17. O Se Aiga Fiafia
Transcript
17. O Se Aiga Fiafia
Lesona 17 O SE AIGA FIAFIA O le Aiga Atoatoa Ona Lelei Na faatonuina se tagata tusi ata ina ia valiina se ata e faailoa mai ai le saogalemu, alofa, ma le filemu. Ina ua mavae ona ia manatunatu loloto e faatatau i uiga taitasi, na ia filifili mulimuli ai lava, o lenei manaoga e mafai ona fa’aataina mai i se tulaga sili lava, i le filemu ma le saogalemu o se aiga fiafia. E moni o le tulaga sili lava lenei e manaomia e tagata uma lava, o le tapula’a lenei e moe miti i ai tagata uma lava. O le faamoemoe o le fiafia moni ma le loto malie i luga o le fogaeleele lenei ma se olaga o le fiafia faalelagi, o loo moe miti i ai le toatele o tagata, peitai e matuā to’aitiiti lava i latou e foliga mai o loo latou mauaina lenei sini sili ona taua. O le tele o faaipoipoga, e amata i le tulaga sa’o, i le ti’eti’e o le ulugalii i ao matagofie lava o faamoemoega fiafia ma naunautaiga mo le lumana’i. Aisea e o’o mai ai le malepelepe ma ona faanoanoaga o le loto nutimomoia ma tete’aga? Aisea ua matuā tele ai aiga lē fiafia, fanau nunumi lē malamalama, ma matua ua tete’a? O le siitiaina o le aigā tagata, e amata i tagata taitoatasi, ma avea ai loa ma mea moni pe a ola ai i totonu o le aiga. O le aafiaga o le aiga e sili atu ona lautele nai lo tuaoi. E aafia ai le lalolagi atoa lava lea o loo fausiaina a’e i aiga. O le lalolagi, e pa’ū maulalo faaleagaga ma faapena ai foi i le amio, pe a leai se mea sili atu ona lelei e ofoina atu e le aiga nai lo mea na a’oa’oina ma faatinoina e i latou lava talu mai le avea o i latou ma tamaiti laiti. O meatotino, tupe, tofiga, ma uo, e i ai uma lava o latou nofoaga, peitai o nei mea uma, e lē mafai ona aumaia le fiafia tumau. O le fiafia tumau, e faato’a mafai lava ona maua i le nofoaga o loo ola ai i se olaga faatinoina, i aso taitasi o le mata’u i le Atua. E tatau ona fiafia tagata uma lava, ma o lenei ituaiga fiafiaga e mafai ona maua e tagata uma. AMATAGA O LE AIGA FIAFIA “…a’o Atamu, e le’i maua se fesoasoani e tatau ma ia.” – Kenese 2:20. O lea na foafoaina ai e le Atua se fesoasoani: Na fetalai mai foi Ieova le Atua, E lē lelei ina toatasi o le tagata; ou te faia sona fesoasoani e tatau ma ia.” – Kenese 2:18. Na atoatoa ona lelei o le tane ma le fafine ina ua foafoaina ma tu’ufaatasia i la’ua e le Atua i le faaipoipoga paia. E lē’i faia tagata ina ia nonofo taitoatasi. I le tuufaatasia o olaga e lua i se sootaga o le avea ma tino e tasi, na faatuina ai e lo tatou Atua na foafoaina i tatou, le ‘tulafono o le faaipoipoga’. “O le mea lea e tuua ai e le tane lona tamā ma lona tinā, ae faatasi ma lana avā; ona avea ai lea o i laua ma tino e tasi.” – Kenese 2:24. 1 “O lea e lē toe to’alua ai, a’o le tino e tasi i la’ua; o lenei, o ē ua faatasia e le Atua, aua ne’i faate’aeseina e se tagata.” – Mataio 19:6. O le faatoaga o Etena, o se meaalofa sili lenei ona matagofie na foa’iina atu e le Atua i le ulugalii. Na matagofie ona siomaga ma o se faatusa lea o le aiga ma le siosiomaga o le aiga, mo aiga fiafia oi lumana’i i luga o lenei lalolagi. E le’i umi talu ona pa’ū le tagata, na faamaulaloina ai loa le sauniga paia o le faaipoipoga i se tulaga maulalo lava, o lea e le’i toe mafai