulai mai, aua o lo o galulue ai foi ma Ulu o
Matagaluega i le faasoasoaina o seleni a le atunuu.
E faauma atu ai se faamatalaga lau Afioga a le
Fofoga Fetalai, e momoli atu lau fafetai ile
Minisita o Tupe aemaise le Failautusi o Tupe ma le
Matagaluega i le vaitaimi a o tatou galulue faatasi,
na avea ai Au ma Pule o le Faleoloa o le Malo. Ua
faamalo i le taimi sa tatou feagai ai, ua faamalo le
lagolago. E faapitoa foi se faafetai i le Ofisa o le
Faleoloa o le Malo, lau Susuga Rudy Terry,
Manaomalo Tagaloa Eteuati, lau susuga Ile
Faanuusooupu ma le mamalu o le aufaigaluega, ua
faamalo galulue. E moni lava le upu. ―O le
faamaoni lava i mea iti e faapena ona e pule ai i
mea tetele.‖ E tauia lava la outou galuega. O lenei
taimi e avea ai au ma sui o le Afioga ia Tofaeono
Anufesaina o lenei aiga, aemaise ai o aiga uma o le
Susuga i le alii Pailate lea sa aafia i le faalavelave i
le amataga o le tausaga nei, le Susuga Tautai
Tofaeono Taulima II. E momoli atu le faafetai i
lau Afioga a le Palemia ma le mamalu i le
Kapeneta, aemaise foi o le Taitaifono ma le Komiti
Faatino ae faapea le Pulega o le Polenisia. Ua
faafetai i la outou lagolago mai ma tulaga
faavavave na auina atu ai le Susuga ia Tautai i Niu
Sila mo togafitiga. E fiafia lava e vaavaai atu ua
solosolo manuia le alii Pailate. O le taimi nei ua i
Otara i le Spinal Unit ma ua amata ona tau
faagaoioi ona vae se i tulou. E momoli foi le
faafetai i le afioaga i Moamoa i alo ma fanau sa
muamua ona toai taunuu i le taimi na tupu ai le
faalavaelave mo le laveaiina o Tautai, aemaise foi
o fomai, leoleo ma i latou uma lava na ofo atu le
fesoasoani i le tiami na tupu ai le faalavelave. Ua
na o le Atua lava e mafai ona tauia lo outou
agalelei ma lo outou alolofa i le taimi o le
faalavelave ma taimi o puapuaga.
Lau Afioga a le Fofoga Fetalai, e momoli atu le
faafetai ma le faamalo ona o lou lavapapale mai, a
o taumafai atu lenei usugafono. Ia manuteleina le
tapuaiga a Samoa aemaise le tapuaiga a si ou
itumalo. Ia manuia le Fono.
Tofa ULU VAOMALO ULU KINI
Itumalo
Faaalalafaga:
Faleata Sisifo
Filifilia:
24 Iuni 2000
Faatauto:
26 Iuni 2000
Lauga Faataupou:
15 Ianuari 2001
Lau Afioga i le
Fofoga Fetalai ma le mamalu o le Maota, o lea ua
maea ona e faaee le Palealii o Galuega mamana a
le Atua e tautulu ai mea lololo. O le viiga, le
fafetai ma le faaneetaga i lo tatou Tapaau Tasi, o le
Atua o Le e Ona le malosi uma lava, o le Atua e
Ona le Viiga, e ofu foi i Viiga ae laei i Faaneetaga,
ma e vivii ia te Ia meaola uma e manava. E
faapena ona vagana mai peau o le sami; e faapena
foiona tausani manu felelei i le suamalie o fuga o
laau; e faapena foi ona patilima laau o le vao,
loulou ai arasi ma persi ae tupu olaola le laau o le
pama.
Ia tau ia ina ia nanamu i le faafofogaaga a lo tatou
Matai le Taulaga osi ua maea ona siiitia i le Atua.
Tatou noanoa i maea le taulaga ina ia oo atgu i nifo
o le fata faitaulauga aua lo tatou alofi i le vasa, le
alofi ua mafua ai ona mamalu ma paia Tiafau nei,
o le Malae o le Faautugatagi po o le Malae o le
Faatotogamanu o el atunuu tofi o Samoa. Ua
vavae nei la le upega o le vaimanino aua ua
samatofa ma falegase la outou tofa faatupu ma la
outou tofa faatamalii aemaise o la ouotu
faautautaga faafaleupolu i le pogisa ua sola. A o
lea ua sama folau, ua pue nei o manu ua oge mala,
ua faafao vaa o mala ae folau sa o manu; ua feagai
ai nei Vini ma Tapaga, ua feganavai foi Lolua ma
Vana. Ua le matagi taumuaina lo outou soifua aua
ua tu i tai sou o lo outou sa, ua see tuaaao le
malaga a le maliu ma le oti ina ua faataumua ava le
silisili ese o le alofa tunoa o lo o tatou Matai i le
Lagi ua mafua ai ona vaatiu le soifua. Ou te
manatu i lena tausaga ua tuanai i le 2000, ou te toe
manatua ai se upu a se tasi o Taitai na ia faaooina
le malaga a le fanauga a Isaraelu, na faapea ai le
tama o Iosua le atalii o Nuno: ―Isaraelu, a outou
sopoia le vai o Ioritana ia tofu le tagata ma lana
maa e faamanatu ai le alofa ma le agalelei o le
Atua.‖ Ia nofo ia i lona Nofoalii mamalu ona viiga
e faavavau.
Ou te uluai faatulou atu i lau Afioga i le Palemia,
e faatulou atu foi i Afioga i Minisita o le Kapeneta.
Lau afioga i le Fofoga Fetalai o le Maota, lau
Afioga i le tuiatua o le Taitai o le Itu Agai aemaise
sui usufono uma o le Palemene o lo o outou
lufilufiina Tulafono ma Upufai o le Malo.
Ou te faatulou atu foi i le faafogafoga tapuai mai
o le Afioga i le Ao Mamalu o le Malo Tutoatasi o
Samoa, lau Afioga i le Tapaau Faasisina, lau
Susuga i le Malietoa, e te afio i lout ala na atoa ma
lou fala fola loa, e te afio ai i lou Nofoa
vaevaeloloa e faalogo ia te oe Samoa.
Afifio Afioga i Sui o le Fono a Sui Tofia, afio lau
Afioga i le Faamasino Sili aemaise le mamalu o le
Vasega o Faamasinoga, afifio foi Afioga i
Faauluuluga o Matagaluega Tumaoti a le Malo
aemaise o Faauluuluga o so o se Atiina ae aemaise
le aufaipisinisi.
Susu Susuga i Faafeagaiga Taulagi ua fita i tuga,
o feoi o le Tala Lelei i so o se fata Faitaulaga e
susu ai Susuga i Toeaiina, lau Susuga i le
Taitaifono Aoao o le Ekalesia Metotisi, susu lau
Susuga i le Taitai o le Ekalesia Katoliko Roma, lau
Susuga i le Katinale Pio Taofinuu, aemaise foi o le
paia maualuaga o Taitai o so o se Ekalesia o lo o i
totonu o le atunuu. O e o lo o faaoge finagalo i le
Atua Soifua Faavavau ma latou faataumafalia pea
faamanuiaga le mavae a lo tatou matai i le Lagi.
Aemaise o la latou tatalo faifai pea i lea aso ma lea
aso aua se manuia lautele o tagatanuu o Samoa.
Ae le faagaloina foi le paia maualuga aua le
Aufaigaluega malolo manumalo, o i latou na latou
asaina le gasu o le taeao. Faamalo i o outou faiva,
o lea ua faamalolo e ala i le soifua matua a o lea ua
taoto a outou galuega e maimoa i ai le atunuu o
Samoa.
