docclub alpin svizzer - CAS Engiadina Bassa
download 
Reclamo Transcript
club alpin svizzer - CAS Engiadina Bassa
54. cudeschin 12:2016 www.alpinist.ch club alpin svizzer Secziun Engiadina Bassa I Val Müstair CUNTGNÜ 3 5 6 14 15 17 26 29 32 38 Editorial Da la suprastanza CAS Legendas Rampignar in sala per famiglias ed uffants 2017 Manaders(-dras) as preschaintan Ün sguard inavo Program da gitas d’inviern 2017 : CAS Program da gitas d’inviern 2017: Traideschins I Frizzas Chamonnas Adressas IMPRESSUM redacziun Chasper A. Gaudenz I Mail [email protected] I Tel 081 858 57 71 squitsch Gammeter Druck und Verlag St. Moritz AG I Scuol layout ed inserats Christina Willy-Kraxner I Mail [email protected] I Tel 081 860 32 29 foto fruntaspiz Annina Maria Gaudenz sül Jamjoch, in fuond il Piz Fliana EDITORIAL Editorial inviern 17 Als 1. schner 1892 es gnü installà a New York il prüm büro da registraziun per immigrants i’ls Stadis Units. Als 15 da marz annunzcha Jesse W. Reno in America ils drets da patenta per üna s-chala rodlanta. Pacs mais plü tard vegn fundada ad Atlanta in America üna ditta per furniziun da bavrondas cul nom Coca-Cola. Al astronom Martin Brendel grataja circa dal medem temp da fotografar pella prüma jada la glüm dal nord. In Ingalterra cumparan als 14 d’october 1892 las “Aventüras da Sherlock Holmes”. Als 20 da schner dal medem on es statta la premiera dal drama “Geierwally”. Als 11 lügl sbuorfla ün flüm dad aua da glatscher our dal vadret da la Tête Rousse illa regiun dal Mont Blanc e chaschunescha a Saint-Gervais-les-Bains sur 200 morts. Als 18 schner nascha il comiker Oliver Hardi. 3 El e seis partenari da palc Stan Laurel fan üna cariera mondiala sco “Dick und Doof”. Dürant tuot la stà dal 1892 grataja a Christian Klucker da la Val Fex da muntar pella prüma jada divers pizs in Bergiaglia. La canta dal Badile vegn inspizzada quel on, da tilla rampignar nu til grataja. Als 15 da mai 1892 vegn fundada la secziun Engiadina Bassa / Val Müstair dal Club alpin Svizzer. Quist d’eira bainschi ün pa üna lunga introducziun per gnir sül tema. E pür ans muossan ils chavazzins surnomnats in che temp chi’d es da pakettar aint il fat dals fundaturs. La cuorsa da las prümas muntadas süls pizs renomnats d’eira fingià passada. Christian Klucker inventa nouv l’alpinissem; el nu voul be rivar sül piz ma rivar sün üna ruta interessanta da rampignar al böt. L’ Europa gioda la Bell’ Epoque. I vegn inventà tuot il pussibel, i’s gioda la pasch ed i’s riva ils ögls pellas bellezzas da la natüra. Vo vaivat fat bain vo fundaturs da la secziun! Vo vaivat fat ün club chi ha survivü guerras sanguinusas e fraidas e vo vaivat miss terms chi han survivü e chi survivan scha Dieu voul amo löntsch. Nus ans allegrain pellas festivitats da giubileum per 125 ons CAS EB/VM. Daplü però pür illa Chasper Ans prosma gazetta. Da la suprastanza Charas alpinistas, chars alpinists Il prossem on, dal 2017 festagescha nossa secziun seis 125 avel anniversari. Quai sun 21 ons daplü co’l traget da la Viafier Retica da Bever a Scuol-Tarasp ed eir co’l Parc Naziunal Svizzer. Da quista lunga tradiziun, il plaschair e la paschiun per la natüra e las muntognas eschan fich superbis. Our da quist scoppo laina festagiar il giubileum in ün bel rom cun vus tuots insembel. La suprastanza ha installà ün comitè d’organisaziun, ingio chi fan part commembers da la suprastanza cun ulteriurs voluntaris, chi han muossà interess da’s partecipar. Quista gruppa lavura intensiv vi dal program da giubileum – massa bler nu laina amo tradir. Be tant, cha nus saran preschaints in differentas regiuns da nos territori, cha nus varan üna sporta per plü sportivs sco eir per quels chi piglian jent plü pachific, per giuven e vegl e neir la sparta culturala nu vegn a la cuorta. Tuot in tuot ün program multifari, cha neir il comitè d’organisaziun nu riva da manar tras sainza l’agüd da vus tuots alpinistas ed alpinists. Nus quintain ferm cun vos sustegn e sperain da 5 spordscher cun quai bellas e plaschaivlas festivitats in ün rom famigliar ed adequat. Scha eschan già pro’l tema da la lavur voluntaria - Gianna Rauch Poo, mia antecessura presidenta da la secziun, ha fini in gün seis temp d’uffizi sco suprastanta pro’l comitè central (CC) dal CAS. Davo ot ons, il temp maximal d’uffizi pro’l CC, è’la gnüda onurada per seis ingaschamaint cun fluors ed ün applaus frenetic i’l rom da la radunanza da delegats ad Olten. Per cha nossa secziun saja rapreschantada inavant aint ils gremis, es illa medemma radunanza gnü elet Andri Lansel, nos chaschier e daspö blers ons commember da la suprastanza, aint illa cumischiun sindicatoria dal CC. Ün cordial grazia fich e sinceras gratulaziuns als duos instancabels commembers da nossa secziun, chi s’ingaschan cun corp ed orma e quai plainamaing voluntari per nossa organisaziun. Da lur exaimpel viva nos club e pussibiltescha tras quai a blers commembers da pudair viver lur paschiun per la natüra e pellas muntognas. Salüds sportivs, Heinz CAS legendas GIANNA RAUCH POO Sü viresüsom il cumün da Sent, güst al böt da la pista da sömmis, sta la famiglia Poo Rauch. La chasa fabrichada avant 12 ons, stil modern, construcziun da lain, beton e fier visibel, bod, ma na dal tuot, minergia es situada sün üna spuonda sulagliva cun vista da panorama vers il S-chalambert. Sur chasa pasculescha üna scossa bescha, duos mattas sun sülla pizzalaida be dasper chasa. Id es il dachasa da Gianna Rauch Poo cun seis hom Andri e las duos mattas Selina e Romana. 