La Quotidiana, 6.3.2013

4
SURSELVA
MESEMNA, ILS 6 DA MARS 2013
Bellezia aura e program attractiv
Il plaz da ballapei dil Center da sport Acla da Fontauna a Mustér ha dapi igl atun vargau ina nova cuvrida. Ils clubs da ballapei sursilvans
han fatg stedi diever.
FOTO G. VENZIN
■ (anr) La fin dall’jamna passada ha
la tschunavla ediziun dil Nitro Surselva Jam giu liug a Breil. Concurrenzas
sin pista ed in program attractiv han
attratg dabia glieud. Struschamein 80
concurrentas e concurrents dall’entira
Svizra ein semesirai en differentas categorias dil Nitro Surselva Jam. Als
victurs han ils organisaturs mess a disposiziun attractivs premis en fuorma da
daners e naturalias. Las participontas ed
ils participonts han concurrenzau el
parc da neiv ch’ei vegnius tgiraus igl entir unviern cun gronda premura. Sco
quei ch’ils organisaturs constateschan
gauda l’occurrenza ina fetg buna reputaziun enteifer la scena da freestyle dalla
Svizra. Igl arranschament ha saviu seposiziunar era sco ambassadur dil liug da
vacanzas da Breil. Las concurrenzas da
sport ein vegnidas cumpletadas cun in
program da rama attractiv la sonda sera.
Rodund 600 persunas han gudiu ella
halla plurivalenta a Breil la presentaziun
da Müslüm. Cun buna luna e «süpervitamin» ha el procurau per ina excellenta
atmosfera. Il program dalla sera ei vegnius cumpletaus da producziuns da DJ
da Robin Rehmann. Entschiet haveva il
Nitro Surselva Jam il venderdis sera cun
ina parti cun PDDP e Giganto. Ils matadors locals han mussau ch’il romontsch viva e fascinescha.
Rangaziun
Snowboard open: 1. Urs Hediger; 2. Mattiu Cathomas, Breil.
Ski open: 1. Silvan Jäger, Cuera; 2. Fabio Elsenberger, Neftenbach.
Rookies snowboard: 1. Silvan Heiz, Dürten; 2.
Stefan Gartmann, Val.
Rookies freeski: 1. Nils Niemeyer, Altstätten; 2.
Michael Reibenschuh, Grüningen.
Women snowboard: 1. Cindy Kälin; 2. Chani Michaux, Laax.
Women freeski: 1. Katia Dettling; 2. Fabienne
Gmünder.
Seniors: 1. Jonas Bischofsberger, Münchenstein.
Sil niev plaz artificial
Las equipas sursilvanas da ballapei sepreparan a Mustér pil campiunadi
■ (anr/gv) Igl atun vargau ha il Center
da sport e cultura Acla da Fontauna
schau remplazzar la cuvrida dil plaz
da ballapei installada avon 20 onns
cun ina cuvrida dalla pli nova tecnologia. Ei setracta d’ina cuvrida da Mondo dalla tschunavla generaziun e secumprovada en mellis loghens sigl entir
mund. Dalla megliera qualitad dalla
cuvrida ein plirs clubs da ballapei sursilvans seperschuadi el decuors da quest
unviern. L’emprema equipa da ballapei
da Schluein Glion trenescha dapi ils 12
da fevrer treis ga ad jamna sil niev plaz
per la runda da primavera. Igl unviern
ha l’equipa trenada d’Urs Casutt fatg la
pausa sco emprema en gruppa 1 da tiarza ligia e vul mantener quei plaz schi
ditg sco pusseivel. Urs Casutt trenava
tochen dacheu sia equipa igl unviern a
Domat sin in plaz artificial. Culla realisaziun dil niev plaz a Mustér ei Schluein
Glion sedecidius da nezegiar il plaz ella
regiun. Il trenader lauda buca mo il
plaz, el lauda era co sia equipa ei vegnida retschevida a Mustér dil menader dil
center da sport. «Nus havein sentiu immediat che nus essan beinvegni ed Um-
berto Zanin fa tut che nus sesentien
bein.»
Bunamein sco pastg
El decuors dil davos decenni han ils inschigniers da Mondo sviluppau ina fibra
che sedistingua pauc pli dil pastg. Urs
Casutt constatescha denton: «Ins sto
s’endisar da giugar sin in plaz artificial e
mintga plaz sedistingua empau da l’auter.» Il plaz da ballapei a Mustér ha la
grondezia da 40 x 100 meters. Actualmein eis el empau pli pigns, pertgei ina
part ei occupada cul plaz da glatsch. «Per
trenar tonschi. Sch’il plaz fuss cumplets
savessen nus era dar igl unviern giugs
amicabels», ha Urs Casutt detg.
