Ledscha da fabrica

Transcript

Ledscha da fabrica

CUMÜN DA SCUOL
LEDSCHA DA FABRICA
SURVISTA DAL CUNTGNÜ
I In general
II Basa
III Uorden fundamental
1. In general
2. Prescripziuns da fabrica
2.1. Fuormaziun e lö dals fabricats ed implants
2.2. Implants da trafic e da provedimaint
2.3. Realisaziun, gestiun e mantegnimaint dals fabricats ed implants
2.4. Terrain e spazi d'ajer public e privat
3. Zonas
3.1. Zonas da fabrica
3.1.1. In general
3.1.2. Gener da zonas
3.1.3. Uorden da zonas
3.2. Zonas agriculas
3.3. Zonas da protecziun
3.4
Ulteriuras zonas
4. Fuormaziun
5. Avertüra
5.1. In general
5.2. Progettaziun, realisaziun
5.3. Finanziaziun
5.3.1. Implants d'avertüra publics
5.3.1.1.
In general
5.3.1.2.
Taxas unicas
5.3.1.3.
Taxas periodicas
5.3.2. Implants d'avertüra privats
IV Planisaziun da quartier
1. Plan da quartier
2. Regruppamaint dal terrain da fabrica
3. Proceder dal plan da quartier
V Dret da fabrica fuormal
1. Permiss
2. Procedura pel permiss da fabrica
VI Disposiziuns executivas e finalas
Cumün da Scuol / Ledscha da fabrica
2
REGISTER DAL CUNTGNÜ
Artichel
I
In general
Mera
Chomp d'applicaziun
Protecziun da la natüra e da la patria
Autoritats da fabrica
Cumpetenza materiala
Direcziun dal cumün
Cumischiun da fabrica
Uffizi da fabrica
Cusglianza da fabrica
Mantegnimaint dal possess
Excepziuns
Zona da planisaziun
1
2
3
4
5
6
7
8
9
10
11
12
II Basa
Inventar da stabilimaints
Inventar da las cuntradas
13
14
1. In general
Uorden fundamental
Plan da zonas
Plan general da fuormaziun
Plan general d'avertüra
Proceder
15
16
17
18
19
2.1. Fuormaziun e lö dals fabricats ed implants
Architectura
Tets
Implants solars, pumpas da chalur
Saivs
Müdamaints da terrain, scarpadas e mürs
Reclomas e tablas d'indicaziun
Antennas
Plazzas da campar; plazzas per autorulottas
Distanza dal god, distanza da las auas
20
21
22
23
24
25
26
27
28
3
2.2. Implants da trafic e da provedimaint
Sgürezza
Access e sortidas
Plazzas da parcar per veiculs a motor
1. Plazzas da parcar obligatorias
2. Lö da las plazzas, fuormaziun
3. Taxa da cumpensaziun
Plazzas da parcar per velos
Condots d'ouvras
29
30
31
32
33
34
35
2.3. Realisaziun, gestiun e mantegnimaint da fabricats ed implants
Realisaziun da fabricats ed implants
1. Princip
2. Economia d'energia
3. Isolaziun acustica
4. Chargia per l'ambiaint
5. Disturbis tras musica
Aua persa
Lavuors da fabrica
Mantegnimaint
36
37
38
39
40
41
42
43
2.4. Terrain e spazi d'ajer public e privat
Adöver dal terrain e spazi d'ajer public
Adöver da proprietà privata per intents publics
44
45
3. Zonas
3.1. Zonas da fabrica
3.1.1. In general
Quotas d'abitaziuns principalas
1. Quota obligatoria
2. Cumpensaziun
3. Schlubgiamaint
4. Chomp d'applicaziun
Centers da butias
46
47
48
49
50
3.1.2. Geners da zonas
Zona dal cumün vegl
Zona centrala
Zonas d'abitar
Zona da mansteranza
Zona d'hotels
Zona per implants turistics
Zona da fabrica da Nairs
Zona per fabricats ed implants publics
Zona da parcar
Zona verda
Zona dal parc
51
52
53
54
55
56
57
58
59
60
61
4
3.2
3.3
3.4
3.1.3. Uorden da zonas
Schema da las zonas
Cifra d'ütilisaziun
Transferimaint d'ütilisaziun e parcellaziun
Otezza dal stabel e da la culmaina
Lunghezza dal stabel
Distanza da cunfin e da stabels
62
63
64
65
66
67
Zonas agriculas
Zona agricula
Zona agricula San Jon (gestiun da chavagls)
68
69
Zonas da protecziun
Zona per la protecziun da la natüra
Zona per la protecziun da la cuntrada
Zona per prada sütta e pas-ch süt
Zona da la cuntrada cultivada (terrassas)
Zona d'archeologia, zona da protecziun archeologica
Zona da protecziun per la sulvaschina
Zona da protecziun per l'aua da fuond e las funtanas
70
71
72
73
74
75
76
Ulteriuras zonas
Zona da privel
Zona pel sport d'inviern
Zona da campar
Zona da god
Zona da deponia
Ulteriur territori cumünal
77
78
79
80
81
82
4. Fuormaziun
Stabilimaints degns da gnir mantgnüts
Mürs, alleas e salaschada
Üerts e curtins protets
Lingias da fuormaziun per fabrichar
Ogets natürals e culturals
Puncts cun bella vista
83
84
85
86
87
88
5. Avertüra
5.1. In general
Avertüra
Avertüra fundamentala e generala
Avertüra detagliada
5.2. Progettaziun, realisaziun
Lingias da fabrica
Progets generals e progets da fabrica
Proceder
Realisaziun
1. Implants d'avertüra publics
2. Implants d'avertüra privats
89
90
91
92
93
94
95
96
5.3. Finanziaziun
5
5.3.1. Implants d'avertüra publics
5.3.1.1.
5.3.1.2.
5.3.1.3
In general
Taxas d'avertüra
Oblig da pajar taxas
Dret da pegn legal
97
98
99
Taxas unicas
Contribuziuns tenor plüvalur
Taxas d'attach d'aua, taxas per l'aua da stüder fö
Taxas d'attach da chanalisaziun
Taxas d'attach specialas
100
101
102
103
Taxas periodicas
Taxas d'aua
Taxas d'aua persa
Taxas d'immundizchas
104
105
106
5.3.2. Implants d'avertüra privats
Implants d'avertüra privats
107
IV Planisaziun da quartier
1. Plan da quartier
Plan da quartier
Disposiziuns dal plan da quartier
Plan da fuormaziun dal quartier
Plan d'avertüra dal quartier
Avertüra dal quartier
1. Realisaziun
2. Finanziaziun
Furnimaint dal quartier
108
109
110
111
112
113
114
2. Regruppamaint dal terrain da fabrica
Regruppamaint dal terrain da fabrica
Stadi existent
Deducziuns pel bsögn cumünaivel
Repartiziun nouva, egualisaziun da la valur
Metter in net ils drets, las prenotaziuns ed annotaziuns
Metter in net ils cunfins
115
116
117
118
119
120
Introducziun
Realisaziun
Exposiziun publica, protesta
Relasch
Cuosts da planisaziun
Annullaziun, müdamaint, cumplettaziun
Resalva dal permiss da fabrica
121
122
123
124
125
126
127
6
1. Permiss
Permiss da fabrica
Premissas pel permiss
1. In general
2. Madüranza da fabrica
3. Cundiziuns ed obligs, revers
128
129
130
131
2. Proceder da permiss
Dumonda da fabrica
Profilaziun
Examinaziun preliminara, examinaziun ecologica
Exposiziun, publicaziun e protesta
Decisiun preliminara
Decisiun da fabrica
Cumanzamaint e termins da fabrica
Realisaziun dal fabricat, müdamaints
Controllas da fabrica, collaudaziun
Taxas
132
133
134
135
136
137
138
139
140
141
VI Disposiziuns executivas e finalas
Respunsabiltà
Disposiziuns penalas
Reconstituziun dal stadi legal
Mezs legals
Lingua da la ledscha
Entrada in vigur; annullaziun e müdamaint dal dret actual
142
143
144
145
146
147
Per persunas, funcziuns e mansters vain dovrada per princip la fuorma masculina.
Ella as referischa adüna a tuots duos geners.
7
I
In general
Mera
1
Art. 1
La ledscha da fabrica regla l'ütilisaziun cunvgnaivla dal terrain e'l svilup architectonic ordinà dal cumün. Decisivs per l'applicaziun da la ledscha da fabrica
sun ils böts e princips dal dret davart la planisaziun dal territori sco eir las meras
dal cumün, da la regiun e dal chantun relevantas pel territori.
Chomp d'applicaziun
Art. 2
1
La ledscha da fabrica vala per tuot il territori cumünal. Sias prescripziuns vegnan
applichadas per tuot ils fabricats ed implants chi pretendan ün permiss da
fabrica.
2
Sper las prescripziuns cumünalas da fabrica sun d'observar las disposiziuns dal
dret federal e chantunal relevantas per progets da fabrica. Per parcellas cunfinantas valan sper las prescripziuns cumünalas da fabrica specialmaing las
disposiziuns dal cudesch civil Svizzer (CCS) e da la ledscha introductiva grischuna pro'l CCS.
Protecziun da la natüra e da la patria
Art. 3
1
Cuntradas, ogets natürals e biotops da valur nu das-chan gnir ni desdrüts ni
restrets substanzialmaing. Fabricats ed implants cun valur istorica, artistica o
architectonica nu das-chan gnir sbodats o surlaschats a la decadenza.
2
Las masüras da protecziun necessarias tenor il dret davart la planisaziun dal territori e tenor il dret davart la protecziun da la natüra e da la patria vegnan relaschadas i'l rom da la planisaziun locala. Per quist intent vegnan fixadas zonas da
protecziun, e'ls ogets da proteger vegnan integrats aint il plan da zonas resp. il
plan general da fuormaziun.
3
Il cussagl cumünal po relaschar disposiziuns da protecziun preventivas.
Autoritats da fabrica
Art. 4
1
L'execuziun da quista ledscha es incumbenza dal cussagl cumünal, da la direcziun dal cumün, da la cumischiun da fabrica e da l'uffizi da fabrica. Schi fa
dabsögn pon els consultar cusgliaders cumpetents.
2
Il cussagl cumünal ha tuot las cumpetenzas cha quista ledscha nu surdà explicitamaing ad ün'otra instanza. El rapreschainta il cumün particularmaing pro tuot
ils acts giuridics e conflicts chi resultan da quista ledscha.
8
Cumpetenza materiala
Art. 5
1
Autorità da fabrica es il cussagl cumünal. El es autorisà particularmaing per
introdüer e relaschar plans da quartier, per conceder permiss da fabrica e per
decider davart multas e la refacziun dal stadi legal. Il cussagl cumünal po delegar la decisiun davart permiss da fabrica a la direcziun dal cumün, a la cumischiun da fabrica o a l'uffizi da fabrica. El decida plünavant a reguard protestas
cunter planisaziuns da quartier e progets da fabrica. Las cumpetenzas da las
differentas autoritats sun da fixar aint in ün reglamaint.
2
La direcziun dal cumün e la cumischiun da fabrica funcziunan plünavant sco
organ consultativ dal cussagl cumünal per tuot las fatschendas cha quel ha da
decider in basa a quista ledscha. Ellas preparan las decisiuns dal cussagl cumünal e fan propostas.
3
L'uffizi da fabrica es autorisà da dar permiss per müdamaints vi da progets da
fabrica approvats, tant inavant chi nu voul ingüna publicaziun nouva. El controlla tuot las dumondas da fabrica a reguard lur legalità e funcziunalità e fa
propostas a la cumischiun da fabrica. L'uffizi da fabrica fa las controllas da fabrica e las collaudaziuns.
Direcziun dal cumün
1
Art. 6
Per la cumposiziun e las decisiuns da la direcziun dal cumün valan las disposiziuns dal reglamaint da gestiun pel cussagl cumünal e per la direcziun dal
cumün.
Cumischiun da fabrica
Art. 7
1
La cumischiun da fabrica as cumpuona da 5 commembers. Ün commember
vain delegà dal cussagl cumünal our da seis ravuogl. Ils ulteriuors 4 commembers vegnan elets dal cussagl cumünal per la medemma dürada d’uffizi sco
quel.
2
La cumischiun da fabrica as constituischa svess. Ella es abla da decider schi sun
preschaints almain 3 commembers.
3
Il manader da l'uffizi da fabrica piglia part a las sezzüdas da la cumischiun da
fabrica cun vusch consultativa.
Uffizi da fabrica
1
Art. 8
Il cumün maina ün uffizi da fabrica. El po as partecipar vi d'ün uffizi da fabrica
cumünaivel insembel cun oters cumüns o surtour las incumbenzas d'ün uffizi da
fabrica per oters cumüns.
9
2
Las incumbenzas da l'uffizi da fabrica vegnan regladas in ün quadern da dovairs relaschà dal cussagl cumünal, tant inavant chi nu resultan da quista ledscha o da cunvegnas cun oters cumüns.
3
Il cussagl cumünal po surdar incumbenzas da l'uffizi da fabrica sainza pussanza
publica eir a privats.
Cusglianza da fabrica
Art. 9
1
Il cussagl cumünal nomna üna persuna specialisada e qualifichada o ün gremi
d'experts sco cusgliader da fabrica. La persuna resp. ils commembers dal gremi
nu das-chan ni abitar in cumün ni surtour là incumbenzas da progettaziun e da
fabrica dürant lur dürada d'uffizi.
2
La cusglianza da fabrica orientescha e cussaglia a patruns da fabrica ed architects in reguard la fuormaziun da lur progets. I'ls seguaints cas es la cusglianza
obligatoria:
-
progets da fabrica illas zonas dal cumün vegl, illas zonas da mansteranza ed
illa zona da fabrica da Nairs
-
fabricats agriculs sur terra
-
progets da fabrica pro stabilimaints degns da gnir mantgnüts tenor plan
general da fuormaziun.
In oters cas decida l'autorità da fabrica scha la cusglianza da fabrica gnia consultada. Schi fa dabsögn po gnir consultada in tuots cas eir la chüra da monumaints chantunala.
Possess actual [Besitzstand]
Art. 10
1
Fabricats ed implants realisats legalmaing dadaint las zonas da fabrica chi stan
in cuntradicziun a las prescripziuns valablas pon gnir mantgnüts e renovats confuorm al temp. Id es plünavant permiss da tils müdar, da tils ingrondir adequatamaing o da müdar per part lur ütilisaziun, scha lur illegalità nu vain quatras
augmantada e schi nu cuntradischan interess predominants da la generalità o
dals vaschins.
2
Sbodar e refabrichar fabricats existents es permiss be i'l rom da las prescripziuns
da fabrica valablas.
Excepziuns
1
Art. 11
In cas da circumstanzas extraordinarias o scha l'observanza da las disposiziuns
legalas significha üna dürezza sproporziunada, po l'autorità da fabrica conceder pro progets aint illas zonas da fabrica excepziuns da singulas prescripziuns
schi nu vegnan violats quatras interess publics.
10
2
I nun exista ingün dret per permiss excepziunals.
3
Il permiss excepziunal po gnir collià cun cundiziuns e pretaisas, limità e specialmaing fat dependent da la cundiziun cha'l proprietari da terrain as obliescha
cun ün revers da restabilir immediatamaing il stadi legal, scha l'autorità da
fabrica pretenda quai.
4
Per excepziuns dadour las zonas da fabrica valan unicamaing las disposiziuns
dal dret federal e chantunal.
Zona da planisaziun
Art. 12
1
Sch'üna masüra da planisaziun vain iniziada po il cussagl cumünal decretar üna
zona da planisaziun pels territoris correspundents. Quella es da publichar aint il
Fögl uffizial dal Chantun e da maniera üsitada al lö.
2
In üna zona da planisaziun nu vegnan permiss fabricats ed implants schi cuntrafan a la masüra previssa o pudessan impedir l'execuziun da quella.
3
Il cussagl cumünal po decretar la zona da planisaziun per maximalmaing ün on.
Üna prolungaziun adequata es pussibla cul acconsentimaint dal departamaint
chantunal respunsabel.
11
II Basa
Inventar da stabilimaints
Art. 13
1
L'inventar da stabilimaints registrescha e valütescha la substanza architectonica
existenta e'l territori exteriur.
2
L'inventar da stabilimaints vain fat il prüm sco inventar general. El vain cumplettà
successivmaing tras ils inventars detagliats chi vegnan realisats independentamaing o i'l rom da dumondas da fabrica.
3
L'inventar es la basa per relaschar zonas da protecziun, spazis da protecziun e
prescripziuns da fuormaziun sco eir per integrar fabricats o gruppas da fabricats
degns da gnir mantgnüts aint il plan general da fuormaziun. L'inventar sta a
disposiziun sco agüd per progettar renovaziuns e müdamaints da fabrica.
Inventar da la cuntrada
Art. 14
1
L'inventar da la cuntrada cumpiglia e descriva spazis da viver natürals, geotops
sco eir ogets natürals e culturals d'importanza naziunala, regiunala e locala.
2
L'inventar es la basa per relaschar zonas da protecziun sco eir per integrar ogets
da valur natürala o culturala aint il plan general da fuormaziun.
3
Sco inventar da la cuntrada vala specialmaing il concept per l'ütilisaziun da la
cuntrada da l'Engiadina Bassa (part Scuol) dal mai 1998, elavurà da la staziun
ornitologica da Sempach.
12
1. In general
Uorden fundamental
Art. 15
1
L'uorden fundamental cumpiglia la ledscha da fabrica, il plan da zonas, il plan
general da fuormaziun e'l plan general d'avertüra.
2
La ledscha da fabrica e'ls plans da l'uorden fundamental prescrivan l'ütilisaziun
sco eir ils princips da la fuormaziun e da l'avertüra sün territori dal cumün. Els sun
impegnativs per minchün.
Plan da zonas
Art. 16
1
Il plan da zonas trapartischa il territori dal cumün in differentas zonas d'ütilisaziun.
El indicha las zonas da fabrica, las zonas agriculas, las zonas da protecziun e las
ulteriuras zonas.
2
Il plan da zonas fa üna differenza tanter zonas d'ütilisaziun fundamentala [Zonen
der Grundnutzung] e zonas d'ütilisaziun cuvernanta [Zonen überlagerter Nutzung] Las zonas d'ütilisaziun fundamentala fixan l'ütilisaziun dal terrain admissa in
general. Las zonas d'ütilisaziun cuvernanta cuntegnan prescripziuns d'ütilisaziun
supplementaras.
3
Il plan da zonas indicha territoris ingio chi voul üna planisaziun da quartier (planisaziun consecutiva) avant chi's possa dar permiss per fabricats ed implants. La
planisaziun consecutiva po gnir fatta per tuot il territori o in etappas per parts da
quel.
4
Il plan e'l schema da las zonas fixan ils grads da sensibilità da canera. Per l'applicaziun da quels valan las prescripziuns da la legislaziun davart la protecziun da
l'ambiaint.
Plan general da fuormaziun
Art. 17
1
Il plan general da fuormaziun regla in princip la fuormaziun, il mantegnimaint, la
renovaziun e'l svilup dal cumün e da la cuntrada.
2
Il plan general da fuormaziun indicha particularmaing ils seguaints ogets degns
da gnir mantgnüts resp. protets: mürs, salaschada, alleas, puncts cun bella vista,
ogets da natüra e da cultura, bröls e curtins.
13
Plan general d'avertüra
Art. 18
1
Il plan general d'avertüra fixa in princip ils implants da trafic e da provedimaint
importants per trar a nüz las zonas da fabrica ed otras zonas d'ütilisaziun.
2
Il plan general d'avertüra fixa ils implants d'avertüra relevants pel territori cun
caracter da furnimaint sco parkegis, implants da transport turistics, implants
d'innaiver, loipas, sendas, vias per ir a sella, vias per velos e velos da muntogna,
tragets per "downhill" e per trottinetts. El cuntegna las lingias da fabrica necessarias per tgnair liber surfatschas da trafic e condots importants sco eir per la
protecziun cunter la canera.