6 Gianna d’eira lönch presidenta da nossa secziun e blers ons eir aint il CC, Comitè Central dal Club alpin Svizzer. Gianna, üna persuna chi s’ha ingaschada ferm per nossa secziun, per ün proget special e spinus in Val Müstair e chi ha rapreschantà a nossa secziun e nossa regiun eir sün chomp naziunal. Dain ün sguard davo las culissas. Gianna Rauch es nada dal 1971 a Zernez. Seis bap vaiva ün’ ufficina da serrürier. A Zernez ha ella fat las scoulas publicas e cun 16 es ella ida a Samedan a la scoula media per far il gimnasi. L’ambiaint famigliar nu d’eira quel dad otas muntognas e listess s’ha sviluppada dürant si’infanzia, sün bleras spassegiadas e gitas i’l ravuogl da famiglia, l’amur pella natüra e pellas muntognas. Chi sa che ch’ella vess dit da quel temp, sch’ella vess savü cha’l destin tilla maina illa bratscha d’üna guida da muntogna e cha las muntognas vessan da giovar üna rolla importanta i’l cuors da sia vita. Davo la matura es ella ida a Berna ed ha cumanzà cul stüdi d’economia, dret e politologia. Amo dürant il stüdi es ella gnüda eletta dal 1995 in plazza sco actuara cirquitala dal circul Suot Tasna, da quel temp dimena da Scuol, Sent la societed indigena d’elicopter i’l servezzan public Center da sandà Engiadina Bassa Provedimaint integrativ – qualità da vita per mincha generaziun. Ospidal Clinica Curativa Chüra Bogn Engiadina Center da sandà Engiadina Bassa, Via da l‘Ospidal, 7550 Scuol tel. 081 861 10 00, [email protected], www.cseb.ch provedimaint da chamonnas transports da materiel svouls da salvamaint ill’incumbenza da la REGA schluppanter lavinas evacuaziuns svouls panoramics buns da regal Engadin Airport + 41 81 851 18 18 CAS legendas 9 e Ftan. Implü suottastaiva ad ella l’uffizi da scussiun e fallimaint. La lavur d’eira pretensiusa ma intressanta, impustüt ils contacts socials illa lavur pro’l uffizi da scussiun tilla plaschaivan zuond. A seis hom futur, Andri Poo vaiv’ella imprais a cugnuoscher fingià cun 19 ons dürant üna festa da giubileum dal Quintet Alpina a Scuol. I d’eira eir il temp ingio chi han cumanzà per Gianna las activitats d’ir in muntogna. Pervia dad Andri (el d’eira manader) ha ella pudü tour part a las gittas dal OJ, ed es gnüda commembra activa dal CAS ed amo ün pa plü tard es ella gnüda tschernüda il prüm sco actuara e plü tard dal 2004 sco presidenta da la secziun Engiadina Bassa/ Val Müstair. Il medem on, dimena dal 2004 s’han Gianna ed Andri maridats. La nozza es statta als 2 da mai sül Munt Buffalora. I d’eira ün’acziun a la secreta, ningün nu savaiva nouvas, gnanca ils genituors. Be il ravarenda Pernet e las perdüttas chi d’eiran in plain equipamaint da gitas d’inviern, savaivan da la maridaglia. La sua da muntogna ch’els han quel di tschüf sco regal sül piz dal ravarenda, penda amo hoz illa stüva dals Rauchs-Poos, ed ils pleds da nozza dal CAS legendas ravarenda, chi vaivan sco tema la sua chi collia in cas da privel e malsgürezza sun a Gianna ed Andri amo in buna memoria e sco chi para ha la simbolica fat effet a lur lai. Avant lur nozza sun Gianna ed Andri stats bler in viadi. Las destinaziuns as drizzaivan suvent tenor las sportas da rampignar. Uschea suna rivats in Croazia, a Mallorca, in Italia, in Norvegia e dafatta Patagonia e blers oters lös ed adüna vi da bellas paraids da rampignar, saja quai in üerts da rampignar o sün muntognas. In quel temp ha Andri fat la guida e Gianna as sentiva in buns mans. Las gitas privatas cun seis hom toccan pro las plü bellas ch’ella ha in regordanza. In sia funcziun sco presidenta dal CAS EB/VM s’ha Gianna ingaschada cun corp ed orma pels böts dal CAS e per progets definats. Ün da quists progets d’eira l’Alp Sprella. Il CAS EB/VM d’eira gnü contactà d’üna gruppa d’interess our da la Val Müstair cull’ idea da far our da la falombra Alp Sprella in Val Mora üna chamonna dal CAS. Illas directivas dal Club Central d’eira formulà cha nouvas chamonnas nu possan gnir realisadas in Svizra. L’Alp Sprella d’eira però fingià existenta, i nu d’eira dimena da far üna nouva chamonna, dimpersè be da müdar ed adattar ün 10 fabricat existent, üna uscheditta “Umnutzung”. Cun quel trumf in man es Gianna ida pella prüma jada 2007 giò Berna a preschantar l’idea. Bod ün pa stutta d’eir’ la, vezzond cha’l proget es gnü valütà dal CC cun gronda bainvuglientscha. I’s pudaiva uschea spettar agüd, ma na be quai: Pacas eivnas plü tard es gnüda la proposta da far part a la suprastanza dal Comitè Central dal CAS Svizzer. Ella ha surtut la sfida ed es gnüda eletta illa suprastanza sco successura da cusgliera naziunala Gabi Huber. Gianna es gnüda incumbenzada cul decasteri per dumondas da gender per promouver l’actività da las duonnas aint il CAS. Plü tard, dal 2009 ha ella surtut il decasteri da marketing e comunicaziun. Il sustegn da Berna tilla ha eir adüna darcheu motivada da cuntinuar cul proget Alp Sprella. Per gnir inavant cul proget Alp Sprella haja vuglü bleras sezzüdas e discussiuns. I d’eira da trattar cul cumün Val Müstair, culs uffizis grischuns e cullas organisaziuns pella protecziun da la natüra. Na tuots nu d’eiran inchantats d’üna chamonna cun allogi per turists. Diversas organisaziuns ma eir glieud privata vessan amo adüna jent la flacha alba sülla charta da geografia, genuina e surlaschada a la natüra. Ma Gianna es seguida a l’opiniun dals Jauers < Websites cultivadas > Be infuormaziuns actualas fan buna reclama. Mia sporta: programmar e concept grafic, actualisar paginas existentas, newsletter per posta electronica, marketing illa rait – WEBPUBLISHING DA L‘ENGIADINA. Jon A. Piguet, Via Sura, CH 7554 Sent, Telefon 081 860 31 81 Immer da, wo Zahlen sind. PW_006_AZ_SAC_0215_74x105_RZ.indd 1 Immer da, wo Zahlen sind. 937 937Berggipfel Berggipfel 4545Raiffeisenbanken Raiffeisenbanken In Graubündenististder dernächste nächste Aussichtspunkt Aussichtspunkt nie In Graubünden nieweit weit entfernt. Die Bank Ihres Vertrauens auch nicht. entfernt. Die Bank Ihres Vertrauens auch nicht. 