Give Thanks : Psalms 92 ** Pss 92:1
Transcript
Give Thanks : Psalms 92 ** Pss 92:1
Upu Tomua Faafetai i le alofa ta’ita’i o le Atua ua tatou aulia ai ma le manuia lenei tausaga fou 2016. E alu aso, sau aso ae tumau a le alofa faapalepale o le Atua i lo outou soifua galulue ma lo tatou ola auauna e ala i lana Ekalesia. Malo malaga! Malo galulue ma auauna! Malo onosa’i ma faapalepale! E lagona a le faatauva’a e agaia le silisili ese o le Atua soifua, e le auga foi e faafeagai ma le mamalu o le Ekalesia EFKAS ma ona tulaga faalupelupeina. E ui lava i lea, avea ia lo’u leo e fai ma sui o le Komiti galue o le Mafutaga a le Au Taumafai e faamanusina i la outou tatalo ma le tapua’iga auā le faamoemoe o le Au Taumafai ma ana galuega, auā le finagalo o le Atua. Faafetai tele i ‘Aulotu ma Pulega o loo faamaopoopo ma faauauina Sauniga faale-Au Taumafai ma lana Ta’utinoga Faavae. Faafetai i lou a’ao foa’i ma au faiga taulaga mo le Au Taumafai ma ana galuega tau’ave i le Ekalesia. O le tatou tusi lena e ta’iala ai a tatou sauniga o lenei tausaga 2016. Faafetai i le Susuga ia Viliamu Leilua, FS, o le faifeau a le nu’u o Aua sa saunia lenei tusi, o le ‘oa faale-agaga ua sasa’a mai ma le mau faa-Tamasoaalii-Faatautai a’e aua le ta’ita’iga o sauniga faale-Au Taumafai mo Keriso ma lana Faaolataga. O le tatalo a le Komiti Galue o le Au Taumafai Kerisiano, tatou faamalolosi e fa’aauau le faamoemoe taua o lenei mafutaga pei ona amataina e le faifeau o Francis Clark, o le Ekalesia Faapotopotoga i le nuu o Portland, Maine i Amerika i Matū, USA ia Fepuari 02, 1881. O se amataga itiiti ma fa’atauva’a, o le faifeau ma lona to’alua ma tama ma teine talavou e 57. A o lea ua so’o ai le lalolagi e aofia ai ma tatou tagata Kerisiano i Samoa. O le fua o le sinapi na pa’ū ifo i le eleele, ua tupu, ola ma fua mai. Le Ekalesia pele e, tatou faamalolosi ma tatou galulue faatasi auā e le se mea faalēaoga lo tatou tautigā i le Alii o Iesu Keriso ma lana Faaolataga. “Aua le fa’avaivai i le filiga, ia malolosi outou loto, ia auauna i le Alii ma le fiafia. Ia olioli i le faamoemoe sili, ia onosa’i i puapuaga ma ia finafinau i le tatalo.” Alofaaga ma le tatalo a le Komiti Galue O le Au Taumafai mo le Ekalesia pele, ____________________ Pesaleli Poufa (FT) ii Fa’asinoga o Mataupu Masina/Aso Ianuari 3 10 17 24 31 Mataupu Itulau O le Atua e ao ona fa’afetaia Ia manatua le alofa silisili o le Atua Folau ma le Atua O le Atua e ona mea uma O le Mea’alofa foa’ifua a le Atua 1 1 2 2 2 Fepuari 07 14 21 28 Toe fo’i i le Ali’i O tatou o tagata auina Savavali i le malamalama o le Atua O le taui mo ē saili i le Ali’i 3 3 3 4 Mati 06 13 20 27 Salamō nei loa Fa’ato’ilalo nei le agasala O lou Tupu ma lo’u Tupu (Laupama) Aeae ia lea manu ua ulu mai le Atua (Toetu) 4 4 5 5 Aperila 03 10 17 24 O le Fa’atonuga mo le Lavea’iina Ia filifili i le ala tonu O le fai ma so’o o Iesu e taugata Pe ā fesaga’i ma le lē mautinoa 5 6 6 6 Me 01 08 15 22 29 O le salamō ua fa’atino Ia alofa i le tinā (Aso o Tinā) O le malosi fa’atupu malosi (Penetekoso) O le ola foa’i, o le fua vevela fa’aleagaga O le Manatu o Keriso 7 7 7 8 8 O le Atua lo tatou Lavea’i Amiotonu O agava’a e tatau mo ē ta’ita’i O le tofa fa’atagata matua, e to’amalie ai aiga (Aso o Tamā) O le taui mo ē saili i le Ali’i 9 9 Iuni 05 12 19 26 iii 9 10 Masina/Aso Mataupu Itulau Iulai 03 10 17 24 31 O le Ali’i le tali mautinoa Vala’au e fa’aauau le galuega Fai oe ma fa’ata’ita’iga lelei Lepetia e le Atua ina ia toe fa’afouina E lē fa’aituau le Atua 10 10 11 11 11 Aukuso 07 14 21 28 Fa’afouina ma fa’atumauina O le Tagatanu’u kerisiano Tausiniō i le manumalo E faigata i se ā ona usita’i? 12 12 12 13 Setema 04 11 18 25 O Vae matagofie O le Tusi Vala’au paia O le savaliga vavalalata ma le Atua Ta’u atu mea e tele ua faia e le Atua mo oe 13 13 14 14 Oketopa 02 09 16 23 30 O tiute o matua i le aiga O fanau ma le Ekalesia (Lotu Tamaiti) O le Aiga