pineie? - Scuola Ladina di Fassa

PINEIE?
Personajes:
Pineie
Gepet
Bacan
1° cornacia
2° cornacia
Veiata
Om sandwich
Magnafech
Doi buratins
Bec
Giat
Bolp
Coscienza
Maestra
1° carabinier
2° carabinier
Fata
1° Lucìgnol
2° Lucìgnol
3° Lucìgnol
Patron del circo
1° paiazo
2° paiazo
1
Scena prima
(Gepet, Pineie)
(Gepet é dò a zipiar n “toch de legn” da chel che vegnarà fora Pineie)
Gepet: Chest toch de legn é ben dur! Somea béleche che no l vobie se far zipiar!
Pineie: Ahi! Ahia!
Gepet: Ma che sozédel pa?
Pineie: Ahia!
Gepet: Mah, da veder, magari l’é n bez defora che l’é sutà jabas....... Oh, é béleche
fenì... ma varda mo che bel buratin che é fat!
Pineie: Ciao, chi este tu?
Gepet: Ma chi él che rejona?
Pineie: Son gio!
Gepet: Tu? Un buratin che rejona? Non l’é possìbol!
Pineie: E perché pa no? Son gio, segur che son gio.
Gepet: Ma che lengaz rejóneste pa?
Pineie: No sé, e tu che lengaz rejóneste pa?
Gepet: L mie...
Pineie: E gio l mie... ma moscia mo chiò (L va dintorn e l ge varda a la stua). Ma che
freit che l’é (L se arvejina al fech) Oh, chiò l’é jà più bel ciaut!
Gepet: No, no, no te arvejinar massa, tu es de legn, tu podesse te brujar!
Pineie: Ma gio é freit!
Gepet: Gei chiò, te faré gio n guant. (Endana che l lo régola) Ma co aste pa inom?
Pineie: Mie inom? No sé, se cógnel aer n inom?
2
Gepet: emben dapò fajon coscita, te é fat gio e l’é desche se tu fosse mi fi, te
chiamaré Pineie.
Pineie: Pineie?
Gepet: Sì, Pineie, no te sal bel?
Pineie: Boh, per me, ... e che cogne pa far ades?
Gepet: Veide che tu cogne emparar amò n muie de robe... gio son veie oramai e crese
che la roba miora per te sie jir a scola, aló tu troaras autres amisc e tu empararas n
muie de robe. (L tol n liber e l ge lo dasc a Pineie) toli mo chest e canche tu ruaras a
scola dige a la maestra che te mane gio.
Pineie: A scola? Amisc? Emparar? ... Va ben, vae. Ciao, se vedon più tart!
Scena seconda
(Pineie, bacan, doi cornace, veiata, Om sandwich, Magnafech)
(Pineie va inant con pìcoi sauc, l scontra n bacan)
Bacan: Maladec de ucìe, i me magna duta la biava! Co posse pa far?
Pineie: Che problemes él?
Bacan: Le cornace me roina i ciampes e no é nience n spaentaie! ... Ma moscia mo,
tu tu podesse jir ben!... Se te dae n scioldo, fajésseste l spaentaie per me?
Pineie: L spaentaie? Va ben.
(L bacan ge dasc n scioldo a Pineie, che se met a far l spaentaie. L bacan va fora.
Vegn ite le cornace)
1 cornacia: Cra, jon a se magnar mìngol de gran.
2 cornacia: Scì, scì, gio é fam, craaa.
1 cornacia: Ma che él ló, craa, te mez a chel ciamp?
3
2 cornacia: Zachèi che ne roba nosc forment, craa!
1 cornacia: Ma varda tu, craa, somea n bufon!
Pineie: Gio, n bufon? (L mef i brac)
1 cornacia: Ma l se mef, craa, l’é vif, craa, aiut!
2 cornacia: Vif? Craa, aiut aiut, sgolon demez! Craa! (Le cornace va fora)
Pineie: Bon, chiò me sà dut a post. Ades jon a scola.
Veiata: (La vegn ite con fadìa) Che fadìa! Chesta bolga peisa massa per me.
Pineie: Volede che ve deide?
