PIEGHEVOLE BANDO PREMIO XVII ED. 2009

BANDU E REGOLAMENTU
Art. 1
Pro s’annualidade 2009 si bandit sa XVII editzione
de su Prémiu de Literadura Paulicu Mossa, cuncursu
de Poesia, Prosa e Saggìstica in limba sarda. Custa
editzione est dedicada a Nanninu Marchetti.
Art. 2
Sas òperas partetzipantes, mai imprentadas e mai
premiadas in àteros cuncursos, poden arrivare
fintzas a su 18 de Làmpadas de su 2010.
Art. 3
Sunu ammissas a su Prémiu sas òperas iscritas in
calesisiat variedade de sa limba sarda; pro sas òperas
in tabarchinu e in saligheresu est agressida sa
tradutzione in italianu.
Art. 4
Sos tribaglios deven arrivare postos intro a una
busta in 8 còpias frimmadas cun-d-unu nòmene
inventadu o unu istivinzu.
Art. 5
Sas generalidades, s’indiritzu, su nùmeru de telefono
e, a chie lu tenet, s’indiritzu e-mail de s’autore deven
essere iscritos in-d-unu fogliu a parte postu in-dun’atera bustighedda cun iscritu in fora su nòmene
inventadu o s’istivinzu seberadu; custa bustighedda
devet essere posta intro a sa busta manna umpare a
sas còpias de su tribagliu.
Art. 6
Sa busta devet esser imbiada a
SEGRETERIA DE SU PRÉMIU DE
LITERADURA PAULICU MOSSA
COMUNE DE BONORVA
ASSESSORADU DE SA CULTURA
PIATA SANTA MARIA, 27
07012 BONORVA SS
Art. 7
Su Prémiu de Literadura Paulicu Mossa est divisu in
battor setziones, onzuna dedicada a unu ‘onorvesu
chi at dadu mannesa a sa limba e a sa literadura de
Sardigna:
1. Anghelu Dettori
a. Poesia in rima
b. Poesia chentza rima
2. Peppe Sozu – Modas
3. Tore Tedde – Prosa
4. Antoni Sanna – Saggìstica
1. Setzione Anghelu Dettori - POESIA
Onzi cuncurrente podet imbiare una poesia ebbìa (o
in rima o chentza rima) in calesisiat argumentu; si
recumandat de s’atènnere a su lìmite de sos
barantaduos versos. In fora de sa busta bi devet
essere iscritu Setzione Dettori e Poesia in rima o Poesia
chentza rima.
2. Setzione Peppe Sozu - MODAS
Onzi cuncurrente podet imbiare una moda
cumposta segundu sas régulas de custos modellos:
una istérrida e tres fiores, de una longària de 12, 14 o
16 versos, siat pro s’istérrida e siat pro sos fiores, o
puramente in sos modellos pius afinigados comente
cumpostura, tipu sas cumposisciones de Pitanu
Morete e Pedru Caria jamadas 36 e/o 37 retrogadu,
fioridu e tentu a maglia: su chi importat est chi su
cuncurrente rispetet in totu sas partes de sa moda
sua sa longària seberada dae isse mattessi. In fora de
sa busta bi devet essere iscritu Setzione Sozu – Modas.
3. Setzione Tore Tedde - PROSA
Onzi cuncurrente podet imbiare unu contu o una
noedda o una paristòria o unu calesisiat branu de
prosa de naronzu in calesisiat argumentu; sas òperas
si deven atènnere a su lìmite de sos ses foglios; onzi
còpia devet essere pintzada. In fora de sa busta bi
devet essere iscritu Setzione Tedde – Prosa.
4. Setzione Antoni Sanna - SAGGISTICA
Onzi cuncurrente podet imbiare unu saggiu o
un’istùdiu o un’indagu o un’arréjonu subra unu
argumentu seberadu in sos cuntestos de sa
limbìstica, de s’istoria, de sa literadura, de sas artes,
de sa mùsica, de sa filosofia, de s’antropologia, de
sas traditziones, de sas siéntzias, de sa cultura in
generale. Onzi tribagliu non podet superare sos
deghe foglios. Onzi còpia devet essere pintzada. In
fora de sa busta bi devet essere iscritu Setzione Sanna
– Saggìstica.
Art. 8
Onzi autore podet presentare un’opera ebbìa pro
setzione; sa setzione Poesia est una, puru si est divisa
in duas partes (in rima e chentza rima).
Art. 9
Sas òperas non si torran a sos autores e su Sòtziu
Prémiu de Literadura Paulicu Mossa si reservat onzi
diritu de las publicare chentza, pro custu, dèvere
calchi cosa a sos autores.
Art. 10
Su giudisciu de sa Giuria est insindacabile.
Art. 11
Sa premiatzione s’at a fàghere in s’istiu de su 2010 e
solu chie binchet o est mentzionadu dae sa Giuria at
a essere avvisadu.
Art. 12
Sos prémios de su Cuncursu sunt cosas fatas in
Sardigna dae mastros artijanos.
Art. 13
Sa partecipatzione est a s’indonu; chie partécipat
atzetat su Regolamentu.
Art. 14
Sos autores premiados cun su Primu Prémiu podent
torrare a bìnchere in cussa setzione a pustis de tres
annos.
Art. 15
Sa Giuria de sa XVII editzione de su Prémiu Paulicu
Mossa est cumposta dae:
Nigola Tanda (presidente), Paulu Pillonca,
Antoninu Rubattu, Dino Manca, Clara Farina,
Tore Marruncheddu, Angelinu Sozu,
Frantziscu Falchi (segretariu)
Bonorva, su 29 de Sant’Andria de su 2009
Cun su contributu de
COMUNE DE BONORVA
PRÉMIU DE
LITERADURA
ASSESSORADU DE SA CULTURA
Paulicu Mossa
Segreteria de su Prémiu
c/o
Comune de Bonorva
Assessoradu de sa cultura
Piata Santa Maria, 27
07012 BONORVA SS
BONORVA
Fondazione Banco di Sardegna
Organizzadu dae
Grafica, impaginazione e stampa a cura dell’Associazione
culturale Premio di Letteratura Paolo Mossa - Bonorva
Su gentile concessione del Ministero per i Beni e le
Attività culturali, per il tramite della Soprintendenza
Archeologica della Sardegna – Sede di Sassari, il logo
dell’Associazione culturale Premio di Letteratura Paolo
Mossa e il logo identificativo del Concorso letterario sono
ricavati da un particolare degli affreschi presenti nelle
domus della Necropoli di Sant’Andrea Priu a Bonorva
XVII editzione
dedicada a
Cun s’azudu de
Info
www.paulicumossa.org
www.comune.bonorva.ss.it
[email protected]
tel. (+39) 079 867 894 - (+39) 079 867 339
fax (+39) 079 866 630
Sistema bibliotecario Mejlogu
c/o Biblioteca comunale Angelo Dettori - Bonorva
Nanninu Marchetti