Il Center da sport Acla da Fontauna
exista dapi 1981 e 13 onns pli tard ei il
plaz da ballapei vegnius installaus. Sco
Umberto Zanin ha informau ei il plaz
duvraus stedi. En paregliaziun culla cuvrida nova havevi la cuvrida installada
avon 20 onns mendas. Giugadurs che selischnavan sil plaz stuevan quintar cun
blessuras da fricziun. Quei prighel ei uss
eliminaus ed ils clubs sursilvans han gust
da giugar sil plaz cun survesta dalla Val
giuado. Il plaz vegn denton buca duvraus
sulet pil sport da ballapei, mobein era per
ulteriurs sports d’equipa e per trenaments polisportivs.
Ella vischinonza da Bologna
Suenter in meins trenament sil plaz artificial a Mustér ei l’emprema da Schluein
Glion naven d’oz tochen dumengia en in
camp da trenament ella vischinonza da
Bologna. Il trenader Urs Casutt ha semtgau dudisch trenaments. «Ei dat ina dira
jamna.» Quei trenament ei denton necessaris, pertgei en cuort entscheiva la
runda da primavera. Suenter dus giugs
amicabels il mars stat gia il miezfinal dil
cup grischun la sonda dils 30 da mars sil
program. Quei giug ha liug a Schluein
ed Urs Casutt ei dil meini ch’il plaz a
Crap Gries ei allura libers da neiv. Igl emprem giug da campiunadi dat l’emprema
da Schluein Glion la dumengia dils 6
d’avrel a casa encunter Mels. L’equipa
songagliesa ha sis puncts ed ei sil secund
davos plaz. Schluein Glion ei tuttina attents: «Ei dat neginas equipas fleivlas en
nossa gruppa, tuttas emprovan da frenar
nus.»
Per la dieschavla ga
■ (anr/gv) La sonda vargada ha l’uniun
Gimnastica da dunnas Mustér organisau il dieschavel turnier da ball da reit.
Al turnier ella halla dil Center da sport
Acla da Fontauna ein 23 equipas separticipadas, da quellas 10 ella categoria elita e 13 ella categoria activas.
En quella categoria ei l’equipa da Mustér,
ch’ei stada la suletta equipa sursilvana al
turnier da giubileum, daventada excellenta secunda. L’equipa da dall’uniun
Gimnastica da dunnas Mustér trenescha
ina ga per jamna. Il sport ball da reit vegn
daus sil medem plaz sco il ballareit, sedistingua denton en entgins detagls dil
ballareit. Las giugaduras astgan tschaffar
il bal ed allura fierer vinavon el schi spert
sco pusseivel anavos agl adversari. L’organisaziun «Netzballswiss», ina sutorganisaziun da «Fitswiss», sefatschenta cul
sport da ball da reit giugaus oravontut da
dunnas.
Il turnier da Mustér ha in plaz segir
ella agenda da «Netzballswiss». Las
dunnas da Mustér han era organisau
igl atun vargau il quart Campiunadi
svizzer da ball da reit. Al turnier dil
mars stat ina gronda part dallas equipas dus dis a Mustér. La dumengia ein
biaras dallas dunnas idas cun skis.
Quei han ellas saviu far a Mustér da
cundiziuns favoreivlas e per prezi favoreivel.
23 equipas da ball
da reit ein separticipadas la sonda
al 10avel turnier da
ball da reit organisaus dall’uniun
Gimnastica da
dunnas Mustér.
FOTO G. VENZIN
Impressiun dallas concurrenzas dil Nitro Surselva Jam dalla fin d’jamna a Breil.
MAD
■ CUORSA LIUNGA
Finiu la sesiun da cuorsas
(anr/gv) Ils giuvens curriders da cuorsa
liunga dalla Surselva han finiu la sesiun
da cuorsas cun in di polisportiv al Runal
Péra a Trun. Il medem mument ha la rangaziun dil cup sursilvan «EnergiaAlpina»
cun cuorsas a Trin, Sagogn, Sedrun e
Castrisch giu liug.
Cup sursilvan rangaziun finala
Buobs U8: 1. Noa Lee Paulin, Sagogn, 340 puncts;
2. Cedric Schöpf, Sagogn, 320; 3. Gion Decurtins,
Trun, 230; Sandro Sossai, Trun, 140; 5. Colin Battaglia, Sagoan, 110.
Buobas U8: 1. Jana Gartmann, Sagogn, 340; 2. Soelle Jäger, Sagogn, 300; 3. Lia Maissen, Trun, 250.