Veiata: Che carota! Me fajésseste dalbon chest piajer? (La ge dasc la bolga a Pineie)
Saste, oramai a mia età no posse più portar massa peisc. (Endana che la passa via la
paladina) Tu es dalbon jentil, Tegni mo chest pìcol scioldo, tu te l’as vadagnà. (La ge
dasc n scioldo a Pineie e la va fora)
Om sandwich: (L vegn ite e l passa via la scena) Vegnì al spétacol de Magnafech, l
più gran patron de buratins del mond! Sarà da se goder per duc, gregn e pìcoi!
Buratins che sauta, bala e cianta! Vegnì, vegnì tel pìcol teater de Magnafech! (L va
fora)
Pineie: Teater? No é mai vedù n teater.
(Vegn portà ite n pìcol teater)
Magnafech: (a Pineie) E tu chi este?
Pineie: Pineie.
Magnafech: N buratin che rejona?... Ehm ehm, aste estro de far n pìcol spétacol per
me? ... Va ite tel teater e còrdete con i autres buratins. Te daré trei moneide!
(Pineie va ite tel pìcol teater)
Magnafech: Con chest nef buratin aré n gran suzess. (Più adaut) Vegnì jent, vegnì!
Anché sarà n spetàcol spezial! Vegnì bec, ve godarede segur!
(Vegn ite bec che se senta jù per veder l spetàcol)
4
Magnafech: Bravi bec, doi moneide per om e te pech scomenzarà l spetàcol! Doi
moneide e ve godarede! (L tol i scioldi dai bec e l’averc la coltrina) Eco a voi i
buratins che bala!
(Doi buratins e Pineie bala la “Danza cinese” del Schiaccianoci – i bec bat le man;
la scena a la fin doventa scura)
Scena terza
(Pineie, Giat, Bolp, Coscienza)
Pineie: (L conta le moneide) Cinch moneide, che bel, no é mai vedù duc chisc
scioldi!
(Vegn ite l Giat e la Bolp e i cianta la cianzon de Bennato))
Giat: Ohe, àmeda bolp, miao, gio no veide n muie ben, ma miao, mi sà de veder
zachèi.
Bolp: Per mne tu tu es più ascort che gio, barba giat. Ben segur che l’é zachèi.
Giat: E che fàjel pa, miao?
Bolp: Chest l’é segur n afar per noi... veide che l’à scioldi te man.
Giat: Scioldi? I me piasc, miao, i scioldi!
Bolp: Fajone desche semper?
Giat: Desche semper!
Bolp: (La se arvejina a Pineie) Ciao bel bez.
Pineie: Gio no son n bez, son n pop de dorich.
Giat: (a la bolp) Pop de dorich? Miao, emben dapò l’é più sorì.
Bolp: (a Pineie) Ma che aste pa te man?
Pineie: Cinch moneide da ge dar a mi pare.
5
Giat: Frrrr, miao, aste n pare?
Pineie: Ei, cognee jir a scola, ma me é perdù via e ades cogne jir da mi pare.
Bolp: Ma chi scioldi é pec.
Giat: Ei, demò cinch ... ma i podessa doventar cincanta.
Pineie: Cincanta? E co?
Bolp: Se tu ne das fe, podon te l’ensegnar.
Giat: Ei, miao, aon na banca duta speziala.
Pineie: Banca?
Giat: Ei, frrr, na banca magica.
Bolp: Olache i scioldi doventa n muie!
Giat: N muie de più de chi che tu ne lasce, miao.
Pineie: A mi pare ge servissa ben.
Bolp: Emben gei con noi.
Giat: Ei, gei con noi, furbo che t’es. ... Veiste chel alber? Chela é noscia banca
magica, miao.
Bolp: Ei, se cogn sepolir chiò ti scioldi e doman da doman i sarà n muie de più.
(Pineie sepolesc le moneide)
Bolp: Eco, ades basta spetar doman bonora.
Pineie: Ma gio cogne jir a ciasa.
Giat: Se tu ves, va pura, faron noi la vardia.
Pineie: Na, na, no me fide. Staré chiò a spetar.
Bolp: Va ben, però no tu cogne vardar.
6
Giat: Ei, miao, no vardar, senó i scioldi resta semper aló...
(Pineie se cucia jù e l se endromenza, l giat e la bolp va fora; la lum vegn fiégola;
vegn ite la coscienza)
Coscienza: Pineie, Pineie.
Pineie: (Endana che l dorm) Chi él?
