Taiala mo Taitai
Transcript
Taiala mo Taitai
Taiala mo Taitai O L A T U T O ATA S I Taiala mo Taitai FAATOMUAGA O loo tele se manaoga i totonu o i tatou. O le toatele o tagata o le ekalesia e le o ola tutoatasi ma e leai se tomai e “saunia [ai] mea faaleagaga ma faaletino e manaomia o le olaga mo le tagata lava ia ma le aiga.” 1 O le aumaia o tagata ia ola tutoatasi o le galuega lea o le faaolataga. Na aoao mai Peresitene Thomas S. Monson: “O le [ola tutoatasi] o se mea taua mo lo tatou lelei faaleagaga faapea foi ma le faaletino. . . . ‘Ia tatou faalagolago le tagata ia te ia lava ma ia tutoatasi. E leai lava se isi mataupu e mafai ona maua ai le faaolataga.’” 2 O i latou o e manaomia ona ola tutoatasi atili e ono aofia ai i latou o e mauaina le fesoasoani o le taulaga anapogi, faifeautalai ua foi mai misiona, tagata na liliu mai talu ai nei, tagata ua le o toe toaaga mai, ma taitai perisitua e manaomia se galuega sili atu ona lelei. E ala atu i Lana Ekalesia, ua saunia nei e le Alii ni meafaigaluega fou malolosi, punaoa, ma faagasologa o loo faamatala i lenei taiala e fesoasoani ai i tagata o le ekalesia i lo latou auala i le ola tutoatasi.3 I le avea ai ma se taitai perisitua, o oe o se tasi o i latou lea na fetalai mai i ai le Alii, “Ua Ou tuu ia te outou . . . ki . . . mo le galuega a le auaunaga ma le faaatoatoaina o la‘u au paia” (MF&F 124:143), ma, “O ia e tuu atu i ai ia ki e leai se faigata e i ai i le mauaina o le malamalama o mea moni e faatatau i le olataga o le fanauga a tagata” (MF&F 128:11). Faitau le “O Le Faataoto i le Avepasi” i le itu taumatau. Faamolemole mafaufau loloto ma le faaeteete i lau matafaioi i le uunaia i luma o lenei taumafaiga taua. Ua fatuina lenei taiala mo taitai e fesoasoani ia te oe a o e faaaogaina ou ki, faatulaga nei meafaigaluega fou, ma fesoasoani i tagata e fesoasoani ia i latou lava i le agai atu i le ola tutoatasi. Ao e faia faapea, o le a taitaia oe e le Agaga Paia ma o le a faia oe e le Alii ma Ana meafaigaluega i le siitiaina o e matitiva ma e le tagolima ma faanatinati Lana galuega o le faaolataga. 1. Tusitaiala 2: Taitaiina o le Ekalesia (2010), 6.1.1. 2.Thomas S. Monson (quoting Marion G. Romney), “O Mataupu Taiala o Filifiliga Patino ma Faaleaiga,” Liahona, Fep. 1987, 3. 3.Mo nisi faamatalaga, tagai i le srs.lds.org. Lolomiina e Le Ekalesia a Iesu Keriso o le Au Paia o Aso e Gata Ai Aai o Sate Leki, Iuta © 2014, 2015 Puletaofia e le Intellectual Reserve, Inc. Ua taofia aia tatau uma. Faamaonia le faa-Peretania: 6/15 Faamaonia le faaliliuga: 6/15 Faaliliuga o le Leader Guide Samoan 12373 890 O Le Faataoto i le Avepasi “O galuega taulamua mo le ola tutoatasi e tai pei lava o se pasi lea e manaomia ai se avepasi ua i ai se laisene. “E fausia le pasi e le aufaigaluega o Auaunaga o le Ola Tutoatasi. E tilivaina atu i le nofoaga autu o punaoa mo le ola tutoatasi, ma o le komiti o le ola tutoatasi a le siteki e faaleleia. O tagata tomai faapitoa mo le ola tutoatasi ma vaega e faagaoioia latou te fesoasoani i tagata e o i luga o le pasi (ae e tatau ona