PUR TRET
Transcript
PUR TRET
PURTRET En Svizra portan ils chantuns la responsabladad principala per ils fatgs da furmaziun e da cultura. Els coordineschan lur lavur sin champ naziunal. Per far quai furman las 26 directuras e directurs chantunals da l’educaziun publica in’autoritad: LA CONFERENZA SVIZRA DALS DIRECTURS CHANTUNALS DA L’EDUCAZIUN PUBLICA (CDEP) A l’exteriur vegnan ellas ed els numnads savens «ministras e ministers da furmaziun». En Svizra als numnain nus «directuras e directurs d’educaziun u da furmaziun». Ellas ed els èn commembras e commembers da las regenzas chantunalas e mainan il departament chantunal d’educaziun e da furmaziun, che cumpiglia per regla er la cultura ed il sport. La suveranitad chantunala da la scola e da la cultura è in tratg caracteristic impurtant da la Svizra plurilingua ch’è organisada en moda federalistica. La basa legala per la collavuraziun dals chantuns en il sectur da furmaziun è dapi l’onn 1970 il concordat svizzer da scola. La lavur da la CDEP sa basa plinavant sin ulteriuras cunvegnas interchantunalas. Quai èn contracts interchantunals giuridicamain liants, er numnads concordats. Schaner 2017 L’organ da decisiun suprem da la CDEP è la radunanza plenara (tut las 26 cusseglieras guvernativas e cussegliers guvernativs). Las fatschentas vegnan preparadas da la suprastanza da la CDEP (12 cusseglieras guvernativas e cussegliers guvernativs). Il principadi da Liechtenstein sa participescha a las lavurs da la CDEP. LA CDEP SCO AUTORITAD DA COORDINAZIUN La CDEP agescha en moda subsidiara ed ademplescha incumbensas ch’ils chantuns e che las regiuns na pon betg surpigliar. Ella n’è betg in ministeri da furmaziun naziunal, mabain in’autoritad da coordinaziun. Ils chantuns s’engaschan per in’auta qualitad, permeabilitad e mobilitad en il sistem da furmaziun svizzer. Nua ch’ils chantuns ston collavurar per quest intent, fan els quai en il rom da la CDEP. La CDEP è persvadida dal senn e dal niz che la responsabladad decentrala porta al sectur da furmaziun en la Svizra plurilingua e federalistica. Per ils umans na duain dentant resultar nagins impediments sin lur vias da furmaziun pervia da l’organisaziun decentrala dals fatgs da furmaziun. En la CDEP elavuran las 26 directuras e directurs chantunals da l’educaziun publica soluziuns cuminaivlas che pussibiliteschan d’armonisar structuras e finamiras impurtantas dals stgalims da furmaziun e che promovan la mobilitad en l’entira Svizra. En il sectur postobligatoric (gimnasis, furmaziun professiunala e scolas autas) coordinescha la CDEP sias lavurs cun la confederaziun. Ensemen cun la confederaziun maina la CDEP il Monitoring da la furmaziun en Svizra. Sin fundament dal rapport da furmaziun che cumpara mintga 4 onns sa cunvegn ella cun las autoritads federalas cumpetentas a finamiras cuminaivlas per il spazi da furmaziun svizzer. Mintga partida realisescha questas finamiras en ses champ da cumpetenza. La presidenta da la CDEP è la cussegliera guvernativa Silvia Steiner (ZH). Art. 61a da la Constituziun federala (Cst.) | En il rom da lur cumpetenzas procuran la confederaziun ed ils chantuns communablamain per in’auta qualitad e permeabilitad dal spazi da furmaziun svizzer. Art 62 al. 1 Cst. | Ils chantuns èn cumpetents per ils fatgs da scola. Art 69 al. 1 Cst. | Ils chantuns èn responsabels per il sectur da cultura. Art. 1 concordat da scola 1970 | Ils chantuns da concordat furman in