Coscienza: Son toa coscienza, scouteme! Tu cogne te n vardar de certa jent! No aste
entenù che raza de bricogn che l’é chi dei?
Pineie: (Semper endana che l dorm) Chi?
Coscienza: L giat e la bolp! ... L’é dut l dì che tu fale! Tu aesse cognù jir a scola e no
tu es jit. L’é vera, tu as ben fat ence de bele robe, ma tu aesse cognù ge obedir a
Gepet. Gepet é dò che l te speta.
Pineie: (Semper endana che l dorm) Vae ben doman...
Coscienza: Ascort, Pineie! (La va fora)
Giat: (L vegn ite) Dòrmel?
Bolp: Ei, fa pian, no cognon l descedar. (La ciava sù i scioldi)
Giat: Fàmeli snasar, fàmeli tociar, miao.
Bolp: Fa pian! Se l se desceida sion te le pétole! Jon, sciampon!
Giat: Miaoooo (I va fora)
Coscienza: (La vegn endò ite) Chesta la te costarà ciara, tu te n’ascorjaras doman
bonora. Te aee dit de star ascort. (La va fora)
(Vegn endò sù la lum, l’é la dì dò da doman)
Pineie: (L se desceida) Ades vae a veder i scioldi, son doventà rich. (L ciava ma no l
troa nia) Ma olà éi? No l’é più nia! I me à gabolà!
(La scena vegn scura)
7
Scena quarta
(Gepet, Maestra, Magnafech)
Gepet: No cognee l lasciar jir da soul! Olà se aral pa ficià? Cogne jir a l cerir. (L va
enver la scola)
Maestra: Bondì, Gepet.
Gepet: Bondì maestra. Él amò chiò Pineie?
Maestra: Pineie? Chi él pa Pineie?
Gepet: L’é mi fi, emben n pop de dorich, ma l’é desche se l fossa mi fi.
Maestra: No, me endespiasc, no é vedù nesciun pop de dorich.
Gepet: Da veder olache l sarà, cogne domanar stroz. (L va da l’autra man; la
maestra va fora; da l’autra man vegn ite Magnafech) Bondì segnor.
Magnafech: Bondì a vo, valent veiat.
Gepet: Aede vedù Pineie?
Magnafech: Chi, il buratin?
Gepet: Ei, proprio el!
Magnafech: Ben segur che l’é vedù! L’é dalbon bravo, l sà balar desche n vero
buratin!
Gepet: E olà él pa?
Magnafech: No sé, l’à fat n spetàcol per me, l’é ence paà, ma dapò l’é se n jit.
Gepet: Da veder olache l’é, pere cos....
(La scena doventa scura)
8
Scena quinta
(Pineie, 1° carabinier, 2° carabinier)
Pineie: (L vegn ite coran con n pom te man, doi carabinieres ge cor dò) Aiut, aiut!
1 carabinier: Poja sobito jù chel pom!
2 carabinier: No se cogn robar!
Pineie: Ma gio é fam!
1 carabinier: Se te brincon te meton te prejon!
2 carabinier: Ei, te prejon, coscita tu entene pa ben che che se pel e che che no se
pel far!
Pineie: Aiut, aiut! (L va fora)
1 carabinier: Ma olà se aral pa ficià?
2 carabinier: L n’é sciampà chel bricon!
1 carabinier: Jon a domanar aiut! (I va fora)
Scena sesta
(Pineie, Fata, Coscienza)
Pineie: (L vegn ite sustan) Aiut! No é più fià.
Fata: Ma chi este pa tu?
Coscienza: L’é Pineie, n pop de dorich che no sà amò entener che che l’é ben e che
che l’é mal.
Fata: Ma che faste pa chiò?
9
Pineie: Sciampe da doi carabinieres che vel me meter te prejon! Ve pree, didame, no
voi jir te prejon!
Coscienza: Ma che aste pa fat chest’outa?
Pineie: Aee fam e é tout n pom.
Fata: Zenza l paar?
Coscienza: Con duc i scioldi che tu aee!
Pineie: No i é più, l’é stat l giat e la bolp.
Coscienza: Te l’aee dit de te n vardar!
Fata: Va ben, é entenù, tu me somee mìngol sperdù. Ma tu aste entenù che tu as falà?
Pineie: (L se tegn de mal) Scì...