o lava latou ia i luga o le pasi). O le peresitene o le siteki ma epikopo o avepasi ia. “E tatau ona faia e i latou uma la latou vaega e fesoasoani ai i tagata ia ausia le ola tutoatasi; peitai, afai e le kiina e le peresitene o le siteki ma epikopo a latou ki e ola ai le afi ma ave ai le pasi, e leai ma se tasi e alu i se mea.” RONALD ABAN, o le pule o Auaunaga mo le Ola Tutoatasi i Tacloban, Filipaina Taiala mo Taitai TIUTETAUAVE O TAITAI PERISITUA Au Peresitene o le Siteki (po o le Au Peresitene o le Itu) 1. Aoao mai ma aoao atu ia aoaoga faavae ma mataupu faavae mo le ola tutoatasi (tagai i le faavaa pito i tua). Aoao epikopo ma tagata o le komiti o le ola tutoatasi a le siteki e uiga ia latou tiutetauave mo le ola tutoatasi. 2. Faamatala le faamoemoega o le ola tutoatasi mo le siteki. 3. Faatulaga se komiti o le ola tutoatasi lea e mafai ona atiaeina, faagaoioia, ma mataituina se fuafuaga faatino o le ola tutoatasi mo le siteki. 4. Faamuamua le valaauliaina o faifeautalai ua foi mai ma tagata fou liliu mai (pe a manaomia) e auai i gaoioiga o le ola tutoatasi. 5. Ia faaaofia le ola tutoatasi i le lisi o mataupu e talanoaina a le aufono a le siteki. 6. Valaau atu i se tagata tomai faapitoa o le ola tutoatasi a le siteki. 7. Valaau ia faifeautalai o auaunaga a le Ekalesia pe a manaomia. 8. Iloilo ma galue i lipoti o le alualu i luma mo le ola tutoatasi a le siteki ma lipoti o nonogatupe a le TFA. 9. Ia saunia se taiala mo le faaaogaina o le nofoaga autu o talafaasolopito o aiga mo faamoemoega o le ola tutoatasi pe a manaomia. Komiti mo le Ola Tutoatasi a le Siteki E aofia i le komiti o le ola tutoatasi a le siteki ia tagata taitoatasi nei: o se uso o le au peresitene o le siteki (taitaifono), o le fautua maualuga ua tofia i le ola tutoatasi, o se sui o le au peresitene o le Aualofa a le siteki, o le taitaifono a le aufono o le uelefea a le epikopo, ma le tagata faapitoa o le ola tutoatasi a le siteki. O nisi tagata auai e ono aofia ai au peresitene o Alii Talavou ma Tamaitai Talavou o le siteki, nisi tagata tomai faapitoa a le siteki, faifeautalai faamisiona matutua, ma faifeautalai o auaunaga a le Ekalesia. “O le ola tutoatasi o le tumutumuga lea o a tatou galuega ma e faavae ai isi galuega uma faaleuelefea. . . . ‘Ia tatou galulue mo mea tatou te manaomia. Ia tatou faalagolago le tagata ia te ia lava ma ia tutoatasi. E leai lava se isi mataupu e mafai ona maua ai le faaolataga.’ ” THOMAS S. MONSON (sii mai ia Marion G. Romney), “O Mataupu Taiala o Filifiliga Patino ma Faaleaiga,” Liahona, Fep. 1987, 3 1. Maimoa i le vitio “Laboring unto Self-Reliance” (o loo maua i le srs.lds.org/ videos). 2. Atiae, faatino, ma mataituina se fuafuaga faatino mo le ola tutoatasi mo le siteki. 3. Fai ni faigalotu masani O Lo‘u Auala i le Ola Tutoatasi tagai i le itulau 4 4. Faatulaga ma faagalue se nofoaga autu o le ola tutoatasi. Tofi se ulugalii faifeautalai o auaunaga a le Ekalesia po o se tagata tomai faapitoa o le ola tutoatasi e taitaia le faatautaiga o le nofoaga autu ma faatulaga ia vaega o le ola tutoatasi (tagai i le itulau 2). 