La Quotidiana 06.09.2013
Transcript
La Quotidiana 06.09.2013
6 SURSELVA VENDERDI, ILS 6 DA SETTEMBER 2013 ■ BALLAPEI La victoria a casa maunca aunc (anr/gv) La mesjamna sera ha Schluein Glion era spiars il secund giug da secunda ligia giugaus a casa. En in giug ulivau ha Montlingen sittau ella 17avla minuta il sulet gol dil giug. Fabian Wüst ha surpriu ina flanca cul tgau e marcau. Suenter quei gol han ils Songaglies dominau la partida tochen pausa. Ella secunda mesadad ei Schluein Glion vegnius meglier el giug, ha denton buca giu bia pusseivladads da sittar gols. Ella 79avla minuta havess Luca Vinzens giu la pusseivladad da marcar igl 1:1 sin penalti. Il goli da Montlingen ha denton teniu. Sonda gioga Schluein Glion il tierz giug da casa encunter Triesenberg. Quei giug entscheiva la sera allas 19.00 Schluein – Montlingen 2. ligia, gruppa 1 1. Diepoldsau 2. Schaan 3. Domat 4. Arbon 5. Weesen 6. Montlingen 7. Schluein Glion 8. Rorschach 9. Goldach 10. Steinach 11. Rebstein 12. Triesenberg 3 3 3 3 3 3 1 3 3 3 3 3 0:1 3 2 2 2 2 2 0 1 0 0 0 0 0 1 1 1 1 0 2 0 1 1 0 0 0 0 0 0 0 1 2 2 2 3 3 6: 3 5: 3 6: 2 9: 2 4: 0 4: 5 5: 3 5: 7 3: 6 4: 7 2:10 1: 6 9 7 7 7 7 6 3 3 1 1 0 0 Giugs dalla fin d’jamna 2. ligia, gruppa 1 Schluein Glion – Triesenberg Rebstein – Domat sonda, 19.00 dumengia, 14.30 4. ligia, gruppa 2 Sevelen – Panaduz Trübbach – Sargans Danis-Tavanasa – Flums Trun/Raibus – Val Tamina Lumnezia – Val sonda, 17.00 dumengia, 14.00 dumengia, 15.00 dumengia, 15.00 dumengia, 15.00 5. ligia, gruppa 1 Laax – Rueun Schluein Glion – Bogn Ragaz Union Trin – Trun/Rabius Vaz-sut – Sedrun/Mustér Danis-Tavanasa – Lumnezia venderdis, 20.30 sonda, 17.00 sonda, 17.00 sonda, 19.00 sonda, 19.30 Juniors A2, gruppa 1 Bogn Ragaz – Surselva Landquart – Domat dumengia, 14.00 dumengia, 14.00 Juniors B2, gruppa 1 Team Cadi – Domat Schlarigna – Surselva Lai/Valbella – Landquart sonda, 13.00 sonda, 16.00 dumengia, 14.00 Juniors C1, gruppa 1 Schlarigna – Diepoldsau Domat – Surselva sonda, 14.00 sonda, 16.00 Juniors D9 elita, gruppa 1 Surselva – Vaduz Grischun – Rapperswil-Jona In di da sport cul campiun mundial sonda, 11.00 sonda, 11.00 Scolars da Wädenswil han passentau in di cun Carlo Janka Seniors meister, gruppa 1 Cuera 97 – Team Surselva venderdis, 19.00 240 juniors ein separticipai agl emprem turnier da qualificaziun dil Cup dalla Banca cantunala a Vella. MAD 240 juniors a Bual Turnier da ballapei dalla Banca cantunala a Vella ■ (anr/gv) La davosa fin d’jamna ha igl emprem turnier da qualificaziun dil cup da ballapei dalla Banca cantunala pils juniors F giu liug a Vella. Il Club da ballapei Lumnezia ha organisau il turnier ed ha beneventau 34 equipas cun 240 giugadurs. Las equipas qualificadas separticipeschan al final che ha liug la fin da matg ed entschatta zercladur 2014 a Do- mat. Las equipas da Cuera han dominau igl emprem turnier e gudignau en quater dallas siat gruppas. Ils juniors da Lusitanos da Samedan e Domat han gudignau en duas ulteriuras gruppas. En gruppa quater han l’equipa lumneziana e Schluein sco era Domat gudignau treis dils quater giugs. Schluein ha occupau igl emprem plaz culla megliera relaziun da gols. Carlo Janka ha passentau in di da sport culs affons dalla scola superiura da Wädenswil. ■ (anr/gv) 29 scolars dalla scola superiura da Wädenswil han passentau ier in di da sport cun Carlo Janka. La vischnaunca al Lag da Turitg posseda a Sursaissa ina casa da vacanzas ella vischinonza dalla casa paterna dil skiunz. Carlo Janka ha passentau dacuort in di a Wädenswil ed il di da sport entuorn il Parc Rufali a Sursaissa ei stada la secunda part digl eveniment organisaus da Surselva Turissem. Gia dapi onns selamentan ils turistichers ch’ils affons ella Bassa mondien buca pli cun skis sco avon onns. Per carmalar ils affons ella neiv s’engascha l’uniun cup mundial (www.weltcup.ch) dapi plirs onns e procura ch’ils affons dalla Bassa hagien la caschun dad ir cun skis e fa quei ensemen cun Swiss Ski, cun Turissem Svizra ed igl Uffeci federal da sport. Surselva Turis- sem ha nezegiau la caschun da duvrar Carlo