SFUEI dicembre 2012

Il sfuei di Tavagnà
Insert informatîf de Aministrazion comunâl (L.482/99)
An IV, n.2 - Dicembar 2012
Fiestis
Tra pignarûl,
befanis e... verzis
Chê dai pignarûi e je une
tradizion di origjine celtiche
ben pandude in buine part dal
Nord-Est. Di agnorums incà i
fûcs, che chi di nô si clamin
“Pignarûl”, a stan pe volontât di brusâ il vecjo par dâ il
bon acet al gnûf e su la fonde
de direzion dal fum si tiravin e
si tirin ancjemò in dì di vuê, lis
previsions pal an gnûf.
Ma cumò al è ancje un moment par cjatâsi e sierâ lis fiestis di Nadâl in ligrie. A Felet
la fieste e tache tal dopodimisdì dal dì de Epifanie, cuant
che grancj e piçui insieme a
van par strade par spietâ la
procession des Befanis che
cul caret a traviersin lis stradis dal paîs regalant bombons
e cjalcis.
Rivâts in place Libertât si
passe ae elezion de Befane plui
biele! E daspò il corteu, cu la
bande devant, al torne a partî
par rivâ li dal Pignarûl e impiâlu,
no prin di vê gjoldût di un spetacul di fûcs; al è chest il moment plui impuartant, cuant
che ducj a cjalin di ce bande
che al tire il fum par capî cemût
che al sarà l’an che al ven.
Sieradis lis fiestis di Nadâl
nol finìs dut câs il lavôr de Pro
Loco C.I.L. Felet che pe fieste
dal patron Sant Antoni Abât,
sabide ai 19 e domenie ai 20 di
Zenâr e inmanee la 13e edizion
de Fieste des Verzis cul titul
“La verze si maride”.
In chescj doi dîs il program
al è une vore siôr, cun events
e iniziativis dedicadis a cheste ortaie di Invier, une vore
cognossude tal nestri teritori
di simpri: mostris di piture,
cunvignis su lis verzis e altris
ortaiis invernâls, degustazions enogastronomichis a
base di verzis, marcjât di
“Campagna amica”, incuintris
cun autôrs.
Daûr de tradizion religjose
di agnorums incà, dopo la
Messe grande di Domenie ai
20 di Zenâr, si distribuìs il
“pan di Sant Antoni” (pan benedet di puartâ aes bestiis di
curtîl) intant che i scampanotadôrs locâi si esibissin intun
conciert a fieste di cjampanis
metudis sul sagrât de Glesie,
dopo de demolizion dal tor sucedude tal 1935.
Cun di plui, in colaborazion
cul Assessorât aes Ativitâts
Apontament
cun la Pro Loco
di Felet il 6
di Zenâr pe
Epifanie e il 19
e il 20 pe fieste
dal patron Sant
Antoni Abât.
Produtivis, e vignarà inmaneade la mostre-concors di cheste ortaie, par dute la int che e
à plantât lis verzis tai siei orts
piçui o grancj che a sedin. Si
varà ancje la ocasion par mostrâ un pocje di gjenerositât:
a vignaran distribuidis verzis
par tirâ sù bêçs a pro de “Leghe Furlane pe Lote ai Tumôrs”.
Par contatâ la pro loco scrivêt a
[email protected] o visitait il sît http://
www.cilfeletto.com/
Tradizions
La gnot dai muarts
Une tradizion tipiche de nestre culture proponude in clâf moderne.
Di un doi/trê agns incà il Comun di Tavagnà, cul Sportel Lenghe Furlane in colaborazion cun Radio Onde Furlane e cu
la Associazion culturâl Pionîrs, al à tornât a cjapâ sù e a proponi in clâf moderne lis tradizions tipichis de nestre culture furlane, inmaneant seradis che a dan
impuartance a ciertis datis, zornadis,
usancis tant che la Gnot di Sant Zuan
vie pal mês di Jugn o la Gnot dai Muarts
ai 31 di Otubar.
In particolâr, la ultime gnot di Otubar
si viest di un significât arcaic e simbolic.
Une volte, cheste gnot e rapresentave la
Sierade, si finivin lis vendemis, si cjapave sù la blave e lis fameis si spartivin lis
risiervis pal Invier, alfin si deve ancje il
cuartês al plevan. E segnave un dai moments plui impuartants di dute la anade:
il passaç tra la stagjon dal cjapâ sù e chê
dal semenâ. No ricuardave dome il Dies
parentales dai Romans, ma e coincideve
cul Prin dal an celtic, il Samhain, cuant
che il mont dai vîfs si miscliçave cun chel
dai muarts. Muarts che a vevin sorintindût ai rituâi propiziatoris pal semenâ, a
Carnevâl, e che cumò a pratindevin la lôr
part. Le nestre tiere e à mantignût chest
contat magjic e misteriôs.
