pali teatrâl studentesc

Ufici Scolastic Provinciâl
Provincie di Gurize
Assessorât aes Politichis pai Zovins
Associazion Culturâl Mattatoioscenico
Associazion Culturâl ARTerrante
Associazion Culturâl Gruppo Area di Ricerca DobiaLab
in colaborazion cun
Comun di Gardiscje
Comun di Monfalcon
Comun di Grau
Comun di Gurize
cu la partecipazion di
Comun di Cormòns
Comun di Nova Gorica
Forum Zovins Provinciâl
Consulte Studentesche Provinciâl
KGŠ
PALI TEATRÂL
STUDENTESC
tra lis Scuelis Secondariis Superiôrs
dai Comuns de Bioregjon dal Lusinç
XVII Edizion
BANT DI CONCORS
2011/2012
1. FINS E MODALITÂTS
La Provincie di Gurize e promôf, pal an scolastic 2011/2012, la edizion XVII dal PALI TEATRÂL STUDENTESC.
Il progjet al è organizât di Mattatoioscenico e realizât in colaborazion cu la Associazion ARTerrante, la Associazion Gruppo Area di
Ricerca DobiaLab e il Forum Zovins Provinciâl, cu la partecipazion dai Comuns di Gardiscje, Monfalcon, Grau, Gurize, Cormons
e Nova Gorica. Al è poiât ancje dal Ufici Scolastic Provinciâl e de Fondazion Casse di Sparagn di Gurize.
La iniziative si da l’obietîf di rinfuarçâ un laboratori multiculturâl permanent ancje daûr de colade dal confin storic tra Italie e Slovenie.
Il Pali Teatrâl Studentesc al è la uniche esperience in Italie là che a vegnin metudis dongje la dimension transfrontaliere e il decentra ment teritoriâl.
Lis sedis che a ospitaran lis rapresentazions in concors a saran decentradis, in maniere coerente cu lis logjichis organizativis, su dut il
teritori provinciâl (Gardiscje, Monfalcon, Grau, Gurize, Cormons) e inte citât di Nova Gorica.
Lis produzions a vignaran presentadis al public in maniere indicative inte dade di timp jenfri i 16 e i 21 di Avrîl dal 2012.
I spetacui a saran valutâts di une comission judicadore che e assegnarà chescj premis:
•
Prin Premi al Miôr spetacul (€500,00+pali+targhe)
•
Grant Premi de Jurie Zovine (€300+targhe)
•
Premi Speciâl ae Inovazion (assegnât al spetacul che si fasarà notâ di plui pal ûs di tecnologjiis, tecnichis o preparazions
inovativis in cjamp teatrâl e senic) (€300,00+targhe)
•
Premi Speciâl al Miôr Grup Tecnic (assegnât di Mattatoioscenico al spetacul che si fasarà notâ di plui pes competencis tec nichis e pe indipendence dimostrade dai students dilunc de preparazion) (€300,00+Cope)
•
Premi ae Miôr interpretazion feminine (targhe+materiâl multimediâl)
•
Premi ae Miôr interpretazion masculine (targhe+materiâl multimediâl)
•
Premi Imagjin (assegnât di Mattatoioscenico al prodot multimediâl che si fasarà notâ di plui pe promozion di un dai spetacui
in concors)(targhe+materiâl multimediâl)
•
Premi “Altris Espressivitâts” par meti in vore une buine colaborazion cu la Rassegne Teatrâl “Altris Espressivitâts” la dire zion artistiche di cheste iniziative e individuarà tra ducj i spetacui chel che al pant miôr i principis e i fins de iniziative dite par sore par metilu dentri tal cartelon di cheste rassegne intune matinèe pes scuelis de Bioregjon dal Lusinç (targhe+materiâl di datic)
2. REGOLAMENT DAL CONCORS
Al concors a podaran partecipâ i students des Scuelis Mediis Superiôr de Bioregjon dal Lusinç (cfr. Pont 2i).
Ogni scuele (o grup di scuelis) e podarà concori cunt un sôl spetacul che al varà di debutâ tant che Prime Assolude in ocasion de edi zion XVII dal PALI TEATRÂL STUDENTESC.
Ogni scuele (o grup di scuelis) e podarà ancje colaborâ cun altris scuelis superiôrs che a àn par istituzion fins incentrâts su la intercultu ralitât e/o che a vedin ancje une struture organizative internazionâl.
Ogni scuele (o grup di scuelis) e designarà un insegnant e/o un student referent che al varà di tignî i contats cu la organizazion .
