Oto`otoga o le Ata Autu mo Si`itiaga a le Sunnydale HOPE SF

Oto’otoga o le Ata Autu mo Si’itiaga a le Sunnydale HOPE SF
O Lenei pepa o se oto’otoga o le ata fa’ata’atia o Si'itiaga a le Sunnydale
HOPE SF. Taga’i iai ma fa’ao’o mai ni autou fautuaga ia le silia Me 4, 2016.
E mafai ona fa’afeso’otai mai matou pei ona iai i le faaiuga o lenei tusi. Ia
silafia lelei o lenei oto’otoga, faapea le peleni mo si’itiaga e le ose fautuaga
ia amata loa ona si’itia aiga. Fa’amolemole aua lava ne’i tulai se tasi vagana
ai ua tau’a’aoina se fa’atonuga fa’atatau i si’itiaga.
Faatonuga: O le Matagaluega o Fale i San Francisco (SFHA) ua latou filifilia le
Sunnydale Development Co., LLC (“Tufuga"), ua galulue fa’atasi ai le Mercy
Housing ma le Related Companies, e tusia se ata ma galuea’ina le nofoaga i
Sunnydale ("Poloketi").
O lenei Polokeki ua aofia ai ni la’asaga se 11 o le tu’uina i lalo ma le fausia o
Fale Fa’alemalo fa’apea isi ituaiga o fale. O tagatanu’u uma o Sunnydale o le a
si’itia mai o latou nofoaga o iai nei i ni fale i totonu ma fafo atu fo’i o Sunnydale
("Fale Si’itia"). O le taimi ua fuafuaina mo le galuega i le fausia o fale fou, auala,
o paipa fa’ata’atitia ma fale o auaunaga ese’ese fa’afaiganu’u o le a amata i le
2017-2030. O le Poloketi o le a fausia ai fale e sui ai fale fa’alemalo e 775 o lo’o
iai nei (“Fale Sui Fa’alemalo”) .Ua iai se fuafuaga a le SFHA o le a tapena e le
kamupani fau fale se Ata Autu mo Si’itiaga ma latou fa’atinoina lea auaunaga.
O aiga uma i Sunnydale, ua latou mauaina ni puipuiga se tele fa’aletulafono i lalo
o le Setete ma le Feterale fa’asino i auaunaga fa’asi’itiaga. I le mata’upu fa’asino
i Aia Tatau Toe Fo’i i Fale Fou i totonu o San Francisco, o aiga uma ia o lo’o
tulaga lelei, o lona uiga o aiga e le’i fa’ate’aina mai i se fale pe ua maua fo’i se
tusi samania mai le SFHA e fa’ate’aina ai mai se fale. I le mae’a o fale fou, o aiga
uma o Sunnydale o le a toe si’itia i fale fou nei talafeagai ma tulaga mana’omia o
aiga ta’ito’atasi uma. E iai fo’i le avanoa e si’itia ai se aiga i lo latou faitalia i se isi
nofoaga fa’afaiganu’u i fafo atu o Sunnydale. O nisi e le o ni tagatanu’u moni o
Sunnydale, e ono a’afia fo’i i si’itiaga ma o nisi o le a ono mafai ona maua fo’i ni o
latou fale fou i le nofoga fou lenei i Sunnydale. O le a tumau pea le umia e le
SFHA o le pule i fanua o lo’o iai uma fale fa’alemalo i totogi gafatia, aofia ai le
1
775 o Fale Sui Fa’alemalo. O le a galulue le SFHA i le tapenaina o Lisi o fanua
mo se taimi umi fa’atasi ma e o le a umia fale e avea ai i latou o le a fausia ma
galuea’ina Sunnydale o pa’aga fa’alauaitele. O fale fou uma o le a umia ma
va’ava’aia e i latou nei ua fuafuaina uma mo ia tulaga.
