1 onn Surselva Turissem SA
Transcript
1 onn Surselva Turissem SA
1 onn Surselva Turissem SA Igl 1. da mars 2011 festivescha la Surselva Turissem SA lur emprem anniversari. En quella broschura anfleis Vus ina survesta dils pensums dall’organisaziun e dallas activitads sin las fieras. Dapli informaziuns sco era ina versiun da questa broschura cumpleinamein en romontsch anfleis en nies blog sin http://surselva.wordpress.com Tgei fa la Surselva Turissem SA? «La societad ha per mira da trer a nez il potenzial sinergetic avon maun per coordinar e metter sin fiera las purschidas turisticas dalla Surselva». Aschia secloma igl artechel d’intent els statuts dalla Surselva Turissem SA, la quala ei uss activa sin plaun operativ dapi in onn. Ils suandonts sis partenaris ein s’uni el rom dalla refuorma dil turissem grischun sco organisaziun turistica regiunala (OTReg) dalla Surselva Centrala: •Breil-Vuorz-Andiast Turissem •Pendicularas B-V-A SA •Marcau da Glion •Societad sempla Sursaissa-Mundaun (repr. las uniuns da traffic Sursaissa e Mundaun) •Pendicularas Sursaissa SA/ Piz Mundaun SA •Lumnezia Turissem «La Surselva Turissem SA sto semetter ella situaziun dil hosp. Quel s’orientescha buca tenor ils cunfins communals, mobein tenor in spazi da destinaziun. Nus havein l’incumbensa da purtar novs hosps en nossa regiun. Da tgei prestaziuns che mintga hosp vul far diever en tgei liug decida quel sez. Nus procurein denton era ch’il hosp vegni informaus ed assistius optimalmein al liug.» Marcus Hasler, president dil cussegl d’administraziun dalla Surselva Turissem SA La Surselva Turissem SA commercialisescha las purschidas el vestgiu dalla marca da tetg «graubünden» e cun il logo communabel en Svizra ed ella Tiaratudestga dil Sid. Las agenturas dalla Surselva Turissem SA a Breil, Glion (staziun dalla VR), Sursaissa-Meierhof e Vella ein centers d’informaziun e da service per assister ils hosps al liug. Folgende operativen Tätigkeiten übt die STAG hauptsächlich aus: •metter en vigur las directivas strategicas •sviluppar e commercialisar products •dar informaziuns e far reservaziuns, porscher informaziun/ticketing resp. assister ils hosps al liug •coordinar las activitads/ ils programs per hosps, etc. •realisar il management da qualitad La repartiziun dallas incumbensas reglescha claramein la responsabladad per la finanziaziun, la gestiun ed il manteniment d’infrastructuras e da purschidas localas. Per quellas incumbensas ein sco entochen da cheu las organisaziuns localas responsablas. Igl ulteriur svilup succeda en stretga cunvegnientscha cun la Surselva Turissem SA. 665 albierts e purschidas, 50’000 informaziuns via telefon L’informaziun e la reservaziun electronica ein oz indispensablas el mund turistic internaziunal: la Surselva Turissem SA procura ch’il hosp anfli nossa destinaziun, che las informaziuns seigien topactualas e ch’il hosp sappi reservar las purschidas cumadeivlamein e duront 24 uras a di. La Surselva Turissem SA metta a disposiziun als purschiders ina plattaforma favoreivla per intermediar lur albierts. Ella fa diever d’in sistem da reservaziun cumprovau che vegn applicaus ell’entira Europa e che vegn era utilisaus da loghens da vacanzas svizzers pli gronds sco Tavau, Lai, Engelberg, Berna, etc. Ils 665 albierts e prestaziuns ch’ein il mument avon maun san ins buca mo reservar sur las agenturas dalla Surselva Turissem SA e via la pagina d’internet. Las purschidas vegnan era distribuidas sur interfatschas ad adina dapli partenaris, ils quals porschan ils albierts sur lur plattaforma a lur atgna clientella. Per hotels ein quei il Switzerland Travel Center (STC) e la plattaforma electronica graubünden (cun TUI Deutschland, graubuenden.ch, booking.com, expedia.com, hotels.com, venere.com). Per habitaziuns da vacanzas actualmein la FewoOffensive (cun myswitzerland.com) e casamundo.de. www.surselva.info Entras la preschientscha pli ferma e pli internaziunala tier ils specialists dalla branscha vul ins era contonscher dapli reservaziuns ellas stagiuns bassas. Il portal d’internet communabel www.surselva.info survescha als hosps sco emprema fontauna d’informaziun e dat ina survesta cumplessiva dallas purschidas. Las adressas d’internet existentas