3
Il plan general d'avertüra po preverer masüras per calmar il trafic. El po definar
territoris ingio cha'ls implants d'avertüra ston gnir planisats e realisats tenor ün
concept special (concept da parcar, concept da provedimaint). El po prescriver la realisaziun d'implants cumünaivels.
4
Illa fracziun da S-charl valan per l'avertüra dal trafic sco eir pel provedimaint
d'aua e d'energia unicamaing las disposiziuns dal plan general d'avertüra.
5
Il plan general d'avertüra serva sco basa pels progets generals e per la finanziaziun da l'avertüra.
Proceder
Art. 19
1
Il relasch e la müdada da la ledscha da fabrica, dal plan da zonas, dals plans
generals da fuormaziun e d'avertüra sun suottamiss a la votumaziun a l'urna.
2
Il sböz per nouvas prescripziuns da fabrica e per nouvs plans es d'expuoner
publicamaing in cumün dürant 30 dis, davo l'examinaziun preliminara tras il
Chantun ed avant la votumaziun, insembel cul rapport da planisaziun, ün eventual rapport ecologic ed eventualas dumondas per permiss supplementars.
L'exposiziun es da comunichar aint il Fögl uffizial dal Chantun e da maniera üsitada al lö.
3
Dürant l'exposiziun publica po minchün inoltrar propostas ed objecziuns pro'l cussagl cumünal. Quel examinescha las propostas ed objecziuns e piglia posiziun
invers ils partecipants. Il resultat da la procedura da partecipaziun vain resümà
aint illa missiva per mans dals votants.
4
Schi dà müdamaints davo l'exposiziun da partecipaziun e schi nu vain fatta üna
seguond'exposiziun vegnan comunichats ils müdamaints cun publichar la decisiun. Persunas pertoccas directamaing vegnan orientadas in scrit.
5
Decisiuns davart relasch o müdamaints da la ledscha da fabrica sco eir dals
plans da l'uorden fundamental sun da publichar aint il Fögl uffizial dal Chantun
ed in maniera üsitada al lö, cun muossar via sülla pussibiltà da recuorrer.
14
2.1 Fuormaziun e lö dals fabricats ed implants
Architectura
Art. 20
1
Stabilimaints ed implants ston esser fuormats bain architectonicamaing e ston
star in buna relaziun cun lur contuorns.
2
Progets da fabrica chi nu satisfan a las pretaisas d'üna buna fuormaziun, specialmaing a reguard las proporziuns dal stabilimaint, la structura da las fatschadas, la fuormaziun dal tet o la culur sun da surelavurar in consultond la
cusglianza da fabrica.
Tets
Art. 21
1
Pro la fuormaziun dals tets aint illas zonas dal cumün vegl esa d'observar üna
buna relaziun cullas fuormas, las culuors e'ls materials dals tets in vicinanza.
2
Pro fabricats nouvs aint illas zonas dal cumün vegl sun admiss be tets a piz e tets
schmuottats [Giebel- und Walmdächer] cun üna pendenza da 10 - 30° (divisiun
veglia). Ils tets pendents illas ulteriuras zonas nu das-chan avair üna pendenza
plü gronda co 40° (divisiun veglia).
3
Construcziuns sül tet e tagls aint il tet sun in princip admiss, pro tets pendents nu
das-cha però surpassar la summa da lur lunghezza 1/3 da la lunghezza dal tet.
Per construcziuns sül tet, tagls e fanestras aint il tet pro stabilimaints degns da
gnir mantgnüts vain dat il permiss be schi'd es avant man üna valütaziun positiva
tras la cusglianza da fabrica. Chamins nu valan sco construcziuns sül tet. Ün dret
da survgnir ün permiss per üna construcziun sül tet o ün tagl aint il tet culla
lunghezza maximala (1/3 da la lunghezza dal tet) nun exista.
4
Plans d'attica pro stabilimaints cun tet plat nu das-chan surpassar üna lingia
(profil interiur) chi's doza da l'otezza progettada dal stabilimant cun ün angul da
40°.
Implants solars, pumpas da chalur
Art. 22
1
Per collectuors da sulai, implants fotovoltaics e pumpas da chalur vain dat il permiss schi nu sun da spettar effets negativs per l'ambiaint.
2
Collectuors da sulai ed implants fotovoltaics sun d'integrar aint illa surfatscha dal
stabilimaint o d'adattar als cuntuorns. Implants solars süls tets aint illas zonas dal
cumün vegl sun admiss be schi sun integrats aint illa surfatscha e la pendenza
dal tet e schi'd es avant man üna valütaziun positiva tras la cusglianza da fabrica.
15
Saivs
Art. 23
1
Saivs, mürs e saivs vivas sun da fuormar bain e d'integrar aint il purtret dal lö e da
la cuntrada. Invers tuot las vias fixadas aint il plan general d'avertüra es da respettar üna distanza da 50 cm. L'autorità da fabrica po prescriver distanzas plü
grondas in cas specials.
2
Aint illa zona dal cumün vegl da S-charl nu das-chan gnir fattas saivs nouvas.
Saivs existentas das-chan be gnir mantgnüdas e renovadas. Aint illa zona d'abitar 1 (S-charl) nu vegnan concess ingüns permiss per saivs nouvas, cun excepziun da saivs da pas-chüra. Saivs existentas aint in quista zona sun d'allontanar
infra 3 ons daspö cha quista prescripziun es entrada in vigur.
3
Saivs da filfier cun spinas o d'oters materials privlus sun scumandadas sün tuot il
territori cumünal. Saivs existentas da quists materials sun d'allontanar infra 3 ons
daspö cha quista prescripziun es entrada in vigur.
4
Il cussagl cumünal relascha las disposiziuns necessarias per l'eliminaziun da las
saivs chi sun d'allontanar tenor al. 2 e 3. El ordinescha la substituziun, scha quai
fa dabsögn.
Müdamaints da terrain, scarpadas e mürs
Art. 24
1
Müdamaints da la fuorma existenta dal terrain sun admiss be schi nu disturban il
purtret dal cumün e da la cuntrada.
2
S-chavamaints e rimplainas inevitabels sun da semnar aint o d'implantar cun
bos-cha e frus-chaglia davo la finischun da las lavuors.
3
Scarpadas e mürs da sustegn sco eir mürs cun rimplainas das-chan gnir fats be
schi sun indispensabels.
Reclomas e tablas d'indicaziun
1
Art. 25
Reclomas e tablas d'indicaziun sun admissas tant inavant chi nu disturban il purtret dal cumün e da la cuntrada sco eir la sgürezza dal trafic. Ils detagls a reguard lur grondezza, fuormaziun e lingua fixa il cussagl cumünal in ün reglamaint
correspundent.
Antennas
Art. 26
1
Ils lös per antennas externas - inclus antennas parabolicas - sun da tscherner
uschè chi nu disturban il purtret dal cumün.
2
L'autorità da fabrica po prescriver la realisaziun d'antennas cumünaivlas pro
fabricats nouvs o ingrondimaints aint illas zonas dal cumün vegl e fixar il territori
cun oblig d'attach.
16
Plazzas da campar; plazzas per autorulottas
Art. 27
1
Metter ad ir e manar plazzas da campar sco eir plazzar rulottas, autorulottas,
tendas e simils indrizs es scumandà sün tuot il territori cumünal cun excepziun da
la zona da campar.
2
Plazzas per autorulottas sun admiss be aint illa zona da campar e la zona
turistica.
3
Chomps da tendas organisats ed a temp limità e plazzar rulottas ed autorulottas
dadour la zona da campar sun admiss cul acconsentimaint da la direcziun dal
cumün.
Distanza dal god, distanza da las auas
Art. 28
1
Pro fabricats ed implants dadaint las zonas da fabrica es d'observar üna distanza invers il god da 10 m, pro fabricats ed implants dadour las zonas da fabrica
üna tala da 20 m. La distanza dal god es da masürar pro'l god determinà davent dal cunfin dal god, uschigliö davent dal cunfin dal god tenor la separaziun
fatta dal servezzan forestal pel singul cas.
2
Pro fabricats ed implants esa d'observar invers las auas sur terra las lingias da
distanza da las auas fixadas aint plan da zonas 1:2'000. Ingio chi mancan quellas, vala üna distanza da 10 m dadaint la zona da fabrica e da 20 m dadour la
zona da fabrica. La distanza da las auas es da masürar in quists cas pro auas
termadas davent dal cunfin da la parcella, pro auas na termadas davent dal
punct ingio chi's cruschan il livel da stà (media) e la scarpada da la riva.
3
Lingias specialas da distanza dal god e da las auas tenor plan da zonas restan
resalvadas.
2.2 Implants da trafic e da provedimaint
Sgürezza
Art. 29
1
Fabricats sco access e sortidas sün vias, sendas e plazzas nu das-chan periclitar
ils ütilisaders dals implants da trafic. L'autorità da fabrica po dispuoner cha implants privlus vegnan adattats o allontanats a cuosts dal proprietari.
2
Pro fabricats sur terra esa d'observar - ingio chi mancan las lingias da fabrica üna distanza da 3 m davent da l'ur da la via invers vias cumünalas e vias privatas avertas per la generalità. L'autorità da fabrica po admetter distanzas plü
pitschnas, particularmaing per motivs estetics, premiss cha la sgürezza dal trafic
es garantida.
17
3
Sün tets chi's rechattan lung ün spazi accessibel publicamaing sun da montar
chanals ed indrizs per tgnair inavo la naiv. Scha la sgürezza publica vain periclitada tras aua chi cula o naiv chi crouda giò dal tet ston ils proprietaris tour las
masüras necessarias per eliminar il privel. Schi restan inactivs fa la cumischiun
da fabrica exeguir las masüras necessarias a lur cuosts.
4
Nouvs implants o müdamaints vi d'implants existents in vicinanza da vias chantunalas douvran ün permiss supplementar da l'autorità chantunala respunsabla.
Access e sortidas
Art. 30
1
Hallas da parcar e garaschas cun sortida directa sün vias, sendas e plazzas
publicas ston avair üna plazza davant il stabilimaint chi'd es almain 5 m lunga e
3 m largia. Schi servan per metter suot tet veiculs plü lungs co 5 m es d'ingrondir
quista plazza correspundentamaing.
2
Rampas das-chan avair üna pendenza maximala da 12 %, masürada pro l'axa
da la rampa. Pro rampas sper vias da ramassamaint tenor plan general d'avertüra sto esser avant man tanter il cunfin da la via e'l cumanzamaint da la rampa
üna plazza cun üna pendenza maximala da 5 % ed üna lunghezza minimala da
4 m.
3
Pro relaziuns specialas, impustüt aint illas zonas dal cumün vegl e las zonas centralas po l'autorità da fabrica admetter masüras divergentas.
4
L'autorità da fabrica po prescriver la realisaziun d'access e sortidas cumünaivlas.
Ella po eir obliar ils proprietaris d'implants existents da permetter l'adöver a terzs
cunter ün'indemnisaziun adequata, premiss cha quai saja d'interess public.
Plazzas da parcar per veiculs a motor
1. Plazzas da parcar obligatorias
Art. 31
1
Pro fabricats nouvs sco eir pro müdamaints ed ingrondimaints chi laschan presümer ün augmaint dal trafic sun da s-chaffir sülla parcella da fabrica o sün terrain
privat in prosma vicinanza plazzas da parcar avuonda. Quistas plazzas ston
esser accessiblas dürant tuot on ed avertas permanentamaing sco parkegi.
2
I sun da metter a disposiziun per
-
chasas d'abitar
1 plazza per abitaziun fin 120 m² surfatscha da
plans, per daplü 2 plazzas
-
stabilimaints da büros
1 plazza per 40 m² surfatscha da plans
-
locals da vendita
1 plazza per 30 m² surfatscha da butia
-
centers da butias tenor art. 50
1 plazza per 15 m² surfatscha da butia
18
-
stabilimaints da mansteranza
1 plazza per 30 m² surfatscha da plans sco regla
(l'autorità da fabrica decida davart il numer
adequat tenor il caracter da la gestiun)
-
pensiuns, hotels
1 plazza per 5 lets per esters sco eir
1 plazza per 7 plazzas da sezzer (plazzas da
sezzer aint in salas da mangiar e bars reservadas pels giasts da l'hotel nu quintan. Pro bars
d'hotel accessiblas publicamaing quintan 50 %
da las plazzas da sezzer)
-
restorants, bars, cafès
1 plazza per 7 plazzas da sezzer (plazzas da
sezzer sün terrassas avertas quintan tant inavant
chi surpassan ün terz da las plazzas da sezzer
aint il local)
Per oters fabricats ed implants fixa l'autorità da fabrica il numer da las plazzas
da parcar obligatorias, e quai observond las normas dal VSS. In cas specials po
ella redüer las plazzas da parcar obligatorias cunter revers.
3
Aint illa zona dal cumün vegl sco eir aint ils cuntegns da la zona centrala indichats aint il plan general d'avertüra sun da metter a disposiziun be 2/3 da las
plazzas obligatorias tenor al. 1 e 2. Per daplüssas plazzas co prescrit voula ün
permiss special da l'autorità da fabrica. Quel vain dat be scha la sporta supplementara da plazzas nu cuntrasta al concept da trafic dal cumün.
4
Proprietaris da fabricats ed implants existents pon gnir obliats da l'autorità da
fabrica da s-chaffir plazzas da parcar o da's partecipar vi d'ün implant cumünaivel. L'autorità da fabrica po obliar specialmaing proprietaris chi nu dispuonan da la quantità necessaria da plazzas obligatorias da surtour plazzas aint in
üna halla da parcar realisada dal cumün o da privats. Scha la dumonda surpassa la sporta vegnan dattas las plazzas disponiblas als interessents tenor la
distanza tanter las immobiglias e l'implant da parcar.
5
Aint illa fracziun da S-charl valan per parcar veiculs a motor unicamaing las ordinaziuns dal plan general d'avertüra. Ils art. 31 e 33 nu vegnan applichats per
fabricats existents o progets da fabrica aint illa fracziun da S-charl.
2. Lö e fuormaziun da las plazzas
1
Art. 32
Schi vegnan fabrichadas aint illas zonas dal cumün vegl, aint illa zona centrala
ed aint illas zonas d'abitar nouvas chasas d'abitar cun daplü da duos abitaziuns
o nouvas chasas d'affar sun da metter 2/3 da las plazzas prescrittas aint in garaschas o hallas da parcar. Pro'l müdamaint da tals stabilimaints e pro oters progets da fabrica illas zonas manzunadas decida l'autorità da fabrica quantas
plazzas chi ston esser suot tet. Quistas disposiziuns nu vegnan applichadas per
chasas d'üna famiglia cun abitaziun annexa [Einliegerwohnung] sco eir per chasas d'üna famiglia dublas [Doppeleinfamilienhäuser] e chasas d'üna famiglia in
lingia [Reiheneinfamilienhäuser].
19
2
Garaschas pro fabricats nouvs sun da plazzar uschè chi resta lö per metter il
veicul a motor tanter la garascha e la surfatscha da trafic publica. Plazzas da
parcar situadas lung üna via publica ston avair üna distanza vers il cunfin da la
parcella d'almain 1 m.
3
Garaschas chi vegnan missas sur il terrain creschü o chavà giò ston esser situadas e fuormadas uschè chi fuorman ün'unità culs stabilimaints principals chi toccan pro.
3. Taxa da cumpensaziun
1
Art. 33
Id es da pajar üna taxa da cumpensaziun unica per mincha plazza chi manca
–
schi nun es pussibel da s-chaffir las plazzas da parcar prescrittas sün agen terrain o sün terrain ester sgürà tras ün contrat a lunga dürada
–
schi nun es pussibel da metter a disposiziun las plazzas aint in ün implant cumünaivel.
2
La taxa da cumpensaziun importa frs. 10'000.-- per plazza. Quist import correspuonda a l'index dals cuosts da fabrica da Turich da 107.6 puncts dals 01-042004. Mincha jada cha l'index as müda per 10 %, vain eir la taxa da cumpensaziun augmantada o redotta per 10 %.
3
L'autorità da fabrica fixa la taxa da cumpensaziun i'l rom da l'al. 2 cun dar il permiss da fabrica. La taxa da cumpensaziun es da pajar il plü tard fin la collaudaziun dal fabricat crü. Il rechav da la taxa es d'impuonder per fabrichar e mantgnair plazzas da parcar publicas.
4
Chi chi realisescha plü tard aignas plazzas da parcar nun ha perquai da princip
ingün dret da survgnir restitui las taxas da cumpensaziun pajadas. Scha privats
vegnan però obliats da l'autorità da fabrica da surtour plazzas aint in ün implant
cumünaivel (in basa a l'art. 31 al. 5) schi vain redot il predsch da cumprita per la
summa da las taxas da cumpensaziun pajadas al cumün plü bod, main 10 % da
quista summa per minch'on inter daspö il pajamaint da la taxa. Quist'alinea vain
applichada eir per la cumpensaziun dad obligs da plazzas da parcar cha'l
cumün ha approvà avant cha quista prescripziun es entrada in vigur.
Plazzas da parcar per velos
1
Art. 34
Schi vegnan fabrichats stabilimaints accessibels publicamaing sun da metter a
disposiziun sülla parcella da fabrica o in prosma vicinanza plazzas da parcar
avuonda per velos.
20
Condots e lingias d'avertüra
Art. 35
1
Condots e lingias d'ouvras publicas vegnan miss per regla aint illas vias o dadaint las lingias da fabrica approvadas. Sch'ün condot public sto traversar parcellas privatas sto il proprietari tolerar la fabrica da la lingia sün terrain privat,
cumprais ils implants chi toccan pro, cunter ün' indemnisaziun adequata. In cas
da dispitta vain l'indemnisaziun fixada da la cumischiun d'expropriaziun respunsabla.
2
Scha'ls bsögns da la parcella inchargiada as müdan es da spostar il condot a
cuosts dal cumün, premiss chi nu's ha cunvgnü alch oter cun fuondar il dret da
passagi dal condot.
3
Il dret da passagi per condots privats as drizza tenor art. 691 CCS (Cudesch civil
Svizzer).
2.3 Realisaziun, gestiun e mantegnimaint da fabricats ed implants
Realisaziun da fabricats ed implants
1. Princip
Art. 36
1
Fabricats ed implants ston gnir realisats uschè chi pericliteschan l'ajer e las auas
main pussibel. Id es da tour resguard sülla natüra e sül bainesser dals abitants.
Fabricats ed implants frequentats suvent da la generalità ston esser accessibels
eir per persunas impedidas. L'autorità da fabrica decida schi sto gnir consultà ün
post da cussagliaziun per fabrichar tenor ils bsögns da persunas impedidas.
2
Fabricats ed implants ston gnir realisats tenor las reglas arcugnuschüdas per
fabrichar. Els ston correspuonder a las disposiziuns valablas da la pulizia sanitaria, da la pulizia da fö e da la pulizia da mansteranza sco eir a las prescripziuns
dal dret da lavur e da la legislaziun d'energia, da la protecziun da las auas e da
la protecziun da l'ambiaint.
3
Fabricats ed implants existents chi nu correspuondan plü a las pretaisas legalas
ston gnir adattats a las prescripziuns valablas cur chi vegnan fabrichats intuorn e
renovats. In cas specials, impustüt pro fabricats ed implants degns da gnir protets e mantgnüts, esa pussibel d'admetter excepziuns.
2. Economia d'energia
Art. 37
1
Per fabricats nouvs, müdamaints ed ingrondimaints vain dat ün permiss be schi
correspuondan a las prescripziuns valablas davart l'energia.
2
Schi vegnan fattas davopro isolaziuns pro fabricats ed implants existents esa admiss cha las otezzas dal stabel e da la culmaina, la lunghezza dal stabel, la
distanza da cunfin e dal stabel sco eir las lingias da fabrica divergeschan per la
dimensiun da l'isolaziun.