kerisiano Ia pulea lou loto tiga O tagata malaga mafatia 15 15 15 15 16 Novema 06 13 20 27 O le Mea’alofa o le Vai Ola Fa’atalitali i le Ali’i Olioli i totonu o mea fa’atauva’a o le olaga O le loto malie e maua i le Atua 16 16 17 17 Tesema 04 11 18 25 Talia Iesu o le Ola O le Tupu i lavalava masaesae O le Fetu Ta’iala Ua Liutino tagata le Atua (Kerisimasi) 18 18 18 19 iv Ta’utinoga ‘Au Taumafai Ua ou fa’amoemoe i le fa’amalosi mai o Iesu Keriso ia te a’u. O lenei, ou te ta’utino i le Ali’i, o le a ou taumafai ona fai o mea uma e tusa ma Lona finagalo. O le a ou faia ma tulafono o lo’u ola; Ou te tatalo ia te Ia i aso uma. Ou te faitau i lana Afioga i aso uma. Ou te ‘alo ‘ese i inuga ‘ava o’ona i aso uma lava. Ou te lagolago i galuega ma tapua’iga a le Ekalesia i so’o se ala ou te mafai ona ou faia Ma, i lo’u olaga atoa, o le ā ou taumafai i lo’u iloa atoatoa, ona ola i le soifuaga Kerisiano mo Keriso. Amene. 1 O le Tusi mo Mafutaga Tatalo Fa’ale ‘Au Taumafai IANUARI Aso Sa, Ianuari 03, 2016 FA’AFOUINA Mataupu: O LE ATUA E AO ONA FA’AFETAIA. (Let us give thanks unto God.) Tusi Faitau: 1 Tesalonia 5:15–22 Matua: 1 Tesalonia 5:18 Ia outou fa’afetai i mea uma lava, auā o le finagalo lea o le Atua ia te outou, ia Keriso Iesu. 1. Ona o Lona alofa na ta’ita’i mai ai i tatou i lena tausaga ua tuana’i atu. 2. Ona o Ana mea’alofa ma fa’amanuiaga e tele ua tatou aeae ma fiafia ai. 3. Na te lē tu’ulafoa’iina i tatou i mailei a le tiapolo e fano ai. Mo Tupulaga Talavou: 4. Ona o le malosi, le poto, o taleni e tele, ma Lona alofa e lē liliu. Aso Sa, Ianuari 10, 2016 Mataupu: IA MANATUA LE ALOFA SILISILI O LE ATUA. (Remember the Love of God) Tusi Faitau: Teuteronome 8:10–18 Matua: Teuteronome 8:11 Ia oe ne’i galo ia te oe le Ali’i lou Atua… 1. Ana lē seanoa le alofa o le Atua, tatou te lē aulia mai lenei tausaga fou. 2. O le Atua ta’ita’i Malaga mo Lana Ekalesia faimalaga. 3. A galo le Atua, ua tatou fetaia’i ma puapuaga ma faigata o le ola. Mo Tupulaga Talavou: 4. O le tele o manuia e maua a’o talavou le olaga, e vave ai ona galo le Atua. Aso Sa, Ianuari 17, 2016 Mataupu: FOLAU MA LE ATUA. (Go with God) Tusi Faitau: Mataio 6:25–34 Matua: Mataio 6:34 …‘aua tou te popole i le aso a taeao… 1. O ananafi mo nei, o nei mo taeao. 2. Galue ma ola fiafia i le taimi nei. 3. ‘Aua le fefe ma pala’ai, ae talitonu i le Atua mo taeao ma le lumana’i. Mo Tupulaga Talavou: 4. O fa’apefea ona fa’aaoga tatau ma fa’atāua ou taimi avanoa? 2 Aso Sa, Ianuari 24, 2016 Mataupu: O LE ATUA E ONA MEA UMA. (Everything Belongs to God.) Tusi Faitau: Salamo 24:1–6 Matua: Salamo 24:1 O le lalolagi ma mea ua tumu ai, o ā le Ali’i ia, o le atulaulau ma ē o nonofo ai. 1. E matagofie, e lelei, ma atoatoa mea uma na faia e le Atua 2. Ua so’ona fai e le tagata mea e lē ni ana mea 3. Ua fa’atamala le tausi-mea na totofi e le Atua mo Ana mea uma Mo Tupulaga Talavou: 4. O le ā se sao tāua ma aoga o Tupulaga mo le foafoaga paia ma le siosiomaga Aso Sa, Ianuari 31, 2016 Mataupu: O LE MEA’ALOFA FOA’IFUA A LE ATUA. (God’s Free Gift.) Tusi Faitau: Roma 6:20–23 Matua: Roma 6:23 … a’o le ola fa’avavau, o le mea foa’ifuaina mai lea e le Atua, i lo tatou Ali’i o Iesu Keriso 1. O le ola, e lē se mea a le tagata, a’o le ola a le Atua ua foa’i mai mo tagata 2. Saili ma va’ava’ai auala talafeagai e ola ai i le ola ua foa’i mai 3. O le lalolagi e ola ai mea uma, e aofia ai fo’i le tagata Mo Tupulaga Talavou: 4. Aiseā e fa’avavau ai le ola ua foa’i mai e le Atua? FEPUARI Aso Sa, Fepuari 07, 2016 FA’AFOUINA Mataupu: TOE FO’I I LE ALI’I. (Going back to God.) Tusi Faitau: Hosea 6:1–11 Matua: Hosea 6:1 O mai ia, ina tatou toe fo’i atu i le Ali’i... 1. Liliu mai fo’i i le Ali’i, i le salamō ma le loto maulalo... 