programma pro amministrare - INDIPENDENTES Pro SILANUS
Transcript
programma pro amministrare - INDIPENDENTES Pro SILANUS
I N D I P E N D E N T E S P r o S I L A N U S PROGRAMMA PRO AMMINISTRARE P a g i n a 1 d i 1 I N D I P E N D E N T E S P r o S I L A N U S INDIPENDENTES Pro SILANUS est una lista cìvica indipendente. Su sìmbulu est s‟istilizatzione de s'àrbule birde israighinada, ùrtima Bandela natzionale sarda de su Giuigadu d'Arbarée. Trasparèntzia e partecipatzione Nois Indipendentes creìmos chi chèrzat garantida sa massima trasparèntzia in s‟ atividade de s‟Amministratzione, non petzi pro èsser cunforma a sa leze, ma pro permìter a sa zente una partecipatzione cantu prus manna possìbile a sa vida polìtica de sa bidda. Custu si devet fagher siat cun sas assembleas populares, siat cun giudìtzios dados de tantu in tantu pro mesu de cuestionàrios. Noi namos como etotu chi cherimos sa trasmissione dereta (streaming ADSL) de sas riuniones de su Cunsìzu Comunale; s‟incasu non siat possìbile, unu Cunsizèri nostru at a informare deretu totus cantos (sos chi s'agàtan in Bidda e sos chi che sun fora), pro mesu de unu account on-line, subra sos triballios de su Cunsìzu. Situ Web cun sas atividades e sas informatziones chi pertocant sos atos polìticos e amministrativos in sos Social Network prus nòdidos (Facebook, Twitter, etc.) pro chi potant esser impreados dae sos Silanesos disterrados puru; Su Situ web cheret prenadu de su totu e iscritu in limba Sarda, Italiana ed Inglesa; fatu interativu (cun unu forum ue su tzitadinu si potat assèntare) e tentu contu; su tzitadinu diat pòder agatare sos datos de càssia e de bilànciu, sos ingàrrigos, sas presèntzias in Cunsìzu, sos votos de cada riunione e calesisiat informatzione e comunicatzione de su Sìndigu, de sos Assessores e de sos Cunsizèris. Sa mantenidura de su Situ Internet at a pòder èsser posta intro a unu “Cantiere periodico di lavoro” ue pònner a triballiare giòvanos de sa bidda laureados dae pagu o comuncas cun tìtulos e cumpetentes. Faghinde gai s‟at a pòder dare sa possibilidade de fàgher esperièntzias de triballiu chi podent irrichire sos “curricula” pro s'arte o su triballiu chi an a pòder seberàre unu cràs. Iscola e formatzione S‟ iscola est, paris a sa famìllia, su logu ue giai dae sos primos annos de sa vida, a parte su de imparare, sos piseddos s‟acostumant a su sentidu cìvicu e a s'istare paris. P a g i n a 2 d i 2 I N D I P E N D E N T E S P r o S I L A N U S Est pro custu chi nois Indipendentes creimos chi su Comune depat ispènder, chena nudda reservare, in sas iscolas de onzi livellu e gradu de bidda. Su de fàgher gai cheret nàrrer a triballìare pro sa formatzione de sa sotziedade benidora nostra; est de importu mannu chi sos piseddos connoscant s‟istòria zusta nostra e su caminu istòricu e polìticu chi nos nch‟ at leadu, fintzas a como, in intro de s‟Istadu italianu. Tenimos su dovere, cun s‟iscola, de lis dare sas connoschèntzias giustas, pro isvilupare unu gradu naturale de autoistima istimulènde·los a s‟ intènder protagonistas che a totus sos àteros pòpulos de su Mediterràneu e de s‟Europa. Tocat chi giai dae sos primos annos si abbitent siat sas iscolas de sas biddas a làcana (pro chi si minimet sa tendèntzia a s‟ inserrare in bidda), siat sas iscolas italianas e de àteras Natziones (Ispagna, Còrsica, Nordàfrica). Sa limba est una cosa chi non pertocat chistiones geogràficas ebbìa ma finamentas antropològicas, istòricas, culturales e sotziales de unu pòpolu. Nois Indipendentes, amos a ispènder in s‟impreu, sa connoschèntzia, sa trasmissione de sa Limba Sarda nostra; est boluntade nostra su de investire in progetos pro s‟imparu de sa Grammàtica