www.brigels.ch, www. obersaxen.ch e www.vallumnezia.ch vegnan integradas ella nova pagina d’internet: endatescha il hosp ina da quellas adressas, arriva el directamein sin las paginas regiunalas corrispundentas da www.surselva.info. Ultra dalla pusseivladad da far reservaziuns porscha la www.surselva.info era informaziuns actualas dil di davart activitads d’unviern e da stad, pendicularas, occurrenzas, prognosas dall’aura localas, specialitads gastronomicas e culturalas, sco era ina carta interactiva ed in portal da turas. Secapescha essan nus era contonschibels per nos hosps al telefon: igl emprem onn havein nus dau 50’000 informaziuns via telefon. E nos biros d’informaziun locals ein aviarts per nos hosps tschun entochen siat dis l’jamna. Coordinar e commercialisar las purschidas turisticas La Surselva Turissem SA coordinescha las purschidas turisticas da nos partenaris e commercialisescha quellas surtut els secturs da •sport da neiv •mountainbike •viandar •famiglias •cultura e golf Cheu enzacons exempels en secturs eligi: Sport da neiv: El rom dil mandat da marketing che las Pendicularas Sursaissa SA/Piz Mundaun SA e las Pendicularas Breil-Vuorz-Andiast SA han confidau alla Surselva Turissem SA, coordinescha e realisescha la Surselva Turissem SA las mesiras communablas dil plan da communicaziun per las duas regiuns da skis e per ils products communabels. Quel cumpeglia duas strategias: per l’ina las pauschalas da skis cun il pass da skis Surselva da plirs dis e 17 hotels partenaris e per l’autra las purschidas per ils hosps da skis dil di (accent sin las stagiuns bassas). La campagna d’unviern 2010/2011 vegn finanziada cun mieds dil mandat da marketing. Mountainbike: Il management da products fa lavur intensiva per sviluppar vinavon e segirar la qualitad dallas purschidas per mountainbikers. El fa quei ensemen cun tschun hotels participai e numerus auters partenaris, sco commerciants specialisai e garaschists, ils quals assistan ils mountainbikers a moda optimala. Dapi il december ei la broschura per mountainbikers 2011 avon maun (ediziun 30’000 ex.). Ultra da 18 turas – denter quellas quater novas propostas – presenta la broschura era las pli attractivas purschidas per ciclists da muntogna. Las tschun purschidas specialas existentas (Las pli attractivas turas da velo dalla Surselva, Ils pass dalla Sursel- va, Cuors da tecnica e turas da gudiment, Jamna da preparaziun per il maraton, etc.) ein vegnidas amplificadas cun il Gir Surselva (individualmein da hotel a hotel) ed il Long Weekend Special (incl. ina tura guidada mintgamai il venderdis). Commercialisada vegn la purschida surtut sco destinaziun da partenari dalla campagna da mountainbike da Grischun Vacanzas (d.a. differents events da promoziun, festivals da bike) e dalla cooperaziun realisada el rom da quella gruppaziun cun Mountain Bike Holiday, il numer in sin la fiera europeica per il turissem da mountainbike. Ultra da quei fa la Surselva Turissem SA denton era diever d’autras plattaformas e d’auters canals cumprovai, sco veloplus.ch ed auters. Viandar: La broschura da viandar 2011 (ediziun 25’000 ex.) dat ina survesta dallas pli bialas aventuras da viandar ella regiun e dallas meglieras purschidas da viandar. Repartiu sur la stad ed igl atun organisescha la Surselva Turissem SA ensemen cun diesch hotels partenaris tschun jamnas da viandar cun spassegiadas ed excursiuns guidadas e plinavon in’jamna da wellness e walking. Ils hotels partenaris garanteschan ultra da quei in service da viandar «perfect»: per excursiuns da plirs dirs organiseschan els p.ex. il transport dalla bagascha el proxim hotel da viandar. Ultra dalla pauschala attractiva per la Greina e l’excursiun da plirs dis sin la Senda Sursilvana san ins era reservar la nova purschida Excursiun alla tgina dil Rein (pauschala d’excursiun menada d’in guid CGS/ BAW, accents principals: historia, cultura, geologia, aua, flora e vegetaziun). Per la commercialisaziun collaborescha la Surselva Turissem SA denter auter cun «Best of Wandern», la cooperaziun da viandar europeica da regiuns da viandar, da producents d’equipament (Zeiss, Scarpa, Vaude e.a.), d’organisaturs da viadis e da commerciants da spediziun online. El rom da