DARIO GALLI `U PRIMU AMURI A prima vota chi ni `ncuntràmmi, fhu

(www.SanMango.net)
DARIO GALLI
Dario Galli è nato a Nicastro (CZ) il 1° marzo 1914. Diplomatosi al Magistrale, partì
volontario per la guerra di Spagna con il grado di sottotenente.
Rientrato in Italia con la croce al merito di guerra, fu richiamato alle armi all’inizio
della Seconda Guerra Mondiale.
Lavorò al Banco di Napoli e contrasse nozze con una maestra elementare da cui ebbe
cinque figli.
Affetto da disturbi cardiaci, morì a Nicastro il 24.10.1977.
'U PRIMU AMURI
A prima vota chi ni 'ncuntràmmi,
fhu ssutta l'arcu di 'na vinella.
'I prèscia, 'i prèscia -pigghjati e ddàmmiiu ci prujivi 'na littirella:
'na littirella chi 'n-atru pùacu,
tantu era ardenti, pigghjàva ffùacu.
'Un ni stringimmi nemmenu 'a manu.
Nenti: nemmenu 'na parulicchja.
Sul'illa dissi: «Ciau...», chjànu chjànu.
Iu avia 'nnu rumbu, ccà, dintr''a 'ricchja:
'nu rumbu 'i trùanu, di tirrimùatu...
E lla guardava ccumu 'nu ciùatu...
Paria 'nna rosa, tantu era bella
-'na rosa 'i maju: fhrisca, addurusa -,
'na spera 'i suli, 'na madunnella...
Ma ccu' lla capu tutta cumpusa,
ma ccu' llu cori chi mi vattìa,
mi truvài sulu, llà, 'n-mianzu 'a via,
mentri 'na vecchja sutta 'na porta
-brutta, sdintata, lorda, fhitusa,
(www.SanMango.net)
(www.SanMango.net)
'na fhacci longa jànca di morta,
'u mantisinu chjìnu 'i linusa mi jìa gguardandu ccu' ll'ùacchju stùartu:
ùacchji 'ncavàti, ùacchji di mùartu.
Mentri era ancora dintr''a vinella,
mentri pinsàva: «Cum'era brutta!»,
jìa ppua diciandu: «Cum'era bella!».
E ddintra 'u cori, di sutta-sutta,
mo' s'affacciàva lla vecchjarèlla,
mo' s'affacciàva lla giuvinella...
Sintìa 'nna vuci ciàngiari chjànu,
sintìa 'nna vuci rìdari fhorti...
Longa ed ussuta vidìa lla manu,
'a manu ussuta longa d''a morti...
Vidìa 'nna rosa... Sintìa 'nn-addùri...
Vidìa llu suli d''u primu amuri...
VINT'ANNI
Vint'anni arrìatu: tutt''u misi 'i maju
iu mi cunzàva, o Rosa, a 'sta culonna...
e ttu, 'm-pacci allu pùrpitu, cchjù lladi,
duvi si mmo', vicinu alla Madonna.
«Fratelli» pridicàva Ndon Pippinu,
tutt'arzillu, d' 'u pùrpitu: «Fratelli...»,
e ttu ogni ttantu, o Rosa, ti vutàvi
e mmi guardàvi ccu' cchill'ùacchji belli.
«Ti vùagghju bbeni!» mi dicianu l'ùacchji;
«Ti vùagghju bbeni!» rispundianu i mia;
e Ndon Pippinu: «Questo, o miei fratelli,
il mese è della Vergine Maria...».
Vint'anni arrìatu! Tu, ogni ssira, o Rosa,
passandu virgugnùsa ammianzu i banchi,
alli piadi pusàvi d' 'a Madonna
'nu mazzu 'i rosi: rosi russi e jjànchi.
(www.SanMango.net)
(www.SanMango.net)
Vint' anni arrìatu! Ed iu stasira, o Rosa,
mi cùanzu, cumu tandu, a 'sta culonna,
ppimmu ti guàrdu... E ccumu tandu, ancora,
dunàri t'hàju vistu alla Madonna
-passandu virgugnùsa ammianzu i banchi tra 'na bbotta di chjàntu e 'nn'atra 'i tussi,
dunàri t'hàju vistu alla Madonna. ..