O le mamalu lea i tama ma o latou Aiga, o Aiga
ma a latou Tama, Aiga o tupu, Aiga o Nofo, aiga o
papa ma Aiga o Falealiii. O le mamalu i tulatoa
ma ponaoo o le au fueloloa ma tootoo le gausia o
le Malaelae, o lea e mafua ai ona paia Maauga ma
Nuuausala aua le afio o le Tuiaana ma ona Tafai, o
Umaga ma Pasese. Le paia maualuga aua le
Matuaitogi ma le Faleiva, le mamalu ia te oe
Leulumoega o aiga e fan a tausi, le nofo a Too ma
Aana ma Saeseese.
E faapea foi ona paia ma mamalu Lalogafuafua
ma Sepolataemo aua le afio o le Tuiatua ma ona
Tafai, o Tupai ma tainau, le afio o lau Afioga
Seutaatia i Mulinuu. Le mamalu i Tapaau le fano
ma lau Susuga Lufilufi ma lau saofaiga. Ae faapea
le paia maualuga aua le vainalelepa, le mamalu i le
niu na tui i la outou toaono, le mamalu i Ao o Atua
ma Iu o Atua ma Atua le tonu ma Atua aouliuli.
Ua paia foi Malie ma vaitoelau aua e afio ai
Gatoaitele ma ona Tuitui o Fata ma Maulolo. Le
mamalu ia te oe Tuisamau ma Auimatagi ma lo
oulua san a tautai lua. E faapea foi le paia ma le
mamalu i Tanumafili e afio ai Vaetamasoalii ma
ona tafai o Fuga ma Mauala, le mamalu o le
faauluuluga o Sa-Tunumafono ma le Alataua. O le
paia lea ma le mamalu aua le Faleono o Leatigaga
ma le Itutolu o Sagaga o Faleata ma le Gafa, ae
tainane le paia maualuga aua Aiga i le Tai ma le
mamalu ia te oulua Luatutu ma Luafataalii ma o
oulua Malae o Faleu ma Utuagiagi, le mamalu i
Aiga i le Tai.
Le paia maualuga aua le afio o Ulualofaiga, le
mamalu i Aiga e lua le paia o Salevalasi ma Aiga o
Sa-Fenunuivao, le paia o le Usoalii faapea foi le
Tofa ma le Matua ia Talamaivao, le mamalu i Atua
o e na taitai ma atrua o le fauono.
A o se paia maualuga foii le motu tele i Salafai
aua tootoo o Fuifatu, le Fetalaiga ia i laua o tama
pule o Tuilagi ma Namulauulu ma le mamalu ia
Safotulafai. Ua paia foi Vaituutuu ma ona Tootoo
aua lou Gagaemauga lau Fetalaiga Leaula ma lou
Itu. Ua faapena foi ona mamalu Finao aua le
Fetalaiga i le alii o le Itu o Le na mua i malae ma
vae o lona tootoo. Le mamalu ia Matiamatiaituau
aua Salafai ma Aiga, le paia maualuga aua ona
tootoouli ma le mamalu ia te oe Vaisigano.
Le paia maua luga o Faletoi aua le alaalatai ia i
laua Asiata ma Tupai. Ou te talitonu o le Vaiti ma
le Vaimalae ma le mamalu i le Alataua. E faapea
ona paia ai ma mamalu Vailoa aua le paia o
Faasisina ma Sa-Lilomaiava, le Levaleva ia te oe
Safaleletaua ma Palauli na potopoto. O le mamalu
lena ia Tumua ma Pule, Ituau ma Alataua, Aiga i le
Tai ma le Vaa o Fonoti.
Ou te faatulou atu foi i le paia maualuga i le
Faleagafulu i le motu i le Sasae, i le Faigamalo a
Tutuila ma Manua aua le Tuitele ma le Tuimanua,
le Falelima i Sasae ma le Falelima i Sisifo. Le afio
o lau Afioga i le Kovana Sili faapea lau Afioga i le
Kovana Lutena. Lau Afioga i le Peresetene o le
Senate aemaise o le Fofoga Fetalai o Maota e lua.
O le mamalu lea ia Sua ma le Vaifanua, Saole ma
le Launiu na Saelua, o Fofo ma Aitulagi ma le
Afioga i le Maoputasi. E faapea foi le mamalu tele
i le alii o le Laau na Amotasi, Faatuiolemotu ma
Auvaa o Tootoo ma upu i le Manuatele. O ou
motu na e sefuou ua soona lalelei oe i le vasa.
E ao ona ou faapea atu, lau Afioga i le Kovana
Sili, amuia oe o lea ua e seei nei i le nofoa papa o
le Tuimanua mamana na oo atu ai le Tala Lelei i
Manua, ma e silamaimoa i ou vainuu ma lou
manumalo. Tau ina ia alofagia e le Atua, ia
faamanuia i lau Faigamalo.
O lea ua see lilia nei atumauga o le Tuitoga, aua
ua le ifoifo i malae o vevesi a ua lepalepa i malae o
totoa. Ua sao foi le alofi o Tagaloa, aua ua
matalupe le seuga ua aliitia foi le ata o alii. Ua ae i
fanua le inafo a tamalii ina ua alaga malie le tia o
seuga. Ua talamata soo foi le naa ina ua faaope le
inafo a alii seu ina ua laumatootoo tulatoa i malae,
ma ua ausi lemu foi le naa ona ua faofale alii seu i
o latou maota seu e pei o le Fetalaiga ia
Maneafaiga, ua o ni fesilafaiga ma tupu ua mafua
ai ona fofoga tupu, ua fofoga tamalii aua ua
fesilafai faatamalii; ua fofoga faafaleupolu aua ua
laufesilafai faafaleupolu. O lo o moomoo faalupe
naumati i ai fetu o le vanimonimo ae taumanuo
mai i ai paneta o le lagi tuaselau i lo latou fia
silamaimoa i le a matagaofie. Ua feganavai ai
mauga tula aua ua le tutulu le la i lagi mauga, ua
seu foi le ata sina, ua le tau le fusina a ua tatou
oaoa nei i le niusina. Ua taoto le ataata o le tama o
Samoanagalo, ua sao foi faalalelei e pei o le upu i
le teine o Sinaamomutulei. Ua faapale nei le
Palemene i le tuiga ma le pale fuiono, o le pale le
mamae, e pei o le aute e fua mai i le nuu naumati,
ma le tala ia Nuupo ma Popea, na faapea ane aii
Popea ia Nuupo: ―E toe oo mai ea ao o nuu?‖ Ona
tali lea o Nuupo, ―e oo a ina oo mai ao o nuu.‖ A
oo ina oo mai ao o nuu, ua ao Samoa o Samoa foi
ua malamalama. Lele ua fesagai tonu ao o manu
ma ua faaosofia foi le manu nai Utufiu ina ua taia
iulauniu, ua faitau nei lupe i le fau ua maua lo ta ai,
ua tulima le segaula a le Tuimanua, ua tatou
futifuti manuula i le avafatafata ina ua mapu i
futiafu le galugalu o le vaitoa. Ua tatou seei nei i
le fala e le see ma saga faamaupuepue le tiasa ma
tatou mulumuluaufoe ma se i matimati o ta faiva
alofilima. Ua manatu la le sui usufono mai le
itumalo faaalaalafaga o Faleata Sisifo, ua maea nei
ona faafagafaoina faaigaga o taipalolo manaoga ma
finagalo o lea sui usufono ma lea sui usufono i
vaega o mea e fia faaleleia mo lona itumalo, na
mafua ai ona latou filifili lo latou sui usufono e see
ii le Nofoa o lona itumalo.