Fata: Emben gei, te deide ben gio, ma tu cogne me emprometer che da chiò inant,
dant de far zeche tu ge pissaras sora.
Coscienza: E tu scutaras toa coscienza.
Pineie: Scì, scì, l’empromete.
Fata: Toli mo chest sas, canche tu saras en perìcol tralo jabas e noi vegnaron a te
didar, ma recòrdete, tu pes l durar demò n’outa.
Pineie: Va ben.
Fata: Ades va, e recòrdete chel che te é dit.
(I va fora)
10
Scena sétima
(1° Lucìgnol, 2° Lucìgnol, 3° Lucìgnol)
1 Lucìgnol: Ah, che bel, anché jiron a se la goder.
2 Lucìgnol: Scì dai, gio no é nia estro de jir a scola.
3 Lucìgnol: A scola? Ma te pree, a scola!
1 Lucìgnol: Ve portaré te n post olache la scola no i sà nience che che l’é.
2 Lucìgnol: E se dapò i dirà che son n musciat, gio n’é n bel festidech.
1 Lucìgnol: Ma che musciat! Noi sion i veri furbi! No saron mai musciac!
3 Lucìgnol: Musciat l’é chi che no sà se la goder!
Pineie: (L vegn ite) Ciao.
2 Lucìgnol: E tu chi este pa?
Pineie: Son Pineie e son dò che vae a scola.
1 Lucìgnol: Ah, ah, ah, a scola!
2 Lucìgnol: Ah, ah, ah ...
3 Lucìgnol: Ah, ah, ah ...
1 Lucìgnol: Ma gei con noi che l’é più bel!
Pineie: Ma la fata e la coscienza me à dit che cogne far l valent e jir a scola.
3 Lucingolo: La fata?
2 Lucìgnol: La coscienza?
1 Lucìgnol: Ah, ah, ah, tu es n gran musciat se tu ge crese! Gei con noi che l’é più
bel!
2 Lucìgnol: Noi jon tel paìsc di jeghes.
3 Lucìgnol: Olache se pel demò se la goder.
11
1 Lucìgnol: Ma scì dai, gei ence tu, tu vedaras che bel!
(I Lucìgnoi va fora, Pineie se grata mìngol l ciaf, ma dapò l ge va dò)
Scena otava
(Patron del circo, 1° Lucìgnol, 2° Lucìgnol, 3° Lucìgnol, Pineie)
Patron del circo: Vegnìbec, vegnì! Con noi ve la godarede! Sarà da magnar e da
beiver e jeghes per duc!
2 Lucìgnol: Ma él vera che da voi no l’é scola?
Patron del circo: La scola coi libres?
3 Lucìgnol: Ei, ... chela no la revele.
Patron del circo: Libres nia, demò scola de coche se se la gode!
1 Lucìgnol: Ve l’aee dit gio, cognede ve fidar de Lucìgnol, musciatogn!
Patron del circo: Godévela, godévela! No pissà a nia de auter! Arede na bela
sorpresa! Ah, ah, ah! (L se sfrea le man e l va fora)
(I Lucìgnoi e Pineie resta te scena grignan; la scena doventa scura)
12
Scena nona
(1° Lucìgnol, 2° Lucìgnol, 3° Lucìgnol, Pineie, Patron del circo, 1°
paiazo, 2° paiazo, Fata, Coscienza)
(La scena ei enlùmena, l’é la dì dò da doman. I Lucìgnoi e Pineie à le ureie e la
couda da musciat)
1 Lucìgnol: (a Pineie) Ah, ah, ah, tu as le ureie da musciat!
Pineie: Iho, ence tu! (L se tocia l ciaf)
1 Lucìgnol: Iho, e ence la couda!
Pineie: Iho, ence tu! (L se tocia la schena)
1 Lucìgnol: (L se tocia l ciaf e la schena) L’é vera! Iho! E ence ic! Iho!
2 Lucìgnol: Iho! Iho!
3 Lucìgnol: Iho! Iho!
1 Lucingolo: Sion doventé musciac! Iho!
Pineie: Che saral mai de noi ades?
Patron del circo: (L vegn ite con na paicena) Ah, ah, ah! Pissaade de ve la goder e
bon? Musciac che no siede auter! E musciac veri! Forza ades, a lurar! (L fasc sentir la
paicena e i va fora)
(Vegn endò ite l patron del circo)
Patron del circo: Segnore e segnores, benvegnui te nosc circo! Eco sobito per vo l
prum numer: le sor paiazo! N bel batiman per piajer! (L va fora)
1 paiazo: E tu chi este?