21
3. Isolaziun acustica
Art. 38
1
Per fabricats nouvs, müdamaints ed ingrondimaints vain dat ün permiss be schi
correspuondan a reguard l'isolaziun acustica a las disposiziuns federalas davart
la protecziun cunter la canera.
2
Ils grads da sensibilità per fixar las limitas da la chargia resortan dal plan e dal
schema da las zonas.
4. Chargias per l'ambiaint
Art. 39
1
Fabricats ed implants chi chaschunan immissiuns sco canera, insuos-chamaints
da l'ajer o dal terrain, vibraziuns, glüm o razs ston correspuonder a las prescripziuns federalas e chantunalas valablas per limitar las chargias per l'ambiaint. Las
immissiuns ston gnir valütadas cumplessivmaing e resguardond il svilup chi'd es
da spettar.
2
Fabricats ed implants chi chaschunan immissiuns acusticas ston respettar las
prescripziuns davart la limitaziun d'emissiuns da l'uorden federal per la protecziun
cunter la canera. Las immissiuns da canera nu das-chan surpassar ils limits da la
chargia chi valan aint ils territoris pertocs. Scha l'autorita da fabrica ha ün motiv
da suppuoner cha las limitas relevantas vegnan surpassadas o chi'd es da spettar ün surpassamaint, pretend'la cha'l patrun da fabrica eruischa las immissiuns
acusticas externas ed inoltrescha üna prognosa da canera.
3
Fabricats ed implants chi chaschunan insuos-chamaints da l'ajer ston respettar
las prescripziuns davart la limitaziun d'emissiuns da l'uorden federal per mantgnair l'ajer net. Pro tals fabricats es d'inoltrar insembel culla dumonda da fabrica üna decleranza d'emissiuns. Schi'd es da far quint cun emissiuns considerablas po l'autorità da fabrica pretender üna prognosa d'immissiuns.
4
Fabricats ed implants existents chi nu correspuondan a las prescripziuns federalas e chantunalas per la protecziun da l'ambiaint ston gnir sanats tenor las disposiziuns da las autoritats respunsablas.
5. Disturbis tras musica
Art. 40
1
Aint illa zona dal cumün vegl sco eir aint in tuot las zonas d'abitar nu das-cha surpassar il livel da canera aint in ustarias cun musica sco discotecas, bars, dancings eui. la valur da 80 dB(A), masürà aint il local.
2
Las restricziuns tenor al. 1 valan medemmamaing per ustarias cun musica existentas e nouvas. Gestiuns existentas ston adattar lur indrizs a las pretaisas da
l'al. 1 infra 5 ons daspö cha quista ledscha es entrada in vigur.
22
3
L'autorità da fabrica po permetter i'l rom da la legislaziun superiura ün livel da
canera plü ot aint il local schi po gnir cumprovà cha l'intensità dal tun nu porta
disturbis exagerats eir cun laschar ir la musica aint il local plü dad ot, saja quai
pervi dal gener dal local o pervi da circumstanzas specialas i'ls cuntegns pertocs in vicinanza.
Aua persa
Art. 41
1
Auas persas da fabricats ed implants sun da trattar tenor las prescripziuns federalas e chantunalas davart la protecziun da las auas.
2
Aua persa suos-cha sün territori cun chanalisaziun publica sto cular aint ils condots publics. Resalvadas restan las prescripziuns specialas davart il trattamaint
da las auas persas chi derivan da la mansteranza e da l'industria.
3
Aua persa suos-cha dadour il territori cun chanalisaziun publica sto gnir trattada
tenor las prescripziuns federalas e chantunalas respectivas sco eir in basa al
plan general da chanalisaziun.
4
Aua persa netta sto sfuondrar o – là ingio cha las relaziuns localas nu permettan
quai – gnir manada aint in auas sur terra, quai in basa al plan general da
chanalisaziun o cun permiss dal Chantun.
5
Ils detagls sco eir eventualas excepziuns vegnan fixats aint il reglamaint davart il
trattamaint da las auas persas.
Lavuors da fabrica
Art. 42
1
Pro lavuors da fabrica da tuot gener sun da tour las masüras necessarias per
proteger persunas, chosas e l'ambiaint.
2
Pro lavuors da fabrica chi chaschunan emissiuns fixa l'autorità da fabrica ils
temps da fabrica.
3
Auas persas da plazzas da fabrica sun da trattar tuot tenor il gener e la quantità
da l'aua persa tenor las prescripziuns e disposiziuns chantunalas, avant chi culan
aint illa chanalisaziun o aint in aua currainta. Arder immundizchas sün plazzas da
fabrica es scumandà.
Mantegnimaint
1
Art. 43
Fabricats ed implants sun da tgnair adüna in ün bun stadi. Scha ün fabricat o implant mantgnü insufficiaintamaing periclitescha umans, bes-chas o proprietà
estra o sch'el sgrada il purtret dal cumün o da la cuntrada obliescha l'autorità
da fabrica il proprietari da tour las masüras necessarias. Scha quel nu segua a
quist uorden incumbenzescha l'autorità da fabrica a terzs da tour las masüras
necessarias, a cuosts dal proprietari.
23
2
Fabricats ed implants da gronda valur sco eir ogets da natüra e da cultura protets sun da mantgnair e da chürar cun ün'attenziun speciala. Proprietaris chi negligeschan lur oblig da mantegnimaint vegnan obliats tras l'autorità da fabrica
da tour las masüras necessarias. Scha'l proprietari ha cuosts implü cul mantegnimaint d'ogets degns da gnir mantgnüts e scha quists cuosts nu sun per el
supportabels o tolerabels po il cumün as partecipar cun contribuziuns.
2.4 Terrain e spazi d'ajer public e privat
Adöver dal terrain e spazi d'ajer public
Art. 44
1
L'adöver general intensiv dal terrain public e da las auas publicas sco arrandschamaints sportivs o culturals, la montascha temporaria da puntinadas ed
oter plü es admiss be cun ün permiss dal cussagl cumünal.
2
Per ün'ütilisaziun speciala dal terrain public o da las auas publicas chi surpassa
l'adöver general intensiv, sco l'explotaziun da gera, crappa o sablun, l'ütilisaziun
per prodüer energia (pumpas da chalur, implants per forza idraulica etc.) ed
oter plü voul quai üna concessiun davart dal cumün.
3
Il cussagl cumünal po admetter l'adöver dal spazi d'ajer public cun balcuns
torts, lobgias o otras parts da stabilimaints chi tendschan our dals mürs, premiss
cha l'adöver dal terrain public nu vain tras quai plü difficil, chi resta garantida la
sgürezza dal trafic e chi nu cuntrafan ad ingüns oters interess publics.
Adöver da proprietà privata per intents publics
1
Art. 45
Il cumün es autorisà da plazzar sainz'indemnisaziun sün terrain privat o vi da stabilimaints privats idrants, tablas cun noms da vias, signals da trafic, indicaziuns
davart condots d'aua, puncts d'otezza e da masüraziun sco eir indrizs per
l'inglüminaziun publica eui. Giavüschs güstifichats dals proprietaris da terrain sun
da resguardar.
24
3. Zonas
3.1 Zonas da fabrica
3.1.1
In general
Quota d’abitaziuns principalas
1. Quota obligatoria
Art. 46
1
Schi vegnan fabrichadas abitaziuns nouvas, pon gnir ütilisadas las quotas da la
surfatscha da plans cumplessiva fixadas aint il schema da las zonas unicamaing
per abitaziuns principalas. Pro edifizis cun ün’unica abitaziun po la surfatscha
d’abitar intera gnir nüzziada be sco abitaziun principala. In cas chi vegnan
fabrichadas trais o daplüssas abitaziuns principalas, sto ün terz da quellas avair
üna surfatscha da plans d’almain 90 m². Lapro ston las surfatschas d’abitar da
las singulas abitaziuns esser colliadas directamaing e fuormar ün’unità.
2
Scha edifizis existents vegnan ingrondits cun construcziuns annexas per daplü co
10 % da la surfatscha da l’edifizi e schi vegnan tras quai s-chaffidas nouvas unitats d’abitar, sun d'ütilisar las quotas da la surfatscha da plans fixadas aint il
schema da las zonas unicamaing sco abitaziuns principalas. Pro oters fabricats
vi d’edifizis existents inclusiv müdamaints ed ingrondimaints nun esa da metter a
disposiziun ingünas abitaziuns principalas.
3
Sco abitaziuns principalas valan talas chi vegnan abitadas da persunas cul domicil d’impostas in cumün o da persunas chi’s trategnan temporarmaing illa
regiun our da motivs da professiun o da scoula e chi han ün permiss da dimora
dal cumün. Abitaziuns secundarias sun tuot quellas chi nu quintan sco abitaziuns
principalas, cun excepziun dad unitats d’abitar ütilisadas in menaschis d’hotel o
d’ustaria chi accumplischan las premissas da l’art. 55 al. 2.
4
Abitaziuns principalas ston gnir missas a disposiziun per mincha edifizi. Schi
vegnan fabrichats a medem temp plüss edifizis sülla medemma parcella o sün
parcellas cunfinantas, po l'autorità da fabrica admetter da spostar o da metter
insembel las abitaziuns principalas. Oters spostamaints o transferimaints da quotas d’abitaziuns principalas nu sun admiss.
5
Las abitaziuns principalas cun lur locals chi appartegnan pro ston gnir indichadas sco talas süls plans da fabrica. Per garantir l’intent da las abitaziuns principalas esa da prescriver las cundiziuns bsögnaivlas aint il permiss da fabrica e
d’annotar quellas aint il cudesch fundiari.
6
La part d’abitaziuns secundarias pussibla po gnir fabrichada be schi vain fabrichada eir la part da las abitaziuns principalas.
25
7
Sch’ün proprietari d’ün’abitaziun principala moura, han ils iertavels legals il dret
da far adöver da tala per l’agen bsögn eir sco abitaziun secundaria. In oters cas
specials sco p.ex. sch’ün müda passagermaing dmura per motivs da sia vocaziun o causa malatia o similas chosas, po l’autorità da fabrica admetter, per ün
temp limità da max. 5 ons, excepziuns da l’ütilisaziun prescritta per abitaziuns
principalas. Resalvadas restan implü excepziuns in cas da dürezza.
2. Cumpensaziun
Art. 47
1
L’oblig da metter a disposiziun abitaziuns principalas po gnir accumpli cul pajamaint d’üna taxa da cumpensaziun. Cun inoltrar la dumonda da fabrica sto il
petent declerar sch’el metta a disposiziun la quota d’abitaziuns principalas o
sch’el voul pajar la taxa da cumpensaziun. Quista decleranza po gnir revochada fin al mumaint da la collaudaziun schi vegnan missas a disposiziun al
medem temp las abitaziuns principalas prescrittas.
2
La taxa da cumpensaziun importa 20 - 40 % da 25 % da la valur da nouv tenor la
stima ufficiala da l’edifizi (sainza terrain) agravà cul oblig da las abitaziuns principalas. Schi vegnan ütilisadas be parts da l’edifizi per abitar, vain calculada la
taxa da cumpensaziun be sün quella part da la valur da nouv da las abitaziuns.
La calculaziun vain fatta seguaintamaing:
Taxa da cumpensaziun = valur da nouv tenor la stima ufficiala x 25 %
(= quota d’abitaziuns principalas) x 20 %
3
Pro edifizis da proprietà in condomini importa la taxa da cumpensaziun 20 - 40 %
da la valur da nouv da l’unità (abitaziun) agravada cul oblig d’abitaziuns principalas (valur da nouv da l’unità = valur da nouv da tuot l’edifizi tenor stima ufficiala x quota da valur).
4
Ils contribuents han illa procedura pel permiss da fabrica da metter in sgürezza
la taxa da cumpensaziun presumptiva. La taxaziun definitiva da la taxa da
cumpensaziun vain relaschada da l’autorità da fabrica tenor la stima ufficiala
cun vigur legala.
5
La taxa da cumpensaziun es liada ad ün intent specific. Ella po gnir dovrada be
per promouver il fabrichar per indigens, per cumprar terrain da fabrica per
fabrichar abitaziuns principalas e per la promoziun da l’hotellaria. Sur da las
entradas e l’adöver da las taxas da cumpensaziun maina il cumün ün quint
separà.
6
Ils detagls vegnan fixats dal cussagl cumünal in ün reglamaint separà.
3. Schlubgiamaint
1
Art. 48
Obligs existents per abitaziuns principalas pon gnir schlubgiats cun pajar üna
taxa da cumpensaziun.
26
2
Per fixar l’otezza da la taxa da cumpensaziun pro schlubgiamaints posteriurs
valan generalmaing las disposiziuns a reg. la cumpensaziun. Decisiva per la calculaziun da la contribuziun es la valur da nouv tenor la stima ufficiala al
mumaint da la vendita da l’edifizi resp. da l’abitaziun o al mumaint da la fittanza
da las abitaziuns principalas sco abitaziuns secundaras.
3
La dumonda per schlubgiar ün oblig existent per abitaziuns principalas sto gnir
inoltrada a l’autorità da fabrica. Quella decida in reg. l’abolir l’oblig per abitaziuns principalas e fixa la taxa da cumpensaziun. L’oblig per abitaziuns principalas scrouda pür al mumaint cha la taxa da cumpensaziun es pajada cumplettamaing e cha l’annotaziun i’l cudesch fundiari es stüzza.
4. Chomp d'applicaziun
Art. 49
1
Las prescripziuns in reguard las abitaziuns principalas (Art. 46 - 48) nu vegnan
applichadas per fabricats illa fracziun da S-charl.
2
Las quotas existentas per abitaziuns principalas sün stabilimaints in S-charl
vegnan abolidas cull'entrada in vigur da quista prescripziun.
3
Las quotas d'abitaziuns principalas per immobiglias dadour la fracziun da S-charl
chi sun gnüdas fixadas tenor las prescripziuns chi sun in vigur daspö il 1988
existan inavant. Per ün eventual schlubgiamaint es d'applichar l'art. 48.
4
Las prescripziuns dals art. 47 e 48 nu vegnan applichats per progets da fabrica
aint illas zonas d'abitar da Sotchà e Buorcha.
Centers da butias
Art. 50
1
Centers da butias cun üna surfatscha netta da butia da 500 m² fin 1300 m² sun
admiss unicamaing aint illa zona centrala tanter la parcella nr. 522 e la parcella
nr. 62. La construcziun da centers plü gronds es scumandada eir aint illa zona
centrala. L'access per centers da butias previss es da planisar i'l rom da l'evaluaziun dal lö e da fixar aint il plan general d'avertüra.
2
Sco centers da butias valan unitats da vendita dal commerzi in detagl. Els as
cumpuonan dad üna o plüssas butias chi fuorman ün'unità a reguard la construcziun o l'organisaziun ed han üna surfatscha netta da butia d'almain 500 m².
Sco butia dal commerzi in detagl valan gestiuns chi vendan roba principalmaing a cliaints chi douvran quella per agen adöver.
3
La surfatscha da butia relevanta es identica culla summa da las surfatschas da
plans da tuot ils locals da vendita chi sun accessibels als cliaints, cumprais las
surfatschas per vender e lavurar [Bedienungsflächen], dals pults e da las curunas. Locals d'ustaria, gestiuns da servezzan e surfatschas da servezzan [Dienstleistungsflächen] fin max. 10 % da la surfatscha da butia relevanta nu quintan
(p.ex. zona d'entrada).
27
3.1.2
Geners da zonas
Art. 51
1
La zona dal cumün vegl es destinada per abitar, per gestiuns d'hotellaria e
gastronomia, per butias dal commerzi in detagl sco eir per gestiuns da mansteranza e da servezzans. Stabilimaints agriculs existents pon gnir ütilisats per l'allevamaint da bes-chas pitschnas. Nouvas stallas per bes-chas pitschnas sun admissas.
2
Illa zona dal cumün vegl es da mantgnair il stadi oriund, la structura oriunda e
l'aspet oriund dals stabilimaints e da lur cuntuorns. Per progets da fabrica vi da
stabilimaints degns da gnir mantgnüts sun dad observar las disposiziuns specialas
da l'art. 83.
3
Fabricats nouvs sco eir construcziuns annexas ed accessorias ston s'integrar aint
il quartier existent a reguard pusiziun, proporziuns, volumen, otezza, fuorma dal
tet, material, culur e fuormaziun da las fatschadas.
4
Il cumün sto gnir infuormà davart tuot ils progets da fabrica aint illa zona dal cumün vegl avant chi vain elavurada la dumonda da fabrica.
Zona centrala
Art. 52
1
La zona centrala es destinada per abitar, per gestiuns d'hotellaria e gastronomia, per butias dal commerzi in detagl sco eir per gestiuns da mansteranza e da
servezzans. Stallas per bes-chas pitschnas sun admissas.
2
La structura dals quartiers e'l möd da construcziun dessan gnir mantgnüts e
cumplettats. Ingio chi mancan lingias da fuormaziun per fabrichar defineschan
las lingiadas dals stabilimaints existents la situaziun dals fabricats.
3
Müdamaints essenzials da trassès da vias existentas sco eir da plazzas e cuorts
pon gnir admiss be in basa d'ün plan da fuormaziun dal quartier.
4
Il möd da fabrichar insembel [geschlossene Bauweise] es admiss. Quel vain definà seguaintamaing: almain trais stabilimaints independents lung üna via o
giassa vegnan units cun üna colliaziun laterala e fuorman üna lingiada da
chasas. Cun fabrichar insembel nu sun da resguardar ingünas distanzas da
cunfin da la vart ed invers vias e giassas, premiss cha la sgürezza dal trafic es
garantida.
5
Pro lingiadas da chasas existentas as limitescha il möd da fabrichar insembel
(da la vart ed illa chafuollezza) a las varts lateralas fabrichadas insembel obain
a mürs da separaziun libras. Pro ün nouv proget chi vain fabrichà insembel o
l'ingrondimaint d'üna lingiada da stabilimaints existenta sto gnir fixada la chafuollezza da la colliaziun laterala aint il plan da fuormaziun dal quartier o cun
stabilir ils drets da fabrichar al cunfin.
28
Zonas d'abitar
Art. 53
1
Las zonas d'abitar sun destinadas per abitar. Gestiuns d'hotellaria e gastronomia,
butias dal commerzi in detagl, gestiuns da mansteranza e da servezzans sco eir
stallas per bes-chas pitschnas sun admissas, scha lur caracter as cunfà cun
quartiers d'abitar e nu disturban in ingüna maniera ün abitar quiet e san.
2
Aint illas zonas d'abitar da Sotchà e Buorcha valan tenor schema da las zonas
(art. 62) quotas per abitaziuns principalas plü otas da 60 %. Aint illa zona d'abitar
da Buorcha sun da s-chaffir i'l rom da la planisaziun da quartier parcellas adattadas per realisar chasas d'üna famiglia, chasas dublas, chasas in lingia o
pitschnas chasas per plüssas famiglias chi cuntegnan tuottas be abitaziuns principalas.
Zona da mansteranza
Art. 54
1
La zona da mansteranza es destinada per gestiuns da mansteranza e da servezzans sco eir per gestiuns d'hotellaria e gastronomia e per marchats specialisats.
2
Id es admissa ün'abitaziun per gestiun, però be pel possessur da la gestiun o per
quel persunal chi sto esser preschaint permanentamaing illa gestiun.
Zona d'hotels
Art. 55
1
La zona d'hotels es destinada per gestiuns d'hotellaria e gastronomia, chasas da
recreaziun ed indrizs da cura. Locals da vendita, oters fabricats ed implants da
mansteranza o da cultura sco eir abitaziuns da persunal sun admiss scha ni els
svess ni lur adöver nu disturban la gestiun da cura e la recreaziun.
