Reglament per il diever da localitads communalas dalla

Reglament
per il diever da localitads communalas
dalla vischnaunca da Tujetsch
Reglament per il diever da localitads communalas
1.
Determinaziuns generalas .............................................................................................3
1.1. Intent e finamira .............................................................................................................................. 3
1.2. Occupaziun ..................................................................................................................................... 3
1.3. Dispetas .......................................................................................................................................... 3
1.4. Damondas....................................................................................................................................... 3
1.5. Uorden da parcar ............................................................................................................................ 3
1.6. Fimar............................................................................................................................................... 3
2.
Diever regular .................................................................................................................3
2.1. Uras da diever................................................................................................................................. 3
2.2. Survigilonza .................................................................................................................................... 3
2.3. Clavs ............................................................................................................................................... 4
2.4. Calzers............................................................................................................................................ 4
2.5. Requisits ......................................................................................................................................... 4
3.
Occurrenzas/arranschaments (diever singular) ..........................................................4
3.1. Surprida e rendida dallas localitads................................................................................................ 4
3.2. Schubergiar..................................................................................................................................... 4
3.3. Ustria............................................................................................................................................... 4
3.4
Uras da diever................................................................................................................................. 4
4.
Taxas ...............................................................................................................................5
4.1. Taxas da diever .............................................................................................................................. 5
5.
Determinaziuns finalas ..................................................................................................6
5.1. Responsabladad ............................................................................................................................. 6
5.2. Survetsch d’uorden ......................................................................................................................... 6
5.3
Disposiziuns penalas ...................................................................................................................... 6
5.4
Approbaziun e vigur ……………………………………………………………………………………… 6
2
1.
Determinaziuns generalas
1.1.
Intent e finamira
La vischnaunca, sco proprietaria, metta a disposiziun localitads communalas, diversas apparaturas
sco era plazzas da giug per diever cultural, sportiv ed auter.
1.2.
Occupaziun
Igl uffeci da baghegiar ei responsabels per l’occupaziun dallas localitads communalas. El rimna entochen la fin digl onn (da scola) ils giavischs per l’utilisaziun da localitads ed ev. plans d’occupaziun
dallas uniuns per il proxim onn e redegia in plan d’occupaziun per mintga singula casa da scola.
Mintga pedel posseda in plan d’occupaziun actualisau per la casa da scola nua ch’el ei responsabels.
Tier l’occupaziun da localitads communalas han uniuns, societads, gruppaziuns, arranschaders ed
organisaturs sesents en vischnaunca la preferenza. Las uniuns dil vischinadi han mintgamai la preferenza en lur vischinadi.
Occasiuns d’interess superiur, sco radunonzas da vischnaunca, radunonzas dil cussegl da vischnaunca, exposiziuns, concerts e specialas activitads dallas scolas, han prioritad. Tgi ch’ei gia impurtaus el plan d’occupaziun vegn orientaus ad uras.
1.3.
Dispetas
En cass da dispeta decida la direcziun communala definitivamein.
1.4.
Damondas
Per il diever regular (jamnil) da localitads sto la damonda vegnir tschentada entochen la fin digl onn
agl uffeci da baghegiar cun indicar il di dall’jamna ed il temps che la localitad vegn utilisada.
Per l’utilisaziun da localitads per occurrenzas da divertiment, exposiziuns, cuors ed ulteriurs arranschaments (diever singular) sto la damonda vegnir inoltrada agl uffeci da baghegiar cul formular ufficial aschi baul sco pusseivel, sil pli tard denton in meins avon l’occurrenza.
1.5.
Uorden da parcar
Las plazzas da scola ed il contuorn da talas astgan buca vegnir occupadas dad autos.
1.6.
Fimar
Cun excepziun d’arranschaments en hallas ni foyers eis ei scumandau da fimar en tuttas localitads.
En quels cass ei igl organisatur obligaus da metter a disposiziun avunda tschendrers.
2.
Diever regular
2.1.
Uras da diever
Las hallas da gimnastica e las aulas stattan a disposiziun per il diever regular entochen las 23.00
uras.
2.2.
Survigilonza
Las casas da scola vegnan survigiladas dils pedels. Els controlleschan periodicamein las localitads
suenter il diever ed annunzian eventualas constataziuns agl uffeci da baghegiar. Arver e serrar las
finiastras e las localitads ei exclusivamein l’obligaziun dils utilisaders.
3
2.3.
Clavs
Il pedel da mintga scola ei responsabels per la repartiziun dallas clavs. El meina ina gliesta da controlla. Mintg’uniun ni gruppa retscheiva per regla 1 clav. Per mintga clav vegn incassau in deposit da
frs. 20.00.
2.4.
Calzers
En halla astga vegnir purtau duront exercezis da gimnastica e da sport sulettamein calzers da gimnastica che donnegieschan e tschuffrognan buca il plantschiu. En las duschas ei dad ir a pei blut ni cun
sandalas da bogn.
2.5.
Requisits
Requisits movibels, sco mattas, lattas da siglir, baras, bucs, cavals etc., astgan buca vegnir runai entuorn. Pil transport da quels requisits ei da duvrar ils indrezs e mieds ch’ein avon maun.
Requisits da gimnastica astgan buca vegnir duvrai el liber e sin plazzas da giug. Il pedel decida arisguard excepziuns.
3.
Occurrenzas/arranschaments (diever singular)
3.1.