5. Aoao atu ia aufono a uarota ia latou tiute mo le ola tutoatasi. 6. Faaaoga ia punaoa ma auaunaga ua atinaeina e tagata faigaluega mo Auaunaga o le Ola Tutoatasi. 7. Valaaulia faifeautalai ua foi mai ma tagata fou liliu mai (pe a manaomia) e auai i faigalotu O Lo‘u Auala ma auai i vaega o le ola tutoatasi. 1 Taiala mo Taitai Tagata Faapitoa a le Siteki mo le Ola Tutoatasi E avea tagata faapitoa ma sootaga i faatinoga uma o Auaunaga mo le Ola Tutoatasi (komiti mo le ola tutoatasi a le siteki, nofoaga autu o le ola tutoatasi a le siteki, ma le pule o Auaunaga o le Ola Tutoatasi). 1. Saunia le lisi o mataupu e talanoaina a le komiti mo le ola tutoatasi a le siteki. 2. Aoao ia faifeautalai ma volenitia o auaunaga a le Ekalesia e faagaoioia se nofoaga autu mo le ola tutoatasi. 3. Aoao ma vaavaai isi tagata faapitoa o le ola tutoatasi a le siteki. 4. Oka ia anomea mo le ola tutoatasi pe a manaomia. 5. Aoao ia epikopo ma aufono a uarota pe a talosagaina. 6. Fesoasoani e lesitala tagata i lesrs.lds.org/register. 7. Faatulaga, mataitu, lagolago, ma fesoasoani i vaega o le ola tutoatasi. (E ono tofia nisi tagata o le ekalesia e fesoasoani i vaega pe a manaomia.) 8. Suesue ma mulimuli i mataupu faavae o loo maua i le initoneti i lesrs.lds. org/facilitator. Au Epikopo (po o Au Peresitene o Itu) 1. Aoao atu i tagata o le uarota ia aoaoga faavae o le ola tutoatasi (tagai i le faavaa pito i tua). 2. Taiala atu ia taumafaiga o le ola tutoatasi e ala atu i aufono a le uarota: • Faailoa mai, faanumera, ma valaau ia tagata le tagolima uma ina ia ola tutoatasi. Atonu e aoga le Meafaigaluega o le Ola Tutoatasi mo Tagata Matutua i le leader.lds.org/self-reliance i lenei faagasologa. “E le manaomia se faatulagaga fou ina ia tausia ai tulaga manaomia i nei tagata. E na o le tasi lava le mea e tatau ona fai, o le faagaoioi lea o le perisitua a le Atua.” HAROLD B. LEE, “Timaiga mo le Perisitua a le Atua,” Liahona, Sete. 1973, 81 • E ala atu i taitai o korama ma ausilali, ia saunia le lagolago, faufautua, ma le fesoasoani ia i latou e le tagolima. 3. Valaaulia i latou e le tagolima ina ia faamaea le tamaitusi O Lo‘u Auala i le Ola Tutoatasi ma auai atu i se vaega o le ola tutoatasi. 4. Valaau atu i tagata faapitoa mo le ola tutoatasi a le uarota e fesoasoani i vaega pe a manaomia. 5. Fai se faatalanoaga o le faamaoniga o se nonogatupe a le TFA (tagaisrs.lds. org/loans. 6. Iloilo ma galue i lipoti o le alualu i luma mo le ola tutoatasi ma lipoti o nonogatupe a le TFA. E le tatau ona faaaofia ia epikopo i aoaoga o nonogatupe a le TFA. 7. Saili se fesoasoani faaopoopo mai le komiti o le ola tutoatasi a le siteki pe a tatau ai. PUNAOA Nofoaga Autu o Punaoa o le Ola Tutoatasi Ua uunaia siteki e faatulaga ni nofoaga autu mo le ola tutoatasi i se fale o le Ekalesia, e masani ona faasoaina se nofoaga ma se nofoaga autu mo talafaasolopito o aiga. O nofoaga autu mo le ola tutoatasi e galueaina e faifeautalai ma volenitia ma e mafai ai ona faaaogaina le Initoneti, faufautua, ma isi punaoa aoga i tagata sue galuega, tagata e faigaluega mo i latou lava, ma tagata aoga i le lumanai. 