2
Sco gestiuns d'hotellaria e gastronomia valan restorants, hotels tradiziunals,
hotels garni e pensiuns. Hotels d'appartamaints [Aparthotels] vegnan classifichats sco hotels tradiziunals scha l'economisaziun da l'intera surfatscha d'abitar
sco hotel es garantida dürant almain 210 dis l'on e schi sun accumplidas las
seguaintas premissas:
-
-
l'hotel d'appartamaints sto esser in funcziun ed accessibel publicamaing
dürant almain 7 mais l'on
las singulas unitats da condomini ston esser agravadas aint il reglamaint cun
servituts o cun impegns correspundents uschè cha 100 % da l'intera surfatscha d'abitar dals appartamaints (exceptuà abitaziuns da persunal) stan
a disposiziun a la gestiun da l'hotel dürant almain 210 dis l'on
la parcella da fabrica sto gnir inchargiada avant co cumanzar a fabrichar
cun ün scumond da müdar intent a favur dal cumün
La cumischiun da fabrica po trar aint perizias a reguard la gestiun previssa o
pretender la preschantaziun da perizias existentas.
29
3
Schi'd es avant man ün plan general da fuormaziun correspundent sur tuot la
zona d'hotels pon gnir admiss, insembel cul permiss per progets da fabrica per
hotels nouvs o existents, eir abitaziuns cun üna surfatscha cumplessiva da max.
40 % da la surfatscha da plans admissa illa zona respectiva, quai in observond
las prescripziuns davart las quotas per abitaziuns principalas. L'autorità da
fabrica po permetter cha las abitaziuns vegnan realisadas avant l'hotel.
4
Hotels existents das-chan gnir müdats sainza chi vegnan resguardadas las prescripziuns davart la cifra d'ütilisaziun, las otezzas dal stabel e da la culmaina, las
lunghezzas dal stabel sco eir las distanzas da cunfin e dal stabel, premiss cha la
funcziun e'l volumen dal stabilimaint nu vegnan müdats. Cun fabrichar abitaziuns pro hotels existents valan però las prescripziuns davart la cifra d'ütilisaziun
sainza restricziuns.
Zona turistica
Art. 56
1
La zona turistica es destinada per fabricats ed implants chi servan als interess dal
turissem e dal lö da cura sco bogns, glatschs, plazzas da tennis, hallas da sport,
restorants, allogis turistics, implants da transport pel sport ed oter plü. Abitaziuns
da vacanzas (parahotellaria) nu sun admissas.
2
Invers las zonas cunfinantas valan analog las distanzas da cunfin e da stabel da
quellas, la distanza minimala importa però 6 m. Las ulteriuras prescripziuns da las
zonas cunfinantas sun da resguardar adequatamaing pro müdamaints ed ingrondimaints.
3
Fabricats nouvs o müdamaints d'ütilisaziun pon gnir admiss be schi'd es avant
man ün plan general da fuormaziun correspundent. Cun elavurar quel sun da
resguardar adequatamaing las prescripziuns da las zonas cunfinantas.
Zona da fabrica da Nairs
Art. 57
1
La zona da fabrica da Nairs serva al mantegnimaint ed al svilup moderà da la
surfabricaziun existenta dal territori da Nairs. Admiss sun gestiuns d'hotellaria sco
eir fabricats ed implants per intents turistics e culturals. Abitaziuns per manaders
e persunal da gestiun sun admissas. Las abitaziuns existentas sün parcella nr.
1859 pon gnir mantgnüdas ed ingrondidas moderadamaing i'l rom da l'alinea 3.
2
Fabricats nouvs sun admiss be aint illa zona fixada aint il plan general da fuormaziun per fabricats nouvs. Els nu das-chan surpassar üna surfatscha ütilisabla
da 600 m² (surfatscha brütta da plans) ed ün'otezza dal stabilimaint da 7 m.
3
Stabilimaints existents das-chan gnir ingrondits per maximalmaing 15 % da la surfatscha da plans relevanta existenta tenor art. 63 LDF. Ulteriuras surfatschas da
plans ston gnir realisadas o aint il volumen existent dal stabilimaint o aint in construcziuns annexas. I nun es admiss da dozar ils stabilimaints existents.
30
4
Fabricats nouvs, müdamaints ed ingrondimaints ston gnir integrats perfettamaing aint il purtret cumplessiv da la fracziun. L'autorità da fabrica sto gnir infuormada davart tuot ils progets da fabrica avant chi vain elavurada la dumonda da fabrica.
5
Ils parcs chi toccan tenor plan general da fuormaziun pro'l cuntegn da tgnair
liber ston gnir mantgnüts ed ütilisats sco tals. Aint il cuntegn da tgnair liber daschan gnir realisats be stabilimaints accessoris d'ün plan sco pavigliuns d'üert e
fabricats simils, premiss cha tals nu disturban il caracter e l'adöver dals parcs.
6
Plazzas da parcar sur terra sun admissas be aint il sectur per plazzas da parcar
fixà aint il plan general da fuormaziun. Id es scumandà da parcar veiculs a
motor our il liber dadour ils sectuors per plazzas da parcar. Pro progets da
fabrica aint illa zona da fabrica da Nairs ston gnir indichadas las plazzas da
parcar necessarias tenor ledscha da fabrica. L'autorità da fabrica po pretender
chi gnia fat ün concept da parcar per tuot la zona, a cuosts dal patrun da
fabrica.
7
L'avertüra as drizza davo las directivas dal plan general d'avertüra. Ils cuosts per
l'avertüra van a charg dals proprietaris dal terrain chi's rechatta aint illa zona da
fabrica da Nairs. Resalvadas restan las disposiziuns specialas dal contrat dals
2 lügl / 9 december 1991 tanter ils cumüns da Scuol e Tarasp davart il provedimaint d'aua da Nairs sco eir dal contrat dal 17 october / 5 december 1995
tanter ils cumüns da Scuol e Ftan e da la Società simpla Clemgia-Tarasp e dal
reglamaint dal cumün da Scuol dals 3 avuost 1996 davart la chanalisaziun da
Nairs
Zona per fabricats ed implants publics
Art. 58
1
La zona per fabricats ed implants publics es destinada per fabricats ed implants
publics o chi servan ad interess publics.
2
Invers las zonas cunfinantas valan analog las distanzas da cunfin e da stabel da
quellas, la distanza minimala importa però 4 m. Las ulteriuras prescripziuns da las
zonas cunfinantas sun da resguardar adequatamaing cun fabrichar stabilimaints ed implants.
3
Fabricats nouvs e müdamaints d'ütilisaziun sun admiss be schi'd es avant man ün
concept da fuormaziun correspundent.
Zona da parcar
Art. 59
1
La zona da parcar es destinada per implants da parcar.
2
Sül territori per arrandschamaints publics fixà aint il plan da zonas po l'autorità
da fabrica admetter arrandschamaints a temp limità e'ls fabricats ed implants
necessaris per la dürada da l'arrandschamaint.
31
Zona verda
Art. 60
1
Las zonas verdas servan per tgnair liber il cuntuorns dal cumün vegl sco eir per
structurar il territori abità.
2
Aint illas zonas verdas definadas sco zonas d'ütilisaziun fundamentala nun esa
admiss da fabrichar stabilimaints ed implants sur terra, cun excepziun da stabilimaints pitschens cun ün plan ed üna surfatscha da max. 10 m2 chi stan in connex cull'ütilisaziun fundamentala, sco tschuffas per üsaglias o eras tamprivas.
Fabricats suotterrans chi vegnan realisats cumplettamaing suot il terrain creschü
pon gnir admiss schi nun es da far quint cun disturbis pels cuntuorns. Admiss sun
plünavant vias d'access e sendas cuvernadas cun gera o giatreras da betun
[Rasengittersteine]. Plazzas da parcar invezza nu sun admissas.
3
Aint illas zonas verdas definadas sco zonas d'ütilisaziun cuvernanta nu sun admiss ingüns fabricats ed implants, ni sur, ni suot terra.
Zona dal parc
Art. 61
1
La zona dal parc es destinada per parcs publics.
2
I pon gnir admiss i'l rom d'ün concept da fuormaziun be fabricats ed implants chi
servan al parc, sco pavigliuns, bügls, sendas, plazzas da giovar per uffants e
similas chosas.
3.1.3.
Uorden da las zonas
Schema da las zonas
Art. 62
1
Il möd da fabrichar e la dimensiun da l'ütilisaziun aint illas zonas da fabrica as
drizzan tenor il schema da las zonas e las definiziuns respectivas.
2
Il schema da las zonas fixa plünavant ils grads da sensibilità.
3
Scha üna parcella es situada aint in differentas zonas da fabrica sun d'observar
la cifra d'ütilisaziun e las distanzas da cunfin da mincha zona per quellas parts
dal stabilimaint chi's rechattan là. Dal rest valan las prescripziuns da quella zona
ingio cha la gronda part dal stabilimaint as rechatta.
32
Zona
Cifra d'ütilisaziun (AZ)
sainza QGP
cun QGP
Otezza
maximala
dal stabel
DKZ
KZ
Zona centrala
1.10
1.40
11.00 m
W1
Zona d'abitar 1 (S-charl)
0.25
0.25
4.20 m
W2
Zona d'abitar 2
0.45
0.50
8.00 m
W3
Zona d'abitar 3
0.65
0.70
10.50 m
G
Zona da mansteranza
1.00
1.10
10.50 m
H
Zona d'hotels
1.00
1.10
T
Zona turistica
N
Otezza
maximala
da la
culmaina
Quota minimala
per abitaziuns
principalas 3
Grads da
sensibilità 5
25 %
III
3.00 m
25 %
III
3.00 m
0%
II
3.00 m
35.00 m
Lunghezza
maximala dal
stabel
Distanza da
cunfin
Art. 51
1
Otezza dal stabel
+ 3.50 m
Scurznida
tudaischa
Schema da las zonas
40.00 m
2
15.00 m
25 %
4
II
4.00 m
25 %
4
II
50.00 m
4.00 m
100 %
50.00 m
7.00 m
25 %
II
Art. 56
min. 6.00 m
-
III
Zona da fabrica Nairs
Art. 57
-
-
III
ZöBA
Zona per fabricats ed
implants publics
Art. 58
min. 4.00 m
-
II
PP
Zona da parcar
Art. 59
4.00 m
-
-
G
Zona verda
Art. 60
4.00 m
-
-
P
Zona dal parc
Art. 61
4.00 m
-
-
LW
Zona agricula
Art. 68
-
-
III
ÜG
Art. 82
-
-
III
1
2
3
4
5
6
7
8
AZ
QGP
14.00 m
8
20.00 m
6
7
III
pro stabilimaints lung il Stradun vala il Stradun sco basa per masürar l'otezza
pro möd da fabrichar serrà [geschlossene Bauweise] po la cumischiun da fabrica admetter stabels plü lungs (premissa es üna buna fuormaziun)
tenor art. 46 ff.
zona d'abitar Sotchà e Buorcha: quota minimala d'abitaziuns principalas 60 %
graduaziuns guarda plan da zonas
cun fabrichar insembel 2 o plüs stabilimaints independents: max. 30 m
sainza dret sün art. 47
cun plan da fuormaziun dal quartier (QGP) fin max. 18.00 m
= cifra d'ütilisaziun [Ausnützungsziffer]
= plan da fuormaziun dal quartier [Quartiergestaltungsplan]
33
Cifra d'ütilisaziun
1
Art. 63
La cifra d'ütilisaziun (CÜ) es la cifra proporziunala tanter la surfatscha da plans
relevanta (SP) dals stabilimaints e la surfatscha dal territori relevanta (ST). Ella
vain calculada:
CÜ =
SP
ST
Las cifras d'ütilisaziuns relevantas sun fixadas aint il schema da las zonas. La CÜ
maximala nu das-cha gnir surpassada pro fabricats nouvs, müdamaints essenzials ed ingrondimaints. Scha la CÜ es per daplü da 20 % plü bassa co la CÜ
admissa sto gnir inoltrà insembel culla dumonda da fabrica ün concept da
fuormaziun chi demuossa sco cha'l rest da la parcella po gnir ütilisà adequatamaing.
2
Sco surfatscha da plans relevanta vala la summa da tuot las surfatschas dals
plans sur terra - masüradas a l'intern - dals fabricats principals, annexs ed accessoris, inclus plans tanteraint, üerts d'inviern sco eir s-chalas externas e podests chi
rimplazzan s-chalas.
3
Sül plan suot il tet quintan - independentamaing da l'ütilisaziun - quellas parts
dals locals ingio cha l'otezza masürada fin pro l'ur da l'asserchel surpassa 1.85 m.
Pro plans chi nu's rechattan dal tuot sur il terrain creschü o chavà giò quintan independentamaing da l'ütilisaziun - quellas parts dals locals chi surpassan il
terrain creschü o chavà giò per daplü da 1.85 m. Pro plans cun ün'otezza chi
surpassa 4.55 m vain calculà ün plan per 2.70 m ed eruida la surfatscha da plans
correspundenta.
4
I nu quintan:
1.
locals da parcar per veiculs a motor, velos, charrozzas per uffants eop. chi nu servan
ad ün affar
2.
tschuffas da laina o per üsaglias d'üert, eras tamprivas, stallas per bes-chas pitschnas
eui.
3.
hallas avertas i'l plan terrain [offene Erdgeschosshallen] e terrassas cuvernadas
avertas sül tet [überdeckte offene Dachterrassen]
4.
lobgias avertas vers inaint o vers inoura schi nu servan sco arcadas [Laubengänge]
5.
pro gestiuns d'hotellaria i'l sen da l'art. 55 al. 2 cun üna dürada garantida tras ün
scumond da müdar intent a favur dal cumün (inscrit aint il cudesch fundiari avant
co dar il permiss da fabrica): tuot las surfatschas dals plans suot terra sco eir las
seguaintas localitats sur terra: salas da conferenza, locals da culaziun, salas da
mangiar, locals da trategn e da giovar o locals per tuots cun funcziuns sumgliaintas,
tant inavant cha lur surfatscha sur terra nu surpassa 20 % da la surfatscha da plans
relevanta
6.
indrizs da wellness accessibels publicamaing sco bogns, saunas, whirl-pools eui.
34
5
Sco surfatscha relevanta dal terrain vala la surfatscha coerenta da las parcellas
(o parts da parcellas) aint illa zona da fabrica cha la dumonda da fabrica
cumpiglia e chi nu sun amo surfabrichadas, main il god, las auas sco eir las surfatschas da vias e da marchapès exclusas tras deducziun da terrain aint in ün
plan general d'avertüra o ün plan da quartier.
Transferimaint d'ütilisaziun e parcellaziun
Art. 64
1
L'autorita da fabrica po admetter transferimaints d'ütilisaziun tanter parcellas
aint illa medemma zona da fabrica, premiss cha quistas parcellas sun cunfinantas o separadas be da vias, auals o binaris da viafier e chi'd exista ün contrat
correspundent tanter ils proprietaris da terrain. Il transferimaint es d'annotar aint il
cudesch fundiari. Transferimaints d'ütilisaziun plü vasts sun admiss be i'l rom da
plans da quartier.
2
Pro partiziuns da parcellas ston las surfatschas separadas pudair gnir surfabrichadas minchüna confuorm a la zona. Las nouvas parcellas das-chan gnir surfabrichadas be tant inavant cha la cifra d'ütilisaziun da l'intera parcella oriunda vain
observada.
3
L'uffizi da fabrica maina la controlla a reguard l'ütilisaziun da las parcellas.
Otezza dal stabel e da la culmaina
Art. 65
1
Sco otezza dal stabel vala la distanza tanter il punct il plü bass dal terrain creschü o chavà giò e'l punct il plü ot da la cruschada [Schnittlinie] tanter mür
extern e surfatscha dal tet.
2
Sco otezza da la culmaina vala la distanza la plü gronda masürada verticalmaing tanter il terrain creschü o chavà giò e'l punct il plü ot dal tet pendent
resp. tet plat.
3
Pro fabricats structurats vain eruida l'otezza dal stabel e da la culmaina per mincha cubus separadamaing. Resalvats restan plünavant las directivas specialas
per la calculaziun da l'otezza dal stabel e da la culmaina illa zona dal cumün
vegl (art. 64).
Lunghezza dal stabel
1
Art. 66
Sco lunghezza dal stabel vala la vart plü gronda dal plü pitschen rectangul chi
cunfinescha il stabilimaint.
35
Distanza da cunfin e da stabels
Art. 67
1
Stabilimaints chi surpassan il terrain creschü ston observar las distanzas da cunfin
fixadas aint il schema da las zonas. Pro fabricats annexs ed accessoris chi nu
quintan per la cifra d'ütilisaziun importa la distanza da cunfin però 2.50 m in tuot
las zonas da fabrica. Sco distanza da cunfin vala la distanza la plü courta
masürada orizontalmaing tanter la paraid externa dal stabilimaint e'l cunfin da
la parcella. Invers vias chantunalas valan las prescripziuns da distanza da la
legislaziun da vias.
2
Ils vaschins pon redüer las distanzas da cunfin cun l'acconsentimaint da l'autorità da fabrica tras ün contrat, scha quai nu cuntrafà ad interess publics. Il contrat sto gnir approvà da l'autorità da fabrica ed inscrit aint il cudesch fundiari.
3
Tanter stabilimaints sülla medemma parcella sainza fabricats annexs ed accessoris tenor al. 1 sto gnir observada la distanza da cunfin dubla sco distanza da
stabels. Sco distanza da stabels vala la distanza la plü cuorta masürada orizontalmaing tanter ils mürs externs dals stabilimaints. L'autorità da fabrica po admetter distanzas plü pitschnas scha quels nu cuntrafan ad interess publics.
4
Parts da stabels chi tendschan our dal mür sco lobgias avertas, balcuns torts,
penslas, s-chalas eui. das-chan tendscher per maximalmaing 1.00 m aint illa
distanza da cunfin e da stabels, premiss chi nu toccan il profil intern da la via. Lur
lunghezza cumplessiva nu das-cha surpassar ün terz da la lunghezza da la
fatschada. Aint illa zona dal cumün vegl ed aint illa zona centrala po l'autorità
da fabrica admetter excepziuns da la lunghezza cumplessiva maximala.
3.2 Zonas agriculas
Zona agricula
Art. 68
1
La zona agricula cumpiglia terrain chi'd es adattà per l'ütilisaziun agricula o per
l'orticultura productiva e chi fa dabsögn per accumplir ils differents dovairs da
l'agricultura o chi stess gnir cultivà da paurs per interess da la generalità.
2
Il plan da zonas fixa territoris cun scumond da fabrica per stabels agriculs sur
terra. Aint in quels territoris nu das-chan gnir realisats ingüns fabricats agriculs sur
terra. Uschigliö valan las directivas dal dret chantunal e federal a reguard fabricats ed implants aint illa zona agricula.
3
Fabricats illa zona agricula ston esser integrats bain aint illa cuntrada. L'autorità
da fabrica piglia las disposiziuns necessarias a reguard pusiziun, dimensiun, situaziun e fuormaziun dals fabricats.
36
Zona agricula San Jon (gestiun da chavals)
Art. 69
1
La zona agricula San Jon es definada per l’ütilisaziun agricula e per l’alloschamaint, l’allevamaint e l’instrucziun da chavals.
2
Admissas sun activitats cumplementaras in connex cun quistas ütilisaziuns sco
occurrenzas d’ir a sella, gestiuns d’üna scoula d’ir a sella e spüertas per vacanzas in üna pauraria da chavals.
3
Ils fabricats ed implants bsögnaivels per quista gestiun sun nomnats concretamaing aint il plan general da fuormaziun.
3.3 Zonas da protecziun
Zona per la protecziun da la natüra
Art. 70
1
La zona per la protecziun da la natüra cumpiglia biotops, impustüt regiuns ümidas ed ulteriuors territoris natürals chi sun caracterisats tras üna varietà extraordinaria da las spezchas o tras l'existenza da spezchas raras.
2
Fabricats ed implants nouvs, müdamaints dal terrain, chavas e deponias da
material, urbarisaziuns ed otras intervenziuns o ütilisaziuns chi disturban sun scumandats. Fabricats ed implants existents sco eir repars das-chan gnir renovats.
Fabricats ed implants indispensabels per ragiundscher il böt da la protecziun sco
eir intervenziuns da fabrica per renatürar, revitalisar o per ün'ütilisaziun agricula
adattada i'l rom da las masüras da chüra sun admiss. Vias champestras, forestalas e sendas das-chan gnir adattadas, tant inavant cha la sgürezza e'l mantegnimaint pretendan quai.