Autu o le Peleni mo Si’itiaga: O lenei pepa o se oto’otoga o le Peleni Autu mo
Si’itiaga ua fuafuaina mo le Poloketi. O le fa’amoemoe o le Peleni mo Si’itiaga ia
fa’amalamalama ai mea mana’omia fa’asi’itiaga i lalo o tulafono a San Francisco,
Setete ma le Feterale, e fesoasoani lea i le SFHA ma le Tufuga i le fa’atinoina o
taualumaga uma fa’asi’itiaga. O lenei fo’i Peleni e fa’amalamalama ai aia tatau
fa’asi’itiaga, penefiti ma vaega uma talafeagai ma agava’a i lalo o le polokalama
fa’asi’itiaga mo aiga uma i Sunnydale.
Tulafono mo le Poloketi i lalo o le Setete ma le Feterale: O lenei Poloketi o
lo’o lagolagoina i ni vaegatupe fesoasoani mai le Feterale i lalo o le HUD’s
Choice Neighborhood Initiative (CNI) fa’apea se fa’atalosagaina o nisi alagatupe
mai le HOME, CDBG ma le Rental Assistance Demonstration. I lalo o alagatupe
mai le Feterale, e ao i le SFHA ona galuea’ina se polokalama mo si’itiaga e aofia
ai le fuafuaina o si’itiaga fa’apea fesoasoani pei ona aiaia i lalo o le tulafono
Uniform Relocation Act (URA). O alagatupe mai le Siti (City) o San Francisco mo
le Poloketi latou te mana’omiaina fo’i se polokalama fa’asi’itiaga i lalo o aiaiga a
le Tulafono a le Setete o Kalefonia - Relocation Assistance Law (CRAL) ma
Ta’iala (Ta’iala).
Mea Mana’omia i lalo o le Polokalama mo Si’itiaga: O mua’i tiute fa’asi’itiaga a
le SFHA ma le Tufuga i lalo o le URA ma le CRAL e aofia ai mea nei:
1. Tapena se Peleni mo Si’itiaga (Plan), taua’aoina ni manatu fa’asino i le
Peleni i totonu o le Piriota 30 Aso mo ni Finagalo, ma folasia le Peleni i le
Komiti o Komesina a le SFHA mo le fa’amaonia.
2. Ofoina atu ni Auaunaga Faufautua ma fesoasoani tau si’itiaga mo tagata
lautele e sauni tapena ai mo le fa’atinoina o si’itiaga.
2
3. Saunia ni Fa’asalalauga Tusitusia mo Si’itiaga mo aiga uma i SunnydaleVelasco, aofia ai se Fa’asilasilaga o Agava’a (NOE) o fa’amatalaina ai
penefiti fa’asi’itiaga mo aiga ma se Fa’asilasilaga o le 90 Aso e Si’itia ai, e
fa’asalalauina, 90 aso a’o lumana’i ona si’itia se aiga.
4. Tapenaina o ni fale le mautu po’o le fesoasoani fo’i i aiga i le sa’ilia lea o
ni nofoaga e avea ma fale mautu.
5. Ofoina atu lea o fesoasoani fa’asi’itiaga aofia ai fale le mautu/po’o ni
nofoaga e avea ma fale mautu.
6. Ofoina o se auaunaga mo Iloiloga o Fa’ai’uga Fa’asi’itiaga.
Vaega Fesoasoani mo Si’itiaga : O le a galulue aiga o Sunnydale ma le Vaega
o Si’itiaga a le Mercy Housing i le taimi atoa fa’amoemoe mo si’itiaga amata i
fonotaga fa’afaiganu’u, fa’apea initaviu ma aiga taitasi. O le a galulue le Vaega o
Si’itiaga a le Mercy ma aiga uma i vaega ese’ese o le Poloketi fa’apea i taimi a’o
lumana’i si’itiaga e tapena se peleni mo aiga fa’apea fa’atinoga i taimi o si’itiaga.
Fa’aaliga O le Peleni o Si’itiaga : O le a tufaina e le Vaega o Si’itiaga a le
Mercy fa’asilasilaga tusia mo aiga fa’apea le Fa’asilasilaga o Agava’a (mo
penefiti fa’asi’itiaga), le Fa’aaliga o le 90-aso e Si’itia ai, fa’apea le 30-aso e Si’itia
ai. Fuafua i le peleni fa’atupeina o le Poloketi, e mafai ona iai nisi fa’aaliga
mana’omia. O nei uma fa’aaliga o le a fa’aliliuina i le gagana a aiga ta’itasi, e
tufaina sa’o i aiga ma fa’amalamalamaina pe a talafeagai po’o le lafoina atu fo’i i
le meli resitala e sainia ai se risiti.