quella cooperaziun vegn – ultra dil svilup qualitativ dallas destinaziuns a veritabels centers da cumpetenza el sectur da viandar e d’outdoor (p.ex. centers da test) – era investiu en activitads communablas sin la fiera (revistas, lavur da medias, viadis da pressa, etc.). Famiglia: Questa primavera lantschescha la Surselva Turissem SA ina broschura illustrada per affons ed ina carta da plivalur per hosps. Quella carta lubescha il diever gratuit e nunlimitau dallas pendicularas, igl access als lags da far bogn ed al bogn aviert, la participaziun ad activitads per hosps ed als programs per affons, excursiuns sco observaziuns dalla selvaschina ed auter pli. La commercialisaziun succeda prioritarmein sco regiun partenaria ella corporaziun da marketing e da qualitad «Famiglias beinvegnidas» dils loghens svizzers per vacanzas da famiglia e da Svizra Turissem. Ultra dallas activitads operativas han las collaboraturas, ils collaboraturs e la direcziun dalla Surselva Turissem SA iniziau divers projects centrals en connex cun la refuorma dil turissem: crear la nova interpresa, introducir sligiaziuns da sistem unitaras (p. ex. far reservaziuns via in sistem, telefonar sur la reit da computer), realisar la nova presentaziun sut il tetg dalla marca «graubünden», crear ina nova plattaforma d’internet communabla e bia auter. E cun Safiental Tourismus exista dapi l’entschatta digl onn ina cunvegna da prestaziun, la quala possibilitescha d’integrar e commercialisar lur purschidas sin la plattaforma dalla Surselva Turissem SA. Il catalog da stad per Asics, Keen e Cross ei in exempel per la lavur da medias ed il cross-marketing. El blog dalla Surselva Turissem SA rapportein nus era davart las activitads en quels secturs. Name: Bromeis Vorname: Ernst Geburtsdatum: 13.4.1968 Beruf: Extremschwimmer und Wasserbotschafter Wohnort: Chur DAS «BL AUE WUNDER» ERLEBEN RHEIN MADE «Schwimmen ist nicht Kampf. Im Gegenteil. Mit Gewalt geht nichts, denn das Wasser ist immer stärker.» Für Ernst Bromeis hat jeder See eine eigene Seele. Er empfindet Achtung und Respekt vor dem Wasser – und manchmal Angst. Wann immer er aber eintaucht, tut er es ganz und gibt sich dem Element hin mit Haut und Haar. Der Wasserbotschafter will mit seinem Projekt, «Das blaue Wunder» darauf aufmerksam machen, dass Wasser eine endliche Ressource und nicht unbeschränkt verfügbar ist. Im Sommer 2008 durchquerte er 200 teils eiskalte Seen im Kanton Graubünden. In der nächsten Phase durchschwamm Bromeis im Juli 2010 jeden grössten See eines Schweizer Kantons, insgesamt 300 Kilometer. Für das Jahr 2012 plant Bromeis eine Rheindurchquerung, von der Quelle im bündnerischen Tomasee bis nach Rotterdam. Die Geschichte der Rheinschlucht beginnt mit dem Flimser Bergsturz vor rund 10’000 Jahren. 10 km3 Fels begruben das Tal des Vorderrheins zwischen den heutigen Dörfern Castrisch und Reichenau auf einer Fläche von 50 km2 unter einer mehrere hundert Meter dicken Schuttmasse. Der so gestaute Vorderrhein schnitt sich im Laufe der Jahre allmählich tief in die Bergsturzmasse ein und formte so die Rheinschlucht, die Ruinaulta. Der Flimser Bergsturz ist weltweit das zweitgrösste derzeit bekannte Bergsturz-Ereignis überhaupt. ≥ www.dasblauewunder.ch WASSER ERPROBT Alle sitzen sie im gleichen Boot und rudern. Mit Muskelkraft gegen das Ungestüme des Wassers, mit Geschicklichkeit gegen den tosenden Widerstand des Flusses. Er muckt auf, gibt nach, beugt sich dem Manöver, setzt sich wieder zur Wehr. Gibt sich geschlagen. Es ist – die Pubertät des Wassers. c8QJHVW¦PH:DVVHUNUDIWIRUGHUW*HVFKLFNOLFKNHLWXQG$XVGDXHU d KEEN Kanyon v KEEN Newport H2 v Fühlt sich nicht nur an Land zu Hause. 