18.02.1 CAS legendas e da la suprastanza dal CAS ed ha cuntinuà cul proget. Davo cha la radunanza cumünala da Müstair vaiva decis cun gronda majorità da sustgnair il proget, es gnüda scritt’oura üna concurrenza tanter architects. Ils progets d’eiran gnüts preschantats eir a la populaziun e quel dad Urs Padrun chi prevezzaiva da mantgnair plü bler pussibel dal fabricat existent, ha guadagnà. Il dret da fabrica dal cumün d’eira fingià gnü dat e cun quel proget s’haja pudü cuntinuar per tschüffer eir il permiss dal Chantun. Las instanzas pella protecziun dal ambiaint nu sun però stattas inactivas ed han annunzchà giavüschs e pretaisas. Per agradir a quellas exposiziuns han stuvü gnir fat cumpromiss: Il numer da lets es gnü fixà sün maximal 54 ed id ha stuvü gnir dat l’impromischiun da gestiunar la chamonna be d’in stà. Fermas concessiuns chi mettan bod in dumonda la cuntinuaziun dal proget Alp Sprella. Actualmaing es il stadi il seguaint: L’uffizi chantunal da planisaziun ha fat bun (pacs dis avant noss’ intervista) la revisiun dal plan da zonas, uschè cha da quella vart esa glüm verda. Co chi va inavant cull’ Alp Sprella sta pel mumaint illa competenza da la suprastanza da nossa secziun. Il böt es visibel, be amo pac toc davent. Gianna es amo adüna persvasa d’avair preschantà ün proget chi portess ün augmaint pella destinaziun Val Müstair/Engiadina e chi’s cunfà plainamaing culs princips da la Biosfera. Scha la chamonna CAS Alp Sprella vegn o na nun es amo sgür. Sgür però es cha la realisaziun nu d’eira amo mai uschè dastrusch e quai, na be, ma impustüt eir grazia a l’ingaschamaint da Gianna. La commembranza illa suprastanza dal Comitè Central ha portà a Gianna eir oters inscunters, als quals ch’ella s’algorda jent. Ella ha pudü far part al CAA, Club Arc Alpin. Il CAA es ün’organisaziun da tet da clubs alpins da l’Europa Centrala chi s’ingascha pels böts dals gremis pella protecziun da la natüra e per sustgnair la convenziun da las Alps. Tras il CAA es ella plüssas jadas gnüda invidada in chamonnas dals differents pajais per far là lur sezzüdas e discuter lur proceder. Ma Gianna es eir alpinista activa. Qua o là piglia ella part a las gitas da secziun, tant co cha seis ingaschamaint per famiglia e manster permettan. Impustüt las eivnas da gita in Islandia o Norvegia cun Christian Wittwer ha’la in buna regordanza. 13 Prämien-Haarsträubitis Eine Krankheit, die’s bei uns nicht gibt. Fingià duos jadas ha ella tut part cun seis hom e cun Andri Lansel a la Patrouille des glaciers. Üna jada la cuorsa lunga cun üna distanza d’ajer da 53 km ed ün dislivel da 4’000 meters, e tschella jada la mezza distanza. Quist on vessna jent eir fat la cuorsa, lunga s’inclegia, i füssan stats trenats avuonda, ma la cuorsa es gnüda sdita giò pervi da trid’ora. I’l decuors da quist on ha ella stuvü dar giò, davo il temp limità, la commembranza aint illa suprastanza dal CC. Guardond vers l’avegnir vezza ella eir ün pa daplü temp per gitas e famiglia. Merità füssa. Actualmaing es Gianna ingaschada cun ün pensum parzial sco manadra da scoula a la scoula da Valsot. Accumpagnatoric fa ella la scolaziun da manadra da scoula. Muntognas, chasa e famiglia vegnan amo adüna scrit grond i’l taquint da sia vita e seis cour batta amo adüna ün pa pel proget in Val Müstair. Nus giavüschain bell’ora pel start da la prosma Patrouille e chi sa, forsa inscuntraina a Gianna cun Andri e las mattas a l’inauguraziun da la Chamonna Alp Sprella. Chasper Ans Die Prämien unserer Krankenversicherung sind fair. www.oekk.ch Rampignar in sala per famiglias ed uffants 2016/2017 14 Il CAS Engiadina Bassa organisescha eir quist on il rampignar per famiglias in sala (material vain miss a disposiziun per quels chi nun han svess). Rampignar da famiglia, cun uffants mardi 18.00 - 19.00 h 24.1. sala mardi 18.00 - 19.00 h 7.2. sala mardi 18.00 - 19.00 h 21.2. sala mardi 18.00 - 19.00 h 21.3. sala Rampignar da l’OJ, be mardi 18.00 - 19.00 h mardi 18.00 - 19.00 h mardi 18.00 - 19.00 h mardi 18.00 - 19.00 h mardi 18.00 - 19.00 h mardi 18.00 - 19.00 h mardi 18.00 - 19.00 h fin 9 ons (cun genituors) - persuna da contact: Christian Aebi, Ftan (079 339 32 65) da gimnastica SENT da gimnastica SENT da gimnastica SENT da gimnastica SENT uffants da 10 fin 20 ons - persuna da contact: Chasper Alexander Felix (079 310 92 55) 29.11. sala da gimnastica FTAN IOF 13.12. sala da gimnastica FTAN IOF 17.1. sala da gimnastica FTAN IOF 31.1. sala da gimnastica FTAN IOF 14.2. sala da gimnastica SENT 14.3. sala da gimnastica SENT 28.3. sala da gimnastica SENT Cuosts commembers dal CAS gratuit / na commembers frs. 5,- per famiglia/jada I dà la pussibiltà da dvantar commember: Monica à Porta-Barblan (Tel. 078 689 78 90) Nus ans allegrain da’s verer bainbod! Cun salüds sportivs Andri, Chasper Alexander, Christina e Christian Manaders(-dras) as preschaintan Il nouv manader dal OJ as preschainta Meis nom es Marco Steinemann. Eu n’ha 31 ons e sun