ai loa ona onosaia e le Atua le agasala o faaipoipoga lē faapaiaina (ma isi amioga leaga) i tagata sa nonofo i le lalolagi. O lenei uiga leaga na matuā leaga lava lona aafiaga leaga i tagata o le Atua na totoe, o lea na i’u ai loa ina faaumatia e le Atua tagata amio leaga o le lalolagi i le lolo. “Ua o’o ina amata ona faatoateleina o tagata i le fogaeleele, ma ua fanauina e i latou o afafine, Ona vaavaai lea o atalii o le Atua i afafine o tagata, ua lalelei lava i latou; ona fai avā ai lea o i latou i fafine uma ua latou loto i ai.” – Kenese 6:1,2. O faaipoipoga faasaina i le va o fanau a tagata amiotonu ma fanau a tagata lē talitonu na faaosofiaina ai le amioleaga ina ia salalau vave lava i le lalolagi uma ma na i’u ai i le faaumatiaina o tagata o le lalolagi tuai. O lenei amo faalēgatasi, o le tasi lenei o mafuaaga o le faaleagaina o tagata i agasala i le taimi lenei. “Aua tou te amo faalegatasi ma e le talitonu; auā pe faapefea ona faatasi o le amiotonu ma le amio leaga? Pe faapefea foi ona mafuta o le malamalama ma le pouliuli? Pe faapefea foi ona loto gatasi o Keriso ma Pelialo? Pe faapefea foi ona tofusia faatasi o lē talitonu ma lē ua le talitonu?” – 2 Korinito 6:14, 15. O le fuafuaga a le Atua e ala mai i le tala lelei, o le toe fa’afo’isiaina lea o le faaipoipoga i lona ulua’i tulaga paia. O aiga ua tete’a ona o mafuaaga eseese, e mafai ona toe faatasia e ala i le tala lelei. O matua ma fanau, e tatau ona fesootaia faatasi i totonu o se aiga fiafia. “Faauta, o le a ou auina atu ia te outou o Elia le perofeta, a’o le’i o’o mai le aso o Ieova e sili, ma le matautia. O le a ia faaliliuina loto o matua i fanau, ma loto o fanau i o latou matua; ne’i o’u alu atu, ma ou taia le laueleele i se mala.” – Malaki 4:5,6. “O le a mua’i sau lava Elia, ma toe fuata’i mea uma.” – Mataio 17:11. O le toe fuataiga atoatoa ona lelei, e faato’a faataunuuina moni lava pe a loto gatasi le toe fuata’iga ma le Upu a le Atua. MATAFAIOI O LE TANE O le fiafia i totonu o le aiga, e faalagolago atu lea i se tulaga tele lava, i le tane. E tatau ona naunau o ia i le manuia o lona aiga. O ona lagona alofa i lana avā ma 2 lana fanau, e aoga tele lea. O ana upu e tatau ona mālū, e tumu i le alofa, ae e mausali foi. Ua fai mai le tane poto ia i tatou: “O le tali filemu e liliueseina ai le ita; a’o le upu faatiga e tupu ai le ita. O laulaufaiva o e popoto e faafiafia tagata i le poto; a’o gutu o e valelea e luai mai ai le valea.” – Faataoto 15:1, 2. O le tane, e lē tatau lava ona galo ia te ia, o lana matafaioi lona aiga. O ia o le ulu o le aiga: “Auā o le tane, o le ulu ia o le avā, pei o Keriso foi o le ulu ia o le ekalesia:…” – Efeso 5:23. E ui lava ina avea ma ulu le tane, e lē tatau ona ia solia i ona vae lana avā. O Eva na aumaia o ia mai i le itu o Atamu, ina ia faatusalia mai ai lona tulaga i ona tafatafa. E le’i fuafuaina e le Atua ina ia pule Eva, a ia avea o ia ma fesoasoani ma paaga. E tatau i tane ona alolofa i a latou avā; e tatau ia i la’ua taitoatasi ona fa’aatoaina e le tasi, le tasi. “O outou tane, ia outou alolofa atu i a outou lava avā, faapei o Keriso foi ona alofa mai i le ekalesia, ma foa’iina mai e ia ia te ia e fai mona sui;” – Efeso 5:25. A sau le