2 paiazo: La sor paiazo.
1 paiazo: Ma son gio la sor paiazo!
2 paiazo: Eh na, son gio la sor paiazo!
13
1 paiazo: Ma co te permétesto de me robar l’inom! (La ge dasc na sberla a so sor)
2 paiazo: (La se à utà co la schena e laé mìngol piada jù) Ahi!
1 paiazo: E ciapa ence chesta! (La ge dasc na peada a so sor) Ah, ah, ah! (grignan,
la se outa e la ge dasc la schena a so sor, mìngol piada jù)
2 paiazo: (Per la peada la é sutada jabas, la leva en pe) Grìgnesto, che? (La ge dasc
na peada a so sor che sauta jabas) Ah, ah, ah!
1 paiazo: (La é sutada jabas per la peada, la leva en pe e la ge cor dò a so sor ) Ah,
coscita! Chi él pa la sor paiazo?
2 paiazo: (La sicampa) Son gio la sor paiazo! Aiut!
(Le va fora e vegn endò ite l patron del circo)
Patron del circo: E ades n numer dut nef: i musciac maestré!
(Vegn ite i musciac, i renolea e i scomenza a jir dintorn, endana che l patron del
circo fasc sentir la paicena; Pineie trasc via per jabas l sas che ge à dat la Fata;
vegn ite la Fata e la Coscienza)
Fata: (Al patron del circo) Chi él pa chisc?
Patron del circo: Ma no vedede? L’é musciac!
Fata: Librà sobito chel musciat (La segna Pineie)
Patron del circo: E perché pa cognesse?
Fata: Libralo sobito, ve é dit!
(Pineie se tol jù le ureie e la couda e l va da la Fata; i autres musciac renolea
desperé)
Patron del circo: (L fasc sentir la paicena) Acort voi autres!
Coscienza: (a Pineie) E tu ades tu aras entenù a chi che tu cogne ge dar fe!
(La Coscienza, la Fata e Pineie va fora; la scena doventa scura)
14
Scena decima
(Pineie, Veiata)
(La scena si enlumena)
Pineie: No troe più mi pare! É domanà daperdut, ma no son più bon de l troar!
Veiata: Ma tu este Pineie?
Pineie: Ei, son gio.
Veiata: L pop de dorich de Gepet?
Pineie: Ei, no son più bon de l troar!
Veiata: Ence el te à tant cerì! Acà n muie de temp l’à tout na barca e l’é jit a te cerir
tel mar.
Pineie: Tel mar?
Veiata: Ei, l’era desperà! E l mar era pa ence en tampesta!
Pineie: Dut per colpa mia! Cogne jir a l cerir!
(I va fora)
Scena undejeisema
(Pineie, Gepet)
Pineie: (L noda) Che freit! E che mola che l’é l’aga!
(Vegn ite na gran balena)
Pineie: Aiut, aiut! La me magna! (L va ite te la balena)
15
(la balena se outa e se veit Pineie e Gepet)
Gepet: Pineie! Ence tu chiò?
Pineie: Oh, papà, te é troà! Ma co fajone ades?
Gepet: Eh, gio son chiò da n muie de temp! La balena no vel me lasciar jir!
Pineie: Co podone pa far? ... Ah, gio é na ciandeila, fosc col fech e l fum ... voi veder
se la va... (L’empea la ciandeila)
(da fora dotrei bec fasc na gran stranudada; la balena sauta via per jabas)
Pineie: Gei, gei pare, sion fora! Noda!
Gepet: Ma gio son veie, fae fadìa!
Pineie: Gei, te deide gio. (I noda fin su l’or)
Gepet: (Zenza fià) Pissae de no ge la far più.
Pineie: Ma ades sion al segur. Se sion e jon a ciasa. Saste papà, é emparà n muie de
robe. Se cogn cerner anter chel che l’é ben e chel che l’é mal. E ades sé ence che che
vel dir voler ben.
Gepet: Pineie, tu es dalbon n bez valent.
Pineie: Na, papà, gio no son n bez, son n pop de dorich!
(Pineie fasc dotrei varesc de bal da buratin e Gepet grigna)
FIN
16