Ogni scuele (o grup di scuelis) e podarà zovâsi di consulents e/o colaboradôrs esternis dome in fase di preparazion e chescj a varan di
jessi declarâts, esplicant la funzion che a àn fate, inte schede di adesion definitive ( mod. B, in zonte). Chei stes no podaran partecipâ in
maniere direte al spetacul presentât intes seradis conclusivis.
No podaran nancje, in nissun câs, cjapâ part al spetacul:
1. docents e personâl scolastic;
2. students che a frecuentin Scuelis che no son de aree teritoriâl dite parsore.
I spetacui teatrâi a podaran vê cualsisedi sogjet . Ogni spetacul al varà di durâ no plui di 50 minûts. La misurazion uficiâl de durade
di ogni spetacul e sarà fate dal garant dal Pali o di un so delegât. Cheste misurazion no si pues sindicâ. Tal câs che la durade e ledi
fûr dai tiermins fissâts, la comission no podarà in nissun câs assegnâ a chel spetacul il Prin Premi al Miôr Spetacul .
Ogni grup al varà di prontâ pe Edizion decime setime dal Pali Teatrâl Studentesc une schede esplicative dal spetacul che e sarà dade
al public prime de rapresentazion. Si scuen meti in liste inte schede esplicative i nons e cognons dai interpretis e i lôr personaçs (la liste
i covente par fuarce ancje ae jurie par assegnâ i premis ae miôr interpretazion masculine e feminine). Se no si fasarà cheste schede e
sarà la esclusion dal Istitût de assegnazion dal Prin Premi al Miôr Spetacul .
2a) INCUINTRIS PRELIMINÂRS
A son previodûts chescj incuintris preliminârs par meti in contat lis diviersis Scuelis fra di lôr e cu la organizazion:
lunis ai 19 di Dicembar dal 2011 aes 18.00
joibe ai 16 di Fevrâr dal 2012 aes 18.00
li dal Palaç de Provincie di Gurize - Corso Italia 55 - Gurize
Viodude la impuartance dai incuintris, ogni Istitût al varà di partecipâ cuntun so rapresentant.
2b) PREISCRIZIONS
Dentri dai 19 di Dicembar dal 2011 i grups concorints, par vie dal so referent, a varan di fâ rivâ la schede di preadesion (mod. A in
zonte) scrite cul ordenadôr, e mandade par pueste eletroniche ae direzion: [email protected]
2c) ISCRIZION DEFINITIVE
Dentri des oris 15.00 dai 16 di Zenâr dal 2012 i referents di ogni Istitût a varan di fâ rivâ la schede di adesion definitive (mod. B in
zonte) scrite cul ordenadôr, e mandade par pueste eletroniche ae direzion: [email protected]
2
A coventin zontadis ancje une o plui fotos che a ritratin il grup e/o une sene dal spetacul in preparazion in formât retangolâr in b/n
o colôrs, in formât .jpg. (Dut il materiâl consegnât al sarà doprât a discrezion complete de organizazion; tescj, fotos o altri no saran tor nâts).
Se a saran variazions di fâ ae schede di adesion definitive (mod. B) si varà di comunicâlis ae organizazion par pueste eletroniche
([email protected]), dentri dai 16 di Març dal 2012.
Modificazions fatis dopo no saran cjapadis in considerazion .
Dentri dai 16 di Fevrâr dal 2012, dilunc dal secont incuintri preliminâr cu lis Scuelis previodût aes 18 li dal Palaç de Provincie
di Gurize, a varan di jessi consegnadis lis liberatoriis pal ûs des imagjins (mod. C in zonte) di ducj i partecipants al concors.
Ducj i dâts doprâts a saran tratâts in conformitât cu la normative in vore su la privacy daûr dal Decr. Leg. 196/2003.
Lis liberatoriis a van consegnadis ae responsabile organizative de manifestazion (Dot.e Silvia Profumi).
Dentri dai 16 di Març dal 2012 e varà di rivâ a Mattatoioscenico par fax (+39 0481312382):
•
la declarazion di conformitât al bant (mod. D in zonte) cu la firme dal insegnant e/o dal student referent cuintrifirmade dal Diri gjent scolastic che al atesti che a son stâts rispietâts i ponts dal Regolament dal Pali Teatrâl Studentesc e la disponibilitât a
rapresentâ il spetacul intai lûcs e intes datis prefissadis, cjapantsi sù l’impegn, in câs, dal traspuart des senografiis;
Dopo rivadis lis schedis definitivis la organizazion e fissarà l'ordin des esibizions e des provis gjenerâls dai grups, tignint cont de durade
dai spetacui e des esigjencis tecnichis.
