Samoan

www.oho.qld.gov.au | 133 OHO (133 646)
Aperila 2015
E fa’apefea ona fai se fa’aseā i ‘auaunaga tau le
soifua maloloina.
E iai le aiā tatau i tagata uma e fai ai se fa’aseā i se ‘auaunaga po’o ē e ofoina
‘auaunaga tau le soifua maloloina i Kuiniselani. E mana’omia ona e fa’afeso’ota’i le
Ofisa o Sulufa’iga o le Soifua Maloloina, le ofisa tutoatasi o ‘auaunaga mo fa’aseā a
Kuiniselani.
E tatau ona fai sa’u fa’aseā?
Afai e le fa’amalieina oe i se ‘auaunaga a i latou e
ofoina ‘auaunaga tau le soifua maloloina, po’o so’o
se vaega lava o le ‘auaunaga e ofoina atu ia oe,
tagata o lou aiga, po’o se isi i lalo o lau va’avaaiga
i Kuiniselani, ona iai lea o lau aiā tatau e fai ai sau
fa’aseā.
A o le’i faia sau fa’aseā, taumafai e talanoa i lau
tausi soifua maloloina----o le auala vave lea ma
faigofie e fa’aalia ai ou popolega pe fo’ia ai fo’i se
fa’afitauli. Taga’i i le matou itulau i luga o le upega
tafa’ilagi mo fautuaga i le fa’atalanoaina o lau tausi
soifua maloloina. (www.oho.qld.gov.au).
E taua fa’aseā
Afai e pei oe o le to’atele o tagata, atonu e te le
mana’o e te fa’aseā. Atonu e te le silafia se mea e
te fa’aseā aga’i i ai, pe fa’apefea ona fai, pe ailoga
e maua ai se suiga. E ono faigata pe afai e te le o
malosi, e te le o fiafia pe pisi fo’i
O fa’aseā e fa’atatau i auaunaga tau le soifua
maloloina, e taua tele ona e mafai ona fa’ailoa ai
vaega e mana’omia le alualu i luma, taofia o ni
fa’afitauli muamua mai le toe tupu ma fesoasoani i
le fa’aleleia o auaunaga tau le soifua maloloina mo
tagata Kuiniselani uma.
Ia e mautinoa, o le a matou tali atu pe a fa’aooina
mai sau fa’aseā i le Ofisa o Sulufaiga o le Soifua
Maloloina. O le a matou su’esu’eina lau fa’aseā,
iloilo toto’a ma fo’ia i se vave e mafai ai.
Afai e le fa’amaliena oe i le tali, pe fa’afaigata ona
e talanoa sa’o i le tausi soifua maloloina, ona
feso’ota’i mai lea o matou.
O le a se mea e mafai ona ou
faaseā iai?
E mafai ona fai sau faaseā faatatau i so’o se
‘auaunaga tau le soifua maloloina o lo’o ofoina atu
e se tausi soifua maloloina, i so’o se vaega o
Kuiniselaini.
O le ‘auaunaga tau le soifua maloloina o se
auaunga lea e faatumauina, siitiaina, faafo’isia po
o le vaaia lea o le soifua maloloina ma le soifua
laulelei.
O se e ofoina atu ‘auaunaga tau le soifua
maloloina e mafai ona avea o se tausi soifua
tuto’atasi poo se faalapotopotoga.
Tausi soifua maloloina tuto’atasi
 O tausi soifua maloloina resitaraina e pei o:
foma’i, tausima’i, foma’i nifo, foma’i faamalosi
tino, foma’i ponaivi, foma’i o le tino ma le
mafaufau, foma’i mata, foma’i o so’oga o le tino.
 O tausi soifua maloloina e lē i resitaraina e pei
o: faufautua i mea taumafa, foma’i i le fofoina o
le tino, taulasea, faufautua mo le soifua lautele,
foma’i i le faaleleiga o le tautala.
Faalapotopotoga o ‘auaunaga tau le Soifua
Maloloina
 E aofia ai falema’i a le malo mo le lautele ma
ofisa tutoatasi, o ‘auaunaga i le feavea’ina o
E fa’apefea ona fai se fa’aseā?
www.oho.qld.gov.au | 133 OHO (133 646)
Aperila 2015
ma’i, a’oa’oga faalēsoifua maloloina, fale
talavai, ‘auaunaga i ma’i o le mafaufau, ma
‘auaunaga mo le soifua lautele.
O lau faaseā e mafai ona faasino i soo se vaega o
le ‘auaunaga tau le soifua maloloina o loo e lē
fiafia i ai, e pei :
 o faamatalaga e uiga i lou ma’i ma le vaaiga o
oe.
