Transcript
pdf
Punts 03-2005, p. 11 TRANTER UMENS da Chatrina Josty Punts preschenta ina nova rubrica: il giast dal mais! Ina persuna ch’è na tutga ensasez betg tar la redacziun ha occasiun da s’occupar sin ina pagina da la gasetta giuvna cun in tema u in puntissimo. Da la partida è glieud frestga, interessanta e creativa – giuvens e giuvnas che han da dir insatge sur da quai che curra e passa sin quest mund. Noss emprim giast dal mais è MARIO PACCHIOLI – anteriur scolast, anteriur music star ed ussa musicher da professiun. IL GIAST DAL MAIS « Déjeuner en paix » Stephan Eicher chanta: «Déjeuner en paix». Quai n’è betg be ina buna chanzun, quai è mes nov inimi persunal. E mes giavisch il pli fervent. Déjeuner en paix. Quai na para numnadamain betg pussaivel en mia wg. Il di dad ina studenta cumenza magari pli tard che quel dad in che lavura, quai savain nus, tuttina era il di dad ina studenta ha da cumenzar enendretg. Mes di cumenza enendretg sche jau poss baiver in cafè. Baiver in cafè en paus. Cun mes cafè e cun mes paus la damaun vi jau esser suletta, stoss jau esser suletta. Ma esser in pau sulet en cuschina la damaun è in pau difficil en mia wg. Perquai sa schluitesch jau mintga damaun en cuschina cun la speranza dad esser l’emprima là e da pudair baiver mes cafè en paus. Ma savens na vai ditg e Markus vegn era en cuschina. (Adina gia tratg en tiptop. Er quai ina da quellas chaussas. Mes cafè baiv jau en pigiama e sche insatgi ma vul per mort e fin far cumpagnia duai er el avair en in pigiama, bitte sehr!) Markus è in flot. Ed igl è fitg flot da discuttar cun el, nus savain discuttar uras ed uras e quai lura anc sur da temas interessants. Dapi divers mais lavura el vi da sia lavur da licenziat. El ha studegià medias e schurnalissem ed istorgia. El sa bler e discutta gugent sur da quai ch’el sa e ch’el ha chattà or cun sia lavur. Quai è gea flot. Ma betg la damaun cur che jau vi mo baiver mes cafè en paus! Cur ch’el vegn la damaun mintgamai en cuschina e cumenza cun sias grondiusas teorias sur da la recepziun e la gelenkte aufnahme wirkung mediale r unterbewussseinssteuerung e Herta Sturm qua e Herta Sturm là, sa sbassa mia luna per in pèr grads. Jau vi doch mo mes paus! Ma perquai che jau n’hai lura insumma betg veglia da discurrer e da discuttar na di jau era betg a Markus, che jau preferiss ensasez mo la cumpagnia da mes cafè. Ma uschia na po quai betg ir vinavant. Jau stoss ussa propi ponderar, sco comunichar che jau na support gnanc small talk la damaun, che jau vi simplamain déjeuner en paix. Damaun al serv jau mes inimi d’ensolver: «Markus, taidla ina giada, questa super chanzun da Stephan Eicher. Ella ha num Déjeuner en paix.» Forsa che quai funcziuna. Tranter umens - La nova colummna en las Punts. Chatrina Josty, studenta a Fribourg scriva da sia vita en ina WG cun dus umens - - - - 11 l’impressiun che jeu hagi fatg in segl el temps. Miu grond siemi era ius en vigur. Jeu vevel astgau cantar sin ina tribuna che era daventada enconuschenta en ina gronda part dalla svizra, vevel dau autogramms a tschiens ni schizun mellis da giuvnas persunas che grevan bunamein ora l’olma, vesevel miu tgau ellas gasettas,... Tut quei era niev ed era la realitad d’in siemi ditg semiau. Mia emprema reacziun suenter tut quei ei stada: Wow, quei sai jeu enzacu inaga raquintar a mes affons ed a mes biadis...che bodyguards han stuiu menar nus atras ina fuola da glieud che greva, che era ord cadeina. Mo quei ei uss vargau, ed uss fetgel jeu quei che jeu fetgel il pli bugen, numnadamein musica. Forsa sedumandeis vus pertgei che jeu raquentel tut quei e tgei che quei ha da far cul tema intim. Exact quei haiel jeu empriu da schezegiar il davos onn. L’intimitad duront in concert. Segir eis ei fetg impressiunont da saver cantar avon nundetg gronds publicums, denton aunc dapli schazegel jeu ina sera da concert cun in publicum pli pign, en in local surveseivel. Duront aschia in concert sa in’intimitad seformar denter il publicum, mia band e mei. Igl ei grev da descriver quei sentiment, forsa gest perquei ch’el ei nundescrivibels. Quei ein exact da quels muments ch’ins ha il sentiment, uss stuess ins tener eri il temps e semplamein mo guder. Quei ein muments ch’ins ha il sentiment che tut seigi perfetg, e quei ei la pli gronda pagaglia per in cantadur ni musicist. Jeu giavischel che mintgin e mintgina hagi mintgaton quei sentiment, semplamein en sia moda!