Il calendari definitîf des provis gjenerâls e des esibizions al vignarà comunicât aes scuelis dilunc dal secont incuintri preliminâr, pre viodût ai 16 di Fevrâr dal 2012. Il modul si podarà ancje scjariâ dal sît internet: www.provincia.gorizia.it
2d) PREMI IMAGJIN
E ven convocade une sezion gnove dal concors sot dal titul “Premi Imagjin”: la iniziative, vierte a ducj i students dai Istitûts Superiôrs che a partecipin al Pali Teatrâl Studentesc, al previôt la realizazion di materiâi multimediâi e fotografics che a vedin tant che obie tîf principâl la promozion dal spetacul metût in sene de proprie scuele (o grup di scuelis) , cun anticipazions, retrosenis e imagjins
des provis.
Dentri dai 16 di Març dal 2012, chei che a vuelin concori al “Premi Imagjin”, a scuegnin fâ rivâ par pueste (ae direzion: Ass. Cult.
Mattatoioscenico, Via Dante 29, 34072 Gardiscje, GO):
Un dvd/cd dâts, cun chescj materiâi (sielzi almancul un, o ducj i doi):
- un video di no plui di 2 minûts;
- une galarie fotografiche di no plui di 20 fotos.
Si consee a fuart di tradusi/sottitulâ in lenghe inglese ducj i tescj contignûts intal materiâl mandât.
Ducj i materiâi selezionâts a vignaran cjariâts su la Pagjine Facebook dedicade al avigniment e intitulade “Pali Teatrâl
Studentesc/Srečanje šolskih Gledaliških Skupin”(www.facebook.com/palioteatrale).
2e) TECNICHE E REALIZAZION SENIS
Par vignî incuintri ae preparazion al covente comunicâ dentri dai 16 di Zenâr dal 2012 intune cu la schede di adesion definitive mod. B ,
la schede tecniche dal spetacul.
Par resons di sigurece e esigjencis di montaç i Istitûts a varan di ideâ e fâ senografiis cun elements sempliçs, di podê traspuartâ cun fa cilitât. Si pues previodi di doprâ il gridiç par ogjets sempliçs e lizêrs dome dopo de verifiche cul responsabil tecnic di Mattato ioscenico (Dot. Alfio Dilena).
2f) COMISSION JUDICADORE
La Comission judicadore dal concors e sarà formade di une Jurie componude di cinc components individuâts de Direzion Artistiche tra
critics, studiôs, e operadôrs dal mont de culture e di une Jurie Zovine componude di doi students delegâts par ogni scuele partecipante,
che a varan di garantî la presince par dutis lis seradis dal Pali.
La Jurie e la Jurie Zovine a assegnaran i premis indicâts tal pont 2g ca sot, cun judizi insindicabil.
2g) PREMIS
PRIN PREMI AL MIÔR SPETACUL
€ 500,00 - Pali - Targhe
GRANT PREMI DE JURIE ZOVINE
€ 300,00 - Targhe
PREMI SPECIÂL AE INOVAZION
€ 300,00 - Targhe
PREMI SPECIÂL AL MIÔR GRUP TECNIC
€ 300,00 - Targhe
PREMI AE MIÔR INTERPRETAZION FEMININE
Targhe - Materiâl multimediâl
PREMI AE MIÔR INTERPRETAZION MASCULINE
Targhe - Materiâl multimediâl
PREMI IMAGJIN
Targhe - Materiâl multimediâl
PREMI “ALTRIS ESPRESSIVITÂTS”
Targhe - Materiâl didatic
(materiâl metût a disposizion dal CISI - Consorzi Servizis Integrâ ts dal Lusinç)
La Jurie si risierve in ogni câs il dirit di assegnâ in altre maniere lis sumis indicadis ca parsore
2h) CUADRI SINOTIC MODALITÂT DI VÔT
MODALITÂT DI VÔT PE ASSEGNAZION DAL “PRIN PREMI AL MIÔR SPETACUL”
Pe edizion XVII dal Pali Teatrâl Studentesc, il “Prin Premi al Miôr Spetacul” al sarà assegnât tignint cont dai ponts assegnâts de Jurie
Tecniche (componude di cinc zurâts) e il so vôt no si pues sindicâ.