institut da dretg public interchantunal per promover ils fatgs da scola e per armonisar il dretg chantunal correspundent. PROGRAM D’ACTIVITADS DA LA CDEP 2015-2019 (SURVISTA) Scola obligatorica Gimnasi, scola media spezialisada, furmaziun professiunala Scolas autas, furmaziun professiunala superiura Cultura Sport Maturitad gimnasiala, maturitad spezialisada 2 3 Furmaziun professiunala, cussegliaziun da professiun, da studi e da carriera 4 ICT en il sistem da furmaziun 5 Coordinar l’instrucziun da lingua Renconuschientscha da diploms: renconuschientscha da diploms professiunals svizzers en tut la Svizra (persuna d’instrucziun, pedagogia speziala da professiuns da scola) ed examinaziun da diploms esters; renconuschientscha da diploms dal stgalim secundar II (gimnasi, SMS) Cunvegnas da finanziaziun: garantir l‘access equivalent a purschidas da furmaziun/ scolas dal stgalim secundar II e dal stgalim terziar en auters chantuns; pussibilitar la gulivaziun da grevezzas tranter ils chantuns HarmoS: armonisaziun da la scola obligatorica Stipendis: armonisar ils sistems chantunals da stipendis Pedagogia speziala: sustegn dals chantuns 6 Scolas autas: stabilir ina regulaziun cuminaivla cun la confederaziun Accumpagnar la realisaziun da la lescha per promover il sport e da la lescha davart la promoziun da la cultura Execuziun d’ulteriurs concordats Execuziun dal concordat da scola Sistem general Svilup da la qualitad: Monitoring naziunal da la furmaziun en Svizra ensemen cun la confederaziun 1 Infurmaziun e documentaziun davart ils fatgs da furmaziun en Svizra 7 , collavurar cun la confederaziun, represchentar la Svizra en organisaziuns internaziunalas, puncts da contact cun auters secturs politics (p.ex. migraziun), support ed agid uffizial (p.ex. negoziar tariffas dal dretg d’autur) *Agenturas professiunalas existan en ils suandants secturs: 1 2 3 4 5 6 7 Perscrutaziun da la furmaziun Furmaziun generala stgalim secundar II Evaluaziun da la scola stgalim secundar II Furmaziun professiunala/cussegliaziun da studi e da carriera Tecnologias d’infurmaziun e da communicaziun ICT Pedagogia speziala Infurmaziun e documentaziun La CDEP exequescha 12 cunvegnas interchantunalas: En il program d’activitads da la CDEP, che sa drizza tenor l’execuziun da questas cunvegnas, èn descrittas las lavurs da la conferenza. L’illustraziun a sanestra porscha ina survista. La CDEP represchenta ils interess dals chantuns envers la confederaziun e sa participescha a la collavuraziun internaziunala. Per ademplir incumbensas naziunalas maina la CDEP agenturas professiunalas* u sa participescha per quest intent ad instituziuns. Il post da stab da la CDEP è il secretariat general a Berna. El prepara las fatschentas dals organs politics, liquidescha las lavurs tenor il program d’activitads da la CDEP e maina las gruppas da lavur, las cumissiuns e las conferenzas professiunalas da la CDEP. Integrà en il secretariat general è il IDES, il center d’infurmaziun, da documentaziun e d’educaziun per ils fatgs da furmaziun en Svizra Adressa: Secretariat general Chasa dals chantuns, Speichergasse 6, Postfach, 3001 Bern +41 (0)31 309 51 11 www.cdep.ch, [email protected] IDES Center d’infurmaziun e da documentaziun +41 (0)31 309 51 00 [email protected] Enconuschientschas da basa I ILS FATGS DA FURMAZIUN EN SVIZRA, IN PAJAIS PLURILING E FEDERALISTIC L’autonomia chantunala en ils fatgs da scola ed in’organisaziun decentrala