Maota, tau lava ina ou saua i le va aua lo ta Faavae,
fai mai lo ta Faavae: ―Faavae Samoa i le Atua.‖ E
tafatolu foi le maa faavae o Samoa, e faapena foi
ona tolu peresona o le Atua: Le Atua le Tama, le
Atua le Alo ma le Atua le Agaga paia. O le maa
tulimanu na lafoaiina e tufuga fau fale, ua fai nei
ma maa ola e fesili i ai lenei Palemene, ma o lona
suafa na ia tau atu i lana auauna o Mose e tau atu i
le fanauga a Isaraelu pe a fesili mai‖ ―O Au o Le
Ola, o lo o Ola pea lava.‖
O le faaataata mai lea o le atunuu, ae le i saili
malo Malietoa ma Sua i le tamaitai o Nafanua, na
laveaiina ai ele tama o Poluleuligaga i le taimi o le
malosi ma le matautia o le tulai mai o Malietoa
Faiga, na mafua ai ona ae lea aso, faasao ona
tagata. O se tala malamalama i le tolotolo i Fatitu i
Saleimoa, ma o i iina ua tatou mautinoa ai e i ai la
Le e Faavae ai le malo o Samoa, ma o Le e Faavae
ai le Malo o Samoa, o Ia lava o le Faaola.
Maota, o el aso 26 Iuni i le tausaga na tea nei i le
2000, na fatautoina ai le sui usufono o le itumalo
faaalaalafaga o Faleata Sisifo, faapea le sui
usufono o le Palemene; ae peitai sa olo pea le fua
ma se i mataitu po fea e agai i ai suaga o le vaatele
aua Taualumaga a le Palemene ma le Foino
tauaofia.
Ia ua faapea foi ona toe usuina le Fono i le Aso 17
Oketopa 2000 i le tausaga lava na tea nei, o lo o le
mafia lava ona maua se avanoa e mafia ai ona fai
atu se lagona ma se manatu ma nai matugaafa aua
manaoga o lou itumalo.
E faapea lava uiga o el tulaga o lo o i ai le
soifuaga. E tuu fesili mai lava le itumalo pe toe fai
sau lauga pe leai, ae ou te manatu o lea ua
talafeagai lelei lava ma le latalata i siui o lenei
Paeaiga. O lau tala i ai: ―Aua tout e popole,‖ e i ai
le muagagana foi lea e masani ai le au kirikiti a le
Pafalo i Toamua e pei e faatalitali lava i le masaga.
A oo loa i le masaga ona maua lea o ai pe a oo ina
taaalo i le au kirikiti malolosi. O lea muagagana
na ou toe faamanatu i lou itumalo, o le muagagana
lea e faapea: ―faamuli ma le ai, pe tumuli ma le
ai.‖
Maota, e le o toe po se lilo o lea ua atoa le tausaga
ma nai masina e le i toe nofoia le Nofoa o lenei
itumalo. Ua faapena foi ona leai se leo e fia faaoo
atu aua manaoga ma fuafuaga o lo o i ai. Ona ou
manatu lea, sa saunoa le Afioga i le Palemia e pai
atu ai ile itumalo faaalalalafaga o Salega, aua le
paia ma le mamalu i le afifio o tupu ma tootoo o le
Itu, lau Fetalaiga Tuisalega o le na aliitai ile itu, ile
saua fua o le maaveave le fua i le soifua o le
E lua lava vaega o le soifuaga o le tagata, o le
faafetai ma lana faatoesega. Ona ou manatu lea
faapea, i le agaga maualalo ma lou faaaloalo tele, o
le sui usufono mai le itumalo faaalaalafaga mo
Faleata Sisifo, ou te uluai taia le pula ma le vaiafei
ma ou momoli malu i puega. Ia outou alofagia ia
faamagalo si ou uso a sui usufono aua e poto lava
le tautai ae le aota atu i liu. E moomia la outu
faamagaloga, ia aua nei faatofatumoanaina mai
outou finagalo, a ia faapena ona manatua pea i la
outou tatalo. Ou te talitonu o lenei sui usufono i le
taimi na tulai mai ai, s atele sona sao aoga i le malo
ma e le o se tagata e faatauvaa. Afai ua sipa le
lamaga, ou te talitonu o outou o tautai
matapalapala, o lo o outou faamanusina le atu o
manu, ma ia faleia i le finagalo Paia o le Fale
Fetalafai o lo tatou Matai i le Lagi o ia o le
faamagalo, ia faapena ona faamagalo ai le uso a sui
usufono.
Ou te faamauina foi ma ou fia momoli le agaga o
le faamalo ma le faafetai tele i le afioga i le
tamaitai sui usufono mo Aana Alofi Nu.1. Ua
faafogafoga le atunuu i lau saunoaga, i lau
faamagaloga e faapea foi le faagalo. Ou te talitonu
ua e faia pea mea sili, e ui in ae nofo toatasi a ua e
faia pea mea sili ma e soona lalelei ai pea. Lau
Afioga i le Fofoga Fetalai, tau ina ia faamanuia pea
le Atua i le nofo a alo, ia i ai le manuia le Atua i ou
pa ma ou maota.
Lau Afioga i le Fofoga Fetalai, see ane ia i lou
matuatala, aua e moto ia te oe le ava ae faasavali
atu ona alu aula e tulaga o moomooga faalupe o
naumati o le itumalo faaalaalafaga o Faleata Sisifo.
Ua taatia nei i lumamea le tulaga o le Tala Faatatau
Faaopoopo o le Tupe, sa faalagolago ma
faamoemoe i ai le tulaga o manaoga, aua paga lea,
o fea e taoto i ai le manao? Afai e le o i ai se seleni
o taatia mo lea faamoemoe, ou te manatu e ae fua
le faiva o Faleata Sisifo. A o lea ou te manatu, ou
te matua faatauaina lea lava Lipoti e pei ona i o
tatou luma. Ona ou manatu ai lea, ua lava ma totoe
ma lava taoso ai se faamoemoe o nai moomooga
mo Faleata Sisifo. O le tulaga foi o i ai le itumalo
lau aifoga i le Fofoga Fetalai ma le mamalu o le
Maota, ou te matua talitonu o lea o lo o nopiai ai le
toatele o sui usufono. E peiseai e i ai se vaega o
sina ea manaia o i ai i totonu o le laueleele lea, o
lea ua mafua ai ona moomoo o tatou sui usufono e
nonofo ai. E manaia tele, o lea o le a maua lava la
tatou fesilafaiga, pe ou te toe tu mai pe ou te le toe
tu mai, a o le a maua le avanoa mo tatou, tatou te
fesootai ai pea.
Maota, ua uma ona ou faafesootai i le Afioga i le
Minisita. E pei ona ou fai atu, na ou tulai mai i le
Aso 26 Iuni 2000, e tolu a tatou aso Fono. Aso 17
Oketopa 2000 e tasi, Aso 20 ma le 21 Tesema
2000, e tasi ma le afa. Ae paga lea sa ou mafaufau
pe faapefea se auala e mafia ona fesootai ai le
faatinoina o lenei faamoemoe leaga o lea e
faafogafoga mai lou itumalo pe i ai sau mea o fai
pe leai. Ae sa ou talosagaina Afioga i le Minisita,
faamolemole o le auala lea e i Vaiusu, o le auala
na faatinoina e le Paeaiga lenei mai le 1996, ae
paga lea e le i soo, ioe. Ia alofagia se i faasoo atu,
ae ia outou silafia foi o le auala lea, e soo tonu lava
i uta i le mea o lo o i ai le Malae Taalo lea e
faamoemoe i ai tatou. A oo ina faatino lena auala,
oka! Silasila o lea o le a mafia ona faapena ona
puupuu le femalagaiga ma laveai ai foi i luga o le
tele o ala televavave i luga o le umi o le folauga po
o le umi o le tulaga e i ai i faigamalaga i luga o
auala televavave.
O i ina i le auala i Vaiusu, e oso ai le isi auala
lena i elise-Fou, o tagata palota uma lava i Faleata i
Sisifo. Ma ou te manatu i le tulaga foi faale—
Ekalesia, o i ina o lea e susu ai le Susuga i le
Toeaina o lenei Pulega o Faleata i Sisifo. Ia
alofagia, ioe, o lea ou te manatu ua uma ona fai
vaega muamua foi lea. E le afaina ia pupu, tulou, e
mafai lava ona fonofono mulimuli, ae a tino
faamoemoe ia i le auala ona faigofie lea ona toe
faaleleia atili mulimuli.