e de s‟iscritura de su Sardu e in cursos de matessi gradu de sa Limba Inglesa; custu pro preparare sos piseddos a imparare sa limba prus naturale e a la traduire, deretu, in sa Limba prus faeddada de su mundu. Comente istiga de custu sèberu, nois Indipendentes leamos s‟impinnu de torrare a betàre „Su Bandu‟ in limba sarda comente faìna printzipale de comunicatzione pro s‟informatzione a su tzitadinu, siat pro sas comunicatziones de su Comune, siat pro calesisiat bisònzu de imbassiadas deretas. Gasi etotu, amos a fàgher in manera chi sas carrelas e sas pratzas prus de importu de bidda, siant distintas cun sas iscritas in duas limbas, Sardu e Italianu; s‟at a pòder pensare puru de mudare a pagu a pagu su nòmene de carchi carrela o pratza. Sas istàntzias, sos tràstes e machinàrios, sos logos de s‟iscola, ant a dèper èsser mezoràdos pro chi potant èsser impreados dae totu sa populatzione (non petzi dae sos pitzinnos in edade iscolàstica); sas istruturas ant a esser impreadas pro cursos (a gratis o cun pagu gastu) de formatzione e recùperu de sas connoschèntzias pèrdidas; atividades pro sos mannos e pro sas castas sotziales prus dèbiles: mamas e babbos pagu istudiados; betzos; pastores, artesanos e gasi sighinde, pro mezoràre s‟imparu in cada edade. In istìu, amos a fagher a mediu de acasazàre sos piseddos in edade de iscola pro sighire su de istare paris e su de cumpartzire sas esperièntzias de crèschida. In dies de oe s‟ Iscola nostra est betza e lassada a faìu. Nos amos a dèper manizàre pro chi si fatat galana e bene posta pro su servìtziu chi tenet de garantire. P a g i n a 3 d i 3 I N D I P E N D E N T E S P r o S I L A N U S Sa mensa iscolastica bisònzat atentzione meda; a bisu de sos dischentes e de sos mastros sos màndigos non sunt bònos; podet èsser pro more de s‟ economìa de gestione. amos a ativare unu progetu chi ponzat paris sa calidade de sos alimentos impreados (si est possìbile comporànde·los in bidda etotu o a su prus in su Màrghine), a sa educatzione de sos piseddos a su gustu e sa connoschèntzia de sos màndigos de sa traditzione (minestras, supas, birduras e legùmenes; pèta berbeghina e cràbina, pane, casu, etc) e a su de sa connoschèntzia de sas tènnicas de produtzione e de sos nùmenes sardos de sos produtos locales. Un‟ arresonu a banda cheret fatu pro sa Biblioteca; lassende a un‟ala su logu e sos trastes (chi malos como non sunt), sa Biblioteca est una istitutzione culturale chi non podet èsser petzi su logu ue si lèzent o si distribuint liberos e materiale editoriale. Devet serbìre a “suguzàre”totu s'iscenàriu culturale de sa Bidda, campaniànde e promovende calesisiat idea chi pertochet sa cultura in gènere. Istitutzione de una Borsa de istùdiu pro neo-laureados chi si siant distintos in progetos (Tesis, ricercas, collaboratziones, pubblicatziones) chi pertocant Silanus e su sartu sou o chi si potant impreare pro su bonu de sa bidda. Polìticas pro su triballiu de sos Giòvanos: Su triballiu at a èsser semper in s‟agenda de s‟Amministratzione; at a dèper istimulare sos giòvanos a s‟orientare in s‟auto-impresa, e s‟impresa individuale e familiare. S'Amministratzione Comunale at a amparare sos giòvanos chi b‟ant a chèrrer provare cun formatzione, informatzione, azudu e totu su chi s‟at a pòder fàgher. Est pro custu chi at a dèper nàscher s‟Ufìtziu de Orientamentu, Consulèntzia, Assistèntzia ue b‟at a àer un‟isportellu pro sos impresàrios giòvanos, chi los informet subra de sas leges, orientènde·los e assistènde·los paris a sos àteros Entes de su territòriu, cun cursos de formatzione, inditu, cualificatzione professionale o aderetu de s‟impresa e de sas atividades de cummèrciu. Programmatzione e Isvilupu econòmicu; Impresa (artesanadu, cummèrciu, servìtzios); Edilìtzia, Urbanìstica e Viabilidade. 