Su’esu’eina o lau Faaseā
O le su’esu’eina o lau faaseā o se vaega muamua
taua tele, lea matou te aoina uma mai ai
fa’amatalaga matou te mana’omia mai lau susuga,
o le tausi soifua maloloina o lo’o e fa’aseā aga’i i
ai, ma ni tagata agava’a fa’apitoa e fesoasoani ia i
matou e faia se filifiliga talafeagai i le iloiloga o lau
fa’aseā.
 o le faasoaina atu o ou faamatalaga e aunoa
ma sau faatagana.

o le fa’aaliaina lea o ni uiga lē talafeagai a lau
tausi soifua.
 o le tulaga o le ‘auaunaga ofoina atu
 o le tali atu a lau tausi soifua maloloina i lau
fa’aseā.
E faapefea ona fai sa’u
faaseā?
E mafai ona fai sau faaseā i le Ofisa o Sulufa’iga o
le Soifua Maloloina i luga o le upega tafailagi, poo
se tusi, luga o le telefoni pe afio mai fo’i i le matou
ofisa i Brisbane.
O le ā matou faalogo atu i ou popolega ma
faamatala atu ni auala matou te ono fesoasoani
atu ai ma o le ā foi se auala e mana’omia ona e
faia. Afai o le a fai sau faaseā, e manaomia ona e
aumaia uma ni faamatalaga, e aofia ai :
 faamatalaga o le tausi soifua maloloina ma le
mataupu o loo e faaseā i ai
 o ni faamaumauga e lagolagoina ai.
 faamatalaga i ni auala ua uma ona e faia e fo’ia
ai le faaseā
O le faatinoga o le faiga o se faaseā aloa’ia, e ono
foliga fa’afaigata, ae o le ā matou galulue faatasi
ma oe ina ia faafaigofieina le faatinoga, e ala lea i
le fesoota’i atu i taimi uma.
O le a matou iloiloina fa’amatalaga na e aumaia
ma o le a ave fo’i lau fa’aseā i le tausi soifua
maloloina o lo’o fa’atatau aga’i i ai ma talosaga mo
se latou tali mai i totonu o le 14 aso.
A matou mana’omia nisi fa’amatalaga ina ia faia ai
se fa’aiuga, e mafai ona matou vaai aga’i i se
fautuaga mai se tagata agavaa tutoatasi. E mafai
fo’i ona matou talosagaina lau susuga ma/po’o le
tausi soifua maloloina ina ia faia se talosaga
aloa’ia pe aumai nisi fa’amatalaga e uiga i le
fa’aseā.
O talosaga ma fa’amatalaga fa’aopopo e tatau ona
aumaia i totonu o le 14 aso.( e iai fa’asalaga pe a
le utagia le taimi fa’atulagaina e aunoa ma se
mafuaaga tatau).
O le a fesootai atu pea i lau susuga ma le tausi
soifua maloloina i le taimi atoa o le faagasologa o
lenei mataupu.
O le a matou vaai toto’a ma iloilo uma ia
faamatalaga ua matou maua, ona faia lea o le
matou suesuega o le faaseā ma filifili ai pe ono
fa’aauau pe leai. O le tele o mataupu, e le sili atu i
le 30 aso e iloilo ai. O faamatalaga uma e
suesueina ma le toto’a, lē faaitūau ma vaai tutusa
i ai- matou te lē faaitūau.
E fa’apefea ona fai se fa’aseā?
www.oho.qld.gov.au | 133 OHO (133 646)
Aperila 2015
Faiga o se Faaiuga
A mae’a ona suesue auiliili lau faaseā, ona matou
filifili lea pe ave agai i luma, pe faapefea ona fai,
ma logoina lau susuga ma le tausi soifua maloloina
i le matou faaiuga fai, ma o le a fo’i le isi vaega e
sosoo ai.
Afai o le a matou aveina agai i luma lau faaseā,
matou te ono faia se tasi, poo se tuufaatasiga o
mea nei:
 taumafai e fai se faaiuga i totonu o lou lotoifale
 taumafai e faalelei lau faaseā
 tuuina atu lau faaseā i le laulau o le resitara a le
tausi soifua maloloina, poo se isi
faalapotopotoga.
 su’esu’e aloaia lau faaseā
 vave fai se fuafuaga aga’i i le tausi soifua
maloloina.
Afai matou te filifili e le mafai ona ave agai i luma
lau faaseā, o le a faamatala atu ni mafuaaga ma
nisi auala o avanoa mo oe. O le a matou tu’uina
lau faaseā i faamaumauga e fesoasoani ai i le
fa’ailoaina o ni fa’asologa i le fa’atinoga a le tausi
soifua maloloina, ma fa’afitauli i le tausia o le
soifua maloloina.
Mo nisi fa’amatalaga
Taga’i: www.oho.qld.gov.au
Imeli: [email protected]
Vili:
133 OHO (133 646)
Tusi:
PO Box 13281 George Street
Brisbane Qld 4003