da las scolas èn facturs impurtants dals fatgs da furmaziun da la Svizra. En Svizra èn ils fatgs da furmaziun ina incumbensa dal stadi, e quai da l’entrada en la scola obligatorica fin al stgalim terziar (scolas autas e furmaziuns professiunalas superiuras). La responsabladad per ils fatgs da furmaziun han en emprima lingia ils 26 chantuns. En il sectur postobligatoric (scolas da furmaziun generala, furmaziun professiunala, scolas autas) èn cumpetents tant ils chantuns sco er la confederaziun. Er là, nua che la confederaziun ha sco unica la cumpetenza da regulaziun (furmaziun professiunala) u nua ch’ella regla ils fatgs ensemen cun ils chantuns (gimnasis), èn ils chantuns responsabels per l’execuziun sco er per la direcziun da las scolas e dal persunal. En tut finanzieschan ils chantuns e lur vischnancas 90 % da las incumbensas da furmaziun dal maun public (senza la promoziun da la perscrutaziun). Scola obligatorica: La responsabladad per la scola obligatorica han ils chantuns. Las vischnancas organiseschan il manaschi da scola. Las fermas ragischs localas permettan da realisar soluziuns adattadas al lieu. 95 % da las scolaras e dals scolars absolvan la scola obligatorica en la scola publica da lur vischnanca da domicil. Circa 5 % frequentan ina scola privata. Sin fundament da la constituziun federala èn ils chantuns obligads d’armonisar sin plaun naziunal las finamiras e las structuras impurtantas. Stgalim secundar II: Circa dus terzs dals giuvenils midan suenter la scola obligatorica ad in emprendissadi che cumbinescha la scola e la pratica (emprendissadi dual). El terminescha cun in attestat federal da qualificaziun e po er vegnir absolvì cun ina maturitad professiunala. Circa in terz dals giuvenils frequenta ina instrucziun en scola (scola media spezialisada u gimnasi) che als prepara per in studi ad ina scola auta. Tut en tut fan passa 90 % dals giuvenils in diplom dal stgalim secundar II. La quota da maturitad (maturitad gimnasiala, maturitad spezialisada e maturitad professiunala) importa 37.5 %. Stgalim terziar: Il stgalim terziar cumpiglia las scolas autas (scolas autas universitaras, scolas autas spezialisadas e scolas autas da pedagogia) e – sco segunda pitga impurtanta – la furmaziun professiunala superiura. La furmaziun professiunala superiura sa drizza a glieud da professiun cun experientscha e permetta a quella da sa spezialisar u da sa qualifitgar vinavant. La quota da diplom sin il stgalim terziar importa 45 %: 31 % èn diploms d’ina scola auta, 14 % èn diploms da la furmaziun professiunala superiura. INDICATURS Chantuns 26 Vischnancas (2015) 2324 Populaziun (2013) 8’139’600 Naziunalitad estra (2013) 23.8% Populaziun tenor linguas* tudestg/tudestg svizzer (63.3 %), franzos (22.7 %), talian (8.1 %), rumantsch (0.5 %), autras (20.9 %) Scolaras e scolars, studentas e students (onn da scola 2013/2014) tut ils stgalims 1’527’649 scola obligatorica (incl. scolina/stgalim d‘entrada) 910’285 stgalim secundar II 361’737 stgalim terziar 289’699 Persunas d‘instrucziun (onn da scola 2013/2014) tut ils stgalims 206’671 (ETC**: 131’414) scola obligatorica (incl. scolina/stgalim d‘entrada) 90’935 (ETC: 59’156) stgalim secundar II 28’846 (ETC: 17’063) stgalim terziar 86’849 (ETC: 55’195) Quotas da diploms (2012) stgalim secundar II (94.7 %) furmaziun generala: 23.1 %, furmaziun professiunala: 71.6 % stgalim terziar (44.8 %) scola auta: 30.6 %, furmaziun