Transcript
pdf
La Quotidiana 3-2-2015, p. 2 Privel da lavinas en costas da tut las exposiziuns Far turas pretenda actualmain blera experientscha DA FLURIN ANDRY / ANR Ils accidents cun lavinas sco ultimamain al Vilan tiran endament mintg’enviern puspè che far turas po esser fitg privlus. I na basta betg d’avair in bun equipament, i dovra er experientscha sin ils auts, dador las pistas. Tschintg persunas dad ina gruppa da nov alpinists èn mortas sonda en ina lavina sut il Piz Vilan. Il team da salvament ha gì il sustegn da tschintg elicopters per sal var ils disgraziads. «Actualmain è il privel da lavinas en grondas parts dal Grischun relativamain critic», di Gian Darms, ex pert per lavinas ed emploià da l’Institut per la perscrutaziun da naiv e lavinas SLF a Tavau. Per il mument dovri, sco ch’el punctuescha, simplamain experientscha per far turas en muntogna. «Sch’ins na posseda betg quell’experientscha neces saria èsi bun dad ir cun insatgi che enco nuscha la cuntrada e che sa co sa cunte gnair d’enviern en quella, p. ex. cun ina guida da muntogna», cusseglia Darms. Ina da quellas guidas è Andri Poo da Sent. «Giasts fan mintgatant in tschert squitsch» Avant che declerar la situaziun da lavinas en sia regiun, l’Engiadina Bassa, manzu na la guida l’uschenumnà «kick» ch’ina part dals giasts tschertgan cun far d’en viern turas: «Surtut ils ‘freeriders’ èn en tschertga dad aventuras en muntogna, las qualas als dattan quest sentiment ch’els numnan il kick», di Andri Poo. Ils pli gronds «kick’s» han els en situaziuns pri vlusas. «Nus guidas qua en nossa regiun avain l’avantatg che nus nun avain ils ti pics giasts che fan freeride, quels van pli tost en Engiadin’Ota, Tavau u er ad An dermatt», menziuna’l, «noss collegas là badan schon savens che tscherts giasts avessan gugent da far turas che als dessan il kick. Las guidas èn alura en la situaziun ch’ellas vulessan dad ina vart baingea avair il giast, da tschella vart vulessan el las però era avair la segirezza.» Ch’els ha jan pauca veglia da sa render en privel mo per satisfar als giavischs dals giasts, decle ra la guida da muntogna da Sent, «sco guida as pensa er adina a sai, quai è la mo tivaziun da na sa laschar metter sut squitsch dal giast e dir simplamain na, questa tura na faschain nus betg.» «Per tschertgar il kick èsi uss propi il fauss mument» Sco che Poo di è uss en Engiadina Bassa il problem fundamental ch’il vent ferm ha suflà la pauca naiv en costas da tut las exposiziuns: «Perquai na pon ins dir uss, las costas dal nord èn privlusas, ma quel las dal sid per la paja betg. Actualmain po esser la cuverta da naiv da tut las costas pauc stabila ed uschia privlusa.» Quai conferma era il perit Gian Darms: «Quai Tar la disgrazia sin il Piz Vilan eran en acziun tschintg elicopters da salvament. vala en tut il chantun, causa il vent che ha chargià las costas pon esser tut las ex posiziuns potenzialmain privlusas.» Tant el sco era Andri Poo din ch’i dovria per MAD far actualmain turas propi bler’expe rientscha. Ultra da quai duessan ins avair cun sai er il dretg equipament cun il de tectur per tschertgar en lavinas e la pala da naiv. «Uss è la situaziun uschè privlu sa ch’ins po be dir che per tschertgar il kick èsi uss propi il fauss mument», men ziuna la guida da muntogna Andri Poo. Regenza vul centralisar il «scanning fiscal» La regenza pren posiziun davart l’incumbensa da deputau Aurelio Casanova (pcd Foppa) DA MARTIN CABALZAR La regenza insista sin si’intenziun da centralisar il «scannig» dallas declaronzas da taglia a Cuera. Ella recamonda perquei da refusar in’incumbensa da deputau Aurelio Casanova (pcd Foppa) che pretenda che quella lavur vegni fatga a moda decentrala els centers regiunals. Sia incumbensa ei vegnida suttascretta da 51 parlamentaris. Sco quei ch’il parsura dalla vischnaunca da Ilanz/Glion Aurelio Casanova constatescha cun raschun seferma il svilup tecnologic era buc avon las taxa ziuns da taglia. Aschia seigi previu da rea lisar el decuors dils proxims onns da scannar las taxaziuns da taglia, archivar ellas electronicamein e d’automatisar ils cass. Il moziunari ei cunscients che l’au tomatisaziun dils cass ei in svilup logic el rom dall’elavuraziun electronic da datas. Quella automatisaziun vegni s’entelli era ad haver consequenzas per la collavura ziun cullas vischnauncas. Dad ina vart vegni il diember dils cass che ston vegnir taxai a sereducir, quei che hagi conse quentamein era