Definizion ponts Jurie Tecniche
Ogni singul zurât, par determinâ il “Prin Premi al Miôr Spetacul” al varà a disposizion ponts (di 6 a 10) che al assegnarà a ogni spetacul,
fasint une valutazion globâl.
Ae fin des seradis ogni spetacul al varà totalizât i siei ponts.
In câs di paritât tra doi o plui spetacui, la Jurie e decidarà dal dut in autonomie ce spetacul che al sarà il vincidôr de Edizion XVII dal
Pali. Il judizi de Jurie no si pues sindicâ.
MODALITÂT DI VÔT PE ASSEGNAZION DAL “GRANT PREMI DE JURIE ZOVINE”
3
Pe edizion XVII dal Pali Teatrâl Studentesc, il “Grant Premi de Jurie Zovine” al sarà assegnât tignint cont dai ponts assegnâts de Jurie
Zovine (componude di doi students par ogni Istitût) e il so vôt no si pues sindicâ.
Definizion ponts Jurie Zovine
Dutis lis seris a saran dadis ae Jurie Zovine lis schedis pe valutazion dai spetacui. Ogni zurât de Jurie Zovine al assegnarà a ogni spe tacul di 6 a 10 ponts, a sô discrezion. Ae fin de serade al sarà fat il spoi des schedis e a saran determinâts i ponts dai spetacui. I ponts
totâi si otignaran fasint la sume algjebriche dai ponts di ogni schede e dividint pal numar des schedis racueltis.
Eventuâls schedis blancjis, nulis e/o no consegnadis no vignaran tignudis in considerazion intal cont de medie.
In câs di paritât tra doi o plui spetacui, la Jurie Tecniche e decidarà in plene autonomie cuâl spetacul che al sarà il vincidôr dal “Grant
Premi de Jurie Zovine”. Il judizi de Jurie no si pues sindicâ.
2i) DEFINIZION GJEOGRAFICHE DE AREE CHE E FORME LA BIOREGJON DAL LUSINÇ
La aree interessade dal intervent e je, in struc, chê dal bacin orografic dal Lusinç, cjapant dentri, inte part alte dal cors, i comuns di ca
de linie spartiaghis, invezit, par ce che al tocje il cors bas (di Gurize al mâr), i comuns che a fasin part dal teritori aministrât de Provincie
di Gurize. Un tant, escludint i teritoris dai bacins de Tor e dai siei afluents, in considerazion de complessitât de aree di chel flum, sedi pai
aspiets propit sientifics, che storics e culturâi .1
In concret, i comuns interessâts al progjet a son chescj:
Cors alt dal Lusinç: 1. Nova Gorica 2. Sempeter-Vrtojba 3. Miren-Kostanjevica 4. Kanal 5. Brda 6. Bovec 7. Kobarid 8. Tolmin 9. Idrija
10. Cerkno 11. Ajdovscina 12. Vipava 13. Komen;
Cors bas dal Lusinç: 1. Caprive 2. Cormons 3. Doberdò 4. Dolegne 5. Fare 6. Foian Redipulie 7. Gurize 8. Gardiscje 9. Grau 10. Ma rian 11. Migjee 12. Monfalcon 13. Morâr 14. Mosse 15. Romans 16. Roncjis di Monfalcon 17. Sant Canzian 18. Sant Florean Dal Cuei
19. Sant Lurinç dal Lusinç 20. Sant Pieri dal Lusinç 21. Savogne 22. Segrât 23. Starançan 24. Turiac 25. Vilès
2j) IL GARANT
Il Garant dal Pali al è preponût ae verifiche dal rispiet di dutis lis proceduris regolamentârs. Il Garant al è il dirigjent de Direzion Culture e
Creativitât (Gurize, Corso Italia n. 55 - 34170 GURIZE - Tel. 0039 0481 385 216
Fax. 0039 0481 530 297 – Pueste eletroniche: [email protected]). Il Garant al fâs une funzion arbitrâl tal câs che a sedin
dubis interpretatîfs sui ponts dal regolament; al acete e al valute cun plene potestât eventuâi reclams che a puedin jessi fats indevant.
I reclams a podaran jessi acetâts dome se presentâts al Garant dentri des 24.00 de serade conclusive dal Pali (ai 21 di Avrîl dal
2012).
I parês e i judizis dal Garant no si puedin sindicâ e a son definitîfs.