creschü sü a Ftan. Davo avair absolt il giarsunadi da disegnadur da fabrica a Scuol n’haja lavurà sco montör da pendicularas in differents pajais sün quist muond. Pel mumaint lavura sco „rigger“ e lavuraint d’otezza in tuot la Svizra. Daspö mi’infanzia passainta bler temp illas muntognas e n’ha tras quai sviluppà üna gronda paschiun. La natüra gioda surtuot cun differentas activitats 15 d’alpinissem, l’ir culs skis e natüralmaing eir cun ir a chatscha. Per quel motiv n’haja ponderà da colliar la paschiun dal temp liber illa natüra cul manster. Uschè n’haja cumanzà la fuormaziun e scolaziun da guida da muntogna. Dürant diversas gitas illa funcziun d’aspirant n’haja constattà cha’l contact cun otra glieud e surtuot cun uffants am fa grond plaschair e chaschuna satisfacziun. Eu n’ha grond plaschair da pudair surtour il post da schef da l’OJ. Eu sun motivà da dar inavant mia paschiun e meis plaschair per las muntognas e la natüra als uffants. Üna part importanta es eir il dar inavant meis savair, uschè cha’ls giuvens imprendan ad ir da maniera sgüra e ponderada in muntogna. Implü m’allegra da surtour lavurs interessantas illa funcziun da commember da la suprastanza CAS. Eu giavüsch a tuots ün bel inviern e, chi sa, forsa ans vezzaina bainbod üna jada sün üna gita cumünaivla. Salüds, Marco “Ans laschain dar ils mans, fond ün circul plain amur, glüm e leivezza in etern cun Nina. El dess spendrar forza, sustegn e cuffort sün seis viadi, sco eir a no, qua sün terra – AVMRA *.” Quists pleds lessa drizzar a Nina, in meis nom ed in quel da tuot las persunas chi stan e staivan dastrusch ad ella ed a no tuots. Nina: eu t’am da cour! Grazia fich cha tü m’hast adüna darcheu muossà la via. Eu sun grata cha tü hast ün’orma, ün spiert ed ün cour ferm e bel. Grazia fich cha tü est üna da mias amias. Chara Nina, tü vivast inavant in noss cours. No ans dain ils mans, fain ün circul d’amur, glüm e leivezza per at dar curaschi ed amur Nina Casura 1984 - 2016 in regordanza sün teis viadi. Als 12 da settember da quist on es morta Nina Casura. tia Fösch. Bütsch e branclada Üna greiva malatia, chi tilla ha accumpognada daspö divers ons, ha finalmaing survendschü sur da seis corp uschè ch’ella es ida il prossem pass. Ellla es statta blers * AVMRA sta per: Amur, Vita, Movimaint, Respirar, Acceptar. ons commembra da nossa secziun e blers da nus tilla Quai d’eira la devisa da Nina, ch’ella ha creà dürant ch’ella es varan i regordanza sco alpinista activa. La redacziun ha dvantada magistra da yoga. AVMRA ha accumpagnà ad ella sco giavüschà ad üna da sias megldras amias da scriver ün pêr pleds da cordöli. eir a no amias in mumaints greivs co eir bels sün seis viadi vers la glüm. Fadrina Mischol 17 Scuol – Kleinwalsertal 29 fin 31 schner 2016 Üna gita speciala cun Not Buchli Da la partida sun stats: Cla, Duri, Geremia, Berta, Erich, Urs, Lilo, Anna Barbla, Jon, Chasper e Cristina; Pro la Pendiculara vaina cumanzà noss’aventüra! Per la skiada giò’n Laver nu vaina vis bler, però sülla fuorcla Davolais es gnü our il sulai ed ün di da pumpa s’ha fat viv! Ils canedels da Loisl illa Fenga e seis schnopserl ans han dat il svung per ans stumplar our ad Ischgl, tschüffer il prüm taxi per Kappl e far ün sigl illa pendiculara. Suot il piz da l’Alblittköpfe vaina bandunà la pista e fat bellas stortas illa naiv frais-cha tras la Val Malfontal infin Pattneu. Il di davo ans vaina laschats manar sül punct il plü ot da la gita, il Piz Valluga sün 2811 m. Uossa es i üna bella pezza be plü aval vers Zürs. Cun üna s-chabellera dal on dal cuc eschna rivats sül Madlochjoch e lung la pista vaina fat la skiada vers Zug infin sül Hochtannbergpass. Bod stufs da lifts e s-chabelleras eschna stats cuntaints da pudair metter sü las pels e da pudair far duos pass sülla fuorcla Hochalppass. Per l’utima jada vaina paquettà las pels illa buscha e cun üna skiada aventüraivla eschan rivats al böt. L’ultima storta vaina fat davant la fermativa dal bus a Bad aint il Kleinwalsertal! Il di davo vaina fat fagot e tut il tren per rivar darcheu tuots a pantun! Grazia Not, per quella bella gita grondiusa, id es stat ün evenimaint inschmanchabel! Cristina Gregori ÜN SGUARD INAVO Eivna da rampignar Arco 16 fin 22 mai 2016 (Rumantsch grischun) Manaders Christian Wittwer, Chantal Lörtscher, Leo Luminati, Chasper Alexander Felix; Partecipant(a)s Selina e Romana Poo, Braida e Marchet Nesa, Gianna e Flurin Salzgeber, Melanie e Fränzi Lörtscher, Flurin Alesch e Niculin Andri Felix, Clot Curdin e Fila Felix, Jon Francisco ed Alexander Filipe Felix, Aita Janett, Lea Gurtner, Ricardo Lopes, Annalea Janett, Fernanda Paz Garces Fischer; Cuschinunza Regula Felix Perquai che nossa eivna ad’Arco toccava la Tschuncaisma era l’emprima finamira da survegnir in pèr bellas plazzas per drizzar en nossa pitschna citad da tendas gio ad Arco sin il camping. Fin la saira era tut pront. Trais tendas à 3 persunas per ils mats, ina tenda pitschna per il material ed ina tenda gronda per las mattas, ina cuschina e duas rulottas. Per furtina han tuts survegni in letg ….. L’ emprim di eschan nus ids per l’acclimatisaziun à raiver sin la Placche di Baone. Per ils principiants d’era sin il program manipulaziuns cun la sua, ils gronds cun dapli rutina pudevan cumenzar en las rutas da plisas suadas en in grad da difficultad pli aut. Il prossem di vaini fat duas gruppas. Ils “gronds” sun ids a far ün per suadas alla Parete zebrata. Pervi d’in incident cun crappa lucca fineschia quest di per ina partecipanta cun in bratsch en gips. Ils pitschens cumenzavan il di cun ina senda enferrada per arrivar al Muro dell’asino, in bell lieu per mussar quai ch’els han emprais il di avant. Gievgia d’era la previsiun nauscha. Gia durant la notg cumenzava a plover. In program alternativ d’era opportun! Museum e bogn la soluziun. Ma che surpraisa, quasi la metta da las scuolas d’Italia vaivan la stessa idea! Il MUSE (museo delle scienze) a Trento d’era plainischem. Ans han fat speranza da gnir pli tard. Lura vaini midà il programm: sco enprim nudar, suenter museo. Il pli interessant plaun d’era l’ultim....... l’urari d’aventura quasi fini...... ma il di finischeva sco adina cun ina fitg buna tschaina, preparà cun amur da nossa super cuschinunza. 