24 Leichte, funktionelle Sandale. KEEN Newport H2 v Outdoor Sandale mit rutschfester Sohle und patentiertem Zehenschutz. Suchen Sie ein bestimmtes Produkt? Kostenlose Infos unter 0800 00 44 66 25 Assister optimalmein il hosp Ultra dalla coordinaziun e dalla vendita dallas purschidas turisticas, ei l’assistenza optimala da nos hosps entras ils biros d’informaziun locals in’incumbensa impurtonta dalla Surselva Turissem SA. Per quella incumbensa ein sis collaboraturas e collaboraturs, dus menaders ed ina menadra d’agentura responsabels: treis plazzas (300 pertschien da plazzas) a Breil, treis (300 pertschien da plazzas) a Sursaissa e treis (200 pertschien da plazzas) a Vella. Il biro d’informaziun a Glion al spurtegl principal dalla Viafier retica administrescha il team dalla staziun da Glion per incumbensa dalla Surselva Turissem SA. Sco representants da nies entir team presentein nus a Vus ils treis menaders e la menadra d’agentura. Gérard Carigiet, Breil Funcziun: meinafatschenta dalla Surselva Turissem SA, menader dall’agentura a Breil Accents principals: sport da neiv e famiglias, medias/PR, mandats La pli gronda sfida en mia professiun: Il carstgaun sez – ch’el seigi hosp ni hospitont, independent sch’el ei ussa locatur, collaboratur ni indigen – cun sias pretensiuns e ses basegns individuals e cun ses giavischs exprimi ni nunexprimi. Barbara Meier, Gérard Carigiet, Claudia Cathomas Miu giavisch d’anniversari per la Surselva Turissem SA: Che l’avischinaziun turistica «radieschi» era sin auters secturs dil mintgadi e ch’ei vegni tschercau dapli era sligiaziuns regiunalas per ils problems centrals dalla regiun. Antonia Tschuor, Sursaissa Funcziun: menadra dall’agentura a Sursaissa Accents principals: viandar e cultura, coordinaziun events/programs per hosps, finanzas, persunal/administraziun La pli gronda sfida en mia professiun: Ins vegn confruntaus mintga di cun sfidas! Miu giavisch d’anniversari per la Surselva Turissem SA: Saver prender aunc dapli temps per ina collaboraziun «pli intensiva» cun ils purtaders da prestaziuns ed ils partenaris. Vreni Janka, Antonia Tschuor, Anita Mirer Stephan Meyer, Vella Funcziun: menader dall’agentura en Val Lumnezia Accents principals: mountainbike, golf, communicaziun generala/broschuras, management da qualitad e da reclamaziuns La pli gronda sfida en mia professiun: Impunder las resursas restrenschidas, surtut las resursas da temps, il pli efficient pusseivel. Lydia Casanova, Assunta Demont, Stephan Meyer Miu giavisch d’anniversari per la Surselva Turissem SA: Jeu giavischel che tut ils partenaris e purtaders da prestaziuns dalla Surselva Turissem SA patratgien buca mo vid lur agen pign iert, mobein che tuts realiseschien che nus essan pli ferms da cuminonza. Ueli Nyffenegger, Glion Funcziun: caustaziun a Glion Accents principals: gestiun operativa e persunala La pli gronda sfida en mia professiun: La segirezia el menaschi quotidian gioga ina rolla fetg impurtonta. La cuntentientscha dalla clientella e la cussegliaziun professiunala al spurtegl da vendita ein standards. Miu giavisch d’anniversari per la Surselva Turissem SA: Vegnir aunc pli datier in a l’auter. Tenor il motto: «mo l’unitad dat forza». Sonja Hossmann-Casanova, Ueli Nyffenegger, Sarina Caviezel Surselva Turissem SA: cefras e fatgs en in’egliada Activa sin plaun operativ dapi: 1. da mars 2010 Capital d’aczias: CHF 180’000 Budget: CHF 1,59 miu. Acziunaris (mintgamai 1/6) e lur commembers dil cussegl d’administraziun: • Breil Vuorz Andiast Turissem (Reto Schmed) • Pendicularas B-V-A SA (Marcus Hasler) • Marcau da Glion (Martin Montalta) • Societad sempla Sursaissa-Mundaun (Ernst Sax) • Pendicularas Sursaissa SA/Piz Mundaun SA (Josef Brunner) • Lumnezia Turissem (Marcus Caduff) Il cantun Grischun gratulescha: «La Surselva Turissem SA ha fatg in considerabel pass da refuorma. Ella concepescha purschidas valablas per la fiera, nezegia canals da distribuziun electronics, gudogna novs hosps ed assista la clientella regulara. Quei corrispunda exactamein als principis dalla refuorma dil turissem grischun. Perquei sustegn il Cantun tematicamein e finanzialmein il svilup dalla Surselva Turissem SA ad in’organisaziun turistica regiunala (OTReg)». Eugen Arpagaus, schef digl Uffeci per economia e turissem dil Grischun Contacts agenturas localas: a Breil: Breil/Surselva informaziun Center Turistic / Caum postal 132 7165 Breil Tel. 081 941 13 31 [email protected] a Sursaissa/Meierhof: Sursaissa/Surselva informaziun Caum postal 50 7134 Obersaxen-Meierhof Tel. 081 933 22 22 [email protected] en Val Lumnezia: Val Lumnezia/Surselva informaziun Casti de Mont / Caum postal 37 7144 Vella Tel. 081 931 18 58 [email protected] a Glion: Glion/Surselva informaziun Staziun VR 7130 Glion Tel. 081 920 11 05