Nome del Gioco
Transcript
Nome del Gioco
Nome del Gioco: Acchiana ‘u patri cu tutti ‘i so’ figghi Numero dei partecipanti: da 2 a quantu si voli Campo di gioco: si joca fora o unni c’è nu largu Materiale occorrente: nenti; ci voli, però, nu muru unni s’appuja la squatra ca va sutta. Svolgimento del gioco: ddoppu ca si fa la cunta, la squatra ca nesci va sutta. Li sò jucaturi si mettinu ‘nversu lu muru (lu primu si ci appuja cu li vrazza), tutti calati, unu darreri a l’autru, pi furmari un cavaddu longu longu. Si po’ decidiri ca unu di la squatra “sutta”, si metti spaddi a lu muru e f’appujari lu primu di la fila p’arripararici la testa (chiumazzu). L’autra squatra, si metti ‘nfacciu a ‘na vintina di metri, ‘nfila. Li jucaturi, a unu a unu, hannu a satari a cavaddu, ‘ncapu a chiddi ca stannu sutta e, senza càdiri, hann’aspittari a tutti l’autri c’acchiananu. Lu primu ca sauta, prima di curriri havi a gridari: “acchiana lu patri cu tutti li so figghi” e datu ch’è lu primu havi a dire: “lu patri”. Tutti l’autri s’annu a prisintari: “acchiana lu patri cu tutti li so figghi: lu figghiu” e accussì ‘nsina all’ultimu. L’ultimu figghiu a satari havi a ricitari sta filastrocca: “quattru e quattru ottu, scarrica lu bottu; l’aceddu cu li pinni scarrica e vattinni: unu, dui e tri fannu vintitrì, unu dui e tri fannu vintitrì, ti dugnu un pizzicuni e mi nni vaju”. (E lu pizzicuni s’hav’addari pi veru!) Si chiddi ca stannu sutta, ntra mentri ca l’autri dicinu la filastrocca, resistinu a lu pisu di chiddi ‘ncapu, vincinu e li squatri cancianu postu. Si cadinu prima ca finisci la filastrocca o mprima c’acchiananu tutti li figghi, la squatra arresta arreri sutta. Falli: Pegni: Nome del Gioco: Ammucciareddu Numero dei Partecipanti: da dui-tri a quantu si voli. Campo di gioco: nu spaziu a l’apertu cu tanti nascunnigghi. Materiale occorrente: nenti. Svolgimento del gioco: li jucaturi fannu la cunta pi sapiri cu va sutta. Chiddu ca va sutta havi a cuntari ‘nsin’a lu numeru stabilitu; pi diri cincu o deci pi ogni jucaturi e si va metti cu la facci a la tana, senza taliari dunni si vann’ammucciari li cumpagni. Appena finisci di cuntari, lu “sutta”, dici: “a cu viu viu, sutta è!” e va a circari chiddi ca s’ammucciaru. Ogni vota ca nni vidi unu hav’a gridari lu sò nomu e diri: “vistu Pippinu” e curri pri la tana, batti la manu supra lu muru (la tana) e dici novamenti: “battipanni vistu Peppinu”. Li jucaturi ammucciati si ponnu liberari currennu a la tana e dicennu: “battipanni libero me!”. L’ultimu po’ liberari tutti e hav’a diri: “battipanni liberi tutti!”. Allura chiddu ca era sutta cunta novamenti. Falli: Pegni: Penitenze: Note: 1, 2, …10…,20 A chi vedo vedo sotto è! Battipanni ,liberi tutti Nome del Gioco: Bannera Numero dei Partecipanti: dui squatri di quattro-cincu jucaturi l’unu, e un jucaturi/judici cchi teni la bannera. Campo di gioco: nu spaziu a l’apertu; ‘na linia ca dividi li dui squatri ca si mettunu una ‘nfacci a l’autra. Materiale occorrente: una bannera (un muccaturi o un pezzu di pezza) Svolgimento del gioco: li jucaturi di li dui squatri si mettunu ‘nriga e si dunanu un numeru l’unu, di unu (1) ‘nsinu a quantu sunnu. Li jucaturi hannu appattari, ‘ntra d’iddi, cu li numeri: unu cu l’unu, dui cu dui, e accussì. Lu jucaturi/judici, si metti, a cavaddu di la linia, a la stissa distanza di li squatri e, quannu dici iddu, chiama forti un numeru; chiddi chiamati currunu versu lu judici e, cu arriva pi primu, affirra la bannera e scappa pi riturnari a lu sò postu. ‘Un s’avi a fari pigghiari di l’avversariu chi l’assicuta ‘nfinu a lu sò postu. Quannu un jucaturi arriva ‘nta la sò squatra, s’iddu ‘unn’ha statu tuccatu, fa