2k) DISPOSIZIONS FINÂLS
I partecipants – daûr dal D.Lgjs. dai 30 di Jugn dal 2003, n. 196 “Codiç in materie di protezion dai dâts personâi” – a autorizin la Asso ciazion Culturâl Mattatoioscenico (organizadore dal avigniment) al tratament dai dâts personâi, e ancje ae publicazion dai materiâi au diovisîfs inviâts e di chei prodots dilunc dal event finâl di premiazion (fotos, filmâts, intervistis, e v.i.).
2l) CLAUSULE ESCLUSIVE
La inosservance o la no acetazion di dut o di part dal Bant di Concors e dal Regolament a impediran la partecipazion al Pali
Teatrâl Studentesc.
3. SERVIZIS ACESSORIS
3a) Assistence tecniche
Mattatoioscenico al sarà disponibil par incuintris li di ogni scuele che e partecipi par garantî la consulence artistiche e il supuart
tecnic/organizatîf.
3b) Laboratori multimediâl
Mattatoioscenico al podarà destinâ un laboratori multimediâl paralêl al Pali teatrâl, par permeti une promozion e une visibilitât plui gran de ae iniziative e aes Scuelis che a partecipin. Il strument des rêts sociâls al permet di fâ deventâ protagoniscj i students stes, di stimolâ
la partecipazion aes ativitâts zontadis e di slargjâ la difusion mediatiche de iniziative ( www.facebook.com/palioteatrale).
La traduzion e je fate par cure dal Ufici identitâts linguistichis de Provincie di Gurize.
Si vise che il bant complet al pues jessi domandât in formât digjitâl ae direzion di pueste eletroniche: [email protected]
Gurize, ai 01 di Novembar dal 2011
1 Par une analisi plui detaiade de cuistion de determinazion dal bacin dal Lusinç frontade di gjeografs e sienziâts di plui dissiplinis, al somee di just di rimandâ al
compendi publicât de Provincie di Gurize tal 1980: "L'ISONZO. GEOGRAFIA FISICA, STORICA ED ECONOMICA DI UN FIUME INTERNAZIONALE".
4
XVII PALI TEATRÂL STUDENTESC
MODEL A
SCHEDE DI PREADESION
(par evitâ eventuâi erôrs di trascrizion, il MODEL A al varà di jessi scrit cul ordenadôr, e mandât par pueste
eletroniche ae direzion: [email protected])
DENOMINAZION ISTITÛT :
INSEGNANT REFERENT
STUDENT REFERENT
Cognon:
Cognon:
Non:
Non:
Vie:
Vie:
Comun:
Comun:
CAP e Provincie:
CAP e Provincie:
Cellular:
Cellular:
Puste eletroniche:
Puste eletroniche:
DÂTS INDICATÎFS SUL LAVÔR PROPONÛT
DÂTS INDICATÎFS SUL GRUP DI LAVÔR
Students impegnâts n.
Docents impegnâts n.
Colaboradôrs esternis impegnâts n.
Durade previodude dal spetacul:
5
XVII PALI TEATRÂL STUDENTESC
MODEL B
SCHEDE DI ADESION DEFINITIVE
(par evitâ eventuâi erôrs di trascrizion, il MODEL B al varà di jessi scrit cul ordenadôr, e mandât par pueste
eletroniche ae direzion: [email protected])
DENOMINAZION ISTITÛT
SEDE (VIE, CAP, COMUN, PROVINCIE)
NUMAR DI TELEFON
NUMAR DI FAX
DIREZION DI PUESTE ELETRONICHE
DIRIGJENT SCOLASTIC (cognon e non)
INSEGNANT REFERENT (cognon e non)
STUDENT REFERENT (cognon e non)
JURIE ZOVINE (cognon e non dai doi zurâts, direzion di pueste eletroniche, numar di celulâr)
DOCENTS IMPEGNÂTS (cognon e non, specificant lis parts)
COLABORADÔRS ESTERNIS IMPEGNÂTS (cognon e non, specificant lis parts)
TITUL E DURADE DAL SPETACUL (si domande di specificâ: “Gjavât di:” o “Test origjinâl di:”)
SINOSSI
(sezion di scrivi dome se lis parts a son cuviertis dai students)
AUTÔR DAL TEST (cognon e non)
REGJIE (cognon e non)
ASSISTENT AE REGJIE (cognon e non)
ORGANIZAZION (cognon e non)
INTERPRETIS (cognon e non, specificant i personaçs)
DANZE (cognon e non)
SENIS (cognon e non, specificant lis parts)
COSTUMS (cognon e non, specificant lis parts)
SUN (cognon e non, specificant lis parts)
LÛS (cognon e non, specificant lis parts)
GRUP TECNIC (cognon e non, specificant lis parts)
VIDEO DAL VÎF/PROIEZIONS (cognon e non, specificant lis parts)
SEZION PREMI IMAGJIN (cognon e non, specificant lis parts)
SCHEDE TECNICHE DAL SPETACUL (dimensions palc, lûs, audio, eventuâl materiâl senic, altri...)
