konekshon nobo di awa i elektrisidat
Transcript
konekshon nobo di awa i elektrisidat
PETISHON PA UN KONEKSHON NOBO Un di e asuntunan ku bo mester regla ora bo ta bai konstruí un kas ta konekshon di awa i koriente. Den hopi kaso, ora ta konstruí un kas, interesadonan ta pidi promé un konekshon nobo di awa i mas despues un konekshon nobo di koriente. P'esei nos ta trata den e foyeto akí petishon pa awa i petishon pa koriente apart. Konekshon nobo di awa Yena un formulario di petishon Pa pidi un konekshon nobo di awa mester yena i firma promé un formulario di petishon pa suministro di awa. E formulario ta optenibel na tur ofisina di servisio di Aqualectra. Kòrda nota tambe e adrès i number di telefòn kaminda por drenta den kontakto ku bo, den kaso di eventual pregunta òf problema. Entregá e dokumentonan korekto Pa por start e proseso di petishon, bo mester entregá e siguiente dokumentonan na e bali di informashon di Aqualectra: • un formulario di petishon pa entrega di awa kompletamente yená i firmá; • kopia di un dokumento di identifikashon bálido (sédula, pasaporte òf reibeweis); • un skèts komprendibel di e lugá kaminda e tereno ta situá, di moda ku nos por haña e lugá fásil (menshoná por lo ménos 2 kaya i number di e parsela mas serka), i indiká riba e skèts kaminda bo ke pa e meter di awa bini. Pero, den sierto kaso tin eksigensha èkstra. Si ta trata di un konekshon pa un edifisio di hür: doño di e edifisio tambe mester firma e petishon pa konekshon i bo mester entregá e kopia di e kòntrakt di hür ku bo a firma. Si ta trata di un konekshon pa un empresa: bo mester entregá ademas un sertifikado di inskripshon na Kámara di Komèrsio. Si bo no ta residente di Antianan Hulandes: bo mester entregá ademas un papel ku ta proba ku bo por kumpli ku e obligashonnan mensual ku bo tin ku nos empresa (por ehèmpel un outorisashon na banko pa pago outomátiko). Si bo ta menor di edat (ke men bo no a kumpli 18 aña): bo no por haña konekshon di awa ni koriente na bo nòmber, a ménos ku bo ta kasá. Den e último kaso, pues si bo ta kasá, bo mester bini ademas ku kopia di bo buki di kasamentu. Ora bo entregá e dokumentonan en kuestion, bo ta risibí di nos un kopia di e formulario di petishon ku bo a yena i firma. Un bòrchi na bo parsela Pa evitá retraso innesesario, ta rekomendabel pa na bo parsela bo indiká di un manera bon kla e number di kas òf di kavel i pone riba e tereno tambe un bòrchi na e lugá kaminda bo ta deseá e konekshon di awa. Por skirbi riba e bòrchi: “AWA AKI”. Gastu di konekshon Si e konekshon ku bo ta deseá ta ménos ku 10 meter for di e ret eksistente di pipa di gobièrnu, ta realisá e konekshon sin kobra bo nada. Pero si resultá ku mester ekstendé e ret ku 10 òf mas meter pa realisá e konekshon, lo kobra bo parti di e gastunan en kuestion. Si bo mester paga gastu di konekshon, nos lo informá bo por eskrito kuantu e gastunan ta. Konekshon Despues ku bo risibí nos karta, bo por bin paga serka nos e gastunan di konekshon. Ora bai paga mester bai ku e karta ya menshoná i entreg’é na un di nos balinan di informashon. Na bali bo ta risibí un kuenta ku e suma total di gastu di konekshon. Bo por paga e suma akí na un di nos kahanan. Ku e resibu ku bo haña, bo tin ku bolbe bai e mesun bali di informashon, pa mustra Karchi di kùr bo resibu i pa nan duna enkargo pa realisá e konekshon na bo parsela. Aqualectra ta hasi su máksimo esfuerso pa konektá e parsela na e ret di distribushon di awa denter di 15 dia di trabou despues di pago di e gastunan di konekshon. Si bo no tin ku paga gastu di konekshon, Aqualectra ta realisá e konekshon en prinsipio denter di 15 dia di trabou despues di entrega di e petishon en kuestion. Konekshon nobo di koriente Laga un instaladó rekonosí hasié Promé ku bo entregá un petishon pa un konekshon nobo di koriente, bo mester laga un instaladó rekonosí pone bo instalashon eléktriko. Na nos ofisinanan di servisio tin un lista optenibel di tur e instaladónan rekonosí di Kòrsou. Bo instaladó sa ku, despues ku e pone e instalashon, e mester laga kùr e instalashon. Pa laga hasi esei, e mester entregá Aqualectra un karchi di kùr, huntu ku un skèts di e instalashon. Formulario di petishon awa i koriente nos ta partisipá bo por eskrito, ku bo por entregá bo petishon pa konekshon. Den e karta ta poné tambe kuantu bo mester paga na depósito i na gastu di konekshon. Kùrmentu di bo instalashon Un keurmeester di D.O.W. ta kùr e instalashon eléktriko den presensia