ACD Val Badia/Raiffeisen - ASV Wiesen

US ALTA BADIA
ACD Val Badia/Raiffeisen - ASV Wiesen
Inviato da Renato
Ultimo aggiornamento venerdì 03 agosto 2012
Dumënia, ai 20 de mà 2012
Al ne es nia falè tröp ala devënta, les gran ocajiuns arjomades tl mëte man à pesè
N gol corius y fortuné à porté ala parité
Dan mëte man dla partida él stè tigní en menüt de chit en recort di morc dl tremoroz tl Emilia Romagna. Jü à edl él ince che
le arbiter Lazzaro á i odlà, cosa nia da vigni domenia. Mo al à albü na buna odöda sön la partida.
Cun n gran drüch y de beles aziuns mët man la Val Badia la partida, fajon recordè Lijun. Le pröm temp é stè soghè trö miù
cho i aversars, tl secundo é la scuadra ladina carada i an à odü en pü plú i ghesc dl Wiesen che à ince cun fortüna arjunt le
pêr. Le pêr é n pü strënt, mo porta en bun punt en direziun dla salveza matematica che adora ciamò en punt. Pallestrong
sa indô fat na destrata messan lasciè le ciamp y se arjunj ai infortunà Massa y Dapunt. La buna é che al à indô podü soghè do
le bur infortüne le “goleadù” Matti Stampfer. Tla formaziun dl Wiesen falâ por scualifica le dër bun atacant V.Hofer.
Al 4^ menüt passa Erlacher amesa dui defensurs ite t'aria a Clara, sön n contrast cun n defensur sföma la buna ocajiun. Do
da 7^ de jüch él der na bela aziun ladina danter deplü sogadus cun na passada ezelenta de Pallestrong t'aria por Thaler.
Chesc röia sú dan le portier dl Wiesen dan porta, la trata röia fora de der püch. Al 11^ menüt vegn da na pert sö le defensur
Bernardi che ciafa le palê da Thaler y salta cuntra aria. Dui defensurs le prô da tignì sö, mo “Julio” cun slöm sön i contrasc röia
bel sú dan le verdaporta. Cun n striscun a mesa alteza sön la man ciampa dl portier segnel le 1 a 0. Do da 20^ de jüch tira
Erlacher n'ciantun, do na rebatöda de n defesnur röia le curan a Pallestrong che cun na gran bela rödada al jore le tirel te
porta. Ma na gran deviaziun te ciantun dl un Mollica eviteia le 2 a 0. Le ciantun ne san nia porciodì ne nia gnü dé dal
arbiter. Le pröm iade ala trata röia le Wiesen al 25ejim cun le ot Schürmann, Amicone respogn rebaton de pè süa trata da
daimprò. N´atra gran ocajiun é sön le pè de Alex Stampfer al 28^ menüt. Do na der bela aziun dla Val Badia röiel ala trata da
dan aria che atoca la pert dant dla stangia de porta, sfortunè. Al 55^ de jüch tira le önesc Hochrainer püch dan la bandira dl
ciantun cuntra aria ladina. La trata dl döt sbaliada se alza y chambian direziun arsesc püch dan l' incrujada di legns te
porta, n gol der corius magari daidè dal vent che porta ala parité. Al 69^ menüt da na trata da ciantun röia le palê fora d'
aria a Barbolini che lascia pié i na secia trata cuntra porta. Chesta rovas te porta, sú dan le portier él Clara che la
devieia ciamo inant te rei. Mo süa posiziun é de forajüch y le gol vegn anulè, sfortunà. Al 88^ de jüch ciafa “Matti” sú le curan
t' aria do na trata rebatöda de Clara, mo süa trata ne nia dles mius y röia de cotan fora dl spidl de porta. Al es podü ester le
gol dla deventa. Da en ultima düc empô contenc.
ACD Val Badia - ASV Wiesen: 1 - 1
Formaziun Val Badia: 1.Vincenzo Amicone, 2.Julian Bernardi, 3.Devis Vittur, 4.Simon Dapoz (capitan) (dal 70^ Matthias
Stampfer), 5.Samuel Vittur, 6.Paolo Adami (dal 63^ Florian Barbolini), 7.Matthias Thaler, 8.Alex Stampfer, 9.Manuel
Clara, 10.Armin Erlacher, 11.Damian Pallestrong (dal 50^ Manuel Pescollderungg).
Alenadù: Luca Massa
Gol por la Val Badia: 11^ Julian Bernardi
Proscima partida: en domenia, ai 27 de mà 2012 dales 16.00 sön la plaza sintetica da Dietenheim, cuntra le ASV
Dietenheim/Aufhofen.
http://www.usab.it
Realizzata con Joomla!
Generata: 15 March, 2017, 00:48