'nu mazzu 'i rosi: rosi jànchi e rrussi.
D''a Mmaculata lùci ssupr''a capu
chilla stessa curuna fàtta 'i stilli;
di fhila d'oru, a ttia, lùci llu velu...
di fhila 'a 'rgìantu lùcinu i capilli...
D' 'u pùrpitu Ndon Peppi -'a capu jànca,
'a fhacci gialla cumu 'na lumìa ha ccuminciàtu: «Questo, o miei fratelli...
il mese è della Vergine Maria...».
Tu m'ha' guardàtu... e mm'hànu dittu 'st' ùacchji:
«Sapissi, intra 'stu cori, quantu chjàntu...!».
E ddintra 'u piattu, o Rosa, hàju sintùtu
ripètari 'na vuci: «Quantu chjàntu...!».
È LLA VITA CHI PASSA ESSI RINNOVA...
'Mbulicàtu a 'nnu fògghju 'i calandàriu
d''u milli e nnovicìantu-diciannòvi,
truvàtu hàju mo' mo''nu sillabàriu
ccu' lli paginì ancora nòvi nòvi.
'U numi miu c'è scrìttu ed allu cantu
di certi parulìcchji c'è 'nnu signu
d'àbbissi russu, a ccruci, ma ogni tantu.
Cumu 'na vota, a llèjari mo''ncìgnu:
«ma- no, ma -re». Mi vìju 'nginucchjatu
supra 'na sèggia, accant''u tavulinu:
(www.SanMango.net)
(www.SanMango.net)
'u jiritìallu tìsu ed ammacchjàtu...
a capu janca i patrimma, vicinu...
«Ra -mo, ra -na». Mi vìju chi lijìa,
ccu' ssupra 'u libru 'na manuzza aperta;
mamma, sidùta 'm-pacci-a-ffrunti a mmia,
attenta fhatigàva a 'nna cuverta...
Mo' ccà, dintra 'sta càmbara 'i mangiàri
-duvi 'mparàvi a llèjari e scrivìri,
chi sèppi ll'alligrizza d' 'u cantàri
e llu duluri sèppi d' 'u ciangìri 'nginucchjàtu a 'nna sèggia cumu a mmia,
fhigghjuma lèji, 'u jiritìallu tisu
puggiàtu supra 'u libru: «zo -na, zi -a».
'A mamma 'u guàrda ccu' 'nnu pizzu-a-rrisu;
guàrda ppàtrimma puru, d''a curnici...
Mi lèji 'n cori...? Pàri ca mi dici:
«Oh,fhigghjuma, nun è 'nna cosa nova!
E' lla vita chi passa... e si rinnova...! ».
'A VINTURA
Vattìu alla porta mia, 'na sira 'i marzu,
'na zingarella squaza e appatisciùta:
«Uacchji di Cavaleri, 'un mi cacciàri!
Pur'iu fhìgghja di Ddiu sùgnu nisciùta!
Dùnami 'na vrasciùzza mu m'asciùcu;
'un mi cacciàri, tu, cumu 'nu cani!
'U vi'sugnu vagnata 'nsinc' all' ossa...
e ssù ddua jùarni chi nun prùavu pani...».
Quand'assittàta accantu alla vrascera,
si risturàu ddi carni, latti e ffùacu...
e ssupra chilIa fhàcci 'i madunnuzza
cumparìu llu culuri a ppùacu a ppùacu:
«Dàmmi 'sta manu -dissi -o Cavaleri;
(www.SanMango.net)
(www.SanMango.net)
dàmmi 'sta manu bella, o baruncinu:
mu ti ci lìaju, si lu vùa sapiri,
prima mu mi 'ndi vàju, lu distinu».
Ma quand'èppi 'sta manu dintra 'i manu,
si fhici rrussa... pua 'ngialiniscìu:
«Bruttu distinu tèni, o Cavaleri!