1. Nois Indipendentes creimos chi siat de importu mannu su de iscrìer su „Piano Economico-Strategico Comunale‟ pro mesu de analisis e cunfrontos fatos paris a totus sas categorias econòmicas e sotziales de sa bidda; P a g i n a 4 d i 4 I N D I P E N D E N T E S P r o S I L A N U S 2. amos a pretènder chi s‟Amministratzione de Silanus siat protagonista e si pònzat a punta innantis in sa zona pro suguzàre sa nàschida de retes comunales e subracomunales. Pro nde nàrrer una, amos a èsser ativos deretu – siat chie si siat a bìncher sas eletziones – pro chi, da chi at a èsser cumpridu su traballu de su bìviu de Bidda cun sa SS 129 Macumere/Nùgoro, b‟apat unu tretu ue sos mèzos si potant firmare permitende chi sos biazadores colent dae unu mèzu pùbblicu a s‟àteru (e fintzas dae su mèzu privadu a su mèzu pùbblicu); sa farta de custa faina, pro more de problemas de seguresa, est già dande anneos mannos a sos Leìesos e Bolotenesos in sos bìvios insoro. 3. Nos impinnamos pro ativare unu „Osservatorio permanente‟(in s‟Unione de sos Comunes de su Màrghine) pro sa programmatzione subra-comunale, sa consulèntzia e s‟amparu in sos Bandos Regionales, Istatales e Comunitàrios, subra de sos Fundos econòmicos a dispositzione; 4. S‟ Amministrazione si impinnat a àer unu rolu ativu pro s‟atividade de sos Organismos e sugetos chi operant pro sa crèschida econòmica de su territòriu che a su GAL, s‟Unione de sos Comunes, su Sistema Turìsticu Locale, sos Cunsòrtzios, etc.; 5. Acontzu fitianu de su „Piano Urbanistico Comunale‟ (sighinde su‟ Piano Paesistico Regionale‟ pro chi siat cunforme a totus sos bisonzos abitativos, sotziales e econòmicos de Silanus). 6. Creimos chi siat pagu probàbile (bidu chi in dies de oe s‟Istadu Italianu si nch‟est istesiande in manera crara e a bias fintzas cun preputèntzia, dae sos bisonzos e dae sos deretos in materia finanziaria de su pòpolu sardu) de pòder àer su dinari chi nos permitat sa programmatzione de fainas pùblicas de importu; duncas nos amos a pònner a mezorare su chi b‟est giai; cherent acontzadas totus sas istradas urbanas prus mannas e bogadu su prùere dae sas carrelas de sa periferia chi sunt chena isfaltu o pamentu, mancari b‟istet zente dae deghinas de annos. 7. amos a a cambiare a pagu a pagu totus sos tretos de s‟illuminatzione cun làmpadas “Led” in manera de reservare finas a su 70% de sos gastos energèticos. Su dinari avantzadu at a pòder essere impreadu pro imbellire cun jogos de lughe calicunu de sos tretos e de sos monumentos prus caraterìsticos e galanos de sa bidda, comintzende dae sa carrela manna e dae „Piazza dei Mille‟(o de Carraghentu). 8. Censimentu, acontzu, aderetu de sas de tantas istruturas comunales pagu impreadas fintzas a oe; 9. Sighire cun sos interventos in su centru istòricu, poninde parchègios, cortigheddas, birde pro chi b‟istent sas famìllias (màssimu sas famillias giòvanas e sos nùcleos P a g i n a 5 d i 5 I N D I P E N D E N T E S P r o S I L A N U S familiares noos chi bènint dae fora) e sas atividades econòmicas chi faghet a lassare in su centru istòricu; tocat de dare prùs cara a in ube b'at carchi domo derruta, educande, azuànde e s‟incasu betande fintzas a pagare a pustis de àer apuràdu sas responsabilidades. 