19 Venderdi, la damaun d’era resvegl sco mincha di a las set. Sin giavisch d’in participant avain nus conquistà il Corno di Bo’. Noss material s’ha reduci in pau, in express, in otger ed ina “rollina” han emprais da sgolar....... per fortuna eran las butias da chaussas per rampignar fitg cunter. Gia la segunda giada hai dat in bun glatsch en la citad per tuts che vulevan. L’ultim di da rampignar vain nus explorà in nov lieu da rampignar nua che nus n’eran anc mai stads: Croz de le niere. La ans pudevan nus sfugar fin la difficultà 6a. Sco finiziun essan nus anc ids a nudar a la riva dal lai da Garda. L’aua era fitg fraida! Tuttina han in per anc prendì in glatsch. La dumengia era il di da far urden e rumir ensemen nossa cità da tendas. E finida era nossa bella emna ad Arco. Nus vegnin segir puspè ina giada! Fränzi Lörtscher ÜN SGUARD INAVO Funtana Chistaina Gita da l’OJ dals 2 october 2016 Guidas Chasper Alexander, Curdin, Chasper B.; Partecipant(a)s Selina, Romana, Marchet, Flurin Alesch, Lea, Fila, Gianna, Flurin S., Niculin Andri; Aint illa Funtana Chistaina in Val d’Assa d’eira sul flot. I’s pudaiva far sul pastrügl cull’ardschiglia. I d’eira per part eir vaira stret. Pro la Foura da la müstaila as restaiva bod pichà. Aintasom vaina chattà ün arogn. I d’eira ter fraid. Cun ir aint n’haja eir prouvà da filmar, ma i d’eira ter greiv, causa la s-chürdüm e la patocha. Nus vain vis eir divers stalactits e stalagmits. L’istorgia da la diala e dal signur da Tschanüff d’eira tuot interessanta. Ma a la diala nu vaina inscuntrà. Per la paja vaina vis cun ir aint da la Val d’Assa ün bel bouv da tschiervi. Uei cha quel spüzziva fingià da dalöntsch! Niculin Andri Il Telesguard ha accumpagnà a l’OJ aint il cuvel. Il video (Telesguard dals 10.10.2016) chattast suot www.rtr.ch/play 21 ÜN SGUARD INAVO Eivna da gitas St. Antönien 28 marz fin 1. avrigl 2016 Guida Not Buchli Partecipant(a)s Sabina, Annina, Monica, Heidi, Berta, Anna Barbla, Enrico, Robert, Linard, Martina, Jon, Chasper, Jakob; I d’eira üna tera cumpagnia chi s’ha radunada in lündeschdi a bunura a la staziun da Scuol, tuots be buonder ed aspettativas. L’ora impromettaiva bler sulai e temperaturas bod mass’otas per la stagiun. A Sagliains sun gnüts pro amo quels da Zernez uschea cha la cumpagnia d’eira cumpletta. Per rivar oura St. Antönien ha tschernü Not la via sur Madrisa e Gargellen. Dimena per ir amunt sustegn da pendicularas. Malsgürs d’eirna areguard las cundiziuns da naiv, davo cha l’utuon 2015 ha dürà fin in favrer ed eir davo d’eiran ils flöchs albs s-chars. Però Not cun sia gronda experienza ha chattà mincha di ün bel piz cun bunas cundiziuns per tuots. La Sulzfluh, sco punct il plü ot da l’eivna, vaina tut suot ils skis il penultim di. Grazia a buns s-chalins ed üna sua per as tgnair sun rivats tuots sü dal couloir. La vista giò dal piz aint la prümavaira d’eira grondiusa, la skiada aint illa naiv marscha plütost üna sfida. Martina, Jon, Chasper e Jakob sun its a chasa per ir a lavur fingià in lündeschdi saira. Tuot tschels han giodü ün’ eivna da pumpa cun ün custodi simpatic da Daniela e Thomi dal Berghaus Alpenrösli. Cha’l barbajat d’eira per tuots supportabel es stat l’effet dals bogns quotidians aint il hot-pot davo chà. A Not ed eir ad Anna Barbla ün cordial grazia fich per l’organisaziun da quista bell’eivna. Berta Marugg 23 Piz Rosatsch e Piz Surlej (3123 msm, 3188 msm) 24 lügl 2016 Guida Jon Buchli Partecipant(a)s Anna Barbla Buchli, Marina Jann, Martina Rüegg, Silvano Stecher; La dumengia es normalmaing ün di per as recrear e far pachific. Quai nu vala adüna pels alpinists. Fingià la bunura bod ans vaina miss in viadi da Scuol in direcziun Engiadin’Ota. Id es amo s-chür e tuots sun amo ün pa gnecs. Appaina sül cunfin da l’Engiadin’Ota vain eir già sü ün pa tschiera chi surtira tuot la val. Partits eschan da San Murezzan Bogn in direcziun Lej da l’Ova Cotschna. Plü amunt chi’s gniva e meglder as vezzaiva co cha la tschiera cuverna ils cumüns da Schlarigna, Samedan e Bever. Passats dasper il Lej da l’Ova Cotschna eschan lura già bod rivats sül Piz Mezdi. Da là eschan lura its inavant in direcziun Cuolm d’Mez, via sül Piz Rosatsch, inavant sül Piz San Gian e da là fin sül Piz Surlej. In buna cumpagnia as haja tanteraint fat marenda, giodü la vista (1) (2) ÜN SGUARD INAVO (3) 25 ed i’s es gnü a cugnuoscher ils pizs dals contuorns. Dal Piz Surlej eschan lura its inavo pro’l lö da partenza da nossa gita. Davo s-chars 9 uras in gita e cun grondiusas vistas e pacs guots da plövgia ans vaina amo cui alch bavronda fraida. Ün grond grazcha fich a Jon Buchli per manar quista gita e muossar las bellezzas da nossa val. Silvano Stecher legendas (1) San