È 'nnu distinu bruttu cumu 'u miu...!
T' aspèttanu jurnati di duluri
-cà 'i gioji, si, ci su... ma nun su beri... t' aspèttanu jurnati di duluri...
Bruttu distinu tèni, o Cavaleri...!».
'A manu mi vasàu, ccà, duvi 'u signu
d' 'a vita avimu... e ssempri m'arricùardu
chillu chi dissi pprima mu mi làssa:
«D' 'u bbeni chi m'ha' fhattu, 'un mi 'ndi scùardu!».
Oh, zingarella! Chi 'na sira 'i marzu
accantu a sta vrascera t'assittasti,
tuttu fu bberu chillu chi dicisti!
Oh, 'stu distinu miu cum' 'u 'ngagghjàsti...!
'MAMMA CUNCETTA
(A Concetta Scardamaglia, mia nutrice)
T'hàju vìstu passàri di luntanu,
Mamma Cuncetta, chjùsa intra 'u tavutu...
e ddintra 'u pìattu, màmmama, 'stu cori
-si tu sapìssi...! -cumu m'ha cciangiùtu!
Ti 'ndi sì jjùta senza dìri nenti...
Senza- 'u vi'!? -mu mi guardi 'n'atra vota...
Senza nemmenu, o mma', l'ùrtimu vasu!
Cum'è 'sta morti, o mma', chi t'ha rricòta
-chi nun sènti ppietà ppi' cchini rèsta,
chi nun sènti ppietà ppi' cchini mòri cum'è 'sta morti, o mma' , si puru a morti
ch'iu vidìatti 'na vota avìa 'nnu cori...?!
(www.SanMango.net)
(www.SanMango.net)
Ma chini 'u sa si pua 'un-è statu mìagghju
mu tu si mmorta senza mu ti vìju!
-«Chini 'un bìdi, nun cridi» -ed iu a 'sta morti,
o màmmama, ci crìju...e nnun ci crìui...
Pp' mmia sì ancora ccà: ccu' mmia, a 'stumundu;
ppi' mmia sì bbiva, puru si sì mmorta...
E ppìansica si spìju 'i 'sta fhurnesta,
ti vìju ancora vàttari alla porta...
Ti vìju, o mma', cum'eri: jànca e rrussa,
rìsula e bella, giùvini e ccuntenta...
ccu' ll'ùacchji chjàri e cchilla fhacci tunda
chi t'adduràva, o mma', di rosa e mmenta...
Ppi' mmia ch' 'un t'hàju vistu, o mma', suffrìri
intra 'i vrazza d' 'a Morti, tu sì bbiva!
E bbiva ha' di ristàri 'nsinc'a-qquandu
puru ppi' mmia l'ùrtimu jùarnu arriva:
pirchì chjùdari vùagghju ' stu distinu
puggiàndu 'a capu, o mma', supra 'stu sinu...
CHINI DISSI CA «CHI SPERA...»
(A T. T. )
Chini dissi ca «chi spèra...
si' ndi mòri dispiratu»
era 'nn-uaminu saputu:
'u cchju rrandi d' 'u Criatu!
Cumu 'm-patti, iu... jiari sira
m'aspittàva 'i 'sti manuzzi
-ccu' llu zzùccaru e llu meli 'na quattrina 'i grispilluzzi"...
Cchi tt' aspìatti...?! Cchi tti spìari...?!
'Na sirata hàju aspittàtu!
D' 'i grispelli... 'un m'è binùtu
(www.SanMango.net)
(www.SanMango.net)
manc' 'a 'dduru d' 'u livatu...!
Cculla vucca, moni, asciutta,
però piansu: «Mancu mali!
Cà 'i grispelli fhorsi 'i prùavu
'sta vijilia di Natali...».
E rringràziu 'u Patiternu
ca sta gula è ssulu a mia...!
Cà 'nsammài vinìa a mmugghjèrma...:
chini 'u sa... cchi ssuccidìa!!!
