ogni nadal - Comune di San Pietro di Morubio
Transcript
ogni nadal - Comune di San Pietro di Morubio
OGNI NADAL Ogni Nadal che intona me fa sentir butina, a man tacà a me nona par nare a Messa prima: manopoline calde e scalfaroti a i piè, la neve a larghe falde, i boti iè za sonè. Taca na musicheta che ciama tuti in cesa, drento ne na cuneta ne speta na sorpresa: tra paje e lini in tondo sluse on Gesù Bambin che benedisse el mondo co in alto el so deolin. Sul vel de la Madona se spèja la cometa, da i oci de la nona spunta na lagrimeta. Mi sento tanto amore pa ’l Fantolin de oro e me lo strenzo in core come el pi bel tesoro. Lucia Beltrame Menini