2 “E leai se faafitauli i totonu o le aiga, uarota, po o le siteki e le mafai ona foia pe a tatou saili ni vaifofo i le ala a le Alii e ala i le fefautuaai—matua fefautuaai—o le tasi ma le isi.” M. RUSSELL BALLARD, Counseling with Our Councils, rev. ed. (2012), 4 Taiala mo Taitai Vaega o le Ola Tutoatasi E faaaoga e se fonotaga faalevaega mo le ola tutoatasi se faatusa o se aufono ma e ese mai le tele o vasega, lesona, ma mafutaga faaleaoaoga a le Ekalesia. E leai ni faiaoga po o ni tagata e faafoeina ni aoaoga. Nai lo le na o se tagata e faagaoioia ua valaauina e taitai i le lotoifale e fesoasoani i tagata o le ekalesia pe a latou fefautuaai faatasi, aoao faatasi, faufautua i isi, tautino atu e faatino mea o loo latou aoaoina, ma tali atu i le tasi ma le isi mo tautinoga. O lenei faagasologa o le faufautua ma le fetufaai o vaega, faatasi ai ma api o galuega ma vitio, ua faatupuina ai se siosiomaga malosi o le aoaoina lea e faamalosia ai tagata taitasi i lona agai atu i se olaga ola tutoatasi. E valaauina e taitai o le siteki ma uarota ia tagata faapitoa mo le ola tutoatasi e faatulaga ma fesoasoani i vaega o le ola tutoatasi. O tagata e faagaoioia ia vaega e le o ni faiaoga; nai lo lena latou te fesoasoani i vaega ia mulimuli i le faagasologa o le ola tutoatasi e pei ona otootoina mai i tusi lesona. O le a manaomia e tagata e faagaoioia ia vaega le mauaina i nisi taimi o le Initoneti ma se auala e faaalia i vitio i fonotaga faalevaega. E mafai e taitai ona faatulagaina ni vaega se tele e mafaia ma valaauina ni tagata faapitoa se toatele pe a manaomia. E ono talosagaina tagata o vaega e faagaoioia pe a manaomia. E fono vaega taitasi ia le itiiti ifo ma le faa 12 mo le lua itula i sauniga taitasi ma e aofia ai ni tagata se toa 8 i le 14. E mafai ona fono vaega i nofoaga autu o le ola tutoatasi a le siteki, fale o le Ekalesia, po o nisi nofoaga talafeagai e faigofie mo tagata o le ekalesia. E fuafua e taitai i le lotoifale po o fea o vaega nei e manaomia i a latou iunite. 1. E fesoasoani vaega o le Amataina ma Faaola La‘u Pisinisi i tagata e amataina po o le faaleleia o a latou lava pisinisi. E suia e vaega nei Le Mafutaga Faaleaoaoga o le Faafaigaluegaina o Ia Lava. 2. E fesoasoani vaega O La‘u Sailiga Galuega i tagata e saili se galuega fou pe sili atu ona lelei. E suia e nei vaega Le Mafutaga Faaleaoaoga Faalematata. 3. E fesoasoani vaega o le Aoaoga mo se Galuega Lelei Atu i tagata e iloa ai se auala faaleaoaoga e faatele ai a latou tupe maua. E suia e nei vaega le Fuafuaina mo le Manuia. E faapefea ona ou fuaina le alualu i luma o le ola tutoatasi o tagata o le ekalesia i la‘u uarota po o le siteki? A o e fesoasoani atu i lau uarota po o le siteki ia alualu i luma agai i le ola tutoatasi, mafaufau e fuaina i lea taimi ma lea taimi le aofai o tagata o le ekalesia o e: 1.Ua faailoa mai e epikopo e le o ola tutoatasi. 2.Ua maea le O Lo‘u Auala. 3.Ua maea le O Lo‘u Faavae. 