Ledscha d`ustaria

LEDSCHA D’USTARIA
dal Cumün da Scuol
As basand sün l’art. 26 da la ledscha d’ustaria pel chantun Grischun dals
7 gün 1998 (LU)
I.
Disposiziuns generalas
art. 1
Il cussagl cumünal ha la survaglianza da las activitats d’ustaria.
Survaglianza
art. 2
L’execuziun da la legislaziun d’ustaria es chosa dal cussagl cumünal.
II.
Execuziun
Permiss
art. 3
La dumonda per la concessiun d’ün permiss tenor l’artichel 3 alinea 1 LU
es d’inoltrar al cussagl cumünal almain ün mais avant co rivir o surtour
üna gestiun o avant la realisaziun d’ün'occurrenza.
Dumonda
La dumonda sto cuntgnair las seguaintas indicaziuns:
a) las persunalias e l’adressa da la persuna, per la quala il permiss dess
gnir emiss
b) la designaziun exacta da la gestiun o da l’occurrenza
c) la designaziun exacta d’eventualas gestiuns secundaras
d) la dürada giavüschada dal permiss.
A la dumonda sun d’agiundscher:
a) ün extrat dal register penal
b) la conferma cun suottascripziun tenor l’artichel 5 alinea 3 LU.
art. 4
Premiss cha las cundiziuns e prescripziuns legalas sajan accumplidas,
vain concess il permiss in scrit al petent avant l’avertüra o la surtutta da la
gestiun o avant la realisaziun da l’occurrenza.
Permiss pon gnir concess unicamaing per locals chi sun adattats e
garantischan üna gestiun chi nu disturba insupportabelmaing il silenzi
nocturn o chi promouvan disgusts publics.
Concessiun
Gestiuns adattadas sun per regla quellas
▪ chi possedan las installaziuns prescrittas davart la pulizia sanitaria e da
victuaglias e
▪ chi correspuondan a las normas da fabrica da la Società Svizra dals
inspecters da victuaglias.
art. 5
Pretaisas
Il permiss po gnir collià cun pretaisas, specialmaing davart il dret d’access e
la dürada da trategn dals giuvenils sco eir davart las uras d’avertüra e la
protecziun cunter canera.
art. 6
Ingrandimaints,
spostamaint,
müdamaint dal
gener da gestiun
Ingrandimaints considerabels ed il spostamaint da gestiuns sco eir
müdamaints dal gener da gestiun douvran ün permiss special. Per la
dumonda vala l’artichel 3 alineas 1 e 2 confuorm al sen.
art. 7
Commerzi in
detagl cun
bavrandas
destilladas
Dumondas per la concessiun d’ün permiss pel commerzi in detagl cun
bavrandas destilladas sun d’inoltrar a temp sül formular ufficial a l’uffizi
chantunal per economia e turissem, e quai avant l’avertüra o la surtutta d’üna
gestiun o avant la realisaziun d’üna occurrenza. Il formular as poja retrar pro
l‘administraziun cumünala.
III.
Uras d'avertüra
art. 8
Gestiuns
in general
Gestiuns d'ustaria pon esser avertas da las 06.00 fin las 03.00. Las nots dal
venderdi sülla sanda e da la sanda sülla dumengia pon las gestiuns gnir
tgnüdas avertas fin las 04.00.
La not da la festa naziunala e la saira da Silvester nu vala ingün'ura da
pulizia.
art. 9
Excepziuns
Sün üna dumonda motivada pon gnir prolungadas in general o per singuls
dis las uras d’avertüra.
La dumonda sto gnir inoltrada in scrit almain 2 eivnas ouravant. Premiss
cha’l mantegnimaint da la quietezza e da l’uorden public e da las sgürezza
publica pretendan, pon gnir scurznidas las uras d’avertüra per singulas
gestiuns.
art. 10
Occurrenzas
Per occurrenzas ed arrandschamaints vegnan fixadas las uras d’avertüra da
cas a cas.
art. 11
Ils giasts d’üna gestiun o d’üna occurrenza han da bandunar quellas il plü
tard 30 minuts davo la scadenza da las uras d’avertüra permissas.
Dürant il termin da toleranza esa scumandà da consegnar spaisas o
bavrondas.
IV.
Termin da
toleranza
Protecziun da la giuventüm
art. 12
Giuvenils suot 16 ons nun han ingün access in locals d'ustaria da tuot
gener, sch'els nu sun accumpagnats da creschüts cun dret d'educaziun o
schi nun han l'acconsentimaint da tals.
V.
Taxas
art. 13
Per conceder ün permiss vegnan inchaschadas las seguaintas taxas:
Taxas da
permiss
a) per gestiuns frs. 100.-- fin frs. 1000.-b) per occurrenzas ed arrandschamaints d’ün di frs. 50.-- fin frs. 500.-Per fixar las taxas i’l singul cas sun da resguardar adequatamaing ils
cuosts administrativs sco eir l’interess e la productività economia da la
persuna obliada da pajar la taxa.
art. 14
Per ulteriurs acts ufficials, sco controllas extraordinarias da singulas
gestiuns o occurrenzas, vain inchaschada üna taxa da frs. 50.-- frs. 200.--.
VI.
Taxas
specialas
Disposiziuns penalas, mezs legals
art. 15
Cuntravenziuns cunter quista ledscha e cunter las disposiziuns executivas
lapro sco eir cunter la ledscha chantunala d’ustaria e las disposiziuns
executivas da quella vegnan chastiadas cun resalva da l’artichel 15 i’l ram
da l’artichel 22 LU.
In general
art. 16
Chi chi’s trategna plü lönch co dürant las uras d’avertüra permissas in üna
gestiun o ad ün’occurrenza, ha da pajar sül lö üna multa disciplinara da
frs. 20.--. Scha’l pajamaint vain refüsà, schi vain applichà l’artichel 14.
Multa
disciplinara
art. 17
Mezs legals
Cunter disposiziuns dal cussagl cumünal in basa a la ledscha poja gnir fat
recuors in scrit infra 20 dis daspö la comunicaziun pro’l güdisch administrativ
chantunal.
VII. Disposiziuns finalas
art. 18
Disposiziuns
executivas
Il cussagl cumünal po relaschar disposiziuns executivas.
art. 19
Aboliziun dal
dret da fin uossa
Cun l’entrada in vigur da quista ledscha vain abolida la ledscha d’ustaria e
d’hotellaria dals 30.11.80 sco eir tuot las disposiziuns chi tilla cuntrafan.
art. 20
Disposiziuns
transitorias
Permiss concess avant l’entrada in vigur da quista ledscha sun valabels
illimitadamaing, scha’l possessur dal permiss maina inavant la gestiun i’l
listess ram.
art. 21
Entrada in vigur
Quista ledscha es gnüda acceptada da la cumünanza d’urna dals 28
november 1999 ed aintra in vigur als 1.1.2000.
il capo:
dr. Georg Brosi
l'actuar:
Cla Nogler