2. Toe fo’i i le Ali’i, e osi le taulaga fa’afetai, ona o Lona alofa fa’amaoni 3. E fa’atali le Ali’i, i lou toe fo’i mai Mo Tupulaga Talavou: 4. Fo’i nei e fa’alelei ma lou Atua, e manuia ai lou olaga 3 Aso Sa, Fepuari 14, 2016 Mataupu: O TATOU O TAGATA AUINA. (We are Servants being Sent) Tusi Faitau: Esoto 3:9–12 Matua: Esoto 3:10 O lenei ina sau ia, ou te auina atu oe ia Farao, ina ia aumai Lo’u nu’u o le fanauga a Isaraelu mai Aikupito. 1. 2. 3. E auina le tagata ona o se feau po’o se tiute e fia fa’ataunu’uina A auina, tula’i loa, alu ma le loto usita’i E avanoa tagata uma mo le auina atu Mo Tupulaga Talavou: 4. Amuia lou talavou pe ā auina oe, a’o maua lou malosi ma le ola Aso Sa, Fepuari 21, 2016 Mataupu: SAVAVALI I LE MALAMALAMA O LE ATUA. (Walk in the Light of God) Tusi Faitau: Isaia 9:1–7 Matua: Isaia 9:2a O le nu’u sa savavali i le pouliuli, ua latou iloa le malamalama tele... 1. 2. 3. E manuia le tagata e savali i le malamalama o le Atua O le malamalama o le Atua e fa’ailoa ai mea lilo uma O le malamalama o le Ola lea e fa’avavau o le Atua Mo Tupulaga Talavou: 4. Ola nei i le malamalama o le Atua a’o talavou lou olaga Aso Sa, Fepuari 28, 2016 Mataupu: O LE TAUI MO Ē SAILI I LE ALI’I. (A reward for those who seek the Lord) Tusi Faitau: Eperu 11:1–7 Matua: Eperu 11:6e Auā e tatau i lē alu atu i le Atua ona talitonu... o Ia fo’i na te tauia mai o ē matuā saili ia te Ia. 1. 2. 3. Saili i le Ali’i ma le mautinoa, o Ia lava lo tatou fesoasoani sili E tauia e le Atua lē ua saili ia te Ia ma le loto fa’amaoni A leai se ola finau ma saili, e leai fo’i se taui e maua mai Mo Tupulaga Talavou: 4. Ia fa’aaoga tatau lou ola e saili manuia ai i le Ali’i 4 MATI Aso Sa, Mati 06, 2016 FA’AFOUINA Mataupu: SALAMŌ NEI LOA. (Repent Now.) Tusi Faitau: Isaia 55:6–9 Matua: Isaia 55:7 Ia lafoa’i e lē ua amioleaga lona ala, …a ia fo’i mai i le Ali’i… 1. 2. 3. E lē su’e gata le Ali’i E malosi faiga ma auala ma togafiti a le tiapolo Manatua e pu’upu’u ma sa’asa’a le olaga Mo Tupulaga Talavou: 4. A toe afio mai Iesu, ona a lea? Aso Sa, Mati 13, 2016 Mataupu: FA’ATO’ILALO NEI LE AGASALA. (Conquer Sin) Tusi Faitau: Salamo 51:1–12 Matua: Salamo 51:10 Le Atua e, ia e faia se loto mamā mo a’u, ma Ia e fa’afouina se loto mau i totonu ia te a’u. 1. 2. 3. Ia e iloa mautinoa o oe ua e faia le agasala Ta’utino i le Atua lau agasala, ‘aua le nanāina Fa’amuamua le finagalo o le Atua i lou olaga Mo Tupulaga Talavou: 4. Mata e te fia sa’oloto moni mai au agasala? Aso Sa, Mati 20, 2016 (Aso Sa Laupama) Mataupu: O LOU TUPU MA LO’U TUPU. (Your Lord and My God) Tusi Faitau: Luka 19:28–40 Matua: Luka 19:38 Ia manuia le Tupu o lo’o maliu mai i le suafa o le Ali’i; o le manuia i le lagi, o le vi’iga fo’i i mea aupitoaluga. 1. 2. 3. Na ofo i ai e Satani le lalolagi ma mea uma, ae na Ia te’ena Na fa’alia i Lona soifua paia ma mamalu Lana pule aoao fa’atupu O IA o le Tupu o le alofa tunoa uma lava. Mo Tupulaga Talavou: 4. E te te’ena ea lou Tupu se’ia afea? 5 Aso Sa, Mati 27, 2016 (Aso Sa Toetu) Mataupu: AEAE IA LEA MANU UA ULU MAI LE ATUA. (Celebrate our Victory from God) Tusi Faitau: Mareko 16:1–8 Matua: Mareko 16:6 … ‘Aua tou te matata’u, …ua tu o Ia, e lē o i’inei. 1. 2. 3. Ia tatou talitonu ma fa’atuatua ia Iesu Toetu Ia tatou molimau atu i lea Talalelei Ia fiafia ma olioli tagata uma i le manumalo ua aumaia Mo Tupulaga Talavou: 4. O lou malosi fa’atupu malosi lea tama ma teine APERILA Aso Sa, Aperila 03, 2016 FA’AFOUINA Mataupu: O LE FA’ATONUGA MO LE LAVEA’IINA. (The admonition for redemption) Tusi Faitau: Fa’aaliga 3:1–6 Matua: Fa’aaliga 3:1e Ua ou iloa au galuega, ua ia te oe le igoa ua e ola, a ua e oti. 1. 2. 3. Leai se aoga o le ola faifai o le tagata i le tino, a ua matua oti i le fa’aleagaga ‘Aua le fa’agaloina le Atua ona o oa o le lalolagi Toe afua se taeao fou, ia fa’alogo i le fa’atonu folau mai o le Agaga o le Atua Mo Tupulaga Talavou: 4. E fa’atonu mai i tatou e le Atua, ona o Lona alofa Aso Sa, Aperila 10, 2016 Mataupu: IA FILIFILI I LE ALA TONU. (Choose the Right Path) Tusi Faitau: Teuteromone 30:15–20 Matua: Teuteronome 30:19 Ua ou tu’uina i ou luma o le ola ma le oti, o le manuia ma le malaia; o lenei, ia e filifili i le ola, ina ia ola ai oe atoa ma lau fanau. 