di un trahadó di Aqualectra. Nos departamentu tékniko ta kontrolá e punto di konekshon i e posibilidat di suministro di koriente na e konekshon deseá. Si kùr e bon, bo ta risibí di e instaladó un karchi ku a kùr e instalashon bon. Ku e karchi akí e instaladó ta duna su aprobashon pa e konekshon. Te 1 aña despues ku a kùr e instalashon, e instaladó ta keda responsabel pa e instalashon eléktriko. Entrega di bo petishon Despues ku D.O.W. kùr bo instalashon, Pa por start e proseso di petishon, bo mester entregá e siguiente dokumentonan na un di e balinan di informashon di Aqualectra: • un formulario di petishon pa entrega di koriente kompletamente yená i firmá (e formulario akí ta optenibel na tur nos ofisinanan di servisio); • kopia di un dokumento di identifikashon bálido (sédula, pasaporte òf reibeweis); • un prueba ku D.O.W. a kùr e instalashon eléktriko bon: e karchi di kùr; • e karta ku nos a manda pa bo, den kua nos ta menshoná e depósito ku mester paga i e gastunan di konekshon. Den kaso di petishon pa un konekshon nobo di koriente e mesun eksigenshanan èkstra pa un konekshon nobo di awa ta konta pa e konekshon nobo di koriente (mira aki dilanti). Pago di depósito i di gastu di konekshon E kolaboradó na bali di informashon ta entregá bo un kuenta ku e suma total ku bo mester paga pa depósito i gastu di konekshon. Mester paga e suma en kuestion na un di nos kahanan. Ku e resibu ku bo haña, bo tin ku bolbe bai e mesun bali di informashon, kaminda e kolaboradó lo entregá bo un kopia di bo formulario di petishon. Aqualectra ta hasi su máksimo esfuerso pa konektá e parsela na e ret di distribushon di koriente denter di 15 dia di trabou despues di pago di e gastunan di konekshon. Pa mas informashon Si bo tin mas pregunta tokante bo konekshon di awa i koriente, bo por tuma kontakto ku nos Departamentu Tékniko-Komersial telefòn number: 4632305 of 4632274 durante oranan di ofisina. Lugá di bo konekshon En prinsipio bo mes por disidí unda bo ke bo konekshon di awa i koriente, ounke en todo kaso bo mester konsultá nos Departamento Tékniko pa esaki. Bo mester tene kuenta ku mas leu e konekshon ta di e ret di distribushon, mas haltu e gastunan di konekshon ta. Un kondishon importante ta ku tur konekshon di awa i koriente mester ta den òf pegá ku un nes (un konstrukshon di betòn) ku mester konstruí na rant di e tereno pegá ku kaminda. Serka nos por pidi un skèts di un nes, ku e midínan eksakto ku e mester kumpli kuné. Unda por lokalisá bo Kòrda nota riba e formulario di petishon semper bon kla unda por lokalisá bo (bo adrès, number di telefòn, number di selular). Asina ta evitá tardansa innesesario. Gastu Altura di e depósito pa konekshon eléktriko ta dependé di e potensia eléktriko ku bo ta deseá. Por ehèmpel: • e depósito pa un konekshon ku ta usa solamente pa iluminashon (i ta konsumí ménos ku 1,5 KVA) ta generalmente NAf. 75,--; • e depósito pa un instalashon ekstenso (3 fase) ta mínimo NAf. 175,-- (si e ta konsumí entre 1,5 KVA i 4 KVA), pero e montante por ta mas, dependiendo di e potensia deseá. Altura di e gastunan di konekshon ta dependé di e trabounan ku mester hasi pa realisá e gastunan di konekshon. Den kaso di un konekshon normal pa kas, kaminda no tin ku koba, e gastunan di konekshon ta NAf. 450,--. N.B. E montantenan menshoná ta suheto na kambio. Kondishonnan General Na tur momento por pidi nos Departamentu di Relashon Públiko e Kondishonnan General di Aqualectra pa suministro di awa di bebe i energia eléktriko. Ofisina prinsipal i ofisina di servisio • Aqualectra Distribution Otrabanda Pater Euwensweg 1 P.O. Box 230 Telefòn: 463-2000 Faks: 463-2228 Ora di servisio na bali: djaluna te ku djabièrnè: 8.00 - 15.00 or Ora di kaha: djaluna te ku djabièrnè: 8.00 - 18:00 or Ofisinanan di servisio • Aqualectra Distribution Sta. Rosa Sta. Rosaweg 94 (edifisio di Paseata) Telefòn: 767-8851 Faks: 767-8859 Ora di servisio: djaluna te ku djabièrnè: 8.00 - 15.00 or • Aqualectra Distribution Sta. Maria Jan Noorduynweg (sentro komersial) Telefòn: 869-3523 Faks: 869-3512 Ora di servisio: djaluna te ku djabièrnè: 8.00 - 15.00 or • Aqualectra Distribution Barber Barber 106 Telefòn: 864-1308 Faks: 864-1305 Ora di servisio: djaluna te ku djabièrnè: 8.00 - 12.00 or . 12.30 - 15.00 or Numbernan importante • Number pa interupshon telefòn: 0800-0135 (24 ora pa dia na warda) • Informashon riba kuenta: telefòn: 463-2328 òf 463-2329 • Departamento Relashonnan Públiko telefòn: 462-5968