Peleni Fesoasoani mo Si’itiaga: O le a feiloa’i le Vaega o Si’itiaga a le Mercy
ma aiga ta’itasi e fa’amalamalama auaunaga fa’asi’itiaga o lo’o maua mo latou. O
lo’o fuafuaina fo’i e le Mercy se kamupani (po’o kamupani) mo auaunaga
fa’afesi’ita’iga, e aofia ai le fa’apusaina, fesi’ita’i, fela’ua’i, teu’ese mai pusa,
fa’apea Inisiua puipui mo mea totino i taimi o si’itiaga. O nei auaunaga o le a
ofoina i aiga tonu o a’afia i le si’itia atu i o latou fale fou. O nisi auaunaga e ono
3
mana’omia mo le otaota ma le la’u’eseina o le lapisi e ono maua fo’i aemaise mo
tagata matutua ma e o iai ni fa’aletonu o le tino.
O nei tulaga o le a fa’ataunu’uina fa’asolo-fa’ala’asaga, mo aiga ta’itasi. O nei
auaunaga ua ta’ua o auaunaga feso’ota’i. O fesi’itaiga uma fa’atasi ma auaunaga
feso’ota’i e totogiina uma e le Tufuga po’o le kamupani fau fale.
O Aia Tatau Toe Fo’i i Fale Fou: Fa’aopopo i le URA ma le CRAL aua le
puipuia o aiga Sunnydale, o le tulafono Aia Toe Foi i Nofoaga, o Nofoaga Atia’e a
San Francisco, ua aloa’ia ai le aia tatau a e o aumau i fale fa’alemalo, e toe fo’i
atu i fale fou fa’apea auaunaga mo si’itiaga ina ua mae’a ona si’itia ‘ese mai o
latou mua’i fale, pe a fa’apea o lo’o tumau le aiga i le tulaga lelei, o lona uiga e
le’i fa’ate’aina pe o iai nei i se tulaga fa’ate’a’eseina e le SFHA.
O lenei Tulafono o lo’o amanaiaina ai tagata uma o lo’o nonofo pulea i nei fale o
se aiga, ma o sea aiga e tatau ona agava’a e toe fo’i ai i se fale fou ae le o nisi
fale ese atu e sui a’i.
O aiga uma o iai nei, e le’i fa’amutaina aloa’ia lo latou tulaga o tagatanu’u a’o
lumana’i pe ua tuana’i fo’i, le Ulua’i aso (aso ole fa’aaliga muamua o le agava’a
mo penefiti fa’asi’itiaga), e iai lo latou aia tatau i le, ma le fa’atauaina tele mo, se
fale sui i Fale fou o le fanua i Sunnydale.
Peleni mo Fale-Sui (Replacement Housing): O Fale uma e 775 o lo’o iai nei i
Sunnydale-Velasco o le a suia tasi-ile-tasi i lalo o le Poloketi. O le tele o nei falesui o le a fausia lava i luga o le fanua, ae e ono fausia nisi fale-sui i fafo atu, e
aofia ai pitonu’u tu lalata ane po’o isi fo’i faiganu’u.
E mana’omia le si’itia ‘ese o aiga uma mai fale o lo’o nonofo ai nei ina ia mafai
ona tu’uina i lalo fale tuai ma amataina le galuega. O le fausia o fale e tusa ma le
12 masina i le la’asaga. O le tele o fale fa’amoemoe e si’itia atu iai aiga o fale nei
o le a fausia lava e le Tufuga; peita’i, o nisi aiga e ono si’itia i ni nofoaga i fafo atu
o le nofoaga atia’e i ni fale ua aiaia e le Tufuga mo latou a’o fausia fale fou i
Sunnydale. O le fa’amoemoe o le Peleni ina ia si’itia le tele o aiga i fale o avanoa
4
i Sunnydale. O lona uiga o e o le a fesi’ita’ia i totonu lava o Sunnydale o le a
si’itia atu i se isi lava fale tau-gafatia fa’alemalo. A fa’apea o le a si’itia se totogi o
fale ona nei fesi’itaiga, o le a totogiina uma e le tufuga.