tane i le fale, e ao ona ia tuueseina ona faafitauli o le aso. E tatau ona ia foliga fiafia ma ia i ai ni ana upu faaaloalo mo lona aiga. E manaomia e lana avā ma lana fanau lana fautuaga, o lona malosi ma lana fesoasoani, o lona agalelei, ma le alofa mutimutivale. ‘Faamolemole’, ‘faamagalo mai a’u’, ‘ou te faatoese atu,’ ‘faafetai’, o upu nei e tatau ona avea ma upu e oso faalenatura mai i ona laugutu. O se tane lelei o le a ia pulea lona aiga ma le poto: “A’o le poto mai luga e muamua ona mamā, i le ua filemu, e agamalu, e gaua’i gofie, e tumu i le alofa ma fua lelei, e le alofa faapito, e le faataga fai.” – Iakopo 3:17. O uiga ma amioga a matua i ā latou fanau, e matuā taua lava. A folasia e matua se faata’ita’iga lelei, o le a vave lava ona mulimuli ai le fanau. O gaioiga, e sili atu ona leotele nai lo upu. E lē tatau ona faaonoono matua i fanau: “O outou tamā foi, aua ne’i tou faaonoono atu i a outou fanau, a ia tausi atu i ai i a’oa’iga ma apoapoa’iga a le Alii.” – Efeso 6:4. Afai e faataunuuina e le tane lona tiute, ua ia faatinoina foi laasaga muamua lava agai atu i le fiafiaga i totonu o le aiga. MATAFAIOI O LE AVĀ O le fiafiaga foi e faalagolago foi i le avā. Atonu e lē fiafia o ia i meafale o le fale. O le a tula’i mai faitioga lē aoga. O lona lē lavā ma lona vaivai tele, atonu o le a faaitiitia lona onosai. A sau le tane i le fale, e lē tatau ona soona lafoina atu i ai faafitauli uma lava o le aso. Fai mai Solomona: “E lelei ona nofo i le vao, ae leaga ona nofo ma le fafine faamisa ma le faaitaitagofie.” – Faataoto 21:19. “O lenei, faapei ona usiusitai o le ekalesia ia Keriso, ia faapea foi fafine i a latou lava tane i mea uma lava.” – Efeso 5:24. 3 “O outou fafine, ia outou usiusitai atu i a outou lava tane, pei ona tatau i le Alii.” – Kolose 3:18. Afai e faia e le tane gaioiga ma manaoga lē fetaui ma manao ai i mea e feteena’i ma le finagalo o le Alii, e lē tatau i le avā ona ia usitai ia te ia. Peitai afai e tutusa ma le finagalo o le Alii le manaoga o le tane, o le tiute o le avā lona usitai ma taliaina le filifiliga a le tane, auā o le faatonuga lea a le Atua. Ae ui i lea, e seāseā tupu lenei tulaga, auā o i la’ua uma e to’alua e tatau ona galulue faatasi o le tasi ma le tasi e faatatau i manaoga ma naunautaiga o le tasi a’o le’i faia filifiliga. A’o alu ese le tane mai i le aiga, ua i ai i le avā le matafaioi e a’oa’o ai le fanau ma fafauina a latou amio. O lenei galuega o se matafaioi lea o le olaga atoa ma afai e faamaoni le avā, o le a tauia o ia i uiga matagofie o se aiga faatapulaaina lelei iinei, ma le folafolaga o se aiga lē vaeluaina i le lagi. O le tina o Timoteo ma le tina o lona tina, o faataitaiga nei o tina faamaoni: “Ua ou manatua le faatuatua faamaoni ua ia te oe, sa mua’i i ai ia Loi o le tinā o lou tinā, atoa ma Eunike lou tinā; o la’u taofi o loo ia te oe foi.” – 2 Timoteo 1:5. O se fafine finafinau, faamaoni, e matuā sili atu lona taua nai lo soo se meatotino lava e mafai ona maua o le olaga nei: “O le avā amio lelei, o ai ea se ua maua? E silisili lona tau i penina. Ua faatuatua ia te ia le loto o lana tane; e lē mativa o ia i oloa. E agalelei o ia iā te ia, ae lē agaleaga i aso uma o lona olaga.” “Ua vaavaai