O le auala lea i Vaigaga i talaane o le falesa
EFKS, o le isi foi auala o le Malo, o le public road
le auala lena, ae a outou silasila i ai o tua atu i ina o
le falesa, o lo o afifio ma alaalatai ai le toatele o
tagata o Vaiusu ma Vaigaga. Ua ou vaai i nai isi
tama ma nai aiga ua i ai a latou taavale fou, ae
finagalo malie a faimalaga i ai ia e ono afaina ai.
Ma o le a auala a ia e pei ona ou fai atu ua leva.
Afai ua 38 nei tausaga talu ona tu le Malo
Tutoatasi ma tua atu, ia silasila la i ai. Ma o lea e
pei ona ou augani atu, o lea ou te manatu i lou
faatauaina o le Tala Faatatau Faaopoopo o le Tupe.
Ma pe le uma foi, ia ou te manatu a a oo ina faatino
ona faapena lea ona faamalieina foi finagalo o el
atunuu aemaise foi lava lenei itumalo.
Mo le silafia e lau Afioga i le Minisita e ala atu i
lau Afioga i le Fofoga Fetalai, o lo o faapena foi
ona tele ni aula o loo i i lava i le laueleele i
Vaitele-uta. O le vaega lea ou te fia faatauaina, o
le tulaga o lo o taoto tonu ai ia falesa. O falesa la,
e pei o i ina e opogi uma i ai, e tapuvaetasi i ai le
toatele o tagata aua le tapuaiga. Ia ua toatele a
tatou ua fai auala. E pei o le latou vaai lena a oo
ina faaleleia auala ia e oo atu i le mea o loo i ai
falesa, ou te lagona o le itumalo lenei masalo e sili
i le 30 lotu lea e i ai. Ioe.
Ona ou manatu lea o le vaiaso lenei ma le vaiaso
lea, o lea e i ai le Mafutaga o le Lotu Assembly, o
lea e talaaao ma afifio mai ai tupu ma ee o le
atunuu o lo o latou papaaao i atunuu i fafo. E
manaia foi si a latou molimau pea afai e faatino
lena auala.
E pei ona ou fai atu, o auala na e alu i totonu o
Vaitele, ia e faapena ona mafala ai ona auala aua o
tatou aiga; ae silasila foi la i ai, o le toatele o i latou
o lo o latou nopiai i ina ma seei ai, o tatoui Savaii
ma le Motu tele i Salafai ma tatou foi mai Atua, ia
ae toaitiiti lava nai tagata o Faleata moni o lo o i ai
pe oo a ina leai se isi e faatau ai se fanua aua o
fanua faatau.
Ona ou manatu lea o le a faautagia mai e lau
Afioga se faatalauula foi a lenei itumalo aua e le
masno ona ala, o le matua le masino ona ala. Ae
ua ou fia faatauaina auala ia e pei ona ou taua
muamua ona o la e i ai lona taua.
O le auala o lo o i ai le falesa o Petelelema Fou, o
le auala o lo o i ai le falesa o Vaipoto o le Ekalesia
Metotisi, ma le anoano o Ekalesia o lo o i ai e
mafai lava e le Komiti ona matou toe feoai tasi ai,
ua uma ona matou feoai ai ae se i faamanatu le
vaega e tatau ona fia faatino muamua.
Maota, o lea foi sa ou manatu i le fia
faatalatalanoaina o le vai lea e i ai, e moni ua
vaavaai i ai le itumalo ua taoto ia le tulaga o le
galuega lea a tatou i le vai lea e alu atu i i e alu i
Falelatai. Ae i ai le vai ua leva ona eli ma ou te tau
atu i le atu i i e alu i Falelatai. Ae i ai le vai ua leva
ona eli ma ou te tau atu i le agaga maualalo ma le
faamaoni, sa ou taumafai mai i le amataga o le
1996 ina ua eli ma vili le vai lea, sa ou taumafai e
faaola. Sa matou 8i ai i le taimi ona ua uma ona eli
le paipa, ia ona aveatu lea o le pamu ua matou
vaavaai i ai, o, e matautia le manaia.
Ia ua ta fesili nei po o fea o i ai lea pamu? Ae ana
faapea o loo i ai le pamu i ina ua uam ona fesootai
le vai lea na eli i uta i Toamua-uta po o Vaitele-uta
i tai i le tatou main line lea e i le aualatele. Ona ou
manatu ai lea, o le a faapena ona vave faatino e
faaaoga ai a tatou ofe ua uma ona tatanu i ina, ina
ia faaaoga ina nei te i ua afaina i nisi tagata; o le
nuu foi lea o le nuu galulue, tulou le Maota ina nei
tei ua soona eli e se isi lavelavea ai paipa ua uma
ona taooto aua le faamoemoe mo le vai.
Lau Afioga i le Fofoga Fetalai, o mea uma a ia e
faapena ona moomoo i ai so o se alaalafaga po o so
o se itumalo. Fai mai upu a isi e pei e tau talatuu
mai isi mea e pei o le eletise e mafai ona mumu i
moligao; e mafai ona mumu; a o le tulaga lava lea
o le vai, e pei o se tulaga e siili ona moomia e o
tatou tagata.
Ona ou manatu lea lau Afioga i le Fofoga Fetalai,
se i ou tautala i le vaega tau Eleele, i le tulaga o lou
tofi o le tofi o Samoa. O le faamaoniaga o lea mea,
o el taimi e te soifua mai ai i le lalolagi, pau a lea o
le vaega o lou soifua e ave e tanu i le eleele o lou
pute, tulou. E toe faamanatu mai ai i ina, o le
eleele a na fai ai i tatou tatou te toe iu i ai; a o le
tatou tofi lena e mitamita ai so o se tagata. O lea e
oo mai i lenei taimi lau Afioga i le Fofoga Fetalai,
e le o mafai a ona uma a tatou faamasinoga i le
moomia e o tatou tagata ona laueleele ma ona
laufanua e tatau ona tua i ai ina ia faapena ona
faatino.
E i ai le 51 eka lea na faamatuu atu ia Toamua, ae
ou te manatu foi e le o i ai se taotoga lelei ma le isi
vaega laueleele o lo o i ai nei. O ia laueleele uma
lau Afioga i le Fofoga Fetalai am le mamalu o le
Maota, o laueleele ua uma ona faatoa lelei e tagata
o la foi ua tutu ai o latou fale mautu. Ou te fia
talosagaina le mamalu o le malo aemaise foi o le
mamalu o le Palemene, a tusa ai ma lo outou
finagalo i se auiliiliga ma se fuafuaga e talafeagai,
fai lena. Ou te manatu e tusa ai ma lau faatalauula,
ua feagai tonu a laueleele ia e nofoia nei e le nuu
mei o Toamua, ia le auala lea e alu tonu e vaelua
ai. O uta la i le itu i uta, o lea ua vaevae nei e le
Samoa Land Corporation, ia o lea la ua mau ai nei
o tatou tagata e ui ina na o le kuata eka. Ia o le isi
la lena aoga o nai tagata foi o lo o nonofo i ina, e
faapena lava ona fesootai am ii o matou foi tagata i
le tulaga o taumafa ia ma aveatu ai sina fesoasoani.
Ia o le vaega lena i le tulaga tau laueleele.
O lau matafaioi lau Afioga i le Fofoga Fetalai ma
le mamalu o le Maota, o lo o tau faafesootai pea
nisi o le itumalo i manaoga o lo o i ai. A silasila la
i ai, o la e ua i ai le faleoloa fou ua faatu i ina i le
itu i Apia o le nuu lea o Saina, e tasi lena auala e
moomia foi lona fia faaleleia. E mafai ona
fesoasoani foi i ai lou itumalo aua e toatele le
vaega le faigaluega; e manaia foi pe afai e faatino
ia ona mafai lea ona ou fesootai ia i latou e o mai e
fesoasoani i ai ina ia faanatinati ai le faatinoina.