un puntu; s’iddu è tuccatu fannu un puntu l’autri. Vinci cu arriva pi prima a deci o quinnici punti. Falli: 1. tuccari l’avversariu prima ca pigghia la bannera; 2. passari cu lu pedi la linia di confinu ‘ntra li dui squatri. Pegni: Penitenze: Nome del Gioco: Battagghia Numero dei Partecipanti: Campo di gioco: Materiale occorrente: Svolgimento del gioco: Vedere regole in lingua italiana Falli: Pegni: Penitenze: Note: Nome del Gioco: Cannuzza Numero dei Partecipanti: Campo di gioco: Materiale occorrente: Svolgimento del gioco: Vedere regole in lingua italiana Falli: Pegni: Penitenze: Note: Nome del Gioco: Cavallina Numero dei Partecipanti: da dui a quanti si voli. Campo di gioco: nu spaziu a l’apertu. Materiale occorrente: nenti. Svolgimento del gioco: ddoppu ca si fa la cunta, lu jucaturi ca è sutta si metti comu a la cavaddina. Tutti, unu d’arreri a l’autru, sautano e si mettinu a la cavaddina. Lu jocu finisci quannu si voli. Falli: Pegni: Penitenze: Note: Nome del Gioco: Fossu Numero dei Partecipanti: da dui a quantu si voli. Campo di gioco: abbasta ca c’è largu, si disigna nu circu ‘n terra (lu fossu), ‘un tantu granni. Materiale occorrente: petri, tappi, piccioli. Svolgimento del gioco: li jucatura, luntanu ottu metri di lu circu, a unu a unu, tiranu li tappi, cchiù vicinu ca ponnu a lu fossu, senza fallu jiri ddà dintra. Li tappi s’hann’a spinciri dintra lu circu, a zicchittuni, e vinci chiddu ca pi’ primu lu fa trasiri dintra lu fossu. Fossu Falli: Note: Pegni: Penitenze: Nome del Gioco: Lu primu si li pigghia Numero dei Partecipanti: da dui a quantu si voli Campo di gioco: ci voli un muro ‘nfacci a li jucaturi, cu’na distanza di 4/8 metri. Materiale occorrente: petri, tappi, piccioli. Svolgimento del gioco: ddoppu ca fannu la cunta, li jucaturi si mettinu ‘nversu a lu muru e quannu tucca a unu d’iddi, tiranu lu tappu o la petra n’sinu a fallu arrivare cchiù vicinu ca ponnu a lu muru. Vinci chiddu ca cu lu sò tappu s’avvicina di cchiù a lu muru. Falli: Pegni: Penitenze: Note: Nome del Gioco: La mazza Numero dei Partecipanti: da dui a quantu si voli. Campo di gioco: nu spaziu a l’apertu. Materialeoccorrente:‘na mazza e nu mazzareddu. Svolgimento del gioco: cu la mazza s’hav’a curpiri lu mazzareddu, misu ‘nterra, pri fallu sautari ‘nta l’aria. Appena è ‘nta l’aria s’hav’a pigghiari cu la mazza pri mannallu cchiù luntanu possibili. Vinci cu si distacca di cchiù di l’autru jucaturi. Falli: Pegni: Penitenze: Note: Nome del Gioco: Mortu e firitu Numero dei Partecipanti: da dui a quanti si voli Campo di gioco: ‘nta nu spaziu a l’apertu si disigna, ‘nterra, nu rettangulu e dintra si ci disignanu novi quatrati. Materiale occorrente: na raspa o qualch’autra cosa puntuta Svolgimento del gioco: s’hav’a’ppizzari la raspa ‘nta nu quatratu e, s’idda s’appizza, s’hav’a diri “firitu” (si fa ‘na linia ‘ndiagonali ‘nta lu quatratu); dipoi si tir’arreri e si s’appizza si dici “mortu”. Vinci cu finisci pi primu tutti li quatrati. Falli: Pegni: Penitenze: Note: Nome del Gioco: Muffa 21 Numero dei Partecipanti: da dui a quantu si voli. Campo di gioco: a l’apertu Materiale occorrente: nenti Svolgimento del gioco: ddoppu ca si fa la cunta, ch’iddu ca va sutta assicuta li jucaturi e cci duna la “muffa 1”; l’autru tucca n’autru e ci duna la “muffa 2” e accussì ‘nfinu la “muffa 21”. Falli: Pegni: Penitenze: un tumpuluni, la cutuliata Note: Nome del Gioco: Muffa Numero dei Partecipanti: da dui a quantu si voli Campo di gioco: a l’apertu Materiale occorrente: nenti Svolgimento del gioco: si joca comu Muffa 21 ma senz’arrivari a 21. Finisci quannu si voli. Falli: Pegni: Penitenze: Note: Nome del Gioco: ‘Na manta e ‘na luna Numero