Directivas concernent l`organisaziun e la permeabilitad dal stgalim

Directivas concernent l`organisaziun e la permeabilitad dal stgalim

Erziehungs-, Kultur- und Umweltschutzdepartement Graubünden
Departament d'educaziun, cultura e protecziun da l'ambient dal Grischun
Dipartimento dell'educazione, cultura e protezione dell'ambiente dei Grigioni
7000 Cuira, Quaderstrasse 17
tel. 081 257 27 02
fax 081 257 20 51
[email protected]
Directivas concernent l'organisaziun e la permeabilitad dal
stgalim secundar I
sa basond sin l'art. 5 al. 3 da l'ordinaziun tar la lescha da scola (ordinaziun da scola) dals
25 da settember 2012
relaschadas dal departament d'educaziun, cultura e protecziun da l'ambient ils 5 da fanadur 2013
_______________________________________________________________________
Art. 1
1
Il stgalim secundar I è dividì en ils tips da scola da la scola reala e da la
scola secundara (art. 9 da la lescha da scola).
Princips
2
L'instituziun responsabla per il stgalim secundar I po manar la scola
reala e la scola secundara tenor differents models cooperativs. La furmaziun da classas da nivel sto vegnir prendida en mira (art. 5 da l'ordinaziun da scola).
3
Tar la tscherna dal model dal stgalim secundar I sto er vegnir resguardada la situaziun da las scolaras e dals scolars che han in basegn spezial da promoziun.
Art. 2
La scola reala e la scola secundara sa chattan en la medema chasa da
scola. Ellas vegnan manadas separadamain per las linguas che vegnan
purschidas sco roms obligatorics e per la matematica. En ils auters roms
(uman ed ambient, roms artistics, roms d'elecziun) èn admessas differentas furmas da cooperaziun.
Models dal stgalim
secundar I
a) model cooperativ
senza roms da
nivel (model B)
Art. 3
1
La scola reala e la scola secundara sa chattan en la medema chasa da
scola. Ellas furman las classas da tschep che correspundan a la repartiziun da basa en classas realas ed en classas secundaras.
2
In stgalim secundar I sto avair en la scola secundara almain trais ed en
la scola reala almain duas partiziuns.
3
Las scolaras ed ils scolars da la scola reala e da la scola secundara vegnan instruids cuminaivlamain en partiziuns da nivel en ils roms d'elecziun ed en ils roms obligatorics ch'èn designads sco roms da nivel per ils
secturs da las linguas e/u da la matematica. L'instrucziun en ils auters
roms ha lieu en la classa da tschep correspundenta.
4
Ils differents nivels dal rom correspundent na pon betg vegnir instruids
en la medema stanza da scola al medem temp da la medema persuna
d'instrucziun.
b) model cooperativ
cun roms da nivel
(model C)
2
5
Admessas èn las suandantas differenziaziuns da nivel:
a) Dus nivels:
nivel I:
nivel cun pretensiuns elementaras
nivel II:
nivel cun pretensiuns extendidas e nivel cun
pretensiuns fitg extendidas
b) Trais nivels:
nivel I:
nivel cun pretensiuns elementaras
nivel IIa:
nivel cun pretensiuns extendidas
nivel IIb:
nivel cun pretensiuns fitg extendidas
6
Tant ils roms obligatorics sco er ils roms d'elecziun pon vegnir manads sco partiziuns da nivel:
a) Varianta C1: Ils roms obligatorics en il sectur da las linguas e da la
matematica vegnan manads – dal tuttafatg u per part – sco partiziuns da nivel. Entaifer ils secturs "linguas" e "matematica" pon vegnir manads en partiziuns da nivel ils roms obligatorics "lingua da
scola sco emprima lingua", ina u duas linguas estras sco er "matematica".
b) Varianta C2: Singuls roms d'elecziun vegnan manads sco partiziuns
da nivel.
Art. 4
Las suandantas cumbinaziuns èn admessas:
a) model C1 e model C2
b) model C1 e model B
c) model C2 e model B
c) cumbinaziuns dals
models
Art. 5
1
Tenor l'art. 43 da l'ordinaziun da scola vegnan las scolaras ed ils
scolars da la 6. classa primara attribuids a la scola reala resp. a la
scola secundara. Scolaras e scolars che midan en in stgalim secundar
I cun nivels ston vegnir recumandads da la persuna d'instrucziun da
classa areguard ils roms da nivel per l'entrada en in tschert nivel.
Permeabilitad
a) recumandaziun da
nivel
2
La recumandaziun da nivel dal stgalim che dat giu serva – en
cumbinaziun cun eventuals auters criteris dal stgalim secundar I che
recepescha – sco basa per l'emprima assegnaziun da nivel dal stgalim
secundar I.
Art. 6
1
L'assegnaziun da nivel vegn fatga da la persuna d'instrucziun da classa dal stgalim secundar I entaifer l'emprim semester da la 1. classa
reala resp. classa secundara. Ella sto vegnir fatga consultond las persunas d'instrucziun da las scolaras e dals scolars pertutgads sco er da
las persunas cun la pussanza dals geniturs.
2
Igl è pussaivel da midar il nivel durant la 1. e la 2. classa reala resp.
classa secundara. En la 3. classa n'èsi betg pussaivel da midar il nivel.