3
Aint in regiuns ümidas nun esa impustüt na admiss da drenar e d'aldar. L'autorità
da fabrica ordinescha las masüras necessarias per la protecziun, la chüra e la
signalisaziun dals territoris protets. Ella po impustüt relaschar scumonds d'entrar.
4
Restricziuns da l'ütilisaziun e da la cultivaziun, obligs da mantegnimaint e da
chüra sco eir remuneraziuns pon gnir reglats tras contrats i'l rom da las disposiziuns legalas.
5
Per la cultivaziun dal god aint illas zonas per la protecziun da la natüra valan las
disposiziuns da la planisaziun forestala. Resalvadas restan plünavant prescripziuns plü restrictivas tenor la legislaziun davart la protecziun da la natüra e da la
patria sco eir las disposiziuns specialas per la zona pel sport d'inviern ingio cha
quella es cuvernada da zonas per la protecziun da la natüra.
37
Zona per la protecziun da la cuntrada
Art. 71
1
La zona per la protecziun da la cuntrada cumpiglia cuntradas natüralas da bellezza extraordinaria e d'ün caracter special.
2
Fabricats ed implants nouvs, müdamaints dal terrain, chavas e deponias da material ed otras intervenziuns chi s'oppuonan als intents da protecziun nu sun admiss. Resalvats sun condots suotterrans, fabricats ed implants chi servan per
cumbatter privels sco eir fabricats ed implants agriculs o forestals, premiss cha
tals fan dabsögn per l'ütilisaziun dal territori respectiv e chi nu po gnir pretais da
tils metter dadour la zona da protecziun.
3
Fabricats ed implants existents chi nu correspuondan a la zona das-chan gnir
renovats, müdats parzialmaing, ingrondits moderadamaing ed in cas da destrucziun reconstruits culla medemma grondezza, tuot quai i'l rom dal dret federal. Plünavant esa admiss da müdar cumplettamaing l'adöver, q.v.d. da
transfuormar ün'abitaziun dovrada per l'ütilisaziun agricula in ün'abitaziun dovrada per ün'otra ütilisaziun. Id es eir admiss da müdar l'adöver da stabilimaints
ed implants arcugnuschüts sco degns da gnir mantgnüts. Quist müdamaints
d'adöver ston succeder I'l rom da las regulaziuns federalas. Vias champestras,
forestalas e sendas das-chan gnir adattadas, tant inavant cha la sgürezza e'l
mantegnimaint pretendan quai.
4
Gruppas da bos-cha da valur sco saivs vivas, bos-chaglia champestra e boschaglia da riva nu das-chan gnir diminuidas. Per la cultivaziun dal god aint illa
zona per la protecziun da la cuntrada valan las directivas da la planisaziun
forestala.
Zona per prada sütta e pas-ch süt
Art. 72
1
La zona per prada sütta e pas-ch süt cumpiglia prada sütta e pas-ch süt, ulteriuors spazis da viver da valur ecologica sco eir surfatschas cun potential
d'augmaint da valur. Ils singuls lös cun prada sütta e pas-ch süt sun segnats sco
indicaziun aint il plan da zonas.
2
Fabricats ed implants per l'ütilisaziun agricula e forestala, fabricats ed implants
liats al lö sco eir ils fabricats ed implants admiss aint illa zona cuvernanta pel
sport d'inviern sun admiss, premiss cha las valuors da la cuntrada e las valuors
ecologicas vegnan schaniadas tant sco pussibel. Per fabricats ed implants
existents na confuorms a la zona valan las disposiziuns da l'art. 71 al. 3.
3
Disturbis o destrucziuns da prada sütta o pas-ch süt, da spazis da viver natürals o
da l'intretschamaint ecologic sun da cumpensar dadaint la zona.
4
Restricziuns da l'ütilisaziun e da la cultivaziun, obligs da mantegnimaint e da
chüra sco eir remuneraziuns pon gnir reglats tras contrats i'l rom da las disposiziuns legalas.
38
Zona da la cuntrada cultivada (terrassas)
Art. 73
1
La zona da la cuntrada cultivada cumpiglia las terrassas tradiziunalas.
2
Las cuntradas in fuorma da terrassa culs elemaints caracteristics sco terrassas,
saivs vivas, mürs e sendas ston gnir mantgnüts e cultivats confuorm als intents da
la protecziun. Intervenziuns da plü bod chi disturban ston gnir eliminats, scha
pussibel. Il cumün promouva la restoraziun da mürs demolits e terrassas desdrüttas.
3
Las terrassas e'ls ogets tipics per la cuntrada sco saivs vivas, mürs e sendas nu
das-chan gnir disturbats o periclitats tras la cultivaziun agricula e cun preparar o
spostar pistas existentas. Meglioraziuns aint illa zona da la cuntrada cultivada
ston avair il böt da mantgnair e refar las terrassas tradiziunalas. Catramar vias o
sendas existentas sco eir s-chaffir nouvas pistas nun es admiss.
4
Per fabricats ed implants nouvs sco eir per progets da fabrica vi da fabricats ed
implants na confuorms a la zona valan las disposiziuns da l'art. 71 al. 3. Disturbis o
destrucziuns da terrassas, saivs vivas o mürs tras progets da fabrica sun da
cumpensar dadaint la zona.
5
Gruppas da bos-cha da valur, saivs vivas, bos-chaglia champestra e bos-chaglia da riva aint illa zona da la cuntrada cultivada sun protettas. Ellas nu daschan gnir urbarisadas, tagliar fin la tschocca es admiss be parzialmaing. Per allontanar o donnagiar gruppas da bos-cha sco eir da mürs sechs e/o mantuns
da crappa voul quai ün permiss da l'autorità da fabrica. Il permiss vain dat scha
interess predominants güstificheschan l'intervenziun e schi vain prestada üna
cumpensaziun reala aint il medem cuntegn. La concessiun da permiss per
allontanar o donnagiar considerabelmaing saivs vivas, bos-chaglia champestra
e bos-chaglia da riva as drizza tenor las disposiziuns federalas e chantunalas.
Allontanar la frus-chaglia pro surfatschas süttas chi creschan aint però es admiss
tenor cunvegna cun l'Uffizi per natüra ed ambiaint o cun l'Uffizi forestal.
6
L'autorità da fabrica piglia las masüras necessarias per la protecziun, la chüra e
la restoraziun da las terrassas sco eir per promouver la cultivaziun dals chomps.
Restricziuns da l'ütilisaziun e da la cultivaziun, dovairs da mantegnimaint e da
chüra sco eir masüras da renovaziun pon gnir reglats tras contrat ed indemnisats
i'l rom da las directivas legalas.
Zona d'archeologia, zona da protecziun archeologica
Art. 74
1
La zona d'archeologia cumpiglia surfatschas ingio chi sun da spettar cun gronda probabiltà scuvertas e constataziuns archeologicas.
2
Progets da fabrica vegnan annunzchats al cumün avant l'elavuraziun dals plans
dal proget. Progets da fabrica pon be gnir admiss cun pretaisas fixadas insembel cul servezzan archeologic.
3
La zona da protecziun archeologica cumpiglia lös da chat cuntschaints. Admiss
sun be fabricats ed implants chi servan a l'intent da la zona.
39
Zona da protecziun per la sulvaschina
Art. 75
1
La zona da protecziun per la sulvaschina cumpiglia spazis da viver da bes-chas,
specialmaing da la sulvaschina.
2
S-chaffir, preparar e segnar pistas da skis, loipas da passlung e vias da schlitra
obain oters indrizs pel sport nu sun admiss. Tanter ils 1. december e'ls 30 avrigl
esa scumandà d'entrar a pè o cun veiculs sül territori aint illa zona da protecziun
per la sulvaschina, cun excepziun da vias o sendas segnadas. Cuntrafacziuns
vegnan chastiadas tenor las directivas penalas da la ledscha da fabrica.
3
Masüras d'urgenza e da salvamaint sco eir ütilisaziuns forestalas sun admissas.
Zona da protecziun per l'aua da fuond e las funtanas
Art. 76
1
La zona da protecziun per l'aua da fuond e las funtanas cumpiglia territoris chi
ston gnir protets dad influenzas negativas per garantir il provedimaint cun aua
da baiver.
2
Las surfatschas dadaint las zonas da protecziun per l'aua da fuond e las funtanas valan tenor ledscha davart la protecziun da las auas sco cuntegns specialmaing periclitats. L'autorità da fabrica preschainta dumondas da fabrica a l'autorità specialisada respunsabla (ANU).
3
L'adöver tras l'agricultura, la silvicultura, l'orticultura ed otras ütilisaziuns ston succeder uschè cha üna protecziun sufficiainta da las auas es garantida.
3.4 Ulteriuras zonas
Zona da privel
Art. 77
1
Las zonas da privel indichan territoris periclitats da lavinas, crappa, boudas, torrents, auazuns, sortidas da gas (mofettas) o oters evenimaints natürals.
2
Aint illa zona da grond privel (zona da privel I) nu das-chan gnir realisats fabricats ed implants chi servan sco dmura per umans e bes-chas. Fabricats ed implants existents das-chan be gnir renovats. Fabricats ed implants desdrüts daschan gnir refabrichats be in cas excepziunals. Fabricats liats al lö chi nu servan
sco dmura per umans e bes-chas sun admiss cullas masüras correspundentas
per proteger l'oget.
3
Fabricats ed implants nouvs sco eir ingrondimaints e müdamaints aint illa zona
cun pac privel (zona da privel II) douvran masüras da protecziun specialas.
Dumondas da fabrica sun d'inoltrar a la sgüranza da stabels dal chantun
Grischun per l'examinaziun. Quella dà cuntschaint las pretaisas necessarias a
l'autorità da fabrica.
40
4
Aint illa zona da privel "grondas sortidas da gas" esa scumandà da realisar fabricats ed implants. Pro progets da fabrica aint illa zona da privel "sortidas da gas
pussiblas" sto gnir examinà il terrain davo avair fini il s-chav. Schi vegnan constatadas sortidas da gas ordinescha l'autorità da fabrica, scha quai fa dabsögn, las
masüras da sgürezza necessarias in basa d'ün'expertisa.
Zona pel sport d'inviern
Art 78
1
La zona pel sport d'inviern cumpiglia il territori necessari pel sport da naiv e
glatsch.
2
Fabricats ed implants, müdamaints da terrain, implantaziuns ed aldadas chi
disturban il sport d'inviern nu sun admiss. Saivs chi's rechattan sül territori da pistas
sun d'allontanar tanter ils 1. november e'ls 31 marz.
3
Aint illa zona pel sport d'inviern ha minchün access liber per exercitar il sport
d'inviern. La preparaziun da pistas cun maschinas aint illa zona pel sport d'inviern
es admissa tenor las directivas dal plan general d'avertüra. Las surfatschas indichadas sül plan general d'avertüra das-chan gnir innaivüdas. Ingio cha la zona
pel sport d'inviern cuverna zonas per la protecziun da la natüra esa admiss da
preparar pistas be schi’s po excluder dons vi dals biotops. L'adöver da substanzas chemicas o biologicas cun innaiver pistas dadaint las zonas per la protecziun da la natüra e las zonas da protecziun per l'aua da fuond e las funtanas es
scumandà.
4
Dons o perditas da racolta sün terrain aint illa zona pel sport d'inviern, chaschunats dal sport d'inviern e da la preparaziun da pistas, vegnan reparats o indemnisats dal cumün, davo la consultaziun d'ün cusgliader agricul. Il cussagl cumünal regla il proceder per constatar las perditas da racolta cun ün reglamaint.
5
Cuosts chi resultan pel cumün pervi dal tgnair liber il territori pel sport d'inviern
han da surtour las interpraisas ed associaziuns chi chaschunan quists cuosts
(pendicularas, organisaziun da la loipa).
6
Fabricats ed implants chi servan directamaing al sport d'inviern sun confuorms a
la zona.
7
Aint in quels cuntegns da la zona pel sport d'inviern chi sun segnats specialmaing aint il plan da zonas pon gnir admiss sco confuorm a la zona, tenor las
seguaintas disposiziuns, eir implants pel sport e pel temp liber chi nu servan
directamaing al sport d'inviern, chi ston però esser situats dadour la zona da
fabrica e chi stan in ün connex direct culla sporta turistica.
1.
Implants pel sport e per giovar i'l sen da l'al. 7 vegnan admiss per regla be
sco fabricats ed implants temporars. Impustüt gestiuns da restorants daschan gnir admiss be temporarmaing in connex cun arrandschamaints.
Fabricats ed implants temporaris ston gnir allontanats mincha jada davo la
stagiun da stà o d'inviern resp. davo l'arrandschamaint.
41
8
2.
Ils implants necessaris per l'avertüra (provedimaint cun aua e forza electrica,
allontanamaint d'aua persa) sco eir vias d'access ed adattamaints dal
terrain pon gnir admiss sco implants stabels tenor las directivas dal plan
general d'avertüra. Quai vala eir per implants da sport e per giovar sco tragets per ir culla schlitra d'instà [Rodelbahnen], pistas per ir aval cul velo
[Downhillpisten] ed implants sumgliaints chi ston gnir fabrichats pervi da lur
gener sco implants permanents. Implants plü pitschens e localmaing cunfinats pel sport e per giovar pon gnir admiss eir sainza chi sun fixats aint il plan
general d'avertüra.
3.
Tuot ils fabricats ed implants ston gnir integrats aint illa cuntrada uschè chi
piglian resguard sül lö e sül ambiaint. Fabricats ed implants aint ils cuntegns
segnats cun protecziun cunter immissiuns vegnan admiss be cullas masüras
necessaris per evitar immissiuns da canera.
Là ingio cha üna zona per la protecziun da la natüra o ün'otra zona da protecziun cuverna üna part da la zona pel sport d'inviern esa da coordinar tant sco
pussibel progets da fabrica culs interess da protecziun chi sun cuntraris. Quai
succeda i'l rom dal proceder dal permiss da fabrica cun partecipaziun dal
patrun da fabrica, dal cumün e da las autoritats chantunalas respunsablas, i'l
sen d'üna planisaziun cooperativa. In quels cas cha cuntegns protets vegnan
donnagiats esa da fixar prestaziuns da cumpensaziun.
Zona da campar
Art. 79
1
Aint illa zona da campar sun admissas plazzas da campar e plazzas per autorulottas. I sun admiss be fabricats chi servan a l'intent da la zona, sco p.ex. indrizs
sanitaris (locals per as lavar, duschas, tualettas) kioscs, restorants, implants da
sport e per giovar. L'autorità da fabrica po far prescripziuns a reg. la posiziun, la
dimensiun e la situaziun dals stabilimaints.
2
La gestiun d'üna plazza da campar o d'üna plazza per autorulottas voul ün permiss da l'autorità da fabrica. Il permiss po gnir dat be scha tuot ils indrizs sanitaris
sun avant man al mumaint da l'avertüra da la gestiun. Aint il permiss da gestiun
esa d'indichar precis la surfatscha libra per metter tendas e rulottas.
3
Per plazzas da campar e plazzas per autorulottas sto il portader dal permiss stipular ün uorden da campar chi sto gnir approvà tras il cussagl cumünal.
4
Staziunar permanentamaing rulottas, autorulottas, tendas e simils indrizs es admiss scha'ls implants da preparaziun necessaris accumplischan las prescripziuns
da la Confederaziun, dal Chantun e dal cumün. Plünavant valan las prescripziuns da l'uorden da campar respectiv.
42
Zona da god
Art. 80
1
La zona da god cumpiglia il god i'l sen da la legislaziun da god sco eir territoris
d'implantaziun. Cunfins dal god in vicinanza da zonas da fabrica vegnan registrats aint ils plans d'ütilisaziun.
2
La pussibiltà da realisar fabricats ed implants as drizza davo la legislaziun da god
e da la planisaziun dal territori.
Zona da deponia
Art. 81
1
La zona da deponia cumpiglia surfatschas destinadas per depuoner material
net chi deriva da s-chavs e da rumidas.
2
Per fabricats ed implants chi servan directamaing a la gestiun da la deponia ed
a la separaziun dal rument po gnir dat permiss, scha lur lös sun fixats aint il plan
general da fuormaziun.
3
Davo cha'l proget o singulas etappas sun finits sto il territori da la deponia gnir
serrà giò correctamaing. Plünavant valan per la construcziun e la gestiun da la
deponia las prescripziuns da la legislaziun davart la protecziun da l'ambiaint.
Art. 82
1
L'ulteriur territori cumünal cumpiglia il terrain na productiv e quellas surfatschas
ingio chi nun es amo fixada ün'ütilisaziun fundamentala.
2
Fabricats ed implants chi disturban ün intent futur da la zona nu sun admiss. Pel
cumün nu das-chan resultar ingüns cuosts sch'el dà il permiss per progets admiss.
I nun exista ingün dret d'attach vi dad implants da preparaziun publics.
4. Fuormaziun
Stabilimaints degns da gnir mantgnüts
Art. 83
1
Il plan general da fuormaziun indicha fabricats chi sun pervi da lur posiziun, lur
fuormaziun e lur substanza architectonica da valur per la structura dal cumün e
l'istorgia dal fabrichar. Pro renovaziuns e müdamaints sto gnir mantgnüda la substanza architectonica importanta e la structura fundamentala dal stabilimaint.
L'autorità da fabrica po admetter sbodamaints o ingrondimaints in cas da circumstanzas specialas e scha'l güdicat davart la cusglianza da fabrica es positiv.
Ün dret da survgnir ün tal permiss excepziunal nun exista.
2
Müdamaints da fabrica suottastan a la cusglianza d fabrica. Pro progets da
fabrica vi da stabilimaints chi stan suot protecziun chantunala da monumaints
esa da consultar la chüra da monumaints dal Chantun.
43
3
Intenziuns da fabrica vi da stabilimaints degns da gnir mantgnüts ston gnir annunzchats a l'autorità da fabrica avant l'elavuraziun dals plans dal proget.
Quella fixa insembel cul patrun e culla cusglianza da fabrica las directivas da
mantegnimaint in detagl, in basa a l'inventar da stabilimaints. Schi nun exista
amo ün inventar per l'oget respectiv dà l'autorità da fabrica l'incumbenza da til
inventarisar. Ils cuosts per l'inventarisaziun van a charg dal patrun da fabrica.
4
Per progets da fabrica vi da stabilimaints d'alp tenor plan general da fuormaziun
valan las prescripziuns relativas da la legislaziun federala e chantunala.
Mürs, alleas e salaschada
Art. 84
1
Ils mürs registrats aint il plan general da fuormaziun sco degns da gnir mantgnüts
sun da mantgnair, da cumplettar e da refar davo sanaziuns.
2
Las alleas registradas aint il plan general da fuormaziun e la salaschada süllas
vias, sendas e plazzas sun da mantgnair, da cumplettar e da refar davo sanaziuns da vias.
Bröls e curtins protets
1
Art. 85
Ils bröls e curtins protets indichats aint il plan general da fuormaziun ston gnir
mantgnüts e chürats in lur gener oriund e lur caracter. Id es scumandà da tils
surfabrichar o da realisar laint plazzas da parcar e simils implants.
Lingias da fuormaziun per fabrichar
Art. 86
1
Las lingias da fuormaziun per fabrichar servan a la fuormaziun dal purtret dal lö o
da singulas lingiadas da chasas sco eir per situar fabricats aint il cumün.
2
Fabricats sur terra nu das-chan surpassar las lingias da fuormaziun per fabrichar.
Ingio cha'ls plans prevezzan quai fixan las lingias da fuormaziun per fabrichar
stringentamaing la posiziun da stabilimaints o da singulas fatschadas.
3
Las lingias da fuormaziun per fabrichar vegnan fixadas aint il plan general da
fuormaziun o aint in plans da quartier.