6
XVII PALI TEATRÂL STUDENTESC
MODEL C
LIBERATORIE PAL ÛS DES IMAGJINS E DAI VIDEOS
Denominazion Istitût
Citât/Comun
Classe e sezion
(SEZION COMPILADE DAL STUDENT/DE STUDENTESSE)
Jo (cognon e non)............................................................................................................................
Nassût/Nassude a ..................................................................... Provincie …......Il/ai....................
Resident in vie........................................ N. ......... Comun....................................... Provincie.......
Direzion di pueste eletroniche ........................................................................................................
(SEZION COMPILADE DAL GJENITÔR CHE AL TEN LA PATRIE POTESTÂT, IN CÂS DI STUDENT/STUDENTESSE
MINÔR DI ETÂT)
Jo (cognon e non)............................................................................................................................
Nassût/Nassude a ..................................................................... Provincie …......Il/ai....................
Resident in vie........................................ N. ......... Comun....................................... Provincie.......
O concêt ae Associazion Culturâl Mattatoioscenico (organizadore dal avigniment) e a STUDIO14 (dite incjariade di fâ lis
ripresis fotografichis e video de manifestazion) la autorizazion a publicâ materiâl fotografic e video che al ritrate il/la student/studentesse dit/e parsore intes ativitâts che a àn a ce fâ cul Pali Teatrâl Studentesc tra lis Scuelis Secondariis Superiôr dai Comuns de Bioregjon dal Lusinç.
Cheste iniziative e jentre dentri tai fins dal progjet di creâ une rêt efetive tra lis scuelis de Bioregjon dal Lusinç, di favorî la
difusion des informazions sul Pali Teatrâl Studentesc e infin di meti in comunicazion i fantats cui struments che a son plui
dongje di lôr.
In particolâr duncje o concêt ae Associazion Culturâl Mattatoioscenico e a STUDIO14:
- la autorizazion a publicâ tes rêts sociâls fotografiis e videos che a ritratin il/la student/studentesse tes provis teatrâls e
tai spetacui in Concors.
- la autorizazion a proietâ, dilunc de serade finâl dal Pali Teatrâl Studentesc, i videos e lis fotografiis des ripresis fatis dilunc des provis teatrâls dai students partecipants al Concors.
O autorizi la publicazion dai dâts personâi inte forme che e ven domandade des rêts sociâls, che o aceti tant che conformis aes esigjencis de privacy.
O autorizi, daûr des esigjencis tecnichis, eventuâls modificazions des imagjins furnidis dant dut il gno consens ae publicazion: la pose e l'ûs a son di calcolâ fats a gratis.
O solevi infin i responsabii de Associazion Culturâl Mattatoioscenico e di STUDIO14 di ogni responsabilitât par un ûs
scoret de bande di tierçs dai dâts personâi furnîts e des fotos.
Cheste autorizazion e à durade ilimitade.
7
_______________________________________________
(Firme dal gjenitôr in câs di student/studentesse minôr )
________________________________________________
(Firme student/esse)
XVII PALI TEATRÂL STUDENTESC
MODEL D
DICLARAZION DI CONFORMITÂT AL BANT
Denominazion Istitût
Sede (Vie, CAP, Comun, Provincie)
Jo (cognon e non) …..............................................................................................................
Nassût/ude a............................................................................. Provincie …........ Il/ai.............................
Resident in vie.................................................. Comun................................................. Provincie …........
Codiç Fiscâl..............................................................................................................................................
tant che Referent/e pe ativitât teatrâl dal Istitût dit parsore
O DECLARI
che a son stâts rispietâts ducj i ponts dal Regolament dal Pali Teatrâl Studentesc e o declari ancje che l'Istitût al è disponibil a rapresentâ il spetacul intai lûcs e intes datis prefissadis, cjapantsi sù in câs l’impegn dal
traspuart des senografiis.
_______________________________________
(Firme Referent/e)
______________________________________
(Firme Dirigjent Scolastic)
8