10. un'arrejonada a banda at a dèper èsser fata pro su rione “Sena” chi diat bisonzare de unu acontzu mannu meda. 11. s‟Ufìtziu di Orientamentu/Consulèntzia/Assistèntzia econòmicu e sotziale at a aberrer unu tantu de oras de “isportellu” pro sa connoschèntzia de sas leges e s‟informatzione pro su comintzu de s‟atividade e sos incentivos a sas atividaes noas. 12. Dare campu a unu Sistema de Grupu de Achistu/iscàmbiu Locale de benes e servìtzios tra produidores de sos alimentos locales (casu, ògiu de olìa, binu, pane tìpicu, etc), sos mestieris cualificados e ispecializados o sa tzèdida de àteros benes intro de su Grupu Locale etotu; s‟ at a pòder bogare a pizu una mustra/mercàdu de sos benes locales o fintzas su càmbiu de un‟istrutura chi b‟est giai in unu Mercadu Cìvicu minoreddu ma de judu. 13. bisònzat a promòver su càmbiu de sas domos a iscopu Turìsticu, a incuru de sos meres de sas domos chi oe sunt impreadas pagu o nudda. 14. Azudare sa nàschida de atividades artesanas in sas Zonas Produtivas (PIP) dènde·lis Infra-istruturas tecnològicas (rete de Hot-Spot WiFi comunale) chi apant prètzios menzus meda in cunfrontu a su mercadu privadu. 15. Rete comunale pro s‟intrada a sa Banda Larga in WiFi (chena cavu perunu) pro introidda e siat pro sas aree PIP e perifèricas bellas e de interessu (Santa Sarbana, etc); collegamnentu a Internet a sos residentes e a sas Impresas a prètzios e cunditziones bonas e baràtas. 16. Cantieris Comunales/Laboratòrios chi permitant sa trasmissione de connoschèntzias e manùgias chi pertocant sos triballos traditzionales (incuru de su birde e de sas prantas, muros a sicu, edilìtzia traditzionale, tessìnzu, catolaju e triballios de pedde, sartorìa traditzionale/ricamu/costumenes, etc); Zootecnìa, Agricoltura, Produtziones de su Territòriu. Su tretu prus de importu de s‟economìa nostra mustrat in dies de oe sa peus situatzione de crisi e dificultades mai connotas; crisi sarda e locale peorada dae sa crisi internatzionale; 1. Zertu chi fintzas nois Indipendentes creimos chi sas crisis cherzant manizadas P a g i n a 6 d i 6 I N D I P E N D E N T E S P r o S I L A N U S subitu cun azùdos chi potant minimare sos dannos peus. 2. Ma si comente non si podet pessare chi sas cosas duran goi in eternu, nois Indipendentes, semus cumbintos chi sas Crisis siant puru una s'unica possibilidade pro su càmbiu e sa rivolutzione cumpleta de su Setore. 3. Noi Indipendentes ischimos chi pro su tempus benidore amos a pòder contare solu subra de nois àteros etotu e de sas fortzas nostras ebìa! Tando tocat de pensare de arare su campu pro su chi nd’at a bènner a pustis; 4. L‟amos a fàgher poninde impignu in sa crèschida de sas produtziones tìpicas e de calidade; 5. Interventos chi potant bogare a pìzu cunditziones menzus pro sa produtzione, creschinde s‟ispecializatzione, sa formatzione siat de s‟impresa siat sìngula, chi azùet su de istare paris; 6. Custu pro permìter a sos chi si cherent impinnare in custu siat de lòmper a “istandard” de calidade de gabbale, siat de tènner conditziones de produtzione, de consumu e de bèndida locale e in foras de sos produtos de sa bidda o de sa zona; 7. amos a promòver acordos cun totus sos Entes e sos privados (Laore, Universidade, Sòtzios Agru-alimentares, Grupos de Achistu locales, Sardos e Italianos) pro chi siat garantida sa formatzione de sos triballiadores e de sas possibilidades Cummerciales, de sa connoschèntzia e de sa bèndida de sos produtos; 8. Initziativas periòdicas in tema chi boghent a pizu sas calidades locales cun Mercadeddos de assàzu a incuru de sos produidores etotu; 9. amos a sighire a tenner contu sa viabilidade rurale e a mezorare sa rete istradale in su sartu comunale; 10. amos a triballiare paris a sos àteros Comunes de su territòriu pro unu marcu de sos produtos traditzionales e tìpicos de su Màrghine; mesche pro Silanus, cun sa „Denominazione Comunale di Origine‟ (DCO); 11. Amparu e azudu a sa Cumpanzìa de sos Barrantzellos, dàndeli – a pustis de lis àer fatu imparare