o ia i amioga a lona aiga; e lē ‘ai foi o ia mea e ‘ai a le paie. E tula’i mai lana fanau, ma faafetai ia te ia; o lana tane foi ua vivii ia te ia.” – Faataoto 31:10-12, 27, 28. O LE A’OA’OGA O FANAU O le a’oa’oga o fanau i totonu o le aiga, e tatau ona amata mai a’o laiti lava i latou. Latou te manaomia ina ia latou fausiaina masaniga sa’o ma le koleniga a’o pepe lava i latou. O o latou mafaufau o loo laiti lava, ma e faigofie lava ona a’oa’oina i latou i amioga sa’o. “A’oa’o le tama i le ala e tatau ona savali ai o ia; a o’o ina toea’ina lava o ia, o le a lē toe te’a ese ai lava.” – Faataoto 22:6. E lē tatau ona faagaloina e matua, o i latou o loo i ai le matafaioi mo le lumanai o a latou fanau. A’o le isi foi itu, e tatau i le fanau ona latou iloa le poloaiga lona lima e ala i le taulotoina ma le faatinoina foi: “Ia ē ava i lou tama ma lou tina: ina ia faalevalevaina ai ou aso i le nu’u ua foa’iina mai e IEOVA lou Atua ia te oe.” – Esoto 20:12. “O outou le fanau, ia outou usiusita’i i o outou matua i le Alii, auā o le mea tonu lava lea. Ia ē ava i lou tama ma lou tina; o le poloa’iga muamua lava lea ua i ai le folafolaga;”- Efeso 6:1, 2. 4 O nisi o taimi, o a’oa’oga ina ia fa’asa’o le amio, e aofia ai le faasalaina. Fai mai le tupu poto o Solomona: “O le sasa ma le a’oa’iga e tupu ai le poto; a’o le tama ua tuulafoa’iina, e tupu ai le mā o lona tina.” “Ia e a’oa’i i lou atalii, ona e maua ai lea se filemu; e tupu ai le fiafia i lou loto.” – Faataoto 29:15, 17. O se tapuaiga faatinoina i totonu o se aiga, e matuā taua lava. O taeao taitasi uma lava ma afiafi taitasi uma lava, e tatau ai ona o mai faatasi uma le aiga ina ia ofoina atu a latou tatalo i le Atua. O le fanau, e tatau foi ona latou auai i lenei tapuaiga. O le faitauina o le Tusi Paia, e aoga tele i lenei taimi taua tele o le a’oa’oga, auā e fausiaina ai se pa puipui e puipuia ai le fanau. “Talu ona ē tamaitiiti ua ē iloa Tusi Paia, e mafaia ona faapoto ai ia te oe e i’u ai i le ola i le faatuatua ua ia Keriso Iesu.” – 2 Timoteo 3:15. O le li’o o le aiga, o le a’oga lea e maua ai e le tamaititi ana lesona muamua lava ma sili ona tumau. O o latou lava aiga o le laueleele faamisionare muamua lava lea e manaomia ina ia galulue ai matua. “Ia ē manatua Lē na faia oe i ona po o lou taule’ale’a, a’o le’i o’o mai aso leaga, a’o le’i o’o mai foi tausaga e te faapea ai, E leai so’u fiafia i ai;” – Failauga 12:1. O LE FA’ATAITAIGA SILI ONA LELEI O LE AIGA O outou fafine, ia outou usiusitai atu i a outou lava tane, e pei ona tatau i le Alii. O outou tane, ia outou alolofa atu i a outou avā, aua foi ne’i faaonoono ia te i latou. O outou le fanau, ia outou faalogo i o outou matua i mea uma; auā o le mea malie lea i le Alii.” – Kolose 3:18-21. O le aiga, e i ai lona li’o paia lea e lē tatau ona aiāina e se tasi. O tane ma avā, e tatau ona latou tauaveina e le tasi avega a le isi, ma ia taofia i totonu ia i la’ua lava, sese uma lava e ono iloa e le tasi e faatatau i le isi. E leai lava se isi, a ua na o Iesu lava e tatau ona iloaina mea uma e tutupu i totonu o le li’o o le faaipoipoga. E tatau ona la fesili ia te Ia poo le a le mea e sa’o ma tonu ae poo le a foi le mea e sese, auā o Ia o le a la