datas 2. semester 2017 scoula tarasp

scoula primara Tarasp
Chalender d’occurrenzas 2. semester 2017
7 favrer 2017
olimpiada d‘inviern 13.30 – 16.00 pro’l liftin da Tarasp
tour cun sai : skis/assa, bastuns, chaplina, manetschas e patins
16 favrer 2017
maestranzas mundialas da skis San Murezzan (program detaglià segua)
21 – 24 favrer 2017
scolaziun da manadra; las lecziuns da dna. Aglaia surpiglia dna. Katrin
Tissi
1. marz 2017
Chalandamarz, obligatoric per tuot las scolaras e‘ls scolars
10 marz 2017
di da skis sülla Motta cun marenda
13 – 15 marz 2017
evaluaziun da nossa scoula tras l’inspectorat da scoula
7 avrigl 2017
messa da scoula
22 avrigl 2017
di da scoula implü (recumpensaziun vacanzas da mai)
program detaglià segua
24 mai 2017
scolaziun magistraglia Plan d’instrucziun 21 – tuots liber! *
penultim’eivna da gün 2017
Viadi da scoula (detagls seguan)
29 gün 2017
exposiziun da scoula (saira)
30 gün 2017
ultim di da scoula
Plan da scoula e vacanzas 2017-2018
Il plan da scoula e vacanzas pel prossem on da scoula chattaivat ill’agiunta. Las datas da la gronda part da quel
plan vegnan dattas avant dal Departamaint d’educaziun. Las vacanzas cha mincha cumün po fixar libramaing
s’haja coordinà cullas scoulas da tuot la regiun plü bain pussibel.
A partir dal prossem on da scoula daja singuls müdamaints quai chi pertocca las vacanzas da mai. In avegnir han
las scoulas dal cumün da Scuol (ed eir tuot tschellas scoulas da la regiun) in mai „be“ amo duos eivnas vacanzas.
Pella paja sun las vacanzas da sport in marz ün zich plü lungas ed i’s spargna da far dis da cumpensaziun sco quist
on in avrigl.
Plan d’instrucziun 21: cuors da magistraglia intern
Dürant quista prümavaira han lö in Grischun varsaquants cuors da magistraglia interns culla tematica „Plan
d’instrucziun 21: imprender da möd orientà a cumpetenzas“ organisats da la Scoul’Ota da Pedagogia Grischuna
(SAP GR). Eir per nossa magistraglia ha lö uschè ün cuors e quai in marcurdi, ils 24 da mai 2017. Las scolaras e'ls
scolars han quel di liber. I’ns es consciaint cha quai es güsta il marcurdi davo las vacanzas da mai ed avant
Ascensiun. Per la SAP GR nun esa però stat pussibel da chattar ün’otra data per quel cuors.
www.scoula-scuol.ch: pagina d’internet pellas scoulas dal cumün da Scuol
Quist es la pagina d’internet chi’d es gnüda concipida pellas scoulas popularas dal cumün da Scuol. L’idea es cha
quellas hajan üna plattafuorma implü per infuormar a scolaras, scolars e genituors davart occurrenzas da scoula,
plans da scoula e vacanzas, contacts, documaints importants ed oter plü. Dat dimena ün sguard e s’infuormai in
avegnir eir là.
Per la scoula primara da Tarasp
Aglaia Gallmann
30 schner 2017
*tenor nouva ledscha da scoula han genituors la pussibiltà d’avair ün accumpagnamaint per scolaras e scolars da
scoulina e scoula primara pro uschè occasiuns. Genituors chi giavüschan cha lur uffant gnia survaglià quist
avantmezdi annunzchan in scrit quist bsögn a la manadra da scoula, fin als 30 avrigl 2017, sainza annunzcha resta
l’uffant a chasa quist avantmezdi. In che maniera cha quist accumpagnamaint vain organisà nun es amo cuntschaint e
sta illa responsabiltà da la scoula (p. ex. famiglias externas, lavur quieta in stanza da scoula, program special, etc.)