dei partecipanti: vedi regole in italiano Campo di gioco: vedi regole in italiano Materiale occorrente: vedi regole in italiano Svolgimento del gioco: vedi regole in italiano Falli: Pegni: Penitenze: Note: si rimanda al testo in lingua italiana, poiché i modi di dire usati nel gioco, non sono espressi tutti in dialetto e, del resto, per alcuni versi, sarebbero intraducibili. Vedi le regole in italiano Nome del Gioco: Pirullè Numero dei Partecipanti: di 2 a quantu si voli. Campo di gioco: lu campu di joco è comu chiddu di “zuppiddu”, ci sunnu sempri deci quadrati ma la furma è diffirenti (foto vedi) Materiale occorrente: ‘na petra nica e chiatta c’av’a putiri sciddicare quannu si tira dintra li quatrati. Svolgimento del gioco: lu joco è comu “zuppiddu” ma s’avi a sautare accussì: c’un pedi dintra lu numero 1; ‘nsemmula cu lu pedi sinistru e lu pedi destru, dintra lu 2 e lu 3; c’un pedi dintra lu 4 e, comu prima, ‘nsemmula, ‘nta lu 5 e lu 6; dipoi, arreri c’un pedi supra lu 7, dunni ci si vota e si parti arreri e si va a pigghiari la petra. Vince cu finisci pi primu tutti li numeri senza sbagghiari. Falli: sunnu li stissi di “zuppiddu”. Pegni: Penitenze: Note: Nome del Gioco: Quattru cantunera Numero dei 5 Partecipanti: Campo di gioco: prima si jucava mmenzu la strata, dunni si furmavanu quattru cantunere. Oi, si po’ jucari dunni c’è nu largu di furma quatrata. Materiale occorrente: nenti. Svolgimento del gioco: ddoppu la cunta, chiddu ca va sutta, si metti ‘nta lu centru di lu quatratu e l’autri quattru cumpagni unu ogni cantunera. Quannu si voli, li cumpagni si scancianu postu di cantunera; chiddu ca è ‘nta lu menzu avi arrubbari lu postu a unu di chiddi ca curri pri scanciarisi lu postu e lu lassa vacanti. Lu jucaturi c’arrista fora di li cantunera va sutta, e s’arripigghia lu jocu. Note: Pegni: Penitenze: Nome del Gioco: Spagnu Numero dei Partecipanti: da dui a quantu si voli Campo di gioco: a l’apertu, ‘nfacci un muru si disigna nu circu ‘n terra. Materiale occorrente: tappi, picciuli, petri. Svolgimento del gioco: li jucatura, luntanu cincu-sei metri di lu circu, a unu a unu, tiranu li tappi pi falli jiri dintra lu circu. Vinci cu cci li fa trasiri pri primu. Falli: Pegni: Penitenze: Note: Nome del Gioco: Strummula Numero dei Partecipanti: da dui a quantu si voli. Campo di gioco: a l’apertu Materiale occorrente: la strummula Svolgimento del gioco: cu va sutta hav’a fari firriari la strummula; l’autri cci hannu a tirari li “pizziati”. Vinci cu cci spacca, cu li pizziati, la strummula a cu è sutta. Falli: Pegni: Penitenze: Note: Nome del Gioco: Zuppiddu Numero dei Partecipanti: da 2 a quantu si voli. Campo di gioco: lu campu di joco è a furma di rettangulu ca è divisu a deci quadrati. Dintra ogni quatratu ci va scrittu lu numeru 1, lu numeru 2, e via dicennu. Lu numeru 1 s’ha scriviri ‘nta lu quatratu di sinistra, ‘nbasciu; lu numeru 2 cchiù supra e dipoi, via via, continuando. Materiale occorrente: ‘na petra nica e chiatta c’av’a putiri sciddicare quannu si tira dintra li quatrati. Svolgimento del gioco: ddoppu ca si fa la cunta, a cu tocca, tira la petra ‘nta lu numeru 1, sauta lu quatratu e passa a lu 2, sempri‘ncapu a un pedi, ‘nsinu a lu 4, pirchì ‘nta lu 5 e lu 6 hav’a mettiri tutt’e dui li pedi; si furria di l’autra parti e torna n’arreri ‘nfinu a lu 10; c’un pedi pigghia la petra di lu numeru 1 e sauta fora. Accussì s’ha fari pi tutti l’autri numeri. Vinci cu finisci pi primu tutti li numeri senza sbagghiari. Falli: - cu metti un pedi supra la linia di li quadrati fa signa: lu jocu passa all’autru jucaturi; - cu tira la petra fora di lu numeru, dunnè c’avi a tirare: lu jocu passa a l’autru;