“La Gnot dai Muarts, la Gnot des animis, la civuite, la lûs de lune e dai lumins, la tiere, un cjaldîr plen di aghe fin
sul ôr tirât a lustri de man di un canai e
picjât sul seglâr prime di lâ a durmî, la
Gnot dai Sants. Lis nestris peraulis in
poesie, conte e cjant, un linzûl blanc di
disegnâ, la musiche, un pas di bal, par
dî che la muart no je fin ma cambiâ, che
la vite no finìs ma e scjampe nome un
nin plui inlà, e i ricuarts, lis presincis
cidinis tal vivi di ogni dì, lôr animis in
svol, nô oms len che al art, rosis rossis
come il fûc e bufs di aiar che al va...”
Chest nus àn contât ai 31 di Otubar li
dal Centri Civic di Tavagnà (in Vie de
Madonute) il spetacul “Su la puarta da
la not” di e cun Luigina Lorenzini, Fernando Gerometta e Lucia Miorini, compagnâts di Loreta Battistella – mieç sopran; Renzo Stefanutti – ghitare e vôs;
Susan Franzil – violoncel e vôs Emanuele Stefanutti – batarie e percussions. E
intant che la musiche e lis vôs si messedavin, i dissens di Saira Franzil e il moviment di bal di Noel Colledani a insioravin
la sene . Un spetacul pardabon unic ancje
parcè che nus à fat cognossi des usancis
tipichis di cheste gnot inte Val dal Arzin,
li che si doprin cjaldîrs e si cjale cun rispiet aes paveis /”animas” dai muarts.
Solidarietât
I alpins dal comun di Tavagnà
in Emilie cui taramotâts
Il taramot dal mês di Mai in Emilie,
Lombardie e Venit, ma soredut tes
provinciis di Modena e Ferare al à mot
tante int che e à cirût di puartâ un
jutori concret aes popolazions interessadis.
La Regjon FVG e je stade une di
chês che si son impegnadis di plui. A
son stât implantâts trê cjamps par dâ
acet aes fameis restadis cence cjase :
un a Cento in provincie di Ferare, un
tal comun di Mirandola e un altri inte
2
sô frazion di Quarantoli, in provincie di
Modena.
Pal funzionament dai servizis si son
fatis indevant un grum di associazions
di volontariât di dut il teritori regjonâl
che a àn rispuindût ae clamade di solidarietât cuntune partecipazion uniche.
La Protezion Civîl sedi comunâl che alpine e à montât tendis, cusinis, magazens, servizis e v.i. e e veve compits diferents dentri dai cjamps; i Carabinîrs in
congjêt a àn garantît la sigurece tignint
di voli lis tendis dì e gnot; i scout a àn
organizât ativitâts ricreativis pai fruts; i Alpins di dutis lis Sezions de
Regjon si son dâts il cambi tal preparâ
e servî miârs di gulizions, gustâs e
cenis e par fâ lis puliziis di ogni dì.
GRUP DI BRANC
Il grup Protezion Civîl A.N.A. di
Branc al è stât il prin a lâ jù in Emilie: ai
IL SFUEI DI TAVAGNÀ, DICEMBAR 2012
Tradizions
Une antighe usance di ducj
i popui agraris europeans
E jere une antighe usance di ducj i popui agraris europeans, e no dome, cussì
intal VIII secul il pape Gregori IV al volè
che il 1 dì di Novembar al fos destinât ae
dì di ducj i Sants e intal 998 Sant Odilon
di Cluny al imponè di preâ ancje pai
muarts in chê zornade stesse; cuatri secui dopo Pape Sist V al decidè di sdoplâ
la zornade e fânti dôs: la dì di ducj i
Sants e chê di ducj i muarts.
La gnot dai muarts o miôr, la Vilie
dai Sants, no ricuardave dome il Dies
parentales dai Romans, ma e coincideve cul Samhain, il prin dì dal
an, inte tradizion dal popul celtic,
cuant che il mont dai vîfs si miscliçave cun chel dai muarts. Muarts che
a vevin sorintindût ai rituâi propiziatoris pal semenâ, a Carnevâl, e che
cumò a pratindevin la lôr part. La
nestre tiere e a mantignût chest contat magjic e misteriôs e chei che a
disin che o sin stâts colonizâts a falin.
