Läuse – keine Panik - schule

Plugls
Fegl d’informaziun e muossavia per geniturs
Preziai geniturs
Cars affons
Sco mintg’onn suenter las vacanzas ei vegniu cattau plugls
ella scola Ilanz/Glion. Per dar damogn ton pli spert ad els,
ein las instrucziuns cheusut per plascher da suandar precisamein da tut ils geniturs.
Plugls ei negin segn da schliata igiena. Studias el cantun
Turitg demuossan p.ex. che 10 % dils affons han adina
plugls.
Plugls vivan sulettamein sin ils tgaus da carstgauns (surtut
sur la totona e davos las ureglias).
Il transfer succeda surtut entras il contact direct da tgau tier tgau e darar entras capetschas,
mobilias pulstradas ni animals da teila. Ils plugls san buc siglir ni sgular. Senza saung sa in
plugl surviver maximalmein 3 dis. Cun sias 6 combas setegnan ils plugls ferm vid ils cavels.
Ord quei motiv san ins buc semplamein lavar giu els.
Ils ovs ein aschi gronds sco in graun da sablun e vegnan taccai fermamein vid ils cavels (pli
pauc che 1 cm naven dalla pial dil tgau). Perquei san ins strusch allontanar els, gnanc cun in
petgen da lendels.
In tgau che morda ei in indezi malsegir per plugls. Ei entscheiva a morder pér entginas jamnas suenter ch’ils plugls ein secasai ni sch’ins ha gia giu pli baul plugls.
Proceder actual:
1.
Fagei aschi bien e controllei a casa, schebein Vos affons han plugls. Quei succeda
cun controllar da rudien ils cavels cun in petgen da lendels.
2.
Sch’ei vegn constatau plugls, lendels ni ovs ei in tractament a casa necessaris. Ils
confamigliars ein medemamein da controllar e tractar tenor basegn. Fagei aschi
bien ed informei immediatamein il scolast da classa ni il secretariat
(081 925 28 29) sche vus constateis plugl ni lendels. Engraziel!
13.08.2015
3.
Il tractament vesa ora sco suonda:
•
Hedrin© ei el mument il mied il pli effizient (funcziunescha sin basa mecanica
cun serrar giu il flad als plugls). Auters mieds ageschan sin basa chemica ed
ein perquei, surtut per in diever repetiu plitost nuscheivels per il tgierp. LausStop© da Rausch san ins plitost bu cussegliar, perquei ch’igl effect ei buca vegnius intercuretgs bein avunda.
•
Metter sin ils cavegls schetgs Hedrin© e schar star silmeins in’ura. Silsuenter
lavar ils cavels cun in schampo normal e stergliar ils cavels. Suenter siat dis ei
il tractament da repeter.
•
Ei dat negin mied encunter plugls che gida 100 %. Perquei eis ei impurtont da
controllar ils tgaus ed ils cavels duront silmeins duas jamnas e quei duas ga
per jamna.
4.
Metter petgens, barschuns, pigiamas, resti da létg, schigientamauns, animals da
teila, capetschas, eav. en in sac da plastic e metter quel per treis dis giuadora. Ins sa
denton era metter quel per 24 uras en schelentera.
5.
Controlla entras la scola:
Tut tenor las annunzias che vegnan inoltradas vegnan ils scolars dalla scola
Ilanz/Glion ni dallas singulas fracziuns controllai enteifer las proximas ca. 2-3 jamnas entras la scola.
Cun ina controlla seriusa ed in tractament a casa (mira punct 1 e 2 !) sperein nus
denton da saver evitar ina controlla supplementara entras la scola.
Affons che han plugls vegnan buca sclaus dalla scola.
Cavels liungs ein da ligiar ensemen per engreviar in transfer.
Ulteriuras informaziuns saveis Vus retrer dalla pagina www.kopflaus.ch ni tier il miedi
d’affons e da scola dr. med. Benedikt Malin.
Per ulteriuras damondas saveis Vus sevolver tier il secretariat sut la numera da scola
Tel. 081 925 28 29.
Menader da scola e miedi d’affons
Schule Ilanz/Glion
13.08.2015