Contignü dla pröma pert

Ejam de ladin
Pröma pert: ejam a usc C
Tla pröma fasa dl ejam orará osc ejaminadú/osta ejaminadëssa imparé da ves conësce. Al/Ara ves
fajará porchël domandes sön:
•
•
•
•
•
•
•
•
os instësc,
osta familia,
le post olache i viëis,
osc laur,
osc de tipich (chël de o n ater)
ostes usanzes (passatëmp, ci che ves sá bel, preferënzes), ostes vacanzes,
üsc proiec por le dagní
y i.i.
Da sciöche i odëis nen vára de domandes che reverda osta vita personala, l'ambiënt te chël che i
viëis, üsc pinsiers. Osc compit é chël da baié cun osc interlocutur/osta interlocuturia che ó imparé
da ves conësce. Por stimolé la conversaziun ves damanará osc interlocutur/osta interlocuturia por
ejëmpl:
•
•
•
•
•
•
•
•
•
•
•
•
•
•
Olá viëise pa?
Ci laur fajëise pa? Ci scora fajëise pa?
Tan de agn ëise pa? Can sëise pa nasciü/nasciüda? Can cumplise pa i agn?
Ëise na familia? Sëise maridé/maridada? Ëise sorus o fredesc?
Ci fej pa üsc geniturs?
Ci mangëise pa le plü ion? Ci gostëise pa de regola?
Ëise n passatëmp? Jëise ion al chino? Ci fajëise pa te osc tëmp lëde?
Liëise regolarmënter le foliet? Ciarëise les notizies tla televijiun?
Ves él sozedü da ves amaré te chisc ultimi tëmps? Jëise atira dal mede sce i ne se
stëis nia bëgn?
Jëise regolarmënter dal dotur di dënz?
Ëise la patent? Tolëise l'auto te cité?
Ci proiec ëise pa por le dagní?
Ci fajesses pa sce i davagnasses tröc scioldi al lotto o al totocalcio?
y i.i.
Tröpes de chëstes domandes ves pîta la poscibilité de aprofondí i argomënc atocá:
Sce osc interlocutur/osta interlocuturia ves damana olache i abitëis, podëise:
•
•
•
descrí le cuartier olache i viëis (dí tan gran che al é, tan de ciamenes che al á, te ci
sort de frabica che al é, te ci alzada che al é y i.i.)
cunté sce al ves sá bel olache i viëis o sce al ves savess plü bel da vire te n ater
post (sce al é botëghes dailó dlungia o sce i messëis jí te n ater cuartier a cumpré
ite y i.i.)
cunté val' de üsc vijins (sce ai é da orëi bun, sce i stëis sovënz chic a s'la cunté, sce
i ves gnëis o sce i ne ves gnëis nia, sce i ves daidëis un cun l'ater, sce i fajëis datrai
val' deboriada y i.i.)
Sce osc interlocutur/osta interlocuturia ves damana ci laur che i fajëis podëise:
•
•
•
ti splighé n valgügn aspec particolars de osc laur o de n de de laur, o ti cunté val' de
üsc colegs de laur
ti dí sce osc laur ves plej o ci che ves sá bel o ne ves sá nia bel de osc laur
sce i fajesses plü ion val' d'ater y ciodí
•
•
da can incá che i fajëis bele chësc laur y sce i ëis d'atres esperiënzes
profescionales o de stüde
sce i jëis a lauré a pe o cun l'auto y i.i.
Sce i jëis ciamó a scora y osc interlocutur/osta interlocuturia ves damana ci scora che i fajëis,
podëise anuzé l'ocajiun por:
•
•
•
•
•
dí te ci classa che i jëis
cunté coche i jëis a scora (sce i jëis a pe, cun l'auto, la coriera o la ferata, sce i jëis
da susc o cun compagns de scora o amisc y i.i.)
dí sce al ves sá bel da jí a scora, sce i sëis contënc dla scora che i fajëis o sce i
baratasses plü ion jö
cunté sce i sëis de bugn da jí a scora, ci materies che ves sá beles, y cares che ves
plej demanco, te ci materies che i ëis dificoltés
dí ci che i oresses fá do la scora y i.i.
Ponsede a tan de cosses che i podesses cunté sce osc interlocutur/osta interlocuturia ves damana
coche i passëis le tëmp lëde o coche n osc de tipich ciara fora!
Tratan chësta pert dl ejam arëise la poscibilité da jí a funz y da baié a na moda lëdia de ostes
esperiënzes. Sce al ves vëgn imënt che i ne sëise nia bugn da baié porvia dla tenjiun, node s'la
odëi! Osc ejaminadú/Osta ejaminadëssa porvará da nia ves fá sté ërt y ves fajará d'atres
domandes.