Ancje chenti o vevin lis cocis svuedadis, taiadis a forme di crepe, jempladis di
pês di pin o vueli e impiadis denant dal
barcon, e che a vignivin clamadis “musatis” o “musons”; dongje si picjave un
cjaldîr di aghe frescje pes animis dai spirts. I frutins a levin cjase par cjase a domandâ bombons, cjastinis, coculis e pan
di sorc sberlant “a pan, a pan” e no “dolcetto o scherzetto?” “trick or treat”? Ma
soredut lis animis, e levin ator pal paîs
cu la voie di tornâ a cjase là di chei che ur
volevin ben in vite.
20 di Mai, il dì de prime scosse, la
sede dai alpins di Udin, che e dipent de Direzion Regjonâl P.C., e à
clamât Ligutti Bruno par mandâlu a
colp a dâ une man a plantâ la cusine
a Mirandola. Lì al è restât fin ai 24
di Mai cuant che i à dât il cambi
Mario Faleschini. Il tierç a lâ jù al è
stât Luciano Versolato. Ducj i trê a
son lâts e tornâts par doi turnis di
une setemane a turni. A jerin tal
“campo Friuli” a fâ di mangjâ par
400/500 di lôr che a jerin restâts cence cjase. Tal timp che a son restât
culì, a àn ancje provât su la lôr piel
lis scossis vignudis dopo: intant
che la int a faseve di gulizion aes 9
di buinore, une scosse biele fuarte
e à ribaltât ancjemò il teritori za provât dal prin taramot. “In chê volte”,
si vise Mario, “o vin lavorât dì e
gnot, par dâ di mangjâ a 700/800 di lôr.
Al jere tant lavôr di fâ: no dome pal
mangjâ, ma ancje par assisti e cirî di
tirâ sù il morâl ae int che nus faseve
tant dûl, soredut i fruts”. Il grup di
Branc al è lât jù ancje a metât Otubar
par smontâ dut: la cusine e je stade sierade e il cjamp smontât.
IL SFUEI DI TAVAGNÀ, DICEMBAR 2012
Inte val dal Arzin si dopravin i cjaldîrs
plens di aghe che e vevin di jessi tignûts
lustris. Si ju netave o cul saldan (savalon silicic) o cuntune misture di farine di
polente, asêt e sâl. Lustrâ i cjaldîrs al jere
compit dai canais. Inte Vilie dai Sants i
GRUP DI DEDEÀ - CJAVALÌ
Ancje il Grup dai Alpins di DedeàCjavalì si è impegnât ta cheste butade
di solidarietât. Dai 18 ai 25 di Avost, al
à prestât servizi li dal cjamp “Friuli 2”
di Quarantoli, fasint i lavôrs di jutori in
cusine, di distribuzion dal mangjâ e di
gjestion dal magazen. Inte spedizion a
jerin il cjâf grup Fiorello Tioni, Ferruc-
fruts a lustravin i cjaldîrs e in chê gnot
stesse, prin di lâ a durmî, i cjaldîrs a vevin di jessi picjâts, plens di aghe sul seglâr, par che i muarts a podessin vignî a
bevi. In cierts puescj si lassave ancje alc
di mangjâ su la taule.
Tantis voltis lis crodincis popolârs a
son poetichis. Simpri te Val dal Arzin, lis
paveis di gnot si clamavin “las
animas”, ma si clamavin cussì ancje lis animis. Cuant che lis paveis di gnot a jentravin in cjase, a
vignivin rispietadis cun devozion,
parcè che si pensave che a fossin
lis animis dai muarts che a tornavin inte lôr cjase.
“Une volte “las animas” a vignivin a cjatânus plui dispès intes cjasis, parcè che lis stradis
des borgadis no jerin iluminadis e
lôr, lis paveis,” las animas”, a vignivin atratis de lûs, e se a cjatavin un barcon in sfese a jentravin di corse. Al jere un fat che al deve une vere
emozion a ducj, propit a ducj, “Una anima! Una anima! No stait a tocjâla!”, e
cheste gjonde e vignive condividude
sedi dai canais che de int in etât.
cio Cornacchini, Franco Galliussi,
Vincenzo Cian da Rosso, Pietro Pagnutti, Lucio Tami compagnât de femine Elena Bertoni. A jemplâ la schirie a jerin ancje i amîs des Sezions
di Cividât e di Palme. Cun lôr o vin
spartît ancje la lote cuintri lis moscjis, i moscjits e il cjalt. Ae fin de
setemane la strache si è fate sintî
ma o sin stâts une vore contents di
vê dât une man a int che come nô
tal ’76 si cjate in grande dificoltât.
