Las duas fatschas giug da Nadal

Las duas fatschas
Giug da Nadal
da
Jacob Pfister
1
jp/06/07
Giug da Nadal
Las duas fatschas
Persunas:
14 persunas vestgidas en ner
14 persunas vestgidas en alv
2 scolarets : 1 en ner 1 en alv
Scenaria:
Tut ils affons vegnan tschentai si el chor avon il pigniel,
ils ¨ners¨ dad ina vart ed ils ¨alvs ¨da l‘autra vart.
Duas mesas fatschas, in‘alva ed ina nera vid fests.
scolaret
alv_________
Las (tegn ad ault siu fest)
scolaret
ner_________ : duas (tegn ad ault siu fest)
scolarets alv e
ner_________ : fatschas (tegnan in mument ad ault quellas,lu metter
dalla vart)
ner 1
___________: Puspei advent! Quei temps da cazzolas e halleluias
plai insumma buca a mi.
ner 2
___________: Per nus che vein bugen il stgir ei quei propi nuot.
ner 3
___________: Dapertut in hantieri da glischs,candeilas e pigneuls.
ner 4
___________: Quei tschorva e fa tut mal ils egls.
ner 4.1
___________: El radio ed ellas stizuns aud‘ins gleiti mo canzuns da
Nadal ed advent.Stursch da tener ora!
ner 5
___________: Vus veis raschun. Nus stein bia meglier el stgir e
misterius.
ner 6
___________: Mirei uss tuttina sin quels alvs vi leu co ei fan da son tget ed illumineschan tut.
2
jp/06/07
alv 1
___________: Tgei plascher! Gia havein saviu envidar l‘emprema candeila d‘advent.
alv 3
___________: Ti has raschun ! Ussa va ei buca ditg pli tochen Nadal.
Jeu pos strusch spitgar.
alv 2
___________: Super! Lu dat ei massa pacs e nus vein aunc vacanzas.
alv 4
___________: Con bi ch‘igl ei ussa la sera cura che tut ei illuminau cun
steilas, cazzolas e candeilas.
alv 6
___________: Quei ei ver. Mal stun jeu denton per quels pauperets
vi leu ch‘untgeschan tutta glisch e vulan saver nuot da
Nadal.
alv 3
___________: Ins stuess empruar da gidar els ch‘ei vegnessen da
nossa vart.
ner 7
___________: Veis udiu tgei quels alvs patarlan? Trer nus da lur vart!
Quels ein buca tschien.
ner 9
___________: Quels han buca idea. Nossa pussonza ei bia pli gronda sin
quest mund.
ner 8
___________: Precis! Jeu sun era da tiu meini. Mo spitgei e mirei tgei
che schabegia.
alv 7
___________: Nus stuessen matei entscheiver a patertgar vid ils
schenghetgs da Nadal.
alv 8
___________: Jeu zambregel sez quels pacs. Quei fa pli bia plascher
che da cumprar tut.
alv 9
___________: Sch‘ins ha peda avunda va quei forsa. Quella vai jeu denton buc ed ils daners tonschan era buca per cumprar ina
massa pacs.
3
jp/06/07
alv 10
___________: Ti has raschun. Quei Nadal ei tuttina mo ina gronda fatschenta. Adina il medem. Ils schenghetgs zambergiai
setschentan zacu el rumien ed ils pacs cumprai stuessen
vegnir mintg‘onn pli gronds e pli cars.
alv 9
___________: Exact miu meini! Neu, nus mein vi tier quels vi leu! Quels
han buca ton stress. Tut pli cool! (9 e 10 van vi davos)
ner 10
___________: Veseis ussa! Ils emprems han gia bandunau lur parvis.
Mo spitgei! Ei vegn segir aunc vi plirs tier nus!
alv 11
___________: Veis udiu, ier han ils affons sescagnau ed ein schizun
sepitgai duront trenar las canzuns da Nadal. Jeu vi saver nuot pli da quella fiasta. (va vi davos)
alv 12
___________: Cun mei stueis era buca quintar. Nadal,carezia! Ha, ha!
Gnanc in meins avon Nadal han ins detg giu a mi la plazza.
Gronda carezia , neve ! (Vul ir)
alvs
___________: Stai cheu,stai cheu!
ners
___________: Neu tier nus, neu tier nus! (Alv12 studegia e va lu davos)
ner 12
___________: Ussa saveis lu gleiti pachetar ensemen e metter giu
vossa fiasta. 4 han gia midau riva.
ner 13
___________: He vus sontgets! Mirei co ei vesa ora el mund! Vies Nadal vala buca ina pipa tubac.
ner 14
___________: Gia ils pigns sescognan e miran mo per lur buttatsch.
( alvs 7,8, van vi davos)
ners:
Vegni,vegni, tier nus eis ei pli bi! Hihi,hihi!
alvs 13,14
___________: a 13 Tgei lein far? a 14 Lein star ni lein ir? (targlinan)
alvs:
Stei tier nus,stei tier nus!!