Ou te manatu soo se vaega faapea o lea ua aafia
faamoemoe o se itumalo, o i ina o lo o taoto ai
manaoga o le itumalo i ona tagata mo se mea e fia
faaleleia aua lo latou lumanai. Ia ua le faigofie
lava, ua oo foi i le savali ua le faigofie le savali i
luga o ni auala e le o lelei ona faatino.
Lau Afioga i le Fofoga Fetalai, e i ai ma le auala i
Vaitoloa, faamolemole le Palemia faapea foi lau
Afioga i le Minisita. O le auala lea e alu i tai i
Vaitoloa ona alu ai lea agai Sisifo. O auala ia o lo
o taoto ai foi fanua o i latou ia e lavea i Faleata i
Sisifo, ma e ua ou talosagaina ma le agaga
maulalo, pe a tusa ai, se i tagai ane i ai. O le mea
taua o le silasila mai foi ma vaavaai mai o tagata o
lou itumalo i mea ia na latou talosaga mai ai, ia ma
faaoo atu ai se leo.
O le vaega mulimuli ae ou te le i nofo i lalo, ou te
toe faamanatu atu le tulaga o lo o i ai . Silasila tasi
lea mea sa moomia e tatou, o le fia faaleleia o
auala. O lea ua faaleleia auala e le Malo a o le
faalavelave lea ua tupu, ua fai ai tuuga taavale.
Maota, ua tele soifua o avetaavale ou te laveaiina i
o i le mea lea ou te nofo ai. U te laveaia i le tulaga
o taavale lavevea. I lau lava molimau, ua mafua
ona tupu nei faalavelave ona o le avetaavale le
magafagafa, avetaavale le mafaufau ia ma le soona
faanatinati fua. Ou te manatu tasi lea vaega o
tulafono e moomia e afioga o alii mamalu o le
Malo. E i ai lava le fesili lea e faapea a maua loa
le tagata avetaavale masau, o le fesili muamua lava
a le Ofisa, o el a le faalavelave ua mafua ai ona
soona faanatinati? Ia a o la e lava e tumau upu a le
toeaina lea o Tu fai ma – E oo uma lava i lalo o le
uati.
O lau talosaga ia faautagia lea vaega e pei lava
ona ou fai atu o lo o i ai ma le isi taulealea e faiava
i o i le matou nuu. Leaga o le Afioga i le Laau na
fausia i le sui usufono o Falelatai ma Samatau, e
fai sina mamao i tua o lona maota. A o le vaega
lea e fai nei e faafeagai lava ma au ma lau vaai. I
lau la tatalo a o lea e faafofoga mai le atunuu ma le
au avetaavale le magafagafa, e manaia tele le
tulaga lea e aumai ai le fautuaga mo outou aua o le
mea lea e tupu, na o na lavea lava o le taavale tulou
o le uputo ia te au, ati loa le atigilima ua le iloa po
o le a le mea e fai ua sulu solo. E laki ona o le
fanua o le Afioga i le Sui usufono o Falelatai ma
Samatau e fai sina laulelei. E faapena oan agi i ai
le tagata pe afai e lavea le taavale. Na ona lavea
lava o le taavale sola loa. E lelei lava la le sola ae
le maua, ae afai la e sola sola ae maua, ia e
faapena. E mamao le fale o le faifeau lea e i luma,
e le gafatia po o fea lava e malafoni i ai, ia o au la e
ou te latalata ane i ai ma e faapena foi le isi
taulealea lea e faiava i le matou nuu e faigaluega i
le Tiute, ma e tasi lea tagata e manaia tele ona
uiga. Na tupu le faalavelave, a o le tagata lea na ia
lokaina le isi ave taavale i totonu o le taavale ina ia
aua nei aafia i le omai o le tupulaga. E peiseai o le
mea lea e le o fiafia i ai le tupulaga ona ua mafua
lava ona lavea ona o le saosaoa, ae a faaalu lemu
lava, ia ona manaia lava lea. E i ai foi lava taimi e
tatau oan faanatinati ai.
Lau Afioga i le Fofoga Fetalai, ou te manatu ma
ou talitonu, o le a se i faaoo atu ia sina upu vaivai
se i fesootai atu ai i lou itumalo.
Ia lou itumalo Faleata Sisifo, aua lau fetalaiga
Ulugia ma lou tou aiga Sa-Ulugia e pola puipui i le
Alo o Malietoa ma le falefia o alii, ia ou te talitonu
e le toe suia ou faalupega ma ou faalagiga.
O oe lava o el aitu na leiloa ae tulai mai ai le tele
ma le taua o el Fogavaiusu. Ia o fea o taoto ai lou
finagalo? O le faatalauula, na o le ono lava masina
lea na ou tulai mai ai. E faapefea ona ooutou
silafia se sui usufono lelei po o se sui usufono
faale-lelei pe afai e le tafa le tofa ia ma se i silasila
totoa po o le a se mea e ono fai e lenei sui
usufono?
E faapea foi le ala i le pule aua lou lua toalu Toi
ma Tulaga ma le Falefia o Aloalii, le afio o lau
Afioga i le alo o le Tuitoga faapea foi le fale sa
talalaua aua lou lua toalua lauaki ma Motuopuaa,
tainane foi Puaasegisegi ma Puaalatamai, o el
matua e tumu i lau fetalaiga oe i le igoa Matua lau
fetalaiga Ale ma lou lua sa seelua ma le lua
faleagafua aua Aiga Sa-Tunumafono ma le gafa o
Aatoe ma le Vaaulu aemaise foi itu olenei aiga,
Ulu ma le Aiga o Sa Ulu faapea foi Leaogamalie,
le afio o Seiuli ma Laufou ma Letagaloa, o le
mamalu ia tatou Faleata. A o fea o i ai la outou
tofa faatupu ma la outou tofa faatamalii? Ae
aumaia lo outou finagalo ma la outou faatuatuaga
atonu foi o le umi o le taimi e faigofie. Afai tout e
silafia i le isi lima tausaga o lumanai nei e le
talafeagai lea sui usufono, ia e faigofie lava ona
sui, ma e le taumasina foi se tuu ma le Atua ma
Lona finagalo i lana maa togi faato ma le tao e velo
i le maninoa. E faapena aga a le Atua ia e pule a Ia
i le soifua, e fai le moto e fai foi le matua. Afai o i
ai se tasi o sauna folau mo lenei faamoemoe, ia
talosia i le agalelei o le Atua. E le fai ai sou loto
ma sou manatu, ae tau ina ia toe nofo lelei le tatou
itumalo.
Ia Faleata i Sasae ma Faleata i Sisifo, ia ona ua
vaevae ae tasi o lo ta itumalo. E le faigofie foi le
puipuiga o le tofa aua le afio o le Tama a le Fale o
le Susuga ia Mataia ma le Afioga ia Faumuaina ma
le Alo o Malietoa.
Le mamalu e o Samoa, ia ou te talitonu i lenei aso
ona ua pau o se sui usufono o ni manatu aua le
faalalagamaea a le atunuu, o e o lo o laina ma
timuia i le faamoemoe lavasia aua faigapalota a le
Motu tele i Salafai ma Tumua nei, ia i ai le
faamalumaluga a le Atua i le mea o lo o tou laina
ai nei. Tau ina ia agalelei le Atua ina ia
faamanuiaina la outou tapuaiga aemaise foi le
tulaga o lo o outou faamoemoe i ai mo le
faamoemoe o a taeao ma le lumanai.
Ia manuia tele lau Afioga i le Fofoga Fetalai, ia
maua sou finagalo. Ia faafualeva e le Atua lou
soifua, ia faapena foi ona agalelei i au matafaioi
ma ou faiva. Ia agalelei le Atua ma faamanuia.