talatalaina atu i ai se tala. O le ki i le fiafia ,o loo maua lea i fuaiupu o loo mulimuli mai o le Tusi Paia: “Amuia i latou uma o e matata’u ia Ieova, o e savavali i ona ala. Auā e te ‘ai i mea e galue ai ou lima; o le a ia te oe le fiafia, o le a ia te oe foi le lelei.” – Salamo 128:1, 2. Manatua ina ia mata’u ia Ieova, ma savali i Ona ala, ma ‘ai ai i galuega a ou lima, auā o le ala lenei i le fiafia. Fai mai le folafolaga: “o le a ia te oe le fiafia, o le a ia te oe foi le lelei.” O tane, avā, ma le fanau, e tatau ona latou finafinau ina ia faataunuuina o latou tiute. O o latou aiga, e mafai ona avea ma lagi i luga o le fogaeleele, poo le pa’ū 5 maulalo foi i le avea ma seoli o loo ola ai. Ia faia lou aiga o se aiga fiafia, e ala i le savali i fautuaga a le Atua. Pe a toe afio mai Iesu, e toatele matua faamaoni o le a aumaia a latou fanau i le Alii. Ua faaolaina i latou ona o a latou taumafaiga lē mafaavaivaia ma a latou tatalo finafinau: “Faauta, o a’u nei ma le fanau, ua foa’iina mai ia te a’u e Ieova, e fai ma faailoga ma mea e ofo ai ia Isaraelu mai ia Ieova o ‘au, o Lē afio i le mauga o Siona.” – Isaia 8:18. Lomia e le: Upu Moni Mo Le Taimi Lenei PO Box 6458 Apia WESTERN SAMOA 6 O SE AIGA FIAFIA O le Aiga Atoatoa Ona Lelei 1. O le a le fuafuaga atoatoa ona lelei a le Atua mo le aiga? _________________________________________________________ _________________________________________________________ _________________________________________________________ 2. O anafea na amata mai ai le aiga? (Vase lalo o le tali sa’o) a) Ina ua mavae le lolo. b) Ina ua mae’a le ulua’i faaipoipoga i Etena. c) Ina ua fanau Iesu. 3. Ta’u mai matafaioi sili ona taua o se tane Kerisiano. _________________________________________________________ _________________________________________________________ _________________________________________________________ 4. Ta’u mai matafaioi sili ona taua o se avā Kerisiano. _________________________________________________________ _________________________________________________________ _________________________________________________________ Fa’auma le fuaiupu o le Tusi Paia: “A’oa’o ia i le _________ e tusa ma le _________ e tatau ona savali ai; a o’o ina_________ lava o ia, o le a le__________ ese ai.” Faataoto 5. 22:6. 6. O le fea fuaiupu o le Tusi Paia o loo faailoa mai ai le mea lilo i le fiafia moni? __________________________________________________________ __________________________________________________________ __________________________________________________________ __________________________________________________________ 7. Aumai se faagaioiga e tasi o le a fesoasoani e faatupulaia ai le loto gatasi i totonu o le li’o o le aiga Kerisiano. _________________________________________________________ _________________________________________________________ 7 Auala & Numera ________________________ Nuu/Taulaga/Aai ________________________ Setete _________Numera Itumalō ________ Atunuu _______________________________ Faamolemole faafo’i lenei Ta’iala Toe Iloiloina i le Tuatusi lenei: SU’ESU’EGA FETUSIA’I o le UPU MONI MO LE TAIMI LENEI P O Box 6458, Apia, Western Samoa TA’IALA TOE ILOILOINA - LESONA 17 8