r - Linguissimo

LINGUISSIMO, LA CONCURRENZA SVIZRA DA LAS LINGUAS PER GIUVENILS
Tema da la concurrenza 2013-2014: „L'ambient l'onn 2050“
Tema da la runda finala 2013-2014: „Scriver in'intervista“
Descripziun curta
TGI
Il project sa drizza a giuvenils tranter 16 e 21 onns, damai surtut a scolaras e scolars e scolastas e
scolasts dal stgalim secundar II da tut la Svizra.
CO
En l’emprima runda vegn organisada ina concurrenza da scriver naziunala en l’internet. Giuvenils da tut
las regiuns linguisticas inoltreschan dus texts curts; l’in en lur lingua materna davart il tema da la
concurrenza, l’auter cun in autopurtret en in’autra lingua naziunala. En il rom da la concurrenza 20132014 supplitgain nus ils giuvenils da scriver in text davart il tema „L'ambient l'onn 2050“.
En la segunda runda s'entaupan las auturas ed ils auturs da las 30 meglras lavurs ina fin d'emna en il
rom da l'uschenumnà "inscunter da linguas". En questa runda finala han els la schanza unica d'inscuntrar
schurnalistas e schurnalists che mussan ad els co scriver intervistas. Suenter survegnan ils giuvenils
l'incumbensa da scriver in'intervista fictiva davart in tema actual ensemen cun in partenari/ina partenaria
d'ina autra regiun linguistica. Ils trais megliers tandems gudognan il premi da l’inscunter da linguas: in
viadi communabel en ina metropola da l’Europa.
CURA





ultim termin d'annunzia: fin da schaner 2014
ultim termin da spediziun dals dus texts: fin da favrer 2014
valitaziun naziunala dals texts: mez mars 2014
publicaziun dals nums dals victurs/da la victuras: fin da mars 2014
final (inscunter da linguas): 3 e 4 da matg 2014 a Montreux
Finamiras dal project
Cun Linguissimo vul il Forum Helveticum svegliar l’interess dals giuvenils per lur convischins da las autras
regiuns linguisticas da la Svizra, permetter d’utilisar activamain las linguas estras e promover la
communicaziun interculturala tranter ils giuvenils.
Project da “barat da giuvenlis” cun in grond sustegn
Linguissimo è vegnì creà l'onn 2008 dal Forum Helveticum en collavuraziun cun pliras organisaziuns da
furmaziun ed uniuns da scolastAs (cf la glista sin la vart davos). Linguissimo sa chapescha sco project en
il rom da las activitads che promovan il barat da giuvenils tranter las regiuns linguisticas da la Svizra. Era
sch'i n'è betg in „barat da giuvenils u da classas“ en il stil classic, appartegna Linguissimo a quellas
activitads da barat che vegnan da preschent purtadas da la Confederaziun, dals chantuns e da las uniuns
da scolastAs per promover l'instrucziun da linguas estras e la communicaziun interculturala en Svizra.
Quai declera era pertge che Linguissimo vegn sustegnì idealmain e per part era finanzialmain da questas
instituziuns ed uniuns (cf. la glista sin la vart davos).
Material d’infurmaziun
La sisavla ediziun da la concurrenza cumenza ils 4 da november 2013. A disposiziun stattan la pagina
Web www.linguissimo.ch, sco era placats en il format A3 e flyers e il fegl d’infurmaziun “Propostas per
scolastAs” en furma electronica e stampada. Ans contactai per plaschair per ulteriuras infurmaziuns.
www.linguissimo.ch
FORUM HELVETICUM
Postfach, 5600 Lenzburg 1
Tel: 062 888 01 25
Fax: 062 888 01 01
www.forum-helveticum.ch
LINGUISSIMO: PATRUNADI, CUSSEGL CONSULTATIV, GIURIA, PARTENARIS
Patrunadi
–
–
–
–
–
Achille Casanova, mediatur public DRS, anteriur vicechancelier federal
Isabelle Chassot, directura da l'Uffizi federal da cultura
Mauro dell'Ambrogio, manader Secretariat da stadi per furmaziun, retschertga ed innovaziun
Beat W. Zemp, president central da l'Associaziun tetgala svizra da magistras e magisters
N.N., president da la Conferenza svizra dals directurs chantunals da l'educaziun publica
Cussegl consultativ
- Virginie Borel, manadra dal Forum da la bilinguitad
- Karin Büchli, manadra da fatschenta da Netzwerk Müllerhaus
- Gianni Ghisla, secretari da la Fundaziun linguas e culturas
– Eva Hirschi, directura comunicaziun, vicepresidenta tink.ch
- Karin Joachim, commembra dal comité central Societad svizra da las scolastas e dals scolasts da gimnasi
- Silvia Mitteregger, manadra dal Barat da giuvenils da la Fundaziun ch
- Chasper Pult, romanist e mediatur cultural
- Beat W. Zemp, president central da l’Associaziun tetgala svizra da magistras e magisters
Commembers da la giuria
-
Valeria Badilatti, scolasta da rumantsch e franzos
Paolo Barblan, manader da fatschenta dal Forum Helveticum (president da la giuria)
Karin Büchli, manadra da fatschenta da Netzwerk Müllerhaus
Silvia Mitteregger, manadra dal Barat da giuvenils da la Fundaziun ch
Chasper Pult, romanist e mediatur cultural
Partenaris finanzials 2013-2014
- Uffizi federal da cultura
- Fundaziun Ernst Göhner
- Fundaziun Walter ed Ambrosina Oertli
Partenaris: associaziuns da scolastas e scolasts
-
Associaziun tetgala svizra da magistras e magisters
Conferenza da las recturas e dals recturs da gimnasis svizzers
Furmaziun Professiunala Svizra
Societad svizra da las scolastas e dals scolasts da gimnasi
Secziuns chantunalas e professiunalas da las associaziuns menziunadas
Partenaris: uniuns da giuvenils
-
fRilingue
Giuventetgna Rumantscha
Infogiovani
Infoklick
Tink
Partenaris: organisaziuns
-
Associaziun per la promoziun da l’instrucziun plurilingua en Svizra
Barat da giuvenils da la Fundaziun ch
Coscienza Svizzera
Forum da la bilinguitad
Fundaziun linguas e culturas
Lia Rumantscha
Osservatorio linguistico della Svizzera italiana
Sprachkreis Deutsch