Ia saga tului le soifua manuia o lo tatou tama, le
Afioga i le Ao Mamalu o el Malo o Samoa le
Susuga i le Malietoa. Ia i ai le manuia o le Atua, e
faapea Susuga i Faafeagaiga Taulagi i so o se fata
faitaulaga, ia liliu mai i lenei Maota. Ia alofagia e
le Atua ia faamanuia i le Kapeneta, Afioga i
Minisita o le Kapeneta i la outou matafaioi e fesili
a ia outou ma a outou fuafuaga uma. Le mamalu o
le Palemene, o outou mama na ina ia tulai mai se
Malo lelei ma se Malo fou i le tulaga o lo o i ai le
faamoemoe o le atunuu.
Ia manuia tele le aso.
Tofa VAATIUOLA LAUTOLO MISI
Itumalo
Faaalalafaga:
Aiga i le Tai
Filifilia:
15 Me 1996
Faatauto:
16 Me 1996
Lauga Faataupou:
19 Iuni 1996
Lau Afioga a le
Fofoga Fetalai ma le paia o le Palemene, ua i luma
o le Atua ma ua molimoli foi laau i Fogaa i le viiga
o le Atua i lenei taeao i le tatou faapolo a o le
faasagi aua le Atua ma lona agalelei. Tatou faoliu
ia i le vaoliu e pei ona momoli le faafetai, ae tatou
te le faamutaina ai le alofa o le Atua. Ua tafa lelei
ata ma ua togo lelei le malama i lenei taeao fou, ua
momoli mai ai e le Atua lo outou soifua i lo outou
ee i le lagi e mama ma le soifua manuia, ia saga
faatele pea le viiga o le Atua e pei ona malele lau
Afioga a le Fofoga Fetalai.
O lenei taimi o le a faaauau ia le tautalaga a Aiga
i le Tai. Ua ave atu i le taimi ua mavae le matou
lagolago i le Tala o le Tupe ua faataatia. Ua avatu
foi le matou faamalo i lau Afioga i le Sui Palemia
ma le paia i Sui o le Kapeneta i lo ouotu fita i tuga,
e tapena ma sauniuni le faigamalaga ma le tatou
folauga faa-Faigamalo i lenei tausaga fou ua
amatalia. Ia talosia ia o outou mama na, ma ia
alofagia e le Atua ia faatonutonu folau i lo outou sa
ma le tatou vaa ua folau nei ma ua see. E avatu foi
le faafetai ma le faamalo i le paia maualuga i tupu
ma ee o faauluuluga o Matagaluega ma
Faalapotopotoga a le Malo ona o lo outou feagai ai
ma feau ma galuega. Ia alofagia pea e le Atua ia
outou fatuaiga tausi ma la outou tautua matavela o
lo o faia mo Samoa ma ona tagata soifua uma.
Ona faaauau lea o le faamatalaga a Aiga i le Tai i
nai talosaga ma mea e moomia ma mea o lo o fia
faaleleia. Ua faafetai i le Malo ma la outou
faamuamua, ua taoto le alafua ma o le manulauti
lea o lo tatou faamoemoe ma le fita-i-tuga i lenei
vaitau ma le galuega ua feagai ai nei, o le faaleleia
o le soifua maloloina. Ua faafetai i le tofa, ua
faafetai i ouotu finagalo ua faataatia. Ua taua foi le
Aiga i le Tai lea faamoemoe ma ua lagolagoina
atili, ae na o lenei. Lau Afioga a le Minisita o le
Soifua Maloloina, ta te talafatai e tasi. Ou te
masalo o lo o e talitonu ma e silafia faafitauli o lo o
i ai. O le falemai tutotonu i lo tatou faaitu o lo o i
lou afioaga ma lou itumalo i Siufaga Falelatai. E
sub-centre Aiga i le Tai, o le falemai na fai lava e
le nuu ma le itumalo. O le faanoanoaga i aso nei
ma le sologa o le soifuaga, ua agai uma i luma, e
faasolo mai i luma ae ua faatulai mai ua gasolo i
tua. O lo o i ai le falemai i Faleu-tai, o lo o i ai le
falemai i Fuailoloo na fau i ou lima i Mulifanua.
Sa faatauaina i le taimi na tulai mai ai le Afioga
Polataivao i le Soifua Maloloina ma e na tatala
aloaia ai le galeuga sa faia. O le faanoanoaga o lo
o i ai, a sii le mai a Aiga i le Tai i lo tatou falemai
tutotonu e totogi le $20 ona faatoa vaai lea. A sii
mai i Leulumoega o lo o i ai le Fomai tama e
toatasi, e totogi le $10 ona faatoa vaai lea o le mai
a Aiga i le Tai. O Siufaga i Falelatai, Aiga i le Tai,
e tasi le fomai tama e i Leulumoega. Lau Afioga a
le Minisita, o le talosaga a Aiga i le Tai, faataua le
itumalo. Ia i ai, a le o i ai foi se fomai tama ona o
le le lava, ia alofagia ia i ai ni tamaitai tausimai
pasi e nofo tumau ai. E le ganavale le leo o Aiga i
le Tai i Fomai foi ia o Nurse Aid ea po o a vaeane
le paia o le Maota ma le mamalu o Samoa, a o le
popolega o i ai, o le a lava le mai e tulai mai a le
tuli mai i Leulumoega e totogi le $10 faatoa vaai le
Fomai, ona tuli mai lea i Apia nei. E tuli mai i
Apia nei e pei ona i ai faiga faavae a le
Matagaluega, fai mai e fai se tusi. Lau Afioga a le
Minisita ma le paia o le taeao, o lo o i ai ona o le
soifua o tagata, ia alofagia e lau Afioga a le
Minisita tuu ni fomai pasi e vaaia falemai ia.
O lona lua, o se fesoasoani a le Matagaluega ina
ia faaleleia atili. E aoga ma e taua le soifua o
tagata. O le falemai tutotonu sa i ai i onapo ua
mavae, sa i lou nuu i Mulifanua, e manaia tele
lena. Ae ou te le iloa foi pe aisea ua toso ai i le
siusiu ae agai uma i luma le soifuaga galulue o
tagata. O lea ua ou talosaga atu faamolemole se i
silasila ane, o ao ma po e tautua le itupa o tina e
tausi le fomai, vaai le falemai. O aso uma e ia te
Au le vaaiga e faaleleia ai le mea e nonofo ai
Fomai. E totogi pili o moli, paipa ma mea faapena
i le faanaunauga ina ia maua le soifua maloloina o
tagata. O lea ua ou talsoaga atu ai e fai Au ma sui
o le itumalo ia alofagia falemai ia. E tatau lava ona
i ai se Fomai e nofo i Aiga i le Tai e vaaia subcentres ia o Faleu-tai e gasolo i ai le motu i luga
atu e 1,000 ma ona tupu tagata ma Manono-uta ae
centre mai i Mulifanua e faigofie femalagaaiga.
O lona tolu, lau Afioga a le Minisita e ala atu i lau
Afioga a le Fofoga Fetalai, na o le uaealesi lava la
e i ai o ala o fesootaiga ma taumafaiga i taimi
faigata, a o le uaealesi foi o lo o tele lona
faaletonu. O lea e talosagaina ai lau Afioga a le
Minisita, sei silasila totoa ane i auala e faigaofie ai
ona fesootai aua taimi o faalavelave. E tasi le
taavale lea e nofo ma le Fomai tama i Leulumoega
e serve ai le itu atoa lea. A tupu le faaletonu i
Siufaga e telefoni mai le Fomai, a tupu le faaletonu
i Faleu-tai ma Manono-tai e laasia le atuava ma le
atuvasa faatoa fata mai. E oo mai ile falemai ua
pepese le auosilagi. E oo atu le ambulance i
Motootua ua tele le ogaoga o le faafitauli. O lea e
talosaga atu ai meamanu ua i ai le faamuamua a le
Matagaluega se i alofagia o lo o fia maua le
fesoasoani i lea itu o le atunuu. O lo tatou itumalo
o Aana atoa, se i tagai ane i ai. O fanoga lafovale
ma le tagi a le pumate, a o lo o i lau Afioga a le
Minisita le ki ma le tatala o mea uma. E talsoaga
atu ai mo ia vaega uma. Faafetai o lea ua e tulei
saunoa ma ua malele foi le ava a le tamaloa o le
itulagi lea o le a sii totogi o le aufaigaluega, ua
malo le tofa. O lena le faanaunauga o le itumalo se
i alofagia ia faamoemoega lelei uma.
