Leghe·mi in sardu

Marcu de calidade pro 63 impresas turìsticas e 5 impresas de sa nàutica
25 de santandria 2014
Sunt chimbe sas primas impresas de sa provìntzia de Aristanis chi ant otènnidu
su Marcu de calidade “Ospitalità Italiana Mare”, istituidu dae sa Càmera de
cummèrtziu e riservadu a sas aziendas inseridas in su cumpartu de sa nàutica, in
mesu de custas sas atividades de navigatzione de diportu e servìtzios turìsticos, sos
servìtzios de sas escursiones naturalìsticas, sas atividades de valorizatzione de sos
benes archeològicos afundados, de diving e de charter.
Sas chimbe impresas chi ant passadu sas verìficas de s’Istitutu natzionale ricerche
turistiche, s’Is.Na.R.T. e otentu su marcu de calidade, sunt sa cooperativa Cultour
de Crabas, sa Sinis Yachting de Crabas, sa sotziedade Eolo de Aristanis,
s’Hotel Is Arenas de Narabuia e sa sotziedade Santa Caterina Sport e Natura
de Cùglieri.
Sas impresas ant retzidu su reconnoschimentu in una tzerimònia curtza in sa sede de sa Càmera de
cummèrtziu de Aristanis chi ddu ant leadu parte su presidente de s’Ente camerale Pietrino Scanu, su
segretàriu generale Enrico Massidda, su membru de sa giunta camerale Giuseppe Giarrusso e su diretore
generale de s’Is.Na.R.T. Giovanni Cocco.
In s’àmbitu de sa matessi initziativa sunt istados cunsignados fintzas sos atestados a sas 63 impresas
turìsticas benefitziàrias de su Marcu de calidade “Ospitalità Italiana”, dadu semper pro mèdiu de sas
verìficas de s’Is.Na.R.T, pro initziativa de sa Càmera de cummèrtziu de Aristanis. In su 2015, in provìntzia,
ant a èssere 21 hotel e residence, 14 ristorantes, 23 aziendas agriturìsticas, 2 ititurismos, 2 campègios e una
residèntzia turìsticu alberghiera a tènnere su Marcu de calidade. In totu sunt 61 sas impresas turìsticas chi ant
otentu sa cunfirma de su Marcu de calidade “Ospitalità Italiana” e 2 cussas chi dd’ant tentu pro sa prima
borta.
Su presidente de sa Càmera de cummèrtziu Pietrino Scanu, intervenende in sa tzerimònia, at marcadu
s’importàntzia de punnare a sos istandard calitativos pro fàghere fronte mègius a su mercadu de su turismu.
Scanu at manifestadu sa voluntade de sa Càmera de sighire custa initziativa chi – un’annu in fatu de s’àteru –
ponet paris unu nùmeru semper prus mannu de operadores, ma at fintzas ammentadu sas dificultades de
s’Ente camerale, cun sas risursas finantziàrias a disponimentu semper prus pagas e sa paga seguresa de su
tempus benidore, acapiados a sa riforma de sa pùblica amministratzione. Dae parte sua su segretàriu generale
de sa Camera de cummèrtziu, Enrico Massidda, at antitzipadu s’intentu de portare fintzas in àteros territòrios
regionales e natzionales s’esperièntzia de su marcu de calidade “Ospitalità Italiana Mare”, in collaboratzione
cun s’Is.Na.R.T., si at a èssere possìbile cun sas risursas a disponimentu. A propòsitu de custu Massidda at
faeddadu de sa possibilidade de partetzipare a s’atributzione de finantziamentos comunitàrios.
Custu s’elencu de sas aziendas chi ant otentu su Marcu de calidade “Ospitalità italiana 2015”:
Hotel Residence: Al Gabbiano de Bosa marina, Antica Dimora del Gruccione de Santu Lussurzu, Da Cesare
de Putzu Idu – Santeru, Golf Hotel Is Arenas, localidade Is Arenas – Narbolia, Horse Country Resort
Congress & Spa di Arborea, Le Torri de Arborea, Il Duomo de Aristanis, Is Benas Country Lodge de Santeru,
Isola Rossa Albergo Residenziale de Bosa Marina, La Baja de Santa Caderina de Pittinuri - Cùglieri,
Mariano IV Palace Hotel de Aristanis, Mistral 2 de Aristanis, Sa Mola de Bonàrcadu, Sardegna Grand Hotel
Terme de Fordongianus, Sas Benas de Santu Lussurzu, Sinis Vacanze Sa Pedrera de Crabas, Villa Asfodeli de
Tresnuraghes, Villa Canu de Crabas, Hotel Maison de Tresnuraghes, Villa delle Rose de Aristanis e Hotel
Raffael de Santeru.
Ristorantes: Cibo Qibò de Terraba, CRAF de Aristanis, Da Giovanni de Turre manna - Aristanis, Grekà de
Terraba, Hotel Sa Pischedda de Bosa, Il Caminetto de Crabas, La Baja de Santa Caderina de Pittinuri –
Cùglieri, Mistral 2 de Aristanis, Sa Mola de Bonàrcadu, Sa Pedrera di Crabas, Sas Covas de Bosa,
Summertime de Crabas, Su Soi de Crabas, Il Nautilus de Santeru.
Agriturismu: Agriturismo Archelao de Santu Chìrigu - Aristanis, Angolo Azzurro de S’anea Scoada –
Santeru, Genna ‘e Corte de Làconi, Il Giglio de Massama - Aristanis, Il Sinis de Crabas, Is Cortillaris de
Cabras, La Luce del Sinis de Arriora, Le Mimose de Arborea, Montiferru de Iscanu, Rioxoris de Arcidanu,
S’omu de Zuanni Perra de Boàtiri, Sa Crannaccia de Crabas, Sa Moa de Santeru, Sa Ruda de Crabas, Sa
Tanchitta de Ula, Su Livariu de Siamaiore, Su Sattu de Crabas, Terra Noas de Biddobrana, Thamis de Uras,
Agriturismo Villa Gaia de Crabas, Country Resort Capo Nieddu de Santa Caderina de Pittinuri– Cùglieri,
Cuccuru Aiò de Siamaiore e Su Grabiolu de Siamanna.
Ititurismu: Sa Pischera e’ Mare e’ Pontis de Crabas e Ittiturismo Tolenga de Crabas.
Campègiu: Camping S'Ena Arrubia de Arborea e Spinnaker de Turre manna.
Residèntzia turìsticu alberghiera: Villa Giada Residence de Crabas.