1. 2. 3. E ‘ese’eese ala e lua, e ‘ese’ese fo’i o la taunu’uga O taunu’uga o ia ala uma A tonu le filifiliga o le taimi nei, e manuia le luman’ai Mo Tupulaga Talavou: 4. Ia filifili tonu i le ala e te manuia ma ola ai 6 Aso Sa, Aperila 17, 2016 Mataupu: O LE FAI MA SO’O O IESU E TAUGATA. (To become a disciple of Jesus is costly.) Tusi Faitau: Mareko 8:34–37 Matua: Mareko 8:34b Ai sē fia mulimuli mai ia te A’u, ia fa’afiti o ia ia te ia, ma ave e ia lona satauro, i le mulimuli mai ia te A’u. 1. 2. 3. E taugata, auā e o’o lava i le oti e lē fo’i ai E taugata, auā e lē toe faia lava o tatou loto, ae faia pea le finagalo o Iesu E taugata, auā o lona taui o le ola e fa’avavau Mo Tupulaga Talavou: 4. E amata lou avea ma so’o o Iesu, i lou ola ava ma mata’u i le Atua Aso Sa, Aperila 24, 2016 Mataupu: PE Ā FESAGA’I MA LE LĒ MAUTINOA. (Facing Uncertainty.) Tusi Faitau: Iosua 5:10–15 Matua: Iosua 5:13e … Pe tatou te ‘au ma i matou, pe e te ‘au ‘ese? 1. 2. 3. O le Atua o le mautinoa O le Atua o le atoatoa O le Atua o le manumalo Mo Tupulaga Talavou: 4. Ua mautinoa lelei oe e le Atua, ae a oe? ME Aso Sa, Me 01, 2016 FA’AFOUINA Mataupu: O LE LOTO SALAMŌ UA FA’ATINO. (Repentance in Actions) Tusi Faitau: Luka 19:1–10 Matua: Luka 19:8e Fa’auta, le Ali’i e, o le ā ou vaeluaina atu a’u mea i ē matitiva; afai fo’i ua ou ave mea a se tasi i se ala pepelo, ou te taui atu ai e ta’i fa. 1. 2. 3. Ua lē toe manumanu i le oa na mafua ai ona agasala Alu sa’o ia Iesu e maua ai le fa’amagaloga moni O le mea lelei e faigata, ae afai ua loto i ai, e i ai fo’i le auala e fai a’i Mo Tupulaga Talavou: 4. O le salamō na i le sesē ua fai, e amata ai le olaga fou 7 Aso Sa, Me 08, 2016 (Aso o Tinā) Mataupu: IA ALOFA I LE TINĀ (Love your Mother) Tusi Faitau: Sakaria 7:8–14 Matua: Sakaria 7:9–10a Ua fa’apea ona fetalai mai le Ali’i o ‘Au, o lo’o fa’apea mai, Ia fa’amasino i le fa’amasinoga tonu, ma ia agalelei ma alofa o le tasi i le tasi; ‘aua le fa’asāua i fafine ua oti a latou tane ma ē ua matua oti... 1. 2. 3. Fanau, ia outou fa’alogo ma usiusita’i i outou tinā O le tinā amiolelei, e silisili o ia i lo penina Tinā, ia outou a’oa’o ma fa’atonu lelei ia outou fanau Mo Tupulaga Talavou: 4. O fa’apefea mai la oulua feso’ota’iga (mafutaga) ma lou tinā? Aso Sa, Me 15, 2016 (Aso Sa Penetekoso) Mataupu: O LE MALOSI FA’ATUPU MALOSI. (The Empowering power) Tusi Faitau: Ioane 14:25–31 Matua: Ioane 14:26 A’o le Fesoasoani o le Agaga Paia lea, e auina mai e le Tamā i Lo’u igoa… 1. 2. 3. E malamalama ai le loto ma le mafaufau E su ai ou ivi ma malosi ai lou agaga E fa’afouina ma fa’aatoatoa ai lou ola mo le Ali’i Mo Tupulaga Talavou: 4. O fea (O ai) o saili i ai lou malosi fa’atalavou? Aso Sa, Me 22, 2016 Mataupu: O LE OLA FOA’I O LE FUA VEVELA FA’ALEAGAGA. (Giving is a spiritual thermometer) Tusi Faitau: Malaki 3:7–12 Matua: Malaki 3:8 Pe fāoa e le tagata mea a le Atua? A’o outou, ua outou fāoa A’u mea. A ua outou fai mai, Ni ā ea au mea ua matou fāoa? ua outou fāoa mea e sefulua’i a outou mea, atoa ma taulaga. 1. 2. 3. O le foa’i ma le fa’amoemoe e maua ai sau mea aoga e inosia e le Atua O le lē fai taulaga o le fāoa lava lea o mea a le Atua E mafai ona avea le tele po’o le itiiti fo’i o le taulaga ua faia ma fua o le loloto po’o le papa’u o le fa’atuatua o le tagata faitaulaga Mo Tupulaga Talavou: 4. O le ola foa’i o le faiga fa’a-Iesu 8 Aso Sa, Me 29, 2016 Mataupu: O LE MANATU O KERISO. (The mind of Christ) Tusi Faitau: Filipi 2:1–11 Matua: Filipi 2:5–7 Ia ia te outou fo’i lenei manatu o ia Keriso Iesu, o Lē sa uiga fa’atasi ma le Atua, e le’i manatu Ia o se mea e u’umau Lona tulaga tutusa ma le Atua; a ua sasa’a atu o Ia e Ia lava, o fai mona le uiga o le pologa, i Lona fanau mai fa’apei o se tagata. 1. 2. 