Congiu Antonio
Transcript
Congiu Antonio
Pagina di poesie di Congiu Antonio S’EMIGRADU Semigradu est sa vittima continu de tottu s’ingiustizia mondana dai cando si ponet in camminu sa madre patria lassende lontana, ignorende sa sorte e su destinu e i sas ricumpensas chi li dana. Zovaneddu s’agattat curvu e chinu isfruttadu cun metuda inumana. E vivet opprimidu e suttapostu subinde ogni intemperia e ogni male chi sa mamma Natura appa creadu. Ma corazzosu e decisu a d’ogni costu semper altu mantenet su morale torret poveru o riccu fortunadu. SU TRODDIU Maria non cheriada troddiare e fiat tantu tempus costippada pro paura de lassare andare s’odorosa sonante troddiada pro non cherrere a sutroddiu lassare sa naturale troddona sonada e si ch’est gonfiada che pallone finas chi no a fattu unu troddone. L’appo a tantas ripresas cunsizzada de lassare su troddiu isfogare ma teniada paura a lu sonare pro no esserede iscandalizzada est che una burrica diventada a forza de tantos gas accumulare finas a cando non li a dadu isfogu e quasi a su culu postu fogu. Li nesi: “A troddiare no est virgonza, iscandalu non b’at nen disonore. Troddian s’avvocadu e su dottore ca s’isfogu a su corpu li bisonzat e troddia su parde e i sa monza su pride su rettore e Munsennore su Re, su Papa ci su Cardinale troddian che a tottus uguale. Deo chi so espertu in sa materia connosco de su troddiu s’effettu nd’appo sonadu e bettadu in segretu de ogni calibru e de ogni seria a troddiare no est cattiveria contaggiosu non est ne infettu narat unu proverbiu anzianu: “A culu troddione corpus sanu”. Si intendene troddiande una persona a tzerta zente causa sorprisa pro issu non b’a gradu ne divisa e nen distinzione ne corona. Troddia sa contessa e sa marchisa e sa dama de corte e sa barona e sa cameriera e sa tzeraca chi lu lassana andare tracca tracca. Sas chi andana a sa missa su manzanu sas preurissas e sas zirculinas senza chi l’ispiego lu indovinas si serrana sa trinza de su sottanu e sunu cun su rosariu a sa manu cantende sas lettanias divinas e lu lassana a lasinu e a s’iscusa e sun pudidas che una vuvusa. No est su troddiu unu combustibile ma pro su corpus umanu est necessariu ma si lu trattenides est contrariu gonfiades che unu dirigibile. Sonada e cantada e est invisibile est un’armoniosu istradivariu però si attraversu si collòcada istintinales disturbos provòcada. Maria se bella che una culumba ti prego non ti ponzas in infastizzu si incuminzada su male a ponnes pizzu ti consumada e ti riduidi a sa tumba. Cando de troddiare nd’as disizzu arzia s’anca e sonala sa trumba apperili sa janna chi s’iscappada e si lu nuschede a chie l’azzapada. Tue Maria si ascultasa a mie comente sempere ascultadu m’asa si gana de troddiare asa oje in die no lu trattenzasa in corpus a crasa e cando gana de troddiare nd’asa lassalu allegramente e rie rie ca est pro tene salude e recreu asculta vene su cussizzu meu.