Buobs U10: 1. Lucas Maissen, Trun, 340; 2. Elia
Sossai, Trun, 240; 3. Mirco Decurtins, Sedrun,
180; 4. Maurus Müller, Trin, 160; 5. Michael Fellmann, Castrisch, 141; 6. Elia Malin, Castrisch, 135;
7. Curdin Tuor, Trun, 125.
Buobas U10: 1. Anna Cavelti, Sagogn, 360; 2. Norina Maissen, Trun, 280; 3. Giulia Defuns, Trun, 80.
Buobs U12: 1. Fadri Schmid, Sedrun, 380; 2. Fadri
Nay, Trun, 300; 3. Andriu Decurtins, Trun, 265; 4.
Sonis Shrestha, Sagogn, 195; 5. Anian Camathias,
Sagogn, 161; 6. Jan Cadalbert, Castrisch, 139; 7.
Lian Maissen, Trun, 125; 8. Tino Bearth, Sedrun,
113; 9. Aron Monn, Sedrun, 113.
Buobas U12: 1. Vanessa Panier, Sagogn, 360; 2.
Leonore Holstein, Sedrun, 280; 3. Svenja Tomaschett, Trun, 236; 4. Linda Derungs, Sagogn, 215;
5. Paula Maissen, Trun, 155; 6. Arianna Darms,
Sagogn, 151; 7. Gianna Müller, Trin, 140; 8. Samira
Bearth, Sedrun, 127.
Buobs U14: 1. Noah Malin, Castrisch, 340; 2. Alessandro Cadalbert, 330; 3. Maurus Telli, Trin, 120.
buobas U14: 1. Lena Kropf, Trun, 260; 2. Sina Cavelti, Sagogn, 260; 3. Aurora Maissen, Trun, 230;
4. Selina Shresta, Sagogn, 195; 5. Gianna Jäger,
Sagogn, 171; 6. Annalea Spescha, Castrisch, 155;
7. Aurelia Darms, Sagogn, 153; 8. Chiara Arpagaus, Sagogn, 140.
Buobs U16: 1. Maurizio Cavelti, Trun, 300; 2. Severin Bonolini, Castrisch, 200; 3. Dario Cavelti,
Sagogn, 160; 4. Manuel Hänny, Castrisch, 150; 5.
Ursin Spescha, Castrisch, 100.
Buobas U16: 1. Lara Hatmann, Trin, 100.
Umens U18: 1. Manuel Isenmann, Castrisch, 400.
Dunnas U18: 1. Valeria Cavelti, Trun, 100.
Umens U20: 1. Till Wiesner, Trin, 100.
Niev gestiunari tier la Casa Depuoz
■ (cp) L’instituziun Casa Depuoz ei in
dils treis centers da cumpetenza el
sectur dalla scola speciala en nies
cantun. Sper la scola speciala cun l’integraziun d’ina classa d‘elecziun da
professiun meina l’instituziun ina partiziun per persunas carschidas cun impediments corporals e spirtals. In’ulteriur sectur da menaschi porscha a
giuvenils differentas offertas da formaziun cun la pusseivladad d’avdonza
interna ed externa. Cun la fin digl onn
da scola 2012/2013 va igl actual meinagestiun dalla Casa Depuoz, Robert Schlagenhauf, en pensiun ed ha ord quei motiv
abdicau sia plazza sin la fin da fenadur
digl onn current. En vesta alla vacanza ei
la plazza vegnida scretta ora publicamein
cun l’entschatta digl onn 2013. Ord in
respectabel diember d’annunzias ha la
suprastonza eligiu a caschun dalla seduta
da fin fevrer Matthias Gutmann sco niev
gestiunari dalla Casa Depuoz. Matthias
Gutmann ei 44 onns vegls e da professiun scolast secundar. Dapi plirs onns eis
el meinascola en uffeci cumplein tier ina
gronda vischnaunca en tiara bassa. Las
vastas experientschas el sectur pedagogic
e direcziun da persunal, sias enconuschientschas en las spartas dall’administraziun e finanzas sco era l’experientscha
en tractativas cun instanzas communalas
e cantunalas ein stai ils argumets principals per la tscharna da Matthias Gutmann. Naven digl emprem d’uost 2013
supren Matthias Gutmann il tgamun
dalla Casa Depuoz.
La suprastonza engrazia al gestiunari
partent, Robert Schlagenhauf, pil nunstunclenteivel engaschi e la buna cooperaziun. Ella ei satisfatga dall’elecziun
da Matthias Gutmann ch’ei promts e
cumpetents da formar igl avegnir dalla
Casa Depuoz e segirar vinavon l’existenza dall’impurtonta instituziun regiunala!