VIJILIA 'I NATALI
Alla gghjiasa, stasira, 'i Sarancìscu,
ccu' ffigghjuma d' 'a manu, alla scurata,
sùgnu turnatu, doppu trintun' annu,
ppi' bìdari di l' Angilu «'a calata».
Allu prisepi c' era -dintr' 'a grutti 'u 'stessu Bambinuzzu grassuttiallu,
'u stessu San Giuseppi e lla Madonna,
'u stessu vòi, 'u stessu ciucciarlallu.
E ssupr' 'a grutti, 'i ccà e ddi llà, i pasturi:
'a fhìmmina chi pòrta llu crapìattu;
'a vecchjarèlla chi, vidìandu 'a stilla
si vàtti, 'nginucchjàta, supra 'u pìattu;
'i quattru lavandari alla jumara;
'a guagghjunèlla ccu' llu mazzu 'i juri;
'u picuraru ccu' lla pezza 'i casu;
'u stessu cani, 'u stessu cacciaturi;
'u pasturiallu sutta 'u pedi 'i cerza
chi si càccia lla spina di' nu pedi;
'u vecchjarìallu chi ppi' rripusàri,
si cònza a 'nnu murìattu, mu si sèdi:
(www.SanMango.net)
(www.SanMango.net)
e ddi 'nu cantu -tra 'na mandra 'i vacchi
e 'nna mandra 'ntassàta 'i picurelli i tri Rre Mmagi, tutti 'ntabarràti,
a ccavallu d' 'i stessi tri cammelli...
Davant' 'a grutti m'haju arricurdàtu
di quandu, ancora nninnu, mamma mia,
ppi' bìdari «'a calata», mi purtàva...
e dd' 'a manu, allu cantu, mi tinìa;
di Donn' Antoni Fiori 'ndaffaràtu
chi jìa di ccà e ddi llà, di supra e ssutta,
guardandu stùartu 'i schetti e lli quatrari;
di Fhrancischiallu ch'assistìa lla grutta;
di Jacintu ch'all'òrganu cantava:
«Tu scendi dalle stelle, o Re del Cielo...»:
e, ppinsàndu, davanti all'ùacchji mia
m 'hàju sintùtu scìndari 'nu velu...
Turnàndu 'mbers''a porta ppi' nnisciri,
Sirgiùzzu miu m'ha ddittu: «Papà, ciàngi...?!».
«No, ca nun ciàngiu, fhigghjuma... ch'è st'ùacchju
chi, nun sàcciu pirchì, mi vrùscia. ..e cciàngi...».
ALLU CANTU D' 'A VRASCERA
È jjinnàru! Di fhora, pullullja...
Allu cantu assittàtu d' 'a vrascera,
mi scàrfu e ciùmu... Tòrnanu i ricùardi:
Giuànni; Fhiliclùzzu d' 'a Valera;
'nu «Migni-Mogni» ccu' lla scolla russa;
'i Scoli 'i Cardamuni; l'umbrillinu,
i guanti senza jirita, 'u pilùsciu,
'i pinni 'i Donna 'Màlia Mindicinu;
'nu sillabàriu apìartu, nùavu nùavu;
«Ciccu-Tonnu» ch' abbùssa allu purtuni;
(www.SanMango.net)
(www.SanMango.net)
'nu guagghjùni chi sta a ssintìri ' a strina,
mianzu ammucciàtu arrìatu a 'nnu barcuni...:
'nu cancilluzzu apìartu; 'na fhurnèsta
chi sbàtti e sbàtti; 'a vuci 'i Catirina;
l'oru e ll'argìantu d'i capilli 'i Rosa;
'nu pasturìallu 'i crita intr' 'a vitrina...
Ràpiru l'ùacchji... 'U fùacu è ccunsumàtu:
cinnira, sulu cinnira è rristàta...
e, ddintra 'u cori, l'ùrtimu ricùardu:
'a vintura 'i 'na zingara 'ncamàta...