Ogets natürals e culturals
1
2
Art. 87
Ils ogets natürals e culturals registrats aint il plan general da fuormaziun sco baselgias, punts, funtanas mineralas e bügls sco eir lur contuorns nu das-chan gnir
desdrüts o donnagiats.
L'autorità da fabrica piglia las masüras necessarias pel mantegnimaint e la
chüra dals ogets protets.
44
Puncts cun bella vista
Art. 88
1
Ils puncts cun bella vista indichats aint il plan general da fuormaziun nu
das-chan gnir surfabrichats. I nun es neir admiss da tour la vista cun fabricats in
prosma vicinanza.
2
Ils puncts cun bella vista sun accessibels publicamaing. Ils proprietaris da terrain
pertocs ston tolerar l'access als puncts cun bella vista. Il cumün indemnisescha
eventuals dons vi dal terrain chaschunats tras l'adöver dals puncts cun bella
vista.
5. Avertüra
5.1 In general
Avertüra
Art. 89
1
Il cumün pissera chi gnia realisada l'avertüra tenor las prescripziuns da la
ledscha da fabrica, dals reglamaints d'avertüra (reglamaint davart las auas e la
chanalisaziun, ledscha davart l'economisaziun da las immundizchas) sco eir
tenor las prescripziuns federalas e chantunalas. Pel provedimaint cun energia
electrica valan las prescripziuns da la Corporaziun dals cumüns concessiunaris
da las OEE e'l reglamaint davart il provedimaint d’energia dal cumün da Scuol
chi's basa sün quellas.
2
Ils reglamaints d'avertüra reglan, cumplettond la ledscha da fabrica, la realisaziun, la concepziun, l'adöver, il mantegnimaint e la renovaziun sco eir la finanziaziun dals implants d'avertüra.
3
Per avertüras aint il rom da planisaziuns da quartier restan resalvadas las directivas davart la planisaziun da quartiers. Ingio chi mancan prescripziuns sun applichablas subsidiarmaing las directivas dals reglamaints d'avertüra eir pro planisaziuns da quartier.
Avertüra fundamentala e generala
Art. 90
1
L'avertüra fundamentala cumpiglia la rait principala da las vias, las ouvras pel
provedimaint cun aua e forza electrica, la chanalisaziun, las sarineras e'ls implants per immundizchas sco eir ils indrizs da transport fin pro l'avertüra generala.
2
L'avertüra generala cumpiglia las vias da ramassamaint sco eir ils condots principals dal provedimaint d’aua e d’energia, da la chanalisaziun, dal trattamaint
d'aua suos-cha e da la telecomunicaziun, culs implants chi toccan pro.
45
3
Pro'ls implants da l'avertüra fundamentala o generala toccan tuot tenor importanza las vias champestras e forestalas, las vias per ir cul velo ed a sella, las sendas per peduns sco eir implants da parcar e da transport.
Avertüra detagliada
Art. 91
1
L'avertüra detagliada cumpiglia las vias d'access, impustüt las vias da quartier e
las plazzas e zonas per peduns sco eir ils attachs da las singulas parcellas vi dals
condots principals dals implants d'avertüra publics. Pro l'avertüra detagliada
toccan plünavant implants cumünaivels sco parkegis, implants da transport, implants pel provedimaint d’energia, plazzals per ramassar las immundizchas e simils ogets.
2
L'autorità da fabrica po obliar ils proprietaris da terrain d'ün quartier o da parcellas vaschinas da realisar implants cumünaivels privats. Per implants cumünaivels
plü gronds sto gnir fat ün plan da quartier.
3
L'autorità da fabrica po obliar proprietaris d'implants da trafic o da provedimaint privats da metter a disposiziun lur implants eir a terzs, cunter ün'indemnisaziun adequata, premiss cha quist adöver cumünaivel saja d'interess public.
L'indemnisaziun vain fixada da l'autorità da fabrica.
5.2 Progettaziun, realisaziun
Lingias da fabrica
Art. 92
1
Lingias da fabrica servan per sgürar implants da trafic e da provedimaint
existents o planisats. Il terrain chi's rechatta aint il territori cun lingias da fabrica
nu das-cha gnir surfabrichà ni sur, ni suot terra.
2
Singulas parts da stabels chi tendschan our dal mür sco penslas, balcuns torts e
lobgias das-chan surpassar la lingia da fabrica fin 1.50 m, premiss chi's rechattan
almain 3 m sur il livel dal marchapè e 4.50 m sur quel da la via.
3
Fabricats aint il territori da lingias da fabrica pon gnir müdats be excepziunalmaing. La plüvalur chi resulta sto gnir annotada aint il cudesch fundiari a cuost
dal proprietari e nu vain remunerada in cas d'expropriaziun.
Progets generals e progets da fabrica
Art. 93
1
La progettaziun d'implants d'avertüra publics es chosa dal cumün.
2
Ils progets generals cumpiglian ils implants principals dal provedimaint d'aua
(GWP) e dal trattamaint da l'aua persa (GEP), ils implants da trafic (avertüra
generala) sco eir implants pel provedimaint e per l'economisaziun da las
immundizchas.
46
3
Ils progets da fabrica defineschan la dimensiun, la pusiziun e la fuormaziun a
reg. tecnica da fabrica d'implants d'avertüra ed ulteriuors detagls.
Proceder
Art. 94
1
Lingias da fabrica, progets generals e progets da publicaziun (progets da
fabrica) ston gnir exposts publicamaing in cumün dürant 20 dis. Dürant il temp
d'exposiziun po gnir recuorrü pro l'autorità da fabrica in scrit e cun motivaziun.
2
Davo il termin d'exposiziun decida l'autorità da fabrica davart eventuals recuors
e comunichescha sia decisiun als recurrents in scrit e cun motivaziun. L'ordinaziun da lingias da fabrica sco eir l'approvaziun da progets generals e da fabrica
sto gnir publichada da maniera üsitada al lö.
3
Per lingias da fabrica fixadas aint in ün plan general d'avertüra o ün plan da
quartier valan unicamaing las prescripziuns pel proceder da la masüra da planisaziun respectiva.
Realisaziun
1. Implants d'avertüra publics
Art. 95
1
La realisaziun dals implants cumünals per l'avertüra fundamentala e generala es
chosa dal cumün.
2
Ils implants da l'avertüra detagliada vegnan realisats dal cumün, schi servan ad
ün numer da parcellas plü grond. Scha'l cumün refüsa la realisaziun da l'avertüra
detagliada han ils proprietaris da terrain il dret da realisar quists implants sco
implants d'avertüra privats, tenor ils plans dal cumün.
2. Implants d'avertüra privats
Art. 96
1
La realisaziun d'implants d'avertüra privats es chosa dals proprietaris da terrain.
2
Sün dumonda po l'autorità da fabrica surtour implants d'avertüra privats chi
servan per l'adöver general e chi correspuondan a las pretaisas tecnicas, premiss cha quists implants vegnan surlaschats gratuitamaing ed in ün bun stadi. La
surtutta d'implants d'avertüra privats tras expropriaziun resta resalvada.
5.3 Finanziaziun
47
5.3.1
Implants d'avertüra publics
5.3.1.1 In general
Taxas d'avertüra
Art. 97
1
Il cumün cuverna seis cuosts per la construcziun, la gestiun, il mantegnimaint e la
renovaziun (sanaziun, rimplazzamaint) d'implants d'avertüra publics cun inchaschar contribuziuns e taxas. Pro circumstanzas specialas porta el ils cuosts
restants cun mezs generals.
2
Contribuziuns tenor plüvalur (taxas da preferenza) vegnan inchaschats per la
construcziun e la renovaziun d'implants da trafic sco eir d'implants per l'avertüra
detagliada.
3
Taxas (taxas d'attach, taxas fundamentalas e taxas tenor quantità) vegnan inchaschadas per cuvernar ils cuosts per la construcziun, la gestiun, il mantegnimaint e la renovaziun dals implants da provedimaint da l'avertüra fundamentala e generala sco eir da l'avertüra detagliada, tant inavant cha l'avertüra
detagliada nu vain finanziada cun contribuziuns tenor plüvalur. Pel mantegnimaint e la renovaziun d'implants existents ston gnir fattas las reservas necessarias. Scha quellas nu bastan vegnan inchaschadas taxas d'attach specialas.
Oblig da pajar taxas
Art. 98
1
Las taxas d'avertüra cun excepziun da las taxas tenor quantità per l'economisaziun da las immundizchas sun da pajar da princip dals proprietaris da terrain
chi'd han ün avantag economic special dals stabilimaints d'avertüra publics o
chi fan adöver dals implants. Decisiva per l'oblig da pajar taxas es l'inscripziun
aint il cudesch fundiari al mumaint cha la taxa es da pajar.
2
In cas da proprietà cumünaivla o cunproprietà sun ils proprietaris cumünaivels
resp. ils cunproprietaris obliats da pajar taxas, e quai cun respunsabiltà solidara.
In cas da proprietà in condomini sun da pajar las taxas da la cumünanza dals
proprietaris, in cas da drets da fabrica da las persunas chi'd han il dret da
fabrica.
3
Scha ün'immobiglia müda man davo cha'l termin per pajar la taxa es scrodà
surpiglia il nouv proprietari l'oblig da pajar tuot las taxas na pajadas.
Dret da pegn legal
Art. 99
48
1
Per contribuziuns da plüvalur e taxas d'attach pajabels exista ün dret da pegn
legal tenor art. 130 ss. da la ledscha introductiva pel cudesch civil svizzer
(LItCCS).
2
Scha contribuziuns tenor plüvalur tenor art. 96 o taxas d'attach pajablas nu
vegnan pajadas infra il termin fixà sto gnir iniziada, davo ün'admoniziun sainza
success, la pretensiun dal dret da pegn a las persunas obliadas da pajar taxas
sco eir als proprietaris dals pegn, e quai in üna disposiziun chi suottastà al dret
da recuors.
3
Davo cha la disposiziun dal dret da pegn es entrada in vigur ordinescha il
cussagl cumünal infra ün on l'inscripziun dal dret da pegn aint il cudesch fundiari
(tenor art. 132 LItCCS). L'ordinaziun d'ün'inscripziun provisorica dal dret da pegn
tenor art. 133 LItCCS resta resalvada.
5.3.1.2 Taxas unicas
Contribuziuns tenor plüvalur
Art. 100
1
Schi vegnan realisats nouvs implants da trafic resp. da provedimaint da l'avertüra detagliada o schi vegnan renovats implants existents, inchascha il cumün
contribuziuns tenor plüvalur, premiss chi resulta pels proprietaris da terrain ün
avantag economic special tras la construcziun o la renovaziun (sanaziun, rimplazzamaint) dals implants.
2
L'autorità da fabrica fixa la part dals cuosts cha'ls proprietaris da terrain han da
portar, e quai tenor l'interess public e privat vi dals implants. Lapro valan las
seguaintas directivas:
part cumünala
part privata
100 - 50 %
0 - 50 %
30 - 0 %
70 - 100 %
30 - 0 %
70 - 100 %
implants da trafic:
− avertüra generala tenor art. 89
− avertüra detagliada tenor art. 90
implants da provedimaint:
− avertüra detagliada
Scha implants d'avertüra servan unicamaing a la surfabricaziun ed ütilisaziun
d'ün territori han ils proprietaris dal terrain da portar tuot ils cuosts per l'avertüra.
3
Schi vegnan realisats implants d'avertüra cun oblig da pajar contribuziuns aint il
rom d'üna planisaziun da quartier ston gnir fixadas las contribuziuns tenor
plüvalur cul proceder da plan da quartier. In oters cas vegnan inchaschadas las
contribuziuns tenor las prescripziuns da l'uorden chantunal davart la planisaziun
dal territori.
Taxas d'attach d'aua
Art. 101
49
1
Per stabilimaints chi vegnan colliats per la prüma jada cul provedimaint d'aua
public sto gnir pajada üna taxa d'attach unica. Scha stabilimaints colliats
vegnan müdats davopro es da prestar ün pajamaint supplementar.
2
La basa per la taxaziun e las tariffas per las taxas d'attach d'aua vegnan fixadas
aint il reglamaint davart las auas. Las taxas vegnan fixadas ed inchaschadas
tenor las prescripziuns da quist reglamaint.
Taxas d'attach da chanalisaziun
Art. 102
1
Per stabilimaints chi vegnan colliats per la prüma jada culla chanalisaziun
publica sto gnir pajada üna taxa d'attach unica. Scha stabilimaints colliats
vegnan müdats davopro esa da prestar ün pajamaint supplementar.
2
Per surfatschas cun surtratta düra plü grondas co 200 m2 sco plazzas davant
chasas, plazzas per lavurar, plazzas da deposit, plazzas da parcar ed oter plü
chi sun colliadas culla chanalisaziun publica es da pajar üna taxa d'attach
unica per l'aua da plövgia. Schi vegnan ingrondidas surfatschas cun oblig da
pajar taxas es da prestar ün pajamaint supplementar.
3
La basa per la taxaziun e las tariffas per las taxas d'attach da chanalisaziun
vegnan fixadas aint il reglamaint davart la chanalisaziun. Las taxas vegnan
fixadas ed inchaschadas tenor las prescripziuns da quist reglamaint.
4
Per la fracziun da Nairs valan las disposiziuns specialas dal reglamaint davart la
chanalisaziun Nairs.
Taxas d'attach specialas
Art. 103
1
Scha'l rechav da las taxas e las reservas nu bastan per finanziar implants da
provedimaint nouvs (implants nouvs, ingrondimaints) o renovaziuns necessarias
vegnan inchaschadas taxas d'attach specialas dals proprietaris da las parcellas
colliadas chi profitan dals implants.
2
Scha implants dal provedimaint public ston gnir ingrondits pervi dals bsögns
specials da singulas immobiglias vain inchaschada da lur proprietaris üna taxa
d'attach speciala per cuvernar ils cuosts da l'ingrondimaint.
3
Las tariffas per las taxas d'attach specialas vegnan fixadas tras votumaziun a
l'urna. Plünavant valan las prescripziuns davart las taxas d'attach d'aua resp. da
chanalisaziun analog eir per las taxas d'attach specialas.
5.3.1.3 Taxas periodicas
50
Taxas d'aua
Art. 104
1
Per l'adöver dals implants publics pel provedimaint d'aua vegnan inchaschadas
da tuot las immobiglias colliadas taxas d'aua annualas chi's cumpuonan da las
taxas fundamentalas e las taxas tenor quantità.
2
La basa per la taxaziun (taxas fundamentalas e taxas tenor quantità sco eir fits
pels quintaduors) vain fixada aint il reglamaint davart las auas. Las tariffas
vegnan fixadas minch'on da la radunanza cumünala cul büdschet.
3
Las taxas d'aua vegnan fixadas ed inchaschadas tenor las prescripziuns dal
reglamaint davart las auas.
Taxas d'aua persa
Art. 105
1
Per l'adöver dals implants publics pel trattamaint da l'aua persa vegnan
inchaschadas da tuot las parcellas colliadas e surfabrichadas taxas annualas
d'aua persa chi's cumpuonan da taxas fundamentalas e taxas tenor quantità.
Per surfatschas cun surtratta düra tenor art. 102 al. 2 vain inchaschada be üna
taxa fundamentala.
2
La basa per la taxaziun (taxas fundamentalas e taxas tenor quantità) vegnan
fixadas aint il reglamaint davart il trattamaint da l'aua persa. Las tariffas vegnan
fixadas minch'on da la radunanza cumünala cul büdschet.
3
Las taxas d'aua persa vegnan fixadas ed inchaschadas tenor il reglamaint
davart l'aua persa.
Taxas d'immundizchas
Art. 106
1
Per cuvernar ils cuosts da l'economisaziun da las immundizchas vegnan inchaschadas taxas chi cuvernan ils cuosts e chi correspuondan al princip dal chaschunader. Quistas taxas as cumpuonan da la taxa fundamentala annuala e
taxas tenor quantità (taxas per furniziun directa, taxas per imballaschas resp.
sachs e containers).
2
La basa per la taxaziun e las tariffas per las taxas d'immundizchas vegnan
regladas aint illa ledscha davart l'economisaziun da las immundizchas. Las taxas
vegnan fixadas ed inchaschadas tenor las prescripziuns da la ledscha d'immundizchas.
3
Per las prestaziuns da l'organisaziun regiunala Pro Engiadina Bassa vala il reglamaint da taxaziun da quist'organisaziun.
5.3.2
51
Art. 107
1
Ils cuosts per la realisaziun, la gestiun, il mantegnimaint e la renovaziun (sanaziun,
rimplazzamaint) dals implants d'avertüra privats sun da portar dals proprietaris
dal terrain chi fan adöver da quists implants.
2
Scha implants d'avertüra servan a plüssas parcellas insembel, ston ils privats
scumpartir svess ils cuosts per la realisaziun, il mantegnimaint e la renovaziun.
Regulaziuns specialas pro planisaziuns da quartier restan resalvadas.
3
Scha proprietaris da terrain vegnan obliats dal cumün da realisar implants
d'avertüra cumünaivels o scha l'autorità dispuona cha ün implant existent sto
gnir miss a disposiziun eir a terzas persunas fixa l'autorità la part dals cuosts per
mincha parcella colliada.
4
Ils cuosts per colliar la prüma jada implants da provedimaint privats pel provedimaint d'aua e l'aua persa vi da la rait publica van a charg dals privats.
Attachs preparats dal cumün vegnan miss in quint als petents al mumaint chi
vain dat il permiss per l'attach. Da tschella vart van ils cuosts per adattar o
renovar attachs plü tard in connex cun spostamaints o renovaziuns da condots
publics aint il cuntegn dal s-chav a charg dal cumün.
5
Il cumün po surtour il mantegnimaint e'l nettiamaint d'implants d'avertüra privats
sco eir il servezzan d'inviern sün vias privatas cunter pajamaint dals agens cuosts
scha
a) la majorità dals proprietaris da terrain giavüscha quai o
b) ils proprietaris da terrain nun accumplischan sufficiaintamaing lur oblig da
mantegnimaint.
L'autorità da fabrica scumparta ils cuosts süls proprietaris da terrain tenor il princip d'avantag.
52
IV Plan da quartier
1. Plan da quartier
Plan da quartier
Art. 108
1
Il plan da quartier regla la fuormaziun e l’avertüra d'üna part cunfinada d'üna
zona da fabrica. El po preverer implants pel furnimaint dal quartier. Pro planisaziuns da quartier chi cumpiglian ün territori plü grond esa pussibel da relaschar
plans da quartier parzials tenor las directivas d'ün concept cumplessiv.
2
Las cumponentas dal plan da quartier sun: las prescripziuns dal plan da quartier,
il plan da fuormaziun dal quartier e'l plan d'avertüra dal quartier. Id es pussibel
da relaschar plans da quartier separats per implants cumünaivels d'avertüra e
da provedimaint.
3
Il plan da quartier cumpiglia tenor bsögn plans e registers a reguard il regruppamaint da terrain o il plan da rectificaziun dals cunfins.
4
Id es pussibel da fixar aint il plan da quartier etappas d'ütilisaziun per üna surfabricaziun dal territori dal plan da quartier in etappas.
Prescripziuns dal plan da quartier
Art. 109
1
Las prescripziuns dal plan da quartier cuntegnan prescripziuns davart la fuormaziun dals stabilimaints ed implants.
2
Ellas reglan almain la realisaziun e finanziaziun da l'avertüra dal quartier sco eir ils
princips pel scumpart dals cuosts per la planisaziun e l'avertüra tanter ils partecipants dal plan da quartier.
3
Las prescripziuns dal plan da quartier pon cumplettar las prescripziuns da
fabrica da l'uorden fundamental. Ellas pon preverer obligs d'ütilisaziun i'l rom da
l'uorden fundamental. Divergenzas da prescripziuns generalas e prescripziuns da
zonas sun admissas be intant chi correspuondan a las disposiziuns davart il plan
da fuormaziun dal quartier.
Plan da fuormaziun dal quartier
1
Art. 110
Il plan da fuormaziun da quartier garantischa l'integraziun da quartiers nouvs
aint il cumün existent ed aint illa cuntrada. El s-chaffischa las premissas per la
renovaziun e meglioraziun da quartiers existents.