professiunala superiura: 14.2 % Expensas dal maun public per la furmaziun senza promoziun da perscrutaziun (2013) total 35.4 milliardas francs chantuns e lur vischnancas 31.8 milliardas francs (90%) confederaziun 3.6 milliardas francs (10%) part dal product naziunal brut 5.6% *Lingua principala tenor la dumbraziun dal pievel 2014 Il tudestg, il franzos, il talian ed il rumantsch èn las linguas naziunalas. Ellas valan en lur territori respectiv sco linguas uffizialas (administraziun, dretgira), sco linguas d‘instrucziun e sco linguas da mintgadi. La Rumantschia ha ina situaziun speziala. ** ETC = equivalents da plazzas a temp cumplain Cifras: uffizi federal da statistica (UST) ***Bildung auf einen Blick, OECD 2014 Enconuschientschas da basa II Doctorat PhD 8 Master (5 onns) 7 Diplom federal Bachelor (3 onns) 6 Certificat federal Diplom SSS 8 5 4 7 7 7 FURMAZIUN SUPPLEMENTARA SISTEM DA FURMAZIUN EN SVIZRA TERZIAR 3 2 1 UNIVERSITADS + SPF 6 SCOLAS AUTAS PEDAGOGI6 CAS SCOLAS AUTAS SPEZIALISADAS 6 SCOLAS SPEZIALISADAS SUPERIURAS (SSS) 6 PREPARAZIUN PER EXAMENS PROFESSIUNALS SUPERIURS5 2 1 Maturitad gimnasiala Maturitad spezialisada Certificat da scola media spezialisada Maturitad professiunala + AFQ Attestat federal professiunal (AFP) Attestat federal da qualificaziun (AFQ) 2 Passarella 2: maturitad professiunala ≥ scola auta universitara (examen supplementar) 1 Passarella 1: maturitad gimnasiala ≥ scola auta spezialisada (praticum professiunal) SECUNDAR II MP 24 34 SCOLAS DA MATURITAD SPEZIALISADA 34 4 MP 24 34 3 2 1 SCOLAS DA MATURITAD GIMNASIALA 34 SCOLAS MEDIAS SPEZIALISADAS 34 FURMAZIUN FUNDAMENTALA PROF. (EMPRENDISSADI)3 Furmaziun per la maturitad prof. cumplementara a l’emprendissadi (MP 1)4 FURMAZIUN FUNDAMENTALA 35 PROF.3 35 SECUNDAR I PURSCHIDAS TRANSITORICAS 11 FURMAZIUN PRELIMINARA GIMNASIALA STGALIM SECUNDAR I2 Scolas cun pretensiuns elementaras u extendidas 10 9 2 1 Dus onns scolina resp. ils dus emprims onns d’in stgalim d’entrada: integrà en l’obligatori en la maioritad dals chantuns 8 7 STAGLIM PRIMAR 2 Stgalim secundar I: chantun Tessin cun scola media da quatter onns (tenor la disposiziun excepziunala en l’art. 6 dal concordat HarmoS) STGALIM PRIMAR1 Inclusiv scolina u stgalim d’entrada 6 5 4 3 1 Stgalim d’entrada 2 1 020 Uffants e giuvenils cun in basegn da furmaziun spezial Sustegn cun mesiras spezialas a partir da la naschientscha fin a la cumplenida dal 20avel onn da vita. La concepziun concreta da las purschidas e da las mesiras da la pedagogia speziala durant la scola obligatorica (manar scolas spezialas e classas spezialas, promoziun integrativa e.u.v.) vegn reglada sin plaun chantunal e n’è betg preschentada en la grafica. Scolina 3 Furmaziun fundamentala professiunala (emprendissadi): scolaziun en il manaschi d’emprendissadi + instrucziun en scolas professiunalas spezialisadas + frequentaziun da curs intermanaschials; pussaivla è la scolaziun en scolas a temp cumplain 4 Maturitad professiunala: cumplementarmain a l’emprendissadi (MP 1) u suenter l’emprendissadi (MP 2); durada da la MP 2: a temp cumplain 1 onn, a temp parzial 1,5 – 2 onns 020 / 1 Scola obligatorica © EDK CDIP CDEP CDPE, november 2015 5 Examen professiunal federal / certificat federal = ISCED 6 Examen professiunal superiur / diplom federal = ISCED 7 ISCED | International Standard Classification of Education 2011 ISCED 8 ISCED 7 ISCED 6 ISCED 4 ISCED 34 + 35 ISCED 2 ISCED 1 ISCED 020