Tutti 'i vùagghju firmàri 'sti ricùardi:
ad unu ad unu, ccà, supra 'sti carti:
ricùardi vìacchji e nnùavi...Fhògghii, fhògghji
tutti scrivùti... tutti misi 'i parti
ppi' Il'ùrtima jurnata... Fhògghji, fhògghji...:
mu 'i jìattu intr...a vrascera cunsumàta...;
e mmu alla vampa mi quadìju 'u cori
'i l'ùrtima... cchjù bella fhocarata...
CUNCITTELLA, SPERA 'I SULI
Di quandu Giosi, ch'era 'nnu 'ncamàtu,
è jjùtu a ffatigàri all' Argintina,
ccà, Cuncittella, dintr' 'a ruga 'i Braschi,
è ddivintata cumu 'na rigina...
Pòrta lli scarpi, mo', ccu' llu tacchettu
-'nu paru 'i scarpi 'i pelli di sirpenti ed ogni mmisi cùrri dduvi Rizzu
...mu si fha ffàri 'n'atra pirmanenti.
Pòrta qquazìatti 'i sita 'i mìagghju a mmìagghju,
fhirmàgghji d'oru, anìalli ed aricchjìni...
ed ogni bbota chi l'affrùntu fhora,
sempri 'ncantàta 'a vìju alli vitrini:
(www.SanMango.net)
(www.SanMango.net)
mo' dduvi «'U Chimiu», mo' alla Rinascenza,
mo' dduvi Rocca, mo' duvi Birtucci,
mo' davant'a Parmìari, mo' a Mmancusu,
mo' davant'a Ccaputu o dduvi Fhurci.
È bberu, Cuncitte', ca sì ppulìta...
È bberu ca, ccu ttuttu 'st'oru 'n-cùallu,
pàri 'na spera 'i suli... e cca cchjù dd'unu
s'ha ppigghjàtu ppi' ttia 'nu tuarcicùallu;
però... però, l'avèra ddi sapìri
chillu pòvaru Giosi, o Cuncittella,
ca dintr' 'a ruga 'i Braschi mo' i rugagni
ti chjàmanu «Cuncetta 'a riginella...»;
l'avèra ddi sapìri ca, luntanu,
illu fhatìga ccumu 'nu 'nimali
e ttu ogni jjùarnu cchjù ti lìnchji d'oru:
d'anìalli, d'aricchjìni, di bracciali...;
l'avèra ddi sapìri chill'affrìttu,
chi mu spiràgna mmàngia fforsi asciuttu,
ca tu t'assìsti, ccà, ccu' mmuzzarelli,
ccu' pprùavuli d' 'a Sila e ccu' pprusuttu!
Oh, Giosi! Binidìttu mu ti vìja!
Binidìttu mu sì, dduvi ti trùavi!
Tu llà fhatìghi... e ccà mugghièrta... arrìja.
'U CARDILLUZZU
Cardilluzzu chi cànti intra 'sta caggia
allu fhiarru attaccàta 'i 'nu barcuni,
cchi mmi vùa dìri, tu, ccu' 'stu «cìu-cìu..»,
ogni bbota chi pàssu d' 'u purtuni...?!
Tu vài di ccà e ddi llà, sbattìandu l'ali:
«Cìu-cìu...», ma iu 'a capìsciu 'sta parola!
(www.SanMango.net)
(www.SanMango.net)
'U sàcciu, 'u sàcciu tu cchi mmi vùa diri!
Tu mi vùa diri... ca di 'sta scagghjòla,
di 'sta pàmpina fhrisca di lattuca,
di' sta fhicuzza duci ' mpassulata
'un ti 'ndi 'mpòrta nnenti... Mi vùa diri
ch' 'a caggia è rrandi, è bella, ch'è argintata,
ma ch'è ssempri 'na caggia. E ddi 'na caggia,
tra fhiarru e ffiarru 'u suli 'un pàssa e rrìdi...
tra fhiarru e ffiarru l'aria è ccumu 'a nègghja...
tra fhiarru e ffiarru 'u cìalu nun si vìdi...
Chistu tu mi vùa dìri, o cardilluzzu!
Mi vùa dìri ca senza' a libirtà
'un c'è aria, 'un c'è cìalu, nun c'è ssuli...
Ch'intra 'na caggia 'un c'è ffilicità...