See mai i le Matagaluega o Aoga: ua faafetai le
galulue lau Afioga i le Minisita le Afioga i le
Faatonu Sili, o vaega tofi eseese e oo lava i
faiaoga. Ua faamalo le galulue. O lau talosga lea
o le a taumafai atu. O le aoga faaitumalo o Aana
Nu.2 e i Falepuna o lo o fausia i le lisi mai le
Esetete Tausi e 20 eka, o la e lisi e oo mai i le taimi
lenei. O le aoga Primary School i Mulifanua o lo o
fausia i luga o le lisi e ono eka e totogi i tausaga
taitasi. E le mafai ea e le tofa a lau Afioga i le
Minisita ona tatou galulue faatasi ae faamatuu
eleele ia ua fausia ai aoga mo le atiina aeina o aoga
nai lo le fau atu a o lo o fau i luga o tulaga faalisi e
pei ona i ai? O lea ou te talosaga atu ai se i silasila
ane i ia vaega pe e le mafai na fai i ai se
fesoasoani. O aoga ia ua tumau ai i ina, e leai se
faamoemoe e toe sii i se isi tulaga. Ua faafetai i le
Malo ua faamatuu atu ia vaega eleele e fausia ai
aoga ona e le o po se lilo i tuafale o Aiga i le Tai
mai i Manono-uta e oo mai i Mulifanua, e le atoa le
afa maila i le alu agai uta ae ufitia atoa i eleele o le
Esetete Tausi ma papalagi. O le mea lea ua mafua
ai ona lisi eleele ia e fai ai aoga. O le taimi nei e
$5 i le eka i le 20 eka lea e fausia ai le aoga
faaitumalo a Aana Nu.2. O le aoga tulagalua i
Mulifanua, o lo o totogi nei i faiga faavae e $25 i le
eka i le tausaga, le ono eka o lo o i ai, e le o se tupe
laitiiti. O lea ua ou talsoaga atu e ala atu i le
Fofoga Fetalai, o a fa au ae tatou galulue faatasi.
Ia fai se faiga e tuumaoti ai eleele e fausia ai aoga
aua e le o ni aoga e ave ave tuu, e leai, e mo le
soifuaga atoa. Pe uma le tatou lalolagi i le 2000
tausaga e pei ona valoia e nisi o Ekalesia faatoa
uma ai, a e a le uma e faaauau lava seia oo i fea ni
tausaga.
O le isi itu lau Afioga a le Minisita o Agoa, e i ai
faiaoga na galulue mai lava ia Ianuari e oo mai nei
lava e le i totogia. Pe ua maua i lau silasila ia
vaega? O la ou te iloa ma ou sailia, o le tala mai
sei pasia le Tala o le Tupe. O le fesili, o fea le
vaegatupe na faaagaga mo le aufaigaluega? O le
1995/1996 le vaegatupe faaletausaga lea. O lau
molimau atu lau Afioga a le Fofoga Fetalai, na
amata aoga ia Fepuari e oo mai i le tiami nei e le i
maua ni totogi. O le fesili, ua mafua aisea, a o ai
ua totogi i vaegatupe na tuuina atu e faaagaga mo
le aufaigaluega? E lafo atu, ae mataga ia vaega e
pei ona tuuina mai.
O le isi itu, ua faafetai mo lipoti ia ua taua o se
taimi ona oo lea i ai a o faanoanoaga o le taofi, e
toatele, toatele mai lava ma faasolo mai tamaiti
aoga, ae oo ane i le faaiuga e toaitiiti ua oo i le
taunuuga. O le isi o faafitauli ua ou tilotilo ma
saili i ai e laitiiti avanoa po o aoga e mafai ona
faaulufale i ai tamaiti ina ia saga faatele atu lo
latou atamai. Na o le Kolisi o Samao ma Avele
aoga maualuluga i Upolu ma Vaipouli i Savaii, o
aoga a le Malo. Ua faafetai i Ekalesia ua maua le
fesoasoani e maua ai nisi avanoa e faaaooga ai
tamaiti ma fanau a le atunuu, o tupulaga o lo o
lalovaoa o le faamoemoe lea o Samoa ma a taeao.
O le mea o lo o tulai mai e le o lava avanoa e tuu i
ai nai tamaiti e faaaooga ai. O le mea ua tulai mai,
e tele lava avanoa e tuu i fanau a papalagi ia e
aumau i inei, ae a toe foi papalagi ma ave a latou
fanau, ona faaletonu ai lea o fanau a le atunuu. O
lea ua ou talosaga atu ai i ia vaega se i silasila totoa
ane i ai.
O aoga i lo matou itumalo o lena e silafia. E oo
mai i le taimi nei e le i maua lava se Ulu Aoga o le
aoga i Mulifanua, e faapena i isi aoga i le itumalo o
Aiga i le Tai. Sei silasila totoa a outou Afioga i nei
vaega ina ia maua ai se fesoasoani.
Ona oo ane lea o lau faamatalaga i mea e fai ai
aoga. Le Malo e, se i alolofa. Afai ua matagofie
Apia nei ma le talafatai o le taulaga, faasolo i nuu i
tua lona faamatagofieina ina ia maua laugatasia e
fanau a le atunuu le aoaoga e lelei ma le fesoasoani
taua e pei ona ofoina atu. Ae lafo atu i a outou
Afioga o lo o faafoeina ma vaavaaia ia tulaga.
Ona oo mai lea o le faamatalaga i le Ofisa o
Faatoaga. Lau Afioga a le Fofoga Fetalai, o le
ivitu o le tatou tamaoaiga o le eleele e pei ona sa
sau ai. O le fesoasoani a le Matagaluega e taua i le
atunuu. O le fesili muamua, o le a ea le tiute fai o
le Tausi Itumalo lea e aveatu i tua? E fau le fale
tuu i ai le taavale ma nofo ai i ina, o le a ea lona
tiute? O lona tiute ea tau ina oso i le taavale i le
taeao ma sau i Apia i le Ofisa, foi atu ina tofa? O
nisi o taimi e alu le vaiaso atoa e le maua i le fale
ae nofo i le itumalo. O le mea lea lau Afioga a le
Fofoga Fetalai, o le talosaga a Aiga i le Tai, o la e i
ai le fale. O le faalavelave foi e fai le fale ma tuu
ia Satuimalufilufi o le nuu o lo o lotolotoi e palota
mai i Aana Alofi Nu.3, a o le Tausi Itumalo lea e i
ai le talitonuga e tausia ma vaaia Aiga i le Tai. Ina
ne i outou manatu faatauvaa ia Aiga i le Tai faapea
e lumafale i moana ae tuafale i le papa, po o a ona
aoga, ae leai, e galulue le itumalo. E fia maua le
fesoasoani ae ou te leiloa po o outou silafia, e le
maua le Tausi Itumalo lea i le fale se i fesoasoani i
le au vaivai. Tuu i ai le fesoasoani i le totoina o
laau aoga. Ou te fai atu aua o Au o lo o tauivi mo
le taumafaiga o lo matou itumalo ma le nuu. E
leai, a sue i ponesi na maua nei pe toalua lava pe
toatolu faifaatoaga mai Aiga i le Tai. O le
mafuaaga e le feiloai le Tausi Itumalo ma tagata
faifaatoaga. E oo lava ia te Au se i silasila ane i ai.