Murezzan cul mar da tschiera giò pell’Engiadina (2) La gruppa dal Bernina (3) Piz Surlej (schnestra) e’ls lais da l’Engiadin‘Ota Weisshorn (4505 msm) 26 - 28 avuost 2016 Guida Christian Wittwer Partecipant(a)s Armon à Porta, Heinz ed Amalia Gross, Michael Spinnler, Reto Michel, Chasper Alexander Felix; Id es las trais la bunura e schüra naira not. Üna pruna glüminas ballan tanter la grippa, tscherchond ün bun passagi sü pel spi stipüras. Qua o là ün sfratamöz dal vadret vaschin interrumpa la quietezza. Da la piramida majestusa nu’s vezza intant amo bler. L’ora para dad esser buna, il sibelin da la daman chantina intuorn las uraglias. Cul chatsch da l’alba rivan eir ils prüms razs da sulai chi s-chodan bain e fan straglüschir albischem la flanca da l’ost imposanta. La rampignada eleganta sur il spi da l’ost magari expost pretenda qua o là ün supplemaint da concentraziun ed ün pass franc. La flanca finala es lunga e stipa ma cun relaziuns da naiv perfettas! Rivats sül piz giodaina üna vista danar plain quaidezza ed ans laschain gustar ün bun salziz. Grazcha fichun Christian cha tü ans hast accumpli ün grond giavüsch. Chaps program da gitas d’inviern 2017 : CAS ! Infuormaziuns detagliadas da las gitas vair sün www.alpinist.ch Nus rendain attent cha mincha partecipant sto avair svess üna sgüranza dad accidaint ed esser fautur da la REGA! sonda 7.1. sonda Cuors da salvamaint scoulaziun da l’adöver dals urdegns da lavina Cuors dad ir culs skis a la lomma Jöri Felix (081 860 00 65) annunzchar fin 3.1. ([email protected]) Andri Poo (079 327 72 13) annunzchar fin 10.1. ([email protected]) L L sondaPiz Salet (2971 msm) 21.1. sur ils munts da Tschlin Roman Luzzi (078 770 41 00) annunzchar fin 19.1. ([email protected]) M L 1400 dumengiaLa Sella (2707 msm) 29.1. sur il cumün Guarda Tumasch Planta (081 864 90 71) annunzchar fin 25.2. L L 1100 so - du Christian Wittwer (079 682 32 23) annunzchar fin 15.1. ([email protected]) M M 1400 1900 so - du Gitas illa Val Tuoi 11. - 12.2. cun pernottar aint in nossa bella chamonna Not Buchli (081 864 98 29) annunzchar fin 22.1. M G 1200 1300 dumengiaPiz Terza (2909 msm) 26.2. davent da Lü Jon Buchli (079 437 19 84) annunz. fin 22.2. ([email protected]) L L 1000 dumengiaPiz Minschun (3068 msm) 12.3. Minschun Pitschen (2927 msm) Chasper Alexander Felix (079 310 92 55) annunzchar fin 8.3. ([email protected]) M M G 1000 sondaIntuorn il Piz Ela 18.3. Alfons à Porta (079 636 35 83) annunzchar fin 14.3. ([email protected]) M M 1150 14.1. 4. - 5.2. esser pront per bellas skiadas da l’inviern Freeride illa regiun dal Passo Tonale 27 so - duPiz Turettas (2958 msm) 25. - 26.3. Cima Valdassa (3049 msm) Tumasch Planta (081 864 90 71) annunzchar fin 5.3. G G 1350 1800 so - du Jachen-Andri Gisep (078 620 44 17) annunzchar fin 12.3. ([email protected]) M M 1400 1. - 2.4. du - so 2. - 8.4. Gitas illa regiun Grialetsch cun pernottaziun in chamonna Eivna da gitas Tujetsch - Maighels Not Buchli (081 864 98 29) annunzchar fin 21.2. lündeschdiPiz Plavna Dadaint (3167 msm) 17.4. Andri Poo (079 327 72 13) annunzchar fin 13.4. ([email protected]) G G 1800 sondaPiz Laschadurella (3003 msm) 23.4. Jachen-Andri Gisep (078 620 44 17) annunzchar fin 19.4. ([email protected]) M G M 1250 L leiv M mezdan G greiv Per mincha gita vain inchaschà fr. 15,- da mincha partecipant(a). Per gitas cun manaders o guidas implü ston ils partecipants surtour ils cuosts! Las spaisas (cuosts da transport, pernottaziun) dal manader da gita surpiglian ils partecipants! arvenmöbel aus graubünden CAPRICORN gspunne schön exklusiv erhältlich bei schweizer ag sent rauchmetall.ch | ZERNEZ schweizer ag sent 7554 sent I tel 079 611 37 73 I [email protected] www.schweizer-sent.ch Program da gitas d’inviern 2017 : traideschins I frizzas Scha tü hast tanter 10 e 13 ons ILS traideschins (2007 - 2004) o tanter 14 e 20 ons las frizzas (2003 - 1997) e vöglia da giodair bels mumaints da cumpagnia in muntogna, schi vè tantüna eir tü cun nus. Minchün es fich bainvis e nus vain eir gust da verer tschêras frais-chas. Attenziun L’OJ spordscha ün servezzan da SMS per trar adimmaint ad occurenzas. Scha tü survgnissast eir gugent ün SMS, stuvessast be trametter ün e-mail cun teis nummer da natel (o quel da teis genituors) a Chasper A. Felix. ([email protected]) 29 Program da gitas d’inviern 2017 : Traideschins (OJ 10-13 ons) 30 Nus rendain attent cha mincha uffant/partecipant sto avair svess üna sgüranza dad accidaint ed esser fautur da la REGA! Uffants da 10 fin 22 ons chi pajan la commembranza dal Club Alpin/OJ sun automaticamaing eir commembers da la REGA. 7.1. Culs skis illa naiv lomma e barryvox Motta Naluns 21. - 22.1. Munt Buffalora e MuntetFuldera dumengia 5.2.Rampignar sül glatsch Sur En Sent sonda 18.2.Spi dal Rusenna Val Roja ve - marcurdi 3. - 8.3. Eivna da gitas Dolomitas Sexten (I) sonda 18.3.Piz Arina Vnà so - du 1. - 2.4.Piz Davo Lais e Cuolmen d’Fenga Chamonna Fenga sonda 29.4.Rampignar sportivArdez du - so 14. - 20.5. Eivna da rampignar LeccoLecco sonda so - du 10.30.10.15.290.15.50.10.290.