s‟impreu de sas tecnologìas modernas- totu su chi faghet a fàgher pro tentàre su sartu 'e sa bidda, pro sos controllos, s‟educatzione cìvica e ambientale, pro cuntrastare sos cumportamentos contras a sas lezes e sos regulamentos comunales. P a g i n a 7 d i 7 I N D I P E N D E N T E S P r o S I L A N U S Turismu, Ambiente, Patrimòniu Archeològicu, Cultura & Traditziones, Isport. Pro nois Indipendentes, a tenner contu e a dare importu a sa siènda de su patrimòniu materiale e immateriale nostru, est una de sas fundamentas de sa polìtica nostra. In totus custos campos Silanus diat pòder tènner atividades medas siat pro su balànzu econòmicu, siat pro su bonu de sa sotziedade; a dolu manu totus sas provas de sos annos passados no ant tentu resurtada peruna. Su patrimòniu istòricu e archeològicu nostru, in sos chimbe annos a bènner diat pòder èsser impreadu dae sos tzitadinos e dae sos turistas. Su de èsser a curtzu a sas istradas e ferrovìas traet a sa sola sos apassionados de arte e archeologìa. Nois Indipendentes, amos a fàgher calesisiat cosa chi potat serbire a garantire unu impreu zustu e seguru de sos logos nostros. Si in pagu tempus non b‟at a àer unu sugetu privadu chi leet sa gestione de su patrimonio archeològicu, paesagisticu e ambientale nostru, est possìbile chi sos servìtzios siant garantidos cun unu “Cantiere di Lavoro” o cun s‟azudu voluntàriu de sos betzos, de sos pensionados e de sos Sòtzios Culturales de bidda. Pro su chi pertocat su Turismu – S‟Ambiente – su Patrimòniu Archeològicu - Cultura & Traditzione, Sport, nos diat piagher meda a bogare a pizu unu caminu naturalìsticu e traditzionale proa sos appassionados de sos caddos paris a su turismu “enogastronomico”chi potat dare ispàziu a sas istrutturas privadas chi tenimos (Agriturismo, Pizzerias; etc), poninde·nos intro a sas IPOVIAS desinnadas da sa Regione. Tòcat puru de buscàre unu logu pro contivizàre sas atividades de s‟ippica e de sa passione pro su caddu in generale chi in bidda est manna meda; paris a su turismu ecuestre e sas atividades isportivas e terapèuticas chi nde sighint. Fimis pessande puru a s‟achistu de su “tappeto poliuretanico galoppabile” chi at pòder essere istèrridu e torradu a regòller (in Via Stazione o in su Cursu) da chi b‟at a àer festas traditzionales chi èssin medas a caddu (parìglias, isfiladas, etc); su “tappeto” (comporandelu e tenindelu contu paris dae su Comune dae s‟Associazione Ippica e dae sos Comitados de sas festas) diat pòder èsser lassadu a s‟Associazione Ippica Silanese, e dae custa finamentas dadu in afitu a àtere pro recuperare su gastu. Sas Borsas de istùdiu mentovadas in “Iscola e formatzione” ant a pòder èsser postas pro a sas chircas de sos usos, costumes de sa traditzione (caratza e mascara antiga de su carrasegare silanesu; “guida” a sos produtos tìpicos pro sa nàschida de unu museu de sos durches o de sos tastos; mùsica traditzionale, poesìa etc). P a g i n a 8 d i 8 I N D I P E N D E N T E S P r o S I L A N U S Ativare, paris a sos Sòtzios chi bi sunt giai o chi ant a nàscher, Laboratòrios de fotografìa, mùsica e vìdeos, programmande Cuncursos e prèmios chi ponzant in mustra sa bidda nostra in totu sa Sardigna e fora puru. Azuàre sos Sòtzios pro chi amparent s‟isvilupu de pràtigas isportivas (a bòrtas terapèuticas puru) che a su “jogging”, s‟atlètica, su ciclismu, sas bòcias, etc.) Pro su chi pertocat sas bòcias cun pagu gastu est possìbile a agatare unu tretu bonu acontzande o annoànde su campu de “Calcetto” de “Birdis” chi como no est impreadu e chi si nch‟est derruende pagu a pagu (antzis ch'est derrùtu de su totu...); Ateru dinari at a dèper èsser chircadu pro su Campu Isportivu de “Caramarzos”; cunforme a sas disponibilidades s‟at pòder chirrare su fundu in erba sintètica e sas istruturas chi li bisònzant. Fintzas pro s'area isportiva b‟at a àer bisònzu de energias annoàbiles chi permitant de allùgher su campu de calceto “a gettone”, in manera chi sos afitionados bi potant andare a sero puru e in istiu a de note. Su matessi balet pro totus sos impreos chi amos a fàgher de sa Palestra Iscolàstica comunale. SALUDU - IGIENE E SANIDADE - ASSISTENTZIA SOTZIALE; DERETOS TZIVILES, TZITADINANTZIA, EDUCATZIONE CIVICA Nois Indipendentes, semus cumbintos chi su setore de sos Servìtzios Sotziales meressat semper prùs atentzione e investimentos, comintzende dae su chi de bonu est istadu fatu fintzas a oe. Pro nois Indipendentes, sas pessones in debilesa psico-fisica o econòmica, non podent èsser cunsideradas comente problemas de isòrber; sunt sa prima gherra de bìncher pro non lassare a banda s‟atentzione a sos prus dèbiles e sa solidariedade. Atenzione manna, duncas, a sos Servìtzios Sotziales (màssimu a sa pessone), cun s‟imbentu de initziativas e sa crèschida de sas chi bi sunt giai. Custu at a èsser possìbile si amos a resèsser a interessare su volontariadu silanesu ispartu in totu sos Sòtzios. Gai etotu at a tocare de dare importu a su chi giai s‟agatat intro de sas istruturas subra-comunales pro sos problemas de s‟alcolismu e de sas “dipendèntzias” e gasi etotu pro sos problemas familiares de sos pisèddos e de sos giòvanos. Pro su chi pertocat sos DERETOS CIVILES nos amos a fàgher promotores de su „Registro Comunale delle Unioni di fatto‟. Amos a dare càra cun cumbinchimentu a polìticas contras a su ratzismu, su sessismu, su bullismu e a s‟omofobìa. P a g i n a 9 d i 9 I N D I P E N D E N T E S P r o S I L A N U S Abba; Energias annoàbbiles. Intendimus meda su dovere de mezorare su servìtziu ìdricu, màssimu pro su chi pertocat sa calidade de s‟abba. Non si podet balàre chi pro unu muntone de dies a s'annu s‟ abba nd‟essat in domo cun fragos, colores e sabores malos. Difatis mancu faghet a las contare sas Ordinàntzias chi proibiant s‟ impreu de s‟ abba potàbile, chi a bias non fit bona mancu pro fàgher a papare. Noi Indipendentes amos a èsser promotores siat de su controllu de sa calidade de s‟abba, siat de s‟azudu a sos tzitadinos (chi como, fintas in Italia est possìbile cun sa Class Action) pro s'àuto-minimadura dae sa bulletta de sas summas carculadas in sas dies ue s'abba potàbile no est impreada. E amos fintzas sa idea de pònner zassos ue b‟apet abba pùbblica cuntrollada e naturizada pro su consumu diferente a s‟abba minerale in ampulla; diat èsser de aprufundire. amos a dèper iscrìer su „Piano Energetico Ambientale Comunale (PEAC‟) pro àer un‟idea de ite serbat a sa bidda nostra pro su chi pertocat s‟Energia e, seberare, e azuàre s‟impreu de s‟energìa alternativa e annoàbbile siat pro parte pùbblica siat pro parte de sos tzitadinos e de sas Impresas. A s‟incomintzu amos a partire cun attopos-arrejonadas abbertos a totu, cun sas Universidades e sos chircadores de su setore (dende importu, màssimu, a sos ingegneris, istudentes universitàrios e espertos Silanesos) pro chi siant nòdidos a sa popolatzione sos balànzos e sos problemas de sas energìas annoàbbiles. Arga, igiene ambientale e de su territòriu Nois Indipendentes istimamos abberu sa terra nostra; pro custu creimos in totus sas possibilidades chi permitant de nde godìre, imbellire, tenner contu e – mancàri, diat èsser ora ! - fintzas de bogare dinari in manera sana dae su territòriu nostru. Pro nois Indipendentes s‟arga nche la depet acabare de èsser unu problema pro si fàgher sienda; Duncas semus contras (gai comente at deliberadu