E tatau ona alu e fesoasoani i tagata, alu e fai le
workshop i lea nuu ma lea nuu ma lea nuu, asiasi i
tagata ma le faiga o faatoaga po o lelei. O le mea e
faanoanoa ai, o lena e pei ona ou fai atu. E manaia
le fale, tuu i ai ma le taavale a le Malo ae e le o
atoatoa le faatinoina o tiute fai. O lea ua ou
talosaga atu ai lau Afioga a le Minisita vae atu le
paia o le Maota o Samoa, se i silasila ane. O le
ponesi, ua faafetai mo faamanuiaga a le Malo i le
aufaifaatoaga, faauau ia oo i ai Aiga i le Tai.
Ua faafetai i Sui Mamalu sa faatuina ma
lagolagoina le lafo, ua faafetai i le tofa a le Maota.
Ona faaauau ai lea o le faamatalaga a Aiga i le Tai.
Sei silasila ane i le taou Maketi o Ia, ua faafetai i le
tofa ua ae. O le mea e aupito i sili ona ou
fautuaina, ia pulea e le Malo le faatauina o ia. E
vaai lava ma le maasiasi i nisi o tautai o le atunuu
ma le latou tau ua faatauina ai ia i le mamalu o le
atunuu. Ua taugofie oloa mai fafo i lo le tatou
tamaoaiga o le gataifale o lo o faatauina nei. O lea
se i silasila ane i ia itu.
O le Ofisa o Galuega: lau Afioga a le Minisita ma
le Matagaluega ua maea ona tatou talanoa. Ia
talosia e le i uma le tatou tauaofiaga lenei ae ua
faatino o matou vai. Na taatia mai ia Setema i le
tausaga ua mavae, e le faitio foi se isi leaga sa
alofaiva i le faamoemoe e pei ona i ai. Ua ou
talosaga atu i vaega ia e pei lava ona faataatia.
O auala-ta: E malu, malu lava le alu a le taavale i
le alu atu i inei oo i le uafu i Mulifanua, e sopo atu
loa i o leaga. O Au lea ou te usu mai ai na ou usu
mai ai nei foi, sa ou foi ai anapo. O le upu moni
ma le faamaoni, afai ou te faatauina le taavale fou,
e le i atoa le tausaga ae ua pao atoa. E silafia e lau
Afioga a le Minisita lo tatou itu i o. O i ina lava e
manua ai le taavale ma matua afaina ai. Ua toe pau
lava lea o le oga-auala o lo o faaauau ai le tatou
polokalame lea o le tanutanu omoomo vaeatu lau
Afioga a le Fofoga Fetalai ma le paia o le Maota, a
o le tanutanu lea o lo o aupito sili ona galua ai le
aualatele i faiga-malaga. O lea ou te talosaga atu
ai se i silasila ane i ai. Ua toe tolu lava moli auala
la e i le va o le Rasmussen agai i Mulifanua sopo
atoa. A malaga atu i le malae vaalele oka, e pei ua
ta alu i le free-way foi lea i le manaia o moli. Ua
manaia le galuega ma faasolo atu ai i le malae
vaalele e oo i le uafu, ae oo atu loa i le nuu lea se i
alofa silasila ane i ia vaega.
Ona ou oo mai lea i le Esetete Tausi: Ou te
talosaga atu i le Komiti o lo o pulea ia vaega. Ou
te talosaga atu ma le agaga faaaloalo, o lo o taatia i
inei i le Maota le talosaga a le uso a Faipule le
Susuga ia Leiataua Vaiao e pei ona matou feagai
ai, o lo o taatia foi i paga le tuleiga a lau Afioga i le
Taitaifono e talia ai le talosaga a lenei itumalo ma
lenei nuu. A silasila i ai, ua maea ona e laasia le
maatui ma le maatala, le maagao ma le maa
faatuia-aao i tuamaota o le nuu lea. O le isi matai e
kuata eka le mea na tuu i ai. Ia o le a le mea o le a
maua ai? E le maua ai se taga talo. A tuu i ai
taamu, e 200 taamu ua tumu le kuata eka lea. E
leai se atiina ae e maua ai. O lea ou te talosaga atu
ai faamolemole, o lea ou te manatua le fesili a se
tasi o tama i le faaitu atu lea i le Maota lenei i le
Paeaiga Muamua po o le Lona Lua ina ua
Tutoatasi Samoa. ―O ai ea lenei tagata o Uesetete
ua na ave uma eleele?‖ o le fesili lea a le toeaina
lea ou te manatua, a o le sao o le mataupu, ―o ai ea
le Esetete Tausi ua na ave uma eleele?‖ O le
talosaga ia alofagia e le Malo. Lau Afioga a le
Taitaifono ma lau Afioga a le Minisita o lo o
faafoeina nei tulaga, o le itumalo aupito oge eleele
lava lea, o le mea foi lea e manatu faatauvaa ai i ai
le Malo aua e leai se tamaoaiga tele e maua mai ai
vagana le gataifale. A usu le Manono, e usu i le
sami, e maua mai i ina sau i le Maketi alu atu ai ma
le tau talo aua e leai se mea e maua i o. O lea ua
ou talosaga atu nei lau Afioga a le Minisita se i
alofagia. Na faatoai foi i le Tofa ia Tupula Efi a o
ia tauaveina le Malo i lea vaitaimi. Na to mai ai le
400 eka i uta i Faleatiu. O ai le le toee o le a soli
tuamaota o ia afioaga? Sa i Aiga i le Tai i gauta o
Faleatiu. Ua ou talosaga atu ai faamolemole, ia
outou alofagia o lo o i ai le matou 300 eka lena ua
ou faaali atu, a o le faafitauli ua poloka uma e le
Esetete Tausi auala e ui ai le itumalo ma le nuu lea
i uta, o lea ua taatia. Ou te le iloa pe ua fai ane e
Falelatai ma nisi i ina aua ua le toe sao i ai. Ua
mafua ona o faafitauli na. Ua ou toe talosaga atu
faamolemole, se faamatuu i le itumalo e gaosia ma
galueaina e maua ai le fesoasoani. A saga tuu ai i
ina, ia o lea. Ua ave ave le Esetete Tausi, ua gau.
Ou te le iloa po o ai lea e gau ai. Ae a tuu i le
itumalo e galueaiina le eleele ma faaaoga atonu o
le a maua mai se isi fesoasoani i le Faigamalo.
E tele nisi mea ou te fia talosaga ai ae ua matau
atu ina ne i solitulafono le leo o Aiga i le Tai. ONa
ou faapea atu lea, o nisi o mea o le a taatia atu ae
faafetai mo le avanoa lau Afioga i le Fofoga
Fetalai. Faafetai mo le avanoa o Aiga i le Tai. Ia
mama le lagi i lau Afioga a le Fofoga Fetalai, ia
alofagia e le Atua ia mama le lagi aua le ee o lau
Afioga i le Sui Palemia ma le paia maualuga o le
Kapeneta, ia alofagia e le Atua le lato i le tai ma le
lato i le ea male sailiga togafiti a le Afioga i le alii
Palemia. Ia taliu i manu, ia manutoao lo tatou
feiloai ai. Ia alofagia e le Atua le paia o le
Kapeneta ma le Palemene o le Fono Aoao a
Samoa. Ia alofagia le Ofisa o le Fono, ia alofagia
Faauluuluga o Matagaluega, ia alofagia e le Atua
Samoa ma ia tatou feiloai pea i le manuia. Soifua.

Lau Afioga i le Fofoga Fetalai faapea foi le mamalu o le Maota, ou te

Transcript

Documenti analoghi

O Au O Se Atalii o le Atua

Pepa o Faamatalaga o Avanoa mo le totogiina o aitalafu

Samoa

failauga ataeao

o Vaega Faapitoa Tau Faigafaiva o Atumotu o Amerika Samoa e

1-‐Sau Sau Ti`ae (Entrance)

LAMEPA EFKAS

Aso o Tina i le fanuatanu

O Se Taiala mo le Faauuga i le Seminare ma le Inisitituti

mai laufanua o aukilani - pacificlanguages