Surprida e rendida dallas localitads
Il pedel surdat agl organisatur dall’occurrenza/digl arranschament (exposiziun, teater, sault, disco etc.)
las localitads. Igl organisatur ed il pedel suttascrivan il protocol da surdada. Las ordinaziuns dil pedel
ein da suandar.
A caschun dalla rendida pren il pedel investa dallas localitads duvradas. Eventuals donns vegnan
protocolai ed annunziai agl uffeci da baghegiar. Ils cuosts per la reparatura dils donns vegnan adossai
cumpleinamein agl organisatur.
3.2.
Schubergiar
Tuttas localitads duvradas sco era il mobiliar duvrau ston vegnir schubergiai tenor indicaziun dil pedel.
Cumpri ein era l’entrada ed il contuorn. Sil pli tard il di suenter l’occurrenza allas 10.00 uras ston las
localitads esser schubergiadas.
Ils cuosts dil pedel per schubergiar vegnan adossai agl organisatur.
3.3.
Ustria
Il menaschi d’ustria vegn menaus digl organisatur sin agen quen e sedrezza tenor la lescha d’ustrias
dalla vischnaunca da Tujetsch.
3.4
Uras da diever
Tier occurrenzas dalla sera ei il temps limitaus sin las 04.00 uras, q.v.d. naven dallas 04.00 uras astga
ei buca pli vegnir vendiu bubrondas e maglias e fatg musica, ils visitaders ston denton buca haver
bandunau la localitad.
4
4.
Taxas
4.1.
Taxas da diever
Pil diever regular dallas localitads communalas per exercezis d’uniuns ni societads da musica, cant,
sport etc. vegn ei pretendiu negina taxa.
Medemamein gratuita ei l’utilisaziun dallas localitas per occurrenzas cun caracter social, cultural ni
politic (referats, radunonzas, spender saung, sentupada da seniors, s. messa etc.).
Pigl ulteriur diever singular dallas localitads entras uniuns, societads, gruppaziuns e privats valan las
suandontas taxas:
Categoria 1:
Seras d’occurrenza publicas cun taxa d’entrada, musica, ustria e vendita d’alcohol (disco, sault, lotto
etc.) e cun il diever dalla cuschina.
Taxa per schubergiar, energia electrica e scaldament:
Halla da scola Sedrun:
Halla da scola Rueras:
frs. 400.00 – 600.00 per sera
frs. 200.00 – 400.00 per sera
Categoria 2:
Seras serradas per fiastas internas d’uniuns (sera da vischins, sera da famiglia, sera da societads
etc.), las qualas han buca igl intent da far gudogn. Cun ustria e cun gidar a schubergiar il grob.
Taxa per schubergiar, energia electrica e scaldament:
Cun far diever dalla cuschina:
Senza far diever dalla cuschina:
frs. 200.00 – 300.00 per sera
frs. 100.00 – 200.00 per sera
Categoria 3:
Seras d’occurrenzas publicas cun taxa d’entrada, denton senza ustria (teater, concert, film etc.).
Taxa per schubergiar, energia electrica e scaldament:
frs. 100.00 – 150.00 per sera
Categoria 4:
Exposiziuns, bazars, vernisaschas privatas etc., la sera ni il di:
Taxa per schubergiar, energia electrica e scaldament:
frs. 50.00 – 100.00 per sera ni di
Categoria 5:
Diever da salas pintgas ni stanzas da scola per cuors che vegnan dai sin basa privata (cuors da computer, zambergiar, medicinal etc.)
Taxa per schubergiar, energia electrica e scaldament:
frs. 30.00 per sera ni di
Categoria 6:
Diever dalla halla da gimnastica per far sport.
Taxa per schubergiar, energia electrica e scaldament:
frs. 50.00 a di
5
5.
Determinaziuns finalas
5.1.
Responsabladad
La vischnaunca da Tujetsch refusescha scadina responsabladad enviers tiarzas persunas che fan
diever dallas localitads communalas.
L’uniun resp. igl organisatur ei responsabels per tuts donns caschunai entras tiarzas persunas. La
suprastonza communala sa pretender digl organisatur en connex cun la lubientscha ina segirada da
responsabladad. Tut tenor arranschament sa la suprastonza communala plinavon pretender in survetsch da segirtad, in survetsch da sanitad ed ina cauziun da max. frs. 2'000.00 per saver curclar ev.
donns. Tut tenor occurrenza sa la vischnaunca limitar il diember da persunas.
5.2.
Survetsch d’uorden
Ils organisaturs d’occurrenzas ed utilisaders dallas localitads ein responsabels per in survetsch
d’uorden cunvegnent. Suenter igl exercezi e suenter arranschaments ein tuts indrezs, mobilias, urdeins etc. da deponer els loghens destinai.
5.3
Disposiziuns penalas
Ad organisaturs che setegnan buca vid quest reglament, sco era vid las ordinaziuns dalla suprastonza
communala, dalla direcziun communala ni dil pedel san ulteriuras lubientschas da diever vegnir renviadas.
5.4.
Approbaziun e vigur
Quest reglament remplazza il „reglament per il diever dallas novas casas da scola e halla da gimnastica Sedrun e Rueras“ dils 19 da matg 1963 ed entra en vigur igl 1. da mars 2007.
Il reglament ei vegnius approbaus entras la suprastonza communala ils 19 da fevrer 2007.
6