27 di Fevrâr: la Zornade Furlane dai Dirits a Onde

27 di Fevrâr: la Zornade Furlane dai Dirits a Onde Furlane
Une programazion dute speciâl e siore di ospits par fevelâ di dirits
Ai 27 di Fevrâr dal 1511 si invià il riviel plui grant de storie furlane. Dâts dongje in bandis di vuerilie, i
contadins a derin l’assalt e a brusarin i cjistiei e i palaçs de nobiltât ator par dute la Patrie dal Friûl. La
insurezion e fo scjafoiade intal sanc, ma e judà a infuartî la cussience des comunitâts rurâls furlanis che,
contrari di ce che cualchidun al va dilunc a contâ, no jerin pipinots mugnestris tes mans dai sorestants di
in chê volte, ma sogjets impegnâts intune lungje lote par difindi i lôr dirits. Par chest si à sielzût la date
dai 27 di Fevrâr par celebrâ la Zornade Furlane dai Dirits.
Bielzà di cualchi an, Radio Onde Furlane e celebre cheste Zornade cuntune programazion speciâl che e à
chê di stiçâ la riflession sui dirits dai furlans e su lis bataiis inviadis par difindiju. Si varà duncje la
ocasion di fâ il pont sul stât dai dirits linguistics e nazionâi dai furlans, ma ancje di altris comunitâts
minorizadis tant che i slovens e i todescs dal Friûl (cun intervistis ae diretore dal “Novi Matajur” Jole
Namor e ae presidente dal circul culturâl Schneider di Sauris Lucia Protto), ma ancje rom e sinti (cun
Eva Rizzin, rapresentante dal comitât “Rom e Sinti insieme”). Il teme dai dirits linguistics al sarà frontât
ancje cuntune declinazion particolâr: cun di fat, si fevelarà di lenghe furlane e Glesie cun pre Roman
Michelot, plevan di Vilegnove (S. Denêl) e rapresentant di “Glesie Furlane”, e cul vicediretôr dal mensîl
“La Patrie dal Friûl” Christian Romanini.
Par chel che si riferìs ai aprofondiments sui diviers dirits, invezit, chest an si fevelarà dal dirit ae cjase cun
Luciano Aita, president de ATER di Udin, e cun Maurizio Ingegneri, coordenadôr de associazion
“Vicini di Casa”. Un altri teme frontât al sarà chel dai dirits des feminis: si ‘nt fevelarà cun Lauretta
Serafini, responsabile de “Federcasalinghe” dal Friûl – Vignesie Julie, e cun Eleonora Baldacci,
responsabile de associazion “Io tu, noi, voi” in prime linie tal judâ lis feminis che a àn patît violence. I ûs
civics e lis proprietâts coletivis a saran, invezit, al centri de interviste cun Nadia Carestiato, ricercjadore
universitarie e esperte dal setôr. Il teme al à une impuartance no di pôc inte Zornade Furlane dai Dirits par
vie che, cundut che al è ancjemò atuâl, al è stât al centri di lotis secolârs de bande des comunitâts furlanis
e al è ancje leât al riviel dal 1511.
E propit par fevelâ de rivolte de Joibe Grasse dal 1511 e des resons che a ‘nt forin la fonde o varìn ospit il
professôr Furio Bianco, de Universitât dal Friûl e autôr dal studi plui impuartant publicât in Friûl su
chest argoment. E sarà ancje la ocasion par fevelâ dal assalt al cjistiel di Sterp dal 1509, che chest an a
colin juscj 500 agns, che si lu ten pal anticipadôr dret dal riviel dal 1511.
Ai 27 di Fevrâr ancje la programazion musicâl di Onde Furlane e sarà speciâl cul miôr de musiche furlane
e di altris nazionalitâts tibiadis, e cuntune trasmission di pueste curade di Pauli Cantarut. La jentrade de
Zornade e sarà curade, invezit, dal diretôr de Radio, Mauro Missana, e dal puartevôs dal Comitât 482,
Carli Pup.
Buine scolte e buine Zornade Furlane dai Dirits a ducj.
Il diretôr dai programs di Radio Onde Furlane
Mauro Missana
27 febbraio: la Zornade Furlane dai Dirits a Onde Furlane
I diritti come filo conduttore di una programmazione tutta speciale e ricca di ospiti
Il 27 febbraio del 1511 prese avvio la più grande rivolta della storia friulana. Organizzati in bande di
guerriglia, i contadini assaltarono ed incendiarono castelli e palazzi nobiliari in tutta la Patria del Friuli.
L’insurrezione fu soffocata nel sangue, ma contribuì a rafforzare la coscienza delle comunità rurali
friulane che, contrariamente a quanto alcuni continuano a sostenere, non furono docili marionette
manovrate dai poteri forti dell’epoca, ma soggetti attivi in una lunga lotta per la difesa dei propri diritti.