4
jp/06/07
ners:
alvs:
ners:
alvs 13,14
___________:
Vegni,vegni, tier nus eis ei pli bi! Hihi,hihi!
Teni cul bien,teni cul bien!
Vegni,vegni,tier nus saveis sedivertir!
a 13: Ina vusch di da star. a 14: Tschella dad ir.
a 13: Jeu stun. a 14: Jeu mon. (a 14 va)
Nus gudignein! Il stgir gudogna! Hurra!
ners:
alv 6
___________: Tgei lein era pigliar a mauns? Ei il mund propi aschi
schliats?
alv 4
___________: Nus astgein buca piarder la speronza.
alv 2
___________: Gia pli baul ha ei dau stgirs muments sin nies mund.
Mo la speronza ei mai stizzada diltut.
alv 3
___________: Jesus era schi pigns e fleivels cura ch‘el ei naschiu.
alv 6
___________: Quei ei ver e tuttina ei sia clarezia sederasada sur
igl entir mund, sc‘in crap che dat ell‘aua e fa undas pli e
pli lunsch.
alv4
___________: Ni sc‘ina brastga che sa envidar in grond fiug.
CANZUN
(Advent)
ner 12
___________: A mi eis ei vegniu tut curios, enzaco tut cauld entuorn
il cor cura che jeu hai udiu quella bellezia melodia.
ner 13
___________: Era jeu vai sentiu semegliont. Tgei lein far?
alvs:
Vegni,vegni! Tier nus ei la glisch.
ners:
Stei! Stei!
alvs:
Nus dein la vera speronza! (ners 12,13, 3,4 van vi tier ils
alvs; alvs davostier empleinan las ruosnas tier ils ners)
5
jp/06/07
alv 1
___________: Dumengia eis ei stau propi bi. Jeu vai mo smarvegliau
cun tgei tschaffen e con bein ils affons han sunau e cantau pils seniors.
alv 7
___________: Quei vai jeu fatg bugen. Bia tats e tattas ein propi selegrai da nossas producziuns.
ner 5
___________: Tier nus dat ei buca zatgei semegliont.Nus savein gnanc
co far plascher a zatgi. Jeu mon! Tgi vegn cun mei?
(ner 5 , 6, 7 vulan ir)
ners:
Stei! Stei!
alvs:
Mo vegni! Mo vegni! (ners 5, 6,7 van)
ner 6
___________: Ussa sesentel jeu bein. Savessen nus buca cantar ina
canzun da Nadal, denton ina ¨rassiga. ¨
CANZUN
(Rudolf ni Jingle bells) (equiliber denter ner ed alv ei
cheu. Ins vesa buca nua ner ed alv ei)
ner 7
___________: Jeu vess mai tertgau ch‘igl advent sappi purtar ton
plascher e cuntentientscha.
alv 1
___________: Era tier nus dat ei stgiradetgna.
alv 6
___________: Precis! Jeu audel magari 2 vuschs en miu intern. Ina di
sepren ensemen,ei va segir e l‘autra di: Lai far peiver,
ei ha tuttina buca senn.
ner 8
___________: Era nus sentin magari aschia.
ner 9
___________: Co ei quei propi stau avon varga 2000 onns? Jeu vai
marveglias.
alv 7
___________: Maria ha parturiu il Fegl da Diu en ina paupra stalla.
6
jp/06/07
alv 4
___________: Pasturs che vegliavan silla pastira ein vegni ord la stgiraglia ed han adurau igl affonet ed anflau cuntentientscha.
CANZUN
(Schumbrader)
alv 3
___________: 3 retgs ord tiaras lontanas ein era suandai la steila ed
han purtau schenghetgs al Spindrader.
alv 2
___________: Rehs e paupers ein selegrai ed ils aunghels dil tschiel
han intunau melodias celestialas.
CANZUN:
Halleluja
ner10
___________: Mo tuttina dat ei aunc stgiradetgna sin nies mund.
alv 1
___________: Quei ei ver. Nus stuein emprender dad ir entuorn cun
omisduas varts.
ner 10
___________: Ussa capeschel jeu. Nus stuein viver cul stgir e clar en
ed entuorn nus. (METTER ENSEMEN LAS FATSCHAS)
alv 2
___________: Exact. Nus astgein denton selegrar sch‘il clar tarlischa
sco la sera da Nadal.
ner 7
___________: Ti has raschun, mo pér el stgir dalla notg survegn la
steila da Nadal sia vera splendur.
CANZUN:
La glisch da Bethlehem
FIN
7
jp/06/07
8
jp/06/07
9
jp/06/07