Newsletter 1/2015

8 da schaner 2015
NEWSLETTER
budo disentis # 1/2015
Preziai commembers
Cun quei Newsletter lessel jeu informar vus sur dil curriu e passau
dallas davosas jamnas en nies club.
Kids Day- 25 d’october 2014
Proxims termins
21 da fevrer 2015
Radunonza generala
2 da matg 2015
Lavur cumina
23.04./25.04./30.04./02.05
Dis da lavur vid il project
„niev biro“ el dojo
Ils 25 d’october 2014 ha giu liug il Kids
Day 2014 en nies dojo. Kids Day munta
in di intenisv da judo, cumbinau cun star
da cumpignia el dojo. La damaun allas
09:00 uras ein 9 affons ed ils trenaders
Daniel e Martin sentupai el dojo per
solver ensemen. Suenter solver han ils
affons survegniu investa el sistem da
tecnicas dil sport da judo. Els han empriu
che la tecnicas da better vegnan
categorisadas tenor la part dil tgierp ch’ei
principalmein involvada (better cul pei,
better cul maun etc.) e che las fixaziuns
giu plaun han adina ina tecnica da basa
cun biaras variaziuns. Igl entir avonmiezdi
essen nus sefetschentai cullas tecnicas da
fixar giun plaun. Suenter duas uras da
trenament havein nus gentau el dojo. Al suentermiezdi han 6 affons priu
part e nus havein trenau duront 3 uras tecnicas da better. Diego e Nicola
han mussau tgei ch’ei san ed aschia fadiau la tschenta miez-melna. Igl
intensiv di da judo havein nus terminau allas tschun, suenter che tuts han
dau tut e mussau bia motivaziun d’emprender novas caussas e da repeter
quellas.
Viseta dils GKB Sport Kids
Ils 31 d’october ed ils 3 da november 2014 han rodund 30
affons da GKB Sport Kids da Mustér e Sedrun visitau nus el
dojo per in trenament da judo. Ils trenaders Daniel e Martin
han mussau ad els inper trics dil sport da judo e naturalmein
ein era giugs buca vegni alla cuorta. Els eran fetg motivai e
forsa che nus vesin in ni l’auter pli tard sco judoka en nies
club?
© budo disentis 2015
www.budodisentis.ch
1
8 da schaner 2015
Kids Weekend- 22 e 23 da november 2014
La fin d’jamna dils 22 e 23 da november 2014 ha giu liug
la fin d’jamna da trenament per ils affons da budo
disentis. Il kids weekend ei in event che ha gia ina certa
tradiziun tier nus. Uonn havein entschiet la sonda
endamaun cun in solver el dojo. Suenter ha Roger
Camenisch menau in trenament cun il tema „midada
dalla tecnica sin peis ella tecnica giun plaun“. Gentar ha
ei dau macaruns cun sosa da tomata e salata. Il
suentermiezdi han ils trenaders Martin Bundi e Roger
Camenisch dau trenaments da judo e ju-jitsu. Suenter
che tuts eran intec staunchels, essen nus ir mes’ura
ell’aria frestga a far ina spassegiada. La sera ha ei dau ina
tscheina da fondue el dojo ed era il trenader Daniel
Schmid ei vegnius vitier. Suenter la tscheina ha ei lu
beinspert giu num da pachetar ora il sac da durmir e
sepinar per durmir. La dumengia avonmiezdi ha ei aunc
inagada dau in trenament da judo e ju-jitsu.
Sera da Sontgaclau- 5 da december 2014
Ils 5 da december 2014 ha il Sontgaclau e siu fumegl
visitau nus el dojo e giu ina massa da raquintar als
affons, giuvenils e carschi che treneschan tier nus. Era
sch’ei veva aunc buca neiv giuado, havein nus gudiu la
sera tradiziunala da Sontgaclau el dojo. Suenter la
viseta dil Sontgaclau ha il club purschiu a grond e
pign in puschegn. In’egliada egl archiv dil club muossa
che la sera da Sontgaclau ha ina gronda tradiziun sco
sera da seser ensemen e guder la cumpignia. A tuts
gidonters e gidontras less admetter in grond engraziel
ed jeu sperel che nus sappien vinavon mantener la
sera da Sontgaclau sco termin impurtont ella veta da
nies club!
Novas cazzolas e nova ventilaziun el dojo
Il dojo ha survegniu novas cazzolas principalas e
supplementar aunc treis spots. La fermezia dalla
glisch dallas cazzolas principalas san ins tschentar
en ed aschia crear differentas atmosferas, tut tenor
basegn. Ils treis spots glischan sil centrum dil dojo
(shomen), pia sil maletg da Jigoro Kano e sillas
calligrafias dils prinzipis da judo.
Ina nova ventilaziun procura per aria caulda ellas
gardarobas; l’aria che vegn scaldada el dojo vegn
menada cun ina ventilaziun ellas gardarobas.
Herzlichen Dank vor allem an Roger, Daiana und
Aluis für die geleistete Arbeit.
© budo disentis 2015
www.budodisentis.ch
2
8 da schaner 2015
La suprastonza informescha
La suprastonza da budo disentis ei sentupada sonda, ils 13 da december 2014 per la 5avla seduta. Cheu less jeu
informar vus sur da decisiuns e termins per uonn:
Radunonza generala 2015
La proxima radunonza generala ha liug sonda, ils 21 da fevrer 2015 allas 17:30 el center sursilvan d’agricultura a
Mustér. Avon la radunonza han tuts participonts dalla radunonza la pusseivladad da prender part ad ina guida
atras la stalla e la cascharia dil beinpuril claustral. La guida entscheiva allas 16:30 e cuozza 1 ura. Ord motivs
d’organisaziun less supplicar vus da senunnziar tier la suprastonza tgi che pren part a quella guida. Suenter la
radunonza dat ei sco usitau la pusseivladad da tschenar; uonn fondue da caschiel che vegn survius ella sala nua
che nus fagein radunonza. Era cheu fuss jeu engrazieivels sch’jeu savess circa cons che statten per tschenar. Pia
fagei schi bien e dai part a bucca ni a scret. Engraziel gia ordavon!
Reglement per l’affitaziun da judo gi’s
Tgi che fa judo ni ju-jitsu drova in judo-gi, e tgi che less buca cumprar sez in, ha niev la pusseivladad d’affitar il
resti tiel club. Nus havein resti duvrau che nus savein dar giu per bunas cundiziuns. Niev dat ei in judo-gi per
CHF 30.00. Cun purtar anavos il gi san ins midar entuorn la grondezia senza stuer pagar aunc inagada. Il resti
san ins retrer tiels trenaders.
Project „niev biro“, avrel e matg 2015
Uonn lessan nus prender enta maun il proxim pass pli grond da renovaziun vid nies dojo. Gia daditg ponderein
nus da megliurar la situaziun da plaz dil biro che sesanfla gest suenter l’entrada da vart seniastra. Quei biro vegn
buca duvraus sco „biro“ mobein plitost sco scaffa e lagher da material. El pren si ina massa plaz che savess
vegnir duvraus pli effizient. Il project detagliau vegn presentaus alla proxima radunonza generala, era cun la
damonda d’approbar il budget per quei project.
En num dalla suprastonza giavischel a vus tuts in bien 2015, buns trenaments e bia bialas uras
communablas sin e sper la matta!
Cordials salids
budo disentis
Martin Bundi, president
Mustér da Nadal sera, ils 24-12-2014
© budo disentis 2015
www.budodisentis.ch
3