4.Ua amataina se pisinisi, se galuega lelei, po o se polokalama faaleaoaoga. I le avea ai ma se vaega o vaega taitasi, e suesue foi e tagata ni autu faaleaoaoga faavae se 12 e uiga i le ola tutoatasi mai le tamaitusi O Lo‘u Faavae: o Mataupu Faavae, o Tomai, ma Mausa. Lagolago a Tagata Faigaluega a le Ekalesia ma Lisi o Punaoa e Sili Ona Fiafia I Ai E faafaigaluega e le Ekalesia ia tagata i eria taitasi e fesoasoani ai i le taumafaiga o le ola tutoatasi. E aofia ai i nei vaega se pule o le ola tutoatasi a le eria (ASRM), o se pule e faagaoioia le ola tutoatasi ma pule o Auaunaga mo le Ola Tutoatasi, ma nisi tagata faigaluega. E fesoasoani nei tagata faigaluega e faamaopoopo ia manaoga o nofoaga autu o punaoa a siteki ma saunia ia punaoa ma aoaoga mo siteki. O nei punaoa e aofia ai ni faufautua, lisi o Polokalama ma Aoga e Sili ona Manaomia, avanoa mo galuega i le lotoifale, ma igoa o faalapotopotoga tautupe mo ni oloa e amatalia ai ni pisinisi. Uepisaite a le Ola Tutoatasi O nisi faamatalaga mo taitai ma tagata o loo maua i le initoneti i lesrs.lds.org. 3 Taiala mo Taitai Punaoa mo Taitai ma Failautusi E mafai ona lagolago le Meafaigaluega o le Ola Tutoatasi mo Tagata Matutua i epikopo a o latou faaailoa mai ma taulai atu i tagata o le ekalesia o e ua le lava mea manaomia o le olaga. O lenei punaoa e mafai ona mauaina i le leader.lds.org/self-reliance. Faigalotu mo le O Lo‘u Auala i le Ola Tutoatasi E faia e siteki po o uarota ia faigalotu masani O Lo‘u Auala i le Ola Tutoatasi. E amataina e lenei faigalotu ia tagata i le auala o le ola tutoatasi e ala i le fesoasoani ia i latou ia malamalama i le taua o aoaoga faavae o le ola tutoatasi, iloilo lo latou tulaga o i ai nei o le ola tutoatasi, fuafua ia tomai ma tupe maua o loo manaomia ina ia ola tutoatasi ai faaletino, ma filifili se vaega o le ola tutoatasi lea o le a fesoasoani ia i latou ina ia ausia lena sini. E faagaoioia e le api o galuega o le O Lo‘u Auala i le Ola Tutoatasi lenei faagasologa. E mafai foi ona faia le faavasegaga taitoatasi, faatasi ma se taitai perisitua, ma se tagata faapitoa o le ola tutoatasi, i se nofoaga autu mo le ola tutoatasi, pe i nisi faatulagaga. Maimoa i le “How to Use My Path” i lesrs.lds.org/videos. Vitio Faaleaoaoga Maimoa i vitio nei i le initoneti i lesrs.lds.org/videos. AOFIA Taitai ULUTALA O VITIO O Le A Ou Saunia mo La‘u Au Paia O Le Komiti mo le Ola Tutoatasi a le Siteki O Le Fonotaga a le Komiti mo le Ola Tutoatasi a le Siteki Tagata Faapitoa mo le Ola Tutoatasi a le Siteki Fesoasoani i Aufono a le Uarota Auala e Faatulaga ai ni Vaega o le Ola Tutoatasi Galue mo le Ola Tutoatasi Vitio O Lo‘u Faavae (12) Mo Tagata e Faagaoioia O Lo‘u Faamoemoega Auala e Faagaoioia ai ia Vaega o le Ola Tutoatasi Auala e Saunia Ai Auala e Taiala ai: Lo‘u Faavae Auala e Taiala ai: Lipoti Atu Auala e Taiala ai: Aoaoina Auala e Taiala ai: Mafaufau Loloto Auala e Taiala ai: Tautino Auala e: Taitai ai Fonotaga “Alu ma Fai” le Aoaoina Taliaina Manatu Faaalia Faamolemole auina atu ni ou manatu, manatu faaalia, fautuaga, ma aafiaga i le SRSfeedback@ldschurch.org or srs.lds.org/feedback. 