3. Ia foliga tatou ia te Ia – fai ma pologa ona o le alofa Ia tu’ua o tatou mamalu ma fa’alaniga maualuluga ona o lo tatou alofa moni i le Atua ma tagata O le pologa mo Keriso e i’u i le fa’aeaina Mo Tupulaga Talavou: 4. Ia sasa’a atu lou ola talavou fa’apei ona fai e Keriso IUNI ASO Sa, Iuni 05, 2016 FA’AFOUINA Mataupu: O LE ATUA LO TATOU LAVEA’I AMIOTONU. (God is our Righteous Saviour) Tusi Faitau: Esoto 1:8–22 Matua: Esoto 1:20–21 Ua agalelei le Atua i ē na fa’atosaga i fanauga...ua matata’u i le Atua ē na fa’atosaga i fanauga... 1. 2. 3. O le amiotonu a le Atua, e iloa manino i Lona alofa E lē mafai ona liliuina e se tasi le fa’amasinoga amiotonu a le Atua E i’uvale fuafuaga uma e aunoa ma le alofa Mo Tupulaga Talavou: 4. Tumau i le Atua i taimi uma, e lavea’i mai o Ia i ou puapuaga Aso Sa, Iuni 12, 2016 Mataupu: O AGAVA’A E TATAU MO Ē TA’ITA’I. (Qualifications for church leaders) Tusi Faitau: 1 Timoteo 3:1–7 Matua: 1 Timoteo 3:7 E tatau ona ia logoleleia o ia e i latou o i tuā... 1. 2. 3. E tatau ona fa’amaoni ma ta’uleleia le amio i le Atua ma tagata E tatau ona lē so’ona inu tele i le ‘ava o’ona ma fai amio mataga E lē tatau ona fa’agutugutulua ma pepelo pe ā mana’o tupe Mo Tupulaga Talavou: 4. O tupulaga talavou o ta’ita’i mo ā taeao 9 Aso Sa, Iuni 19, 2016 (Aso o Tamā) Mataupu: O LE TOFA FA’A-TAGATA MATUA E TO’AMALIE AI AIGA. (The eldest in the family brings stability but not divisions.) Tusi Faitau: Kenese 13:5–12 Matua: Kenese 13:8 ...‘Aua lava ne’i femisa’i i ta’ua, po’o a ta’ua leoleo manu; auā o le uso i ta’ua. 1. 2. 3. E fa’afailele le ola fealofani o le Ekalesia, mai totonu o aiga E iloa gofie tagata matutua i totonu o aiga ma le Ekalesia i la latou tofa ma le fa’autautaga Ia mata’ala, auā o le tamaoaiga o le lalolagi o se auauna lelei, ae mata sāua fo’i Mo Tupulaga Talavou: 4. Ia āva le tagata laitiiti i ē matutua Aso Sa, Iuni 26, 2016 Mataupu: O LE TAUI MO Ē SAILI I LE ALI’I. (A reward for those who seek the Lord) Tusi Faitau: Eperu 11:1–7 Matua: Eperu 11:6e Auā e tatau i lē alu atu i le Atua ona talitonu o lo’o soifua o Ia, o Ia fo’i na te tauia mai o ē matuā saili ia te Ia. 1. 2. 3. Saili i le Ali’i ma le loto mautinoa, o Ia lava la tatou fesoasoani sili E tauia e le Atua lē ua saili ia te Ia ma le fa’amaoni A leai se ola finau ma saili, e leai fo’i se taui e maua mai Mo Tupulaga Talavou: 4. Ia fa’aaoga tatau lou ola talavou e saili manuia ai i le Ali’i IULAI Aso Sa, Iulai 03, 2016 Mataupu: FA’AFOUINA O LE ALI’I LE TALI MAUTINOA. (God is the answer) Tusi Faitau: Salamo 37:1–11 Matua: Salamo 37:5 Ia e tu’uina atu lou ala i le Ali’i, ma fa’atuatua ia te Ia, ona faia lava lea e Ia. 1. 2. 3. Fa’aeteete i tali fa’afoliga ma sesē mo ou fa’afitauli Le Atua le ta’iala i taimi o puapuaga o le olaga E tāua i le Atua le ola mata’u ma le fa’atuatua Mo Tupulaga Talavou: 4. O fa’apefea ona e saili ni tali mo ou fa’afitauli? 10 Aso Sa, Iulai 10, 2016 Mataupu: VALA’AU E FA’AUAU LE GALUEGA. (Called to continue God’s work) Tusi Faitau: Kolose 4:10–18 Matua: Kolose 4:17 … Ia oe i le faiva na tu’uina atu ia te oe i le Ali’i, ina ia e fa’ataunu’uina. 1. Ua vala’auina i tatou e fa’aauau ma fa’ataunu’u Lona finagalo 2. Fa’amuamua mea e tatau ona fa’amuamua 3. E lē o le poto ma agava’a, a’o le loto i ai Mo Tupulaga Talavou: 4. E lē na o tagata matutua e mana’omia e le Atua mo Ana feau Aso Sa, Iulai 17, 2016 Mataupu: IA FAI OE MA FA’ATA’ITA’IGA LELEI. (Lead by good examples) Tusi Faitau: Ioane 13:1–11 Matua: Ioane 13:5 Ona liligi lea e Ia o le vai i le ipu, ...ua mulumulu i vae o Ona so’o... 1. 2. 3. Avea oe ma fa’ata’ita’iga lelei i galuega fa’atino Avea oe tamā ma fa’ata’ita’iga lelei i lau amio Avea oe tamā ma fa’ata’ita’iga lelei o le kerisiano loto alofa Mo Tupulaga Talavou: 4. Avea oe ma fa’ata’ita’iga lelei i nisi tupulaga talavou Aso Sa, Iulai 24, 2016 Mataupu: LEPETIA E LE ATUA INA IA TOE FA’AFOUINA. (Demolished to Rebuild) Tusi Faitau: Ieremia 31:27–34 Matua: Ieremia 31:28 E pei ona Ou lamalama ia te i latou, ina ia Ou lia’iina, ma lepetia, ia Ou sōloia fo’i, ma fa’aumatia, ma fa’atigaina; e fa’apea fo’i ona ona ou leoleo ia te i latou, ia Ou atina’e, ma totōina, ua fetalai mai ai le Ali’i. 1. 