Per questo è stato scelta la data del 27 febbraio per celebrare la Zornade Furlane dai Dirits (Giornata
Friulana dei Diritti).
Già da alcuni anni, Radio Onde Furlane celebra tale ricorrenza con una programmazione speciale che si
propone di stimolare la riflessione sui diritti dei friulani e sulle battaglie in atto per difenderli. Ci sarà così
l’opportunità di fare il punto sulla situazione dei diritti linguistici e nazionali dei friulani, ma anche di
altre comunità minorizzate: è il caso degli sloveni e dei tedeschi del Friuli (con interviste al direttore del
“Novi Matajur” Jole Namor e al presidente del circolo culturale Schneider di Sauris Lucia Protto), ma
anche di rom e sinti (con Eva Rizzin, rappresentante del comitato “Rom e Sinti insieme”). Il tema dei
diritti linguistici sarà affrontato anche con una declinazione particolare: si parlerà, infatti, di lingua
friulana e Chiesa con don Romano Michelotti, parroco di Villanova (S. Daniele) e rappresentante di
“Glesie Furlane”, e col vicedirettore del mensile “La Patrie dal Friûl” Christian Romanini.
Per quanto riguarda, invece, gli approfondimenti dedicati ai singoli diritti, quest’anno si parlerà di diritto
alla casa con Luciano Aita, presidente dell’ATER di Udine, e con Maurizio Ingegneri, coordinatore
dell’associazione “Vicini di Casa”. Un altro tema affrontato sarà quello dei diritti delle donne: se ne
parlerà con Lauretta Serafini, responsabile della Federcasalinghe del Friuli – Venezia Giulia, e con
Eleonora Baldacci, responsabile dell’associazione “Io tu, noi, voi” in prima linea nel sostegno alle donne
vittime di violenza. Gli usi civici e le proprietà collettive saranno, invece, al centro dell’intervista con
Nadia Carestiato, ricercatrice universitaria ed esperta del settore. Il tema riveste un’importanza
particolare all’interno della Zornade Furlane dai Dirits perché, pur essendo ancora attuale, è stato motivo
di lotte secolari da parte delle comunità rurali friulane ed è legato anche all’insurrezione del 1511.
E proprio per parlare della rivolta del Giovedì Grasso del 1511 e delle ragioni che ne determinaro lo
scoppio ci sarà il professor Furio Bianco, docente dell’Università di Udine e autore del principale studio
pubblicato in Friuli su tale episodio storico. Sarà anche l’occasione per parlare dell’assalto al castello di
Sterpo del 1509, di cui quest’anno ricorrono i 500 anni, che viene considerato il precedente diretto
dell’insurrezione del 1511.
Il 27 febbraio anche la programmazione musicale di Onde Furlane sarà speciale, con il meglio della
musica friulana e di altre nazionalità oppresse, e con una trasmissione ad hoc curata da Paolo Cantarutti.
A introdurre la giornata saranno, invece, il direttore della Radio, Mauro Missana, e il portavoce del
Comitato 482, Carli Pup.
Buon ascolto e buona Zornade Furlane dai Dirits a tutti.
Il direttore dei programmi di Radio Onde Furlane
Mauro Missana
ZORNADE FURLANE DAI DIRITS
Programazion dai 27 di Fevrâr dal 2009
ORARI
TEME DAL PROGRAM
OSPITS e/o CONDUTôR
>>>
08.30
musiche furlane e des minorancis
-
08.30
09.00
jentrade ai programs de buinore
Mauro Missana – Carli Pup
09.00
10.00
Joibe Grasse dal 1511 - la storie
Furio Bianco
10.00
11.00
dirits in musiche
Pauli Cantarut
11.00
11.30
dirits linguistics - slovens dal Friûl
Jole Namor
11.30
12.00
dirits linguistics - todescs dal Friûl
Lucia Protto
12.00
12.30
dirits di fonde - sinti e rom
Eva Rizzin
12.30
14.30
musiche furlane e des minorancis
-
14.30
15.00
jentrade ai programs dal daspomisdì
Mauro Missana – Carli Pup
15.00
15.30
Joibe Grasse dal 1511 – la storie
leture di Stefania Nonino
15.30
16.00
dirits e cjase in Friûl
Luciano Aita
Maurizio Ingegneri
16.00
16.30
dirits e feminis in Friûl
Lauretta Serafini
Eleonora Baldacci
16.30
17.00
proprietâts coletivis e ûs civics
Nadia Carestiato
17.00
17.30
glesie e dirits linguistics
pre Romano Michelot
Christian Romanini
17.30
18.30
dirits in musiche (R)
Pauli Cantarut
18.30
19.30
Joibe Grasse dal 1511 - la storie (R)
Furio Bianco
19.30
>>>
musiche furlane e des minorancis
-