da-e pagu su Cunsìzu Comunale intrèu), a sa pràtiga de brusìare (Incenerimento attuale) pro minimare s‟arga. Duncas nos amos a mòver pro ismanniare e mezorare semper e prus sas percentuales de regorta diferentziada. amos a azuàre cun piaghere sos operadores (pùbblicos, privados o de sotziedades mèschias), pro s‟educatzione, s‟azudu, s‟amparu a sos operadores de regorta e a sos tzitadinos, pro lòmper a s‟obietivu de nche leare a su tratamentu finale sa percentuale cantu prus manna de diferentziada. P a g i n a 1 0 d i 1 0 I N D I P E N D E N T E S P r o S I L A N U S amos a dèper lòmper a sas percentuales prus artas de premialidade: “prus si diferentziat e prus pagu si pagat” (pro nde nàrrer una, cun unu codice-a-barre in su sacheddu); Nos impinnamos giai dae como pro fàgher un‟istùdiu e triballiu de informatzione pro sos Silanesos chi pertochet su tipu e sa cantidade de s‟arga produida dae nois, comente e ue “in dies de oe” sunt dissipados e riciclados e in cale manera s‟ant a pòder fàgher, in tames, una sienda pro su triballiu e su balànzu econòmicu. SOTZIALIDADE; Sòtzios; “DISTERRU” e Comunidade residente in Silanus b‟at medas Sòtzios organizados chi, peròe, tenent dificultades mannas a si pònner a pare tra issos etotu e cun s'Amministratzione. Nois Indipendentes amos a promòver sa nàschida de “Sa Corona de sos Sòtzios”; est a nàrrer s‟Assòtziu de totus sos Sòtzios. At a dèper e at a pòder èsser de achìdu mannu pro sa cullaboratzione, su coordinamentu e sa cuncòrdia tra su Sìndigu, sos Assessorados comunales e su volontariadu tra sos Sòtzios; at a pòder tènner unu rolu fintzas in sos raportos cun sos àteros Entes (Provìncia, Regione, UE) pro progetos chi bisònzant de cumpetèntzias particulares e acumprimentos burocràticos de importu. At a dèper tènner puru una Sea de chirrare in mesu de sos fràigos de propriedade de su Comune. La proponimus comente un‟òrganu permanente fatu dae unu rapresentadore de cada Sòtziu de sa bidda (menzus su Presidente o unu delegadu sou) pro àer lestresa da chi b‟at de detzìder cosas e chistiònes. Sighire in su caminu (già comintzadu con s‟intregu de su coordinamentu de sos “Corsi di Musica e strumento” a sa „Associazione Coro Polifonico‟) de sos àteros Sòtzios cumpetentes in progetos de manìzu de sas atividades fitianas pro s‟educatzione e pràtiga de sos isports amatoriales traditzionales, “hobbies”, etc; “DISTERRU” Sa Comunidade nostra devet torrare a àer sa richesa chi benit da-e su raportu cun sos paesanos nostros “disterrados”; sas tecnologìas de como e sa capatzidade mezoràda de comunicatzione lu permitint e lu favòrini. Nois Indipendentes, amos a tènner, in mesu a sos Cunsizèris nostros “su Cunsizèri de sos disterrados” chi at a dèper rapresentare in Cunsìzu sa 'oghe, sos desìzos e P a g i n a 1 1 d i 1 1 I N D I P E N D E N T E S P r o S I L A N U S s‟azudu de totus sos Silanesos chi istant in Itàlia o in Estero e chi s‟ant a chèrrer fàgher azuàre e rapresentare. Est pro custu chi promitimus de pònner “Sa die de sos disterrados”, una die a s'annu (siat seminariale-culturale, siat de ispàssu) pro nos aunire (fintzas in videocunferèntzia cun unu maxi-schermo cun sos logos diferentes de su mundu) cun sos paesanos nostros in disterru. Indipendentes Pro Silanus "Sos Sardos, a bisu meu, diant detzìder mènzus si diant èsser indipendentes intro de una Comunidade Europèa, ma fintzas mediterrànea. Sa vida in Sardigna fortzis est mènzus chi un’òmine si potat auràre: sa vintibator miza chilòmetros de padentes, de sartos, de costas postas in unu mare meraculosu, sunt su chi deo dia cunsizàre a Deus de nos intregare comente Paradisu”. Fabrizio De André, 1996 P a g i n a 1 2 d i 1 2