2. 3. E maua le malū pe ā mavae le afā O le fa’afouina a le Atua e amata mai i totonu, ae atagia i fafo O le fa’afouina a le Atua e tumau e fa’avavau Mo Tupulaga Talavou: 4. E leai se mea e faigata i le Atua 11 Aso Sa, Iulai 31, 2016 Mataupu: E LĒ FA’AITU’AU LE ATUA. (God has no favourites) Tusi Faitau: Galuega 10:34–43 Matua: Galuega 10:34 Ona o’o atu lea o le lauga a Peteru, ua fa’apea atu, E moni, ua ou iloa e lē fa’ailogaina tagata e le Atua. 1. 2. 3. E talia e le Atua le tagata e mata’u ia te Ia. E fiafia ma naunau le Atua i lē e faia le amiotonu. O le fa’aolataga a le Atua o le faitoto’a e matala pea mo tagata uma, e o’o i tagata agasala. Mo Tupulaga Talavou: 4. E tutusa lelei lava fanau talavou ma tagata matutua i le silafaga a le Atua. AUKUSO Aso Sa, Aokuso 07, 2016 FA’AFOUINA Mataupu: FA’AFOUINA MA FA’ATUMAUINA. (Renewed and Restored) Tusi Faitau: Ieremia 15:15–21 Matua: Ieremia 15:19e Afai e te fo’i mai, ona Ou toe fa’afoisia mai lea o oe... 1. 2. 3. E fa’afouina ma fa’atumauina le mafutaga ma le Atua, pe ā fo’i i le Ali’i i le loto salamō fa’amaoni O le vala’au alofa, e lavea’i ai tatou mai puapuaga Fa’afouina ma fa’atumauina i tatou i le alofa tunoa o le Atua Mo Tupulaga Talavou: 4. Afai e i ai se sasi ma se sesē, e i ai pea le avanoa e toe fa’afouina ai Aso Sa, Aokuso 14, 2016 Mataupu: O LE TAGATANU’U KERISIANO. (The Christian Citizen) Tusi Faitau: Mataio 22:15–22 Matua: Mataio 22:21e …o mea a Kaisara ia outou avatu ia Kaisara, a’o mea a le Atua, ia avatu ia i le Atua. 1. 2. 3. O tagatanu’u o le malo o le Atua, o ē faia le finagalo o le Atua i le lalolagi. Avea oe ma malamalama i le lalolagi pogisa. Avea oe ma sitiseni fa’amaoni o le malo o le Atua. Mo Tupulaga Talavou: 4. Fa’amautu lelei lou sitiseni i le malo o Keriso. 12 Aso Sa, Aokuso 21, 2016 Mataupu: TAUSINIŌ I LE MANUMALO. (Run to Win.) Tusi Faitau: 1 Korinito 9:24–27 Matua: 1 Korinito 9:24e Ia fa’apea ona outou tausiniō, ina ia outou maua. 1. 2. 3. O lē tausinio ma le fa’amaoni, e maua lona taui lelei. Aiseā e to’aitiiti ai e manumalo mai le to’atele o ē tausiniō. Fetalai Iesu, a fia manumalo, ia avea oe ma mulimuli. Mo Tupulaga Talavou: 4. O le loto maualalo, e maua ai malo. Aso Sa, Aokuso 28, 2016 Mataupu: E FAIGATA I SE Ā ONA USITA’I? (Why so difficult to obey?) Tusi Faitau: 2 Tupu 5:1–14 Matua: 2 Tupu 5:13e Sena e, ana fai atu e le perofeta se mea telē ia te oe, e te lē faia ea? 1. 2. 3. E lē ‘alo tiga/puapuaga i lou mamalu ma sou malosi. E tāua mea faigofie o le olaga. Talia ala o le Atua e te manuia ai. Mo Tupulaga Talavou: 4. Tu’u lou loto ma ou mana’o, ae usita’i e te manuia ai. SETEMA Aso Sa, Setema 04, 2016 FA’AFOUINA Mataupu: O VAE MATAGOFIE. (Beautiful Feet) Tusi Faitau: Roma 10:14–21 Matua: Roma 10:15 …E matagofie nauā o latou vae o ē aumai le tala lelei i le manuia! 1. 2. 3. E iloa i gaioiga a vae le mea o lo’o i le loto o le tagata. Ia aoga vae e femoei e faia feau ma le finagalo o le Ali’i. E pupula ma malamalama mea uma e savavali ai le fanau a le Atua. Mo Tupulaga Talavou: 4. Ave ou vae mo Iesu ma Ana feau e t manuia ai. 13 Aso Sa, Setema 11, 2016 Mataupu: O LE TUSI VALA’AU PAIA. (Divine Invitation) Tusi Faitau: Isaia 1:18–20 Matua: Isaia 1:18a O mai ia, ina tatou filifili ia, e ui lava ina pei o ofu mumū a outou agasala, e sisina ia e pei o le kiona... 1. 2. 3. Vala’aulia e le Atua tagata agasala. Vala’aulia e le Atua tagata matitiva. Vala’aulia e Iesu e vaivai ma mamafa a latou avega. Mo Tupulaga Talavou: 4. O lou vala’aulia, o le fa’ailoga lena ua amanaia oe e le Atua. Aso Sa, Setema 18, 2016 Mataupu: O LE SAVALIGA VALALATA MA LE ATUA. (A closer walk with God) Tusi Faitau: Mataio 28:16–20 Matua: Mataio 28:20e ...fa’auta fo’i, Ou te ia te outou i aso uma lava, e o’o lava i le gata’aga o le lalolagi. 