- Annunzchas Pels arrandschamaints da la fin d’eivna esa da s’annunzchar per telefon adüna la gövgia saira avant la gita da las 19:30 a las 20:00 h pro Chasper A. Felix (079 310 92 55) obain per e-mail ([email protected]) fin in gövgia saira 18:00 h. Pellas eivnas da gita valan ils seguaints termins d’annunzcha: eivna da gitas Dolomitas 8 schner 2017. Eivna da rampignar Lecco 1. avrigl 2017. Annunzchas in scrit o per mail a Chasper A. Felix, Saglina 32, 7554 Sent obain [email protected]. L’OJ spordscha ün servezzan da SMS per trar adimmaint ad occurenzas. Scha tü survgnissast eir gugent ün SMS, stuvessast be trametter ün e-mail cun teis nummer da natel (o quel da teis genituors) a Chasper A. Felix ([email protected]). Furnitura Skis da tura, pels, barryvox, pala, sonda, sezzin, chaplina, manetschas, chapütscha, pullover chod, giacca da vent, pelerina, ögliers e crema da sulai, buna glüna e sün gitas da plüs dis alch roba per as müdar. Da l’OJ as poja retrar barryvox, pala da lavinas, sonda, pels e bastuns telescopics, sezzins, s-charpellas, zappins, carabiners, schlics, bindels e chaplinas. Material da camping vain eir organisà da l’OJ. Program da gitas d’inviern 2017 : FRIZzas (OJ 14-20 ons) 31 Nus rendain attent cha mincha uffant/partecipant sto avair svess üna sgüranza dad accidaint ed esser fautur da la REGA! Uffants da 10 fin 22 ons chi pajan la commembranza dal Club Alpin/OJ sun automaticamaing eir commembers da la REGA. 7.1. Culs skis illa naiv lomma e barryvox Motta Naluns 10.21. - 22.1. Munt Buffalora e Piz TerzaFuldera 30.dumengia 5.2.Rampignar sül glatschSclamischot 10.sonda 18.2.Piz Lad Reschen15.ve - marcurdi 3. - 8.3. Eivna da gitas Dolomitas Sexten (I) 290.sonda 18.3.Piz Arina Vnà 15.so - du 1. - 2.4.Piz Tasna e Piz Faschalba Chamonna Fenga 50.sonda 29.4.Rampignar sportivArdez 10.du - so 14. - 20.5. Eivna da rampignar LeccoLecco 290.- sonda so - du Annunzchas Pels arrandschamaints da la fin d’eivna esa da s’annunzchar per telefon adüna la gövgia saira avant la gita da las 19:30 a las 20:00 h pro Chasper A. Felix (079 310 92 55) obain per e-mail ([email protected]) fin in gövgia saira 18:00 h. Pellas eivnas da gita valan ils seguaints termins d’annunzcha: eivna da gitas Dolomitas 8 schner 2017. Eivna da rampignar Lecco 1. avrigl 2017. Annunzchas in scrit o per mail a Chasper A. Felix, Saglina 32, 7554 Sent obain [email protected]. L’OJ spordscha ün servezzan da SMS per trar adimmaint ad occurenzas. Scha tü survgnissast eir gugent ün SMS, stuvessast be trametter ün e-mail cun teis nummer da natel (o quel da teis genituors) a Chasper A. Felix ([email protected]). Furnitura Skis da tura, pels, barryvox, pala, sonda, sezzin, chaplina, manetschas, chapütscha, pullover chod, giacca da vent, pelerina, ögliers e crema da sulai, buna glüna e sün gitas da plüs dis alch roba per as müdar. Da l’OJ as poja retrar barryvox, pala da lavinas, sonda, pels e bastuns telescopics, sezzins, s-charpellas, zappins, carabiners, schlics, bindels e chaplinas. Material da camping vain eir organisà da l’OJ. CHAMONNAS Ein Blick zurück auf meine erste Saison in der Tuoi Hütte Ich blicke auf einen guten Sommer zurück, welcher mir sehr gefallen hat, mit vielen schönen Begegnungen und angenehmen Gästen. Besonders gefreut hat mich die Eröffnung im Juni, als für mich unerwartet viele Leute erschienen sind, da habe ich eine Unterstützung und Teilnahme gespürt, die mich sehr berührt hat. Viel Freude haben mir auch meine Gäste aus Bergführerzeiten bereitet, welche mich im Verlauf des Sommers fast alle einmal besucht haben. Ebenso hatte ich das Glück, mit einem guten Team zusammen zu arbeiten. Kurz zusammengefasst: Die Arbeit als Hüttenwart macht mir Spass, jeder Gast hat mich gefreut, kein einziger hat genervt. Danken möchte ich an dieser Stelle vielen : Allen, die uns besucht haben, Claudia und Martina für ihre Mitarbeit im Hintergrund, Duri und Not Armon als Hüttenverantwortliche, Michael, dem Koch, Melanie und Silvana, den Hüttengehilfinnen. Mit lieben Grüssen aus Tuoi Christian Wittwer 33 Ein Blick zurück auf meine erste Saison in der CHAMONNA LISCHANA Nun ist sie fast vorbei, meine erste Saison auf der Lischanahütte. Es ist gerade mal 4 Monate her, dass ich hier mit einer kleinen Helferschar den Schnee wegräumte, die Wasserleitung ausgrub und versuchte, etwas Wärme in die kalten Mauern zu bringen. Viele Kleinigkeiten machen das Wohlbefinden unserer Gäste aus, und so versuchte ich mich, neben der Begeisterung für Kuchenbacken und Kochen, auch als kreative Gastgeberin zu bewähren. Ich hoffe, es ist mir einigermassen gelungen, trotz Veganern, Gluten-, Laktose-, Erdnuss- und Kartoffelunverträglichkeiten. (1) Nicht alles war rosarot, lange fiel immer wieder Schnee, und der Saisonbetrieb stotterte die ersten Wochen, die Wasserleitung offenbarte alle ihre Tücken (von Heinz wurde ich ja schon vorgewarnt), unser Eröffnungsfest und Berggottesdienst waren leider keine Publikumsmagnete, und auch die Wahl meiner Mitarbeiter war nicht so ganz (2) (3) 34 CHAMONNAS einfach wie ich es mir vorgestellt hatte. Das wunderbare Wetter der letzten zwei Monate hat alles wettgemacht – wir sind zusammen mit unseren Gästen aufgeblüht. Trotzdem – ich möchte keinen Tag hier heroben vermissen, den Sonnenschein und die Gewitter, der wunderbare Blick auf Scuol und die Silvretta, die Murmeltiere und Steinböcke, und natürlich unsere Gäste. Eine Work&Climb Gruppe vom SAC hat unsere Wasserleitung abgedeckt bis intensiver Schneefall in der 2. Juliwoche das Unternehmen stoppte und auch den Ausflug auf den Piz Lischana verhinderte. Schulklassen aus Laax und Zürich und Pfadis aus Neuhausen genossen unsere Gastfreundschaft und in unserem Klettergarten konnte bereits die erste Route getestet werden. Vieles wäre nicht möglich gewesen ohne Freunde und Helfer, ganz besonders Heiko und Duri, und natürlich den Kurierdienst von Röbi – ein herzliches grazia fich! Jetzt werde ich wohl ein bis zwei Wochen schlafen, so ähnlich wie unsere Murmeltiere hier, um das Sommerdefizit aufzuholen, und dann freu ich mich auf mein 2. Enkelkind und auf den nächsten Sommer – ab 17. Juni 2017 wieder auf dem schönsten Balkon von Scuol! Allegra – ich freu mich auf euch! Ursula Rubisoier Bildlegenden (1) 23 x Sekundarschule aus Laax (2) Summerfeeling auf der Lischana-Terrasse (3) Schneestapfen am 14. Juli mit der Work&Climb Truppe 8YRaaR_b[Q/\bYQR_UNYYR ils experts da fuonds ddd`R_YN`PU@R_YN`! $""@PUN[SARY!