Piriota mo le Iloiloina o le Peleni o Si’itiaga: i lalo o le Ta’iala, o se oto’otoga o
le Peleni e ao ina fa’alauiloaina fa’alaua’itele mo ni aso e 30 mo se taga’i fa’apea
ni manatu tu’uina mai e tagata-lautele. O lenei Peleni ‘oto’oto o le a tu’uina atu i
aiga uma o le Poloketi fa’apea fo’i tagata e le o ni tagatanu’u o le nofoaga, mo le
30-aso e taga’i iai, ma fai iai ni manatu fa’atalanoa ma tusitusia fo’i ina ia mafai
ona aoina mai. O le a maua e aiga Sunnydale-Velasco se fa’aaliga tusitusia o le
Peleni ‘oto’oto ua avanoa, mo se faitauga ma o le oto’otoga o lenei Peleni o lo’o
aofia i le fa’aaliga lenei. O latou e le o ni tagatanu’u o Sunnydale, fa’apea ofisa
fa’afaiganu’u, vaega fesoasoani ma isi, o le a talosagaina mo manatu tusitusia
tu’uina mai fa’asino i le Peleni oto’oto. O le taimi fuafuaina mo manatu tu’uina
mai e mai ia Aperila 4, 2016 ia Me 4, 2016.
O se kopi o lenei Peleni o le a maua mo se iloiloga i nofoaga nei (totonu uma i
San Francisco) amata ia Aperila 4, 2016:
Ofisa o le Soifua Maloloina i le 1711 Sunnydale Avenue
Mercy Housing ma le ofisa o le YMCA i le 1657 Sunnydale Avenue
Ofisa mo Lisi a le SFHA i le 1654 Sunnydale Avenue
Kalapu a Tama & Teine i le 1654 Sunnydale Avenue, Fogafale lona lua
TURF i le 1652 Sunnydale Avenue
Vis Valley Strong Families i le 1704 Sunnydale Avenue
Samoan CDC i le 2055 Sunnydale Avenue
O le Peleni ‘oto’oto o le a mafai ona maua i luga o le upega tafa’ilagi i le
www.sfha.org po’o le www.sfmohcd.org. O se oto’otoga o le Peleni mo Si’itiaga o
le a folasia i le fonotaga fa’afaiganu’u i Sunnydale i le Aso Gafua, Aperila 4, 2016
mai le 5:30pm – 7:30pm i le Potu Fa’afaiganu’u i Sunnydale tuatusi 1654
Sunnydale Avenue. O le a iai se toe iloiloga o le Peleni ‘Oto’oto o le a fa’aopopo
5
iai manatu fa’ao’oina mai. O le a tu’uina atu fo’i le Peleni au’ili’ilia mo se taliaina i
le Komisi o le Matagaluega o Fale i San Francisco (Komisi) i le tau o FaigaTu’uaga (Summer) 2016. O se fa’aaliga tusitusia o le a meliina i aiga o
Sunnydale-Velasco fa’asino i le fonotaga a le Komisi, e mafai ona auai so’o se
tasi fa’apea ni fa’amatalaga fia tu’uina atu i se sui.
So’o manatu tusitusia po’o se fesili tu’uina mai o le a fa’amauina I le Ata Autu o
Si’itiaga o le a tu’uina atu i le Komisi mo le taliaina.
O talosaga ma manatu uma tusitusia e ao ona meli, fax po’o le meli fa’auila
(email) ia le silia Me 4, 2016 Ia:
Chad Wakefield
Pule Sinia o le Poloketi
Overland, Pacific and Cutler
7901 Oakport Street, Suite 4800
Oakland, CA 94621
Email: [email protected]
Fax: (562) 304-2020
Mo ni fa’amatalaga fa’atalanoa e mafai ona fa’atalanoaina ma Chad i le
telefoni 510.760.6071 ia le silia Me 4, 2016.
6