Janka sco ambassadur per il sport da skis. Sco Roland Huber, il directur da Surselva Turissem, ha detg, hagi l’organisaziun era vuliu puntuar cun quella caschun la tradiziun dils camps da vacanzas. A Sursaissa existan plirs camps da vacanzas en possess da vischnauncas dalla Bassa. Martin Lampert ei in dils scolasts che ha accumpignau ils scolars da Wädenswil a Sursaissa. El hagi accumpignau 17 onns ils affons el camp da skis, ha el detg e refusau las resalvas fatgas savens ch’ils scolasts hagien breigia da tener a mistregn ils scolars. Sco el ha puntuau vegni il camp da vacanzas organisaus duront las vacanzas e consequentamein seigi quel facultativs. Ils affons derivonts da tiaras jastras frequentien buca schi savens ils camps. FOTO G. VENZIN Pista Carlo Janka Il skiunz da Sursaissa ha passentau il di culs scolars cuort suenter ch’el ei staus ell’America dil sid el trenament da stad sin neiv. Sco el ha detg all’anr seigi il trenament sesplegaus senza incaps ed el seigi da buna speronza ch’ei reusseschi ella sesiun proxima. El ha denton era concediu ch’in bien trenament seigi buca la garanzia pil success. Ussa suondan treis jamnas trenament da schetg ed allura in ulteriur trenament sils glatschers dil Valleis avon che la sesiun va liber a Sölden ell’Austria. Surselva Turissem respectiv Sursaissa preveda in ulteriur engaschi cun Carlo Janka e planisescha in «Carlo Janka Kids Camp Surselva». Per la sesiun proxima datti a Sursaissa ina pista «Carlo Janka». Cun in trenader professiunal Junioras da ballareit da Glion en trenament da prestaziun ■ (anr/gv) L’equipa da ballareit U17 dallas buobas da Volley Surselva cul trenader Roman Cantieni han dominau il campiunadi vargau ella secunda categoria da fermezia. Ellas han gudignau tut ils 21 giugs e san consequentamein giugar il proxim campiunadi ella emprema classa da fermezia. Gia dapi liung temps havessen las giugaduras talentadas trenau bugen duas ga ad jamna. Quei ei denton buca stau pusseivel muort munconza da trenaders qualificai. Roman Cantieni ch’ei ina dallas petgas enteifer l’uniun Volley Surselva ha contactau il center da prestaziun da ballareit a Cuera. Quei center ei vegnius aviarts igl onn vargau e porscha sis trenaments ad jamna. Quater da quels ston ils participonts absolver. Tenor cunvegna denter il center da prestaziun e Surselva Volley succeda in dils sis trenaments a Glion e l’entira equipa dallas buobas U17 separticipescha a quel. Quater giugaduras sursilvanas ein era commembras dil cader grischun e treneschan quater ga ad jamna. Il gliendisdis ei il trenader Swen Mallschützke vegnius a Glion per absolver igl emprem trenament. Il trenader cun ragischs ell’Africa deriva dalla Tiaratudestga. In turnier per la clientella ■ (anr) La Banca Raiffeisen ha envidau dacuort la clientella dallas Bancas Cadi, Tumpiv e Surselva alla dieschavla ediziun dalla Trofea Surselva Golf. Ils participonts han giugau duas rundas sil plaz da nov ruosnas ed reclama han giu persuenter cundiziuns iealas. Marcella Caviezel ed Angelo Caviezel dil Club da golf Breil ein ils victurs brutto ed Anita Cavelti ed Angelo Caviezel ein ils victurs netto. Agnes Foppa dil Club da golf Domat ei la victura «nearest to the pin». Rangaziun Die Evang.-Reformierte Kirchgemeinde Castrisch/Riein/Sevgein sucht eine Person für Victurs brutto: Marcella Caviezel, Angelo Caviezel, omisdus Club da golf Breil Beginn nach Vereinbarung. Damas netto: 1. Anita Cavelti, Breil, 2. Martina Strauss, Breil, 3. Marcella Caviezel, Breil, 4. Elsbeth Schwendener, Waldkirch. Reinigung der Kirche in Castrisch Interessierte melden sich beim Präsidenten Jakob Caviezel, Telefon 081 925 21 49 Umens netto: 1. Angelo Caviezel, Breil, 2. Urs Welti, ASGI; 3. Robert Schmid, Breil e Franz Decurtins, Sedrun. L’equipa da ballareit U17 da Volley Surselva trenescha ina ga ad jamna cun in trenader professiunal. Davos da seniester: Swen Mallschützke, Ulas Delek, Selina Camenisch, Nina Gallmann, Saskia Caduff e Roman Cantieni. Davon: Laura Giorgio, Arta Ljimani, Andrina FOTO G. VENZIN Tuor, Andrina Carigiet e Madleina Vieli.