53
2
3
Il plan da fuormaziun dal quartier separa almain las surfatschas surfabrichablas
da quellas chi sun da tgnair liber. Sch'el cuntegna ordinaziuns plü vastas davart
las cubaturas admissas, lur ütilisaziun e fuormaziun e sch'el garantischa üna
buna relaziun dals fabricats planisats tanter pêr, culs stabilimaints e culla cuntrada intuorn esa pussibel da fixar las seguaintas divergenzas da las prescripziuns
da fabrica generalas e da las prescripziuns da las zonas:
1.
La cifra d'ütilisaziun po gnir dozada tenor schema da las zonas.
2.
Las distanzas dal cunfin e dals stabilimaints sco eir las lunghezzas dals stabels, la
fuormaziun dals tets e la construcziun serrada da plüs cubus pon gnir determinadas
libramaing tenor criteris architectonics.
3.
Pro plans da quartier aint illas zonas d'hotels esa pussibel da dozar l'otezza dal stabel
sün maximalmaing 18.00 m.
4.
Schi fa dabsögn da müdar il terrain per motivs da la fuormaziun po gnir prescrit cha
las otezzas dal stabel e da la culmaina vegnan masüradas davent dal terrain nouv.
Invers parcellas vaschinas chi nu sun integradas aint il proceder dal plan da
quartier valan las distanzas dal cunfin e dals stabels prescrittas tenor schema da
las zonas.
Plan d'avertüra dal quartier
Art. 111
1
Il plan d'avertüra dal quartier fixa da maniera impegnativa l'avertüra dal territori
dal plan da quartier cun implants da trafic e da provedimaint. El es d'accordar
cul plan da fuormaziun dal quartier, cul plan general d'avertüra e culs progets
generals dal cumün.
2
Il plan d'avertüra dal quartier po prescriver implants cumünaivels sco garaschas,
implants pel provedimaint d'energia, plazzas per ramassar las immundizchas e
similas chosas. Proprietaris da fabricats ed implants existents pon gnir obliats da’s
colliar cun ün implant cumünaivel, premiss cha üna tala colliaziun saja nüzzaivla
e tolerabla.
3
Il plan d'avertüra dal quartier po fixar etappas per la realisaziun dals stabilimaints
d'avertüra.
Avertüra dal quartier
1. Realisaziun
1
Art. 112
Implants per l'avertüra dal quartier chi vegnan surtuts dal cumün davo cha'l
proceder es fini ston gnir realisats dal cumün. Il terrain necessari per quist intent
sto gnir separà tras il regruppamaint dal terrain e transferi in proprietà dal
cumün.
54
2
Ils implants da l'avertüra dal quartier chi nu vegnan surtuts vegnan realisats tras
ils partecipants dal plan da quartier suot la survaglianza dal cumün. Ils drets e
dovairs dals partecipants vi da quists implants ston gnir reglats illas prescripziuns
dal plan da quartier.
3
Il cumün es respunsabel pel mantegnimaint dals implants d'avertüra ch'el ha
surtut. In cas specials po el surdar il mantegnimaint als partecipants dal plan da
quartier.
2. Finanziaziun
Art. 113
1
Ils cuosts per l'avertüra dal quartier van da princip a charg dals partecipants dal
plan da quartier. Il cumün dà contribuziuns schi'd exista ün dret public direct chi
surpassa ils interess cumünaivels dals partecipants.
2
La clav da scumpart es da fixar tenor ils princips chi valan per las contribuziuns
dals proprietaris da terrain e d’integrar aint illas prescripziuns dal plan da quartier.
3
Las parts dals cuosts ston gnir pajadas cur cha'ls implants d'avertüra sun finits.
L'autorità da fabrica po però obliar ils partecipants dal plan da quartier da
prestar pajamaints a conto fingià dürant il temp da fabrica. Parts dals cuosts
miss in quint ston gnir pajats infra 60 dis. Pro pajamaints cun retard vain miss in
quint ün fit da retard chi correspuonda al fit da la Banca Chantunala Grischuna
per seguondas ipotecas plus ½ %.
Furnimaint dal quartier
Art. 114
1
Fabricats ed implants pel furnimaint dal quartier sco fermativas dal trafic public,
implants da sport, plazzas da giovar per uffants e similas chosas ston gnir fixats
aint il plan da fuormaziun dal quartier, aint il plan d'avertüra dal quartier o aint in
ün plan special.
2
Scha fabricats ed implants pel furnimaint dal quartier servan impustüt als interess
dals partecipants dal plan da quartier pon quels gnir obliats da pajar üna
contribuziun chi correspuonda a lur avantag special. Scha'l furnimaint serva
unicamaing als partecipants dal plan da quartier pon gnir inchargiats tuot ils
cuosts ad els. Las parts dals cuosts ston gnir fixats pro'l scumpart dals cuosts.
55
2. Regruppamaint dal terrain [Baulandumlegung]
Regruppamaint dal terrain
Art. 115
1
Il regruppamaint dal terrain serva a la reorganisaziun da las relaziuns da proprietà sül territori da regruppamaint. El s-chaffischa las premissas per la realisaziun dal plan da fuormaziun e d'avertüra dal quartier.
2
Il regruppamaint dal terrain po gnir ordinà da l'autorità da fabrica ufficialmaing
o sün dumonda da privats. Sch'ella refüsa dumondas privatas comunichesch'la
quai als petents cun ün decret contestabel.
3
Per proteger il regruppamaint dal terrain po l'autorità da fabrica decider ün
scumond da regruppamaint. Intant cha quist scumond es in vigur nu das-chan
gnir fattas sainza l'acconsentimaint dal cussagl cumünal ingünas disposiziuns
giuridicas o realas davart las parcellas chi disturban o difficulteschan il regruppamaint. Dal rest valan las prescripziuns davart il decret da zonas da
planisaziun analog eir pel scumond da regruppamaint. Il scumond da regruppamaint es d'annotar aint il cudesch fundiari cun indichar la dürada.
Stadi existent
Art. 116
1
Per tuot las parcellas aint il territori da regruppamaint sun da far in basa dal
cudesch fundiari ün plan dal stadi existent ed ün register dals drets reals, da las
prenotaziuns e las annotaziuns.
2
Il plan e'l register dal stadi existent sun da publichar dürant 20 dis. Ils pertocs ston
avair l’occasiun da dumandar müdamaints o cumplettaziuns.
3
Dispittas chi concernan il stadi e la dimensiun da la proprietà sun d'inviar sülla
via dal dret civil.
Deducziun pel bsögn cumünaivel
Art. 117
1
Da la surfatscha totala dal territori da regruppamaint es da trar giò gratuitamaing quel terrain chi vain dovrà per l'avertüra sco eir per implants cumünaivels
chi servan per gronda part als bsögns dal territori da regruppamaint. La surfatscha restanta fuorma la massa per la repartiziun nouva.
2
La cessiun da fuond o drets per intents publics plü vasts as drizza tenor las
prescripziuns da la ledscha davart l'expropriaziun schi nu vain ragiunt ingün'abinanza.
56
Repartiziun nouva, egualisaziun da la valur
Art. 118
1
Ils proprietaris da terrain survegnan üna part dal terrain our da la massa da
repartiziun chi correspuonda proporziunalmaing a quel terrain chi'd han portà
aint il regruppamaint. La repartiziun nouva vain reglada tras il plan da regruppamaint e'l register da la repartiziun nouva. Proprietaris chi nun han üna
surfatscha grond' avuonda per fuormar üna parcella surfabrichabla nun han ingün dret da survgnir terrain.
2
Differenzas da valuors chi nu pon gnir egualisadas cun terrain ston gnir cumpensadas plainamaing in munaida.
3
Scha ün quartier vain rendü accessibel in etappas esa da tour resguard cun
repartir las parcellas süls intents da fabrichar. Proprietaris chi vöglian fabrichar
ston survgnir terrain da la prüm'etappa. La repartiziun nouva po gnir colliada cul
oblig cha las parcellas vegnan surfabrichadas infra ün temp acceptabel pels
pertocs o chi vegnan miss a disposiziun per intents chi servan a la surfabricaziun
(oblig da fabrichar), quai in quels cas ch’ün regruppamaint da terrain da fabrica serva a l'avertüra da terrain per fabrichar abitaziuns.
Metter in net ils drets, las prenotaziuns ed annotaziuns
Art. 119
1
Avant la repartiziun nouva sun da metter in net, in collavuraziun cul uffizi dal
cudesch fundiari, ils drets reals, las prenotaziuns ed annotaziuns, e l'annunzcha al
cudesch fundiari es da preparar.
2
Cun l’acquist da proprietà vi da las parcellas repartidas da nouv perdan tuot ils
drets reals limitats sco eir tuot las prenotaziuns ed annotaziuns dal possess vegl
lur valur, cun excepziun dals drets transferits o fuondats nouv sco eir dals drets
da pegn fundiari.
Metter in net ils cunfins
Art. 120
1
Schi dà aint il territori dal plan da quartier parcellas cun cunfins disfavuraivels chi
nu pretendan però propcha ün regruppamaint dal terrain po l'autorità da
fabrica ordinar cha'ls cunfins vegnan miss in net, scha ün proprietari da terrain
giavüscha quai e schi nu resultan ingüns dischavantags considerabels per
tschels partecipats.
2
Medemmamaing po gnir ordinà cha'ls cunfins vegnan miss in net pro parcellas a
l'ur dal territori dal plan da quartier, scha quellas han cunfins disfavuraivels invers
parcellas dadour il territori dal plan da quartier.
57
Introducziun
Art. 121
1
La planisaziun da quartier vain introdütta tras decisiun da l'autorità da fabrica
davo cha’ls pertocs sun gnüts orientats. L'introducziun succeda ufficialmaing o
sün dumonda da privats. Scha l'autorità da fabrica refüsa dumondas privatas
comunichesch'la quai als petents cun ün decret contestabel.
2
La decisiun d'introducziun sto cuntgnair indicaziuns davart l'intent da la planisaziun da quartier e'ls cunfins dal territori da planisaziun. Ella sto gnir publichada e
comunichada in scrit als pertocs, cun indichar la pussibiltà da recuorrer.
3
Cunter l'introducziun dal proceder e'ls cunfins dal territori da planisaziun po gnir
recuorrü infra 20 dis pro l'autorità da fabrica.
Realisaziun
Art. 122
1
Davo cha la decisiun d'introducziun es entrada in vigur fa il cussagl cumünal
elavurar il plan da quartier. Als partecipants dal plan da quartier esa da dar
l’occasiun da collavurar.
2
Il cussagl cumünal po surlaschar l'elavuraziun als partecipants dal plan da
quartier, scha quels dumondan quai e sch'el nu voul svess dar l'incumbenza
d'elavurar il plan da quartier.
3
Avant la publicaziun sto gnir suottamiss il plan da quartier a l'uffizi fundiari
respunsabel per l'examinaziun fuormala. Il cussagl cumünal po plünavant far
examinar plans da quartier elavurats dals partecipants svess; ils cuosts van a
charg da quels.
4
Scha'l cumün dà l'incumbenza d'elavurar ün plan da quartier es da far üna
submissiun.
Exposiziun publica, protesta
Art. 123
1
L'autorità da fabrica expuona il plan da quartier publicamaing dürant 20 dis e
dà cuntschaint la publicaziun aint il Fögl ufficial dal chantun Grischun e da
maniera üsitada al lö. Ils proprietaris da terrain pertocs sco eir possessuors da
servituts eventualmaing pertocs d'ün regruppamaint da terrain da fabrica e
persunas cun drets persunals prenotats sun d'infuormar in scrit avant l'exposiziun.
2
Dürant l'exposiziun publica po gnir recuorrü pro l'autorità da fabrica in scrit e cun
motivaziun. Quella decida davart las protestas.
58
3
La publicaziun es da repeter scha'l plan da quartier vain müdà in basa da protestas. Schi dà müdamaints chi pertoccan be singulas persunas partecipadas vi
dal plan da quartier esa da dar occasiun a quellas da recuorrer infra 20 dis.
Relasch
Art. 124
1
Cur cha'l proceder da publicaziun e da recuors es fini pissera l'autorità da
fabrica cha la documainta da mutaziun per regruppamaints e correcturas da
cunfins gnia fatta. El decida in basa da quella davart il relasch dal plan da
quartier.
2
Il relasch es da comunichar in scrit a las persunas partecipadas vi dal plan da
quartier ed als eventuals recurrents, pro regruppamaints da terrain da fabrica
plünavant als ulteriuors pertocs.
3
L'acquist da proprietà succeda il mumaint cha'l plan da quartier aintra in vigur.
4
L'autorità da fabrica fa annotar il plan da quartier aint il cudesch fundiari davo
ch'el es entrà in vigur. Al listess mumaint annunzcha'l müdamaints da dret pervi
da regruppamaints da terrain da fabrica e correcturas da cunfin al cudesch
fundiari per l'inscripziun.
Cuosts da la planisaziun
Art. 125
1
Ils cuosts da la planisaziun da quartier, inclus ils cuosts d'ün eventual regruppamaint da terrain o d'üna correctura da cunfins culs cuosts da masüraziun e termaziun chi toccan pro sco eir las spaisas dal cumün per l'examinaziun dal plan
da quartier van plainamaing a charg dals partecipants dal plan da quartier.
2
Ils cuosts da planisaziun sun da scumpartir tenor il princip d'avantag als partecipants dal plan da quartier. Cuosts da planisaziun chi pertoccan be singulas persunas partecipadas sun d'inchargiar be a quellas.
3
Las parts dals cuosts sun da pajar davo cha la planisaziun es finida e cur cha'l
scumpart da cuosts es gnü protramiss. L'autorità da fabrica po però obliar ils
partecipants dal plan da quartier da pajar aquints fingià dürant il proceder.
Parts dals cuosts miss in quint sun da pajar infra 60 dis. In cas d'ün pajamaint cun
retard vain miss in quint ün fit da retard chi correspuonda al fit da la Banca
Chantunala Grischuna per seguondas ipotecas plus ½ %.
Annullaziun, müdamaint, cumplettaziun
1
Art. 126
Scha las relaziuns s'han müdadas considerabelmaing daspö il relasch po l'autorità da fabrica annullar, müdar o cumplettar plans da quartier dal tuot o parzialmaing. Quai po capitar ufficialmaing o sün proposta da proprietaris da terrain. Las persunas pertoccas sun da consultar avant cha'l proceder vain introdüt.
59
2
L'autorità da fabrica es obliada d'annullar, da müdar o da cumplettar ün plan
da quartier scha quel nu correspuonda plü a prescripziuns d'ütilisaziun o d'avertüra chi sun gnüdas müdadas.
3
Las disposiziuns davart l’introducziun e’l relasch da plans da quartier valan analog eir per l'annullaziun, müdamaints o cumplettaziuns.
Resalva dal permiss da fabrica
Art. 127
1
Avant chi vegnan realisats ils singuls fabricats ed implants aint il territori dal plan
da quartier es da far il prodecer ordinari dal permiss da fabrica.
2
Fabricats ed implants da l'avertüra e dal furnimaint dal quartier nu das-chan gnir
realisats avant cha l'autorità da fabrica ha approvà ils progets d'effettuaziun.
60
1. Permiss
Permiss da fabrica
Art. 128
1
Fabricats ed implants (progets da fabrica) douvran ün permiss da fabrica.
2
A l'oblig d'ün permiss suottastan particularmaing:
1.
fabricats nouvs, müdamaints da fabrica, ingrondimaints e sbodadas da fabricats ed
implants
2.
müdamaints d'ütilisaziun da fabricats ed implants o da singuls locals
3.
renovaziuns externamaing visibels
4.
fabricats pitschens e provisorics sco eir construcziuns moviblas, rulottas e simils ogets
chi vegnan plazzats plü lönch co 3 mais al medem lö e/o chi rimplazzan fabricats
stabels
5.
tuot ils cas chi dumondan permiss tenor l'uorden chantunal davart la pulizia da fö
6.
tuot ils cas chi dumondan permiss tenor l'uorden executiv chantunal pro la ledscha
d'energia
7.
implants per conservar, s-chargiar e rechargiar substanzas chi pon periclitar l'aua
tenor las prescripziuns davart la protecziun da las auas
8.
lingias da provedimaint e da transport sco implants dal provedimaint d'aua e da la
drenascha, lingias da chanalisaziun, condots per transportar carburants e materials
d'arder (liquids o in fuorma da gas) sco eir condots electrics, cun excepziun da
lingias da telefon
9.
sondas geotermicas, pumpas da chalur
10. implants da provedimaint sco implants solars, reservuars d'aua, sarineras, plazzas per
ramassar las immundizchas
11. implants da trafic sco vias, sendas, plazzas da parcar ed indrizs da transport da tuot
gener, inclus indrizs agriculs e forestals sco eir turistics
12. albers per antennas radiofonicas e binderas, implants da grü permanents, silos
13. antennas externas, inclus antennas parabolicas illa zona dal cumün vegl
14. indrizs da recloma stabels e movibels sco tablas da firmas, vaidrinas, reclomas
inglüminadas, signalisaziuns e binderas
15. müdamaints da terrain, mürs da tuot gener, batschigls stabels per nodar
16. construcziun, renovaziun e substituziun da saivs da tuot gener, cun excepziun da
saivs da pasculaziun moviblas
17. plazzas da campar e per autorulottas, plazzas per far la posa
18. plazzas da giovar per uffants
19. plazzas per depuoner material e marchanzia da tuot gener
20. chavas da material sco chavas da glera e da crappa
21. plazzas per depuoner material e deponias
61
22. implantar bos-cha sur 3.50 m otezza creschüda
Deliberadas da l'oblig da permiss da fabrica sun baraccas da lavur sül areal da
fabrica, pel temp da las lavuors, cun excepziun da baraccas per abitar.
3
Fabricats ed implants dadour la zona da fabrica douvran l'acconsentimaint dal
departamaint chantunal respunsabel. Pro progets da fabrica aint il god sun
d'observar sper las prescripziuns davart fabricats dadour la zona da fabrica eir
las directivas da la legislaziun forestala.
Premissas pel permiss
1. In general
Art. 129
1
Per progets da fabrica e müdamaints d'ütilisaziun vain dat il permiss schi sun
confuorm a la zona e schi vegnan respettadas tuot las prescripziuns dal dret
cumünal e superiur. Progets da fabrica na confuorms a la zona dadour la zona
da fabrica ston accumplir plünavant las premissas per ün permiss excepziunal.
2
Dumondas da fabrica vegnan güdichadas tenor il dret valabel al mumaint chi
vegnan trattats.
3
Scha'l patrun da fabrica nun es proprietari da la parcella sto gnir suottascritta la
dumonda da fabrica eir dal proprietari. Sch'el nun es proprietari dal terrain
necessari per l'avertüra vain dat il permiss be culla premissa cha'ls drets necessaris per l'avertüra dal proget sun cumprovats aint illa dumonda.
2. Madüranza da fabrica
Art. 130
1
Per fabricats nouvs ed ingrondimaints vain dat il permiss be scha la parcella es
madüra per gnir surfabrichada.
2
Üna parcella vala sco madüra per gnir surfabrichada scha sia fuorma e dimensiun permetta üna surfabricaziun confuorma a la zona ed a l'intent, scha l'avertüra per l'ütilisaziun previssa es fatta tenor las prescripziuns o vain fatta fin cha'l
proget es realisà a fin. Ün proget da fabrica nu das-cha plünavant pregüdichar
ün'avertüra, üna surfabricaziun o ün regruppamaint da terrain previs aint il territori respectiv.
3
Scha'ls implants d'avertüra vegnan realisats pür insembel cul proget da fabrica,
esa pussibel cha'l permiss da fabrica vain dat be culla premissa cha'l patrun da
fabrica garantischa ils cuosts probabels per ün'eventuala finischun da quists implants tras il cumün.