1. 2. 3. O tatou o so’o vala’auina o Iesu? O tiute o le avea ma Kerisiano. O le fa’amanuiaga aupito maualuga, o le fa’amagaloina e ala i le maliu ma le toetu o Keriso. Mo Tupulaga Talavou: 4. O le fa’amanuiaga sili mai ia Iesu, o lou avea lea ma totino o Lana Ekalesia. Aso Sa, Setema 25, 2016 Mataupu: TA’U ATU MEA E TELE UA FAIA E LE ATUA MO OE. (Tell how much God has done for you) Tusi Faitau: Mareko 5:14–20 Matua: Mareko 5:19e Alu atu ia oe i lou fale, i lou aiga, ma ia e ta’u atu ia te i latou mea tetele ua faia e le Ali’i ia te oe... 1. 2. 3. O le aiga e amata ai ona e tala’i atu le Atua. Ia avea oe ma a’u ma tala e fa’amatala e le Atua i se isi tagata. O lo tatou tiute le tala’i atu o Lona alofa ma Lona agalelei. Mo Tupulaga Talavou: 4. O ē iloa ma mautinoa le agalelei ma le fa’amaoni o le Atua ia te oe? 14 OKETOPA Aso Sa, Oketopa 02, 2016 FA’AFOUINA Mataupu: O TIUTE O MATUA I LE AIGA (The parent’s duties at home) Tusi Faitau: Teuteronome 6:1–9 Matua: Teuteronome 6:7 Ia e matuā a’oa’o so’o ai i lau fanau, ma ia e tautalatala a’i, pe ā e nofo i lou fale, pe ā e savali fo’i i le ala, pe ā e taoto, pe ā e tula’i fo’i. 1. 2. 3. Amuia le tagata e a’oa’o lana fanau e tusa ma le finagalo o le Atua. ‘Aua e te a’oa’o lau fanau i le ola mimita, fia sili, ma le fa’avi’ivi’i. A’oa’o le tama e tusa o lona ala, a matua e lē toe te’a ‘ese ai. Mo Tupulaga Talavou: 4. Ia fa’alogo ma usita’i i le a’oa’o mai o matua e uiga i le alofa o le Atua. Aso Sa, Oketopa 09, 2016 Tusi Faitau: Mareko 10:13–16 Matua: Mareko 10:13a Ona latou aumai lea o tamaiti ia te Ia, ina ia pa’i ane o Ia ia te i latou… Mataupu: O FANAU MA LE EKALESIA. (The Children and the church) 1. O fanau o mea’alofa mai le Atua e ao ona tatou tausi fa’apelepele i ai 2. Ua si’itia e Iesu le tāua o tamaiti i totonu o le aiga o le Atua. 3. O le talitonu ma le fa’atuatua fa’atamaititi, o le ala i le Malo o le Atua Mo Tupulaga Talavou: 4. Ia manatua e tāua ma amanaia oe le talavou i totonu o le aiga o le Atua. Aso Sa, Oketopa 16, 2016 Mataupu: O LE AIGA KERISIANO (The Christian family) Tusi Faitau: 1 Peteru 3:1–7 Matua: 1 Peteru 3:7 Ia fa’apea outou tane, ia fai le aiga ma le poto, ia fa’autauta i le tino vaivai o le fafine, ma āva ia te ia ona ua tofia fa’atasi i le ola e foa’ifuaina mai, ina ne’i fa’alavelaveina a outou tatalo. 1. 2. 3. Ia usita’i tinā ia tamā, pei ona usita’i Iesu i Ona matua, ma Lona Tamā oi le lagi. Ia alofa tamā ia tinā pei ona alofa Keriso i Lana Ekalesia. O le fa’amoemoe maualuga o tamā ma tinā ia fa’aolaina le aiga. Mo Tupulaga Talavou: 4. Ia avea lou talavou ma foliga paia o Keriso i totonu o lou aiga. 15 Aso Sa, Oketopa 23, 2016 Mataupu: IA PULEA LOU LOTO TIGA. (Manage your anger.) Tusi Faitau: Filipi 2:1–4 Matua: Filipi 2:3 ‘Aua ne’i faia se mea e tasi ma le finau vale, ma le mitamita fua; a ia ta’itasi outou ma manatu ma le loto maulalo, ua sili nisi is te ia. 1. 2. 3. O le ita o le mea a le tiapolo. Ia fa’aalia le filemu o le Atua e ala i le teuteu lelei o le loto. E lē afaina le loto tigā, a ia lē tupu mai ai le agasala. Mo Tupulaga Talavou: 4. E sili le tagata na te pulea lona loto, nai lo le toa na te ā’ea le olo. Aso Sa, Oketopa 30, 2016 Mataupu: O TAGATA MALAGA MAFATIA (The Distressed Travelers) Tusi Faitau: Mataio 11:25–30 Matua: Mataio 11:28 Ia outou o mai ia te A’u, o outou uma o ē tigaina ma mafatia i avega, o A’u fo’i e malolo ai outou. 1. 2. 3. E mafatia ma tigaina le tagata e fa’amoemoe i lona lava malosi. Ave i le Ali’i a tatou avega uma, e mapu ai o tatou loto ma agaga. O lo’o i a’ao o le Ali’i le mapusaga sili mo tagata puapuagatia. Mo Tupulaga Talavou: 4. E sili mamao atu Iesu nai lo lau uo lena e te fiafia i ai. NOVEMA Aso Sa, Novema 06, 2016 FA’AFOUINA Mataupu: O LE MEA’ALOFA O LE VAI OLA. (The gift of Living Water.) Tusi Faitau: Ioane 4:10–15 Matua: Ioane 4:14a A’o se inu i le vai Ou te avatua ia te ia, e lē toe fia inu lava ia... 1. 