Ma cchjù ttardu, cchjù ttardu... 'a porticella
-ppi' ccumu è bbera'a luci 'i 'sta jurnata! parola mia, ti ràpiru d' 'a càggia!
Ni vidìmu cchjù ttardu: alla passata!!!
SUANNI STRAMBI
M'ha ffàttu mali 'a fhrlttula d'ajiari
opur' 'a 'livi 'i dintr' 'a giarricella,
cìartu è ca stanotti, ed a nnuttata,
m'hàju sunnàtu cìantu e 'nna strumbella.
M'hàju sunnàtu ch'era ssagristanu,
(www.SanMango.net)
(www.SanMango.net)
però 'a campana 'un la sapìa ssunàri...!
M'hàju sunnàtu ch'era mmarinaru:
'nu marinaru ch' 'un sapìa nnatàri...!
Pua m'hàju vistu 'ntra 'na casa 'i lussu
-'i chilli ch' 'u Guvernu dùna a cchini
'un tèni ccasa e... 'un pàga Il'<<lna-Casa>> ccu' lli barcuni 'i marvarosa chjini
e ccu' 'nna vasca 'i bagnu chi lucìa,
tant'èra jjànca, e ccu' 'nnu lavandinu
chjini, però, di terra tutti i dua,
ccu' cchjànti d'àcciu e cchjànti 'i pitrusinu...
M'hàju truvàtu avant' 'u spurtilluzzu
d' 'a Satturia, di dduvi 'nu cassìari,
ridìandu, mi turnav' arrìatu i sordi
ch'avìa ppagàtu, ppi' lli tassi, ajìari...
Sùgnu trasùtu doppu a 'nnu triatu
-ch'assumigghjàva a cchillu 'i Grandinetti duv' 'a fhulla, vidìandumi, gridava
«Ebbiva! Ebbiva!», ammianzu a scirubbetti,
gazzosi e ttaralluzzi e ddua signori,
ccu' 'nna tuba alla capu... e ddua paroli,
mi mintianu alla fhrunti 'na curuna...
ccu' pampinelli fhàtta di scaroli...
E mm'hàju pua truvàtu fhora 'a porta
-'a fhulla chi gridava: «Affùca! Affùca!» senza giacchetta, senza cchjù ccuruna...
e ddintra 'i manu, 'mbeci, 'na lattuca.
Quandu mi sùgnu, 'm-pini, risbigghjàtu:
avìa 'nnu pedi 'i Sergiu supra 'u pìattu...
avìa lla capu sutt'a 'nnu cuscinu...
avìa ddintra 'na manu... 'nu quazìattu...
(www.SanMango.net)
(www.SanMango.net)
'A MIDICINA
Si ti pìgghja ttuarcicùallu
o ti sìanti sdirrinatu;
si ti cògghji, ppi' llu rùallu
d' 'i cirasa ch'ha' mangiatu,
'na diarrea chi nun ha ffini;
si ti dòlinu 'i 'nginàgghji,
'a cudilla o puru i rini
o si' a fhrevi ancora sàgghji;
si ti tòrci ddògghja 'i panza
o ppi' ccòlichi ti dànni
o, parràndu ccu' ccrianza,
di murròidi sùaffri ad anni;
si 'u cirvìallu ti fha ppussu
o ti cògghji llu muntuni;
si ti spoca ttuttu u mussu;
si t' azzànna ' nnu curzuni;
si ti sìanti tutta 'a crozza
cumu d'ùmitu abbuffàta
o jujjati i cannarozza
o 'n'aricchja t"e ggigghjàta;
si ti pìgghja lla frussioni
e llu nasu cùla e scùla;
si ti chjùmpi ' nna gnizioni
o 'i mangiari 'un tìani gula
cà ti vèni llu ristùarnu;
si ti fhèti ttantu 'u jatu
chi nissunu ti sta' ntùarnu
ed appìasti 'u vicinatu:
bìallu miu, nun dispiràri!
Senza prughi, nè ddicotti,
senza 'mpiàstri, nè ccirotti,
tuttu, tuttu pò ppassàri...!