3
Ina midada dal nivel po vegnir fatga, sche
a) la cumpetenza persunala (cumportament d'emprender,
cumportament da lavurar), la cumpetenza sociala e la cumpetenza
da la materia en il senn dal giudicament general en il rom
correspundent la giustifitgeschan,
b) las pretensiuns en il nivel correspundent na vegnan betg ademplidas
u vegnan surpassadas durant in temp pli lung e
c) ina midada da nivel en il rom ed en il semester correspundent n'ha
betg gia gì lieu.
b) assegnaziun da
nivel, midada da
nivel
3
Art. 7
1
Durant l'emprim semester da la 1. classa reala resp. classa
secundara pon assegnaziuns vegnir curregidas en tut ils models dal
stgalim secundar I (vesair art. 12 e 13 da las directivas concernent la
procedura d'admissiun da l'uffizi per la scola populara ed il sport).
c) midada dal tip da
scola
2
Midadas dal tip da scola en il model B pon vegnir fatgas mo tenor
l'art. 12 da las directivas concernent la procedura d'admissiun.
3
Midadas dal tip da scola en il model C pon vegnir fatgas sco suonda:
a) Ina midada dal tip da scola en il model C cun nivels en ils roms
d'elecziun ubain mo en in u en dus roms obligatorics vegn fatga
analogamain al model B (vesair l'art. 12 da las directivas concernent
la procedura d'admissiun).
b) Ina midada dal tip da scola en il model C1 po vegnir fatga mo cun
nivels en ils roms obligatorics "lingua da scola sco emprima lingua",
ina lingua estra determinada da l'instituziun responsabla per la scola
(rom obligatoric) e "matematica" (aritmetica/algebra, geometria). En
in stgalim secundar I rumantsch al cunfin linguistic po l'inspecturat
da scola – sin dumonda da l'instituziun responsabla per la scola – er
permetter ina cumbinaziun da roms cun duas linguas (almain ina da
quellas è ina lingua chantunala) e cun matematica (aritmetica/algebra, geometria).
c) Tar il model C1 èsi pussaivel da midar il tip da scola a la fin da la 1.
ed a la fin da la 2. classa reala resp. secundara. Il tip da scola che
vegn frequentà durant il 9. onn da scola è decisiv per determinar,
sch'ina scolara u in scolar banduna il stgalim secundar I sco scolara
u scolar real ubain sco scolara u scolar secundar.
d) Il tip da scola po vegnir midà da la scola reala a la scola secundara
– resguardond il giudicament general – mo, sche las scolaras ed ils
scolars pertutgads èn vegnids instruids almain durant in semester
en dus u en dapli roms dal nivel II ch'èn relevants per ina midada dal
tip da scola.
e) Il tip da scola po vegnir midà da la scola secundara a la scola reala
– resguardond il giudicament general – mo, sche las scolaras ed ils
scolars pertutgads èn vegnids instruids almain durant in semester
en dus u en dapli roms dal nivel I ch'èn relevants per ina midada dal
tip da scola.
Art. 8
Tar roms obligatorics che vegnan instruids en nivels pon resultar
puncts minus, che han in effect per la promoziun, mo dal nivel I. Dal
rest valan las disposiziuns da promoziun.
d) permeabilitad e
promoziun
Art. 9
Sch'ina instituziun responsabla per la scola cumenza cun l'instrucziun
da nivel (en il senn dal model C), sto el porscher quella a las classas
pertutgadas durant l'entir stgalim secundar I (2 u 3 nivels ed er cumbinaziuns da models).
e) cundiziuns da basa
davart l'instrucziun
da nivel
4
Art. 10
1
L'assegnaziun da nivel en il model C al cumenzament u en il decurs
da l'emprim semester sco er ina midada da nivel sto vegnir fatga da la
persuna d'instrucziun da classa suenter avair consultà las ulteriuras
persunas d'instrucziun, las scolaras ed ils scolars pertutgads sco er las
persunas cun la pussanza dals geniturs.
f) dretgs da las
persunas cun la
pussanza dals
geniturs
2
Ina correctura da l'assegnaziun durant l'emprim semester da la
1. classa reala resp. classa secundara vegn fatga tenor l'art. 12 al. 4
resp. tenor l'art. 13 da las directivas concernent la procedura
d'admissiun.
3
Tenor l'art. 6 al. 2 da las directivas concernent la procedura d'admissiun èsi tar il model B pussaivel da midar il tip da scola a la fin da la
1. classa reala. Ina midada dal tip da scola resp. ina repetiziun da la
classa succedan tenor l'art. 12 al. 5 da las directivas concernent la
procedura d'admissiun a la fin da la 1. classa secundara, e quai suenter avair consultà las persunas cun la pussanza dals geniturs; la decisiun da nunpromoziun e la decisiun d'assegnaziun ston vegnir communitgadas en scrit a las persunas cun la pussanza dals geniturs 20 dis
avant la fin da la scola.
4
Midadas dal tip da scola en il model C1 a la fin da la 1. ed a la fin da
la 2. classa reala resp. secundara vegnan fatgas da las persunas d'instrucziun suenter avair consultà las scolaras ed ils scolars respectivs
sco er lur persunas cun la pussanza dals geniturs.
Art. 11
1
Davart recurs concernent l'assegnaziun da nivel e concernent la
midada da nivel sin il stgalim secundar I decida definitivamain
l'instituziun ch'è responsabla per la scola .
Recurs
2
Davart recurs cunter ina decisiun concernent la midada dal tip da
scola en il model C1 decida l'inspecturat districtual.
Art. 12
Questas directivas entran en vigur il 1. d'avust 2013.
Entrada en vigur