4
Scha'l patrun da fabrica nun es proprietari dals implants necessaris per l'avertüra
o dal terrain chi fa dabsögn per quists stabilimaints vain dat il permiss be sch'el
cumprouva ch'el ha ils drets necessaris per la construcziun e l’adöver dals implants.
3. Cundiziun e pretaisas, revers
Art. 131
62
1
Ün permiss da fabrica po gnir collià cun cundiziuns e pretaisas, tant inavant cha
quellas sun d'interess public, chi'd han ün connex real culla decisiun tratta e chi
fan dabsögn per garantir ün stadi legal.
2
Il permiss per fabricats o part da fabricats chi nu correspuondan a las prescripziuns legalas po gnir limità o collià culla cundiziun cha'l stadi legal gnia restabili
infra ün temp adequat scha l'autorità cumpetenta pel permiss pretenda quai
(revers).
3
L'autorità da fabrica sto far annotar ils revers sco eir pretaisas permanentas aint il
cudesch fundiari, ils cuosts van a charg dal patrun da fabrica.
2. Proceder da permiss
Dumonda da fabrica
1
Art. 132
Per tuot ils fabricats ed implants (progets da fabrica) chi douvran ün permiss sto
gnir inoltrada a l'autorità da fabrica üna dumonda da fabrica sül formular ufficial, in duos exemplars. La seguainta documainta es d'agiundscher tenor bsögn:
1.
ün plan da situaziun cun s-chala 1:500 o 1:1000 (copcha dal plan da cataster) chi
cuntegna: ils cunfins, ils numers da las parcellas, las surfatschas da las parcellas, la
surfatscha surfabrichada, la situaziun dals stabilimaints vaschins, ils access, las plazzas
da parcar, las lingias da fabrica, las distanzas da cunfin e dals stabilimaints, il punct
d'otezza sgürà (punct da poligon)
2.
pro ingrondimaints e müdamaints sco eir pro renovaziuns externas: üna documentaziun fotografica davart il stabilimaint existent
3.
ün plan da situaziun culs attachs per l'aua, la chanalisaziun, la forza electrica e'l
telefon
4.
ils plans fundamentals da tuot ils plans cun s-chala 1:100 chi'd indichan cumplettamaing las masüras externas, las grossezzas dals mürs (paraids externas e paraids chi
trapartischan las abitaziuns), l'intent dals locals
5.
ils tagls 1:100 chi'd indichan cumplettamaing l'otezza dals plans e dal stabilimaint, la
structura dal terrain existenta e progettada fin pro'l cunfin, las otezzas da las vias
6.
ils plans da fatschadas 1:100 cun lingias da terrain existentas e progettadas
7.
la calculaziun detagliada da la cifra d'ütilisaziun e da las plazzas da parcar; la
calculaziun cubica tenor uorden SIA nr. 116, l'indicaziun da las surfatschas agravadas cul oblig d'abitaziuns principalas, la decleranza d'intenziun tenor art. 46
8.
ils plans da proget per las lavuors da cuntuorns chi preschaintan ils müdamaints dal
terrain, ils mürs da sustegn, las saivs, las plazzas da parcar e.u.i.
9.
la descripziun da fabrica chi'd indicha l'intent, la realisaziun, il material, las culuors
e.u.i.
10. l'indicaziun dals cuosts da fabrica approximativs
63
11. la documainta pels stabilimaints da la protecziun civila tenor las prescripziuns federalas e chantunalas
12. la documainta pels implants chi douvran ün permiss da la pulizia da fö
13. las cumprouvas d'energia e'ls resultats da quellas sül formular ufficial
14. pro fabricats aint illa zona da privel: la decisiun da l'examinaziun preliminara da la
sgüranza da stabilimaints
15. pro attachs d'aua e da chanalisaziun: las indicaziuns davart il bsögn d'aua, il diameter dals büschens, il material e la pendenza da las lingias da colliaziun
16. ils plans detagliats dals implants necessaris pel trattamaint preliminar da l'aua persa
17. pro stabilimaints chi chaschunan insuos-chamaints d'ajer: la decleranza d'emissiuns
tenor las prescripziuns federalas
18. pro stabilimaints in territoris cun canera o stabilimaints chi chaschunan svess canera:
la documainta tenor las prescripziuns federalas (cumprouva tenor art. 31 da l'uorden
davart la protecziun cunter la canera, prognosa da canera)
19. la documainta pels permiss per s-chavamaints e sondaschas, per sbassar e retrar
aua da fuond sco eir per pumpas da chalur chi tiran a nüz la chalur da l'aua o dal
fuond (sül formular ufficial, tenor las directivas da l'uffizi per l'ambiaint)
20. las indicaziuns davart il gener e la quantità dal s-chart chi resulta pro la realisaziun
dal fabricat ed indicaziuns precisas davart l'allontanamaint (lö da la deponia,
reütilisaziun, transport e.u.i)
21. eventuals contrats e'ls extrats correspundents davart inscripziuns o annotaziuns aint il
cudesch fundiari; in cas specials: extrat dal cudesch fundiari
Pro tuot las dumondas da fabrica po l'autorità da fabrica renunzchar a singula
documainta da planisaziun o pretender ulteriura documainta, scha quai fa dabsögn per güdichar il proget. Pro progets specials po ella pretender ün model.
2
La seguainta documainta es da scuottascriver dal proprietari dal terrain, dal
patrun da fabrica e da l'autur dal proget: la dumonda da fabrica, ils plans dal
proget 1:100/1:500, la calculaziun da la cifra d'ütilisaziun, la cumprouva d'energia e la decleranza da las emissiuns.
3
Pro müdamaints da fabrica o modificaziuns da plans fingià approvats ston ils
plans far gnir visibel il stadi da las parts dal fabricat avant e davo il müdamaint
resp. la modificaziun (existent: grisch; nouv: cotschen; sbodà: gelg).
4
L'uffizi da fabrica po pretender cha las otezzas relevantas vegnan controlladas
d'üna persuna specialisada, scha las otezzas tenor al. 1 cif. 1 e 5 sun insufficiaintas o inexactas; ils cuosts van a charg dal patrun da fabrica.
Profilaziun
1
Art. 133
Per fabricats chi dvaintan externamaing visibels sun da metter, insembel cun
l'inoltraziun da la dumonda da fabrica, ils profils chi muossan cleramaing la posiziun, l'otezza e la fuorma dal fabricat. Rimplainas o scarpadas plü otas co 1 m
ston medemmamaing gnir profiladas.
64
2
L'otezza dal plan terrain sto gnir marcada vi dals profils. Ils terms ston esser visibels. Pro fabricats lung la via chantunala pissera l'autorità da fabrica cha l'uffizi
chantunal da construcziun bassa gnia orientà davart la profilaziun.
3
Ils profils nu das-chan gnir allontanats sainza l'acconsentimaint da l'autorità da
fabrica avant cha la dumonda da fabrica es decisa cun vigur legala. Els ston
restar in mincha cas dürant il temp da l'exposiziun publica. Subit cha la decisiun
da fabrica es entrada in vigur ston els gnir allontanats sainza retard.
Examinaziun preliminara, examinaziun ecologica
Art. 134
1
L'uffizi da fabrica controlla scha üna dumonda da fabrica entrada saja cumpletta ed eruischa scha'ls profils sajan miss seguond uorden.
2
Scha üna dumonda da fabrica o profilaziun nun es sufficiainta esa da dar occasiun als petents d'eliminar las mancanzas avant cha la dumonda gnia exposta
publicamaing.
3
Schi voul ün'examinaziun ecologica (EE) per decider sur d'ün proget da fabrica
pissera l'autorità da fabrica cha quella gnia fatta.
Exposiziun, publicaziun e protesta
Art. 135
1
Progets da fabrica vegnan exposts publicamaing dürant 20 dis in cumün. Schi
voul ün'examinaziun ecologica (EE) vain expost al listess mumaint eir il rapport
ecologic. In quist cas düra il temp d'exposiziun 30 dis.
2
L'exposiziun es da dar cuntschainta pro temp da maniera üsitada al lö, cun indichar il patrun da fabrica, la parcella da fabrica, il proget e la pussibiltà da far
protesta. Pro fabricats dadour la zona da fabrica (BaB) e proceders cun examinaziun ecologica voul quai eir üna publicaziun aint il fögl ufficial. Dürant l'exposiziun publica po gnir recuorrü pro'l cumün in scrit e cun motivaziun.
3
I's po desister a l'exposiziun e la publicaziun schi'd es exclus cha drets da terzas
persunas vegnan tangats.
4
Schi'd es evidaint chi nu's po aderir ad üna dumonda da fabrica sto gnir respinta quella sainza publicaziun.
Decisiun preliminara
Art. 136
1
Avant co inoltrar üna dumonda da fabrica po il petent dumandar pro l'autorità
da fabrica üna decisiun preliminara davart puncts essenzials dal proget.
2
La decisiun preliminara nu dà al petent il dret da survgnir il permiss da fabrica;
ella nu lia neir l'autorità da fabrica pro la valütaziun da la dumonda ordinaria e
d'eventualas protestas.
65
Decisiun da fabrica
Art. 137
1
Pro progets dadaint las zonas da fabrica decida l'autorità da fabrica, davo
avair examinà la dumonda da fabrica ed eventualas protestas e davo cha'ls
permiss necessaris tenor dret federal e chantunal sun avant man.
2
Il proceder per progets dadour las zonas da fabrica as drizza tenor las directivas
chantunalas.
3
La decisiun es da dar cuntschaint in scrit als petents sco eir ad eventuals recurrents infra 60 dis davo la publicaziun. Pro proceders da permiss da fabrica per
fabricats ed implants dadour las zonas da fabrica nu's poja garantir cha quist
termin vegna observà.
4
Decisiuns da fabrica e da protesta negativas ston gnir motivadas. Protestas
tenor dret civil vegnan inviats sülla via civila.
Cumanzamaint e termins da fabrica
Art. 138
1
Las lavuors da fabrica inclusiv sbodamaints e lavuors da terra das-chan gnir
cumanzadas pür cur cha'l permiss da fabrica es entrà in vigur.
2
Il permiss da fabrica scrouda schi nu vain cumanzà cullas lavuors infra ün on daspö cha'l permiss es entrà in vigur. Ün fabricat cumanzà sto gnir fini infra 2 ons,
inclus las lavuors da cuntuorns. Sün dumonda motivada po l'autorità da fabrica
prolungar quists termins per maximalmaing duos jadas 1 on.
3
Scha ün fabricat cumanzà nu vain fini sun d'allontanar las parts na finidas, e'l
stadi oriund sto gnir restabili.
Realisaziun dal fabricat, müdamaints
Art. 139
1
Fabricats ed implants ston gnir realisats tenor ils plans approvats.
2
Per müdamaints invers ils plans approvats sto l'autorità da fabrica dar l'acconsentimaint avant la realisaziun.
3
Scha ün müdamaint dal proget pudess tangar ils drets da terzas persunas sto
gnir fat ün nouv proceder da publicaziun.
Controllas da fabrica, collaudaziun
1
Art. 140
L'uffizi da fabrica fa la controlla dals fabricats ed implants. El examinescha
scha'ls progets vegnan realisats confuorm a las prescripziuns legalas e'l permiss
da fabrica e survaglia l'observaziun da las directivas davart la sgürezza e la
protecziun. Fabricats ed implants existents vegnan controllats schi dà indizis cha
prescripziuns da la legislaziun da fabrica vegnan violadas.
66
2
Al manader da l'uffizi da fabrica ed a las persunas da survaglianza incumbenzadas dad el sco eir als commembers da la cumischiun da fabrica e dal cussagl
cumünal esa da permetter l'access als stabilimaints ed implants controllats da
tuottas uras. Controllas vi da fabricats ed implants existents ston gnir annunzchats pro temp a las persunas pertoccas.
3
Las controllas da progets da fabrica approvats vegnan comunichadas al
patrun da fabrica insembel culla decisiun. Il patrun da fabrica sto annunzchar la
finischun da las singulas etappas pro temp a l'uffizi da fabrica. Pro fabricats
nouvs e scha la surfatscha d'ün stabilimaint existent vain ingrondida esa da far
ün profil da corda. Quel sto gnir controllà da l'uffizi da fabrica o d'üna persuna
specialisada incumbenzada dal cumün. Ils cuosts per quista controlla van a
charg dal patrun da fabrica.
4
Attachs vi d'implants da provedimaint publics ston gnir annunzchats al cumün
per la collaudaziun e la masüraziun avant chi vegnan suogliats. La masüraziun
vain fatta d'üna persuna specialisada incumbenzada dal cumün a charg dal
patrun da fabrica. Ils implants tachats das-chan gnir tuts in funcziun pür davo la
collaudaziun.
5
Davo la finischun collaudescha l'uffizi da fabrica il fabricat. Avant quista collaudaziun nun esa admiss d'abitar aint in fabricats nouvs e stabilimaints fabrichats
intuorn chi nu d'eiran abitats dürant las lavuors.
Taxas
Art. 141
1
Per la lavur e las spaisas in connex cul proceder da permiss da fabrica inchascha il cumün taxas chi cuvernan ils cuosts. El relascha ün uorden da taxas.
2
Ils cuosts per expertisas, per prestaziuns specialas da l'administraziun cumünala
sco eir eventuals cuosts da l'uffizi fundiari van da princip a charg dals petents.
Quists cuosts sun da pajar supplementar a la taxa ordinaria pel permiss da
fabrica. L'autorità da fabrica po pretender chi vegnan pajats ouravant.
3
Ils cuosts per recuors evidaintamaing na motivats sun d'inchargiar als recurrents.
VI Disposiziuns finalas
Respunsabiltà
1
Art. 142
Patruns da fabrica, architects, manaders da fabrica, indschegners sco eir impressaris sun respunsabels
-
cha las prescripziuns legalas e las ordinaziuns dal cussagl cumünal, da la
direcziun dal cumün, da la cumischiun da fabrica e da l'uffizi da fabrica
vegnan respettadas
-
cha'ls fabricats ed implants correspuondan als plans approvats ed als profils
67
-
2
cha las cundiziuns e pretaisas colliadas cul permiss da fabrica vegnan accumplidas.
Las controllas da fabrica nu dis-chargian las persunas manzunadas da lur respunsabiltà.
Disposiziuns penalas
Art. 143
1
Chi chi violescha sapchaintamaing o per negligenza quista ledscha o decrets e
disposiziuns chi's basan sün quella, vain chastià dal cussagl cumünal cun üna
multa da fin a frs. 30'000.--. Il cussagl cumünal nun es lià vi da la multa maximala
scha'l delinquent agischa per far profit.
2
Schi vain commissa üna cuntrafacziun cun procurar üna fatschenda per üna
persuna giuridica o uschigliö cun exeguir fatschendas commercialas o da servezzan per oters sun las disposiziuns penalas d'applichar a quellas persunas chi'd
han agi o chi vessan stuvü agir in lur nom. Per multas e cuosts stan bun solidaricamaing la persuna giuridica, la società o il collectiv da persunas.
3
L'autorità da fabrica eruischa il fat e las relaziuns persunalas dals pertocs. A
quels esa da dar audientscha avant cha la multa vain decretada.
Reconstituziun dal stadi legal
Art. 144
1
Il patrun da fabrica sto eliminar ün stadi illegal sün dumonda da l'autorità da
fabrica, independentamaing dal fat sch'el es gnü chastià per avair chaschunà
quel stadi o brich.
2
Scha'l patrun da fabrica nu segua a quist cumond infra il termin fixà fa far il cussagl cumünal las lavuors necessarias a terzas persunas. Ils cuosts van a charg dal
patrun da fabrica.
3
Pels cuosts da la masüra substitutiva ha il cumün ün dret da pegn legal invers il
proprietari da terrain.
Mezs legals
Art. 145
1
Decisiuns dal cumün davart il relasch o la müdada da la ledscha da fabrica, dal
plan da zonas, dal plan general da fuormaziun e dal plan general d'avertüra
pon gnir contestadas infra 20 dis daspö la comunicaziun publica tras recuors pro
la regenza.
2
Decisiuns e decrets dal cussagl cumünal in basa a quista ledscha o decrets chi's
basan sün quella pon gnir contestats infra 20 dis daspö la comunicaziun tras recuors pro'l tribunal administrativ.
68
3
Disposiziuns ed ordinaziuns da la direcziun dal cumün, da la cumischiun da
fabrica, dal manader da l'uffizi da fabrica o d'oters funcziunaris cumünals chi
vegnan dattas in applichond quista ledscha pon gnir contestadas infra 20 dis
daspö la comunicaziun tras recuors pro'l cussagl cumünal.
Lingua da la ledscha
Art. 146
1
Quista ledscha exista in lingua rumantscha e tudais-cha.
2
Relevanta per l'interpretaziun da la ledscha da fabrica es la versiun rumantscha
decisa dal cumün ed approvada da la regenza.
Entrada in vigur; annullaziun e müdamaint dal dret actual
Art. 147
1
Quista ledscha da fabrica aintra in vigur davo l'acceptaziun tras il cumün
cull'approvaziun tras la regenza.
2
Sias prescripziuns sun applichablas per tuot las dumondas da fabrica chi nun
han amo survgni il permiss resp. chi nu sun amo approvadas avant cha la
ledscha es entrada in vigur.
3
Davo cha quista ledscha es entrada in vigur vegnan abolidas tuot las prescripziuns cha'l cumün ha relaschà plü bod e chi cuntradischan a quista ledscha,
particularmaing la ledscha da fabrica dals 23 schner 1983 / 11 lügl 1983, il plan
da zonas dals 23 schner 1983 / 11 lügl 1983, il plan general d'avertüra dals
23 schner 1983 / 11 lügl 1983 sco eir il reglamaint da perimeter dals 26 favrer
1978, revis als 1. december 1985.
4
Ils seguaints decrets cumünals vegnan müdats davo cha quista ledscha es entrada in vigur, e quai seguaintamaing:
1.
Reglamaint davart las auas e la chanalisaziun dals 28 november 1982 cun revisiuns
fin als 3 avuost 1996
Art. 4 aboli
Art. 49 aboli
Art. 51
Nouv titel marginal: Taxa d'attach per aua suos-cha
Art. 52 fin qua vain rimplazzà tras la seguainta prescripziun nouva:
Taxa d'attach per aua da plövgia
Per l'attach da surfatschas cun surtratta düra tenor art. 102 al. 2 LF sco eir per l'ingrondimaint da talas surfatschas es da pajar üna taxa d'attach unica per l’aua da
plövgia da frs. 5.--/m2.
69
Art. 55
Cumplettaziun da l'al. 1
− Üna taxa fundamentala per m2 surfatscha cun surtratta düra i'l sen da
l'art. 105 al. 2 LF
Art. 60 aboli
2.
Ledscha davart l'economisaziun da las immundizchas dals 29 november 1998
Art. 9 Taxas
La taxa fundamentala annuala tenor art. 106 al. 2 LF importa 0.2 ‰ - 0.5 ‰ da la
valur da nouv tenor stima ufficiala, però almain frs. 20.-- l'on. Ella es da fixar dal cussagl cumünal aint in quist rom da taxas uschè cha'ls cuosts dal cumün per l'allontanamaint sun cuvernats.
Il cussagl cumünal regla ils detagls per inchaschar las taxas cun ün'ordinaziun.
Per las taxas tenor quantità vala las disposiziuns correspundentas da l'organisaziun
regiunala Pro Engiadina Bassa.
Decis illa votumaziun cumünala dals 28 november 2004.
Il capo cumünal:
L'actuar:
dr. Jon Domenic Parolini
Cla Nogler
Approvà da la regenza tenor decisiun dals 20 december 2005 (protocol nr. 1533).
In nom da la regenza:
La presidenta:
Il directur da la chancellaria:
dr. Eveline Widmer-Schlumpf
dr. Claudio Riesen
70

Ledscha da fabrica

Transcript

Documenti analoghi

58 Radunanza d`orientaziun 24-10-2011 1

Our da la chesa cumünela

Matematica part 1 – in scrit (puter)

Ledscha da pumpiers

Matematica part 1 – in scrit (vallader)