%#"& 8YRaaR_b[Q/\bYQR_UNYYR ddd`R_YN`PU@R_YN`! $""@PUN[SARY!%#"& Via da Sotchà 213 CH-7550 Scuol ils experts da tendas Tel 081 864 12 77 Fax 081 864 17 80 ils experts da lets [email protected] www.gisep.ch Ihr Partner für Berg und Freizeit SA 08.00 - 18.00 SO - FR 08.00 - 12.00 & 14.00 - 18.30h 081-864 1817 079-754 7826 Stradun 328 7550 Scuol Ftan 1633m www.jon-sport.ch [email protected] SoLL HIER IN ZUKUNFT IHR INSERAT ZU SEHEN SEIN? mehr Informationen unter www.alpinist.ch CHAMONNAS Ün sguard inavo sülla stagiun illa Chamonna Linard Die Linardhütte (ursprünglich zur Selbstversorgerhütte umgebaut) wird nun schon 20 Jahre mit Erfolg von Sektionsmitgliedern bewartet. Auch ich bin schon 16 Jahre als Hüttenwart tätig und vor 6 Jahren habe ich das Amt des Hüttenchefs übernommen. Für die Bewartung musste am Anfang viel Neues auf der Hütte eingerichtet werden: ein Kühlschrank, Tiefkühler, verschiedene Gestelle für die Lebensmittel, Telefon usw. Auch in den letzten Jahren konnten wir einiges verbessern; vielen Dank dem Vorstand für die Investitionen. Da waren die Duvets, die die Wolldecken ersetzten, neue Matratzen, praktische Gestelle im Vorratsraum, Geschirr, Telefon, Aggregat, Revision der Turbine, Seifenspender und Papierhandtücher für die WCs. Das Highlight dieses Jahr ist die Abwaschmaschine und der Durchlauferhitzer! Die Hüttenwarte schätzen das sehr, und auch der Lebensmittelinspektor, der die Hütte wieder mal unter die Lupe nahm, war sehr zufrieden. 36 Für die zweite Wasserfassung der Turbine haben wir 300 m Rohre gelegt (alles in freiwilliger Arbeit) und so wie es im Moment ausschaut, mit Erfolg: ohne diese zweite Fassung hätten wir seit Ende August kein Wasser mehr für die erste Fassung, also keinen Strom. Und der ist halt für unsere Arbeit schon wichtig. Es ist für mich eine Freude mit unseren 15 Hüttenwarten zusammen zu arbeiten, jeder ist anders und speziell, alle geben ihr Bestes und so haben wir zufriedene Gäste. Sepp Erni Das geradlinige und ungezwungene Hotel mit PIZZARIA in Ftan. Vom 10. Mai bis 24. November inklusive freier Fahrt mit Bus, Bahn und Bergbahn. Pizzaria cun “Bella Vista” neu auch mit Urdinkelteig Balser Derungs e Cilgia Gianom Tel. 081 864 01 33 [email protected] - www.bellavista-ftan.ch Las Pendicularas Motta Naluns Scuol-Ftan-Sent SA ingrazchan cordialmaing al CAS Engiadina Bassa per la buna collavuraziun. Pendicularas Motta Naluns Scuol-Ftan-Sent SA CH-7550 Scuol www.bergbahnen-scuol.ch; Tel. +41 (0)81 861 14 14 Adressas suprastanza E FUNCZIUNARIS President Heinz Gross, Zernez Actuara/admin da commembers Monica à Porta-Barblan, Ftan Chaschier Andri Lansel, Sent Marketing e cultura Martina Peretti, Susch Schef da gitas Alfons à Porta, La Punt Schef da chamonnas Duri Roner, Scuol Schef da salvamaint Jöri Felix, Sent Substitut salvamaint Chasper Planta, Sent Schef da I’OJ resp. Frizzas Marco Steinemann, Ftan Respunsabel Traideschins Jachen Andri Planta, Fuldera Persuna da contact OJ Chasper Alexander Felix, Sent Coach G+S Chasper Buchli, Sent Pagina d’internet Nicolo Pitsch, Ftan Pagina d’internet cuntegn Notarmon Buchli Resp. Chamonna Linard Sepp Erni, Sent Resp. Chamonna Lischana Heiko Schlatter, Scuol Resp. Chamonna Tuoi Not Armon Willy, Guarda Redacziun Chasper A. Gaudenz, Fuldera Resp. layout e stampa Christina Willy-Kraxner, Scuol Incumbenzà per l’ambiaint Men Janett, Ardez Material salvamaint Curdin Egler, Scuol [email protected] [email protected] [email protected] [email protected] [email protected] [email protected] [email protected] [email protected] [email protected] [email protected] [email protected] [email protected] [email protected] [email protected], [email protected] [email protected] [email protected] [email protected] [email protected] [email protected] [email protected] [email protected] 078 620 44 22 078 689 78 90 081 864 08 52 078 687 29 38 079 636 35 83 081 864 14 62 081 860 00 65 081 864 05 20 079 819 88 07 081 858 55 53 079 310 92 55 079 311 48 91 081 864 00 44 078 600 04 77 081 864 92 19 078 667 65 63 079 682 44 58 081 858 57 71 081 860 32 29 081 862 24 35 081 864 10 25 39 Chamonna Lischana Chamonna tuoi Chamonna linard Ursula Rubisoier Chamonna 081 864 95 44 Schef da chamonna Heiko Schlatter 078 667 65 63 [email protected] Christian Wittwer Chamonna 081 862 23 22 079 682 32 23 Schef da chamonna Not Armon Willy 079 682 44 58 Chamonna 079 629 61 91 Schef da chamonna Sepp Erni 079 639 73 58 [email protected] [email protected] www.lischanahuette.ch [email protected] www.tuoi.ch [email protected] www.linardhuette.ch Fin da redacziun pel prossem cudeschin es ils 1. marz 2017 Text e fotografias pro Chasper Ans Gaudenz Mail [email protected] Inserats infuormaziuns detagliadas sün www.alpinist.ch / datas pro Christina Willy-Kraxner Mail [email protected] Per finir No trenain fingià, scha l’ir in tura vegn disciplina olimpica. (Olimpiada 2022 a Peking) Ch. A.G.