C'è 'nna sula midicina:
(www.SanMango.net)
(www.SanMango.net)
ed è lla...pinicillina!!!
Inno a Nicastro
Alla mia gente :
ai vivi, ai morti, a quelli che verranno.
Salve, mia Terra!
Tutta t'avvolge, nell'alba tenera,
del ferro il canto che al maglio torcesi;
tutta t'avvolge delle tue rondini,
nel cielo cèsio, coro del vespero;
e mille arcane leggende narrano,
sotto la luna, le rogge limpide.
Salve, mia Terra
Per queste antiche vestigia innumeri
ch'hanno respiro fondo di secoli;
pel Reventino che al cielo innalzasi,
fiero dei biadi suoi cento scrìmoli;
per gli inombrati tuoi verdi cespiti,
alla tua fronte serto settemplice.
Salve, mia Terra!
Per gli uliveti dai cuori argentei,
per le tue vigne che i nappi colmano,
pei mille stolli nei campi fertili;
pei dolci ronchi che t'incoronano,
per gli aranceti che ti profumano,
per questo sole che il cuor t'illumina.
(www.SanMango.net)
(www.SanMango.net)
Salve, mia Terra!
Ti guarda il figlio che torna e, trepido,
in te ricerca l'alma sua giovine;
ti guarda triste la madre in lacrime,
prona sui lini del vecchio tessere
che il figlio morto pietosi involgano;
ti guarda il sole dal cielo altissimo.
Salve, mia Terra!
Dei tanti figli che vita attinsero
all'ampio spiro delle tue roveri,
pur io ti guardo: bella fra i palmiti,
sotto la luna. Ti canto estatico:
per questa luce viva dell'anima
che tu mi desti, Nicastro mia.
NATALE
Luce ogni casa e trepida stanotte
e l'aria è tutta un suon di ninne-nanne.
Sulla deserta via, di porta in porta,
una zampogna sosta. Ogni pastore
ha nel presepio un dono; ogni fanciullo,
agli occhi nuova luce; il focolare, un ceppo.
Al mio pensiero vanni lievi
dona il ricordo dell'età migliore
e torna a respirar l'anima mia
l'incanto d'un 'aurora ormai lontana.
(www.SanMango.net)
(www.SanMango.net)
FOGLIE
O miei cari, lontani agli occhi miei!
Quant' anni son passati sul cammino
della mia vita! Più non son tornato
a rivedere il vostro terrazzino,
l'orto, la vasca, il prugno, quel balcone
ove -cuore di bimbo -mi perdevo
nell'infinito azzurro mondo lieto
delle fatine al quale ancor credevo!
Ho dentro al cuore tanta nostalgia
quanta delusIone ed amarezza...
Amarezza di vita che s'alterna
degli affetti alla dolce tenerezza.
Senso è forse di gioventù sfiorita...
D'un sogno amaritudine distrutto...
Speranza di speranze senza nome...
Non lo so! Forse è nulla... Forse è tutto...
Forse soltanto è il desiderio vano
d'un cuore stanco, cuor di pellegrino
che attraverso il passar degli anni lento
cuore è rimasto ingenuo di bambino.
L'orto, la vasca, il prugno, quel balcone,
il cancelletto sui roseti in fiore,
il mar lontano, dolce, glauco, queto,
simile -grande -al piccolo mio cuore!
Sembran carezze della mamma morta
questi ricordi all'anima sopita!...
Foglie che il tempo non ha macerato
sul calvario dolente della vita...
Petali del color dell'innocenza,
dal pallido profumo, un po' malato...
Lacrime trasparenti di cristallo
che sui petali gli anni hanno lasciato...
E foglie e foglie: foglie di roseto,
foglie d'acacia dentro al cuor dolente,
(www.SanMango.net)
(www.SanMango.net)
foglie pungenti, amare di cipresso,
foglie tristi di salice piangente...
E la materna mano, palpitante
come un'ala di rondine ferita,
sparge le foglie roride di pianto
alla speranza eterna della vita..
(www.SanMango.net)