4 Taiala mo Taitai Anomea a Vaega O loo maua anomea, vitio, ma aoaoga i le polokalama feaveai a le Potutusi a le Talalelei ma luga o le initoneti i lesrs.lds.org. E mafai foi ona okaina ia anomea mai faletusi tutotonu o le Ekalesia. O Lo‘u Auala i le Ola Tutoatasi O Lo'u Auala i le Ola Tutoatasi Ia amata tagata auai uma i le tamaitusi lenei e fuafua ai o latou tulaga o i ai nei e uiga i le ola tutoatasi ma filifili po o ai vaega o le a fesoasoani ia i latou ina ia ola tutoatasi. O vaega e aofia ai le faigaluega mo ia lava, sailiga galuega, ma le aoga. O Lo‘u Faavae: O Mataupu Faavae, o Tomai, o Mausa O Lo’u Faavae: O Mataupu Faavae, o Tomai, o Mausa E faaaoga e vaega uma e tolu lenei tamaitusi e talatalanoa ai ma faaaoga ia mataupu faavae taua faaleagaga o le ola tutoatasi. O L A T U T O ATA S I Amataina ma Faaola La‘u Pisinisi Amataina ma Faaola La’u Pisinisi OLA-TUTOATASI Mo i latou o e ua i ai se pisinisi pe manao e amataina se tasi. E faataitaia e tagata o vaega le tausiga o faamaumauga, maketi, ma le pulea o tupe. Latou te faataitaia foi ni auala e faatele ai a latou tupe maua e ala i suesuega o pisinisi laiti. O La‘u Sailiga Galuega O La’u Sailiga Galuega O L A-T U TOATA SI Mo i latou o e ua maua tomai e maua ai se galuega lelei. E maua e tagata o vaega se galuega e ala i le iloaina o avanoa, upegafesootai po o le sootaga faapaaga, faailoa atu ma le malosi o i latou lava, ma ia sauniuni mo fesili o faatalanoaga. O le auai i lenei vaega o le taunuuga o le mauaina o se galuega. Aoaoga mo se Galuega Lelei Aoaoga mo se Galuega Lelei O LA - TU TOATAS I Mo i latou o e manaomia se aoaoga po o se aoaoga faamasani ina ia maua ai se galuega lelei pe amataina ai se pisinisi. E faailoa mai e tagata o vaega ia galuega ia o le a fesoasoani ia i latou ina ia ola tutoatasi ona saili lea o se aoaoga po o se polokalama (e aofia ai le Pathway) lea o le a taitaiina atu i lena galuega. O le auai i lenei vaega o le taunuuga o se fuafuaga faaleaoaoga ma se nonogatupe mai le TFA (pe a manaomia). E mafai e tagata o le vaega o e ua faamaeaina ia tulaga manaomia i le O Lo‘u Faavae ma le Amataina ma Faaola La‘u Pisinisi ona agavaa e maua ia tusi faamaonia mai le Kolisi Faapisinisi a le AAG. 5 AOAOGA FAAVAE MA MATAUPU FAAVAE O LE OLA TUTOATASI Aoaoga Faavae 1.E tasi le tulaga faaletino ma le tulaga faaleagaga 2.Ua poloaiina i tatou e le Alii ina ia ola tutoatasi ma ua i ai uma le mana e fesoasoani ai ia i tatou Mataupu Faavae ma Feagaiga 29:34; Alema 37:38–43 Mataupu Faavae ma Feagaiga 104:15–16; 100:1; 1 Nifae 9:6; 2 Nifae 27:21, 23; Mosaea 4:9; Mataio 28:18 3.O le ola tutoatasi o se mataupu faavae o le faaeaga Mataupu Faavae ma Feagaiga 132:20 Mataupu Faavae Mo nisi faamatalaga e uiga i mataupu faavae nei, tagai i le tamaitusi o le ola tutoatasi O Lo‘u Faavae: O Mataupu Faavae, o Tomai, o Mausa. 1.Ia faatinoina le faatuatua ia Iesu Keriso 2.Ia usiusitai 3.Galue 4.Auauna atu ma ia faatasia 1 Nifae 9:6; Eperu 11 Mataupu Faavae ma Feagaiga 93:28; 130:20–21; Aperaamo 3:25; Eperu 5:8–9 2 Nifae 2:16, 26 Mose 7:18; Kalatia 5:14