2. 3. E tatau lava ona inu tagata uma i le Vai Ola mai le lagi. O le Vai Ola, o le vai o lo’o i ai le ola na te aumaia ma fa’atupu le ola. O Keriso o le Vai Ola e te’a ai le galala o tagata uma. Mo Tupulaga Talavou: 4. O le ā le vai o lo’o e fiafia e inu ai i aso uma? 16 Aso Sa, Novema 13, 2016 Mataupu: FA’ATALITALI I LE ALI’I. (Waiting on the Lord.) Tusi Faitau: Auega 3:19-33 Matua: Auega 3:25 O lo’o agalelei le Ali’i i ē fa’atalitali ia te Ia, o le tagata e saili ia te Ia. 1. 2. 3. E fa’amalie e le Ali’i o tatou mana’o uma. E aumai e le Ali’i le malosi e fa’aauau ai Lana galuega. O le mana o Lona Agaga Paia e fa’aatoatoaina ai lo tatou lē atoatoa . Mo Tupulaga Talavou: 4. A’o ē fa’atalitali i le Ali’i, e toe fa’afouina lo latou malosi… Aso Sa, Novema 20, 2016 Mataupu: OLIOLI I TOTONU O MEA FA’ATAUVA’A O LE OLAGA. (Joy in the vanity of life.) Tusi Faitau: Failauga 2:18–26 Matua: Failauga 2:24e Ua ou iloa fo’i le mea nei. E mai le a’ao o le Atua lea. 1. 2. 3. E maua le olioli ma le fa’atuatua ina ua ola mo le Atua . E lē maua e se tasi le olioli moni pe ā lē mata’u i le Atua . O le alofa moni i le Atua, o le ola foa’i atu lea. Mo Tupulaga Talavou: 4. E lē aoga le olaga e aunoa ma le Atua. Ia ave lou ola mo le Atua i aso uma. Aso Sa, Novema 27, 2016 Mataupu: O LE LOTO MALIE E MAUA I LE ATUA. (Contentment in God.) Tusi Faitau: Eperu 13:1–6 Matua: Eperu 13:5 Ia aunoa a outou amio ma le matape’ape’a; ia gata ia o outou mana’o i mea ua ia te outou; auā ua fetalai mai ai o Ia, Ou te lē tu’ua lava oe, ou te lē tu’ulafoa’i lava ia te oe. 1. 2. 3. E lē tu’una i tatou e le Atua, e fa’atasi mai i taimi uma. O amioga a le ‘au matape’ape’a, ua pisipisia ai le Ekalesia. O le Atua e mālie ai o tatou mana’o i mea lelei uma. Mo Tupulaga Talavou: 4. Manatua, e lē o mea uma e i’ila o ni auro ia. 17 TESEMA Aso Sa, Tesema 04, 2016 FA’AFOUINA Mataupu: TALIA IESU O LE OLA (Receive Jesus of Life.) Tusi Faitau: 1 Ioane 5:6–12 Matua: 1 Ioane 5:12 O lē o ia te ia le Alo, o ia te ia le ola; o le e lē o ia te le Alo o le Atua, e lē o ia te ia le ola. 1. 2. 3. O lē ua fa’atuatua fa’amaoni ia Iesu, ua ia te ia le ola O le femoumoua’i ma le masalosalo, o uiga ia o le leai o se fa’atuatua O Iesu o le Areto o le Ola mo agaga o lo’o galala i le ala Mo Tupulaga Talavou: 4. Talia Iesu i lou loto, ma ola ai i Ana a’oa’oga Aso Sa, Tesema 11, 2016 Mataupu: O LE TUPU I LAVALAVA MASAESAE (The peasant King.) Tusi Faitau: Isaia 53:1–10 Matua: Isaia 53:2e E lē aulelei pe lalelei o Ia; a tatou va’ava’ai ia te Ia e leai sona matagofie, …tatou manana’o ai ia te Ia. 1. 2. 3. O le Tupu ua inosia ma tu’ulafoa’iina e Ona lava tagata O le Tupu na sāuaina ma maliu ina ia ola manuia Ona tagata O le Tupu auauna, o le tupu inosia, o le tupu amusia Mo Tupulaga Talavou: 4. Ia fai Iesu ma Tupu i lou olaga talavou Aso Sa, Tesema 18, 2016 Mataupu: O LE FETU TA’IALA (The Guiding Star.) Tusi Faitau: Numera 24:15–19 Matua: Numera 24:17a Ou te iloa o ia, ae lē o ona po nei; ou te va’ai atu ia te ia, ae lē latalata mai, e alu le fetu mai ia Iakopo... 1. 2. 3. Ta’iala manino e fa’atonu ai sauniga ma tapua’iga Ta’iala e tupu ai le loto fa’amaoni i sauniga ma tapua’iga Ta’iala e fa’aauau ai pea le ola tapua’i o tagata ma le Ekalesia Mo Tupulaga Talavou: 4. Ta’iala mautinoa lea mo le olaga lelei ma manuia 18 Aso Sa, Tesema 25, 2016 (Aso Kerisimasi) Mataupu: UA LIUTINO TAGATA LE ATUA (God Incarnate.) Tusi Faitau: Eperu 2:5–9 Matua: Eperu 2:6e Se ā ea le tagata ua e manatu mai ai ia te ia; po’o le atali’i o le tagata ua e asiasi mai ai ia te ia? 1. 2. 3. E le’i fa’atagā fai ma tagata Iesu; auā o Ia lava o le tagata moni E lē fa’anenefu le taunu’uga o Lona fai ma tagata Ua mautinoa le lumana’i o Lona fai ma tagata Mo Tupulaga Talavou: 4. Na liutino tagata Iesu mo tagata, aiseā? 19