Altris components dal nestri grup
si son fats onôr prestant la lôr opare in periodis diferents. Bruna Marcon e je stade par dôs setemanis tal
cjamp di Mirandola e in chel di Cento e cussì ancje Adriano Paggiaro ;
Bruno Martincig invezit al à lavorât
par une setemane tal cjamp di Mirandola.
3
Culugne
Une gnove associazion
“Chei di Culugne” e nas tal 2012 par volontât di un grup di amîs
de frazion cun chê di dismovi il spirt di partignince ae comunitât.
La Associazion Chei di Culugne e nas
tal 2012 par volontât di un grup di amîs
de frazion di Culugne cun chê di dismovi il spirt di partignince ae comunitât che aromai al duar in tancj di nô.
La intenzion e je chê di tornâ a fâ vivi
lis vecjis tradizions, de fieste dal paîs
al Pignarûl, che ducj a ricuardin cun
tant plasê e un pocje di nostalgjie.
E propit de cinise dal Pignarûl dai 6
di Zenâr dal 2012 e à cjapât vite la Associazion, acetade cun grant entusiasim e partecipazion a nivel locâl. Cualchi mês dopo e tache la Fieste di Istât a
Culugne, dai 29 di Jugn al 1 di Lui dal
2012: fieste che e je rivade a meti adun
il paîs li de aree verde sportive cu la
partecipazion une vore preseade di tancj volontaris vignûts par dâ il lôr contribût e rindi l’event un sucès.
Ancje se i coscj di organizazion a son
stâts alts e la situazion economiche e
jere dificile, ducj i bêçs cjapâts ta chê
ocasion a son stâts metûts a pro de
coletivitât e dal teritori, ven a stâi doprâts pe organizazion di altris moments di agregazion, in linie cul spirt ae
fonde de associazion. La fieste des cjastinis inmaneade pal mês di Novembar
no je lade ben cause lis condizions dal
brut timp, ma la Associazion no si è
dade par vinte e e continue a cjalâ in-
devant. L’obietîf pal doman al è chel di
lâ indevant sul troi cjapât insieme, metint adun lis fuarcis, scoltant lis vôs e
impegnantsi cun passion par regalâ a
Culugne une gnove stagjon di events
e di tradizions.
Te liste dai desideris de associazion
cumò i starès di vê une sede vere e proprie dulà podê cjatâsi adun par evitâ
sistemazions di fortune e cence dipendi de gjenerositât dal ospit di turni. O
sperìn che un doman i lavôrs inviâts li
de aree verde de frazion nus regalin
spazis gnûfs che a puedin jessi metûts
a disposizion de comunitât che di sigûr e savarà doprâju pal miôr.
Culture
Dvd cun pre Antoni Beline
Sabide ai 6 di Otubar aes 6 e mieze di sere li de Sale
Consiliâr dal Comun di Tavagnà si è tignude la presentazion dal Dvd “La Fabriche dai Predis”. A son intervignûts
pre Roman Michelot, president de Patrie dal Friûl e amì di
pre Antoni Beline e Dree Valcic, diretôr da La Patrie dal
Friûl, il mensîl in lenghe furlane diret par agns propit di pre
Beline
Pre Antoni Beline (cognossût a Vençon ancje come pre
Pieri Massangat) al nas ai 11 di Fevrâr dal 1941. Ai 23 di
Avrîl dal 2007 al mûr su la place di Visepente, in comun di
Basilian. Pai 5 agns de muart dal tradutôr de Bibie par furlan, La Patrie dal Friûl, Glesie Furlane e VideoTeleCarnia a
vuelin memoreâlu cun chest video che al è la interviste di
presentazion dal so libri che al à fat plui scjas: “La fabriche
dai predis”. Te videointerviste pre Antoni al fevele in struc
dai contignûts e des motivazions che lu àn puartât a scrivi
il libri omonim, ritirât subit dopo de metude in onde di cheste presentazion televisive, che in chest dvd e je te version
integrâl inedite.
“La fabriche dai predis” e je un diari che al ricostruìs i
agns de infanzie e dal ‘seminari di pre Antoni, puartant
esperiencis diretis e riflessions intimis.
Il libri al fo criticât in maniere pesante di bande de gjerarchie eclesiastiche pes analisis scletis che al scrivè pre Beline, ma tal stes timp al fo preseât une vore dal public pe
maniere direte e la profonde umanitât che e vignive fûr di
4
chês pagjinis.
Cui che al ves gust di vê il DVD al à di clamâ la Patrie dal
Friûl al numar 0432-981411 o scrivi ae direzion
[email protected] par ricevi une copie e il boletin
cun ufierte libare.
Visitait ancje il sît www.lapratriedalfriul.org
IL SFUEI DI TAVAGNÀ, DICEMBAR 2012