in effect sil volumen da lavur e silla dotaziun dallas plazzas dils emploiai da taglia. Dall’autra vart vegni era l’indemnisaziun allas vischnauncas a vegnir reglada da niev. «Igl ei da prever che quei vegn a caschunar sperditas mas sivas per las vischnaunas», ei il capo com munal da Ilanz/Glion perschuadius. Regenza metta en damonda ils cuosts Dapi 2001 ei la collavuraziun dallas vischnauncas tier l’imposiziun da taglia e l’indemnisaziun per lur lavur vegnida reglada da niev. Denter 2002 e 2014 ein quellas indemnisaziuns carschidas da 6,1 milliuns sin varga otg milliuns ad onn. «Quei augment da cuosts da passa 35 pertschien sto vegnir mess en damonda», constatescha la ministra da finanzas Barbara Janom Steiner. Tenor ella duein quels cuosts vegnir reduci cun agid da process automatisai, aschia che certas ex pensas da persunal crodien naven. Entras scannar ed archivar electronicamein las datas da taglia crodien naven per las vischnauncas differentas incumbensas tier la controlla dallas entradas sco era tiegl archivadi d’actas fiscalas. Treis quartas dallas declaronzas succedan en fuorma electronica Gia oz vegnien rodund 75 pertschien dallas declaronzas da taglia per entradas e facultad inoltradas en fuorma electro nica ni registradas cun agid dil barcode D, constatescha la regenza. Suenter la colligiaziun cugl archiv electronic succe dida igl atun vargau seigi quei process vegnius sviluppaus vinavon. En in pro xim pass duein las declaronzas da taglia inoltradas sin pupi sco era tuttas agiun tas vegnir registradas electronicamein, vul dir scannadas. Era l’archivadi actual sin pupi duei vegnir remplazzaus pass per pass a moda electronica. Il scanning duei vegnir introducius igl onn 2016 perquei che la soluziun da ta xaziun vegn remplazzada per la perioda fiscala 2018 e perquei che l’investiziun seigi era mo lu giustificabla sche l’appli caziun vegni nezegiada sur plirs onns. La regenza ei digl avis ch’ei drovi scannar ed archivar quantitads da datas da taglia aschi grondas, infrastructuras caras che stoppien disponer d’ina gronda capaci tad. «Quellas installaziuns ston perquei vegnir tratgas a nez optimalmein e vegnir applicadas da persunas versadas», mane gia la regenza. Damai che la lavur depen di grondamein dalla disponibilitad da quels sistems stoppi era il support tecnic ademplir aultas pretensiuns e porscher la garanzia ch’ei detti neginas interrup ziuns. Ultra da quei concerni il scannadi ed igl archivadi dallas declaronzas da ta Deputau Aurelio Casanova ed ulteriurs 51 consignonts vulan impedir in’ulteriura centralisaziun dils uffecis da taglia. FOTO O. ITEM glia buca mo las taglias sin entradas e fa cultad, anzi era tut ils auters geners da tag lia sco taglia sin gudogn ord la vendita da beins immobiliars, la taglia sin ierta, la taglia alla fontauna etc. nua che las vi schnauncas hagien neginas funcziuns d’incasso. La finala stoppi era vegnir ri sguardau il fatg ch’il volumen da datas scannadas vegni a sereducir marcanta mein ils proxims onns damai che adina dapli declaronzas da taglia sco era agiun tas vegnien inoltradas en fuorma electro nica. Regenza refusa ina soluziun decentrala Sin fundament da quels arguments refu sa la regenza ina soluziun decentrala che seigi «cumprovadamein pli cara, meins efficienta, meins ecologica e – riguar dond ils svilups futurs – era meins flexi bla». Tier ina soluziun decentrala stues sien las vischnauncas acquistar e finan ziar las infrastructuras per il scannadi els centers regiunals, installar organisaziuns corrispundentas da menaschi e purtar la resca en cass ch’il volumen da lavur sere ducess ed ils cuosts fussen aschia buca curclai pli entras l’indemnisaziun dil can tun. Corrispunda buc alla strategia da rinforzar ils centers regiunals Tenor igl incumbensader Aurelio Casa nova corrispunda quei concept insumma buc alla stategia dalla confederaziun e dil cantun da rinforzar ils centers regiunals. Tenor el eis ei numnadamein dil tuttafatg urgentamein necessari da matener ils posts da lavur ellas regiuns. Las presta ziuns actualas dallas vischnauncas el rom dalla taxaziun da taglia seigien secumpro vadas ed ei detti insumma negins motivs stringents da centralisar questas incum bensas. Cun las pusseivladads tecnicas dad ozilgi dependi ei buca nua che las controllas d’entrada ed il scannadi ve gnien fatgs. Ed ultra da quei caschuni ina soluziun decentrala negins cuosts supple mentars, puntuescha Aurelio Casanova.